ٹیگ کے محفوظات: جانتے

میں تھک گیا ہوں تجھ کو خدا مانتے ہوئے

دسمبر 1, 2007منصور آفاق،شعراء،غزلمانتے،چھانتے،گردانتے،پہچانتے،تانتے،جانتےadmin

منصور آفاق ۔ غزل نمبر 500

یہ کائناتِ روح و بدن چھانتے ہوئے

میں تھک گیا ہوں تجھ کو خدا مانتے ہوئے

اک دو گھڑی کا تیرا تعلق کہے مجھے

صدیاں گزر گئی ہیں تجھے جانتے ہوئے

پھرتا ہوں لے کے آنکھ میں ذرے کی وسعتیں

صحرا سمٹ گئے ہیں مجھے چھانتے ہوئے

برکھا کے شامیانے سے باہر ندی کے پاس

اچھا لگا ہے دھوپ مجھے تانتے ہوئے

یہ بھول ہی گیا کوئی میرا بھی نام تھا

ہر وقت نام یار کا گردانتے ہوئے

اس کے کمالِ ضبط کی منصور خیر ہو

صرفِ نظر کیا مجھے پہچانتے ہوئے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

زمانے کی باتیں وہ کب مانتے ہیں

جنوری 8, 1972باقی صدیقی،شعراء،غزلمانتے،پہچانتے،جانتےadmin

باقی صدیقی ۔ غزل نمبر 121

تمہاری نگاہیں جو پہچانتے ہیں

زمانے کی باتیں وہ کب مانتے ہیں

فریب تلاطم نہ دیں ناخدا اب

سفینے کناروں کو پہچانتے ہیں

زمانے کی چالیں زمانہ ہی سمجھے

نہ تم جانتے ہو نہ ہم جانتے ہیں

تعارف کی کوئی ضرورت نہیں ہے

دوانے دوانوں کو پہچانتے ہیں

کرو ضبط غم کی نہ تلقین باقیؔ

جو ہم پر گزرتی ہے ہم جانتے ہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔