ٹیگ کے محفوظات: جوڑ

وہ خوش دلی جو دلوں کو دلوں سے جوڑ گئی

مارچ 3, 2012مجید امجد،امروز،غزلموڑ،چھوڑ،جوڑ،جھنجھوڑadmin

مجید امجد ۔ غزل نمبر 51

بڑھی جو حد سے تو سارے طلسم توڑ گئی

وہ خوش دلی جو دلوں کو دلوں سے جوڑ گئی

ابد کی راہ پہ بےخواب دھڑکنوں کی دھمک

جو سو گئے انہیں بجھتے جُگوں میں چھوڑ گئی

یہ زندگی کی لگن ہے کہ رتجگوں کی ترنگ

جو جاگتے تھے انھی کو یہ دھن جھنجھوڑ گئی

وہ ایک ٹیس جسے تیرا نام یاد رہا

کبھی کبھی تو مرے دِل کا ساتھ چھوڑ گئی

رکا رکا ترے لب پرعجب سخن تھا کوئی

تری نگہ بھی جسے ناتمام چھوڑ گئی

فرازِ دل سے اترتی ہوئی ندی، امجد

جہاں جہاں تھا حسیں وادیوں کا موڑ، گئی

مجید امجد

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پر اپنے ساتھ گلی کو بھی موڑ دیتا ہوں

دسمبر 1, 2007منصور آفاق،شعراء،غزلموڑ،چھوڑ،پھوڑ،توڑ،جوڑadmin

منصور آفاق ۔ غزل نمبر 282

تم ایسے لوگوں کا رستہ میں چھوڑ دیتا ہوں

پر اپنے ساتھ گلی کو بھی موڑ دیتا ہوں

میں اس مقام پہ پہنچا ہوں عشق میں کہ جہاں

فراق و وصل کو آپس میں جوڑ دیتا ہوں

مجھے مزاج کی وحشت نے فتح مند رکھا

کہ ہار جاؤں تو سر اپنا پھوڑ دیتا ہوں

ابھی دھڑکتا ہے دل بھیڑیے کے سینے میں

ابھی غزال پکڑتا ہوں ، چھوڑ دیتا ہوں

ڈرا ہوا ہوں میں اپنے مزاج سے منصور

جو میری ہو نہ سکے، شے وہ توڑ دیتا ہوں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔