ٹیگ کے محفوظات: سن

کہاں کہاں نہ مِرے دِل نے داغ چُن کے لیے

مئی 20, 2021ضامن جعفری،غزلمکن،نن،ان،بن،دھن،سنadmin

تَرَس رہی ہے محبّت صدائے کُن کے لیے

کہاں کہاں نہ مِرے دِل نے داغ چُن کے لیے

یہ بے نیازیِ منزل ہے چشمِ حیراں کی

میں کیا رہینِ سفَر ہُوں سفَر کی دُھن کے لیے

کبھی نہ پُوچھا یہ بادِ صَبا کے جھونکوں نے

کوئی پیام اگر بھیجنا ہو اُن کے لیے

نہ پا سکا کہیِں نَشو و نُما نہالِ خلوص

نہ سازگار فضا پائی بیخ و بُن کے لیے

یہ تجربات و حوادث ہیں زینتِ قرطاس

کہیِں سے پڑھ کے لیے ہیں نہ ہم نے سُن کے لیے

نَظَر جُھکی ہی رہی پیشِ قلب و رُوح سَدا

سکونِ زیست کی خواہش بہت کی اُن کے لیے

سجی ہے انجمنِ زیست غالباً ضامنؔ

دِل و دماغ کی تکرارِ کُن مَکُن کے لیے

ضامن جعفری

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کبھی ہماری بات بھی سن

اگست 4, 2018ناصر کاظمی،برگِ نے،غزلمن،نن،جھن،دُھن،سنadmin

تنہا عیش کے خواب نہ بن

کبھی ہماری بات بھی سن

تھوڑا غم بھی اُٹھا پیارے

پھول چنے ہیں خار بھی چن

سکھ کی نیندیں سونے والے

محرومی کے راگ بھی سن

تنہائی میں تیری یاد

جیسے ایک سریلی دُھن

جیسے چاند کی ٹھنڈی لو

جیسے کرنوں کی کن من

جیسے جل پریوں کا ناچ

جیسے پائل کی جھن جھن

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو آسانی سے کھلتے ہیں بٹن اچھے نہیں ہوتے

دسمبر 1, 2007منصور آفاق،شعراء،غزلہرن،من،وطن،بٹن،بدن،سنadmin

منصور آفاق ۔ غزل نمبر 525

زیادہ بے لباسی کے سخن اچھے نہیں ہوتے

جو آسانی سے کھلتے ہیں بٹن اچھے نہیں ہوتے

کئی اجڑے ورق خوشبو پسِ ملبوس رکھتے ہیں

کئی اچھی کتابوں کے بدن اچھے نہیں ہوتے

کبھی ناموں کے پڑتے ہیں غلط اثرات قسمت پر

کبھی لوگوں کی پیدائش کے سن اچھے نہیں ہوتے

غزالوں کے لیے اپنی زمینیں ٹھیک رہتی ہیں

جو گلیوں میں نکل آئیں ہرن اچھے نہیں ہوتے

محبت کے سفر میں چھوڑ دے تقسیم خوابوں کی

کسی بھی اک بدن کے دو وطن اچھے نہیں ہوتے

بڑی خوش چہرہ خوشبو سے مراسم ٹھیک ہیں لیکن

گلابوں کے بسا اوقات من اچھے نہیں ہوتے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میری پیدائش کا لمحہ پھر اسی سن میں رکھا

دسمبر 1, 2007منصور آفاق،شعراء،غزلگردن،اوون،برتن،جوبن،سن،ساونadmin

منصور آفاق ۔ غزل نمبر 103

اس نے پہلے مارشل لاء میرے آنگن میں رکھا

میری پیدائش کا لمحہ پھر اسی سن میں رکھا

صحن میں پھیلی ہوئی ہے گوشت جلنے کی سڑاند

جیسے سینے میں نہیں کچھ اس نے اوون میں رکھا

جب سوئمنگ پول کے شفاف پانی سے ملی

آنسوئوں والا فقط اک ہار گردن میں رکھا

ہونٹ ہیٹر پہ رکھے تھے اس کی یادوں پر نہیں

تھا جہنم خیز موسم غم کے جوبن میں رکھا

سانپ کو اس نے اجازت ہی نہیں دی وصل کی

گھر کے دروازے سے باہر دودھ برتن میں رکھا

میں اسے منصور بھیجوں کس لیے چیتر کے پھول

جس نے سارا سال مجھ کو غم کے ساون میں رکھا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔