ٹیگ کے محفوظات: برتن

ظلم عظیم… یار کے دامن پہ ایسا داغ

دسمبر 1, 2007منصور آفاق،شعراء،غزلمدفن،چلمن،گلشن،گردن،پھاگن،برتن،جوبن،دامن،دشمن،روشن،زن،سلوگن،سوسن،ساونadmin

منصور آفاق ۔ غزل نمبر 205

اتنی جمیل صبحِ شگفتن پہ ایسا داغ

ظلم عظیم… یار کے دامن پہ ایسا داغ

توبہ یہ وارداتِ فلسطین، کیا کہوں

اس عہدِ با شعور کے جوبن پہ ایسا داغ

ابھرا ہے آئینہ سے جو تیرے سلوک پر

لگتا ہے چشم مہر میں پھاگن پہ ایسا داغ

ایسا تو کچھ نہیں مرے دل کے مکان میں

کیسے لگا ہے دستِ نقب زن پہ ایسا داغ

حیرت ہے بارشوں کے مسلسل فروغ میں

رہ جائے آنسوئوں بھرے ساون پہ ایسا داغ

لگتا ہے انتظار کے چپکے ہیں خدو خال

دیکھا نہیں کبھی کسی چلمن پہ ایسا داغ

جس میں دھڑکتے لمس دکھائی دیں دور سے

اس نے بنا دیا میری گردن پہ ایسا داغ

ہونٹوں کے یہ نشان مٹا دو زبان سے

اچھا نہیں ہے دودھ کے برتن پہ ایسا داغ

جیسے پڑا ہوا ہے لہو میرا روڈ پر

کیسے لگا ہے رات کے مدفن پہ ایسا داغ

جس میں مجھے اترنا پڑے اپنی سطح سے

کیسے لگاؤں دوستو دشمن پہ ایسا داغ

یہ کیا پرو دیا ہے پرندے کو شاخ میں

زیتون کے سفید سلوگن پہ ایسا داغ

بعد از بہار دیکھا ہے میں نے بغور دل

پہلے نہ تھا صحیفۂ گلشن پہ ایسا داغ

اب تو تمام شہر ہے نیلا پڑا ہوا

پہلے تھا صرف چہرئہ سوسن پہ ایسا داغ

شاید ہے بد دعا کسی مجذوب لمس کی

منصور میرے سینۂ روشن پہ ایسا داغ

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میرے کاہن عینک اور کتاب

دسمبر 1, 2007منصور آفاق،شعراء،غزلفورا،کاہن،برتن،جیون،درشن،ساونadmin

منصور آفاق ۔ غزل نمبر 131

غیب کا مدفن عینک اور کتاب

میرے کاہن عینک اور کتاب

ایک بہکتے حرف کے پہلو میں

رکھ دی فوراً عینک اور کتاب

ٹیرس پر تنہائی کی رم جھم

بھیگا ساون عینک اور کتاب

میر و غالب پھر مہمان ہوئے

چائے کے برتن عینک اور کتاب

یاد کی لائبریری زندہ باد

اپنا جیون عینک اور کتاب

برف بھری تنہائی میں منصور

یار کا درشن عینک اور کتاب

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میری پیدائش کا لمحہ پھر اسی سن میں رکھا

دسمبر 1, 2007منصور آفاق،شعراء،غزلگردن،اوون،برتن،جوبن،سن،ساونadmin

منصور آفاق ۔ غزل نمبر 103

اس نے پہلے مارشل لاء میرے آنگن میں رکھا

میری پیدائش کا لمحہ پھر اسی سن میں رکھا

صحن میں پھیلی ہوئی ہے گوشت جلنے کی سڑاند

جیسے سینے میں نہیں کچھ اس نے اوون میں رکھا

جب سوئمنگ پول کے شفاف پانی سے ملی

آنسوئوں والا فقط اک ہار گردن میں رکھا

ہونٹ ہیٹر پہ رکھے تھے اس کی یادوں پر نہیں

تھا جہنم خیز موسم غم کے جوبن میں رکھا

سانپ کو اس نے اجازت ہی نہیں دی وصل کی

گھر کے دروازے سے باہر دودھ برتن میں رکھا

میں اسے منصور بھیجوں کس لیے چیتر کے پھول

جس نے سارا سال مجھ کو غم کے ساون میں رکھا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔