ٹیگ کے محفوظات: عدن

ہم عجب پھول ترے صحنِ چمن سے نکلے

دسمبر 1, 2007منصور آفاق،شعراء،غزلفگن،چمن،وطن،کفن،گھٹن،پھن،بدن،سخن،عدنadmin

منصور آفاق ۔ غزل نمبر 559

اوس سے اخذ ہوئے، پہلی کرن سے نکلے

ہم عجب پھول ترے صحنِ چمن سے نکلے

ہم نے اس کے گل و گلزار سے کیا لینا ہے

اپنے اجداد تھے جس باغِ عدن سے نکلے

رات بھر قوسِ قزح پھیلی رہی کمرے میں

رنگ کیا کیا تری خوشبوئے بدن سے نکلے

دیکھ اے دیدئہ عبرت مرے چہرے کی طرف

ایسے وہ ہوتا ہے جو اپنے وطن سے نکلے

سائباں دھوپ کے ہی صرف نہیں وحشت میں

درد کے پیڑ بھی کچھ سایہ فگن سے نکلے

بستیاں ہیں مری، ماضی کے کھنڈر پر آباد

ذہن کیسے بھلا آسیبِ کہن سے نکلے

فوج اب ختم کرے اپنا سیاسی کردار

یہ مرا ملک خداداد گھٹن سے نکلے

یوں جہنم کو بیاں کرتے ہیں کرنے والے

جیسے پھنکار لپکتے ہوئے پھن سے نکلے

تیرے اشعار تغزل سے ہیں خالی منصور

ہم سخن فہم تری بزم سخن سے نکلے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ سوچتے نہیں ہیں کفن بیچتے ہوئے

دسمبر 1, 2007منصور آفاق،شعراء،غزلچمن،کفن،بدن،سمن،سخن،عدنadmin

منصور آفاق ۔ غزل نمبر 510

یہ بے ضمیر قوم و وطن بیچتے ہوئے

کچھ سوچتے نہیں ہیں کفن بیچتے ہوئے

کچھ دیکھتے کہاں ہیں یہ سوداگرانِ خاک

دریا، پرند، برگ و سمن بیچتے ہوئے

گنتے ہیں غیر ملکی کرنسی کے صرف نوٹ

حکام بیٹیوں کے بدن بیچتے ہوئے

خوش ہیں امیر شہر محلات میں بہت

ابلیس کو دیارِ عدن بیچتے ہوئے

اس عہدِ زر پرست کی آواز بن گئے

اپنے قلم کو اہلِ سخن بیچتے ہوئے

ہیں اہتمامِ رقصِ طوائف میں منہمک

منصور باغبان چمن بیچتے ہوئے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔