عرفان صدیقی ۔ غزل نمبر 263

کس کو دھوکا یہ ہوا بیتی رُتوں والی دے

آتے موسم کا پتا سوکھی ہوئی ڈالی دے

اَے خدا! سبزۂ صحرا کو بھی تنہا مت رکھ

اِس کو شبنم نہیں دیتا ہے تو پامالی دے

ہر برس صرف سمندر ہی پہ موتی نہ لٹا

ابرِ نیساں مرے کھیتوں کو بھی ہریالی دے

جب کبھی شام کو توُ دستِ دُعا پھیلائے

آسماں کو ترے ہاتھوں کی حنا لالی دے

چپ ہوا میں تو بس اقرارِ خطا ہی سمجھو

کیا بیاں اِس کے سوا مجرمِ اِقبالی دے

ویسے آنکھیں تو گنہگار بہت ہیں عرفانؔ

آگے جو کچھ مرے جذبوں کی خوش اعمالی دے

عرفان صدیقی