ٹیگ کے محفوظات: دہانوں

گمرہی تھی عجب اُڑانوں میں

فروری 27, 2017ماجد صدیقی،سخناب،غزلمچانوں،کمانوں،اڑانوں،دہانوں،زبانوںadmin

ماجد صدیقی ۔ غزل نمبر 141

برق اُتری جب آشیانوں میں

گمرہی تھی عجب اُڑانوں میں

مرحلے پر مری صفائی کے

لکنتیں آ گئیں زبانوں میں

دھاڑ ہی شیر کی کُچھ ایسی تھی

شل تھے صّیاد سب مچانوں میں

غار کے بطن کی سیاہی نے

دیو درباں کیے دہانوں میں

جانے موزوں نہ کیوں ہوئے ماجدؔ

تیر جتنے چڑھے کمانوں میں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ فسانہ رہا زبانوں پر

اکتوبر 7, 2015میر تقی میر،اساتذہ،غزلفسانوں،مکانوں،نشانوں،کھانوں،کانوں،آنوں،آسمانوں،جوانوں،دہانوں،دکانوں،رانوں،زبانوں،شانوںadmin

دیوان ششم غزل 1822

دل گئے آفت آئی جانوں پر

یہ فسانہ رہا زبانوں پر

عشق میں ہوش و صبر سنتے تھے

رکھ گئے ہاتھ سو تو کانوں پر

گرچہ انسان ہیں زمینی ولے

ہیں دماغ ان کے آسمانوں پر

شہر کے شوخ سادہ رو لڑکے

ظلم کرتے ہیں کیا جوانوں پر

عرش و دل دونوں کا ہے پایہ بلند

سیر رہتی ہے ان مکانوں پر

جب سے بازار میں ہے تجھ سی متاع

بھیڑ ہی رہتی ہے دکانوں پر

لوگ سر دیتے جاتے ہیں کب سے

یار کے پاؤں کے نشانوں پر

کجی اوباش کی ہے وہ دربند

ڈالے پھرتا ہے بند شانوں پر

کوئی بولا نہ قتل میں میرے

مہر کی تھی مگر دہانوں پر

یاد میں اس کے ساق سیمیں کی

دے دے ماروں ہوں ہاتھ رانوں پر

تھے زمانے میں خرچی جن کی روپے

ٹھانسا کرتے ہیں ان کو آنوں پر

غم و غصہ ہے حصے میں میرے

اب معیشت ہے ان ہی کھانوں پر

قصے دنیا میں میر بہت سنے

نہ رکھو گوش ان فسانوں پر

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔