منصور آفاق ۔ غزل نمبر 318

ریت کی شال پہ بھیگا ہوا ساجن اور میں

لمس کی آگ میں جلتا ہوا ساون اور میں

تھا یہ اندیشہ کہ سبقت نہ کرے موت کہیں

کچھ اسی واسطے جلدی میں تھے دشمن اور میں

شہرِ لاہور میں داتا کی گلی کے باہر

ایک مٹیار کا ہوتا ہوا درشن اور میں

نیپ ریکارڈ پہ بجتا ہوا غمگین نغمہ

رات کی کالی اداسی ،مرا انگن اور میں

شور برپا تھا بلائیں تھیں فضا میں منصور

آمنے سامنے جیسے تیرا جوبن اور میں

منصور آفاق