ٹیگ کے محفوظات: اداسی

یہ اداسی کہاں سے آتی ہے

اکتوبر 23, 2015Jaun Elia،جون ایلیا،شعراء،غزلاداسی،باسی،سیadmin

جون ایلیا ۔ غزل نمبر 228

روح پیاسی کہاں سے آتی ہے

یہ اداسی کہاں سے آتی ہے

ایک زندانِ بے دلی اور شام

یہ صبا سی کہاں سے آتی ہے

تو ہے پہلو میں پھر تری خوشبو

ہو کے باسی کہاں سے آتی ہے

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اچھی مجھے اداسی شروعات میں لگی

دسمبر 1, 2007منصور آفاق،شعراء،غزللباسی،پیاسی،اداسی،باسی،بدحواسی،خداسی،داسی،سی،عباسیadmin

منصور آفاق ۔ غزل نمبر 471

معصوم ،دلرباسی شروعات میں لگی

اچھی مجھے اداسی شروعات میں لگی

چاروں طرف سیاہ سمندر تھا بعد میں

بھیگی ہوئی ہوا سی شروعات میں لگی

پھر ڈر گیا چڑیل کی بدروح دیکھ کر

اچھی وہ خوش لباسی شروعات میں لگی

پھر جھرجھری سی آگئی سایوں کے خوف سے

تنہائی کچھ خداسی شروعات میں لگی

پھر ہو گئی سموتھ سمندر سی کیفیت

جذبوں کو بدحواسی شروعات میں لگی

پھر اپنی تشنگی کا مجھے آ گیا خیال

صحرا کی ریت پیاسی شروعات میں لگی

کچھ دیر میں میڈونا کی تصویر بن گئی

وہ ناصرہ عباسی شروعات میں لگی

پھر یوں ہوا کہ مجھ کو پجاری بنا دیا

وہ مجھ کو دیو داسی شروعات میں لگی

خانہ بدوش تھی کوئی منصور زندگی

وہ بستیوں کی باسی شروعات میں لگی

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔