ٹیگ کے محفوظات: انکشاف

ہے اُسکی ساری خدائی سے اختلاف مجھے

نومبر 15, 2013آفتاب اقبال شمیملاف،معاف،انکشاف،اختلاف،اعتراف،طوافadmin

آفتاب اقبال شمیم ۔ غزل نمبر 36

جو دل میں ہے اُسے کہنا ہے صاف صاف مجھے

ہے اُسکی ساری خدائی سے اختلاف مجھے

مرے سخن اُسے اچھے لگیں ، لگیں نہ لگیں

جو کر سکے تو کرے زندگی معاف مجھے

کسی گدا کی طرح کوئے رزق و جنس میں کیوں

تمام عمر ہی کرنا پڑا طواف مجھے

یہ جور و جبر میں کس کے حساب میں ڈالوں

بجا کہ اپنی کمی کا ہے اعتراف مجھے

یہ نصرتیں ، یہ شکستیں ۔ تمام بے معنی

نہال کر گیا آخر یہ انکشاف مجھے

ہر ایک شکل پسِ شکل مسخروں جیسی

یہ کارِ فکر و متانت لگے ہے لاف مجھے

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ کون ہیں کہ رکا ہے طواف ہوتا ہوا

دسمبر 1, 2007منصور آفاق،شعراء،غزلانکشاف،اختلاف،اعتراف،طواف،غلافadmin

منصور آفاق ۔ غزل نمبر 59

ہجوم عاشقاں میں اک شگاف ہوتا ہوا

یہ کون ہیں کہ رکا ہے طواف ہوتا ہوا

خیال آ گیا لاکھوں کروڑوں تاروں کا

پلٹ پڑا میں کہیں انکشاف ہوتا ہوا

لے آیا ہے مجھے خوشبو بھری عمارت میں

کسی گلی سے مرا اختلاف ہوتا ہوا

طوافِ وجدِمسلسل سے عرش تک پہنچا

میں خانہ کعبہ کا روشن غلاف ہوتا ہوا

بس عین وقت پہ دستک ہوئی وہاں منصور

زباں پہ رہ گیا، پھر اعتراف ہوتا ہوا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔