ٹیگ کے محفوظات: دھرو

سفر بخیر ہو ، مل کر کرو دعائے خیر

دسمبر 1, 2007منصور آفاق،شعراء،غزلمنظرو،ڈرو،کرو،گرو،دھرو،سروadmin

منصور آفاق ۔ غزل نمبر 179

اندھیری رات کے اے رہ روو،دعائے خیر

سفر بخیر ہو ، مل کر کرو دعائے خیر

مجھے سیاہی کی وحشت سے خوف آتا ہے

کہو چراغ صفت منظرو دعائے خیر

بنائے بت جو ہیں ہم نے خدا نہ بن بیٹھیں

بڑی ضروری ہے صورت گرو دعائے خیر

اب اس کے بعد لڑائی کبھی نہیں ہو گی

مری ہتھیلی پہ آؤ دھرو دعائے خیر

الف میں صرف کروڑوں مقام آتے ہیں

طلسمِ اسم کے خیرہ سرو دعائے خیر

گلی گلی میں ہے منصور کا تماشا بھی

دیارِ نور کے دیدہ ورو دعائے خیر

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سادہ دلوں کا نامہ ء قسمت بھرو گے کیا

دسمبر 1, 2007منصور آفاق،شعراء،غزلمرو،ڈرو،کرو،بھرو،دھروadmin

منصور آفاق ۔ غزل نمبر 126

جو خط لکھا نہیں اسے رسوا کرو گے کیا

سادہ دلوں کا نامہ ء قسمت بھرو گے کیا

کیا دیکھتے ہو مردہ بدن کو اے زندہ دل

پھر نفس کے محاذ پہ جا کر مرو گے کیا

رہنے دو میری قبر کو بے نام ، بے نشاں

اس نور کے وجود پہ پتھرو دھرو گے کیا

تم تو سگ مدینہ ہو ، باہو کے شیر ہو

بدشکل مولوی کی زباں سے ڈرو گے کیا

اے صاحب خرد! تری کامل سہی دلیل

بعد از ممات وہ جو ہوا تو کرو گے کیا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔