ٹیگ کے محفوظات: جلوہ

صبحوں کی کالی کملی کا جلوہ کہیں جسے

دسمبر 1, 2007منصور آفاق،شعراء،غزلچہرہ،نغمہ،کعبہ،جلوہ،دریچہadmin

منصور آفاق ۔ غزل نمبر 550

وہ تیری چشمِ ناز ہے قبلہ کہیں جسے

صبحوں کی کالی کملی کا جلوہ کہیں جسے

تیری عظیم ذات سے منسوب اگر نہ ہو

پتھر کا اک مکان ہے کعبہ کہیں جسے

اک تیرا نام ہے کہ مدینہ صبا کا ہے

شہرِ بہارِ دل کا دریچہ کہیں جسے

گونجے نمازِ عصر کی آسودہ دھوپ میں

قوسِ قزح کے رنگوں کا نغمہ کہیں جسے

منصور دیکھتا ہوں میں تیرے جمال میں

صبحِ ازل نژاد کا چہرہ کہیں جسے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اک مرحلۂ شوق میں ہم جلوہ نشیں ہیں

دسمبر 1, 2007منصور آفاق،شعراء،غزلپردہ،جلوہ،رستہadmin

منصور آفاق ۔ غزل نمبر 375

پیروں تلے ہر لمحہ نیا طور نئی برق

اک مرحلۂ شوق میں ہم جلوہ نشیں ہیں

پیچھے سے کوئی اچھی خبر آئے تو جائیں

برزخ سے ذرا پہلے ابھی رستہ نشیں ہیں

دوچار نکل آئے ہیں جلباب سے باہر

منصور ابھی دوست کئی پردہ نشیں ہیں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔