ٹیگ کے محفوظات: ایوب

یا نبی خوب ہوا خوب ہوا خوب ہوا

اکتوبر 25, 2015اساتذہ،داغ دہلوی،غزلمحبوب،مطلوب،ایوب،خوب،غوبadmin

داغ دہلوی ۔ غزل نمبر 11

تو جو اللہ کا محبوب ہوا خوب ہوا

یا نبی خوب ہوا خوب ہوا خوب ہوا

شب معراج یہ کہتے تھے فرشتے باہم

سخن طالب و مطلوب ہوا خوب ہوا

حشر میں امت عاصی کا ٹھکانا ہی نہ تھا

بخشوانا تجھے مر غوب ہوا خوب ہوا

تھا سبھی پیش نظر معرکہ کرب و بلا

صبر میں ثانی ایوب ہوا خوب ہوا

داغ ہے روز قیامت مری شرم اسکے ہاتھ

میں گناہوں سے جو محبوب ہوا خوب ہوا

داغ دہلوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آگے اس قد کے ہے سرو باغ بے اسلوب سا

اکتوبر 6, 2015میر تقی میر،اساتذہ،غزلمجذوب،محجوب،ایوب،اسلوب،خوبadmin

دیوان سوم غزل 1082

گل بھی ہے معشوق لیکن کب ہے اس محبوب سا

آگے اس قد کے ہے سرو باغ بے اسلوب سا

اس کے وعدے کی وفا تک وہ کوئی ہووے گا جو

ہو معمر نوحؑ سا صابر ہو پھر ایوبؑ سا

عشق سے کن نے مرے آگہ کیا اس شوخ کو

اب مرے آنے سے ہوجاتا ہے وہ محجوب سا

بعد مردن یہ غزل مطرب سے جن نے گوش کی

گور کے میری گلے جا لگ کے رویا خوب سا

عاقلانہ حرف زن ہو میر تو کریے بیاں

زیر لب کیا جانیے کہتا ہے کیا مجذوب سا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔