ٹیگ کے محفوظات: آج

صبا بھی پُوچھنے آئی مزاج کانٹوں کا

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلمزاج،آج،تاج،رواج،علاجadmin

ہُوا جو صحنِ گلستاں میں راج کانٹوں کا

صبا بھی پُوچھنے آئی مزاج کانٹوں کا

کہو تو زخمِ رگِ گُل کا تذکرہ چھیڑیں

کہ زیرِ بحث ہے کردار آج کانٹوں کا

ہم اپنے چاکِ قبا کو رفُو تو کر لیتے

مگر وہی ہے ابھی تک مزاج، کانٹوں کا

چمن سے اُٹھ گئی رسمِ بہار ہی شاید

کہ دل پہ بار نہیں ہے، رواج کانٹوں کا

درِ قفس پہ، اُسی کے گلے کا ہار تھے پُھول

جسے مِلا ہے گلستاں سے تاج کانٹوں کا

لگی ہے مُہر خراشوں کی دیدہ و دل پر

شکیبؔ! کوئی کرے کیا عِلاج کانٹوں کا

شکیب جلالی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہیں رقیب تو رہ میں مری سماج سہی

مارچ 31, 2017ماجد صدیقی،غزل،غزل سراآج،باج،تاج،رواج،راج،سماجadmin

ماجد صدیقی ۔ غزل نمبر 20

مجھے ہی ضبطِ تمنّائے دل کی لاج سی

نہیں رقیب تو رہ میں مری سماج سہی

زبان سے بھی کہو بات جو نگاہ میں ہے

جو حشر دل پہ گزرنا ہے کل وُہ آج سہی

کسی کے نام تو ہونا ہے اِس ریاست کو

خُدا کے بعد تمہارا ہی دل پہ راج سہی

ستم کا نام نہ دیں ہم کسی ستم کو بھی

یہ اہتمام بھی اَب شہر کا رواج سہی

کرو نہ شاخِ بدن سے سروں کے پھُول جُدا

سدا بہار تمہارے ہی سر کا تاج سہی

ہلا نہ لب بھی ستم گرکے سامنے ماجدؔ

جہاں ہیں اور وہاں یہ بھی ایک باج سہی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مگر کچھ اور ہی انداز آج اس کا تھا

نومبر 2, 2015احمد فراز،شعراء،غزلمزاج،آج،تاج،رواج،راجadmin

احمد فراز ۔ غزل نمبر 22

گئے دنوں میں محبت مزاج اس کا تھا

مگر کچھ اور ہی انداز آج اس کا تھا

وہ شہر یار جب اقلیم حرف میں آیا

تو میرا دست نگر تخت و تاج اس کا تھا

میں کیا بتاؤں کہ کیوں اس نے بے وفائی کی

مگر یہی کہ کچھ ایسا مزاج اس کا تھا

لہو لہان تھا میں اور عدل کی میزان

جھکی تھی جانبِ قاتل کہ راج اس کا تھا

تجھے گلہ ہے کہ دنیا نے پھیر لیں‌ آنکھیں

فراز یہ تو سدا سے رواج اس کا تھا

احمد فراز

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خیر یہ راز آج کھول دیا

اکتوبر 24, 2015Jaun Elia،قطعہ،جون ایلیا،شعراءآج،زہرadmin

جون ایلیا ۔ قطعہ نمبر 7

تم زمانے سے لڑ نہیں سکتیں

خیر یہ راز آج کھول دیا

وہ اجازت کہ جا رہو ہوں میں

تم نے باتوں میں زہر کھول دیا

قطعہ

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چشمِ کشودہ حلقۂ بیرونِ در ہے آج

اکتوبر 8, 2015مرزا اسد اللہ خان غالب،اساتذہ،غزلآجadmin

دیوانِ غالب ۔ غزل نمبر 11

معزولئ تپش ہوئی افرازِ انتظار

چشمِ کشودہ حلقۂ بیرونِ در ہے آج

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔