ٹیگ کے محفوظات: فاصلے

کس درجہ سست گام ہیں پھولوں کے قافلے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلفیصلے،فاصلے،قافلے،ملے،مرحلے،چلے،وَلولے،ڈھلے،کھلے،پَلے،جلے،زلزلے،سلسلےadmin

بعد از خزاں بھی خشک بگولوں کے سلسلے

کس درجہ سست گام ہیں پھولوں کے قافلے

کیوں کر بڑھائیں ربط کسی اجنبی کے ساتھ

ساتھی تھے عمر بھر کے جو غیروں سے جا ملے

جو کائناتِ درد سے مانوس ہی نہیں

وہ کر رہے ہیں پیار کی دنیا کے فیصلے

اے پیکرِ غرور کہ ہم بھی ہیں بااصول

طے ہوسکیں گے کیا یہ پُراَسرار فاصلے

ایثار کے دیار سے نفرت کے شہر تک

ہیں کس قدر طویل محبت کے سلسلے

افسانہِ بہار پھر ان کی زبان سے

خوشبو اُڑی، نسیم چلی، پھول سے کھلے

گہنا گئے بوقتِ سَحر دل کے وَلولے

کیا کچھ نہ حال ہو گا اُمنگوں کا، دن ڈھلے

تیری شبیہ کا ہے خلاؤں میں رقص پھر

محرابِ زندگی میں ہزاروں دیے جلے

اُس کو یقین کیا دلِ اخلاص کِیش کا

مایوسیوں کی گود میں جو زندگی پَلے

آساں بنا رہا تھا جنھیں احتیاط سے

دشوار ہو گئے وہی نازک سے مرحلے

آئے تھے وہ وفا کی نمایش کے واسطے

میرے تعلّقات کو آلودہ کر چلے

مسمار ہو سکے نہ گھروندے وفاؤں کے

آتے رہے پیار کی بستی میں زلزلے

شعلوں کے رنگ میں، کہیں شبنم کے روپ میں

منظوم ہیں، شکیبؔ، مرے دل کے وَلولے

شکیب جلالی

بہاروں میں اب کی نئے گل کھلے

اگست 4, 2018ناصر کاظمی،برگِ نے،غزلفاصلے،قافلے،ملے،کھلے،گلے،صلےadmin

نہ آنکھیں ہی برسیں نہ تم ہی ملے

بہاروں میں اب کی نئے گل کھلے

نہ جانے کہاں لے گئے قافلے

مسافر بڑی دور جا کر ملے

وہی وقت کی قید ہے درمیاں

وہی منزلیں اور وہی فاصلے

جہاں کوئی بستی نظر آ گئی

وہیں رُک گئے اجنبی قافلے

تمھیں دل گرفتہ نہیں دوستو

ہمیں بھی زمانے سے ہیں کچھ گلے

ہمیں بھی کریں یاد اہلِ چمن

چمن میں اگر کوئی غنچہ کھلے

ابھی اور کتنی ہے میعادِ غم

کہاں تک ملیں گے وفا کے صلے

ناصر کاظمی

مرے اعمال کا سارا نتیجہ سامنے تھا

جولائی 24, 2018چمن کوئی بھی ہو،باصر کاظمی،غزلفاصلے،نے،کسے،سامنے،طےadmin

صریحاَ روزِ محشر کا سا نقشہ اُس سمے تھا

مرے اعمال کا سارا نتیجہ سامنے تھا

جدا تھے راستے منزل اگرچہ ایک ہی تھی

کہانی وصل کی عنوان جس کا فاصلے تھا

کھلاڑی مجھ سے بہتر بیسیوں پیدا ہوئے ہیں

مگر شطرنج سے جو عِشق مجھ کو تھا کِسے تھا

دیا تھا اختیارِ انتخاب اُس نے مجھے سب

مجھے معلوم ہے پہلے سے تو کچھ بھی نہ طے تھا

بصارت اور سَماعت کے لیے کیا کچھ نہ تھا پر

الگ ہر رنگ ہر آواز سے اِک بَرگِ نَے تھا

باصر کاظمی

دشت دشت گھومیے آبلے شکاریے

جولائی 23, 2018افتخار فلک،اذیت،غزلہانکیے،فاصلے،کے،آئیے،آبلے،ذائقےadmin

استخارہ کیجیے راستے شکاریے

دشت دشت گھومیے آبلے شکاریے

دل پہ حکمرانی کا ایک ہی طریقہ ہے

مسکرا کے ماریے، مار کے شکاریے

روک ٹوک ہوتی ہے، روک ٹوک چھوڑیے

ہونٹ کاٹ کھائیے، ذائقے شکاریے

احترام کاہے کا، احتیاط کس لیے؟

خودغرض خداؤں کو ہانکیے، شکاریے

جانے کتنے سال سے منتظر ہوں باخدا

ہاتھ پاؤں باندھیے، آئیے شکاریے!!

کوئی فائدہ نہیں حجتی! لڑائی کا

بحث کو سمیٹیے! فاصلے شکاریے

افتخار فلک

فاصلے

نومبر 14, 2014پروین شاکر،آزاد نظمفاصلےadmin

چند خط روز لِکھا کرتے تھے

دُوسرے تیسرے ، تم فون بھی کر لیتے تھے

اور اب یہ ، کہ تمھاری خبریں

صرف اخبار سے مل پاتی ہیں

پروین شاکر

عرصہ گزر گیا ہے کسی سے ملے ہوئے

دسمبر 1, 2007منصور آفاق،شعراء،غزلفاصلے،ملے،گلے،داخلے،سلسلےadmin

منصور آفاق ۔ غزل نمبر 504

شاخِ بدن پہ کوئی تعلق کھلے ہوئے

عرصہ گزر گیا ہے کسی سے ملے ہوئے

میں کیا کروں کہ مجلسِ دل میں تمام رات

تیری شکایتیں ہوئیں تیرے گلے ہوئے

میں نے مقامِ طور پہ دیکھا خود اپنا نور

صبحِ شعورِ ذات کے کچھ سلسلے ہوئے

پہلے ہی کم تھیں قیس پہ صحرا کی وسعتیں

ہجراں کے مدرسے میں نئے داخلے ہوئے

منصور دو دلوں کی قرابت کے باوجود

اپنے گھروں کے بیچ بڑے فاصلے ہوئے

منصور آفاق

سخن سرا کا نیا سفر

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: فاصلے

کس درجہ سست گام ہیں پھولوں کے قافلے

بہاروں میں اب کی نئے گل کھلے

مرے اعمال کا سارا نتیجہ سامنے تھا

دشت دشت گھومیے آبلے شکاریے

فاصلے

عرصہ گزر گیا ہے کسی سے ملے ہوئے

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: