دیوان اول غزل 643

مہیا جس کنے اسباب ملکی اور مالی تھے

وہ اسکندر گیا یاں سے تو دونوں ہاتھ خالی تھے

کلاہ کج سے ہر غنچے کی پیدا ہے گلستاں میں

کہ کیا کیا اس چمن میں دلبروں کے لا ابالی تھے

میر تقی میر

باقی صدیقی ۔ غزل نمبر 240

دل دھڑکتا ہے جام خالی ہے

کوئی تو بات ہونے والی ہے

غم جاناں ہو یا غم دوراں

زیست ہر حال میں سوالی ہے

حادثہ حادثے سے روکا ہے

آرزو آرزو سے ٹالی ہے

ٹوٹ کر دل ہے اس طرح خاموش

ہم نے گویا مراد پا لی ہے

کیا زیاں کا گلہ کریں باقیؔ

کچھ طبیعت ہی لا ابالی ہے

باقی صدیقی