ٹیگ کے محفوظات: صلے

بھُلا ہی دیں گے اگر دل میں کچھ گِلے ہوئے بھی

مئی 30, 2021عرفان ستار،غزلہلے،قافلے،کھلے،گلے،سلے،سلسلے،صلےadmin

اب آ بھی جاؤ ، بہت دن ہوئے مِلے ہوئے بھی

بھُلا ہی دیں گے اگر دل میں کچھ گِلے ہوئے بھی

ہماری راہ الگ ہے، ہمارے خواب جُدا

ہم اُن کے ساتھ نہ ہوں گے، جو قافلے ہوئے بھی

ہجومِ شہرِ خرد میں بھی ہم سے اہلِ جنوں

الگ دِکھیں گے، گریباں جو ہوں سِلے ہوئے بھی

ہمیں نہ یاد دلاؤ ہمارے خوابِ سخن

کہ ایک عُمر ہوئے ہونٹ تک ہِلے ہوئے بھی

نظر کی، اور مناظر کی بات اپنی جگہ

ہمارے دل کے کہاں اب، جو سلسلے ہوئے بھی

یہاں ہے چاکِ قفس سے اُدھر اک اور قفس

سو ہم کو کیا، جو چمن میں ہوں گُل کھِلے ہوئے بھی

ہمیں تو اپنے اُصولوں کی جنگ جیتنی ہے

کسے غرض، جو کوئی فتح کے صِلے ہوئے بھی

عرفان ستار

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بہاروں میں اب کی نئے گل کھلے

اگست 4, 2018ناصر کاظمی،برگِ نے،غزلفاصلے،قافلے،ملے،کھلے،گلے،صلےadmin

نہ آنکھیں ہی برسیں نہ تم ہی ملے

بہاروں میں اب کی نئے گل کھلے

نہ جانے کہاں لے گئے قافلے

مسافر بڑی دور جا کر ملے

وہی وقت کی قید ہے درمیاں

وہی منزلیں اور وہی فاصلے

جہاں کوئی بستی نظر آ گئی

وہیں رُک گئے اجنبی قافلے

تمھیں دل گرفتہ نہیں دوستو

ہمیں بھی زمانے سے ہیں کچھ گلے

ہمیں بھی کریں یاد اہلِ چمن

چمن میں اگر کوئی غنچہ کھلے

ابھی اور کتنی ہے میعادِ غم

کہاں تک ملیں گے وفا کے صلے

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اس کو ڈھونڈیں تو وہ ملے بھی کہاں

اکتوبر 23, 2015Jaun Elia،جون ایلیا،شعراء،غزلملے،کھلے،گلے،سلے،سلسلے،صلےadmin

جون ایلیا ۔ غزل نمبر 88

خود سے ہم اک نفس ہلے بھی کہاں

اس کو ڈھونڈیں تو وہ ملے بھی کہاں

غم نہ ہوتا جو کھل کے مرجھاتے

غم تو یہ ہے کہ ہم کھلے بھی کہاں

خوش ہو سینے کی ان خراشوں پر

پھر تنفس کے یہ صلے بھی کہاں

آگہی نے کیا ہو چاک جسے

وہ گریباں بھلا سلے بھی کہاں

اب تامل نہ کر دلِ خود کام

روٹھ لے ، پھر یہ سلسلے بھی کہاں

آو، آپس میں کچھ گلے کر لیں

ورنہ یوں ہے کہ پھر گلے بھی کہاں

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بدوضع یاں کے لڑکے کیا خوش معاملے ہیں

اکتوبر 6, 2015میر تقی میر،اساتذہ،غزلقافلے،مساہلے،معاملے،گلے،آملے،آبلے،حوصلے،دلے،صلےadmin

دیوان دوم غزل 901

دل لے کے کیسے کیسے جھگڑے مجادلے ہیں

بدوضع یاں کے لڑکے کیا خوش معاملے ہیں

گھبرانے لگتیاں ہیں رک رک کے تن میں جانیں

کرتے ہیں جو وفائیں ان ہی کے حوصلے ہیں

کیا قدر تھی سخن کی جب یاں بھی صحبتیں تھیں

ہر بات جائزہ ہے ہر بیت پر صلے ہیں

جب کچھ تھی جہت مجھ سے تب کس سے ملتے تھے تم

اطراف کے یہ بے تہ اب تم سے آملے ہیں

تھا واجب الترحم مظلوم عشق تھا میں

اس کشتۂ ستم کو تم سے بہت گلے ہیں

سوز دروں سے کیونکر میں آگ میں نہ لوٹوں

جوں شیشۂ حبابی سب دل پر آبلے ہیں

میں جی سنبھالتا ہوں وہ ہنس کے ٹالتا ہے

یاں مشکلیں ہیں ایسی واں یہ مساہلے ہیں

اندیشہ زاد رہ کا رکھیے تو ہے مناسب

چلنے کو یاں سے اکثر تیار قافلے ہیں

پانچوں حواس گم ہیں ہر اک کے اس سمیں میں

کیا میر جی ہی تنہا ان روزوں دہ دلے ہیں

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔