ٹیگ کے محفوظات: دکھلائیں

کہتے ہیں ہم تجھ کو منہ دکھلائیں کیا

اکتوبر 8, 2015مرزا اسد اللہ خان غالب،اساتذہ،غزلکھائیں،گھبرائیں،پہنچائیں،بتلائیں،جائیں،دکھلائیںadmin

دیوانِ غالب ۔ غزل نمبر 108

جور سے باز آئے پر باز آئیں کیا

کہتے ہیں ہم تجھ کو منہ دکھلائیں کیا

رات دن گردش میں ہیں سات آسماں

ہو رہے گا کچھ نہ کچھ گھبرائیں کیا

لاگ ہو تو اس کو ہم سمجھیں لگاؤ

جب نہ ہو کچھ بھی تو دھوکا کھائیں کیا

ہو لیے کیوں نامہ بر کے ساتھ ساتھ

یا رب اپنے خط کو ہم پہنچائیں کیا

موجِ خوں سر سے گزر ہی کیوں نہ جائے

آستانِ یار سے اٹھ جائیں کیا

عمر بھر دیکھا کیے مرنے کی راہ

مر گیے پر دیکھیے دکھلائیں کیا

پوچھتے ہیں وہ کہ غالب کون ہے

کوئی بتلاؤ کہ ہم بتلائیں کیا

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر کئے سے اپنے ہم پچھتائیں کیا

نومبر 15, 2006الطاف حسین حالیگائیں،پچھتائیں،جھٹلائیں،جائیں،دکھلائیںadmin

الطاف حسین حالی ۔ غزل نمبر 9

دل میں باقی ہیں وہی حرصِ گناہ

پھر کئے سے اپنے ہم پچھتائیں کیا

آؤ اس کو لیں ہمیں جا کر منا

اس کی بے پروائیوں پر جائیں کیا

جانتا دنیا کو ہے اک کھیل تو

کھیل قدرت کے تجھے دکھلائیں کیا

مان لیجئے شیخ جو دعویٰ کرے

اک بزرگ دیں کو ہم جھٹلائیں کیا

ہو چکے حالیؔ غزلخوانی کے دن

راگئی بے وقت کی اب گائیں کیا

الطاف حسین حالی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عم ہستی کوئی غم کھائیں کیا

جنوری 8, 1972شعراء،غزلمرجھائیں،کھائیں،ئیں،جائیں،دکھلائیںadmin

باقی صدیقی ۔ غزل نمبر 67

ان کو دل کا مدعا سمجھائیں کیا

اے غم ہستی کوئی غم کھائیں کیا

شورِ نغمہ اس طرف آتا نہیں

رنگِ محفل بن کے ہم اڑ جائیں کیا

بے نیازی سے ہے قائم شان حسن

ہم انہیں یاد آئیں پر یاد ئیں کیا

جل کے بجھنے کا تو باقیؔ غم نہیں

ہم مگر دنیا کو منہ دکھلائیں کیا

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔