ٹیگ کے محفوظات: جویں

نشانِ سجدہ پڑا تھا اُس کا، جبیں سے آگے

نومبر 15, 2013آفتاب اقبال شمیمنہیں،یقیں،کہیں،کمیں،جویں،جبیںadmin

آفتاب اقبال شمیم ۔ غزل نمبر 17

سپردگی میں نکل گیا وہ زمیں سے آگے

نشانِ سجدہ پڑا تھا اُس کا، جبیں سے آگے

رواں سمندر کا چلتا ساحل ہے آدمی بھی

اُسی کی زد میں کہیں سے پیچھے کہیں سے آگے

ضرور ہم بھی مسائل دل پہ غور کرتے

نکلنے پاتے کبھی جو نانِ جویں سے آگے

ابھی تو نو مشقِ جستجو ہوں ، ابھی سفر میں

ہے اور کچھ بھی حدودِ عقل و یقیں سے آگے

سفر کا خاکہ لگے کہ پَرکار سے بنا ہے

وہی ذرا سی نمود ہاں کی، نہیں سے آگے

پلٹ گیا خوش مشام طائر، سراغ پا کر

کہ بوئے سازش اڑی تھی جائے کمیں سے آگے

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میاں کا صدقہِ تاج و نگیں ملا ہے مجھے

جنوری 13, 2012عرفان صدیقی،غزلنہیں،نگیں،یہیں،جویں،جبیںadmin

عرفان صدیقی ۔ غزل نمبر 298

فقیر ہوں دلِ تکیہ نشیں ملا ہے مجھے

میاں کا صدقہِ تاج و نگیں ملا ہے مجھے

زباں کو خوش نہیں آتا کسی کا آب و نمک

عجب تبرکِ نان جویں ملا ہے مجھے

میں بوریا بھی اسی خاک پر کیا تھا بساط

سو یہ خریطۂ زر بھی یہیں ملا ہے مجھے

چراغِ گنبد و محراب بجھ گئے ہیں تمام

تو اک ستارۂ داغِ جبیں ملا ہے مجھے

یہ سر کہاں وہ کلاہِ چہار ترک کہاں

ابھی اجازۂ بیعت نہیں ملا ہے مجھے

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پہلے سے نہیں ہم کہ وہ پہلے سے نہیں لوگ

جنوری 8, 1972باقی صدیقی،شعراء،غزلہمیں،نہیں،وہیں،کہیں،جویں،جبیںadmin

باقی صدیقی ۔ غزل نمبر 100

رہتے ہیں تصور سے بھی اب دور کہیں لوگ

پہلے سے نہیں ہم کہ وہ پہلے سے نہیں لوگ

منہ کھولے ہوئے بیٹھے ہیں کشکول کی صورت

یاقوت گراں مایہ سے تا نان جویں لوگ

ملتا ہے جہاں کوئی چمکتا ہوا ذرہ

رُکتے ہیں وہیں لوگ بھٹکتے ہیں وہیں لوگ

کیا آپ کی رفتار کا شعلہ ہے زمانہ

رکھ دیتے ہیں ہر نقش زمانہ پہ جبیں لوگ

آ پہنچا ہے اس نکتے پہ افسانۂ ہستی

کچھ سنتے نہیں آپ تو کچھ کہتے نہیں لوگ

اس دور سے چپ چاپ گزر جا دل ناداں

احساس کی آواز بھی سن لیں نہ کہیں لوگ

حالات بدلنا کوئی مشکل نہیں باقیؔ

حالات کے رستے میں ہیں دیوار ہمیں لوگ

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔