ٹیگ کے محفوظات: اڑاتی

وہ روشنی تھی کہ صورت نظر نہ آتی تھی

اگست 4, 2018ناصر کاظمی،دیوانِ ناصر،غزلاڑاتی،آتی،جلاتی،رلاتیadmin

شعاعِ حسن ترے حسن کو چھپاتی تھی

وہ روشنی تھی کہ صورت نظر نہ آتی تھی

کسے ملیں کہاں جائیں کہ رات کالی ہے

وہ شکل ہی نہ رہی جو دِیے جلاتی تھی

وہی تو دِن تھے حقیقت میں عمر کا حاصل

خوشا وہ دِن کہ ہمیں روز موت آتی تھی

ذرا سی بات سہی تیرا یاد آجانا

ذرا سی بات بہت دیر تک رُلاتی تھی

اُداس بیٹھے ہو کیوں ہاتھ توڑ کر ناصر

وہ نے کہاں ہے جو تاروں کی نیند اُڑاتی تھی

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دھوپ آنگن میں پھیل جاتی ہے

اکتوبر 23, 2015Jaun Elia،جون ایلیا،شعراء،غزلہلاتی،آتی،اڑاتی،جگاتی،جاتی،دکھاتی،ستاتیadmin

جون ایلیا ۔ غزل نمبر 203

ایک ہی مژدہ صبح لاتی ہے

دھوپ آنگن میں پھیل جاتی ہے

رنگ موسم ہے اور باد صبا

شہر کوچوں میں خاک اڑاتی ہے

فرش پر کاغذ اڑتے پھرتے ہیں

میز پر گرد جمتی جاتی ہے

سوچتا ہوں کہ اس کی یاد آخر

اب کسے رات بھر جگاتی ہے

میں بھی اذن نواگری چاہوں

بے دلی بھی تو لب ہلاتی ہے

سو گئے پیڑ جاگ اٹھی خوشبو

زندگی خواب کیوں دکھاتی ہے

اس سراپا وفا کی فرقت میں

خواہش غیر کیوں ستاتی ہے

آپ اپنے سے ہم سخن رہنا

ہمنشیں! سانس پھول جاتی ہے

کیا ستم ہے کہ اب تری صورت

غور کرنے پہ یاد آتی ہے

کون اس گھر کی دیکھ بھال کرے

روز اک چیز ٹوٹ جاتی ہے

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جیپ جنگل میں بناتی جا رہی ہے راستہ

دسمبر 1, 2007منصور آفاق،شعراء،غزلملاتی،گراتی،اڑاتی،بناتی،بڑھاتی،بتاتیadmin

منصور آفاق ۔ غزل نمبر 415

پاؤں کی وحشت بچھاتی جا رہی ہے راستہ

جیپ جنگل میں بناتی جا رہی ہے راستہ

احتراماً چل رہا ہوں میں سڑک کے ساتھ ساتھ

اور سڑک ہے کہ بڑھاتی جا رہی ہے راستہ

اک بڑی اونچی پہاڑی رفتہ رفتہ ہاتھ سے

میرے پاؤں میں گراتی جا رہی ہے راستہ

سوچتا ہوں میری پُر آشوب بستی کس لیے

اپنا دریا سے ملاتی جا رہی ہے راستہ

پیچھے پیچھے پاؤں اٹھتے جا رہے ہیں شوق میں

آگے آگے وہ بتاتی جا رہی ہے راستہ

رہ بناتا جا رہا ہوں وقت میں منصور میں

عمر کی آندھی اڑاتی جا رہی ہے راستہ

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔