ٹیگ کے محفوظات: قطرہ

اب تا بہ کےَ خرَد کا تماشہ دِکھائی دے

مئی 20, 2021ضامن جعفری،غزلقطرہ،لمحہ،چہرہ،پردہ،تماشہ،رستہadmin

اے جذب! اے جنوں! کوئی جلوہ دِکھائی دے

اب تا بہ کےَ خرَد کا تماشہ دِکھائی دے

ہر شخص ہے تصوّرِ منزل لیے ہُوئے

منزل تو جب مِلے کوئی رستہ دِکھائی دے

مُڑ مُڑ کے دیکھتا ہُوں سرِ ریگزارِ دشت

شاید غبار میں کوئی چہرہ دِکھائی دے

پردہ تو امتحانِ نظر کا ہے ایک نام

بینا ہے وہ جسے پسِ پردہ دِکھائی دے

عہدِ شباب جانے کب آ کر نکل گیا

ہم منتظر رہے کہ وہ لمحہ دِکھائی دے

ضامنؔ سرشکِ غم میں ہے ماضی کی آب و تاب

یادیں مجھے، زمانے کو قطرہ دِکھائی دے

ضامن جعفری

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

درد دل مانگ کے پھر کیا مانگیں

جنوری 8, 1972باقی صدیقی،شعراء،غزلقطرہ،کیا،بینا،تمنا،تماشا،رستہ،سایہ،صحراadmin

باقی صدیقی ۔ غزل نمبر 118

موج ہاتھ آئے تو دریا مانگیں

درد دل مانگ کے پھر کیا مانگیں

کیا ملا انجمن آرائی سے

کیسے تنہائی سے رستہ مانگیں

دست کوتاہ نہیں دست طلب

مانگنے والوں سے ہم کیا مانگیں

دل کو غم ہائے جہاں سے فرصت

تجھ سے کیا تیری تمنا مانگیں

کس قدر تاب نظر ہے کس کو

کس لئے دیدہ بینا مانگیں

شہر کا شہر کڑی دھوپ میں ہے

کس کی دیوار سے سایہ مانگیں

کبھی قطرے کو بحسرت دیکھیں

کبھی دریا سے نہ قطرہ مانگیں

کبھی اک ذرے میں گم ہو جائیں

کبھی ہم وسعت صحرا مانگیں

تاب نظارا نہیں ہے باقیؔ

پھر بھی ہم طرفہ تماشا مانگیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔