ٹیگ کے محفوظات: شگوں

وہ دل کہ جس پہ اپنا بھروسا تھا خوں ہوا

اکتوبر 6, 2015میر تقی میر،اساتذہ،غزلخوں،رہنموں،زبوں،سکوں،شگوںadmin

دیوان سوم غزل 1073

اب کے جو گل کی فصل میں ہم کو جنوں ہوا

وہ دل کہ جس پہ اپنا بھروسا تھا خوں ہوا

ٹھہرا گیا ہو ٹک بھی تو تم سے بیاں کروں

آتے ہی اس کے رفتن صبر و سکوں ہوا

تھا شوق طوف تربت مجنوں مجھے بہت

اک گردباد دشت مرا رہنموں ہوا

سیلاب آگے آیا چلا جاتے دشت میں

بے اختیار رونے کا میرے شگوں ہوا

جان اس کی تیغ تیز سے رکھ کر دریغ میر

صید حرم ندان شکار زبوں ہوا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اب کے مجھے بہار سے آگے جنوں ہوا

اکتوبر 6, 2015میر تقی میر،اساتذہ،غزلفسوں،نموں،نیلگوں،جنوں،خوں،زبوں،شگوںadmin

دیوان دوم غزل 759

اندوہ و غم کے جوش سے دل رک کے خوں ہوا

اب کے مجھے بہار سے آگے جنوں ہوا

اچھا نہیں ہے رفتن رنگیں بھی اس قدر

سنیو کہ اس کی چال پر اک آدھ خوں ہوا

جی میں تھا خوب جاکے خرابے میں رویئے

سیلاب آیا آ کے چلا کیا شگوں ہوا

نخچیرگاہ عشق میں افراط صید سے

روح الامیں کا نام شکار زبوں ہوا

ہوں داغ نازکی کہ کیا تھا خیال بوس

گلبرگ سا وہ ہونٹ جو تھا نیلگوں ہوا

میں دور ہوں اگرچہ برابر ہوں خاک سے

اس رہ میں نقش پا ہی مرا رہ نموں ہوا

میر ان نے سرگذشت سنی ساری رات کو

افسانہ عاشقی کا ہماری فسوں ہوا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔