ٹیگ کے محفوظات: جھوٹ

بندوق کے سلوٹ کوئی دیکھتا نہیں

دسمبر 1, 2007منصور آفاق،شعراء،غزلپھوٹ،بوٹ،جھوٹ،روٹ،سلوٹ،سوٹadmin

منصور آفاق ۔ غزل نمبر 394

تاریخ ساز ’’لوٹ‘‘ کوئی دیکھتا نہیں

بندوق کے سلوٹ کوئی دیکھتا نہیں

رقصاں ہیں ایڑیوں کی دھنوں پر تمام لوگ

کالے سیاہ بوٹ کوئی دیکھتا نہیں

انصاف گاہ ! تیرے ترازو کے آس پاس

اتنا سفید جھوٹ کوئی دیکھتا نہیں

چکلالہ چھاؤنی کی طرف ہے تمام رش

اسلام آباد روٹ کوئی دیکھتا نہیں

طاقت کے آس پاس حسیناؤں کا ہجوم

میرا عوامی سوٹ کوئی دیکھتا نہیں

سب دیکھتے ہیں میری نئی کار کی طرف

چہرے کی ٹوٹ پھوٹ کوئی دیکھتا نہیں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اک غلط روٹ کی تم تو تاریخ ہو

دسمبر 1, 2007منصور آفاق،شعراء،غزللوٹ،چھوٹ،پھوٹ،جھوٹ،روٹadmin

منصور آفاق ۔ غزل نمبر 234

رات کے بوٹ کی تم تو تاریخ ہو

اک غلط روٹ کی تم تو تاریخ ہو

میں نے سمجھا تھا تم کو محافظ مگر

اک بڑی لوٹ کی تم تو تاریخ ہو

تم لٹیروں کا سفاک سرکش گروہ

ظلم کی جھوٹ کی تم تو تاریخ ہو

اپنی بربادیوں کی کہانی ہو تم

ٹوٹ کی پھوٹ کی تم تو تاریخ ہو

کتنے منصور تم نے کئے قتل ہیں

جرم میں چھوٹ کی تم تو تاریخ ہو

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔