ٹیگ کے محفوظات: حلف

جو غلامِ نجف نہیں ہوتے

دسمبر 1, 2007منصور آفاق،شعراء،غزلنجف،تلف،حلف،حزف،صف،صدف،طرفadmin

منصور آفاق ۔ غزل نمبر 524

وہ کسی کا ہدف نہیں ہوتے

جو غلامِ نجف نہیں ہوتے

خاک کچھ اور لوگ ہوتے ہیں

میرے جیسے تلف نہیں ہوتے

بس یونہی اعتبار ہوتا ہے

دوستی میں حلف نہیں ہوتے

ان فقیروں کا احترام کرو

جو کسی کی طرف نہیں ہوتے

یہ قطاریں ہیں کیسی مژگاں پر

تارے تو صف بہ صف نہیں ہوتے

اک سمندر ہے قطرۂ جاں میں

ہم صدف در صدف نہیں ہوتے

بات آخر پہنچتی ہے منصور

ایسے جملے حزف نہیں ہوتے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

قیام روشنی کرتی رہی صدف میں بھی

دسمبر 1, 2007منصور آفاق،شعراء،غزلہدف،نجف،حلف،صدف،طرفadmin

منصور آفاق ۔ غزل نمبر 473

مقیم صبح مری چاند کے شرف میں بھی

قیام روشنی کرتی رہی صدف میں بھی

میں تیرا ساتھ صداقت کو چھوڑ کر دونگا

کہا نہیں ہے یہ میں نے کسی حلف میں بھی

لڑائی ایک صلیب و ہلال میں بھی ہے

ہے اس طرف میں بھی پیکار اس طرف میں بھی

ہے گولہ باری مسلسل غزہ کی پٹی میں

بپا ہے معرکۂ خیر و شر نجف میں بھی

تمام عمر کی خود پہ ہی فائرنگ منصور

قیام میرا رہا ہے مرے ہدف میں بھی

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔