زمرہ جات کے محفوظات: اساتذہ

سو ہو چلا ہوں پیشتر از صبح سرد سا

اکتوبر 6, 2015میر تقی میر،اساتذہ،غزلنورد،نبرد،گرد،زرد،سردadmin

دیوان اول غزل 136

کس شام سے اٹھا تھا مرے دل میں درد سا

سو ہو چلا ہوں پیشتر از صبح سرد سا

بیٹھا ہوں جوں غبار ضعیف اب وگرنہ میں

پھرتا رہا ہوں گلیوں میں آوارہ گرد سا

قصد طریق عشق کیا سب نے بعد قیس

لیکن ہوا نہ ایک بھی اس رہ نورد سا

حاضر یراق بے مزگی کس گھڑی نہیں

معشوق کچھ ہمارا ہے عاشق نبرد سا

کیا میر ہے یہی جو ترے در پہ تھا کھڑا

نمناک چشم و خشک لب و رنگ زرد سا

میر تقی میر

مجنوں بھی اس کی موج میں مدت بہا پھرا

اکتوبر 6, 2015میر تقی میر،اساتذہ،غزلہما،لگا،بہا،بھلا،خداadmin

دیوان اول غزل 135

صحرا میں سیل اشک مرا جابجا پھرا

مجنوں بھی اس کی موج میں مدت بہا پھرا

طالع جو خوب تھے نہ ہوا جاہ کچھ نصیب

سر پر مرے کڑوڑ برس تک ہما پھرا

آنکھیں برنگ نقش قدم ہو گئیں سفید

نامے کے انتظار میں قاصد بھلا پھرا

ٹک بھی نہ مڑ کے میری طرف تونے کی نگاہ

اک عمر تیرے پیچھے میں ظالم لگا پھرا

دیر و حرم میں کیونکے قدم رکھ سکے گا میر

ایدھر تو اس سے بت پھرے اودھر خدا پھرا

میر تقی میر

تہ کر گیا مصلیٰ عزلت گزیدگاں کا

اکتوبر 6, 2015میر تقی میر،اساتذہ،غزلکشیدگاں،گزیدگاں،آرمیدگاں،خمیدگاں،رسیدگاںadmin

دیوان اول غزل 134

آیا تھا خانقہ میں وہ نور دیدگاں کا

تہ کر گیا مصلیٰ عزلت گزیدگاں کا

آخر کو خاک ہونا درپیش ہے سبھوں کو

ٹک دیکھ منھ کدھر ہے قامت خمیدگاں کا

جو خار دشت میں ہے سوچشم آبلہ سے

دیکھا ہوا ہے تیرے محنت کشیدگاں کا

اب زیرخاک رہنا مشکل ہے کشتگاں کو

آرام کھو چلا تو ان آرمیدگاں کا

تیر بلا کا ہر دم اب میر ہے نشانہ

پتھر جگر ہے اس کے آفت رسیدگاں کا

میر تقی میر

ہوں دوانہ ترے سگ کو کا

اکتوبر 6, 2015میر تقی میر،اساتذہ،غزلمو،کو،ابرو،بدخو،تھو،جو،جادو،خوشبو،دعاگو،روadmin

دیوان اول غزل 133

رات پیاسا تھا میرے لوہو کا

ہوں دوانہ ترے سگ کو کا

شعلۂ آہ جوں توں اب مجھ کو

فکر ہے اپنے ہر بن مو کا

ہے مرے یار کی مسوں کا رشک

کشتہ ہوں سبزئہ لب جو کا

بوسہ دینا مجھے نہ کر موقوف

ہے وظیفہ یہی دعاگو کا

میں نے تلوار سے ہرن مارے

عشق کر تیری چشم و ابرو کا

شور قلقل کے ہوتی تھی مانع

ریش قاضی پہ رات میں تھوکا

عطر آگیں ہے باد صبح مگر

کھل گیا پیچ زلف خوشبو کا

ایک دو ہوں تو سحر چشم کہوں

کارخانہ ہے واں تو جادو کا

میر ہرچند میں نے چاہا لیک

نہ چھپا عشق طفل بدخو کا

نام اس کا لیا ادھر اودھر

اڑ گیا رنگ ہی مرے رو کا

میر تقی میر

غرض اس شوخ نے بھی کام کیا

اکتوبر 6, 2015میر تقی میر،اساتذہ،غزلمقام،نام،کام،پیام،امام،تمام،حرام،خرام،سلام،عام،غلامadmin

دیوان اول غزل 132

کام پل میں مرا تمام کیا

غرض اس شوخ نے بھی کام کیا

سرو و شمشاد خاک میں مل گئے

تونے گلشن میں کیوں خرام کیا

سعی طوف حرم نہ کی ہرگز

آستاں پر ترے مقام کیا

تیرے کوچے کے رہنے والوں نے

یہیں سے کعبے کو سلام کیا

اس کے عیارپن نے میرے تئیں

خادم و بندہ و غلام کیا

حال بد میں مرے بتنگ آکر

آپ کو سب میں نیک نام کیا

دختر رز سے کیا تھا میرے تئیں

شیخ کی ضد پہ میں حرام کیا

ہو گیا دل مرا تبرک جب

ورد یہ قطعۂ پیامؔ کیا

’’دلی کے کج کلاہ لڑکوں نے

کام عشاق کا تمام کیا

کوئی عاشق نظر نہیں آتا

ٹوپی والوں نے قتل عام کیا‘‘

عشق خوباں کو میر میں اپنا

قبلہ و کعبہ و امام کیا

میر تقی میر

ننگ ہے نام رہائی تری صیادی کا

اکتوبر 6, 2015میر تقی میر،اساتذہ،غزلفریادی،وادی،آبادی،استادی،جلادی،صیادیadmin

دیوان اول غزل 131

نقش بیٹھے ہے کہاں خواہش آزادی کا

ننگ ہے نام رہائی تری صیادی کا

داد دے ورنہ ابھی جان پہ کھیلوں ہوں میں

دل جلانا نہیں دیکھا کسی فریادی کا

تونے تلوار رکھی سر رکھا میں بندہ ہوں

اپنی تسلیم کا بھی اور تری جلادی کا

شہر کی سی رہی رونق اسی کے جیتے جی

مر گیا قیس جو تھا خانہ خدا وادی کا

شیخ کیا صورتیں رہتی تھیں بھلا جب تھا دیر

رو بہ ویرانی ہو اس کعبے کی آبادی کا

ریختہ رتبے کو پہنچایا ہوا اس کا ہے

معتقد کون نہیں میر کی استادی کا

میر تقی میر

صنم خانہ ہی یاں اے شیخ تونے کیوں نہ بنوایا

اکتوبر 6, 2015میر تقی میر،اساتذہ،غزلفرمایا،آیا،بنوایاadmin

دیوان اول غزل 130

مجھے زنہار خوش آتا نہیں کعبے کا ہمسایا

صنم خانہ ہی یاں اے شیخ تونے کیوں نہ بنوایا

زہے اے عشق کی نیرنگ سازی غیر کو ان نے

جلایا بات کہتے واں ہمیں مرنے کو فرمایا

بھری ہے آگ تیرے درد دل میں میر ایسی تو

کہ کہتے روبرو اس شوخ کے قاصد کا منھ آیا

میر تقی میر

مئے گلگوں کا شیشہ ہچکیاں لے لے کے رووے گا

اکتوبر 6, 2015میر تقی میر،اساتذہ،غزلکھووے،دھووے،رووےadmin

دیوان اول غزل 129

مغاں مجھ مست بن پھر خندئہ ساغر نہ ہووے گا

مئے گلگوں کا شیشہ ہچکیاں لے لے کے رووے گا

کیا ہے خوں مرا پامال یہ سرخی نہ چھوٹے گی

اگر قاتل تو اپنے پائوں سو پانی سے دھووے گا

کوئی رہتا ہے جیتے جی ترے کوچے کے آنے سے

تبھی آسودہ ہو گا میر سا جب جی کو کھووے گا

میر تقی میر

دیکھا تو اور رنگ ہے سارے جہان کا

اکتوبر 6, 2015میر تقی میر،اساتذہ،غزلقرآن،گلستان،آسمان،بدزبان،تان،جہان،جوان،جان،زبانadmin

دیوان اول غزل 128

برقع اٹھا تھا رخ سے مرے بدگمان کا

دیکھا تو اور رنگ ہے سارے جہان کا

مت مانیو کہ ہو گا یہ بے درد اہل دیں

گر آوے شیخ پہن کے جامہ قرآن کا

خوبی کو اس کے چہرے کی کیا پہنچے آفتاب

ہے اس میں اس میں فرق زمین آسمان کا

ابلہ ہے وہ جو ہووے خریدار گل رخاں

اس سودے میں صریح ہے نقصان جان کا

کچھ اور گاتے ہیں جو رقیب اس کے روبرو

دشمن ہیں میری جان کے یہ جی ہے تان کا

تسکین اس کی تب ہوئی جب چپ مجھے لگی

مت پوچھ کچھ سلوک مرے بدزبان کا

یاں بلبل اور گل پہ تو عبرت سے آنکھ کھول

گلگشت سرسری نہیں اس گلستان کا

گل یادگار چہرئہ خوباں ہے بے خبر

مرغ چمن نشاں ہے کسو خوش زبان کا

توبرسوں میں کہے ہے ملوں گا میں میر سے

یاں کچھ کا کچھ ہے حال ابھی اس جوان کا

میر تقی میر

یہ ویراں آشیانے دیکھنے کو ایک میں چھوٹا

اکتوبر 6, 2015میر تقی میر،اساتذہ،غزلچھوٹا،پھوٹا،جھوٹاadmin

دیوان اول غزل 127

گئے قیدی ہو ہم آواز جب صیاد آ لوٹا

یہ ویراں آشیانے دیکھنے کو ایک میں چھوٹا

مرا رنگ اڑ گیا جس وقت سنگ محتسب آگے

بغل سے گر پڑا مینا و ساغر چور ہو پھوٹا

مرا وعدہ ہی آپہنچا ترے آنے کے وعدے تک

ہوا میں موت سے سچا رہا اے شوخ تو جھوٹا

کف جاناں سے کیا امکاں رہائی میر کوئی ہو

اچنبھا ہے جو اس کے ہاتھ سے رنگ حنا چھوٹا

میر تقی میر

اب جس جگہ کہ داغ ہے یاں آگے درد تھا

اکتوبر 6, 2015میر تقی میر،اساتذہ،غزلفرد،مرد،نورد،گرد،درد،زرد،سردadmin

دیوان اول غزل 126

دل عشق کا ہمیشہ حریف نبرد تھا

اب جس جگہ کہ داغ ہے یاں آگے درد تھا

اک گرد راہ تھا پئے محمل تمام راہ

کس کا غبار تھا کہ یہ دنبالہ گرد تھا

دل کی شکستگی نے ڈرائے رکھا ہمیں

واں چیں جبیں پر آئی کہ یاں رنگ زرد تھا

مانند حرف صفحۂ ہستی سے اٹھ گیا

دل بھی مرا جریدئہ عالم میں فرد تھا

تھا پشتہ ریگ بادیہ اک وقت کارواں

یہ گردباد کوئی بیاباں نورد تھا

گذری مدام اس کی جوانان مست میں

پیر مغاں بھی طرفہ کوئی پیر مرد تھا

عاشق ہیں ہم تو میر کے بھی ضبط عشق کے

دل جل گیا تھا اور نفس لب پہ سرد تھا

میر تقی میر

کیا گلہ کیجے غرض اب وہ زمانہ ہی گیا

اکتوبر 6, 2015میر تقی میر،اساتذہ،غزلبہانہ،جانا،دوانہ،دانہ،زمانہadmin

دیوان اول غزل 125

تجھ سے ہر آن مرے پاس کا آنا ہی گیا

کیا گلہ کیجے غرض اب وہ زمانہ ہی گیا

چشم بن اشک ہوئی یا نہ ہوئی یکساں ہے

خاک میں جب وہ ملا موتی کا دانہ ہی گیا

بر مجنوں میں خردمند کوئی جا نہ سکا

عاقبت سر کو قدم کر یہ دوانہ ہی گیا

ہم اسیروں کو بھلا کیا جو بہار آئی نسیم

عمر گذری کہ وہ گلزار کا جانا ہی گیا

جی گیا میر کا اس لیت و لعل میں لیکن

نہ گیا ظلم ہی تیرا نہ بہانہ ہی گیا

میر تقی میر

گلابی روتی تھی واں جام ہنس ہنس کر چھلکتا تھا

اکتوبر 6, 2015میر تقی میر،اساتذہ،غزلچھلکتا،ڈھلکتا،تھلکتاadmin

دیوان اول غزل 124

نئی طرزوں سے میخانے میں رنگ مے جھلکتا تھا

گلابی روتی تھی واں جام ہنس ہنس کر چھلکتا تھا

ترے اس خاک اڑانے کی دھمک سے اے مری وحشت

کلیجا ریگ صحرا کا بھی دس دس گز تھلکتا تھا

گئی تسبیح اس کی نزع میں کب میر کے دل سے

اسی کے نام کی سمرن تھی جب منکا ڈھلکتا تھا

میر تقی میر

تو ہمسایہ کاہے کو سوتا رہے گا

اکتوبر 6, 2015میر تقی میر،اساتذہ،غزلہوتا،ڈبوتا،کھوتا،پروتا،دھوتا،روتا،سوتاadmin

دیوان اول غزل 123

جو اس شور سے میر روتا رہے گا

تو ہمسایہ کاہے کو سوتا رہے گا

میں وہ رونے والا جہاں سے چلا ہوں

جسے ابر ہر سال روتا رہے گا

مجھے کام رونے سے اکثر ہے ناصح

تو کب تک مرے منھ کو دھوتا رہے گا

بس اے گریہ آنکھیں تری کیا نہیں ہیں

کہاں تک جہاں کو ڈبوتا رہے گا

مرے دل نے وہ نالہ پیدا کیا ہے

جرس کے بھی جو ہوش کھوتا رہے گا

تو یوں گالیاں غیر کو شوق سے دے

ہمیں کچھ کہے گا تو ہوتا رہے گا

بس اے میر مژگاں سے پونچھ آنسوئوں کو

تو کب تک یہ موتی پروتا رہے گا

میر تقی میر

رواج اس ملک میں ہے درد و داغ و رنج و کلفت کا

اکتوبر 6, 2015میر تقی میر،اساتذہ،غزلفرصت،قدرت،محبت،مدت،کلفت،الفت،جرأت،صحبت،طاعتadmin

دیوان اول غزل 122

غلط ہے عشق میں اے بوالہوس اندیشہ راحت کا

رواج اس ملک میں ہے درد و داغ و رنج و کلفت کا

زمیں اک صفحۂ تصویر بیہوشاں سے مانا ہے

یہ مجلس جب سے ہے اچھا نہیں کچھ رنگ صحبت کا

جہاں جلوے سے اس محبوب کے یکسر لبالب ہے

نظر پیدا کر اول پھر تماشا دیکھ قدرت کا

ہنوز آوارئہ لیلیٰ ہے جان رفتہ مجنوں کی

موئے پر بھی رہا ہوتا نہیں وابستہ الفت کا

حریف بے جگر ہے صبر ورنہ کل کی صحبت میں

نیاز و ناز کا جھگڑا گرو تھا ایک جرأت کا

نگاہ یاس بھی اس صید افگن پر غنیمت ہے

نہایت تنگ ہے اے صید بسمل وقت فرصت کا

خرابی دل کی اس حد ہے کہ یہ سمجھا نہیں جاتا

کہ آبادی بھی یاں تھی یا کہ ویرانہ تھا مدت کا

نگاہ مست نے اس کی لٹائی خانقہ ساری

پڑا ہے برہم اب تک کارخانہ زہد و طاعت کا

قدم ٹک دیکھ کر رکھ میر سر دل سے نکالے گا

پلک سے شوخ تر کانٹا ہے صحراے محبت کا

میر تقی میر

عاشق کا اپنے آخری دیدار دیکھنا

اکتوبر 6, 2015میر تقی میر،اساتذہ،غزلہار،گلزار،گرفتار،آزار،خونبار،خار،خبردار،دلدار،دیوار،دیدارadmin

دیوان اول غزل 121

آنکھوں میں جی مرا ہے ادھر یار دیکھنا

عاشق کا اپنے آخری دیدار دیکھنا

کیسا چمن کہ ہم سے اسیروں کو منع ہے

چاک قفس سے باغ کی دیوار دیکھنا

آنکھیں چرائیو نہ ٹک ابر بہار سے

میری طرف بھی دیدئہ خونبار دیکھنا

اے ہم سفر نہ آبلے کو پہنچے چشم تر

لاگا ہے میرے پائوں میں آ خار دیکھنا

ہونا نہ چار چشم دل اس ظلم پیشہ سے

ہشیار زینہار خبردار دیکھنا

صیاد دل ہے داغ جدائی سے رشک باغ

تجھ کو بھی ہو نصیب یہ گلزار دیکھنا

گر زمزمہ یہی ہے کوئی دن تو ہم صفیر

اس فصل ہی میں ہم کو گرفتار دیکھنا

بلبل ہمارے گل پہ نہ گستاخ کر نظر

ہوجائے گا گلے کا کہیں ہار دیکھنا

شاید ہماری خاک سے کچھ ہو بھی اے نسیم

غربال کرکے کوچۂ دلدار دیکھنا

اس خوش نگہ کے عشق سے پرہیز کیجو میر

جاتا ہے لے کے جی ہی یہ آزار دیکھنا

میر تقی میر

کہ سنگ محتسب سے پاے خم دست سبو ٹوٹا

اکتوبر 6, 2015میر تقی میر،اساتذہ،غزلمو،آرزو،جو،رفو،روبرو،سبوadmin

دیوان اول غزل 120

سر دور فلک بھی دیکھوں اپنے روبرو ٹوٹا

کہ سنگ محتسب سے پاے خم دست سبو ٹوٹا

کہاں آتے میسر تجھ سے مجھ کو خودنما اتنے

ہوا یوں اتفاق آئینہ میرے روبرو ٹوٹا

کف چالاک میں تیری جو تھا سر رشتہ جانوں کا

گریباں سے مرے ہر اک ترا ٹانکا رفو ٹوٹا

طراوت تھی چمن میں سرو گویا اشک قمری سے

ادھر آنکھیں مندیں اس کی کہ ایدھر آب جو ٹوٹا

خطر کر تو نہ لگ چل اے صبا اس زلف سے اتنا

بلا آوے گی تیرے سر جو اس کا ایک مو ٹوٹا

وہ بے کس کیا کرے کہہ تو رہی دل ہی کی دل ہی میں

نپٹ بے جا ترا دل میر سے اے آرزو ٹوٹا

میر تقی میر

اشک فقط کا جھمکا آنکھوں سے لگ رہا تھا

اکتوبر 6, 2015میر تقی میر،اساتذہ،غزلہوا،لیا،لگا،ملا،مزہ،کہا،کیا،گیا،پھنسا،پا،بلا،جلا،جابجا،رہاadmin

دیوان اول غزل 119

لخت جگر تو اپنے یک لخت روچکا تھا

اشک فقط کا جھمکا آنکھوں سے لگ رہا تھا

دامن میں آج دیکھا پھر لخت میں لے آیا

ٹکڑا کوئی جگر کا پلکوں میں رہ گیا تھا

اس قید جیب سے میں چھوٹا جنوں کی دولت

ورنہ گلا یہ میرا جوں طوق میں پھنسا تھا

مشت نمک کی خاطر اس واسطے ہوں حیراں

کل زخم دل نہایت دل کو مرے لگا تھا

اے گرد باد مت دے ہر آن عرض وحشت

میں بھی کسو زمانے اس کام میں بلا تھا

بن کچھ کہے سنا ہے عالم سے میں نے کیا کیا

پر تونے یوں نہ جانا اے بے وفا کہ کیا تھا

روتی ہے شمع اتنا ہر شب کہ کچھ نہ پوچھو

میں سوز دل کو اپنے مجلس میں کیوں کہا تھا

شب زخم سینہ اوپر چھڑکا تھا میں نمک کو

ناسور تو کہاں تھا ظالم بڑا مزہ تھا

سر مار کر ہوا تھا میں خاک اس گلی میں

سینے پہ مجھ کو اس کا مذکور نقش پا تھا

سو بخت تیرہ سے ہوں پامالی صبا میں

اس دن کے واسطے میں کیا خاک میں ملا تھا

یہ سرگذشت میری افسانہ جو ہوئی ہے

مذکور اس کا اس کے کوچے میں جابجا تھا

سن کر کسی سے وہ بھی کہنے لگا تھا کچھ کچھ

بے درد کتنے بولے ہاں اس کو کیا ہوا تھا

کہنے لگا کہ جانے میری بلا عزیزاں

احوال تھا کسی کا کچھ میں بھی سن لیا تھا

آنکھیں مری کھلیں جب جی میر کا گیا تب

دیکھے سے اس کو ورنہ میرا بھی جی جلا تھا

میر تقی میر

دوش ہوا پہ رنگ گل و یاسمن گیا

اکتوبر 6, 2015میر تقی میر،اساتذہ،غزلچمن،چھن،وطن،یاسمن،کفن،تن،دکنadmin

دیوان اول غزل 118

قابو خزاں سے ضعف کا گلشن میں بن گیا

دوش ہوا پہ رنگ گل و یاسمن گیا

برگشتہ بخت دیکھ کہ قاصد سفر سے میں

بھیجا تھا اس کے پاس سو میرے وطن گیا

خاطر نشاں اے صید فگن ہو گی کب تری

تیروں کے مارے میرا کلیجہ تو چھن گیا

یادش بخیر دشت میں مانند عنکبوت

دامن کے اپنے تار جو خاروں پہ تن گیا

مارا تھا کس لباس میں عریانی نے مجھے

جس سے تہ زمین بھی میں بے کفن گیا

آئی اگر بہار تو اب ہم کو کیا صبا

ہم سے تو آشیاں بھی گیا اور چمن گیا

سرسبز ملک ہند میں ایسا ہوا کہ میر

یہ ریختہ لکھا ہوا تیرا دکن گیا

میر تقی میر

گو کہ مرے ہی خون کی دست گرفتہ ہو حنا

اکتوبر 6, 2015میر تقی میر،اساتذہ،غزلہوا،وفا،کا،بلا،جلا،حنا،دعا،صباadmin

دیوان اول غزل 117

تیرے قدم سے جا لگی جس پہ مرا ہے سر لگا

گو کہ مرے ہی خون کی دست گرفتہ ہو حنا

سنگ مجھے بجاں قبول اس کے عوض ہزار بار

تابہ کجا یہ اضطراب دل نہ ہوا ستم ہوا

کس کی ہوا کہاں کاگل ہم تو قفس میں ہیں اسیر

سیر چمن کی روز و شب تجھ کو مبارک اے صبا

کن نے بدی ہے اتنی دیر موسم گل میں ساقیا

دے بھی مئے دوآتشہ زورہی سرد ہے ہوا

وہ تو ہماری خاک پر آ نہ پھرا کبھی غرض

ان نے جفا نہ ترک کی اپنی سی ہم نے کی وفا

فصل خزاں تلک تو میں اتنا نہ تھا خراب گرد

مجھ کو جنون ہو گیا موسم گل میں کیا بلا

جان بلب رسیدہ سے اتنا ہی کہنے پائے ہم

جاوے اگر تو یار تک کہیو ہماری بھی دعا

بوے کباب سوختہ آتی ہے کچھ دماغ میں

ہووے نہ ہووے اے نسیم رات کسی کا دل جلا

میں تو کہا تھا تیرے تیں آہ سمجھ نہ ظلم کر

آخرکار بے وفا جی ہی گیا نہ میر کا

میر تقی میر

میرا دل خواہ جو کچھ تھا وہ کبھو یاں نہ ہوا

اکتوبر 6, 2015میر تقی میر،اساتذہ،غزلمسلماں،یاں،گریباں،پشیماں،سوزاں،ساماں،طوفاں،عزیزاںadmin

دیوان اول غزل 116

کثرت داغ سے دل رشک گلستاں نہ ہوا

میرا دل خواہ جو کچھ تھا وہ کبھو یاں نہ ہوا

جی تو ایسے کئی صدقے کیے تجھ پر لیکن

حیف یہ ہے کہ تنک تو بھی پشیماں نہ ہوا

آہ میں کب کی کہ سرمایۂ دوزخ نہ ہوئی

کون سا اشک مرا منبع طوفاں نہ ہوا

گو توجہ سے زمانے کی جہاں میں مجھ کو

جاہ و ثروت کا میسر سر و ساماں نہ ہوا

شکر صد شکر کہ میں ذلت و خواری کے سبب

کسی عنوان میں ہم چشم عزیزاں نہ ہوا

برق مت خوشے کی اور اپنی بیاں کر صحبت

شکر کر یہ کہ مرا واں دل سوزاں نہ ہوا

دل بے رحم گیا شیخ لیے زیر زمیں

مر گیا پر یہ کہن گبر مسلماں نہ ہوا

کون سی رات زمانے میں گئی جس میں میر

سینۂ چاک سے میں دست و گریباں نہ ہوا

میر تقی میر

رو آشیان طائر رنگ پریدہ تھا

اکتوبر 6, 2015میر تقی میر،اساتذہ،غزلنچیدہ،نوردیدہ،کشیدہ،پریدہ،بریدہ،دریدہ،رمیدہ،رسیدہ،طپیدہadmin

دیوان اول غزل 115

کیا دن تھے وے کہ یاں بھی دل آرمیدہ تھا

رو آشیان طائر رنگ پریدہ تھا

قاصد جو واں سے آیا تو شرمندہ میں ہوا

بیچارہ گریہ ناک گریباں دریدہ تھا

اک وقت ہم کو تھا سر گریہ کہ دشت میں

جو خار خشک تھا سو وہ طوفاں رسیدہ تھا

جس صید گاہ عشق میں یاروں کا جی گیا

مرگ اس شکارگہ کا شکار رمیدہ تھا

کوری چشم کیوں نہ زیارت کو اس کی آئے

یوسف سا جس کو مدنظر نوردیدہ تھا

افسوس مرگ صبر ہے اس واسطے کہ وہ

گل ہاے باغ عشرت دنیا نچیدہ تھا

مت پوچھ کس طرح سے کٹی رات ہجر کی

ہر نالہ میری جان کو تیغ کشیدہ تھا

حاصل نہ پوچھ گلشن مشہد کا بوالہوس

یاں پھل ہر اک درخت کا حلق بریدہ تھا

دل بے قرار گریۂ خونیں تھا رات میر

آیا نظر تو بسمل درخوں طپیدہ تھا

میر تقی میر

طپش کی یاں تئیں دل نے کہ درد شانہ ہوا

اکتوبر 6, 2015میر تقی میر،اساتذہ،غزلنہ،تازیانہ،روانہ،زمانہ،شانہadmin

دیوان اول غزل 114

جدا جو پہلو سے وہ دلبر یگانہ ہوا

طپش کی یاں تئیں دل نے کہ درد شانہ ہوا

جہاں کو فتنے سے خالی کبھو نہیں پایا

ہمارے وقت میں تو آفت زمانہ ہوا

خلش نہیں کسو خواہش کی رات سے شاید

سرشک یاس کے پردے میں دل روانہ ہوا

ہم اپنے دل کی چلے دل ہی میں لیے یاں سے

ہزار حیف سر حرف اس سے وا نہ ہوا

کھلا نشے میں جو پگڑی کا پیچ اس کی میر

سمند ناز پہ ایک اور تازیانہ ہوا

میر تقی میر

آج دیکھا تو باغ بن دیکھا

اکتوبر 6, 2015میر تقی میر،اساتذہ،غزلمرتہن،چمن،چھن،کفن،بن،بانکپن،جلاوطنadmin

دیوان اول غزل 113

کل چمن میں گل و سمن دیکھا

آج دیکھا تو باغ بن دیکھا

کیا ہے گلشن میں جو قفس میں نہیں

عاشقوں کا جلاوطن دیکھا

ذوق پیکان تیر میں تیرے

مدتوں تک جگر نے چھن دیکھا

گھر کے گھر جلتے تھے پڑے تیرے

داغ دل دیکھے بس چمن دیکھا

ایک چشمک دوصد سنان مژہ

اس نکیلے کا بانکپن دیکھا

شکر زاہد کا اپنی آنکھوں میں

مے عوض خرقہ مرتہن دیکھا

حسرت اس کی جگہ تھی خوابیدہ

میر کا کھول کر کفن دیکھا

میر تقی میر

دیکھا جو خوب تو ہے دنیا عجب تماشا

اکتوبر 6, 2015میر تقی میر،اساتذہ،غزلاب،جب،سب،عجبadmin

دیوان اول غزل 112

ہوتا ہے یاں جہاں میں ہر روز و شب تماشا

دیکھا جو خوب تو ہے دنیا عجب تماشا

ہر چند شور محشر اب بھی ہے در پہ لیکن

نکلے گا یار گھر سے ہووے گا جب تماشا

بھڑکے ہے آتش غم منظور ہے جو تجھ کو

جلنے کا عاشقوں کے آ دیکھ اب تماشا

طالع جو میر خواری محبوب کو خوش آئی

پرغم یہ ہے مخالف دیکھیں گے سب تماشا

میر تقی میر

ناچار عاشقوں کو رخصت کے پان دے گا

اکتوبر 6, 2015میر تقی میر،اساتذہ،غزلمکان،چھان،نشان،کان،پان،امان،جوان،دان،درمیانadmin

دیوان اول غزل 111

خط منھ پہ آئے جاناں خوبی پہ جان دے گا

ناچار عاشقوں کو رخصت کے پان دے گا

سارے رئیس اعضا ہیں معرض تلف میں

یہ عشق بے محابا کس کو امان دے گا

پاے پر آبلہ سے میں گم شدہ گیا ہوں

ہر خار بادیے کا میرا نشان دے گا

داغ اور سینے میں کچھ بگڑی ہے عشق دیکھیں

دل کو جگر کو کس کو اب درمیان دے گا

نالہ ہمارا ہر شب گذرے ہے آسماں سے

فریاد پر ہماری کس دن تو کان دے گا

مت رغم سے ہمارے پیارے حنا لگائو

پابوس پر تمھارے سر سو جوان دے گا

ہوجو نشانہ اس کا اے بوالہوس سمجھ کر

تیروں کے مارے سارے سینے کو چھان دے گا

اس برہمن پسر کے قشقے پہ مرتے ہیں ہم

ٹک دے گا رو تو گویا جی ہم کو دان دے گا

گھر چشم کا ڈبو مت دل کے گئے پہ رو رو

کیا میر ہاتھ سے تو یہ بھی مکان دے گا

میر تقی میر

آخر کو جستجو نے تری مجھ کو کھو دیا

اکتوبر 6, 2015میر تقی میر،اساتذہ،غزلڈبو،کھو،بو،روadmin

دیوان اول غزل 110

جی اپنا میں نے تیرے لیے خوار ہو دیا

آخر کو جستجو نے تری مجھ کو کھو دیا

بے طاقتی سکوں نہیں رکھتی ہے ہم نشیں

رونے نے ہر گھڑی کے مجھے تو ڈبو دیا

اے ابر اس چمن میں نہ ہو گا گل امید

یاں تخم یاس اشک کو میں پھر کے بو دیا

پوچھا جو میں نے درد محبت سے میر کو

رکھ ہاتھ ان نے دل پہ ٹک اک اپنے رو دیا

میر تقی میر

کون سے درد و ستم کا یہ طرفدار نہ تھا

اکتوبر 6, 2015میر تقی میر،اساتذہ،غزلگنہگار،گرفتار،اظہار،خریدار،دیوار،دیدار،درکار،طرفدارadmin

دیوان اول غزل 109

کیا مصیبت زدہ دل مائل آزار نہ تھا

کون سے درد و ستم کا یہ طرفدار نہ تھا

آدم خاکی سے عالم کو جلا ہے ورنہ

آئینہ تھا یہ ولے قابل دیدار نہ تھا

دھوپ میں جلتی ہیں غربت وطنوں کی لاشیں

تیرے کوچے میں مگر سایۂ دیوار نہ تھا

صد گلستاں تہ یک بال تھے اس کے جب تک

طائر جاں قفس تن کا گرفتار نہ تھا

حیف سمجھا ہی نہ وہ قاتل ناداں ورنہ

بے گنہ مارنے قابل یہ گنہگار نہ تھا

عشق کا جذب ہوا باعث سودا ورنہ

یوسف مصر زلیخا کا خریدار نہ تھا

نرم تر موم سے بھی ہم کو کوئی دیتی قضا

سنگ چھاتی کا تو یہ دل ہمیں درکار نہ تھا

رات حیران ہوں کچھ چپ ہی مجھے لگ گئی میر

درد پنہاں تھے بہت پر لب اظہار نہ تھا

میر تقی میر

بوسہ بھی لیں تو کیا ہے ایمان ہے ہمارا

اکتوبر 6, 2015میر تقی میر،اساتذہ،غزلفرمان،قربان،مہمان،مندان،نادان،ویران،ایمان،آسان،احسان،جان،دیوان،دالان،دربان،طوفان،عنوانadmin

دیوان اول غزل 108

تیرا رخ مخطط قرآن ہے ہمارا

بوسہ بھی لیں تو کیا ہے ایمان ہے ہمارا

گر ہے یہ بے قراری تو رہ چکا بغل میں

دو روز دل ہمارا مہمان ہے ہمارا

ہیں اس خراب دل سے مشہور شہرخوباں

اس ساری بستی میں گھر ویران ہے ہمارا

مشکل بہت ہے ہم سا پھر کوئی ہاتھ آنا

یوں مارنا تو پیارے آسان ہے ہمارا

ادریس و خضر و عیسیٰ قاتل سے ہم چھڑائے

ان خوں گرفتگاں پر احسان ہے ہمارا

ہم وے ہیں سن رکھو تم مرجائیں رک کے یک جا

کیا کوچہ کوچہ پھرنا عنوان ہے ہمارا

ہیں صید گہ کے میری صیاد کیا نہ دھڑکے

کہتے ہیں صید جو ہے بے جان ہے ہمارا

کرتے ہیں باتیں کس کس ہنگامے کی یہ زاہد

دیوان حشر گویا دیوان ہے ہمارا

خورشید رو کا پرتو آنکھوں میں روز ہے گا

یعنی کہ شرق رویہ دالان ہے ہمارا

ماہیت دوعالم کھاتی پھرے ہے غوطے

یک قطرہ خون یہ دل طوفان ہے ہمارا

نالے میں اپنے ہر شب آتے ہیں ہم بھی پنہاں

غافل تری گلی میں مندان ہے ہمارا

کیا خانداں کا اپنے تجھ سے کہیں تقدس

روح القدس اک ادنیٰ دربان ہے ہمارا

کرتا ہے کام وہ دل جو عقل میں نہ آوے

گھر کا مشیر کتنا نادان ہے ہمارا

جی جا نہ آہ ظالم تیرا ہی تو ہے سب کچھ

کس منھ سے پھر کہیں جی قربان ہے ہمارا

بنجر زمین دل کی ہے میر ملک اپنی

پر داغ سینہ مہر فرمان ہے ہمارا

میر تقی میر

کچھ مزاج ان دنوں مکدر تھا

اکتوبر 6, 2015میر تقی میر،اساتذہ،غزلقلندر،لشکر،مقدر،میسر،مکدر،گھر،پتھر،پر،پرور،باہر،بستر،تر،خوگر،دیگر،زر،سکندرadmin

دیوان اول غزل 107

دل جو زیرغبار اکثر تھا

کچھ مزاج ان دنوں مکدر تھا

اس پہ تکیہ کیا تو تھا لیکن

رات دن ہم تھے اور بستر تھا

سرسری تم جہان سے گذرے

ورنہ ہر جا جہان دیگر تھا

دل کی کچھ قدر کرتے رہیو تم

یہ ہمارا بھی ناز پرور تھا

بعد یک عمر جو ہوا معلوم

دل اس آئینہ رو کا پتھر تھا

بارے سجدہ ادا کیا تہ تیغ

کب سے یہ بوجھ میرے سر پر تھا

کیوں نہ ابر سیہ سفید ہوا

جب تلک عہد دیدئہ تر تھا

اب خرابہ ہوا جہان آباد

ورنہ ہر اک قدم پہ یاں گھر تھا

بے زری کا نہ کر گلہ غافل

رہ تسلی کہ یوں مقدر تھا

اتنے منعم جہان میں گذرے

وقت رحلت کے کس کنے زر تھا

صاحب جاہ و شوکت و اقبال

اک ازاں جملہ اب سکندر تھا

تھی یہ سب کائنات زیر نگیں

ساتھ مور و ملخ سا لشکر تھا

لعل و یاقوت ہم زر و گوہر

چاہیے جس قدر میسر تھا

آخر کار جب جہاں سے گیا

ہاتھ خالی کفن سے باہر تھا

عیب طول کلام مت کریو

کیا کروں میں سخن سے خوگر تھا

خوش رہا جب تلک رہا جیتا

میر معلوم ہے قلندر تھا

میر تقی میر

یہ کون شگوفہ سا چمن زار میں لایا

اکتوبر 6, 2015میر تقی میر،اساتذہ،غزللگایا،لایا،نہایا،چھپایا،پایا،اڑایا،آیا،بتایا،خدایا،دکھایا،سایاadmin

دیوان اول غزل 106

اس چہرے کی خوبی سے عبث گل کو جتایا

یہ کون شگوفہ سا چمن زار میں لایا

وہ آئینہ رخسار دم بازپس آیا

جب حس نہ رہا ہم کو تو دیدار دکھایا

کچھ ماہ میں اس میں نہ تفاوت ہوا ظاہر

سو بار نکالا اسے اور اس کو چھپایا

اک عمر مجھے خاک میں ملتے ہوئے گذری

کوچے میں ترے آن کے لوہو میں نہایا

سمجھا تو مجھے مرگ کے نزدیک پس از دیر

رحمت ہے مرے یار بہت دور سے آیا

یہ باغ رہا ہم سے ولے جا نہ سکے ہم

بے بال و پری نے بھی ہمیں خوب اڑایا

میں صید رمیدہ ہوں بیابان جنوں کا

رہتا ہے مرا موجب وحشت مرا سایا

یا قافلہ در قافلہ ان رستوں میں تھے لوگ

یا ایسے گئے یاں سے کہ پھر کھوج نہ پایا

رو میں نے رکھا ہے در ترسا بچگاں پر

رکھیو تو مری شرم بڑھاپے میں خدایا

ٹالا نہیں کچھ مجھ کو پتنگ آج اڑاتے

بہتوں کے تئیں بائو کا رخ ان نے بتایا

ایسے بت بے مہر سے ملتا ہے کوئی بھی

دل میر کو بھاری تھا جو پتھر سے لگایا

میر تقی میر

اک ابر واں سے اٹھ کر بے اختیار رویا

اکتوبر 6, 2015میر تقی میر،اساتذہ،غزلہزار،اختیار،بار،دوچار،زارadmin

دیوان اول غزل 105

دامان کوہ میں جو میں ڈاڑھ مار رویا

اک ابر واں سے اٹھ کر بے اختیار رویا

پڑتا نہ تھا بھروسا عہد وفاے گل پر

مرغ چمن نہ سمجھا میں تو ہزار رویا

ہر گل زمین یاں کی رونے ہی کی جگہ تھی

مانند ابر ہر جا میں زار زار رویا

تھی مصلحت کہ رک کر ہجراں میں جان دیجے

دل کھول کر نہ غم میں میں ایک بار رویا

اک عجز عشق اس کا اسباب صد الم تھا

کل میر سے بہت میں ہوکر دوچار رویا

میر تقی میر

یاں شرم سے عرق میں ڈوب آفتاب نکلا

اکتوبر 6, 2015میر تقی میر،اساتذہ،غزلکتاب،گلاب،پرآب،آفتاب،تاب،جواب،حجاب،خواب،خراب،شتابadmin

دیوان اول غزل 104

واں وہ تو گھر سے اپنے پی کر شراب نکلا

یاں شرم سے عرق میں ڈوب آفتاب نکلا

آیا جو واقعے میں درپیش عالم مرگ

یہ جاگنا ہمارا دیکھا تو خواب نکلا

دیکھا جو اوس پڑتے گلشن میں ہم تو آخر

گل کا وہ روے خنداں چشم پرآب نکلا

پردے ہی میں چلا جا خورشید تو ہے بہتر

اک حشر ہے جو گھر سے وہ بے حجاب نکلا

کچھ دیر ہی لگی نہ دل کو تو تیر لگتے

اس صید ناتواں کا کیا جی شتاب نکلا

ہر حرف غم نے میرے مجلس کے تیں رلایا

گویا غبار دل کا پڑھتا کتاب نکلا

روے عرق فشاں کو بس پونچھ گرم مت ہو

اس گل میں کیا رہے گا جس کا گلاب نکلا

مطلق نہ اعتنا کی احوال پر ہمارے

نامے کا نامے ہی میں سب پیچ و تاب نکلا

شان تغافل اپنے نوخط کی کیا لکھیں ہم

قاصد موا تب اس کے منھ سے جواب نکلا

کس کی نگہ کی گردش تھی میر رو بہ مسجد

محراب میں سے زاہد مست و خراب نکلا

میر تقی میر

دیکھتے ہی آنکھوں میں گھر کر گیا

اکتوبر 6, 2015میر تقی میر،اساتذہ،غزلنظر،گھر،گذر،بسر،خبر،سفر،سحرadmin

دیوان اول غزل 103

چوری میں دل کی وہ ہنر کر گیا

دیکھتے ہی آنکھوں میں گھر کر گیا

دہر میں میں خاک بسر ہی رہا

عمر کو اس طور بسر کر گیا

دل نہیں ہے منزل سینہ میں اب

یاں سے وہ بیچارہ سفر کر گیا

حیف جو وہ نسخۂ دل کے اپر

سرسری سی ایک نظر کر گیا

کس کو مرے حال سے تھی آگہی

نالۂ شب سب کو خبر کر گیا

گو نہ چلا تا مژہ تیر نگاہ

اپنے جگر سے تو گذر کر گیا

مجلس آفاق میں پروانہ ساں

میر بھی شام اپنی سحر کر گیا

میر تقی میر

دل کے جانے کا نہایت غم رہا

اکتوبر 6, 2015میر تقی میر،اساتذہ،غزلماتم،نم،نامحرم،کم،برہم،جم،سم،عالم،غمadmin

دیوان اول غزل 102

غم رہا جب تک کہ دم میں دم رہا

دل کے جانے کا نہایت غم رہا

حسن تھا تیرا بہت عالم فریب

خط کے آنے پر بھی اک عالم رہا

دل نہ پہنچا گوشۂ داماں تلک

قطرئہ خوں تھا مژہ پر جم رہا

سنتے ہیں لیلیٰ کے خیمے کو سیاہ

اس میں مجنوں کا مگر ماتم رہا

جامۂ احرام زاہد پر نہ جا

تھا حرم میں لیک نامحرم رہا

زلفیں کھولیں تو تو ٹک آیا نظر

عمر بھر یاں کام دل برہم رہا

اس کے لب سے تلخ ہم سنتے رہے

اپنے حق میں آب حیواں سم رہا

میرے رونے کی حقیقت جس میں تھی

ایک مدت تک وہ کاغذ نم رہا

صبح پیری شام ہونے آئی میر

تو نہ چیتا یاں بہت دن کم رہا

میر تقی میر

ہے ختم اس آبلے پر سیر و سفر ہمارا

اکتوبر 6, 2015میر تقی میر،اساتذہ،غزلمختصر،کدھر،گذر،پہر،پدر،پر،ابرتر،اثر،جگر،سفر،سحر،شجرadmin

دیوان اول غزل 101

دیر و حرم سے گذرے اب دل ہے گھر ہمارا

ہے ختم اس آبلے پر سیر و سفر ہمارا

پلکوں سے تیری ہم کو کیا چشم داشت یہ تھی

ان برچھیوں نے بانٹا باہم جگر ہمارا

دنیا و دیں کی جانب میلان ہو تو کہیے

کیا جانیے کہ اس بن دل ہے کدھر ہمارا

ہیں تیرے آئینے کی تمثال ہم نہ پوچھو

اس دشت میں نہیں ہے پیدا اثر ہمارا

جوں صبح اب کہاں ہے طول سخن کی فرصت

قصہ ہی کوئی دم کو ہے مختصر ہمارا

کوچے میں اس کے جاکر بنتا نہیں پھر آنا

خون ایک دن گرے گا اس خاک پر ہمارا

ہے تیرہ روز اپنا لڑکوں کی دوستی سے

اس دن ہی کو کہے تھا اکثر پدر ہمارا

سیلاب ہر طرف سے آئیں گے بادیے میں

جوں ابر روتے ہو گا جس دم گذر ہمارا

نشوونما ہے اپنی جوں گردباد انوکھی

بالیدہ خاک رہ سے ہے یہ شجر ہمارا

یوں دور سے کھڑے ہو کیا معتبر ہے رونا

دامن سے باندھ دامن اے ابرتر ہمارا

جب پاس رات رہنا آتا ہے یاد اس کا

تھمتا نہیں ہے رونا دو دو پہر ہمارا

اس کارواں سرا میں کیا میر بار کھولیں

یاں کوچ لگ رہا ہے شام و سحر ہمارا

میر تقی میر

اک وقت میں یہ دیدہ بھی طوفان رو چکا

اکتوبر 6, 2015میر تقی میر،اساتذہ،غزلہو،بلو،بو،دھو،رو،سوadmin

دیوان اول غزل 100

پل میں جہاں کو دیکھتے میرے ڈبو چکا

اک وقت میں یہ دیدہ بھی طوفان رو چکا

افسوس میرے مردے پر اتنا نہ کر کہ اب

پچھتانا یوں ہی سا ہے جو ہونا تھا ہو چکا

لگتی نہیں پلک سے پلک انتظار میں

آنکھیں اگر یہی ہیں تو بھر نیند سو چکا

یک چشمک پیالہ ہے ساقی بہار عمر

جھپکی لگی کہ دور یہ آخر ہی ہو چکا

ممکن نہیں کہ گل کرے ویسی شگفتگی

اس سرزمیں میں تخم محبت میں بو چکا

پایا نہ دل بہایا ہوا سیل اشک کا

میں پنجۂ مژہ سے سمندر بلو چکا

ہر صبح حادثے سے یہ کہتا ہے آسماں

دے جام خون میر کو گر منھ وہ دھو چکا

میر تقی میر

لے یار مرے سلمہ اللہ تعالیٰ

اکتوبر 6, 2015میر تقی میر،اساتذہ،غزلنوالا،چھالا،پیالا،تعالیٰ،جالا،حوالا،خالا،رسالا،سنبھالاadmin

دیوان اول غزل 99

دل پہنچا ہلاکی کو نپٹ کھینچ کسالا

لے یار مرے سلمہ اللہ تعالیٰ

کچھ میں نہیں اس دل کی پریشانی کا باعث

برہم ہی مرے ہاتھ لگا تھا یہ رسالا

معمور شرابوں سے کبابوں سے ہے سب دیر

مسجد میں ہے کیا شیخ پیالہ نہ نوالا

گذرے ہے لہو واں سر ہر خار سے اب تک

جس دشت میں پھوٹا ہے مرے پائوں کا چھالا

گر قصد ادھر کا ہے تو ٹک دیکھ کے آنا

یہ دیر ہے زہاد نہ ہو خانۂ خالا

جس گھر میں ترے جلوے سے ہو چاندنی کا فرش

واں چادر مہتاب ہے مکڑی کا سا جالا

دشمن نہ کدورت سے مرے سامنے ہو جو

تلوار کے لڑنے کو مرے کیجو حوالا

ناموس مجھے صافی طینت کی ہے ورنہ

رستم نے مری تیغ کا حملہ نہ سنبھالا

دیکھے ہے مجھے دیدۂ پرخشم سے وہ میر

میرے ہی نصیبوں میں تھا یہ زہر کا پیالا

میر تقی میر

ایک دن یوں ہی جی سے جایئے گا

اکتوبر 6, 2015میر تقی میر،اساتذہ،غزللگایئے،ملایئے،کھایئے،پایئے،آیئے،بنایئے،جایئے،سنایئےadmin

دیوان اول غزل 98

کب تلک یہ ستم اٹھایئے گا

ایک دن یوں ہی جی سے جایئے گا

شکل تصویر بے خودی کب تک

کسو دن آپ میں بھی آیئے گا

سب سے مل چل کہ حادثے سے پھر

کہیں ڈھونڈا بھی تو نہ پایئے گا

نہ موئے ہم اسیری میں تو نسیم

کوئی دن اور بائو کھایئے گا

کہیے گا اس سے قصۂ مجنوں

یعنی پردے میں غم سنایئے گا

اس کے پابوس کی توقع پر

اپنے تیں خاک میں ملایئے گا

اس کے پائوں کو جا لگی ہے حنا

خوب سے ہاتھ اسے لگایئے گا

شرکت شیخ و برہمن سے میر

کعبہ و دیر سے بھی جایئے گا

اپنی ڈیڑھ اینٹ کی جدی مسجد

کسی ویرانے میں بنایئے گا

میر تقی میر

قسمے کہ عشق جی سے مرے تاب لے گیا

اکتوبر 6, 2015میر تقی میر،اساتذہ،غزلقصاب،مہتاب،ناب،آب،اسباب،تاب،سیلابadmin

دیوان اول غزل 97

اس کا خیال چشم سے شب خواب لے گیا

قسمے کہ عشق جی سے مرے تاب لے گیا

کن نیندوں اب تو سوتی ہے اے چشم گریہ ناک

مژگاں تو کھول شہر کو سیلاب لے گیا

آوے جو مصطبے میں تو سن لو کہ راہ سے

واعظ کو ایک جام مئے ناب لے گیا

نے دل رہا بجا ہے نہ صبر و حواس و ہوش

آیا جو سیل عشق سب اسباب لے گیا

میرے حضور شمع نے گریہ جو سر کیا

رویا میں اس قدر کہ مجھے آب لے گیا

احوال اس شکار زبوں کا ہے جاے رحم

جس ناتواں کو مفت نہ قصاب لے گیا

منھ کی جھلک سے یار کے بے ہوش ہو گئے

شب ہم کو میر پرتو مہتاب لے گیا

میر تقی میر

نالہ مرا چمن کی دیوار تک نہ پہنچا

اکتوبر 6, 2015میر تقی میر،اساتذہ،غزلیار،گفتار،اظہار،بیمار،بازار،تلوار،دیوار،دیدار،دستارadmin

دیوان اول غزل 96

پیغام غم جگر کا گلزار تک نہ پہنچا

نالہ مرا چمن کی دیوار تک نہ پہنچا

اس آئینے کے مانند زنگار جس کو کھاوے

کام اپنا اس کے غم میں دیدار تک نہ پہنچا

جوں نقش پا ہے غربت حیران کار اس کی

آوارہ ہو وطن سے جو یار تک نہ پہنچا

لبریز شکوہ تھے ہم لیکن حضور تیرے

کار شکایت اپنا گفتار تک نہ پہنچا

لے چشم نم رسیدہ پانی چوانے کوئی

وقت اخیر اس کے بیمار تک نہ پہنچا

یہ بخت سبز دیکھو باغ زمانہ میں سے

پژمردہ گل بھی اپنی دستار تک نہ پہنچا

مستوری خوبروئی دونوں نہ جمع ہوویں

خوبی کا کام کس کی اظہار تک نہ پہنچا

یوسف سے لے کے تاگل پھر گل سے لے کے تا شمع

یہ حسن کس کو لے کر بازار تک نہ پہنچا

افسوس میر وے جو ہونے شہید آئے

پھر کام ان کا اس کی تلوار تک نہ پہنچا

میر تقی میر

شام سے تا صبح دم بالیں پہ سر یک جا نہ تھا

اکتوبر 6, 2015میر تقی میر،اساتذہ،غزلمیخا،مستا،ویرا،یا،گستاخا،پیما،پروا،افسا،بیگا،جا،خا،دیوا،دا،شاadmin

دیوان اول غزل 95

کل شب ہجراں تھی لب پر نالہ بیمارانہ تھا

شام سے تا صبح دم بالیں پہ سر یک جا نہ تھا

شہرئہ عالم اسے یمن محبت نے کیا

ورنہ مجنوں ایک خاک افتادئہ ویرانہ تھا

منزل اس مہ کی رہا جو مدتوں اے ہم نشیں

اب وہ دل گویا کہ اک مدت کا ماتم خانہ تھا

اک نگاہ آشنا کو بھی وفا کرتا نہیں

وا ہوئیں مژگاں کہ سبزہ سبزئہ بیگانہ تھا

روز و شب گذرے ہے پیچ و تاب میں رہتے تجھے

اے دل صد چاک کس کی زلف کا تو شانہ تھا

یاد ایامے کہ اپنے روز و شب کی جاے باش

یا در باز بیاباں یا در میخانہ تھا

جس کو دیکھا ہم نے اس وحشت کدے میں دہر کے

یا سڑی یا خبطی یا مجنون یا دیوانہ تھا

بعد خوں ریزی کے مدت بے حنا رنگیں رہا

ہاتھ اس کا جو مرے لوہو میں گستاخانہ تھا

غیر کے کہنے سے مارا ان نے ہم کو بے گناہ

یہ نہ سمجھا وہ کہ واقع میں بھی کچھ تھا یا نہ تھا

صبح ہوتے وہ بناگوش آج یاد آیا مجھے

جو گرا دامن پہ آنسو گوہر یک دانہ تھا

شب فروغ بزم کا باعث ہوا تھا حسن دوست

شمع کا جلوہ غبار دیدئہ پروانہ تھا

رات اس کی چشم میگوں خواب میں دیکھی تھی میں

صبح سوتے سے اٹھا تو سامنے پیمانہ تھا

رحم کچھ پیدا کیا شاید کہ اس بے رحم نے

گوش اس کا شب ادھر تا آخر افسانہ تھا

میر بھی کیا مست طافح تھا شراب عشق کا

لب پہ عاشق کے ہمیشہ نعرئہ مستانہ تھا

میر تقی میر

ستم شریک ترا ناز ہے زمانے کا

اکتوبر 6, 2015میر تقی میر،اساتذہ،غزللگانے،پانے،آنے،آشیانے،بہانے،جانے،خانے،زمانےadmin

دیوان اول غزل 94

فلک کا منھ نہیں اس فتنے کے اٹھانے کا

ستم شریک ترا ناز ہے زمانے کا

ہمارے ضعف کی حالت سے دل قوی رکھیو

کہیں خیال نہیں یاں بحال آنے کا

تری ہی راہ میں مارے گئے سبھی آخر

سفر تو ہم کو ہے درپیش جی سے جانے کا

بسان شمع جو مجلس سے ہم گئے تو گئے

سراغ کیجو نہ پھر تو نشان پانے کا

چمن میں دیکھ نہیں سکتی ٹک کہ چبھتا ہے

جگر میں برق کے کانٹا مجھ آشیانے کا

ٹک آ تو تا سر بالیں نہ کر تعلل کیا

تجھے بھی شوخ یہی وقت ہے بہانے کا

سراہا ان نے ترا ہاتھ جن نے دیکھا زخم

شہید ہوں میں تری تیغ کے لگانے کا

شریف مکہ رہا ہے تمام عمر اے شیخ

یہ میر اب جو گدا ہے شراب خانے کا

میر تقی میر

دل کے سو ٹکڑے مرے پر سبھی نالاں یک جا

اکتوبر 6, 2015میر تقی میر،اساتذہ،غزلمسلماں،نالاں،گریاں،گریباں،جاناں،ساماں،شہیداںadmin

دیوان اول غزل 93

میں بھی دنیا میں ہوں اک نالہ پریشاں یک جا

دل کے سو ٹکڑے مرے پر سبھی نالاں یک جا

پند گویوں نے بہت سینے کی تدبیریں لیں

آہ ثابت بھی نہ نکلا یہ گریباں یک جا

تیرا کوچہ ہے ستمگار وہ کافر جاگہ

کہ جہاں مارے گئے کتنے مسلماں یک جا

سر سے باندھا ہے کفن عشق میں تیرے یعنی

جمع ہم نے بھی کیا ہے سر و ساماں یک جا

کیونکے پڑتے ہیں ترے پائوں نسیم سحری

اس کے کوچے میں ہے صد گنج شہیداں یک جا

تو بھی رونے کو ملا دل ہے ہمارا بھی بھرا

ہوجے اے ابر بیابان میں گریاں یک جا

بیٹھ کر میر جہاں خوب نہ رویا ہووے

ایسی کوچے میں نہیں ہے ترے جاناں یک جا

میر تقی میر

روئے نہ ہم کبھو ٹک دامن پکڑ کسو کا

اکتوبر 6, 2015میر تقی میر،اساتذہ،غزللہو،چو،کو،کبھو،کسو،گفتگو،بو،تھو،جو،رفوadmin

دیوان اول غزل 92

ہے حال جاے گریہ جان پرآرزو کا

روئے نہ ہم کبھو ٹک دامن پکڑ کسو کا

جاتی نہیں اٹھائی اپنے پہ یہ خشونت

اب رہ گیا ہے آنا میرا کبھو کبھو کا

اس آستاں سے کس دن پرشور سر نہ پٹکا

اس کی گلی میں جاکر کس رات میں نہ کوکا

شاید کہ مند گئی ہے قمری کی چشم گریاں

کچھ ٹوٹ سا چلا ہے پانی چمن کی جو کا

اپنے تڑپنے کی تو تدبیر پہلے کرلوں

تب فکر میں کروں گا زخموں کے بھی رفو کا

دانتوں کی نظم اس کے ہنسنے میں جن نے دیکھی

پھر موتیوں کی لڑ پر ان نے کبھو نہ تھوکا

یہ عیش گہ نہیں ہے یاں رنگ اور کچھ ہے

ہر گل ہے اس چمن میں ساغر بھرا لہو کا

بلبل غزل سرائی آگے ہمارے مت کر

سب ہم سے سیکھتے ہیں انداز گفتگو کا

گلیاں بھری پڑی ہیں اے باد زخمیوں سے

مت کھول پیچ ظالم اس زلف مشک بو کا

وے پہلی التفاتیں ساری فریب نکلیں

دینا نہ تھا دل اس کو میں میر آہ چوکا

میر تقی میر

اس روے دل فروز کا سب میں ظہور تھا

اکتوبر 6, 2015میر تقی میر،اساتذہ،غزلچور،دور،ضرور،ظہور،عسرالعبورadmin

دیوان اول غزل 91

پھر شب نہ لطف تھا نہ وہ مجلس میں نور تھا

اس روے دل فروز کا سب میں ظہور تھا

کیا کیا عزیز خلع بدن ہائے کر گئے

تشریف تم کو یاں تئیں لانا ضرور تھا

کیونکر تو میری آنکھ سے ہو دل تلک گیا

یہ بحر موج خیز تو عسرالعبور تھا

شاید نشے میں اس سے یہ سفاکیاں ہوئیں

زخمی جو اس کے ہاتھ کا نکلا سو چور تھا

جیتے جی پاس ہوکے نہ نکلا کسو کے میر

وہ دور گرد بادیۂ عشق دور تھا

میر تقی میر

پر مطلقاً کہیں ہم اس کا نشاں نہ پایا

اکتوبر 6, 2015میر تقی میر،اساتذہ،غزلنشاں،کہاں،کماں،آستاں،جہاں،درمیاں،رواںadmin

دیوان اول غزل 90

یاں نام یار کس کا ورد زباں نہ پایا

پر مطلقاً کہیں ہم اس کا نشاں نہ پایا

وضع کشیدہ اس کی رکھتی ہے داغ سب کو

نیوتا کسو سے ہم وہ ابرو کماں نہ پایا

پایا نہ یوں کہ کریے اس کی طرف اشارت

یوں تو جہاں میں ہم نے اس کو کہاں نہ پایا

یہ دل کہ خون ہووے برجا نہ تھا وگرنہ

وہ کون سی جگہ تھی اس کو جہاں نہ پایا

فتنے کی گرچہ باعث آفاق میں وہی تھی

لیکن کمر کو اس کی ہم درمیاں نہ پایا

محروم سجدہ آخر جانا پڑا جہاں سے

جوش جباہ سے ہم وہ آستاں نہ پایا

ایسی ہے میر کی بھی مدت سے رونی صورت

چہرے پہ اس کے کس دن آنسو رواں نہ پایا

میر تقی میر

مآل اپنا ترے غم میں خدا جانے کہ کیا ہو گا

اکتوبر 6, 2015میر تقی میر،اساتذہ،غزلہوا،لکھا،لگا،کیا،گیا،گرا،آشنا،بکا،بھلا،جیا،رہا،سناadmin

دیوان اول غزل 89

بھلا ہو گا کچھ اک احوال اس سے یا برا ہو گا

مآل اپنا ترے غم میں خدا جانے کہ کیا ہو گا

تفحص فائدہ ناصح تدارک تجھ سے کیا ہو گا

وہی پاوے گا میرا درد دل جس کا لگا ہو گا

کسو کو شوق یارب بیش اس سے اور کیا ہو گا

قلم ہاتھ آگئی ہو گی تو سو سو خط لکھا ہو گا

دکانیں حسن کی آگے ترے تختہ ہوئی ہوں گی

جو تو بازار میں ہو گا تو یوسف کب بکا ہو گا

معیشت ہم فقیروں کی سی اخوان زماں سے کر

کوئی گالی بھی دے تو کہہ بھلا بھائی بھلا ہو گا

خیال اس بے وفا کا ہم نشیں اتنا نہیں اچھا

گماں رکھتے تھے ہم بھی یہ کہ ہم سے آشنا ہو گا

قیامت کرکے اب تعبیر جس کو کرتی ہے خلقت

وہ اس کوچے میں اک آشوب سا شاید ہوا ہو گا

عجب کیا ہے ہلاک عشق میں فرہاد و مجنوں کے

محبت روگ ہے کوئی کہ کم اس سے جیا ہو گا

نہ ہو کیوں غیرت گلزار وہ کوچہ خدا جانے

لہو اس خاک پر کن کن عزیزوں کا گرا ہو گا

بہت ہمسائے اس گلشن کے زنجیری رہا ہوں میں

کبھو تم نے بھی میرا شور نالوں کا سنا ہو گا

نہیں جز عرش جاگہ راہ میں لینے کو دم اس کے

قفس سے تن کے مرغ روح میرا جب رہا ہو گا

کہیں ہیں میر کو مارا گیا شب اس کے کوچے میں

کہیں وحشت میں شاید بیٹھے بیٹھے اٹھ گیا ہو گا

میر تقی میر

دس دن جو ہے یہ مہلت سو یاں دہا رہے گا

اکتوبر 6, 2015میر تقی میر،اساتذہ،غزلچُما،چھپا،کیا،جھکا،جا،جدا،دہا،سداadmin

دیوان اول غزل 88

ہم عشق میں نہ جانا غم ہی سدا رہے گا

دس دن جو ہے یہ مہلت سو یاں دہا رہے گا

برقع اٹھے پہ اس کے ہو گا جہان روشن

خورشید کا نکلنا کیونکر چھپا رہے گا

اک وہم سی رہی ہے اپنی نمود تن میں

آتے ہو اب تو آئو پھر ہم میں کیا رہے گا

مذکور یار ہم سے مت ہم نشیں کیا کر

دل جو بجا نہیں ہے پھر اس میں جا رہے گا

اس گل بغیر جیسے ابر بہار عاشق

نالاں جدا رہے گا روتا جدا رہے گا

دانستہ ہے تغافل غم کہنا اس سے حاصل

تم درد دل کہو گے وہ سر جھکا رہے گا

اب جھمکی اس کی تم نے دیکھی کبھو جو یارو

برسوں تلک اسی میں پھر دل سدا رہے گا

کس کس کو میر ان نے کہہ کر دیا ہے بوسہ

وہ ایک ہے مفتن یوں ہی چُما رہے گا

میر تقی میر

ٹکڑا مرا جگر ہے کہو سنگ سخت کا

اکتوبر 6, 2015میر تقی میر،اساتذہ،غزللخت،بخت،تخت،درخت،سختadmin

دیوان اول غزل 87

ہر دم طرف ہے ویسے مزاج کرخت کا

ٹکڑا مرا جگر ہے کہو سنگ سخت کا

سبزان تازہ رو کی جہاں جلوہ گاہ تھی

اب دیکھیے تو واں نہیں سایہ درخت کا

جوں برگ ہاے لالہ پریشان ہو گیا

مذکور کیا ہے اب جگر لخت لخت کا

دلی میں آج بھیک بھی ملتی نہیں انھیں

تھا کل تلک دماغ جنھیں تاج و تخت کا

خاک سیہ سے میں جو برابر ہوا ہوں میر

سایہ پڑا ہے مجھ پہ کسو تیرہ بخت کا

میر تقی میر

ہو جو زخمی کبھو برہم زدن مژگاں کا

اکتوبر 6, 2015میر تقی میر،اساتذہ،غزلہاں،مژگاں،ڈھان،افشاں،ایماں،جھان،درماں،طوفاںadmin

دیوان اول غزل 86

کیا عجب پل میں اگر ترک ہو اس سے جاں کا

ہو جو زخمی کبھو برہم زدن مژگاں کا

اٹھتے پلکوں کے گرے پڑتے ہیں لاکھوں آنسو

ڈول ڈالا ہے مری آنکھوں نے اب طوفاں کا

جلوئہ ماہ تہ ابر تنک بھول گیا

ان نے سوتے میں دوپٹے سے جو منھ کو ڈھانکا

لہو لگتا ہے ٹپکنے جو پلک ماروں ہوں

اب تو یہ رنگ ہے اس دیدئہ اشک افشاں کا

ساکن کو کو ترے کب ہے تماشے کا دماغ

آئی فردوس بھی چل کر نہ ادھر کو جھانکا

اٹھ گیا ایک تو اک مرنے کو آبیٹھے ہے

قاعدہ ہے یہی مدت سے ہمارے ہاں کا

کار اسلام ہے مشکل ترے خال و خط سے

رہزن دیں ہے کوئی دزد کوئی ایماں کا

چارئہ عشق بجز مرگ نہیں کچھ اے میر

اس مرض میں ہے عبث فکر تمھیں درماں کا

میر تقی میر

اب کے شرط وفا بجا لایا

اکتوبر 6, 2015میر تقی میر،اساتذہ،غزلملا،انتہا،اٹھا،بلا،بجا،خدا،دکھاadmin

دیوان اول غزل 85

بارہا گور دل جھنکا لایا

اب کے شرط وفا بجا لایا

قدر رکھتی نہ تھی متاع دل

سارے عالم میں میں دکھا لایا

دل کہ یک قطرہ خوں نہیں ہے بیش

ایک عالم کے سر بلا لایا

سب پہ جس بار نے گرانی کی

اس کو یہ ناتواں اٹھا لایا

دل مجھے اس گلی میں لے جاکر

اور بھی خاک میں ملا لایا

ابتدا ہی میں مر گئے سب یار

عشق کی کون انتہا لایا

اب تو جاتے ہیں بت کدے سے میر

پھر ملیں گے اگر خدا لایا

میر تقی میر

مہکتا ہو نپٹ جو پھول سی دارو سے میخانا

اکتوبر 6, 2015میر تقی میر،اساتذہ،غزلمیخانا،مرجانا،مستانا،ویراناadmin

دیوان اول غزل 84

یہ حسرت ہے مروں اس میں لیے لبریز پیمانا

مہکتا ہو نپٹ جو پھول سی دارو سے میخانا

نہ وے زنجیر کے غل ہیں نہ وے جرگے غزالوں کے

مرے دیوان پن تک ہی رہا معمور ویرانا

مرا سر نزع میں زانو پہ رکھ کر یوں لگا کہنے

کہ اے بیمار میرے تجھ پہ جلد آساں ہو مرجانا

نہ ہو کیوں ریختہ بے شورش و کیفیت و معنی

گیا ہو میر دیوانہ رہا سوداؔ سو مستانا

میر تقی میر

اس شوخ کم نما کا نت انتظار کھینچا

اکتوبر 6, 2015میر تقی میر،اساتذہ،غزلیار،کٹار،انتظار،اختیار،تار،خمار،دارadmin

دیوان اول غزل 83

نقاش دیکھ تو میں کیا نقش یار کھینچا

اس شوخ کم نما کا نت انتظار کھینچا

رسم قلمرو عشق مت پوچھ کچھ کہ ناحق

ایکوں کی کھال کھینچی ایکوں کو دار کھینچا

تھا بدشراب ساقی کتنا کہ رات مے سے

میں نے جو ہاتھ کھینچا ان نے کٹار کھینچا

مستی میں شکل ساری نقاش سے کھنچی پر

آنکھوں کو دیکھ اس کی آخر خمار کھینچا

جی کھنچ رہے ہیں اودھر عالم کا ہو گا بلوہ

گر شانے تونے اس کی زلفوں کا تار کھینچا

تھا شب کسے کسائے تیغ کشیدہ کف میں

پر میں نے بھی بغل میں بے اختیار کھینچا

پھرتا ہے میر تو جو پھاڑے ہوئے گریباں

کس کس ستم زدے نے دامان یار کھینچا

میر تقی میر

کہ کاروان کا کنعاں کے جی نکال لیا

اکتوبر 6, 2015میر تقی میر،اساتذہ،غزلنکال،ڈال،وبال،سنبھالadmin

دیوان اول غزل 82

نہ پوچھ خواب زلیخا نے کیا خیال لیا

کہ کاروان کا کنعاں کے جی نکال لیا

رہ طلب میں گرے ہوتے سر کے بھل ہم بھی

شکستہ پائی نے اپنی ہمیں سنبھال لیا

رہوں ہوں برسوں سے ہم دوش پر کبھو ان نے

گلے میں ہاتھ مرا پیار سے نہ ڈال لیا

بتاں کی میر ستم وہ نگاہ ہے جس نے

خدا کے واسطے بھی خلق کا وبال لیا

میر تقی میر

پر مرے جی ہی کے خیال پڑا

اکتوبر 6, 2015میر تقی میر،اساتذہ،غزلمال،وبال،کال،جال،خیالadmin

دیوان اول غزل 81

خواب میں تو نظر جمال پڑا

پر مرے جی ہی کے خیال پڑا

وہ نہانے لگا تو سایۂ زلف

بحر میں تو کہے کہ جال پڑا

میں نے تو سر دیا پر اے جلاد

کس کی گردن پہ یہ وبال پڑا

شیخ قلاش ہے جوے میں نہ لائو

یاں ہمارا رہے ہے مال پڑا

خوبرو اب نہیں ہیں گندم گوں

میر ہندوستاں میں کال پڑا

میر تقی میر

تہ خاک بھی خاک آرام ہو گا

اکتوبر 6, 2015میر تقی میر،اساتذہ،غزلکام،اندام،آرام،بام،بدنام،دام،عامadmin

دیوان اول غزل 80

جو یہ دل ہے تو کیا سر انجام ہو گا

تہ خاک بھی خاک آرام ہو گا

مرا جی تو آنکھوں میں آیا یہ سنتے

کہ دیدار بھی ایک دن عام ہو گا

نہ ہو گا وہ دیکھا جسے کبک تو نے

وہ اک باغ کا سرو اندام ہو گا

نہ نکلا کر اتنا بھی بے پردہ گھر سے

بہت اس میں ظالم تو بدنام ہو گا

ہزاروں کی یاں لگ گئیں چھت سے آنکھیں

تو اے ماہ کس شب لب بام ہو گا

وہ کچھ جانتا ہو گا زلفوں میں پھنسنا

جو کوئی اسیر تہ دام ہو گا

جگرچاکی ناکامی دنیا ہے آخر

نہیں آئے جو میر کچھ کام ہو گا

میر تقی میر

جیتا ہوں تو تجھی میں یہ دل لگا رہے گا

اکتوبر 6, 2015میر تقی میر،اساتذہ،غزللگا،مزہ،یا،کیا،پا،ا،بھلا،جلا،جاadmin

دیوان اول غزل 79

کب تک تو امتحاں میں مجھ سے جدا رہے گا

جیتا ہوں تو تجھی میں یہ دل لگا رہے گا

یاں ہجر اور ہم میں بگڑی ہے کب کی صحبت

زخم دل و نمک میں کب تک مزہ رہے گا

تو برسوں میں ملے ہے یاں فکر یہ رہے ہے

جی جائے گا ہمارا اک دم کو یا رہے گا

میرے نہ ہونے کا تو ہے اضطراب یوں ہی

آیا ہے جی لبوں پر اب کیا ہے جا رہے گا

غافل نہ رہیو ہرگز نادان داغ دل سے

بھڑکے گا جب یہ شعلہ تب گھر جلا رہے گا

مرنے پہ اپنے مت جا سالک طلب میں اس کی

گو سر کو کھورہے گا پر اس کو پا رہے گا

عمر عزیز ساری دل ہی کے غم میں گذری

بیمار عاشقی یہ کس دن بھلا رہے گا

دیدار کا تو وعدہ محشر میں دیکھ کر کر

بیمار غم میں تیرے تب تک تو کیا رہے گا

کیا ہے جو اٹھ گیا ہے پر بستۂ وفا ہے

قید حیات میں ہے تو میر آرہے گا

میر تقی میر

لہو آتا ہے جب نہیں آتا

اکتوبر 6, 2015میر تقی میر،اساتذہ،غزلڈھب،اب،ادب،بلب،تب،جب،سببadmin

دیوان اول غزل 78

اشک آنکھوں میں کب نہیں آتا

لہو آتا ہے جب نہیں آتا

ہوش جاتا نہیں رہا لیکن

جب وہ آتا ہے تب نہیں آتا

صبر تھا ایک مونس ہجراں

سو وہ مدت سے اب نہیں آتا

دل سے رخصت ہوئی کوئی خواہش

گریہ کچھ بے سبب نہیں آتا

عشق کو حوصلہ ہے شرط ارنہ

بات کا کس کو ڈھب نہیں آتا

جی میں کیا کیا ہے اپنے اے ہمدم

پر سخن تا بلب نہیں آتا

دور بیٹھا غبار میر اس سے

عشق بن یہ ادب نہیں آتا

میر تقی میر

بکیں گے سر اور کم خریدار ہو گا

اکتوبر 6, 2015میر تقی میر،اساتذہ،غزلمار،گنہگار،گرفتار،بیزار،بسیار،تیار،خوار،خریدار،دیوار،دار،طرحدارadmin

دیوان اول غزل 77

محبت کا جب روز بازار ہو گا

بکیں گے سر اور کم خریدار ہو گا

تسلی ہوا صبر سے کچھ میں تجھ بن

کبھی یہ قیامت طرحدار ہو گا

صبا موے زلف اس کا ٹوٹے تو ڈر ہے

کہ اک وقت میں یہ سیہ مار ہو گا

مرا دانت ہے تیرے ہونٹوں پہ مت پوچھ

کہوں گا تو لڑنے کو تیار ہو گا

نہ خالی رہے گی مری جاگہ گر میں

نہ ہوں گا تو اندوہ بسیار ہو گا

یہ منصور کا خون ناحق کہ حق تھا

قیامت کو کس کس سے خوں دار ہو گا

عجب شیخ جی کی ہے شکل و شمائل

ملے گا تو صورت سے بیزار ہو گا

نہ رو عشق میں دشت گردی کو مجنوں

ابھی کیا ہوا ہے بہت خوار ہو گا

کھنچے عہد خط میں بھی دل تیری جانب

کبھو تو قیامت طرحدار ہو گا

زمیں گیر ہو عجز سے تو کہ اک دن

یہ دیوار کا سایہ دیوار ہو گا

نہ مرکر بھی چھوٹے گا اتنا رکے گا

ترے دام میں جو گرفتار ہو گا

نہ پوچھ اپنی مجلس میں ہے میر بھی یاں

جو ہو گا تو جیسے گنہگار ہو گا

میر تقی میر

سب کہیں گے یہ کہ کیا اک نیم جاں مارا گیا

اکتوبر 6, 2015میر تقی میر،اساتذہ،غزلمہرباں،کہاں،برآستاں،جواں،جاںadmin

دیوان اول غزل 76

ہاتھ سے تیرے اگر میں ناتواں مارا گیا

سب کہیں گے یہ کہ کیا اک نیم جاں مارا گیا

اک نگہ سے بیش کچھ نقصاں نہ آیا اس کے تیں

اور میں بے چارہ تو اے مہرباں مارا گیا

وصل و ہجراں یہ جو دو منزل ہیں راہ عشق کی

دل غریب ان میں خدا جانے کہاں مارا گیا

دل نے سر کھینچا دیارعشق میں اے بوالہوس

وہ سراپا آرزو آخر جواں مارا گیا

کب نیاز عشق ناز حسن سے کھینچے ہے ہاتھ

آخر آخر میر سر برآستاں مارا گیا

میر تقی میر

بس گیا میں جان سے اب اس سے یہ جانا گیا

اکتوبر 6, 2015میر تقی میر،اساتذہ،غزلپہچانا،پیمانہ،پروانہ،جاناadmin

دیوان اول غزل 75

ناکسی سے پاس میرے یار کا آنا گیا

بس گیا میں جان سے اب اس سے یہ جانا گیا

کچھ نہ دیکھا پھر بجز یک شعلۂ پرپیچ و تاب

شمع تک تو ہم نے دیکھا تھا کہ پروانہ گیا

ایک ہی چشمک تھی فرصت صحبت احباب کی

دیدئہ تر ساتھ لے مجلس سے پیمانہ گیا

گل کھلے صد رنگ تو کیا بے پری سے اے نسیم

مدتیں گذریں کہ وہ گلزار کا جانا گیا

دور تجھ سے میر نے ایسا تعب کھینچا کہ شوخ

کل جو میں دیکھا اسے مطلق نہ پہچانا گیا

میر تقی میر

اس خانماں خراب نے آنکھوں میں گھر کیا

اکتوبر 6, 2015میر تقی میر،اساتذہ،غزلکدھر،گھر،پر،اثر،تر،جگر،حذر،خبر،خر،سفر،سپر،ضررadmin

دیوان اول غزل 74

غمزے نے اس کے چوری میں دل کی ہنر کیا

اس خانماں خراب نے آنکھوں میں گھر کیا

رنگ اڑ چلا چمن میں گلوں کا تو کیا نسیم

ہم کو تو روزگار نے بے بال و پر کیا

نافع جو تھیں مزاج کو اول سو عشق میں

آخر انھیں دوائوں نے ہم کو ضرر کیا

مرتا ہوں جان دیں ہیں وطن داریوں پہ لوگ

اور سنتے جاتے ہیں کہ ہر اک نے سفر کیا

کیا جانوں بزم عیش کہ ساقی کی چشم دیکھ

میں صحبت شراب سے آگے سفر کیا

جس دم کہ تیغ عشق کھنچی بوالہوس کہاں

سن لیجیو کہ ہم ہی نے سینہ سپر کیا

دل زخمی ہوکے تجھ تئیں پہنچا تو کم نہیں

اس نیم کشتہ نے بھی قیامت جگر کیا

ہے کون آپ میں جو ملے تجھ سے مست ناز

ذوق خبر ہی نے تو ہمیں بے خبر کیا

وہ دشت خوف ناک رہا ہے مرا وطن

سن کر جسے خضر نے سفر سے حذر کیا

کچھ کم نہیں ہیں شعبدہ بازوں سے مے گسار

دارو پلا کے شیخ کو آدم سے خر کیا

ہیں چاروں طرف خیمے کھڑے گردباد کے

کیا جانیے جنوں نے ارادہ کدھر کیا

لکنت تری زبان کی ہے سحر جس سے شوخ

یک حرف نیم گفتہ نے دل پر اثر کیا

بے شرم محض ہے وہ گنہگار جن نے میر

ابر کرم کے سامنے دامان تر کیا

میر تقی میر

اک دل غمخوار رکھتے تھے سو گلشن میں رہا

اکتوبر 6, 2015میر تقی میر،اساتذہ،غزلگلشن،گردن،افگن،آہن،برہمن،دامن،روشنadmin

دیوان اول غزل 73

بیکسانہ جی گرفتاری سے شیون میں رہا

اک دل غمخوار رکھتے تھے سو گلشن میں رہا

پنجۂ گل کی طرح دیوانگی میں ہاتھ کو

گر نکالا میں گریباں سے تو دامن میں رہا

شمع ساں جلتے رہے لیکن نہ توڑا یار سے

رشتۂ الفت تمامی عمر گردن میں رہا

ڈر سے اس شمشیر زن کے جوہر آئینہ ساں

سر سے لے کر پائوں تک میں غرق آہن میں رہا

ہم نہ کہتے تھے کہ مت دیر و حرم کی راہ چل

اب یہ دعویٰ حشر تک شیخ و برہمن میں رہا

درپئے دل ہی رہے اس چہرے کے خال سیاہ

ڈر ہمیں ان چوٹٹوں کا روز روشن میں رہا

آہ کس انداز سے گذرا بیاباں سے کہ میر

جی ہر اک نخچیر کا اس صید افگن میں رہا

میر تقی میر

دس دن رہے جہان میں ہم سو رہا دہا

اکتوبر 6, 2015میر تقی میر،اساتذہ،غزلنہا،کہا،بہا،دہا،رہاadmin

دیوان اول غزل 72

رونا ٹک اک تھما تو غم بیکراں سہا

دس دن رہے جہان میں ہم سو رہا دہا

پہلو میں اک گرہ سی تہ خاک ساتھ ہے

شاید کہ مر گئے پہ بھی خاطر میں کچھ رہا

آنکھوں نے رازداری محبت کی خوب کی

آنسو جو آتے آتے رہے تو لہو بہا

آئے تھے اک امید پہ تیری گلی میں ہم

سو آہ اس طرح سے چلے لوہو میں نہا

کس کس طرح سے میر نے کاٹا ہے عمر کو

اب آخر آخر آن کے یہ ریختہ کہا

میر تقی میر

آگے آگے دیکھیے ہوتا ہے کیا

اکتوبر 6, 2015میر تقی میر،اساتذہ،غزلہوتا،کھوتا،بوتا،دھوتا،سوتاadmin

دیوان اول غزل 71

راہ دور عشق میں روتا ہے کیا

آگے آگے دیکھیے ہوتا ہے کیا

قافلے میں صبح کے اک شور ہے

یعنی غافل ہم چلے سوتا ہے کیا

سبز ہوتی ہی نہیں یہ سرزمیں

تخم خواہش دل میں تو بوتا ہے کیا

یہ نشان عشق ہیں جاتے نہیں

داغ چھاتی کے عبث دھوتا ہے کیا

غیرت یوسف ہے یہ وقت عزیز

میر اس کو رائیگاں کھوتا ہے کیا

میر تقی میر

پر اپنے جام میں تجھ بن لہو تھا

اکتوبر 6, 2015میر تقی میر،اساتذہ،غزللہو،کوبکو،کبھو،گو،پرآرزو،بو،تو،رفو،روadmin

دیوان اول غزل 70

سحرگہ عید میں دور سبو تھا

پر اپنے جام میں تجھ بن لہو تھا

غلط تھا آپ سے غافل گذرنا

نہ سمجھے ہم کہ اس قالب میں تو تھا

چمن کی وضع نے ہم کو کیا داغ

کہ ہر غنچہ دل پرآرزو تھا

گل و آئینہ کیا خورشید و مہ کیا

جدھر دیکھا تدھر تیرا ہی رو تھا

کروگے یاد باتیں تو کہو گے

کہ کوئی رفتۂ بسیار گو تھا

جہاں پر ہے فسانے سے ہمارے

دماغ عشق ہم کو بھی کبھو تھا

مگر دیوانہ تھا گل بھی کسو کا

کہ پیراہن میں سو جاگہ رفو تھا

کہیں کیا بال تیرے کھل گئے تھے

کہ جھونکا بائو کا کچھ مشک بو تھا

نہ دیکھا میر آوارہ کو لیکن

غبار اک ناتواں سا کوبکو تھا

میر تقی میر

افسانۂ محبت مشہور ہے ہمارا

اکتوبر 6, 2015میر تقی میر،اساتذہ،غزلمقدور،منظور،مجبور،مشہور،ناسور،گور،دورadmin

دیوان اول غزل 69

گلیوں میں اب تلک تو مذکور ہے ہمارا

افسانۂ محبت مشہور ہے ہمارا

مقصود کو تو دیکھیں کب تک پہنچتے ہیں ہم

بالفعل اب ارادہ تا گور ہے ہمارا

کیا آرزو تھی جس سے سب چشم ہو گئے ہیں

ہر زخم سو جگہ سے ناسور ہے ہمارا

تیں آہ عشق بازی چوپڑ عجب بچھائی

کچی پڑیں ہیں نردیں گھر دور ہے ہمارا

تاچند پشت پا پر شرم و حیا سے آنکھیں

احوال کچھ بھی تم کو منظور ہے ہمارا

بے طاقتی کریں تو تم بھی معاف رکھیو

کیا کیجیے کہ دل بھی مجبور ہے ہمارا

ہیں مشت خاک لیکن جو کچھ ہیں میر ہم ہیں

مقدور سے زیادہ مقدور ہے ہمارا

میر تقی میر

مشبک کر گیا ہے تن ہمارا

اکتوبر 6, 2015میر تقی میر،اساتذہ،غزلفن،مسکن،گلشن،پیراہن،تن،دامن،دشمن،روشن،شیونadmin

دیوان اول غزل 68

ادھر آکر شکار افگن ہمارا

مشبک کر گیا ہے تن ہمارا

گریباں سے رہا کوتہ تو پھر ہے

ہمارے ہاتھ میں دامن ہمارا

گئے جوں شمع اس مجلس میں جتنے

سبھوں پر حال ہے روشن ہمارا

بلا جس چشم کو کہتے ہیں مردم

وہ ہے عین بلا مسکن ہمارا

ہوا رونے سے راز دوستی فاش

ہمارا گریہ تھا دشمن ہمارا

بہت چاہا تھا ابر تر نے لیکن

نہ منت کش ہوا گلشن ہمارا

چمن میں ہم بھی زنجیری رہے ہیں

سنا ہو گا کبھو شیون ہمارا

کیا تھا ریختہ پردہ سخن کا

سو ٹھہرا ہے یہی اب فن ہمارا

نہ بہکے میکدے میں میر کیونکر

گرو سو جا ہے پیراہن ہمارا

میر تقی میر

ہم کو بن دوش ہوا باغ سے لایا نہ گیا

اکتوبر 6, 2015میر تقی میر،اساتذہ،غزللگایا،لٹایا،لایا،چلایا،آیا،بتایا،برآیا،جگایا،سلایاadmin

دیوان اول غزل 67

گل میں اس کی سی جو بو آئی تو آیا نہ گیا

ہم کو بن دوش ہوا باغ سے لایا نہ گیا

آہ جو نکلی مرے منھ سے تو افلاک کے پاس

اس کے آشوب کے عہدے سے برآیا نہ گیا

گل نے ہر چند کہا باغ میں رہ پر اس بن

جی جو اچٹا تو کسو طرح لگایا نہ گیا

سرنشین رہ میخانہ ہوں میں کیا جانوں

رسم مسجد کے تئیں شیخ کہ آیا نہ گیا

حیف وے جن کے وہ اس وقت میں پہنچا جس وقت

ان کنے حال اشاروں سے بتایا نہ گیا

منتظر اس کے کرخت ہو گئے بیٹھے بیٹھے

جس کے مردے کو اٹھایا سو لٹایا نہ گیا

خطر راہ محبت کہیں جوں حرف مٹے

جس سے اس طرف کو قاصد بھی چلایا نہ گیا

خوف آشوب سے غوغاے قیامت کے لیے

خون خوابیدئہ عشاق جگایا نہ گیا

میر مت عذر گریباں کے پھٹے رہنے کا کر

زخم دل چاک جگر تھا کہ سلایا نہ گیا

میر تقی میر

گھر جلا سامنے پر ہم سے بجھایا نہ گیا

اکتوبر 6, 2015میر تقی میر،اساتذہ،غزلملایا،مٹایا،چھپایا،کھایا،گھٹایا،بنایا،بجھایا،بسایاadmin

دیوان اول غزل 66

دل کے تیں آتش ہجراں سے بچایا نہ گیا

گھر جلا سامنے پر ہم سے بجھایا نہ گیا

دل میں رہ دل میں کہ معمار قضا سے اب تک

ایسا مطبوع مکاں کوئی بنایا نہ گیا

کبھو عاشق کا ترے جبہے سے ناخن کا خراش

خط تقدیر کے مانند مٹایا نہ گیا

کیا تنک حوصلہ تھے دیدہ و دل اپنے آہ

ایک دم راز محبت کا چھپایا نہ گیا

دل جو دیدار کا قاتل کے بہت بھوکا تھا

اس ستم کشتہ سے اک زخم بھی کھایا نہ گیا

میں تو تھا صید زبوں صید گہ عشق کے بیچ

آپ کو خاک میں بھی خوب ملایا نہ گیا

شہر دل آہ عجب جاے تھی پر اس کے گئے

ایسا اجڑا کہ کسی طرح بسایا نہ گیا

آج رکتی نہیں خامے کی زباں رکھیے معاف

حرف کا طول بھی جو مجھ سے گھٹایا نہ گیا

میر تقی میر

اس کی دیوار کا سر سے مرے سایہ نہ گیا

اکتوبر 6, 2015میر تقی میر،اساتذہ،غزلہلایا،چھڑایا،کٹایا،پایا،اٹھایا،بھلایا،جلایا،دکھایا،سنایا،سایہadmin

دیوان اول غزل 65

جیتے جی کوچۂ دلدار سے جایا نہ گیا

اس کی دیوار کا سر سے مرے سایہ نہ گیا

کاو کاو مژئہ یار و دل زار و نزار

گتھ گئے ایسے شتابی کہ چھڑایا نہ گیا

وہ تو کل دیر تلک دیکھتا ایدھر کو رہا

ہم سے ہی حال تباہ اپنا دکھایا نہ گیا

گرم رو راہ فنا کا نہیں ہوسکتا پتنگ

اس سے تو شمع نمط سر بھی کٹایا نہ گیا

پاس ناموس محبت تھا کہ فرہاد کے پاس

بے ستوں سامنے سے اپنے اٹھایا نہ گیا

خاک تک کوچۂ دلدار کی چھانی ہم نے

جستجو کی پہ دل گم شدہ پایا نہ گیا

آتش تیز جدائی میں یکایک اس بن

دل جلا یوں کہ تنک جی بھی جلایا نہ گیا

مہ نے آ سامنے شب یاد دلایا تھا اسے

پھر وہ تاصبح مرے جی سے بھلایا نہ گیا

زیر شمشیر ستم میر تڑپنا کیسا

سر بھی تسلیم محبت میں ہلایا نہ گیا

جی میں آتا ہے کہ کچھ اور بھی موزوں کیجے

درد دل ایک غزل میں تو سنایا نہ گیا

میر تقی میر

اس آستاں پہ مری خاک سے غبار رہا

اکتوبر 6, 2015میر تقی میر،اساتذہ،غزلفگار،قرار،مار،یادگار،پکار،انتظار،اختیار،تار،خمار،دار،شکار،غبارadmin

دیوان اول غزل 64

موا میں سجدے میں پر نقش میرا بار رہا

اس آستاں پہ مری خاک سے غبار رہا

جنوں میں اب کے مجھے اپنے دل کا غم ہے پہ حیف

خبر لی جب کہ نہ جامے میں ایک تار رہا

بشر ہے وہ پہ کھلا جب سے اس کا دام زلف

سر رہ اس کے فرشتے ہی کا شکار رہا

کبھو نہ آنکھوں میں آیا وہ شوخ خواب کی طرح

تمام عمر ہمیں اس کا انتظار رہا

شراب عیش میسر ہوئی جسے اک شب

پھر اس کو روز قیامت تلک خمار رہا

بتاں کے عشق نے بے اختیار کر ڈالا

وہ دل کہ جس کا خدائی میں اختیار رہا

وہ دل کہ شام و سحر جیسے پکا پھوڑا تھا

وہ دل کہ جس سے ہمیشہ جگر فگار رہا

تمام عمر گئی اس پہ ہاتھ رکھتے ہمیں

وہ دردناک علی الرغم بے قرار رہا

ستم میں غم میں سر انجام اس کا کیا کہیے

ہزاروں حسرتیں تھیں تس پہ جی کو مار رہا

بہا تو خون ہو آنکھوں کی راہ بہ نکلا

رہا جو سینۂ سوزاں میں داغ دار رہا

سو اس کو ہم سے فراموش کاریوں لے گئے

کہ اس سے قطرئہ خوں بھی نہ یادگار رہا

گلی میں اس کی گیا سو گیا نہ بولا پھر

میں میر میر کر اس کو بہت پکار رہا

میر تقی میر

جو کوئی دم ہے تو افسوس ہے جوانی کا

اکتوبر 6, 2015میر تقی میر،اساتذہ،غزلپانی،پرفشانی،جوانی،جانی،زبانی،سرگرانیadmin

دیوان اول غزل 63

دل و دماغ ہے اب کس کو زندگانی کا

جو کوئی دم ہے تو افسوس ہے جوانی کا

اگرچہ عمر کے دس دن یہ لب رہے خاموش

سخن رہے گا سدا میری کم زبانی کا

سبک ہے آوے جو مندیل رکھ نماز کو شیخ

رہا ہے کون سا اب وقت سرگرانی کا

ہزار جان سے قربان بے پری کے ہیں

خیال بھی کبھو گذرا نہ پرفشانی کا

پھرے ہے کھینچے ہی تلوار مجھ پہ ہر دم تو

کہ صید ہوں میں تری دشمنی جانی کا

نمود کرکے وہیں بحر غم میں بیٹھ گیا

کہے تو میر بھی اک بلبلا تھا پانی کا

میر تقی میر

پھر ان دنوں میں دیدئہ خونبار نم ہوا

اکتوبر 6, 2015میر تقی میر،اساتذہ،غزلقدم،نم،کرم،الصنم،خم،دم،رقم،سم،ستم،عدم،غمadmin

دیوان اول غزل 62

سمجھے تھے میر ہم کہ یہ ناسور کم ہوا

پھر ان دنوں میں دیدئہ خونبار نم ہوا

آئے برنگ ابر عرق ناک تم ادھر

حیران ہوں کہ آج کدھر کو کرم ہوا

تجھ بن شراب پی کے موئے سب ترے خراب

ساقی بغیر تیرے انھیں جام سم ہوا

کافر ہمارے دل کی نہ پوچھ اپنے عشق میں

بیت الحرام تھا سو وہ بیت الصنم ہوا

خانہ خراب کس کا کیا تیری چشم نے

تھا کون یوں جسے تو نصیب ایک دم ہوا

تلوار کس کے خون میں سر ڈوب ہے تری

یہ کس اجل رسیدہ کے گھر پر ستم ہوا

آئی نظر جو گور سلیماں کی ایک روز

کوچے پر اس مزار کے تھا یہ رقم ہوا

کاے سرکشاں جہان میں کھینچا تھا میں بھی سر

پایان کار مور کی خاک قدم ہوا

افسوس کی بھی چشم تھی ان سے خلاف عقل

بار علاقہ سے تو عبث پشت خم ہوا

اہل جہاں ہیں سارے ترے جیتے جی تلک

پوچھیں گے بھی نہ بات جہاں تو عدم ہوا

کیا کیا عزیز دوست ملے میر خاک میں

نادان یاں کسو کا کسو کو بھی غم ہوا

میر تقی میر

پھر اس پہ ظلم یہ ہے کچھ کہا نہیں جاتا

اکتوبر 6, 2015میر تقی میر،اساتذہ،غزلنہا،ڈھہا،کہا،بہا،رہاadmin

دیوان اول غزل 61

دکھ اب فراق کا ہم سے سہا نہیں جاتا

پھر اس پہ ظلم یہ ہے کچھ کہا نہیں جاتا

ہوئی ہے اتنی ترے عکس زلف کی حیراں

کہ موج بحر سے مطلق بہا نہیں جاتا

نہیں گذرتی گھڑی کوئی مجھ خراب پر آہ

کہ جس میں غم سے ترے جی ڈھہا نہیں جاتا

ستم کچھ آج گلی میں تری نہیں مجھ پر

کب آ کے خون میں میں یاں نہا نہیں جاتا

خراب مجھ کو کیا اضطراب دل نے میر

کہ ٹک بھی اس کنے اس بن رہا نہیں جاتا

میر تقی میر

مستی میں میری تھا یاں اک شور اور شرابا

اکتوبر 6, 2015میر تقی میر،اساتذہ،غزلقلابا،محابا،آفتابا،تابا،خوابا،خرابا،دوآبا،شرابا،عراباadmin

دیوان اول غزل 60

پھوٹا کیے پیالے لنڈھتا پھرا قرابا

مستی میں میری تھا یاں اک شور اور شرابا

حکمت ہے کچھ جو گردوں یکساں پھرا کرے ہے

چلتا نہیں وگرنہ شام و سحر عرابا

باہم ہوا کریں ہیں دن رات نیچے اوپر

یہ نرم شانے لونڈے ہیں مخمل دو خوابا

ان صحبتوں میں آخر جانیں ہی جاتیاں ہیں

نے عشق کو ہے صرفہ نے حسن کو محابا

ہر چند ناتواں ہیں پر آگیا جو جی میں

دیں گے ملا زمیں سے تیرا فلک قلابا

وے دن گئے کہ آنکھیں دریا سی بہتیاں تھیں

سوکھا پڑا ہے اب تو مدت سے یہ دوآبا

منھ دھوتے وقت اس کے اکثر دکھائی دے ہے

خورشید لے رہا ہے اک روز آفتابا

اب شہر ہر طرف سے میدان ہو گیا ہے

پھیلا تھا اس طرح کا کاہے کو یاں خرابا

دل تفتگی کی اپنی ہجراں میں شرح کیا دوں

چھاتی تو میر میری جل کر ہوئی ہے تابا

میر تقی میر

مرغ خوش خواں عزیز کوئی تھا

اکتوبر 6, 2015میر تقی میر،اساتذہ،غزلمہماں،یاں،کنعاں،جاں،خواںadmin

دیوان اول غزل 59

شب تھا نالاں عزیز کوئی تھا

مرغ خوش خواں عزیز کوئی تھا

تھی تمھارے ستم کی تاب اس تک

صبر جو یاں عزیز کوئی تھا

شب کو اس کا خیال تھا دل میں

گھر میں مہماں عزیز کوئی تھا

چاہ بے جا نہ تھی زلیخا کی

ماہ کنعاں عزیز کوئی تھا

اب تو اس کی گلی میں خوار ہے لیک

میر بے جاں عزیز کوئی تھا

میر تقی میر

دل نے اب زور بے قرار کیا

اکتوبر 6, 2015میر تقی میر،اساتذہ،غزلقرار،یار،پیار،اختیار،اعتبار،تار،شکارadmin

دیوان اول غزل 58

تابہ مقدور انتظار کیا

دل نے اب زور بے قرار کیا

دشمنی ہم سے کی زمانے نے

کہ جفا کار تجھ سا یار کیا

یہ توہم کا کارخانہ ہے

یاں وہی ہے جو اعتبار کیا

ایک ناوک نے اس کی مژگاں کے

طائر سدرہ تک شکار کیا

صدرگ جاں کو تاب دے باہم

تیری زلفوں کا ایک تار کیا

ہم فقیروں سے بے ادائی کیا

آن بیٹھے جو تم نے پیار کیا

سخت کافر تھا جن نے پہلے میر

مذہب عشق اختیار کیا

میر تقی میر

کیا کہوں اے ہم نشیں میں تجھ سے حاصل دل گیا

اکتوبر 6, 2015میر تقی میر،اساتذہ،غزلقاتل،محمل،چھل،کھل،دلadmin

دیوان اول غزل 57

خواہ مجھ سے لڑ گیا اب خواہ مجھ سے مل گیا

کیا کہوں اے ہم نشیں میں تجھ سے حاصل دل گیا

اپنے ہی دل کو نہ ہو واشد تو کیا حاصل نسیم

گو چمن میں غنچۂ پژمردہ تجھ سے کھل گیا

دل سے آنکھوں میں لہو آتا ہے شاید رات کو

کشمکش میں بے قراری کی یہ پھوڑا چھل گیا

قیس کا کیا کیا گیا اودھر دل و دیں ہوش و صبر

جس طرف صحرا سے لیلیٰ کا چلا محمل گیا

رشک کی جا گہ ہے مرگ اس کشتۂ حسرت کی میر

نعش کے ہمراہ جس کی گور تک قاتل گیا

میر تقی میر

کبھی اس راہ سے نکلا تو تجھے گھور گیا

اکتوبر 6, 2015میر تقی میر،اساتذہ،غزلمقدور،چور،ناسور،گھور،دور،رنجور،شورadmin

دیوان اول غزل 56

کیا مرے آنے پہ تو اے بت مغرور گیا

کبھی اس راہ سے نکلا تو تجھے گھور گیا

لے گیا صبح کے نزدیک مجھے خواب اے وائے

آنکھ اس وقت کھلی قافلہ جب دور گیا

گور سے نالے نہیں اٹھتے تو نے اگتی ہے

جی گیا پر نہ ہمارا سر پر شور گیا

چشم خوں بستہ سے کل رات لہو پھر ٹپکا

ہم نے جانا تھا کہ بس اب تو یہ ناسور گیا

ناتواں ہم ہیں کہ ہیں خاک گلی کی اس کی

اب تو بے طاقتی سے دل کا بھی مقدور گیا

لے کہیں منھ پہ نقاب اپنے کہ اے غیرت صبح

شمع کے چہرئہ رخشاں سے تو اب نور گیا

نالۂ میر نہیں رات سے سنتے ہم لوگ

کیا ترے کوچے سے اے شوخ وہ رنجور گیا

میر تقی میر

اس جنس کا یاں ہم نے خریدار نہ پایا

اکتوبر 6, 2015میر تقی میر،اساتذہ،غزلیار،کار،پار،آزار،بار،تار،خار،خریدار،دیدار،سزاوارadmin

دیوان اول غزل 55

عالم میں کوئی دل کا طلبگار نہ پایا

اس جنس کا یاں ہم نے خریدار نہ پایا

حق ڈھونڈنے کا آپ کو آتا نہیں ورنہ

عالم ہے سبھی یار کہاں یار نہ پایا

غیروں ہی کے ہاتھوں میں رہے دست نگاریں

کب ہم نے ترے ہاتھ سے آزار نہ پایا

جاتی ہے نظر خس پہ گہ چشم پریدن

یاں ہم نے پر کاہ بھی بے کار نہ پایا

تصویر کے مانند لگے در ہی سے گذری

مجلس میں تری ہم نے کبھو بار نہ پایا

سوراخ ہے سینے میں ہر اک شخص کے تجھ سے

کس دل کے ترا تیر نگہ پار نہ پایا

مربوط ہیں تجھ سے بھی یہی ناکس و نااہل

اس باغ میں ہم نے گل بے خار نہ پایا

دم بعد جنوں مجھ میں نہ محسوس تھا یعنی

جامے میں مرے یاروں نے اک تار نہ پایا

آئینہ بھی حیرت سے محبت کی ہوئے ہم

پر سیر ہو اس شخص کا دیدار نہ پایا

وہ کھینچ کے شمشیر ستم رہ گیا جو میر

خوں ریزی کا یاں کوئی سزاوار نہ پایا

میر تقی میر

دشمن کے بھی دشمن پر ایسا نہ ہوا ہو گا

اکتوبر 6, 2015میر تقی میر،اساتذہ،غزلفردا،مارا،کیا،پیدا،ایسا،برپا،دریا،سودا،صحراadmin

دیوان اول غزل 54

اے دوست کوئی مجھ سا رسوا نہ ہوا ہو گا

دشمن کے بھی دشمن پر ایسا نہ ہوا ہو گا

اب اشک حنائی سے جو تر نہ کرے مژگاں

وہ تجھ کف رنگیں کا مارا نہ ہوا ہو گا

ٹک گور غریباں کی کر سیر کہ دنیا میں

ان ظلم رسیدوں پر کیا کیا نہ ہوا ہو گا

بے نالہ و بے زاری بے خستگی و خواری

امروز کبھی اپنا فردا نہ ہوا ہو گا

ہے قاعدئہ کلی یہ کوے محبت میں

دل گم جو ہوا ہو گا پیدا نہ ہوا ہو گا

اس کہنہ خرابے میں آبادی نہ کر منعم

یک شہر نہیں یاں جو صحرا نہ ہوا ہو گا

آنکھوں سے تری ہم کو ہے چشم کہ اب ہووے

جو فتنہ کہ دنیا میں برپا نہ ہوا ہو گا

جز مرتبۂ کل کو حاصل کرے ہے آخر

یک قطرہ نہ دیکھا جو دریا نہ ہوا ہو گا

صد نشتر مژگاں کے لگنے سے نہ نکلا خوں

آگے تجھے میر ایسا سودا نہ ہوا ہو گا

میر تقی میر

ہر گلی شہر کی یاں کوچۂ رسوائی تھا

اکتوبر 6, 2015میر تقی میر،اساتذہ،غزلتماشائی،تنہائی،رسوائی،سودائیadmin

دیوان اول غزل 53

یاد ایام کہ یاں ترک شکیبائی تھا

ہر گلی شہر کی یاں کوچۂ رسوائی تھا

اتنی گذری جو ترے ہجر میں سو اس کے سبب

صبر مرحوم عجب مونس تنہائی تھا

تیرے جلوے کا مگر رو تھا سحر گلشن میں

نرگس اک دیدئہ حیران تماشائی تھا

یہی زلفوں کی تری بات تھی یا کاکل کی

میر کو خوب کیا سیر تو سودائی تھا

میر تقی میر

رات کو سینہ بہت کوٹا گیا

اکتوبر 6, 2015میر تقی میر،اساتذہ،غزللوٹا،چھوٹا،کوٹا،ٹوٹاadmin

دیوان اول غزل 52

دل جو تھا اک آبلہ پھوٹا گیا

رات کو سینہ بہت کوٹا گیا

طائر رنگ حنا کی سی طرح

دل نہ اس کے ہاتھ سے چھوٹا گیا

میں نہ کہتا تھا کہ منھ کر دل کی اور

اب کہاں وہ آئینہ ٹوٹا گیا

دل کی ویرانی کا کیا مذکور ہے

یہ نگر سو مرتبہ لوٹا گیا

میر کس کو اب دماغ گفتگو

عمر گذری ریختہ چھوٹا گیا

میر تقی میر

چھوڑ لذت کے تئیں لے تو فقیری کا مزا

اکتوبر 6, 2015میر تقی میر،اساتذہ،غزلفقیری،پیری،اسیری،بیریadmin

دیوان اول غزل 51

گرچہ سردار مزوں کا ہے امیری کا مزا

چھوڑ لذت کے تئیں لے تو فقیری کا مزا

اے کہ آزاد ہے ٹک چکھ نمک مرغ کباب

تا تو جانے کہ یہ ہوتا ہے اسیری کا مزا

لوہو پیتے ہی مرا اشک نہ منھ کو لاگا

بوسہ جب لے ہے ترے ہونٹوں کی بیری کا مزا

ہم تو گمراہ جوانی کے مزوں پر ہیں میر

حضرت خضرؑ کو ارزانی ہو پیری کا مزا

میر تقی میر

یا روز اٹھ کے سر کو پھرایا تو کیا ہوا

اکتوبر 6, 2015میر تقی میر،اساتذہ،غزللگایا،پھرایا،آیا،اٹھایا،بنایا،بکایا،جلایا،جتایا،سلایاadmin

دیوان اول غزل 50

غم اس کو ساری رات سنایا تو کیا ہوا

یا روز اٹھ کے سر کو پھرایا تو کیا ہوا

ان نے تو مجھ کو جھوٹے بھی پوچھا نہ ایک بار

میں نے اسے ہزار جتایا تو کیا ہوا

خواہاں نہیں وہ کیوں ہی میں اپنی طرف سے یوں

دل دے کے اس کے ہاتھ بکایا تو کیا ہوا

اب سعی کر سپہر کہ میرے موئے گئے

اس کا مزاج مہر پہ آیا تو کیا ہوا

مت رنجہ کر کسی کو کہ اپنے تو اعتقاد

دل ڈھائے کر جو کعبہ بنایا تو کیا ہوا

میں صید ناتواں بھی تجھے کیا کروں گا یاد

ظالم اک اور تیر لگایا تو کیا ہوا

کیا کیا دعائیں مانگی ہیں خلوت میں شیخ یوں

ظاہر جہاں سے ہاتھ اٹھایا تو کیا ہوا

وہ فکر کر کہ چاک جگر پاوے التیام

ناصح جو تونے جامہ سلایا تو کیا ہوا

جیتے تو میر ان نے مجھے داغ ہی رکھا

پھر گور پر چراغ جلایا تو کیا ہوا

میر تقی میر

ہر گام پہ جس میں سر نہ ہو گا

اکتوبر 6, 2015میر تقی میر،اساتذہ،غزلور،گھر،اگر،اثر،ادھر،تر،جگر،خبر،سرadmin

دیوان اول غزل 49

ایسا ترا رہگذر نہ ہو گا

ہر گام پہ جس میں سر نہ ہو گا

کیا ان نے نشے میں مجھ کو مارا

اتنا بھی تو بے خبر نہ ہو گا

دھوکا ہے تمام بحر دنیا

دیکھے گا کہ ہونٹ تر نہ ہو گا

آئی جو شکست آئینے پر

روے دل یار ادھر نہ ہو گا

دشنوں سے کسی کا اتنا ظالم

ٹکڑے ٹکڑے جگر نہ ہو گا

اب دل کے تئیں دیا تو سمجھا

محنت زدوں کے جگر نہ ہو گا

دنیا کی نہ کر تو خواست گاری

اس سے کبھو بہرہ ور نہ ہو گا

آ خانہ خرابی اپنی مت کر

قحبہ ہے یہ اس سے گھر نہ ہو گا

ہو اس سے جہاں سیاہ تد بھی

نالے میں مرے اثر نہ ہو گا

پھر نوحہ گری کہاں جہاں میں

ماتم زدہ میر اگر نہ ہو گا

میر تقی میر

اے کبک پھر بحال بھی آیا نہ جائے گا

اکتوبر 6, 2015میر تقی میر،اساتذہ،غزللگایا،لایا،پایا،آیا،اٹھایا،بھلایا،جایا،دکھایا،سایہadmin

دیوان اول غزل 48

اس کا خرام دیکھ کے جایا نہ جائے گا

اے کبک پھر بحال بھی آیا نہ جائے گا

ہم کشتگان عشق ہیں ابرو و چشم یار

سر سے ہمارے تیغ کا سایہ نہ جائے گا

ہم رہرو ان راہ فنا ہیں برنگ عمر

جاویں گے ایسے کھوج بھی پایا نہ جائے گا

پھوڑا سا ساری رات جو پکتا رہے گا دل

تو صبح تک تو ہاتھ لگایا نہ جائے گا

اپنے شہید ناز سے بس ہاتھ اٹھا کہ پھر

دیوان حشر میں اسے لایا نہ جائے گا

اب دیکھ لے کہ سینہ بھی تازہ ہوا ہے چاک

پھر ہم سے اپنا حال دکھایا نہ جائے گا

ہم بے خودان محفل تصویر اب گئے

آئندہ ہم سے آپ میں آیا نہ جائے گا

گو بے ستوں کو ٹال دے آگے سے کوہکن

سنگ گران عشق اٹھایا نہ جائے گا

ہم تو گئے تھے شیخ کو انسان بوجھ کر

پر اب سے خانقاہ میں جایا نہ جائے گا

یاد اس کی اتنی خوب نہیں میر باز آ

نادان پھر وہ جی سے بھلایا نہ جائے گا

میر تقی میر

لگے ہو خون بہت کرنے بے گناہوں کا

اکتوبر 6, 2015میر تقی میر،اساتذہ،غزلنگاہوں،گناہوں،گاہوں،آہوں،بادشاہوں،جلاہوں،خواہوں،راہوںadmin

دیوان اول غزل 47

رہے خیال تنک ہم بھی رو سیاہوں کا

لگے ہو خون بہت کرنے بے گناہوں کا

نہیں ستارے یہ سوراخ پڑ گئے ہیں تمام

فلک حریف ہوا تھا ہماری آہوں کا

گلی میں اس کی پھٹے کپڑوں پر مرے مت جا

لباس فقر ہے واں فخر بادشاہوں کا

تمام زلف کے کوچے ہیں مارپیچ اس کی

تجھی کو آوے دلا چلنا ایسی راہوں کا

اسی جو خوبی سے لائے تجھے قیامت میں

تو حرف کن نے کیا گوش داد خواہوں کا

تمام عمر رہیں خاک زیر پا اس کی

جو زور کچھ چلے ہم عجز دست گاہوں کا

کہاں سے تہ کریں پیدا یہ ناظمان حال

کہ پوچ بافی ہی ہے کام ان جلاہوں کا

حساب کاہے کا روز شمار میں مجھ سے

شمار ہی نہیں ہے کچھ مرے گناہوں کا

تری جو آنکھیں ہیں تلوار کے تلے بھی ادھر

فریب خوردہ ہے تو میر کن نگاہوں کا

میر تقی میر

موم سمجھے تھے ترے دل کو سو پتھر نکلا

اکتوبر 6, 2015میر تقی میر،اساتذہ،غزللشکر،کر،پتھر،باہر،جواہر،دفترadmin

دیوان اول غزل 46

مہر کی تجھ سے توقع تھی ستمگر نکلا

موم سمجھے تھے ترے دل کو سو پتھر نکلا

داغ ہوں رشک محبت سے کہ اتنا بیتاب

کس کی تسکیں کے لیے گھر سے تو باہر نکلا

جیتے جی آہ ترے کوچے سے کوئی نہ پھرا

جو ستم دیدہ رہا جاکے سو مر کر نکلا

دل کی آبادی کی اس حد ہے خرابی کہ نہ پوچھ

جانا جاتا ہے کہ اس راہ سے لشکر نکلا

اشک تر قطرئہ خوں لخت جگر پارئہ دل

ایک سے ایک عدد آنکھ سے بہ کر نکلا

کنج کاوی جو کی سینے کی غم ہجراں نے

اس دفینے میں سے اقسام جواہر نکلا

ہم نے جانا تھا لکھے گا تو کوئی حرف اے میر

پر ترا نامہ تو اک شوق کا دفتر نکلا

میر تقی میر

کبھو درد تھا کبھو داغ تھا کبھو زخم تھا کبھو وار تھا

اکتوبر 6, 2015میر تقی میر،اساتذہ،غزلفگار،قرار،وار،یار،پار،خار،سروکار،غبارadmin

دیوان اول غزل 45

کئی دن سلوک وداع کا مرے درپئے دل زار تھا

کبھو درد تھا کبھو داغ تھا کبھو زخم تھا کبھو وار تھا

دم صبح بزم خوش جہاں شب غم سے کم نہ تھی مہرباں

کہ چراغ تھا سو تو دود تھا جو پتنگ تھا سو غبار تھا

دل خستہ لوہو جو ہو گیا تو بھلا ہوا کہ کہاں تلک

کبھو سوز سینہ سے داغ تھا کبھو درد و غم سے فگار تھا

دل مضطرب سے گذر گئی شب وصل اپنی ہی فکر میں

نہ دماغ تھا نہ فراغ تھا نہ شکیب تھا نہ قرار تھا

جو نگاہ کی بھی پلک اٹھا تو ہمارے دل سے لہو بہا

کہ وہیں وہ ناوک بے خطا کسو کے کلیجے کے پار تھا

یہ تمھاری ان دنوں دوستاں مژہ جس کے غم میں ہے خوں چکاں

وہی آفت دل عاشقاں کسو وقت ہم سے بھی یار تھا

نہیں تازہ دل کی شکستگی یہی درد تھا یہی خستگی

اسے جب سے ذوق شکار تھا اسے زخم سے سروکار تھا

کبھو جائے گی جو ادھر صبا تو یہ کہیو اس سے کہ بے وفا

مگر ایک میر شکستہ پا ترے باغ تازہ میں خار تھا

میر تقی میر

ایک تجھ کو ہزار میں دیکھا

اکتوبر 6, 2015میر تقی میر،اساتذہ،غزلہزار،قرار،انتظار،خار،روزگار،شکار،غبارadmin

دیوان اول غزل 44

گل و بلبل بہار میں دیکھا

ایک تجھ کو ہزار میں دیکھا

جل گیا دل سفید ہیں آنکھیں

یہ تو کچھ انتظار میں دیکھا

جیسا مضطر تھا زندگی میں دل

ووہیں میں نے قرار میں دیکھا

آبلے کا بھی ہونا دامن گیر

تیرے کوچے کے خار میں دیکھا

تیرہ عالم ہوا یہ روز سیاہ

اپنے دل کے غبار میں دیکھا

ذبح کر میں کہا تھا مرتا ہوں

دم نہیں مجھ شکار میں دیکھا

جن بلائوں کو میر سنتے تھے

ان کو اس روزگار میں دیکھا

میر تقی میر

جھانکنا تاکنا کبھو نہ گیا

اکتوبر 6, 2015میر تقی میر،اساتذہ،غزلکبھو،تو،جستجو،روبرو،سبوadmin

دیوان اول غزل 43

دل سے شوق رخ نکو نہ گیا

جھانکنا تاکنا کبھو نہ گیا

ہر قدم پر تھی اس کی منزل لیک

سر سے سوداے جستجو نہ گیا

سب گئے ہوش و صبر و تاب و تواں

لیکن اے داغ دل سے تو نہ گیا

دل میں کتنے مسودے تھے ولے

ایک پیش اس کے روبرو نہ گیا

سبحہ گرداں ہی میر ہم تو رہے

دست کوتاہ تا سبو نہ گیا

میر تقی میر

خانہ خراب ہو جیو اس دل کی چاہ کا

اکتوبر 6, 2015میر تقی میر،اساتذہ،غزلنگاہ،ناف،کلاہ،گناہ،گاہ،پناہ،آہ،خواہ،راہ،سیاہadmin

دیوان اول غزل 42

گذرا بناے چرخ سے نالہ پگاہ کا

خانہ خراب ہو جیو اس دل کی چاہ کا

آنکھوں میں جی مرا ہے ادھر دیکھتا نہیں

مرتا ہوں میں تو ہائے رے صرفہ نگاہ کا

صد خانماں خراب ہیں ہر ہر قدم پہ دفن

کشتہ ہوں یار میں تو ترے گھر کی راہ کا

یک قطرہ خون ہوکے پلک سے ٹپک پڑا

قصہ یہ کچھ ہوا دل غفراں پناہ کا

تلوار مارنا تو تمھیں کھیل ہے ولے

جاتا رہے نہ جان کسو بے گناہ کا

بدنام و خوار و زار و نزار و شکستہ حال

احوال کچھ نہ پوچھیے اس رو سیاہ کا

ظالم زمیں سے لوٹتا دامن اٹھا کے چل

ہو گا کمیں میں ہاتھ کسو داد خواہ کا

اے تاج شہ نہ سر کو فرو لائوں تیرے پاس

ہے معتقد فقیر نمد کی کلاہ کا

ہر لخت دل میں صید کے پیکان بھی گئے

دیکھا میں شوخ ٹھاٹھ تری صید گاہ کا

بیمار تو نہ ہووے جیے جب تلک کہ میر

سونے نہ دے گا شور تری آہ آہ کا

میر تقی میر

خون ہو بہ سب آپھی گیا عشق حسن و جمال کیا

اکتوبر 6, 2015میر تقی میر،اساتذہ،غزلنہال،پامال،جمال،حال،سوالadmin

دیوان اول غزل 41

دل سمجھا نہ محبت کو کچھ ان نے کیا یہ خیال کیا

خون ہو بہ سب آپھی گیا عشق حسن و جمال کیا

آنکھیں کفک سے اس کی لگاکر خاک برابر ہم بھی ہوئے

مہندی کے رنگ ان پائوں نے تو بہتوں کو پامال کیا

یوں نکلے ہے فلک ایدھر سے نازکناں جو جاتے تو

خاک سے سبزہ میری اگاکر ان نے مجھ کو نہال کیا

آگے جواب سے ان لوگوں کے بارے معافی اپنی ہوئی

ہم بھی فقیر ہوئے تھے لیکن ہم نے ترک سوال کیا

حال نہیں ہے عشق سے مجھ میں کس سے میر ؔاب حال کہوں

آپھی چاہ کر اس ظالم کو یہ اپنا میں حال کیا

میر تقی میر

ہوا نہ گور گڑھا ان ستم کے ماروں کا

اکتوبر 6, 2015میر تقی میر،اساتذہ،غزلہوشیاروں،فگاروں،ہزاروں،قراروں،ماروں،مزاروں،یاروں،گنواروں،گناہگاروں،تاروں،خاروں،سواروں،سیاہکاروںadmin

دیوان اول غزل 40

سنا ہے حال ترے کشتگاں بچاروں کا

ہوا نہ گور گڑھا ان ستم کے ماروں کا

ہزار رنگ کھلے گل چمن کے ہیں شاہد

کہ روزگار کے سر خون ہے ہزاروں کا

ملا ہے خاک میں کس کس طرح کا عالم یاں

نکل کے شہر سے ٹک سیر کر مزاروں کا

عرق فشانی سے اس زلف کی ہراساں ہوں

بھلا نہیں ہے بہت ٹوٹنا بھی تاروں کا

علاج کرتے ہیں سوداے عشق کا میرے

خلل پذیر ہوا ہے دماغ یاروں کا

تری ہی زلف کو محشر میں ہم دکھا دیں گے

جو کوئی مانگے گا نامہ سیاہکاروں کا

خراش سینۂ عاشق بھی دل کو لگ جائے

عجب طرح کا ہے فرقہ یہ دل فگاروں کا

نگاہ مست کے مارے تری خراب ہیں شوخ

نہ ٹھور ہے نہ ٹھکانا ہے ہوشیاروں کا

کریں ہیں دعوی خوش چشمی آہوان دشت

ٹک ایک دیکھنے چل ملک ان گنواروں کا

تڑپ کے مرنے سے دل کے کہ مغفرت ہو اسے

جہاں میں کچھ تو رہا نام بے قراروں کا

تڑپ کے خرمن گل پر کبھی گر اے بجلی

جلانا کیا ہے مرے آشیاں کے خاروں کا

تمھیں تو زہد و ورع پر بہت ہے اپنے غرور

خدا ہے شیخ جی ہم بھی گناہگاروں کا

اٹھے ہے گرد کی جا نالہ گور سے اس کی

غبار میر بھی عاشق ہے نے سواروں کا

میر تقی میر

راتوں کو روتے روتے ہی جوں شمع گل گیا

اکتوبر 6, 2015میر تقی میر،اساتذہ،غزلچل،نکل،ڈھل،گل،جل،رل،سنبھلadmin

دیوان اول غزل 39

گرمی سے میں تو آتش غم کی پگھل گیا

راتوں کو روتے روتے ہی جوں شمع گل گیا

ہم خستہ دل ہیں تجھ سے بھی نازک مزاج تر

تیوری چڑھائی تونے کہ یاں جی نکل گیا

گرمی عشق مانع نشوونما ہوئی

میں وہ نہال تھا کہ اگا اور جل گیا

مستی میں چھوڑ دیر کو کعبے چلا تھا میں

لغزش بڑی ہوئی تھی ولیکن سنبھل گیا

ساقی نشے میں تجھ سے لنڈھا شیشۂ شراب

چل اب کہ دخت تاک کا جوبن تو ڈھل گیا

ہر ذرہ خاک تیری گلی کی ہے بے قرار

یاں کون سا ستم زدہ ماٹی میں رل گیا

عریاں تنی کی شوخی سے دیوانگی میں میر

مجنوں کے دشت خار کا داماں بھی چل گیا

میر تقی میر

جگر مرغ جان سے نکلا

اکتوبر 6, 2015میر تقی میر،اساتذہ،غزلمکان،کان،امتحان،آسمان،جہان،جوان،جان،زبان،شانadmin

دیوان اول غزل 38

تیر جو اس کمان سے نکلا

جگر مرغ جان سے نکلا

نکلی تھی تیغ بے دریغ اس کی

میں ہی اک امتحان سے نکلا

گو کٹے سر کہ سوز دل جوں شمع

اب تو میری زبان سے نکلا

آگے اے نالہ ہے خدا کا ناؤں

بس تو نُہ آسمان سے نکلا

چشم و دل سے جو نکلا ہجراں میں

نہ کبھو بحر و کان سے نکلا

مر گیا جو اسیر قید حیات

تنگناے جہان سے نکلا

دل سے مت جا کہ حیف اس کا وقت

جو کوئی اس مکان سے نکلا

اس کی شیریں لبی کی حسرت میں

شہد پانی ہو شان سے نکلا

نامرادی کی رسم میر سے ہے

طور یہ اس جوان سے نکلا

میر تقی میر

گل باغ میں گلے کا مرے ہار ہو گیا

اکتوبر 6, 2015میر تقی میر،اساتذہ،غزلہار،یار،گنہگار،گرفتار،پار،آزار،بیمار،بستار،خریدارadmin

دیوان اول غزل 37

خوبی کا اس کی بسکہ طلبگار ہو گیا

گل باغ میں گلے کا مرے ہار ہو گیا

کس کو نہیں ہے شوق ترا پر نہ اس قدر

میں تو اسی خیال میں بیمار ہو گیا

میں نودمیدہ بال چمن زاد طیر تھا

پر گھر سے اٹھ چلا سو گرفتار ہو گیا

ٹھہرا گیا نہ ہو کے حریف اس کی چشم کا

سینے کو توڑ تیر نگہ پار ہو گیا

ہے اس کے حرف زیرلبی کا سبھوں میں ذکر

کیا بات تھی کہ جس کا یہ بستار ہو گیا

تو وہ متاع ہے کہ پڑی جس کی تجھ پہ آنکھ

وہ جی کو بیچ کر بھی خریدار ہو گیا

کیا کہیے آہ عشق میں خوبی نصیب کی

دلدار اپنا تھا سو دل آزار ہو گیا

آٹھوں پہر لگا ہی پھرے ہے تمھارے ساتھ

کچھ ان دنوں میں غیر بہت یار ہو گیا

کب رو ہے اس سے بات کے کرنے کا مجھ کو میر

ناکردہ جرم میں تو گنہگار ہو گیا

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: