منصور آفاق ۔ غزل نمبر 480

پہنچنے والی ہے انگریز کی گرانٹ ابھی

بچا جو دیس میں تھوڑا بہت ہے بانٹ ابھی

میں تیری فونڈری بیچوں گا وقت آنے پر

تُو میرے بیج دے اسٹیل کے پلانٹ ابھی

تجھے کلاس کے کچھ چور مل بھی سکتے ہیں

فریب کار بہت ہیں کچھ اور چھانٹ ابھی

او بادشاہِ ٹھگاں ! میں ترا مخالف ہوں

اکھیڑ نی ہے جومیری اکھیڑ جھانٹ ابھی

امیرِ شہر نے امپوٹ کھالیں کردی ہیں

غریبِ شہروہی اپنے جوتے گانٹھ ابھی

نئے چراغ جلا صبح کیلئے منصور

ہے تیرے ملک پہ قابض وہی خرانٹ ابھی

منصور آفاق