ٹیگ کے محفوظات: آج

تیرا بیمار آج تو خوش ہے

اکتوبر 6, 2015میر تقی میر،اساتذہ،غزلمزاج،آجadmin

دیوان اول غزل 621

صبح سے بن علاج تو خوش ہے

تیرا بیمار آج تو خوش ہے

میر پھر کہیو سرگذشت اپنی

بارے یہ کہہ مزاج تو خوش ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بخار بستہ بدن کا مساج کیسا ہے

دسمبر 1, 2007منصور آفاق،شعراء،غزلمزاج،مساج،کاج،گیراج،امتزاج،اناج،آج،احتجاج،خراج،رواج،سماجadmin

منصور آفاق ۔ غزل نمبر 600

وہ پور پورہے کیسی، علاج کیسا ہے

بخار بستہ بدن کا مساج کیسا ہے

مثالِ دانہ ء گندم غذائیں کیسی ہیں

کسی بہشت کا تازہ اناج کیسا ہے

کیا اب بھی ذہن کشادہ ہے آنکھیں روشن ہیں

گزر ہے کیسی بتا ، کام کاج کیسا ہے

عجب جلوس نکالے ہیں دھڑکنیں مجھ میں

یہ تیز ہوتا ہوا احتجاج کیسا ہے

ہمیشگی کیلئے موت کیوں ضروری ہے

اے آسمان یہ تیرا رواج کیسا ہے

مٹھاس بھی ہے نشہ بھی ہے اس کے پہلو میں

شراب و شہد کا وہ امتزاج کیسا ہے

دھمال ڈالنی ماتم کی تال پر ہے مجھے

یہ رسم کیسی ہے غم کی ، رواج کیسا ہے

گلے میں کھوپڑیوں کی قدیم مالا سی

ہر ایک شخص ہے کاہن ، سماج کیسا ہے

نظر سنا نہیں سکتی لہو کی آوازیں

بدن سے پوچھ بدن کا مزاج کیسا ہے

یہ پوچھتی ہے مسافت بھری ہوئی گاڑی

مرے فلیٹ کا خالی گیراج کیسا ہے

گذشتہ شب کی اداسی نکال دے گھر سے

بس اتنا ذہن میں رکھ تیرا آج کیسا ہے

میں رو پڑا ہوں اسے سوچ کر کہاں منصور

یہ بزمِغیر میں غم کا خراج کیسا ہے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔