ٹیگ کے محفوظات: بروں

یوں تو کہنے کو سبھی کہتے ہیں، یوں ہے، یوں ہے

نومبر 7, 2015احمد فراز،شعراء،غزلفیکوں،یوں،بروں،جنوں،خوں،سکوںadmin

احمد فراز ۔ غزل نمبر 147

عشق بس ایک کرشمہ ہے، فسوں ہے، یوں ہے

یوں تو کہنے کو سبھی کہتے ہیں، یوں ہے، یوں ہے

جیسے کوئی درِ دل پر ہو ستادہ کب سے

ایک سایہ نہ دروں ہے، نہ بروں ہے، یوں ہے

تم محبت میں کہاں سود و زیاں لے آئے

عشق کا نام خِرد ہے نہ جنوں ہے، یوں ہے

اب تم آئے ہو میری جان تماشا کرنے

اب تو دریا میں تلاطم نہ سکوں ہے، یوں ہے

تو نے دیکھی ہی نہیں دشتِ وفا کی تصویر

نوکِ ہر خار پے اک قطرۂ خوں ہے، یوں ہے

ناصحا تجھ کو خبر کیا کہ محبت کیا ہے

روز آ جاتا ہے سمجھاتا ہے یوں ہے، یوں ہے

شاعری تازہ زمانوں کی ہے معمار فراز

یہ بھی اک سلسلۂ کن فیکوں ہے، یوں ہے

احمد فراز

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی نامہ نہ ترے در بدروں تک پہنچا

نومبر 2, 2015احمد فراز،شعراء،غزلگھروں،گروں،بدروں،بروں،سروںadmin

احمد فراز ۔ غزل نمبر 16

جو بھی قاصد تھا وہ غیروں کے گھروں تک پہنچا

کوئی نامہ نہ ترے در بدروں تک پہنچا

مجھ کو مٹی کیا تو نے تو یہ احسان بھی کر

کہ مری خاک کو اب کوزہ گروں تک پہنچا

تو مہ و مہر لئے ہے مگر اے دستِ کریم

کوئی جگنو بھی نہ تاریک گھروں تک پہنچا

دل بڑی چیز تھا بازارِ محبت میں کبھی

اب یہ سودا بھی مری جان، سروں تک پہنچا

اتنے ناصح ملے رستے میں کہ توبہ توبہ

بڑی مشکل سے میں شوریدہ سروں تک پہنچا

اہلِ دنیا نے تجھی کو نہیں لوٹا ہے فراز

جو بھی تھا صاحبِ دل، مفت بروں تک پہنچا

احمد فراز

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہے موت کا نشان گھروں پر بنا ہوا

دسمبر 1, 2007منصور آفاق،شعراء،غزلوروں،گھروں،گروں،پروں،بروں،سروںadmin

منصور آفاق ۔ غزل نمبر 62

دیواروں پر تمام دروں پر بنا ہوا

ہے موت کا نشان گھروں پر بنا ہوا

بس زندگی ہے آخری لمحوں کے آس پاس

محشر کوئی ہے چارہ گروں پر بنا ہوا

آتا ہے ذہن میں یہی دستار دیکھ کر

اک سانپ کاہے نقش سروں پر بنا ہوا

ناقابلِ بیاں ہوئے کیوں اس کے خدو خال

یہ مسئلہ ہے دیدہ وروں پر بنا ہوا

کیا جانے کیا لکھا ہے کسی نے زمین کو

اک خط ہے بوجھ نامہ بروں پر بنا ہوا

اک نقش رہ گیا ہے مری انگلیوں کے بیچ

منصور تتلیوں کے پروں پر بنا ہوا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔