ٹیگ کے محفوظات: رولتے

عجیب شہر ہے، سب لوگ جھوٹ بولتے ہیں

مئی 30, 2021عرفان ستار،غزلڈولتے،کھولتے،ٹٹولتے،بولتے،رولتےadmin

نہ سوچتے ہیں نہ میزان_دل پہ تولتے ہیں

عجیب شہر ہے، سب لوگ جھوٹ بولتے ہیں

پرکھنے والا نہیں کوئی اے دیار_سخن

فضول ہم تری گلیوں میں لعل رولتےہیں

ہر ایک شب میں کئی بار آنکھ کھلنے پر

نجانے چونک کے پہلو میں کیا ٹٹولتے ہیں

ابدکے بعد ہے کیا، اور ازل سے قبل تھا کیا

اگر کہو تو ابھی ہم یہ راز کھولتے ہیں

وجود کیا ہے بجز اک حباب_ آب_ گماں

چلو بہ سطح_ عدم تھوڑی دیر ڈولتے ہیں

عرفان ستار

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ناخن اکھڑ گئے ہیں اسے کھولتے ہوئے

دسمبر 1, 2007منصور آفاق،شعراء،غزلڈولتے،کھولتے،گھولتے،تولتے،رولتےadmin

منصور آفاق ۔ غزل نمبر 501

دل میں پڑی کچھ ایسی گرہ بولتے ہوئے

ناخن اکھڑ گئے ہیں اسے کھولتے ہوئے

سارے نکل پڑے تھے اسی کے حساب میں

بچوں کی طرح رو پڑی دکھ تولتے ہوئے

میں کیا کروں کہ آنکھیں اسے بھولتی نہیں

دل تو سنبھل گیا ہے مرا ڈولتے ہوئے

کہنے لگی ہے آنکھ میں پھر مجھ کو شب بخیر

پانی میں شام اپنی شفق گھولتے ہوئے

کنکر سمیٹ لائے ہمیشہ مرا نصیب

منصور موتیوں کو یونہی رولتے ہوئے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔