زمرہ جات کے محفوظات: شعراء

اردو ادب کے نام ور شعراء

کون اے دوست باریاب نہیں

جنوری 8, 1972باقی صدیقی،شعراء،غزلانتخاب،باریاب،جواب،خواب،شرابadmin

باقی صدیقی ۔ غزل نمبر 137

میکشوں میں وہ اضطراب نہیں

کون اے دوست باریاب نہیں

بار دنیا نہ اٹھ سکا تو کیا

زندگی میرا انتخاب نہیں

دل کی تسکیں بھی چاہتا ہوں میں

میرا مقصد فقط جواب نہیں

اک نہ اک چیز کی کمی ہی رہی

کبھی ساغر کبھی شراب نہیں

دل کو کیونکر فریب دیں باقیؔ

غم حقیقت ہے کوئی خواب نہیں

باقی صدیقی

ہے چیز کون سی جو تیرا شاہکار نہیں

جنوری 8, 1972باقی صدیقی،شعراء،غزلآشکار،بہار،سازگار،شمار،شاہکارadmin

باقی صدیقی ۔ غزل نمبر 136

یہ گل نہیں یہ شگوفے نہیں یہ خار نہیں

ہے چیز کون سی جو تیرا شاہکار نہیں

خیال تیری طرف ہو تو غم بھی بار نہیں

یہ کیا گلہ ہے کہ ماحول سازگار نہیں

چمن کو دیکھ کے دیکھو بنانے والے کو

مقام فکر بھی ہے صرف یہ بہار نہیں

تری نگاہ کرم کی امید ہے ورنہ

میرے گناہوں کا یا رب کوئی شمار نہیں

زمانہ راز ہے تو راز ہی رہے باقیؔ

اسی میں اپنا بھرم ہے کہ آشکار نہیں

باقی صدیقی

تو نظر کے سامنے ہے یا نہیں

جنوری 8, 1972باقی صدیقی،شعراء،غزلہلتا،ہوتا،چاہا،یا،گویا،آتا،بہتا،تنہا،سایہadmin

باقی صدیقی ۔ غزل نمبر 135

دل کسی صورت ٹھہر پاتا نہیں

تو نظر کے سامنے ہے یا نہیں

مٹ گیا ہے دل سے کیا تیرا خیال

اتنا دنیا کو کبھی چاہا نہیں

اس طرح محفل یہ ہے اس کی نظر

سب ہیں تنہا اور کوئی تنہا نہیں

سوچ کر کیا بات آ بیٹھے ہو تم

ان درختوں کا کوئی سایہ نہیں

دھوپ کا رُخ دیکھ کر چلتے ہیں لوگ

کوئی اپنے سامنے آتا نہیں

بات مظلوموں پہ آخر آئے گی

الٹے رُخ دریا کبھی بہتا نہیں

دیکھتا ہوں اس طرح ہر ایک کو

آدمی بھی آدمی گویا نہیں

یہ بھی تو پہلو ہے اک حالات کا

لوگ جو کہتے ہیں وہ ہوتا نہیں

آج باقیؔ کیا ہوا کو ہو گیا

دور تک پتا کوئی ہلتا نہیں

باقی صدیقی

انداز جہان گزراں دیکھ رہے ہیں

جنوری 8, 1972باقی صدیقی،شعراء،غزلنہاں،نشاں،کشاں،گزراں،جہاںadmin

باقی صدیقی ۔ غزل نمبر 134

اخلاص کو مجبور فغاں دیکھ رہے ہیں

انداز جہان گزراں دیکھ رہے ہیں

ہم زیست کی راہوں میں دئیے غم کے جلا کر

گزرے ہوئے لمحوں کے نشاں دیکھ رہے ہیں

کیا جرات بے باک ہے یہ دل، یہ محبت

قطرے میں سمندر کو نہاں دیکھ رہے ہیں

کیا دور سے اک ساغر گل رنگ دکھا کر

وہ کش مکش بادہ کشاں دیکھ رہے ہیں

حالات نے اس طرح جکڑ رکھا ہے باقیؔ

جو کچھ بھی دکھاتا ہے جہاں دیکھ رہے ہیں

باقی صدیقی

جینے کے لئے ترس رہے ہیں

جنوری 8, 1972باقی صدیقی،شعراء،غزلقفس،نفس،برس،بس،ترسadmin

باقی صدیقی ۔ غزل نمبر 133

ہم کس کے جہاں میں بس رہے ہیں

جینے کے لئے ترس رہے ہیں

گلشن میں انہیں بھی ہم نہیں یاد

جو ساتھ قفس قفس رہے ہیں

آئی ترے قہقہوں کی آواز

یہ پھول کہاں برس رہے ہیں

کس رنگ میں زندگی کو ڈھالیں

ہر رنگ مں ی آپ بس رہے ہیں

ہم سے بھی زمانہ آشنا ہے

ہم بھی ترے ہم نفس رہے ہیں

شبنم کی طرح اڑے ہیں باقیؔ

بادل کی طرح برس رہے ہیں

باقی صدیقی

کس کے لئے ترس رہے ہیں

جنوری 8, 1972باقی صدیقی،شعراء،غزلقفس،برس،بس،ترسadmin

باقی صدیقی ۔ غزل نمبر 132

ہم کس کے جہاں میں بس رہے ہیں

جینے کے لئے ترس رہے ہیں

گلشن میں انہیں بھی ہم نہیں یاد

جو ساتھ قفس قفس رہے ہیں

آئی ترے قہقہوں کی آواز

یہ پھول کہاں برس رہے ہیں

کس رنگ میں زندگی کو ڈھالیں

ہر رنگ مں ی آپ بس رہے ہیں

ہم سے بھی زمانہ آشنا ہے

ہم بھی ترے ہم نفس رہے ہیں

شبنم کی طرح اڑے ہیں باقیؔ

بادل کی طرح برس رہے ہیں

باقی صدیقی

بجھ بجھ کے چراغ جل رہے ہیں

جنوری 8, 1972باقی صدیقی،شعراء،غزلچل،نکل،اگل،بدل،جل،سنبھلadmin

باقی صدیقی ۔ غزل نمبر 131

اشکوں میں خیال ڈھل رہے ہیں

بجھ بجھ کے چراغ جل رہے ہیں

آداب چمن بھی سیکھ لیں گے

زنداں سے ابھی نکل رہے ہیں

پھولوں کو شرار کہنے والو

کانٹوں پہ بھی لوگ چل رہے ہیں

ہے جھوٹ کہ سچ کسے خبر ہے

سنتے ہیں کہ ہم سنبھل رہے ہیں

آرام کریں کہاں مسافر

سائے بھی شرر اگل رہے ہیں

حالات سے بے نیاز ہو کر

حالات کا رُخ بدل رہے ہیں

کہتے ہیں اسے نصیب باقیؔ

پانی سے چراغ جل رہے ہیں

باقی صدیقی

کس سے ہم آس لگا بیٹھے ہیں

جنوری 8, 1972باقی صدیقی،شعراء،غزللگا،وفا،کیا،پا،آ،بنا،سنا،صداadmin

باقی صدیقی ۔ غزل نمبر 130

راہ میں شمع جلا بیٹھے ہیں

کس سے ہم آس لگا بیٹھے ہیں

رنگ محفل سے ہمیں کیا مطلب

جانے کیا سوچ کے آ بیٹھے ہیں

ختم ہوتی نہیں دل کی باتیں

اپنا قصہ تو سنا بیٹھے ہیں

کون سنتا ہے کسی کی آواز

ہم ابھی کر کے صدا بیٹھے ہیں

مسکرایا ہے زمانہ کیا کیا

کھا کے جب تیر وفا بیٹھے ہیں

خود کو دیکھا تو نہ پہچان سکے

ہم بھی کیا حال بنا بیٹھے ہیں

ابھی کچھ ملتے ہیں منزل کے سراغ

ابھی کچھ آبلہ پا بیٹھے ہیں

منزلوں رہ گئے پیچھے باقیؔ

وہ گھڑی راہ میں کیا بیٹھے ہیں

باقی صدیقی

اپنی زنجیر ہلا دیتے ہیں

جنوری 8, 1972باقی صدیقی،شعراء،غزلہلا،کیا،گرا،پا،اٹّھا،بڑھا،سناadmin

باقی صدیقی ۔ غزل نمبر 129

یوں بھی ہونے کا پتا دیتے ہیں

اپنی زنجیر ہلا دیتے ہیں

پہلے ہر بات پہ ہم سوچتے تھے

اب فقط ہاتھ اٹّھا دیتے ہیں

قافلہ آج کہاں ٹھہرے گا

کیا خبر آبلہ پا دیتے ہیں

بعض اوقات ہوا کے جھونکے

لو چراغوں کی بڑھا دیتے ہیں

دل میں جب بات نہیں رہ سکتی

کسی پتھر کو سنا دیتے ہیں

ایک دیوار اٹھانے کے لئے

ایک دیوار گرا دیتے ہیں

سوچتے ہیں سر ساحل باقیؔ

یہ سمندر ہمیں کیا دیتے ہیں

باقی صدیقی

چل کے دو چار قدم دیکھتے ہیں

جنوری 8, 1972باقی صدیقی،شعراء،غزلہم،قدم،کم،کرم،خم،درم،ستم،صنمadmin

باقی صدیقی ۔ غزل نمبر 128

آپ ہیں دور کہ ہم دیکھتے ہیں

چل کے دو چار قدم دیکھتے ہیں

اپنی آواز پہ رحم آتا ہے

اس بلندی پہ ستم دیکھتے ہیں

ہم سفر کیسے کہ ہم مڑ مڑ کے

اپنے ہی نقش قدم دیکھتے ہیں

زلزلہ کوئی ادھر سے گزرا

تیری دیوار میں خم دیکھتے ہیں

قافلے شوق حرم سے گزرے

اوج پر بخت صنم دیکھتے ہیں

زندگی جنتی بلند اڑتی ہے

درد ہم اتنا ہی کم دیکھتے ہیں

جب کسی غم کا سوال آتا ہے

صورت اہل کرم دیکھتے ہیں

ریگ ساحل ہے مقدر اپنا

کیا ہر اک موج میں ہم دیکھتے ہیں

کتنا خوں اپنا جلا کر باقیؔ

صورت نان و درم دیکھتے ہیں

باقی صدیقی

خود سے ہم واسطہ کم رکھتے ہیں

جنوری 8, 1972باقی صدیقی،شعراء،غزلکم،بہم،بھرم،غمadmin

باقی صدیقی ۔ غزل نمبر 127

جب سے دل میں ترا غم رکھتے ہیں

خود سے ہم واسطہ کم رکھتے ہیں

شک نہ کیجے مری خاموشی پر

لوگ سو طرح کے غم رکھتے ہیں

یوں بھی ملتی ہیں وہ نظریں جیسے

اک تعلق سا بہم رکھتے ہیں

کرتے پھرتے ہیں تمہاری باتیں

یوں بھی ہم اپنا بھرم رکھتے ہیں

ہم یہ کیجے نہ بھروسہ باقیؔ

ہم خیال اپنا بھی کم رکھتے ہیں

باقی صدیقی

بات اپنی پرائی کرتے ہیں

جنوری 8, 1972باقی صدیقی،شعراء،غزلہمنوائی،وفائی،پرائی،بھلائی،رہنمائیadmin

باقی صدیقی ۔ غزل نمبر 126

آپ سے آشنائی کرتے ہیں

بات اپنی پرائی کرتے ہیں

کر رہے ہیں کوئی خطا جیسے

اس طرح ہم بھلائی کرتے ہیں

جن پہ ہوتا ہے اعتبار وہی

وقت پر بے وفائی کرتے ہیں

راہ سے آشنا نہیں پھر بھی

حسرت رہنمائی کرتے ہیں

بھول جاتے ہیں خود کو بھی باقیؔ

لوگ جب ہمنوائی کرتے ہیں

باقی صدیقی

لے تری بزم سے ہم جاتے ہیں

جنوری 8, 1972باقی صدیقی،شعراء،غزلہم،کم،تھمadmin

باقی صدیقی ۔ غزل نمبر 125

پی کے تلخابۂ غم جاتے ہیں

لے تری بزم سے ہم جاتے ہیں

جب سے اٹھ آئے تری محفل سے

ہم کہیں اور بھی کم جاتے ہیں

جانے اس راہ میں کیا کھو آئے

روز کچھ ڈھونڈنے ہم جاتے ہیں

ان کے غصے کے نہ تیور بدلے

ورنہ طوفان بھی تھم جاتے ہیں

جب سے ٹوٹا ہے سفینہ باقیؔ

ساتھ ہر موج کے ہم جاتے ہیں

باقی صدیقی

حادثے کچھ پس دیوار بھی ہیں

جنوری 8, 1972باقی صدیقی،شعراء،غزلگار،بیزار،بازار،دیوارadmin

باقی صدیقی ۔ غزل نمبر 124

صبح میں شام کے آثار بھی ہیں

حادثے کچھ پس دیوار بھی ہیں

راس آتی نہیں تنہائی بھی

اور ہر شخص سے بیزار بھی ہیں

آزمائش سے بھی جاں جاتی ہے

اور ہم تیرے طلب گار بھی ہیں

پہلے اک دل پہ نظر تھی باقیؔ

سامنے اب کئی بازار بھی ہیں

باقی صدیقی

کوئی دیکھے تو نظر آتے ہیں

جنوری 8, 1972باقی صدیقی،شعراء،غزللہراتے،آتے،جاتےadmin

باقی صدیقی ۔ غزل نمبر 123

اپنے زخموں میں چھپے جاتے ہیں

کوئی دیکھے تو نظر آتے ہیں

رنگ تصویر میں بھرنے والے

پس تصویر ہوئے جاتے ہیں

تیرے ارماں میں کہ اندوہ جہاں

دل میں کچھ سائے سے لہراتے ہیں

دھیان غربت کی طرف جاتا ہے

یاد ارباب وطن آتے ہیں

یہ غم دل، یہ شب تنہائی

سوچتے سوچتے سو جاتے ہیں

جب قدم رکھتے ہیں گھر میں باقیؔ

سینکڑوں حادثے یاد آتے ہیں

باقی صدیقی

زندگی کی ہنسی اڑاتے ہیں

جنوری 8, 1972باقی صدیقی،شعراء،غزلکھاتے،اڑاتے،بناتے،جاتےadmin

باقی صدیقی ۔ غزل نمبر 122

بات پر اپنی ہم جب آتے ہیں

زندگی کی ہنسی اڑاتے ہیں

شب غم کا کوئی سوال نہیں

نیند آئے تو سو بھی جاتے ہیں

جانتے ہیں مآل غم پھر بھی

لوگ کیا کیا فریب کھاتے ہیں

راستہ بھولنا تو ہے اک بات

راہرو خود کو بھول جاتے ہیں

بات کو سوچتے نہیں باقیؔ

لوگ جب داستاں بناتے ہیں

باقی صدیقی

زمانے کی باتیں وہ کب مانتے ہیں

جنوری 8, 1972باقی صدیقی،شعراء،غزلمانتے،پہچانتے،جانتےadmin

باقی صدیقی ۔ غزل نمبر 121

تمہاری نگاہیں جو پہچانتے ہیں

زمانے کی باتیں وہ کب مانتے ہیں

فریب تلاطم نہ دیں ناخدا اب

سفینے کناروں کو پہچانتے ہیں

زمانے کی چالیں زمانہ ہی سمجھے

نہ تم جانتے ہو نہ ہم جانتے ہیں

تعارف کی کوئی ضرورت نہیں ہے

دوانے دوانوں کو پہچانتے ہیں

کرو ضبط غم کی نہ تلقین باقیؔ

جو ہم پر گزرتی ہے ہم جانتے ہیں

باقی صدیقی

گلشن میں کیوں یاد بگولے آتے ہیں

جنوری 8, 1972باقی صدیقی،شعراء،غزلکھاتے،آتے،جاتے،سمجھاتےadmin

باقی صدیقی ۔ غزل نمبر 120

کیا ذروں کا جوش صبا نے چھین لیا

گلشن میں کیوں یاد بگولے آتے ہیں

دنیا نے ہر بات میں کیا کیا رنگ بھرے

ہم سادہ اوراق الٹتے جاتے ہیں

دل ناداں ہے شاید راہ پہ آ جائے

تم بھی سمجھاؤ ہم بھی سمجھاتے ہیں

تم بھی الٹی الٹی باتیں پوچھتے ہو

ہم بھی کیسی کیسی قسمیں کھاتے ہیں

بیٹھ کے روئیں کس کو فرصت ہے باقیؔ

بولے بسرے قصے تو یاد آتے ہیں

باقی صدیقی

انے نقش کف پا کیا دیکھیں

جنوری 8, 1972باقی صدیقی،شعراء،غزلنما،پا،ادا،بھلا،سوا،سبا،سرا،صباadmin

باقی صدیقی ۔ غزل نمبر 119

زندگی دل کا سکوں چاہتی ہے

رونق شہر سبا کیا دیکھیں

کھوکھلے قہقہے پھیکی باتیں

زیست کو زیست نما کیا دیکھیں

زخم آواز ہی آئینہ ہے

صورت نغمہ سرا کیا دیکھیں

قہر دریا کا تقاضا معلوم

ہم حبابوں کے سوا کیا دیکھیں

سانس کلیوں کا رکا جاتا ہے

شوخی موج صبا کیا دیکھیں

دل ہے دیوار، نظر ہے پردہ

دیکھنے والے بھلا کیا دیکھیں

ایک عالم ہے غبار آلودہ

جانے والے کی ادا کیا دیکھیں

زندگی بھاگ رہی ہے باقیؔ

شوق کو آبلہ پا کیا دیکھیں

باقی صدیقی

درد دل مانگ کے پھر کیا مانگیں

جنوری 8, 1972باقی صدیقی،شعراء،غزلقطرہ،کیا،بینا،تمنا،تماشا،رستہ،سایہ،صحراadmin

باقی صدیقی ۔ غزل نمبر 118

موج ہاتھ آئے تو دریا مانگیں

درد دل مانگ کے پھر کیا مانگیں

کیا ملا انجمن آرائی سے

کیسے تنہائی سے رستہ مانگیں

دست کوتاہ نہیں دست طلب

مانگنے والوں سے ہم کیا مانگیں

دل کو غم ہائے جہاں سے فرصت

تجھ سے کیا تیری تمنا مانگیں

کس قدر تاب نظر ہے کس کو

کس لئے دیدہ بینا مانگیں

شہر کا شہر کڑی دھوپ میں ہے

کس کی دیوار سے سایہ مانگیں

کبھی قطرے کو بحسرت دیکھیں

کبھی دریا سے نہ قطرہ مانگیں

کبھی اک ذرے میں گم ہو جائیں

کبھی ہم وسعت صحرا مانگیں

تاب نظارا نہیں ہے باقیؔ

پھر بھی ہم طرفہ تماشا مانگیں

باقی صدیقی

ہنس پڑی دیکھ کر بہار ہمیں

جنوری 8, 1972باقی صدیقی،شعراء،غزلپکار،اختیار،اعتبار،بہار،سنوار،شرار،غمگسارadmin

باقی صدیقی ۔ غزل نمبر 117

تھا میسر نہ ایک تار ہمیں

ہنس پڑی دیکھ کر بہار ہمیں

اتنا خود پر بھی اعتبار نہیں

جتنا تجھ پر ہے اعتبار ہمیں

اب محبت کا یہ تقاضا ہے

کاکلوں کی طرح سنوار ہمیں

زخم دل دیکھ کر خیال آیا

تجھ پہ کتنا تھا اعتبار ہمیں

تیری نظروں پہ حرف آتا ہے

ورنہ دل پر ہے اختیار ہمیں

غیر سے اس طرح ملے جیسے

مل گیا کوئی غمگسار ہمیں

دلِ پُر درد کا تقاضا ہے

دوستوں کی طرح پکار ہمیں

بارہا وقت نے دئیے باقیؔ

پھول کے رنگ میں شرار ہمیں

باقی صدیقی

دشت کیسا پڑا ہے رستے میں

جنوری 8, 1972باقی صدیقی،شعراء،غزلکڑا،گڑا،پڑا،اڑا،بڑاadmin

باقی صدیقی ۔ غزل نمبر 116

وقت چپ سا کھڑا ہے رستے میں

دشت کیسا پڑا ہے رستے میں

آپ کا غم ہو یا زمانے کا

کوس جو ہے کڑا ہے رستے میں

سنگ ریزوں کو دیکھنے والو

دل سا ہیرا پڑا ہے رستے میں

کوئی کانٹا ہے یا کوئی گل ہے

دل کا دامن اڑا ہے رستے میں

اس طرح چپ کھڑے ہیں ہم جیسے

ایک پتھر گڑا ہے رستے میں

دل اگر بجھ گیا تو پھر باقیؔ

ایک کانٹا بڑا ہے رستے میں

باقی صدیقی

اب کھٹکتی ہے نظر آنکھوں میں

جنوری 8, 1972باقی صدیقی،شعراء،غزلنظر،اگر،بسر،تر،سفر،سحرadmin

باقی صدیقی ۔ غزل نمبر 115

کر لیا آپ نے گھر آنکھوں میں

اب کھٹکتی ہے نظر آنکھوں میں

خواب بن بن کے بکھرتا ہے جہاں

شام سے تابہ سحر آنکھوں میں

صبح کی فکر میں رہنے والے

رات کرتے ہیں بسر آنکھوں میں

کھل گیا راز گلستاں دل پر

چبھ رہے ہیں گل تر آنکھوں میں

روز اک طرفہ تماشا بن کر

وقت کرتا ہے سفر آنکھوں میں

بات چھیڑی تو ہے ان کی باقیؔ

آ گئے اشک اگر آنکھوں میں

باقی صدیقی

اداس پھرتے ہیں ہم بیریوں کی چھاؤں میں

جنوری 8, 1972باقی صدیقی،شعراء،غزلہواؤں،فضاؤں،چھاؤں،گاؤں،گداؤں،پاؤں،صداؤںadmin

باقی صدیقی ۔ غزل نمبر 114

خبر کچھ ایسی اڑائی کسی نے گاؤں میں

اداس پھرتے ہیں ہم بیریوں کی چھاؤں میں

نظر نظر سے نکلتی ہیں درد کی ٹیسیں

قدم قدم پہ وہ کانٹے چبھے ہیں پاؤں میں

ہرایک سمت سے اڑ اڑ کے ریت آتی ہے

ابھی ہے زور وہی دشت کی ہواؤں میں

غموں کی بھیڑ میں امید کا وہ عالم ہے

کہ جیسے ایک سخی ہو کئی گداؤں میں

ابھی ہے گوش بر آواز گھر کا سناٹا

ابھی کشش ہے بڑی دور کی صداؤں میں

چلے تو ہیں کسی آہٹ کا آسرا لے کر

بھٹک نہ جائیں کہیں اجنبی فضاؤں میں

دھواں دھواں سی ہے کھیتوں کی چاندنی باقیؔ

کہ آگ شہر کی اب آ گئی ہے گاؤں میں

باقی صدیقی

جانے کیا مصلحت ہے جینے میں

جنوری 8, 1972باقی صدیقی،شعراء،غزلپینے،آبگینے،جینے،سفینے،سینےadmin

باقی صدیقی ۔ غزل نمبر 113

دل ٹھہرتا نہیں ہے سینے میں

جانے کیا مصلحت ہے جینے میں

یہ تمنا، یہ دل معاذاﷲ

آبگینہ ہے آبگینے میں

زخم پر زخم کھائے جاتے ہیں

کس کا دل ہے ہمارے سینے میں

زندگی نے ہزار حجت کی

خون کا ایک گھونٹ پینے میں

موج طوفاں کو دیکھ کر باقیؔ

ناخدا چھپ گیا سفینے میں

باقی صدیقی

یرے دشمن رہیں میرے دل میں

جنوری 8, 1972باقی صدیقی،شعراء،غزلمنزل،محفل،مشکل،دل،ساحلadmin

باقی صدیقی ۔ غزل نمبر 112

کیا ہے اس اجڑی ہوئی منزل میں

میرے دشمن رہیں میرے دل میں

وہم آنے لگے کیا کیا دل میں

رک گیا قافلہ کس منزل میں

سوچتا کچھ ہے تو کرتا کچھ ہے

آدمی ہوتا ہے جب مشکل میں

موج جو آتی ہے لٹ جاتی ہے

کون سی بات نہیں ساحل میں

جانے کیا دل کو ہوا ہے باقیؔ

جی نہیں لگتا کسی محفل میں

باقی صدیقی

کون سے مہرباں کی بات کریں

جنوری 8, 1972باقی صدیقی،شعراء،غزلمہرباں،گلستاں،آستاں،جہاں،رواںadmin

باقی صدیقی ۔ غزل نمبر 111

آپ کی یا جہاں کی بات کریں

کون سے مہرباں کی بات کریں

حسن خوش ہے نہ عشق آسودہ

کیا ترے آستاں کی بات کریں

ہو چکیں اس جہان کی باتیں

اب کوئی اس جہاں کی بات کریں

زندگی نام ہے بہاروں کا

گل نہیں گلستاں کی بات کریں

سب کو ساحل کا پاس ہے باقیؔ

کس سے موج رواں کی بات کریں

باقی صدیقی

تم بھی ذرا زلفوں کو سنوارو ہم بھی ذرا آرام کریں

جنوری 8, 1972باقی صدیقی،شعراء،غزلکام،آرام،بدنام،حرامadmin

باقی صدیقی ۔ غزل نمبر 110

سورج ڈوب رہا ہے آؤ طوف بادہ و جام کریں

تم بھی ذرا زلفوں کو سنوارو ہم بھی ذرا آرام کریں

کس کا وعدہ کیسی تمنا، اٹھ اے دل آرام کریں

ان کو بات کا پاس نہیں تو ہم کیوں نیند حرام کریں

محفل ہستی کے سازوں پر کیوں خاموشی طاری ہے

آؤ کوئی نغمہ چھیڑیں، لاؤ کوئی کام کریں

ایک سے ایک ملا ہے بڑھ کر جس کے بھی نزدیک گئے

کس کس سے ہم الجھیں باقیؔ کس کس کو بدنام کریں

باقی صدیقی

کوسنا رنگ اختیار کریں

جنوری 8, 1972باقی صدیقی،شعراء،غزلانتظار،اختیار،اعتبار،بہار،غمگسارadmin

باقی صدیقی ۔ غزل نمبر 109

تجھ پہ یا خود پہ اعتبار کریں

کوسنا رنگ اختیار کریں

تجربے کا یہی تقاضا ہے

آپ پر بھی نہ اعتبار کریں

پرسش غم نہیں ہے غم کا علاج

یہ تکلف نہ غمگسار کریں

حد نہیں انتظار کی کوئی

آگے ہم جتنا انتظار کریں

پتا پتا ہے مضمحل باقیؔ

ہم کہاں تک غم بہار کریں

باقی صدیقی

بے تابیاں سمٹ کے ترا نام بن گئیں

جنوری 8, 1972باقی صدیقی،شعراء،غزلنام،آرام،الزام،ایام،جام،دامadmin

باقی صدیقی ۔ غزل نمبر 108

دل کے لئے حیات کا پیغام بن گئیں

بے تابیاں سمٹ کے ترا نام بن گئیں

کچھ لغزشوں سے کام جہاں کے سنور گئے

کچھ جراتیں حیات پر الزام بن گئیں

ہر چند وہ نگاہیں ہمارے لئے نہ تھیں

پھر بھی حریف گردش ایام بن گئیں

آنے لگا حیات کو انجام کا خیال

جب آرزوئیں پھیل کے اک دام بن گئیں

کچھ کم نہیں جہاں سے جہاں کی مسرتیں

جب پاس آئیں دشمن آرام بن گئیں

باقیؔ جہاں کرے گا مری میکشی پہ رشک

ان کی حسیں نگاہیں اگر جام بن گئیں

باقیؔ مال شوق کا آنے لگا خیال

جب آرزوئیں پھیل کے اک دام بن گئیں

باقی صدیقی

مگر تجھ سے ہے دنیا بدگماں کیوں

جنوری 8, 1972باقی صدیقی،شعراء،غزلنشاں،کارواں،پستیاں،بدگماں،دھواں،رہرواں،زباںadmin

باقی صدیقی ۔ غزل نمبر 107

کوئی سمجھے تجھے نا مہرباں کیوں

مگر تجھ سے ہے دنیا بدگماں کیوں

کوئی تو بات ہے اظہار غم میں

وگرنہ لڑکھڑاتی ہے زباں کیوں

ابھرتا ہے یہیں سے ہر تلاطم

بلندی سے خفا ہیں پستیاں کیوں

جو اپنی رہگزر سے آشنا ہو

وہ دیکھے نقش پائے رہرواں کیوں

اداسی منزلوں کی کہہ رہی ہے

ادھر سے کوئی گزرے کارواں کیوں

مسافر کوئی شاید لٹ گیا ہے

چراغ راہ دے اٹھا دھواں کیوں

جہاں تیری نطر ہو کار فرما

وہاں باقیؔ رہے میرا نشاں کیوں

باقی صدیقی

کوئی تیرا ذکر چھیڑے اور میں سنتا رہوں

جنوری 8, 1972باقی صدیقی،شعراء،غزلہنستا،گرتا،ٹھہرا،پیاسا،بہتا،بیٹھا،بڑھتا،تکتا،جاتا،سنتاadmin

باقی صدیقی ۔ غزل نمبر 106

میں ہر اک محفل میں اس امید پر بیٹھا رہوں

کوئی تیرا ذکر چھیڑے اور میں سنتا رہوں

دھوپ کی صورت مرے ہمراہ تو چلتا رہے

سائے کی مانند میں گھٹتا رہوں بڑھتا رہوں

ایک طوفاں کی طرح تو مجھ سے ٹکراتا رہے

اور ساحل کی طرح کٹ کٹ کے میں گرتا رہوں

تو لہو کی طرح میرے جسم میں گردش کرے

سانس کی مانند میں آتا رہوں جاتا رہوں

دشت دل سے تو صبا بن کے اگر گزرے تومیں

قطرہ بن کے نوک خار زیست پر ٹھہرا رہوں

دائرے آب رواں کے ٹوٹتے بنتے رہیں

اور اپنی شکل میں بیٹھا ہوا تکتا رہوں

زندگی کے مرحلے دنیا کی خاطر طے کروں

اور محبت کے لئے میں عمر بھر پیاسا رہوں

کر دیا ہے کام کیسا تو نے یہ میرے سپرد

رات بھر آوارہ قدموں کی صدا سنتا رہوں

میری حسرت کا تقاضا ہے کہ تیری آرزو

موسم گل میں شکستہ شاخ پر بیٹھا رہوں

زندگی دو حادثوں کے درمیاں اک حادثہ

میں کہاں تک حادثوں کے درمیاں بیٹھا رہوں

زندہ رہنے کا تو باقیؔ یہ بھی اک انداز ہے

بیٹھ کر غیروں میں اپنے آپ پر ہنستا رہوں

باقی صدیقی

ملا ہے جو اختیار اس اختیار پر غور کر رہا ہوں

جنوری 8, 1972باقی صدیقی،شعراء،غزلاختیار،اعتبار،بہار،روزگار،غبارadmin

باقی صدیقی ۔ غزل نمبر 105

ہجوم رنج و الم میں صبر و قرار پر غور کر رہا ہوں

ملا ہے جو اختیار اس اختیار پر غور کر رہا ہوں

نظر کے سائے ذرا ہٹا لو کہ عقل کی سانس گھٹ رہی ہے

ہٹو ہٹو میں کشاکش روزگار پر غور کر رہا ہوں

بھٹک رہا ہے خیال سود و زیاں کے پر پیچ راستوں میں

کہاں کی منزل ابھی تو گردو غبار پر غور کر رہا ہوں

میں کتنا بیباک ہو گیا ہوں مجھے سزا دو چمن پرستو!

بہار کہتے ہو تم جسے اس بہار پر غور کر رہا ہوں

بدل رہا ہے کچھ اس طرح ان کے عہد و پیماں کا رنگ باقیؔ

کیا تھا کل اعتبار آج اعتبار پر غور کر رہا ہوں

باقی صدیقی

سامنے تیرے آ رہا ہوں میں

جنوری 8, 1972باقی صدیقی،شعراء،غزلمسکرا،گا،گردا،آ،جداadmin

باقی صدیقی ۔ غزل نمبر 104

اپنا قصہ سنا رہا ہوں میں

سامنے تیرے آ رہا ہوں میں

ایک مدت تری محبت میں

اپنے دل سے جدا رہا ہوں میں

تیری شہرت کے واسطے کیا کیا

خود پہ پردے گردا رہا ہوں میں

اک زمانے کی ہے نظر مجھ پر

اس لئے مسکرا رہا ہوں میں

زندگی دھن رہی ہے سر باقی

کونسا راگ گا رہا ہوں میں

باقی صدیقی

چھوڑو نہ کرو بات کہ میں تم ے خفا ہوں

جنوری 8, 1972باقی صدیقی،شعراء،غزلملا،چکا،چھپا،گیا،خفا،رہا،صداadmin

باقی صدیقی ۔ غزل نمبر 103

تم کب تھے قریب اتنے میں کب دور رہا ہوں

چھوڑو نہ کرو بات کہ میں تم سے خفا ہوں

رہنے دو کہ اب تم بھی مجھے پڑھ نہ سکو گے

برسات میں کاغذ کی طرح بھیگ گیا ہوں

سو بار گرہ دے کے کسی آس نے جوڑا

سو بار میں دھاگے کی طرح ٹوٹ چکا ہوں

جائے گا جہاں تو مری آواز سنے گا

میں چور کی مانند ترے دل میں چھپا ہوں

ایک نقطے پہ آ کر بھی ہم آہنگ نہیں ہیں

تو اپنا فسانہ ہے تو میں اپنی صدا ہوں

چھیڑو نہ ابھی شاخ شکستہ کا فسانہ

ٹھہرو میں ابھی رقص صبا دیکھ رہا ہوں

منزل کا پتا جس نے دیا تھا مجھے باقیؔ

اس شخص سے رستے میں کئی بار ملا ہوں

باقی صدیقی

ورنہ اک قافلہ ملک عدم ہیں ہم لوگ

جنوری 8, 1972باقی صدیقی،شعراء،غزلکم،جم،حرم،ستم،عدمadmin

باقی صدیقی ۔ غزل نمبر 102

کوئی سمجھے تو زمانے کا بھرم ہیں ہم لوگ

ورنہ اک قافلہ ملک عدم ہیں ہم لوگ

دیکھئے کون سی منزل ہمیں اپناتی ہے

راندۂ میکدہ و دیر و حرم ہیں ہم لوگ

مسکراہٹ کو سمجھ لیتے ہیں دل کا پر تو

آشنا دہر کے انداز سے کم ہیں ہم لوگ

یاد آئیں گے زمانے کو ہم آتے آتے

اک تری بھولی ہوئی طرز ستم ہیں ہم لوگ

کوئی نسبت نہیں ارباب نظر سے باقیؔ

سائے کی طرح پس ساغر جم ہیں ہم لوگ

باقی صدیقی

اک مجسم سوال ہیں ہم لوگ

جنوری 8, 1972باقی صدیقی،شعراء،غزلمآل،مثال،چال،ڈھال،انفعال،اندمال،خیال،خدوخال،سوالadmin

باقی صدیقی ۔ غزل نمبر 101

ہمہ تن عرض حال ہیں ہم لوگ

اک مجسم سوال ہیں ہم لوگ

اور کس پر یہ حادثے گزرے

آپ اپنی مثال ہیں ہم لوگ

وقت کا فیصلہ ہے چارہ گرو

زخم تم، اندمال ہیں ہم لوگ

موت اپنی نہ زندگی اپنی

کس گماں کا مآل ہیں ہم لوگ

آپ سمجھیں تو ایک حقیقت ہیں

ورنہ خواب و خیال ہیں ہم لوگ

لاکھ پردوں میں بھی نمایاں ہیں

وقت کے خدوخال ہیں ہم لوگ

چارہ سازوں کے سرد ماتھے پر

عرق انفعال ہیں ہم لوگ

زندگی کی بساط پر باقیؔ

موت کی ایک چال ہیں ہم لوگ

کام لیتا ہے اک جہاں باقیؔ

ہر مصیبت کی ڈھال ہیں ہم لوگ

باقی صدیقی

پہلے سے نہیں ہم کہ وہ پہلے سے نہیں لوگ

جنوری 8, 1972باقی صدیقی،شعراء،غزلہمیں،نہیں،وہیں،کہیں،جویں،جبیںadmin

باقی صدیقی ۔ غزل نمبر 100

رہتے ہیں تصور سے بھی اب دور کہیں لوگ

پہلے سے نہیں ہم کہ وہ پہلے سے نہیں لوگ

منہ کھولے ہوئے بیٹھے ہیں کشکول کی صورت

یاقوت گراں مایہ سے تا نان جویں لوگ

ملتا ہے جہاں کوئی چمکتا ہوا ذرہ

رُکتے ہیں وہیں لوگ بھٹکتے ہیں وہیں لوگ

کیا آپ کی رفتار کا شعلہ ہے زمانہ

رکھ دیتے ہیں ہر نقش زمانہ پہ جبیں لوگ

آ پہنچا ہے اس نکتے پہ افسانۂ ہستی

کچھ سنتے نہیں آپ تو کچھ کہتے نہیں لوگ

اس دور سے چپ چاپ گزر جا دل ناداں

احساس کی آواز بھی سن لیں نہ کہیں لوگ

حالات بدلنا کوئی مشکل نہیں باقیؔ

حالات کے رستے میں ہیں دیوار ہمیں لوگ

باقی صدیقی

ہم جانے کہاں رہے ہیں اب تک

جنوری 8, 1972باقی صدیقی،شعراء،غزللب،کب،اب،جب،سبadmin

باقی صدیقی ۔ غزل نمبر 99

پہچان سکے نہ تیرے ڈھب تک

ہم جانے کہاں رہے ہیں اب تک

کیا کیا تھے اصول زندگی کے

مشکل نہ پڑی تھی کوئی جب تک

وہ بات بھی رائیگاں گئی ہے

آئی جو بصد حجاب لب تک

آئے نہ خیال میں کسی کے

ہم بیٹھے رہے خموش کب تک

کیوں زیست کے منتظر ہو باقیؔ

آتا نہیں یہ پیام سب تک

باقی صدیقی

اس چپ میں بھی ہے جی کازیاں بولتے رہو

جنوری 8, 1972باقی صدیقی،شعراء،غزلہمسفراں،یہاں،کازیاں،گراں،جہاں،خزاں،زباںadmin

باقی صدیقی ۔ غزل نمبر 98

کہتا ہے ہر مکیں سے مکاں بولتے رہو

اس چپ میں بھی ہے جی کازیاں بولتے رہو

ہر یاد، ہر خیال ہے لفظوں کا سلسلہ

یہ محفل نوا ہے یہاں بولتے رہو

موج صدائے دل پہ رواں ہے حصار زیست

جس وقت تک ہے منہ میں زباں بولتے رہو

اپنا لہو ہی رنگ ہے، اپنی تپش ہی بو

ہو فصل گل کہ دور خزاں بولتے رہو

قدموں پہ بار ہوتے ہیں سنسان راستے

لمبا سفر ہے ہمسفراں بولتے رہو

ہے زندگی بھی ٹوٹا ہوا آئنہ تو کیا

تم بھی بطرز شیشہ گراں بولتے رہو

باقیؔ جو چپ رہو گے تو اٹھیں گی انگلیاں

ہے بولنا بھی رسم جہاں بولتے رہو

باقی صدیقی

کتنے حسیں ہو

جنوری 8, 1972باقی صدیقی،شعراء،غزلنہیں،نشیں،یقیں،آفریں،تمہیں،حسیںadmin

باقی صدیقی ۔ غزل نمبر 97

چیں بہ جبیں ہو

کتنے حسیں ہو

اتنی خموشی

گویا نہیں ہو

وہ مہرباں ہیں

کیونکر یقیں ہو

دنیا سے کھیلو

ناز آفریں ہو

یہ بے حجابی

پردہ نشیں ہو

جیسا سنا تھا

ویسے نہیں ہو

سوچو تو باقیؔ

سب کچھ تمہیں ہو

باقی صدیقی

جیتے رہو، خوش رہو، جہاں ہو

جنوری 8, 1972باقی صدیقی،شعراء،غزلکہاں،آستاں،جہاں،داستاں،رازداںadmin

باقی صدیقی ۔ غزل نمبر 96

کیا تم سے گلہ کہ مہرباں ہو

جیتے رہو، خوش رہو، جہاں ہو

خون دل کا معاملہ ہے

دنیا ہو کہ تیرا آستاں ہو

منت کش داستاں سرا ہے

میری ہو کہ تیری داستاں ہو

دنیا مجھے کہہ رہی ہے کیا کیا

کچھ تم بھی کہو کہ رازداں ہو

کس سوچ میں پڑ گئے ہو باقیؔ

دنیا تو وہیں ہے تم کہاں ہو

باقی صدیقی

آپ ہوں یا ہوا کا جھونکا ہو

جنوری 8, 1972باقی صدیقی،شعراء،غزلکیا،اپنا،جلتا،جھونکا،رہتا،سنتاadmin

باقی صدیقی ۔ غزل نمبر 95

کوئی نغمہ تو در سے پیدا ہو

آپ ہوں یا ہوا کا جھونکا ہو

وہ نظر بھی نہ دے سکی تسکیں

اے دل بے قرار اب کیا ہو

کام آتے نہیں تماشائی

ایک ساتھی ہو اور اپنا ہو

وہ اندھیروں کے طور کیا جانے

جس کے گھر میں چراغ جلتا ہو

دل سے اک بات کر رہے ہیں ہم

پاس بیٹھا نہ کوئی سنتا ہو

اس کے غم کا علاج کیا باقیؔ

بے سبب جو اداس رہتا ہو

باقی صدیقی

جو دکھاتا ہے زمانہ دیکھو

جنوری 8, 1972باقی صدیقی،شعراء،غزللمحہ،چونکا،کی،کتنا،پردہ،اپنا،ابھرا،بھروسہ،تمنا،خرابہ،دریا،دعوی،رستہ،زمانہadmin

باقی صدیقی ۔ غزل نمبر 94

ان کا یا اپنا تماشا دیکھو

جو دکھاتا ہے زمانہ دیکھو

وقت کے پاس ہیں کچھ تصویریں

کوئی ڈوبا ہے کہ ابھرا دیکھو

رنگ ساحل کا نکھر آئے گا

دو گھڑی جانب دریا دیکھو

تلملا اٹھا گھنا سناٹا

پھر کوئی نیند سے چونکا دیکھو

ہمسفر غیر ہوئے جاتے ہیں

فاصلہ رہ گیا کتنا دیکھو

برف ہو جاتا ہے صدیوں کا لہو

ایک ٹھہرا ہوا لمحہ دیکھو

رنگ اڑتے ہیں تبسم کی طرح

آئنہ خانوں کا دعویٰ دیکھو

دل کی بگڑی ہوئی صورت ہے جہاں

اب کوئی اور خرابہ دیکھو

یا کسی پردے میں گم ہو جاؤ

یا اٹھا کر کوئی پردہ دیکھو

دوستی خون جگر چاہتی ہے

کام مشکل ہے تو رستہ دیکھو

سادہ کاغذ کی طرح دل چپ ہے

حاصل رنگ تمنا دیکھو

یہی تسکین کی صورت ہے تو پھر

چار دن غم کو بھی اپنا دیکھو

غمگساروں کا سہارا کب تک

خود پہ بھی کر کے بھروسہ دیکھو

اپنی نیت پہ نہ جاؤ باقیؔ

رُخ زمانے کی ہوا کی دیکھو

باقی صدیقی

سود دیکھا ہے اب زیاں دیکھو

جنوری 8, 1972باقی صدیقی،شعراء،غزلنشاں،گلستاں،آشیاں،بیکراں،بیاں،جہاں،جاں،زیاں،زباں،سماں،عاشقاںadmin

باقی صدیقی ۔ غزل نمبر 93

دل کے مٹنے لگے نشاں دیکھو

سود دیکھا ہے اب زیاں دیکھو

ہر کلی سے لہو ٹپکنے لگا

شوق تعمیر گلستاں دیکھو

بار صیاد ہے کہ بار ثمر

جھک گئی شاخ آشیاں دیکھو

دل کا انجام ایک قطرہ خوں

حاصل بحر بیکراں دیکھو

سائے کرنوں کے ساتھ چلتے ہیں

صبح میں شام کا سماں دیکھو

داغ آئینہ بن گئے فرسنگ

سفر شوق کے نشاں دیکھو

پڑ گئی سرد آتش احساس

جم گیا خون عاشقاں دیکھو

لو دلوں کی حدیں سمٹنے لگیں

تنگ ہے کس قدر جہاں دیکھو

تم بھی کہنے لگے خدا لگتی

لڑکھڑانے لگی زباں دیکھو

دل کا ہر زخم ہے زباں اپنی

اس پہ یہ حسرت بیاں دیکھو

آگ سے کھیلتے ہو کیوں باقیؔ

اپنا دل دیکھو اپنی جاں دیکھو

باقی صدیقی

ہنسنا آیا ہے نہ رونا ہم کو

جنوری 8, 1972باقی صدیقی،شعراء،غزلچھوڑا،کہنا،کا،پوچھا،پتہ،اپنا،تنہا،رونا،سہارا،سمجھا،شراراadmin

باقی صدیقی ۔ غزل نمبر 92

غم بنا دے نہ تماشا ہم کو

ہنسنا آیا ہے نہ رونا ہم کو

ہم ابھی تک ہیں وہیں راہ نشیں

جس جگہ آپ نے چھوڑا ہم کو

اک صدا تک تھی عنایت ساری

پھر کسی نے بھی نہ پوچھا ہم کو

آج دیکھا ہے نیا رنگ ان کا

دو گھڑی چھوڑ دو تنہا ہم کو

زندگی لے گئی طوفانوں میں

دے کے تنکے کا سہارا ہم کو

تیری محفل کے چراغوں کے تلے

کچھ نشاں ملتا ہے اپنا ہم کو

ہو گئے چپ ہمیں پاگل کہہ کر

جب کسی نے بھی نہ سمجھا ہم کو

بات ہو، شعر ہو، افسانہ ہو

ہے بہت کچھ ابھی کہنا ہم کو

کوئی روزن ہو کہ دروازہ ہو

چاہئے ایک شرارا ہم کو

فصل گل آئی مگر کیا آئی

رنگ بھولا نہ خزاں کا ہم کو

لے گیا ساتھ اڑا کر باقیؔ

ایک سوکھا ہوا پتہ ہم کو

باقی صدیقی

لگ گیا رات کا دھڑکا ہم کو

جنوری 8, 1972باقی صدیقی،شعراء،غزلچسکا،کا،پتا،آیا،تنہا،تازہ،جلایا،دنیا،دیکھا،دھڑکا،دریا،رستہ،صحراadmin

باقی صدیقی ۔ غزل نمبر 91

صبح کا بھید ملا کیا ہم کو

لگ گیا رات کا دھڑکا ہم کو

شوق نظارہ کا پردہ اٹھا

نظر آنے لگی دنیا ہم کو

کشتیاں ٹوٹ گئی ہیں ساری

اب لئے پھرتا ہے دریا ہم کو

بھیڑ میں کھو گئے آخر ہم بھی

نہ ملا جب کوئی رستہ ہم کو

تلخی غم کا مداوا معلوم

پڑ گیا زہر کا چسکا ہم کو

تیرے غم سے تو سکوں ملتا ہے

اپنے شعلوں نے جلایا ہم کو

گھر کو یوں دیکھ رہے ہیں جیسے

آج ہی گھر نظر آیا ہم کو

ہم کہ شعلہ بھی ہیں اور شبنم بھی

تو نے کس رنگ میں دیکھا ہم کو

جلوہ لالہ و گل ہے دیوار

کبھی ملتے سر صحرا ہم کو

لے اڑی دل کو نسیم سحری

بوئے گل کر گئی تنہا ہم کو

سیر گلشن نے کیا آوارہ

لگ گیا روگ صبا کا ہم کو

یاد آئی ہیں برہنہ شاخیں

تھام لے اے گل تازہ ہم کو

لے گیا ساتھ اڑا کر باقیؔ

ایک سوکھا ہوا پتا ہم کو

باقی صدیقی

بے سدھ پڑا ہوں آخری پتھر بھی مار لو

جنوری 8, 1972باقی صدیقی،شعراء،غزلمار،گزار،پیار،ادھار،بہار،شاہکار،غمگسارadmin

باقی صدیقی ۔ غزل نمبر 90

حسرت ہے جو نکال لو غصہ اتار لو

بے سدھ پڑا ہوں آخری پتھر بھی مار لو

دنیا ہے نام موت کا عقبِ حیات کا

آگے خوشی تمہاری خزاں لو بہار لو

دنیا تو اپنی بات کبھی چھوڑتی نہیں

جس طرح تم گزار سکو دن گزار لو

کچھ دیر اور بزم میں ان کی چلے گی بات

کچھ آ گئے ہیں اور مرے غمگسار لو

لے کر بیاض کیوں نہ پکاروں گلی گلی

میرا لہو خریدو، مرے شاہکار لو

باقیؔ تمہیں حیات کا ساماں تو مل گیا

اک لمحے کی خوشی بھی کسی سے ادھار لو

باقی صدیقی

ہجوم شہر میں گھٹنے لگا ہے دم اب تو

جنوری 8, 1972باقی صدیقی،شعراء،غزلہم،خم،دم،غمadmin

باقی صدیقی ۔ غزل نمبر 89

نگار دشت کی جانب کوئی قدم اب تو

ہجوم شہر میں گھٹنے لگا ہے دم اب تو

کھڑا ہوں دل کے دوراہے پہ ہاتھ پھیلائے

چھپائے چھپتے نہیں زندگی کے غم اب تو

نئے خیال نئے فاصلوں کے ساتھ آئے

نہ مل سکیں گے کسی راستے پہ ہم اب تو

مسافران محبت کا انتظار نہ کر

کہ دل میں آ گئے راہوں کے پیچ و خم اب تو

نکل گیا ہے سفینہ ترا کدھر باقیؔ

صدائیں آتی ہیں ساحل سے دم بہ دم اب تو

باقی صدیقی

جلتی شمع بجھائے کون

جنوری 8, 1972باقی صدیقی،شعراء،غزللگائے،پھیلائے،آئے،بجھائے،سمجھائےadmin

باقی صدیقی ۔ غزل نمبر 88

دل کی آس مٹائے کون

جلتی شمع بجھائے کون

ان کی بات پہ جائے کون

جھوٹی آس لگائے کون

دو اک ہوں تو بات کریں

دنیا کو سمجھائے کون

ہم حق پر ہی سہی لیکن

ان کی راہ میں آئے کون

وہ داتا تو ہیں باقیؔ

پر دامن پھیلائے کون

باقی صدیقی

کتنے پردے اٹھائیں گے ہم

جنوری 8, 1972باقی صدیقی،شعراء،غزللائیں،پائیں،آئیں،اٹھائیں،بتائیں،جلائیں،جائیںadmin

باقی صدیقی ۔ غزل نمبر 87

کیا زیست کا راز پائیں گے ہم

کتنے پردے اٹھائیں گے ہم

ایک اپنی وفا کی روشنی سے

کس کس کا دیا جلائیں گے ہم

ہر رنگ جہاں سے ہٹ کے دیکھو

اس طرح نظر نہ آئیں گے ہم

یوں نکلے ہیں تیری جستجو میں

جیسے تجھے ڈھونڈ لائیں گے ہم

انداز جہاں کے دیکھتے ہیں

اپنی بھی خبر نہ پائیں گے ہم

اک بات نہ اٹھ سکے جہاں کی

کیا بار حیات اٹھائیں گے ہم

آغاز سفر میں کیا خبر تھی

یوں راہ میں بیٹھ جائیں گے ہم

جو دل پہ گزر رہی ہے باقیؔ

تجھ کو بھی نہ اب بتائیں گے ہم

باقی صدیقی

باز آئے اس آگہی سے ہم

جنوری 8, 1972باقی صدیقی،شعراء،غزلہی،کسی،آگہی،خوشی،روشنی،سادگیadmin

باقی صدیقی ۔ غزل نمبر 86

خود کو لگتے ہیں اجنبی سے ہم

باز آئے اس آگہی سے ہم

ہر تمنا ہے دور کی آواز

مرمٹے دور دور ہی سے ہم

راہ کچھ اور ہو گئی تاریک

جب بھی گزرے ہیں روشنی سے ہم

واقف رنگ دہر ہو کر بھی

تجھ سے ملتے ہیں کس خوشی سے ہم

غم کا احساس مٹ گیا شاید

اب الجھتے نہیں کسی سے ہم

کہہ کے روداد زندگی باقیؔ

ہنس دئیے کتنی سادگی سے ہم

باقی صدیقی

کیوں تجھ سے گریز کر گئے ہم

جنوری 8, 1972باقی صدیقی،شعراء،غزلمر،کدھر،کر،گزر،ٹھہر،پر،اترadmin

باقی صدیقی ۔ غزل نمبر 85

کیا دور جہاں سے ڈر گئے ہم

کیوں تجھ سے گریز کر گئے ہم

حیرت ہے کہ سامنے سے تیرے

غیروں کی طرح گزر گئے ہم

وہ دور بھی زندگی میں آیا

محسوس ہوا کہ مر گئے ہم

اے دشت حیات کے بگولو

ڈھونڈو تو سہی کدھر گئے ہم

آئی یہ کدھر سے تیری آواز

چلتے چلتے ٹھہر گئے ہم

گزری ہے صبا قفس سے ہو کے

لینا غم بال و پر گئے ہم

ساحل کا مرحلہ ہے باقیؔ

طوفاں سے تو پار اتر گئے ہم

باقی صدیقی

زمانے کے مقابل ہو گئے ہم

جنوری 8, 1972باقی صدیقی،شعراء،غزلہو،کھو،سوadmin

باقی صدیقی ۔ غزل نمبر 84

ہجوم رنج و غم میں کھو گئے ہم

زمانے کے مقابل ہو گئے ہم

شب تاریک کی زد سے نکل کر

سحر کی ظلمتوں میں کھو گئے ہم

چلو اپنوں نے بھی نظریں بدل لیں

وطن میں بھی مسافر ہو گئے ہم

اسی غفلت نے باقیؔ مار ڈالا

کہ جب تقدیر جاگی سو گئے ہم

باقی صدیقی

نہ کہنے پر بھی سب کچھ کہہ گئے ہم

جنوری 8, 1972شعراء،غزلکہہ،بہہ،رہ،سہہadmin

باقی صدیقی ۔ غزل نمبر 83

لبوں کو کھول کر یوں رہ گئے ہم

نہ کہنے پر بھی سب کچھ کہہ گئے ہم

کبھی طوفان غم سے کش مکش کی

کبھی تنکے کی صورت بہہ گئے ہم

برا ہو اے دل حساس تیرا

بہت دنیا سے پیچھے رہ گئے ہم

تجھے دیکھا تو غم کی یاد آئی

وہ کیسی چوٹ تھی جو سہہ گئے ہم

جہاں نے غور سے دیکھا ہے باقیؔ

نہ جانے جوش میں کیا کہہ گئے ہم

باقی صدیقی

اپنی دیواروں سے ٹکراتے ہیں ہم

جنوری 8, 1972شعراء،غزلگھبراتے،ٹکراتے،آتے،جاتے،دہراتےadmin

باقی صدیقی ۔ غزل نمبر 82

وہ اندھیرا ہے جدھر جاتے ہیں ہم

اپنی دیواروں سے ٹکراتے ہیں ہم

کاٹتے ہیں رات جانے کس طرح

صبح دم گھر سے نکل آتے ہیں ہم

بند کمرے میں سکوں ملنے لگا

جب ہوا چلتی ہے گھبراتے ہیں ہم

ہائے وہ باتیں جو کہہ سکتے نہیں

اور تنہائی میں دہراتے ہیں ہم

زندگی کی کشمکش باقیؔ نہ پوچھ

نیند جب آتی ہے سو جاتے ہیں ہم

باقی صدیقی

رہتے ہیں ترے خیال میں ہم

جنوری 8, 1972شعراء،غزلچال،حال،خیال،سوالadmin

باقی صدیقی ۔ غزل نمبر 81

ماضی میں ہیں اب نہ حال میں ہم

رہتے ہیں ترے خیال میں ہم

فروا ہے کوئی خیال جیسے

یوں مست ہیں اپنے حال میں ہم

کھو بیٹھے ہیں اعتبار اپنا

آ آ کے جہاں کی چال میں ہم

آئے نہ ادھر غم زمانہ

بیٹھے ہیں ترے خیال میں ہم

دیتے ہیں کوئی جواب باقیؔ

کھوئے ہیں ابھی سوال میں ہم

باقی صدیقی

جہاں کر دے کوئی افسانہ خواں ختم

جنوری 8, 1972شعراء،غزلکہاں،امتحاں،خواں،دوستاں،داستاںadmin

باقی صدیقی ۔ غزل نمبر 80

وہیں سمجھو ہماری داستاں ختم

جہاں کر دے کوئی افسانہ خواں ختم

شکست زسیت کا دل پر اثر کیا

مگر ہے راہ و رسم دوستاں ختم

وہاں سے میرا افسانہ چلے گا

جہاں ہو گی تمہاری داستاں ختم

الجھتا جا زمانے کی نظر سے

کبھی تو ہو گا دور امتحاں ختم

اگر ہم چپ بھی ہو جائیں تو باقیؔ

زمانہ بات کرتا ہے کہاں ختم

باقی صدیقی

ہو گئے مست عاشقانِ غزل

جنوری 8, 1972شعراء،غزلمزاجدان،کاروان،گمان،جہان،جان،داستان،زبان،شان،عاشقانadmin

غزل نمبر 79

(مختار صدیقی کے لئے)

دیکھ کر تجھ میں کچھ نشانِ غزل

ہو گئے مست عاشقانِ غزل

یہ ادائیں، یہ حسن، یہ تیور

تجھ پہ ہونے لگا گمانِ غزل

تیری باتوں کا لطف آتا ہے

اتنی رنگین ہے زبانِ غزل

ہے عبارت غزل سے تیرا غرور

اور قائم ہے تجھ سے شانِ غزل

نت نئے روپ میں ابھرتا ہے

تیرا غم ہے مزاج دانِ غزل

دل کا ہر زخم بول اٹھتا ہے

جب گزرتا ہے کاروانِ غزل

وقت کے ساتھ رخ بدلتا ہے

ہر گھڑی ہے نیا جہانِ غزل

اور بھی کچھ طویل کر دی ہے

غم ہستی نے داستانِ غزل

کچھ طبیعت اداس ہے باقیؔ

آج دیکھا نہیں وہ جانِ غزل

(مختار صدیقی)

گل غلط غنچے غلط خار غلط

جنوری 8, 1972شعراء،غزلبار،خار،خریدار،دیوار،سربازراadmin

باقی صدیقی ۔ غزل نمبر 78

کیوں صبا کی نہ ہو رفتار غلط

گل غلط غنچے غلط خار غلط

ہمنواؤں کی نہیں کوئی کمی

بات کیجے سربازراغلط

وقت الٹ دے نہ بساط ہستی

چال ہم چلتے ہیں ہر بار غلط

دل کے سودے میں کوئی سود نہیں

جنس ہے خام خریدار غلط

ہر طرف آگے لگی ہے باقیؔ

مشورہ دیتی ہے دیوار غلط

باقی صدیقی

کیا تیرےغم سے روشنی کچھ مل گئی ہے پھر

جنوری 8, 1972شعراء،غزلمقابل،مل،منزل،دل،سلاسل،ساحلadmin

باقی صدیقی ۔ غزل نمبر 77

احساس زندگی کی کلی کھل گئی ہے پھر

کیا تیرے غم سے روشنی کچھ مل گئی ہے پھر

ہر نقش اک خراش ہے، ہر رنگ ایک داغ

تصویر آئنے کے مقابل گئی ہے پھر

دو چار گام ساتھ چلے ہیں پھر اہل غم

کچھ دور تک صدائے سلاسل گئی ہے پھر

کچھ آدمی گلی میں کھڑے ہیں ادھر ادھر

شاید جہاں کو بات کوئی مل گئی ہے پھر

ٹوٹا ہے پھر غبار سرراہ کا طلسم

ہر راہرو کے سامنے منزل گئی ہے پھر

چلئے کہیں تو کچھ مجھے اپنی خبر ملے

وہ اک نظر جو لے کے مرا دل گئی ہے پھر

باقیؔ وہ بادباں کھلے وہ کشتیاں چلیں

وہ ایک موج جانب ساحل گئی ہے پھر

باقی صدیقی

تان ٹوٹی شراب خانے پر

جنوری 8, 1972شعراء،غزلکھانے،آستانے،آشیانے،خانے،زمانےadmin

باقی صدیقی ۔ غزل نمبر 76

تبصرہ تھا مرے فسانے پر

تان ٹوٹی شراب خانے پر

جتنی باتیں قفس میں چھڑتی ہیں

ختم ہوتی ہیں آشیانے پر

زندگی بن کے اک نگاہ بسیط

جا پڑی تیرے آستانے پر

اے زمانے سے کھیلنے والو

اور الزام اک زمانے پر

زندگانی کا سب مزہ باقیؔ

منحصر ہے فریب کھانے پر

باقی صدیقی

زندگی کو ہیں اور کام بہت

جنوری 8, 1972شعراء،غزلمقام،نام،کلام،کام،دامadmin

باقی صدیقی ۔ غزل نمبر 75

یاد آؤ نہ صبح و شام بہت

زندگی کو ہیں اور کام بہت

ابھی آزادی حیات کہیں

ابھی پیش نظر ہیں دام بہت

ضبط غم آخری مقام نہیں

اس سے آگے بھی ہیں مقام بہت

اے محبت تجھے بھی دیکھ لیا

سنتے آتے تھے تیرا نام بہت

بند کیجے بیاض غم باقیؔ

سن چکے آپ کا کلام بہت

باقی صدیقی

دل بھی اب چپ ہے زباں کی صورت

جنوری 8, 1972شعراء،غزلکاہکشاں،گماں،گراں،رواں،زیاں،زباںadmin

باقی صدیقی ۔ غزل نمبر 74

ہے یہ کیسی غم جاں کی صورت

دل بھی اب چپ ہے زباں کی صورت

خود پہ ہوتا ہے کسی کا دھوکا

کون سی ہے یہ گماں کی صورت

کس کی آمد ہے کہ لو دیتے ہیں

راستے کاہکشاں کی صورت

زیست کی راہ میں اکثر آیا

دل بھی اک سنگ گراں کی صورت

غم کے ہر موڑ پہ تیری باتیں

یاد آتی ہیں زیاں کی صورت

دیکھ کر صورت ساحل باقیؔ

چل دئیے موج رواں کی صورت

باقی صدیقی

رہزن کی طرح کرتے ہیں ہم لوگ سفر اب

جنوری 8, 1972شعراء،غزلنظر،گہر،ادھر،خبر،در،سفر،سحرadmin

باقی صدیقی ۔ غزل نمبر 73

ہر رہرو اخلاص پہ رہتی ہے نظر اب

رہزن کی طرح کرتے ہیں ہم لوگ سفر اب

پھولوں میں چھپا بیٹھا ہوں اک زخم کی صورت

کھا جاتی ہے دھوکا مری اپنی بھی نظر اب

اس طرح اٹھا دہ سے یقیں اہل جہاں کا

افواہ نظر آتی ہے سچی بھی خبر اب

جو پرسش غم کے لئے آ جائے غنیمت

کشکول کی مانند کھلا رہتا ہے در اب

نظروں میں ابھر آتا ہے ہر ڈوبتا تارا

اس طرح گزرتی ہے مرے دل سے سحر اب

دنیا کو ہے اب کانچ کے ٹکڑوں کی ضرورت

کس کے لئے دریا سے نکالو گے گہر اب

منزل سے بہت دور نکل آیا ہوں باقیؔ

بھٹکا ہوا رہرو ہی کوئی آئے ادھر اب

باقی صدیقی

تصویر میری مجھ کو دکھا کر چلا گیا

جنوری 8, 1972شعراء،غزللگا،پلا،ا،بچھا،بنا،جلا،جگا،دکھاadmin

باقی صدیقی ۔ غزل نمبر 72

اک آئینہ نظر میں سما کر چلا گیا

تصویر میری مجھ کو دکھا کر چلا گیا

ہم دیکھ کر جہاں کو ہراساں ہیں اس طرح

یک لخت جیسے کوئی جگا کر چلا گیا

دیوانہ اپنے آپ سے تھا بے خبر تو کیا

کانٹوں میں ایک راہ بنا کر چلا گیا

دل پر کھلا نہ تھا کبھی یہ تشنگی کا روپ

وہ میرا زہر مجھ کو پلا کر چلا گیا

رات اپنے سائے سائے میں چھپتا رہا ہوں میں

اتنے چراغ کوئی جلا کر چلا گیا

اس طرح چونک چونک اٹھا ہوں خیال میں

جیسے ابھی ابھی کوئی آ کر چلا گیا

اک پھول اتنے رنگ نہ لایا تھا اپنے ساتھ

راہوں میں جتنے خار بچھا کر چلا گیا

باقیؔ ابھی یہ کون تھا موج صبا کے ساتھ

صحرا میں اک درخت لگا کر چلا گیا

باقی صدیقی

اک نئے عم کی طرح ڈال گیا

جنوری 8, 1972شعراء،غزلنکال،ڈال،حال،خیال،سوالadmin

باقی صدیقی ۔ غزل نمبر 71

جس طرف بھی ترا خیال گیا

اک نئے غم کی طرح ڈال گیا

زیست کس مرحلے پہ آ پہنچی

وضعداری کا بھی سوال گیا

غم دل پر غم جہاں کا گماں

چھوڑئیے لطف عرض حال گیا

ہر تمنا پہ غم کا پہرہ تھا

پھر بھی کس کس طرف خیال گیا

دل سے رہ رہ کے ہم الجھتے ہیں

کس مصیبت میں کوئی ڈال گیا

درد اٹھا کچھ اس طرح باقیؔ

دل کی سب حسرتیں نکال گیا

باقی صدیقی

جو سر پہ لگا ہے ابھی وہ سنگ نہیں کیا

جنوری 8, 1972شعراء،غزلفرسنگ،ننگ،آہنگ،جنگ،دنگ،رنگ،سنگadmin

باقی صدیقی ۔ غزل نمبر 70

اس کارگہ رنگ میں ہم تنگ نہیں کیا

جو سر پہ لگا ہے ابھی وہ سنگ نہیں کیا

تصویر کو تصویر دکھائی نہیں جاتی

اس آئنہ خانے میں نظر دنگ نہیں کیا

ہے حلقہ جاں اپنی وفاؤں کا تصور

اس داغ سے آگے کوئی فرسنگ نہیں کیا

ہر بات پہ ہم دیتے ہیں غیروں کا حوالہ

اپنا کوئی آہنگ کوئی رنگ نہیں کیا

بخشے ہوئے اک گھونٹ پہ ہم جھوم رہے ہیں

اب مانگ کے پینا بھی کوئی ننگ نہیں کیا

زخم دل بیتاب ہے ہاتھوں میں نوالہ

اس بات پہ دنیا سے مری جنگ نہیں کیا

وہ رنگ نہیں شعلہ احساس میں باقیؔ

ہم ساز تمنا سے ہم آہنگ نہیں کیا

باقی صدیقی

کوئی سوئے قفس گیا تو کیا

جنوری 8, 1972شعراء،غزلقفس،ڈس،کس،بس،ترس،جھلس،جرسadmin

باقی صدیقی ۔ غزل نمبر 69

ابر گلشن برس گیا تو کیا

کوئی سوئے قفس گیا تو کیا

زندگی کا نشاں کہیں ملتا

اک نیا شہر بس گیا تو کیا

شعلہ گل ہے اور صحن چمن

میرا دل بھی جھلس گیا تو کیا

راہ کا سانپ ہے گھنا سایہ

راہگیروں کو ڈس گیا تو کیا

زندگی اب اسی ہجوم سے ہے

سانس کو دل ترس گیا تو کیا

کوئے آوارگاں میں ہم پر بھی

کوئی آوازہ کس گیا تو کیا

کوئی چونکا نہ خواب سے باقیؔ

دور شور جرس گیا تو کیا

باقی صدیقی

آگے کرے اک بندہ ناچیز رقم کیا

جنوری 8, 1972شعراء،غزلقلم،خم،دم،رقم،غمadmin

باقی صدیقی ۔ غزل نمبر 68

تو قادر مطلق ہے یہی وصف ہے کم کیا

آگے کرے اک بندہ ناچیز رقم کیا

تو خالق کونین ہے اور حاصل کونین

ہے جس پہ نظر تیری اسے کوئی ہو غم کیا

تو اپنے گنہ گار کو توفیق عمل دے

ہوتا ہے زباں سے سرتسلیم بھی خم کیا

یہ رنگ غم زیست، یہ انداز غم جاں

دنیا کی تمنا میں نکل جائے گا دم کیا

اک سجدہ کیا میں نے فقط شعر کی صورت

ورنہ ہے تخیل مرا کیا؟ میرا قلم کیا

باقی صدیقی

عم ہستی کوئی غم کھائیں کیا

جنوری 8, 1972شعراء،غزلمرجھائیں،کھائیں،ئیں،جائیں،دکھلائیںadmin

باقی صدیقی ۔ غزل نمبر 67

ان کو دل کا مدعا سمجھائیں کیا

اے غم ہستی کوئی غم کھائیں کیا

شورِ نغمہ اس طرف آتا نہیں

رنگِ محفل بن کے ہم اڑ جائیں کیا

بے نیازی سے ہے قائم شان حسن

ہم انہیں یاد آئیں پر یاد ئیں کیا

جل کے بجھنے کا تو باقیؔ غم نہیں

ہم مگر دنیا کو منہ دکھلائیں کیا

باقی صدیقی

درخت سے ہمیں سایہ جدا نظر آیا

جنوری 8, 1972شعراء،غزلہوا،فاصلہ،کیا،آشنا،جدا،سلسلہadmin

باقی صدیقی ۔ غزل نمبر 66

تری نگاہ کا انداز کیا نظر آیا

درخت سے ہمیں سایہ جدا نظر آیا

بہت قریب سے آواز ایک آئی تھی

مگر چلے تو بڑا فاصلہ نظر آیا

یہ راستے کی لکیریں بھی گم نہ ہو جائیں

وہ جھاڑیوں کا نیا سلسلہ نظر آیا

یہ روشنی کی کرن ہے کہ آگ کا شعلہ

ہر ایک گھر مجھے جلتا ہوا نظر آیا

کلی کلی کی صدا گونجنے لگی دل میں

جہاں بھی کوئی چمن آشنا نظر آیا

بتاؤ کس لئے پتھر اٹھائے پھرتے ہو

کہو تو آئنہ خانے میں کیا نظر آیا

یہ دوپہر یہ پگھلتی ہوئی سڑک باقیؔ

ہر ایک شخص پھسلتا ہوا نظر آیا

باقی صدیقی

تیرے جلوؤں کا اثر یاد آیا

جنوری 8, 1972شعراء،غزلگہر،گھر،پہر،اثر،در،سفر،سحر،سر،شجرadmin

باقی صدیقی ۔ غزل نمبر 65

رنگ دل، رنگ نظر یاد آیا

تیرے جلوؤں کا اثر یاد آیا

وہ نظر بن گئی پیغام حیات

حلقہ شام و سحر یاد آیا

یہ زمانہ، یہ دل دیوانہ

رشتہ سنگ و گہر یاد آیا

یہ نیا شہر یہ روشن راہیں

اپنا انداز سفر یاد آیا

راہ کا روپ بنی دھوپ اپنی

کوئی سایہ نہ شجر یاد آیا

کب نہ اس شہر میں پتھر برسے

کب نہ اس شہر میں سر یاد آیا

گھر میں تھا دشت نوردی کا خیال

دشت میں آئے تو گھر یاد آیا

گرد اڑتی ہے سر راہ خیال

دل ناداں کا سفر یاد آیا

ایک ہنستی ہوئی بدلی دیکھی

ایک جلتا ہوا گھر یاد آیا

اس طرح شام کے سائے پھیلے

رات کا پچھلا پہر یاد آیا

پھر چلے گھر سے تماشا بن کر

پھر ترا روزن در یاد آیا

باقی صدیقی

پھر جہان گزراں یاد آیا

جنوری 8, 1972شعراء،غزلہمسفراں،کہاں،گراں،گزراں،جہاں،جاں،دھواںadmin

باقی صدیقی ۔ غزل نمبر 64

سود یاد آیا، زیاں یاد آیا

پھر جہان گزراں یاد آیا

ہوش آنے لگا دیوانے کو

عقل کا سنگ گراں یاد آیا

جرس غم نے پکارا ہم کو

کاروان دل و جاں یاد آیا

اک نہ اک زخم رہا پیش نظر

تم نہ یاد آئے جہاں یاد آیا

نیند چبھنے لگی بند آنکھوں میں

جب چراغوں کا دھواں یاد آیا

کوئی ہنگامۂ روز و شب میں

یاد آ کر بھی کہاں یاد آیا

دیکھ کر صورت منزل باقیؔ

دعویٔ ہمسفراں یاد آیا

باقی صدیقی

دلکا آئنہ مگر یاد آیا

جنوری 8, 1972شعراء،غزلمگر،تر،ثمر،سرadmin

باقی صدیقی ۔ غزل نمبر 63

دشت یاد آیا کہ گھر یاد آیا

کوئی کرتا ہوا فر یاد آیا

پھر بجھی شمع جلا دی ہم نے

جانے کیا وقت سحر یاد آیا

ربط باہم کی تمنا معلوم

حادثہ ایک مگر یاد آیا

در و دیوار سے مل کر روئے

کیا ہمیں وقت سفر یاد آیا

قدم اٹھتے نہیں منزل کی طرف

کیا سر راہگزر یاد آیا

ہنس کے پھر راہنما نے دیکھا

پھر ہمیں رخت سفر یاد آیا

کسی پتھر کی حقیقت ہی کیا

دل کا آئنہ مگر یاد آیا

آنچ دامان صبا سے آئی

اعتبار گل تر یاد آیا

دل جلا دھوپ میں ایسا اب کے

پاؤں یاد آے نہ سر یاد آیا

گر پڑے ہاتھ سے کاغذ باقیؔ

اپنی محنت کا ثمر یاد آیا

زندگی گزرے گی کیونکر باقیؔ

عمر بھر کوئی اگر یاد آیا

باقی صدیقی

کوئی کرتا ہوا فر یاد آیا

جنوری 8, 1972شعراء،غزلہر،مگر،اگر،در،راہگزر،سفر،سحرadmin

باقی صدیقی ۔ غزل نمبر 62

دشت یاد آیا کہ گھر یاد آیا

کوئی کرتا ہوا فر یاد آیا

پھر بجھی شمع جلا دی ہم نے

جانے کیا وقت سحر یاد آیا

ربط باہم کی تمنا معلوم

حادثہ ایک مگر یاد آیا

در و دیوار سے مل کر روئے

کیا ہمیں وقت سفر یاد آیا

قدم اٹھتے نہیں منزل کی طرف

کیا سر راہگزر یاد آیا

ہنس کے پھر راہنما نے دیکھا

پھر ہمیں رخت سفر یاد آیا

کسی پتھر کی حقیقت ہی کیا

دل کا آئنہ مگر یاد آیا

آنچ دامان صبا سے آئی

اعتبار گل تر یاد آیا

دل جلا دھوپ میں ایسا اب کے

پاؤں یاد آے نہ سر یاد آیا

گر پڑے ہاتھ سے کاغذ باقیؔ

اپنی محنت کا ثمر یاد آیا

زندگی گزرے گی کیونکر باقیؔ

عمر بھر کوئی اگر یاد آیا

باقی صدیقی

نہ دنیا میرے کام آئی نہ میں دنیا کے کام آیا

جنوری 8, 1972شعراء،غزلمقام،کام،جامadmin

باقی صدیقی ۔ غزل نمبر 61

کچھ اس انداز سے اس فتنہ پرور کا پیام آیا

نہ دنیا میرے کام آئی نہ میں دنیا کے کام آیا

بہار میکدہ تقسیم ہونے کو ہوئی لیکن

مرے حصے میں تم آئے نہ مے آئی نہ جام آیا

غم ایام تیری برہمی کا نام ہے شاید

جہاں تیری نظر بدلی وہیں مشکل مقام آیا

زمانہ پس گیا دو حادثوں کے درمیاں آ کر

ادھر ان کی نظر اٹھی، ادھر گردش میں جام آیا

کنارے آ لگے کوئی سفینہ جس طرح باقیؔ

اٹھا اک شور جب محفل میں کوئی تشنہ کام آیا

باقی صدیقی

ہم یہ سمجھے حادثہ ٹلتا رہا

جنوری 8, 1972شعراء،غزلملتا،چلتا،ٹلتا،پھلتا،جلتاadmin

باقی صدیقی ۔ غزل نمبر 60

آستیں میں سانپ اک پلتا رہا

ہم یہ سمجھے حادثہ ٹلتا رہا

آپ تو اک بات کہہ کر چل دئیے

رات بھر بستر مرا جلتا رہا

ایک غم سے کتنے غم پیدا ہوئے

دل ہمارا پھولتا پھلتا رہا

زندگی کی آس بھی کیا آس ہے

موج دریا پر دیا جلتا رہا

اک نظر تنکا بنی کچھ اسی طرح

دیر تک آنکھیں کوئی ملتا رہا

یہ نشاں کیسے ہیں باقیؔ دیکھنا

کون دل کی راکھ پر چلتا رہا

باقی صدیقی

… پر حادثہ چھاتا رہا

جنوری 8, 1972شعراء،غزلچھلکاتا،چھاتا،آتا،جاتا،شرماتاadmin

باقی صدیقی ۔ غزل نمبر 59

LEFT BLANK

باقی صدیقی

دیر تک رہگزار کو دیکھا

جنوری 8, 1972شعراء،غزلقرار،نہار،انتظار،اختیار،بہار،رہگزار،روزگار،شاخسار،شرارadmin

باقی صدیقی ۔ غزل نمبر 58

کارواں یا غبار کو دیکھا

دیر تک رہگزار کو دیکھا

پھول سا رنگ، خار سے انداز

تجھ کو دیکھا بہار کو دیکھا

زلف و رُخ کے طلسم سے نکلے

حسنِ لیل و نہار کو دیکھا

دل آزاد کا خیال آیا

اپنے ہر اختیار کو دیکھا

ہر ستارے سے روشنی مانگی

ہر شبِ انتظار کو دیکھا

کسی لمحے پہ اپنا نام نہ تھا

گردش روزگار کو دیکھا

پھر تسلی کسی کی یاد آئی

پھر دل بے قرار کو دیکھا

ہر گل تر تھا ایک داغِ نمو

ہم نے ہر شاخسار کو دیکھا

دھیان میں آئی زندگی باقیؔ

رقص میں اک شرار کو دیکھا

باقی صدیقی

چاندنی رات تھی اور کوئی لب بام نہ تھا

جنوری 8, 1972شعراء،غزلنام،پیغام،بام،دامadmin

باقی صدیقی ۔ غزل نمبر 57

چشم نظارہ پہ کیا کوئی بھی الزام نہ تھا

چاندنی رات تھی اور کوئی لب بام نہ تھا

وہم تھا لوگ مرا راستہ تکتے ہوں گے

آ کے دیکھا تو کسی لب پہ مرا نام نہ تھا

اس طرح باغ سے چپ چاپ گزر آئے ہیں

جیسے پھولوں کی مہک میں کوئی پیغام نہ تھا

عمر بھر اپنی ہی گردش میں رہے ہم باقیؔ

اس جگہ دل تھا جہاں اور کوئی دام نہ تھا

باقی صدیقی

وہ رنگ گل تھا کہ شعلہ تری ادا کا تھا

جنوری 8, 1972شعراء،غزلہوا،گدا،آشنا،انتہا،ادا،خدا،صداadmin

باقی صدیقی ۔ غزل نمبر 56

چمن میں شور بہت شوخی صبا کا تھا

وہ رنگ گل تھا کہ شعلہ تری ادا کا تھا

وفا کا زخم ہے گہرا تو کوئی بات نہیں

لگاؤ بھی تو ہمیں ان سے انتہا کا تھا

دیار عشق میں ہر دل تھا آئنہ اپنا

وہی تھا شاہ کا انداز جو گدا کا تھا

غم جہاں کی خبر اس طرح بھی ہم کو ملی

کہ رنگ اڑا ہوا اک درد آشنا کا تھا

کسی کلی کا چٹکنا بھی ناگوار ہوا

وہ انتظار ہمیں آپ کی صدا کا تھا

قدم کچھ اس طرح اکھڑے کہ سوچ بھی نہ سکے

کدھر سے آئے تھے ہم رُخ کدھر ہوا کا تھا

دیار غم سے گیا کون سرخرو باقیؔ

مگر وہ لوگ جنہیں آسرا خدا کا تھا

باقی صدیقی

شہر کیسا دکھائی دینے لگا

جنوری 8, 1972شعراء،غزلجدائی،دکھائی،سنائیadmin

باقی صدیقی ۔ غزل نمبر 55

کیوں میں تیری دہائی دینے لگا

شہر کیسا دکھائی دینے لگا

لو غم آشنائی دینے لگا

میں جہاں کو دکھائی دینے لگا

اے خیال ہجوم ہم سفراں

تو بھی داغ جدائی دینے لگا

کون اندر سے اٹھ گیا باقیؔ

شور دل کا سنائی دینے لگا

باقی صدیقی

احساس تلملا اٹھا، دل ڈولنے لگا

جنوری 8, 1972شعراء،غزلڈولنے،کھولنے،بولنے،تولنےadmin

باقی صدیقی ۔ غزل نمبر 54

دشت جنوں میں غم کا جرس بولنے لگا

احساس تلملا اٹھا، دل ڈولنے لگا

کہتے ہیں اس کو پاس تعلق مرے خلاف

بولے وہ کیا کہ سارا جہاں بولنے لگا

اے جذب شوق تیرے اسیروں کی خیر ہو

صیاد جانے کس لئے پر کھولنے لگا

باقیؔ جہاں میں عشق کا دعویٰ ہی عیب ہے

ہر حادثہ نظر میں مجھے تولنے لگا

باقی صدیقی

رہ کے گلشن میں بھی کیا کیجے گا

جنوری 8, 1972شعراء،غزللڑا،ملا،کیا،گلا،دعا،صباadmin

باقی صدیقی ۔ غزل نمبر 53

سیر مانند صبا کیجے گا

رہ کے گلشن میں بھی کیا کیجے گا

کس توقع پہ صدا کیجے گا

نہ سنے کوئی تو کیا کیجے گا

حق پرستی ہے بڑی بات مگر

روز کس کس سے لڑا کیجے گا

بن گئے لالہ و گل جز و قفس

کس سے اب ذکر صبا کیجے گا

دوستی شرط نہیں ہے کوئی

بس یونہی ہم سے ملا کیجے گا

لو سلام سر رہ سے بھی گئے

اور جا جا کے گلا کیجے گا

طوف کعبہ کو گئے تو باقیؔ

میرے حق میں بھی دعا کیجے گا

باقی صدیقی

ایسے جینے کا سبب کیا ہو گا

جنوری 8, 1972شعراء،غزلاب،ادب،سبب،شب،عجبadmin

باقی صدیقی ۔ غزل نمبر 52

ہر گھڑی فکر کہ اب کیا ہو گا

ایسے جینے کا سبب کیا ہو گا

دل جھکا جاتا ہے سرسے پہلے

اس سے بڑھ کر بھی ادب کیا ہو گا

وہ نہ آئیں گے سنا ہے لیکن

یوں ہوا بھی تو عجب کیا ہو گا

صبح میں دیر ہوئی جاتی ہے

کیا کہیں آج کی شب کیا ہو گا

دے گیا مات زمانہ باقیؔ

منفعل ہونے سے اب کیا ہو گا

باقی صدیقی

تو جہاں آخری پردا ہو گا

جنوری 8, 1972شعراء،غزلنقشہ،چلتا،چرچا،کیا،پردا،بینا،بیٹھا،تنہا،جھگڑا،دیکھا،دھندلا،سمجھتاadmin

باقی صدیقی ۔ غزل نمبر 51

وہ مقام دل و جاں کیا ہو گا

تُو جہاں آخری پردا ہو گا

منزلیں راستہ بن جاتی ہیں

ڈھونڈنے والوں نے دیکھا ہو گا

سائے میں بیٹھے ہوئے سوچتے ہیں

کون اس دھوپ میں چلتا ہو گا

ابھی دل پر ہیں جہاں کی نظریں

آئنہ اور ابھی دھندلا ہو گا

راز سر بستہ ہے محفل تیری

جو سمجھ لے گا وہ تنہا ہو گا

اس طرح قطع تعلق نہ کرو

اس طرح اور بھی چرچا ہو گا

بعد مدت کے چلے دیوانے

کیا ترے شہر کا نقشہ ہو گا

سب کا منہ تکتے ہیں یوں ہم جیسے

کوئی تو بات سمجھتا ہو گا

پھول یہ سوچ کے کھل اٹھتے ہیں

کوئی تو دیدہ بینا ہو گا

خود سے ہم دور نکل آئے ہیں

تیرے ملنے سے بھی اب کیا ہو گا

ہم ترا راستہ تکتے ہوں گے

اور تو سامنے بیٹھا ہو گا

تیری ہر بات پہ چپ رہتے ہیں

ہم سا پتھر بھی کیا ہو گا

خود کو یاد آنے لگے ہم باقیؔ

پھر کسی بات پہ جھگڑا ہو گا

باقی صدیقی

میں کارواں تھا، غباروں کا ساتھ دے نہ سکا

جنوری 8, 1972شعراء،غزلنظاروں،بہاروں،خاروں،ستاروں،غباروںadmin

باقی صدیقی ۔ غزل نمبر 50

ترے جہاں کے نظاروں کا ساتھ دے نہ سکا

میں کارواں تھا، غباروں کا ساتھ دے نہ سکا

کچھ اس قدر تھا نمایاں خزاں میں رنگ حیات

میں تشنہ کام بہاروں کا ساتھ دے نہ سکا

کہاں تمہاری تمنا، کہاں سحر کی نمود

مریض ہجر ستاروں کا ساتھ دے نہ سکا

نظر نہ تھی تو نظاروں کی آرزو تھی، مگر

نظر ملی تو نظاروں کا ساتھ دے نہ سکا

گلوں کا رنگ تبسم بھی تھا گراں باقیؔ

یہی نہیں کہ میں خاروں کا ساتھ دے نہ سکا

باقی صدیقی

وہغم ملا کہ جس کا ازالہ نہ ہو سکا

جنوری 8, 1972شعراء،غزلوالا،اجالا،ازالہadmin

باقی صدیقی ۔ غزل نمبر 49

دل کا حریف مے کا پیالہ نہ ہو سکا

وہ غم ملا کہ جس کا ازالہ نہ ہو سکا

موج صبا کے ساتھ چلی گلستاں کی بات

بدنام پھول توڑنے والا نہ ہو سکا

باقیؔ دلوں میں آ گئی سڑکوں کی تیرگی

بجلی کے قمقموں سے اجالا نہ ہو سکا

باقی صدیقی

کس کو ہے دماغ زندگی کا

جنوری 8, 1972شعراء،غزلچراغ،باغ،دماغ،داغ،سراغadmin

باقی صدیقی ۔ غزل نمبر 48

ہر داغ ہے داغ زندگی کا

کس کو ہے دماغ زندگی کا

دیتے رہے لو بہار کے زخم

جلتا رہا باغ زندگی کا

کس کس کے جگر کا داغ بن کر

جلتا ہے چراغ زندگی کا

کچھ آپ کی انجمن میں آ کر

ملتا ہے سراغ زندگی کا

پوچھو نہ مآل شوق باقیؔ

دل بن گیا داغ زندگی کا

باقی صدیقی

رنگ آنکھوں میں آ گیا دل کا

جنوری 8, 1972شعراء،غزلکا،گیا،آبلہ،تھا،دیا،راستہ،سامناadmin

باقی صدیقی ۔ غزل نمبر 47

ہم چھپائیں گے بھید کیا دل کا

رنگ آنکھوں میں آ گیا دل کا

زندگی تیرگی میں ڈوب گئی

ہم جلاتے رہے دیا دل کا

تم زمانے کی راہ سے آئے

ورنہ سیدھا تھا راستہ دل کا

زندگی بھر کوئی پتہ نہ چلا

دور گردوں کا، آپ کا، دل کا

وقت اور زندگی کا آئینہ

نوک غم اور آبلہ دل کا

آنکھ کھلتے ہی سامنے باقیؔ

ایک سنسان دشت تھا دل کا

باقی صدیقی

آپ سے کام آ پڑا جس کا

جنوری 8, 1972شعراء،غزلمجلس،کس،جسadmin

باقی صدیقی ۔ غزل نمبر 46

ناز اٹھاتا پھرے ہے کس کس کا

آپ سے کام آ پڑا جس کا

ہم بھی شاکی ہیں، آپ بھی شاکی

اب کرے کون فیصلہ کس کا

میرے جاتے ہی ہو گیا باقیؔ

اور ہی اور رنگ مجلس کا

باقی صدیقی

بھول گئے رستہ گھر کا

جنوری 8, 1972شعراء،غزلمرمر،کیکر،گوہر،گھر،پتھر،اندر،بستر،دفترadmin

باقی صدیقی ۔ غزل نمبر 45

ایسا وار پڑا سر کا

بھول گئے رستہ گھر کا

زیست چلی ہے کس جانب

لے کر کاسہ مرمر کا

کیا کیا رنگ بدلتا ہے

وحشی اپنے اندر کا

سر پر ڈالی سرسوں کی

پاؤں میں کانٹا کیکر کا

کون صدف کی بات کرے

نام بڑا ہے گوہرکا

دن ہے سینے کا گھاؤ

رات ہے کانٹا بستر کا

اب تو وہی جی سکتا ہے

جس کا دل ہو پتھر کا

چھوڑو شعر اٹھو باقیؔ

وقت ہوا ہے دفتر کا

باقی صدیقی

اب تکلیف کرو نہ آے کا

جنوری 8, 1972شعراء،غزلفسانے،کھانے،جانے،زمانےadmin

باقی صدیقی ۔ غزل نمبر 44

چل گیا ہے فسوں زمانے کا

اب تکلف کرو نہ آنے کا

دیکھ کر ہم کو بے نیاز حیات

حوصلہ بڑھ گیا زمانے کا

وقت ہو تو حضور سن لیجے

آخری باب ہے فسانے کا

اک ستارہ بھی آسماں پہ نہیں

کیا کوئی وقت ہے یہ جانے کا

ڈوبتا جا رہا ہے دل باقیؔ

وقت یہ تھا فریب کھانے کا

باقی صدیقی

راہ میں کیسا یہ ویرانہ پڑا

جنوری 8, 1972شعراء،غزللانا،مرجھانا،ویرانہ،کھانا،ٹھہرانا،پھیلانا،آنا،بہلانا،جانا،دہرانا،سمجھاناadmin

باقی صدیقی ۔ غزل نمبر 43

اپنی تنہائی پہ مر جانا پڑا

راہ میں کیسا یہ ویرانہ پڑا

کس طرف سے آئی تھی تیری صدا

ہر طرف تکنا پڑا، جانا پڑا

زندگی ہے، شورشیں ہی شورشیں

خود کو اکثر ڈھونڈ کر لانا پڑا

تیری رحمت سے ہوئے سب میرے کام

شکر ہے دامن نہ پھیلانا پڑا

کوئی دل کی بات کیا کہنے لگے

اپنا اک اک لفظ دہرانا پڑا

راستے میں اس قدر تھے حادثات

ہر قدم پھر دل کو سمجھانا پڑا

زندگی جیسے اسی کا نام ہے

اس طرح دھوکا کبھی کھانا پڑا

ہے کلی بے تاب کھلنے کے لئے

اور اگر کھلتے ہی مرجھانا پڑا

زندگی کا راز پانے کے لئے

زندگی کی راہ میں آنا پڑا

راستے سے اس قدر تھے بے خبر

مل گیا جو اس کو ٹھہرانا پڑا

دوستوں کی بے رُخی باقیؔ نہ پوچھ

دشمنوں میں دل کو بہلانا پڑا

باقی صدیقی

میرا قصہ بھی دور تک پہنچا

جنوری 8, 1972شعراء،غزلقصور،ناصبور،حضور،دور،غرورadmin

باقی صدیقی ۔ غزل نمبر 42

میکدے سے حضور تک پہنچا

میرا قصہ بھی دور تک پہنچا

سرفرازی کی بات ہے ساری

یوں تو میں بھی حضور تک پہنچا

خلد کا ذکر آ گیا تھا ذرا

شیخ حور و قصور تک پہنچا

صورت آئینہ شکست ہوا

عشق بھی جب غرور تک پہنچا

جا سکا غم نہ پھر کہیں باقیؔ

جب دل ناصبور تک پہنچا

باقی صدیقی

کہیں کہاں ترا دیوانہ شرمسار ہوا

جنوری 8, 1972شعراء،غزلقرار،مزار،ناگوار،بہار،بار،رہگزار،شکار،شرمسارadmin

باقی صدیقی ۔ غزل نمبر 41

کبھی حرم پہ کبھی بتکدے پہ بار ہوا

کہیں کہاں ترا دیوانہ شرمسار ہوا

گزر گیا ہے محبت کا مرحلہ شاید

ترے خیال سے بھی دل نہ بے قرار ہوا

تمہاری بزم میں جب آرزو کی بات چھڑی

ہمارا ذکر بھی یاروں کو ناگوار ہوا

چمن کی خاک سے پیدا ہوا ہے کانٹا بھی

یہ اور بات کہ حالات کا شکار ہوا

نسیم صبح کی شوخی میں تو کلام نہیں

مگر وہ پھول جو پامالِ رہگزار ہوا

روش روش پہ سلگتے ہوئے شگوفوں سے

کبھی کبھی ہمیں اندازۂ بہار ہوا

فسانہ خواں کوئی دنیا میں مل گیا جس کو

اسی کی ذکر فسانوں میں بار بار ہوا

کس انجمن میں جلایا ہے تو نے اے باقیؔ

ترا چراغ، چراغِ سرِ مزار ہوا

باقی صدیقی

تو کہاں آ کے عناں گیر ہوا

جنوری 8, 1972شعراء،غزلمیر،نخچیر،گیر،اکسیر،تیر،تعمیر،زنجیرadmin

باقی صدیقی ۔ غزل نمبر 40

مرحلہ دل کا نہ تسخیر ہوا

تو کہاں آ کے عناں گیر ہوا

کام دنیا کا ہے تیر اندازی

ہم ہوئے یا کوئی نخچیر ہوا

سنگ بنیاد ہیں ہم اس گھر کا

جو کسی طرح نہ تعمیر ہوا

سفر شوق کا حاصل معلوم

راستہ پاؤں کی زنجیر ہوا

عمر بھر جس کی شکایت کی ہے

دل اسی آگ سے اکسیر ہوا

کس سے پوچھیں کہ وہ انداز نظر

کب تبسم ہوا کب تیر ہوا

کون اب داد سخن دے باقیؔ

جس نے دو شعر کہے میر ہوا

باقی صدیقی

دل کا حق ادا ہوا

جنوری 8, 1972شعراء،غزلکہا،کیا،ادا،بیوفا،برا،سواadmin

باقی صدیقی ۔ غزل نمبر 39

غم کا باب وا ہوا

دل کا حق ادا ہوا

دل بنا، دوا ہوا

درد کیا سے کیا ہوا

تم مٹے کہ ہم مٹے

جو ہوا برا ہوا

میرا تذکرہ ہی کیا

میں تو بیوفا ہوا

یہ کرم بجا مگر

وہ غرور کیا ہوا

ہم کہیں بھی کچھ تو کیا

تو نے جو کہا ہوا

باقیؔ ان سے مل کے درد

اور بھی سوا ہوا

باقی صدیقی

گئے جس در پہ تیرے در کے سوا

جنوری 8, 1972شعراء،غزلپر،خبر،در،رہگزر،سحرadmin

باقی صدیقی ۔ غزل نمبر 38

کچھ بھی پایا نہ درد سر کے سوا

گئے جس در پہ تیرے در کے سوا

یوں پریشاں ہیں جیسے حاصل شب

آج کچھ اور ہے سحر کے سوا

کس کے در پر صدا کریں جا کر

وا نہیں کوئی اپنے در کے سوا

کل تو سب کچھ تھی آپ کی آمد

آج کچھ بھی نہیں خبر کے سوا

وائے ہنگامہ جیسے کچھ بھی نہیں

کارواں شور رہگزر کے سوا

یہ نشیمن یہ گلستاں باقیؔ

اور سب کچھ ہے بال و پر کے سوا

باقی صدیقی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: