ٹیگ کے محفوظات: حیائی

زد میں ہے کوہِ جاں وہ رائی کی

فروری 27, 2017ماجد صدیقی،سخناب،غزلحیائی،خدائی،رہائی،رائی،ردائی،صفائیadmin

ماجد صدیقی ۔ غزل نمبر 102

چاہ تھی جس کو خود نمائی کی

زد میں ہے کوہِ جاں وہ رائی کی

جس کو بھی دی عنانِ دل ہم نے

دھونس دکھلا گیا خدائی کی

سامنا ہے ہمیں اُس عادل کا

دے نہ مہلت بھی جو صفائی کی

لوُٹنے میں وقار خواہش کا

وقت نے سخت بے حیائی کی

بلبلوں کے لیے سمندر میں

کوئی صورت نہیں رہائی کی

شاخ ژالوں سے کیا کہے ماجدؔ

داستاں اپنی بے رِدائی کی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کی بھی اور کسی سے آشنائی کی

نومبر 15, 2006الطاف حسین حالیلڑائی،نمائی،پارسائی،آشنائی،جدائی،حیائی،دلربائی،رہائی،صفائیadmin

الطاف حسین حالی ۔ غزل نمبر 8

دھوم تھی اپنی پارسائی کی

کی بھی اور کسی سے آشنائی کی

کیوں بڑھاتے ہو اخلاط بہت

ہم کو طاقت نہیں جدائی کی

منہ کہاں چھپاؤ گے ہم سے

تم کو عادت ہے خود نمائی کی

لاگ میں ہیں لگاؤ کی باتیں

صلح میں چھیڑ ہے لڑائی کی

ملتے غیروں سے ہو ملو لیکن

ہم سے باتیں کرو صفائی کی

دل رہا پائے بند الفت دام

تھی عبث آرزو رہائی کی

دل بھی پہلو میں ہو یاں کسی سے

رکھئے امید دلربائی کی

شہر و دریا سے باغ و صحرا سے

بو نہیں آتی آشنائی کی

نہ ملا کوئی غارتِ ایماں

رہ گئی شرم پارسائی کی

موت کی طرح جس سے ڈرتے تھے

ساعت آن پہنچی اس جدائی کی

زندہ پھرنے کی ہے ہوس حالیؔ

انتہا ہے یہ بے حیائی کی

الطاف حسین حالی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔