ٹیگ کے محفوظات: درویش

زہر دیویں کاشکے احباب اس درویش کو

اکتوبر 6, 2015میر تقی میر،اساتذہ،غزلمیش،کافرکیش،اندیش،درویش،ریشadmin

دیوان چہارم غزل 1473

کیا کروں میں صبرکم کو اور رنج بیش کو

زہر دیویں کاشکے احباب اس درویش کو

کھول آنکھیں صبح سے آگے کہ شیر اللہ کے

دیکھتے رہتے ہیں غافل وقت گرگ و میش کو

عشق کے بیتاب کے آزار میں مت کر شتاب

جان دیتے دیر لگتی ہی نہیں دل ریش کو

دشمن اپنا میں تو فکر دوستی ہی میں رہا

اب رکھوں کیوں کر سلامت جان عشق اندیش کو

مختلط ترسا بچوں سے شیرہ خانے میں رہا

کن نے دیکھا مسجدوں میں میر کافرکیش کو

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عجب مرحلہ ہم کو درپیش ہے

اکتوبر 6, 2015میر تقی میر،اساتذہ،غزلنیش،کیش،اندیش،درویش،درپیشadmin

دیوان سوم غزل 1279

غم مرگ سے دل جگر ریش ہے

عجب مرحلہ ہم کو درپیش ہے

بلا ہے اسے شوق تیر و کماں

یہیں سے ہے پیدا ستم کیش ہے

دلا اس کے ظاہر پہ مت جائیو

وہ خوش رو تو ہے پر بد اندیش ہے

بہت خوب ہے لعل نوشین یار

ولیکن خط پشت لب نیش ہے

ہمیں کیا جو ہے میر بیہوش سا

خدا جانے یہ کیا ہی درویش ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اک مصیبت ہے میرے تیں درپیش

اکتوبر 6, 2015میر تقی میر،اساتذہ،غزلہمیش،اندیش،درویش،درپیشadmin

دیوان اول غزل 240

دل تو افگار ہے جگر ہے ریش

اک مصیبت ہے میرے تیں درپیش

پان تو لیتا جا فقیروں کے

برگ سبز است تحفۂ درویش

ایک دم مہر برسوں تک کینہ

یوں ہی گذری ہے اپنی اس کی ہمیش

فکر کر زاد آخرت کا بھی

میر اگر تو ہے عاقبت اندیش

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یعنی کہ میں اکیلا ہوں درویش آدمی

دسمبر 1, 2007منصور آفاق،شعراء،غزلاپدیش،بیش،خویش،درویش،درپیشadmin

منصور آفاق ۔ غزل نمبر 457

اس عہدِ بے شرف میں شرف کیش آدمی

یعنی کہ میں اکیلا ہوں درویش آدمی

مانا ہیں آسماں سے مراسم رکھے ہوئے

میرا قبیلہ خاک ، مرا خویش آدمی

جو کاٹتا رہا ہے مجھے سانپ کی طرح

لگتا تھا آنکھ سے تو کم و بیش آدمی

اس کو خبر نہیں ہے حیات و ممات کی

جو کائنات کے نہیں درپیش آدمی

کچھ بول اس شعور کی اندھی گپھا میں

منصور کوئی دیتا ہے اپدیش آدمی

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔