ٹیگ کے محفوظات: تہذیب

رونمائی کی تقریب منسوخ کر

دسمبر 1, 2007منصور آفاق،شعراء،غزلاسالیب،تہذیب،تقریب،تنصیب،تکذیب،تادیب،تخریب،تراکیب،ترتیب،ترغیبadmin

منصور آفاق ۔ غزل نمبر 171

اپنے چہرے کی تشبیب منسوخ کر

رونمائی کی تقریب منسوخ کر

اپنا دکھ پیش کر سادہ الفاظ میں

اتنی مشکل تراکیب منسوخ کر

لفظ تیرے زمانے کے عکاس ہوں

اب گذشتہ اسالیب منسوخ کر

حدِ فاصل کوئی کھینچ دن رات میں

دوغلے پن کی تہذیب منسوخ کر

خون سے بھر گئی ہے مری ہر گلی

اپنا اب ذوقِ تخریب منسوخ کر

ظلم کو ظلم کہہ ، رات کو رات لکھ

ظالموں کی نہ تکذیب منسوخ کر

روشنی کے لگا پول ہر چوک میں

اب صلیبوں کی تنصیب منسوخ کر

عادتاً تُو مسلسل یہ لیکچر نہ دے

بے وجہ اپنی تادیب منسوخ کر

تیری منزل پہ رکنا نہیں ہے مجھے

یہ محبت کی ترغیب منسوخ کر

دارپر پہلے جانا ہے منصور نے

عاشقوں کی یہ ترتیب منسوخ کر

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔