ٹیگ کے محفوظات: خریداری

شمع گل ہوتے ہی سب چلنے کی تیاری کریں

جنوری 7, 2012عرفان صدیقی،غزلبیکاری،تیاری،جاری،خریداریadmin

عرفان صدیقی ۔ غزل نمبر 153

روشنی میں لوگ اعلانِ وفاداری کریں

شمع گل ہوتے ہی سب چلنے کی تیاری کریں

جب ہمیں بے مول ہاتھ آنے لگیں سچائیاں

کیا ضرورت ہے کہ خوابوں کی خریداری کریں

یہ زمیں پھر پاؤں کی زنجیر ہوجانے کو ہے

وحشتیں اب کوئی فرمانِ سفر جاری کریں

تو میسر ہے تو تجھ پر شعر کیوں لکھیں کوئی

تجھ سے فرصت ہو تو ہم یہ شغلِ بیکاری کریں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لے گئی ہے اِک سڑک کی تیز رفتاری اسے

دسمبر 1, 2007منصور آفاق،شعراء،غزلالماری،خریداری،دیواری،رفتاری،سرداریadmin

منصور آفاق ۔ غزل نمبر 547

تھی کہاں اپنے میانوالی سے بیزاری اسے

لے گئی ہے اِک سڑک کی تیز رفتاری اسے

نہر کے پل پر ٹھہر جا اور تھوڑی دیر، رات

روک سکتی ہے کہاں اِک چار دیواری اسے

کوئی پہلے بھی یہاں پر لاش ہے لٹکی ہوئی

کہہ رہی ہے دل کے تہہ خانے کی الماری اسے

پوچھتی پھرتی ہے قیمت رات سے مہتاب کی

تازہ تازہ ہے ابھی شوقِ خریداری اسے

جو طلسم حرف میں اترا ہے اسمِ نعت سے

قریہء شعر و سخن کی بخش سرداری اسے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔