دیوان چہارم غزل 1532

پھر اب چلو چمن میں کھلے غنچے رک گئے

شاخوں سمیت پھول نہالوں کے جھک گئے

چندیں ہزار دیدئہ گل رہ گئے کھلے

افسوس ہے چمن کی طرف تم نہ ٹک گئے

بھڑکی تھی جب کہ آتش گل پھول پڑ گیا

بال و پر طیور چمن میر پھک گئے

میر تقی میر

دیوان دوم غزل 697

دل کی واشد کے لیے کل باغ میں میں ٹک گیا

سن گلہ بلبل سے گل کا اور بھی جی رک گیا

عشق کی سوزش نے دل میں کچھ نہ چھوڑا کیا کہیں

لگ اٹھی یہ آگ ناگاہی کہ گھر سب پھک گیا

ہم نہ کہتے تھے کہ غافل خاک ہو پیش از فنا

دیکھ اب پیری میں قد تیرا کدھر کو جھک گیا

خدمت معقول ہی سب مغبچے کرتے رہے

شیخ آیا میکدے کی اور جب تب ٹھک گیا

میر اس قاضی کے لونڈے کے لیے آخر موا

سب کو قضیہ اس کے جینے کا تھا بارے چک گیا

میر تقی میر