ٹیگ کے محفوظات: جبریل

چاند کا دل جل رہا تھا دور لاکھوں میل پر

دسمبر 1, 2007منصور آفاق،شعراء،غزلمیل،تمثیل،ترسیل،جھیل،جبریل،ریلadmin

منصور آفاق ۔ غزل نمبر 165

چاندنی پھیلی ہوئی تھی ریت کی شہنیل پر

چاند کا دل جل رہا تھا دور لاکھوں میل پر

ایک اچھے دوست کے ہمراہ گزری تھی کبھی

فروری کی ایک اجلی پیر ’’چشمہ جھیل‘‘ پر

لمبی کر کے اپنی گردن گھولتی تھی زرد چونچ

کونج تھی مامور شاید درد کی ترسیل پر

اور پھر تصویر پر تاریک سائے رہ گئے

روشنی سی پڑ گئی تھی کیمرے کی ریل پر

مانگتی ہے زندگی پھر روشنی الہام کی

اور ابد کی خامشی ہے قریہء جبریل پر

آئینے سے پھوٹتی ہیں نور کی پرچھائیاں

کیا کہوں منصور اپنے عکس کی تمثیل پر

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہی فانوس مری صبح کی قندیل ہوا

دسمبر 1, 2007منصور آفاق،شعراء،غزلقندیل،انجیل،تکمیل،تبدیل،تحلیل،جبریلadmin

منصور آفاق ۔ غزل نمبر 56

تیرے ماتھے کی جو محراب سے تشکیل ہوا

وہی فانوس مری صبح کی قندیل ہوا

نامکمل تھی ابھی مرے خدا کی تخلیق

وہ ترا نام تھا جو باعث تکمیل ہوا

میرے دامن میں بکھرنے لگے لاکھوں سورج

کوئی آنسو جو تری یاد میں تحلیل ہوا

تیرے انداز تمدن بھری تاریخ ہوئے

تیرا چلنامری تہذیب میں تبدیل ہوا

تیری رحمت کی بشارت سے بھرا رہتا تھا

ایک عیسیٰ جو کبھی صاحبِ انجیل ہوا

اس کے قدموں کی کرم باری کے صدقے منصور

میرا ہر لفظ مرے دور کا جبریل ہوا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔