ٹیگ کے محفوظات: آبلے

رہتے ہیں ان کے گلے لگنے کے برسوں سے گلے

اکتوبر 6, 2015میر تقی میر،اساتذہ،غزلکھلے،گلے،آبلے،حوصلے،دلےadmin

دیوان پنجم غزل 1756

عیدیں آئیں بارہا لیکن نہ وے آکر ملے

رہتے ہیں ان کے گلے لگنے کے برسوں سے گلے

اس زمانے کی تری سے لہر بہر اگلی کہاں

بے تہی کرنے لگے دریا دلوں کے حوصلے

غنچگی میں دیکھے ہیں صد رنگ جور آسماں

اب جو گل سا بکھرا ہوں دیکھوں کہ کیسا گل کھلے

سارے عالم کے حواس خمسہ میں ہے انتشار

ایک ہم تم ہی نہیں معلوم ہوتے دہ دلے

میر طے ہو گا بیابان محبت کس طرح

راہ ہے پرخار میرے پائوں میں ہیں آبلے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بدوضع یاں کے لڑکے کیا خوش معاملے ہیں

اکتوبر 6, 2015میر تقی میر،اساتذہ،غزلقافلے،مساہلے،معاملے،گلے،آملے،آبلے،حوصلے،دلے،صلےadmin

دیوان دوم غزل 901

دل لے کے کیسے کیسے جھگڑے مجادلے ہیں

بدوضع یاں کے لڑکے کیا خوش معاملے ہیں

گھبرانے لگتیاں ہیں رک رک کے تن میں جانیں

کرتے ہیں جو وفائیں ان ہی کے حوصلے ہیں

کیا قدر تھی سخن کی جب یاں بھی صحبتیں تھیں

ہر بات جائزہ ہے ہر بیت پر صلے ہیں

جب کچھ تھی جہت مجھ سے تب کس سے ملتے تھے تم

اطراف کے یہ بے تہ اب تم سے آملے ہیں

تھا واجب الترحم مظلوم عشق تھا میں

اس کشتۂ ستم کو تم سے بہت گلے ہیں

سوز دروں سے کیونکر میں آگ میں نہ لوٹوں

جوں شیشۂ حبابی سب دل پر آبلے ہیں

میں جی سنبھالتا ہوں وہ ہنس کے ٹالتا ہے

یاں مشکلیں ہیں ایسی واں یہ مساہلے ہیں

اندیشہ زاد رہ کا رکھیے تو ہے مناسب

چلنے کو یاں سے اکثر تیار قافلے ہیں

پانچوں حواس گم ہیں ہر اک کے اس سمیں میں

کیا میر جی ہی تنہا ان روزوں دہ دلے ہیں

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پاؤں ہیں بے چین لیکن راستے ممنوع ہیں

دسمبر 1, 2007منصور آفاق،شعراء،غزلقہقہے،قمقمے،آبلے،بلبلے،راستےadmin

منصور آفاق ۔ غزل نمبر 370

جنگلوں میں جگنوں کے قافلے ممنوع ہیں

پاؤں ہیں بے چین لیکن راستے ممنوع ہیں

صرف پروانے کو جلنے کی اجازت بزم میں

رونے پر پابندیاں ہیں ، قہقہے ممنوع ہیں

دشت کی تپتی زمیں پرمعجزہ کوئی کریں

ننگے پاؤں چلنا ہے اور آبلے ممنوع ہیں

بام پر اب دل جلائیں اورمژہ پر دھڑکنیں

روشنی بھی کرنی ہے اور قمقمے ممنوع ہیں

موج کومنصورہے چلنا ہوا کے ساتھ ساتھ

ساحلوں پرپانیوں کے بلبلے ممنوع ہیں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔