ٹیگ کے محفوظات: جاروب

اس ریختے کو ورنہ ہم خوب کرچکے ہیں

اکتوبر 6, 2015میر تقی میر،اساتذہ،غزلمکتوب،محبوب،محجوب،مغلوب،آشوب،اسلوب،جاروب،خوبadmin

دیوان اول غزل 305

دعوے کو یار آگے معیوب کرچکے ہیں

اس ریختے کو ورنہ ہم خوب کرچکے ہیں

مرنے سے تم ہمارے خاطر نچنت رکھیو

اس کام کا بھی ہم کچھ اسلوب کرچکے ہیں

حسن کلام کھینچے کیونکر نہ دامن دل

اس کام کو ہم آخر محبوب کرچکے ہیں

ہنگامۂ قیامت تازہ نہیں جو ہو گا

ہم اس طرح کے کتنے آشوب کرچکے ہیں

رنگ پریدہ قاصد بادسحر کبوتر

کس کس کے ہم حوالے مکتوب کرچکے ہیں

تنکا نہیں رہا ہے کیا اب نثار کریے

آگے ہی ہم تو گھر کو جاروب کرچکے ہیں

ہر لحظہ ہے تزاید رنج و غم و الم کا

غالب کہ طبع دل کو مغلوب کرچکے ہیں

کیا جانیے کہ کیا ہے اے میر وجہ ضد کی

سو بار ہم تو اس کو محجوب کرچکے ہیں

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شاید اسی لئے ہمیں محبوب ہے یہی

نومبر 16, 2013آفتاب اقبال شمیممنسوب،مکتوب،محبوب،مصلوب،مطلوب،اسلوب،جاروب،خوبadmin

آفتاب اقبال شمیم ۔ غزل نمبر 41

کچھ ہم مزاج خطۂ مرعوب ہے یہی

شاید اسی لئے ہمیں محبوب ہے یہی

اتنا نہ غور کر کہ ترا دل ہی ٹوٹ جائے

اس نازنینِ دہر کا اسلوب ہے یہی

اُس خواب کے صلے میں یہ ساری اذیّتیں

سہ لے، کہ آدمی کے لئے خوب ہے یہی

ہستی ہے ایک سلسلہ رد و قبول کا

یعنی صلیب و صالب و مصلوب ہے یہی

ٹھہرے گناہ گار جو سب سے ہو بے گناہ

کارندگانِ عدل کو مطلوب ہے یہی

دیکھو! ہم اس کی زد میں خس و خاک ہو چلے

دستِ قضا میں وقت کا جاروب ہے یہی

چلئے اُسے یہ کاغذِ خالی ہی بھیج دیں

لکھا گیا نہ ہم سے، وہ مکتوب ہے یہی

ایمان مستقیم رہا کفر کے طفیل

اُس بے وفا سے واقعہ منسوب ہے یہی

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔