ٹیگ کے محفوظات: علاج

صبا بھی پُوچھنے آئی مزاج کانٹوں کا

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلمزاج،آج،تاج،رواج،علاجadmin

ہُوا جو صحنِ گلستاں میں راج کانٹوں کا

صبا بھی پُوچھنے آئی مزاج کانٹوں کا

کہو تو زخمِ رگِ گُل کا تذکرہ چھیڑیں

کہ زیرِ بحث ہے کردار آج کانٹوں کا

ہم اپنے چاکِ قبا کو رفُو تو کر لیتے

مگر وہی ہے ابھی تک مزاج، کانٹوں کا

چمن سے اُٹھ گئی رسمِ بہار ہی شاید

کہ دل پہ بار نہیں ہے، رواج کانٹوں کا

درِ قفس پہ، اُسی کے گلے کا ہار تھے پُھول

جسے مِلا ہے گلستاں سے تاج کانٹوں کا

لگی ہے مُہر خراشوں کی دیدہ و دل پر

شکیبؔ! کوئی کرے کیا عِلاج کانٹوں کا

شکیب جلالی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اچھاّ اگر نہ ہو تو مسیحا کا کیا علاج

اکتوبر 8, 2015مرزا اسد اللہ خان غالب،اساتذہ،غزلعلاجadmin

دیوانِ غالب ۔ غزل نمبر 12

لو ہم مریضِ عشق کے بیماردار ہیں

اچھاّ اگر نہ ہو تو مسیحا کا کیا علاج!!

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایک مدت سے وہ مزاج نہیں

اکتوبر 6, 2015میر تقی میر،اساتذہ،غزلمزاج،احتیاج،رواج،علاجadmin

دیوان اول غزل 285

بے کلی بے خودی کچھ آج نہیں

ایک مدت سے وہ مزاج نہیں

درد اگر یہ ہے تو مجھے بس ہے

اب دوا کی کچھ احتیاج نہیں

ہم نے اپنی سی کی بہت لیکن

مرض عشق کا علاج نہیں

شہر خوبی کو خوب دیکھا میر

جنس دل کا کہیں رواج نہیں

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔