زمرہ جات کے محفوظات: اساتذہ

یہ بلا آسمان پر آئی

اکتوبر 6, 2015میر تقی میر،اساتذہ،غزلمکان،امتحان،آسمان،آستان،آشیان،جہان،جوان،جانadmin

دیوان اول غزل 436

آہ میری زبان پر آئی

یہ بلا آسمان پر آئی

عالم جاں سے تو نہیں آیا

ایک آفت جہان پر آئی

پیری آفت ہے پھر نہ تھا گویا

یہ بلا جس جوان پر آئی

ہم بھی حاضر ہیں کھینچیے شمشیر

طبع گر امتحان پر آئی

تب ٹھکانے لگی ہماری خاک

جب ترے آستان پر آئی

آتش رنگ گل سے کیا کہیے

برق تھی آشیان پر آئی

طاقت دل برنگ نکہت گل

پھیر اپنے مکان پر آئی

ہو جہاں میر اور غم اس کا

جس سے عالم کی جان پر آئی

میر تقی میر

ہم نے بھی طبع آزمائی کی

اکتوبر 6, 2015میر تقی میر،اساتذہ،غزلنارسائی،وفائی،گدائی،پائی،آزمائی،آشنائی،جدائیadmin

دیوان اول غزل 435

ہے غزل میر یہ شفائیؔ کی

ہم نے بھی طبع آزمائی کی

اس کے ایفاے عہد تک نہ جیے

عمر نے ہم سے بے وفائی کی

وصل کے دن کی آرزو ہی رہی

شب نہ آخر ہوئی جدائی کی

اسی تقریب اس گلی میں رہے

منتیں ہیں شکستہ پائی کی

دل میں اس شوخ کے نہ کی تاثیر

آہ نے آہ نارسائی کی

کاسۂ چشم لے کے جوں نرگس

ہم نے دیدار کی گدائی کی

زور و زر کچھ نہ تھا تو بارے میر

کس بھروسے پر آشنائی کی

میر تقی میر

نظر اس طرف بھی کبھو تھی کسو کی

اکتوبر 6, 2015میر تقی میر،اساتذہ،غزلمو،کبھو،گفتگو،آرزو،بو،جستجو،خوadmin

دیوان اول غزل 434

یہ چشم آئینہ دار رو تھی کسو کی

نظر اس طرف بھی کبھو تھی کسو کی

سحر پاے گل بے خودی ہم کو آئی

کہ اس سست پیماں میں بو تھی کسو کی

یہ سرگشتہ جب تک رہا اس چمن میں

برنگ صبا جستجو تھی کسو کی

نہ ٹھہری ٹک اک جان بر لب رسیدہ

ہمیں مدعا گفتگو تھی کسو کی

جلایا شب اک شعلۂ دل نے ہم کو

کہ اس تند سرکش میں خو تھی کسو کی

نہ تھے تجھ سے نازک میانان گلشن

بہت تو کمر جیسے مو تھی کسو کی

دم مرگ دشوار دی جان ان نے

مگر میر کو آرزو تھی کسو کی

میر تقی میر

اس کی ہوا میں ہم پہ تو بیداد ہو گئی

اکتوبر 6, 2015میر تقی میر،اساتذہ،غزلفریاد،افتاد،بیدادadmin

دیوان اول غزل 433

آخر ہماری خاک بھی برباد ہو گئی

اس کی ہوا میں ہم پہ تو بیداد ہو گئی

مدت ہوئی نہ خط ہے نہ پیغام ہے مگر

اک رسم تھی وفا کی پر افتاد ہو گئی

دل کس قدر شگفتہ ہوا تھا کہ رات میر

آئی جو بات لب پہ سو فریاد ہو گئی

میر تقی میر

یعنی طاقت آزمائی ہوچکی

اکتوبر 6, 2015میر تقی میر،اساتذہ،غزللڑائی،وفائی،پارسائی،آزمائی،آشنائی،رہائی،صفائیadmin

دیوان اول غزل 432

تاب دل صرف جدائی ہوچکی

یعنی طاقت آزمائی ہوچکی

چھوٹتا کب ہے اسیر خوش زباں

جیتے جی اپنی رہائی ہوچکی

آگے ہو مسجد کے نکلی اس کی راہ

شیخ سے اب پارسائی ہوچکی

درمیاں ایسا نہیں اب آئینہ

میرے اس کے اب صفائی ہوچکی

ایک بوسہ مانگتے لڑنے لگے

اتنے ہی میں آشنائی ہوچکی

بیچ میں ہم ہی نہ ہوں تو لطف کیا

رحم کر اب بے وفائی ہوچکی

آج پھر تھا بے حمیت میر واں

کل لڑائی سی لڑائی ہوچکی

میر تقی میر

اس زمانے میں گئی ہے برکت غم سے بھی

اکتوبر 6, 2015میر تقی میر،اساتذہ،غزلہم،ماتم،محرم،نم،آدم،سرعالم،غمadmin

دیوان اول غزل 431

دل کو تسکین نہیں اشک دمادم سے بھی

اس زمانے میں گئی ہے برکت غم سے بھی

ہم نشیں کیا کہوں اس رشک مہ تاباں بن

صبح عید اپنی ہے بدتر شب ماتم سے بھی

کاش اے جان المناک نکل جاوے تو

اب تو دیکھا نہیں جاتا یہ ستم ہم سے بھی

آخرکار محبت میں نہ نکلا کچھ کام

سینہ چاک و دل پژمردہ مژہ نم سے بھی

آہ ہر غیر سے تاچند کہوں جی کی بات

عشق کا راز تو کہتے نہیں محرم سے بھی

دوری کوچہ میں اے غیرت فردوس تری

کام گذرا ہے مرا گریۂ آدم سے بھی

ہمت اپنی ہی تھی یہ میر کہ جوں مرغ خیال

اک پرافشانی میں گذرے سرعالم سے بھی

میر تقی میر

زلف اس کی ہے ایک مار سیاہ

اکتوبر 6, 2015میر تقی میر،اساتذہ،غزلسیاہadmin

دیوان اول غزل 430

دل سمجھتا ہی نئیں ہمارا آہ

زلف اس کی ہے ایک مار سیاہ

میر تقی میر

جی ہی جاتے نظر آئے ہیں اس آزار کے ساتھ

اکتوبر 6, 2015میر تقی میر،اساتذہ،غزلیار،گفتار،آزار،تلوار،خونبار،خار،دیوار،دیدار،رفتار،طومار،عیارadmin

دیوان اول غزل 429

کیا موافق ہو دوا عشق کے بیمار کے ساتھ

جی ہی جاتے نظر آئے ہیں اس آزار کے ساتھ

رات مجلس میں تری ہم بھی کھڑے تھے چپکے

جیسے تصویر لگا دے کوئی دیوار کے ساتھ

مر گئے پر بھی کھلی رہ گئیں آنکھیں اپنی

کون اس طرح موا حسرت دیدار کے ساتھ

شوق کا کام کھنچا دور کہ اب مہر مثال

چشم مشتاق لگی جائے ہے طومار کے ساتھ

راہ اس شوخ کی عاشق سے نہیں رک سکتی

جان جاتی ہے چلی خوبی رفتار کے ساتھ

وے دن اب سالتے ہیں راتوں کو برسوں گذرے

جن دنوں دیر رہا کرتے تھے ہم یار کے ساتھ

ذکر گل کیا ہے صبا اب کہ خزاں میں ہم نے

دل کو ناچار لگایا ہے خس و خار کے ساتھ

کس کو ہر دم ہے لہو رونے کا ہجراں میں دماغ

دل کو اک ربط سا ہے دیدئہ خونبار کے ساتھ

میری اس شوخ سے صحبت ہے بعینہ ویسی

جیسے بن جائے کسو سادے کو عیار کے ساتھ

دیکھیے کس کو شہادت سے سر افراز کریں

لاگ تو سب کو ہے اس شوخ کی تلوار کے ساتھ

بے کلی اس کی نہ ظاہر تھی جو تو اے بلبل

دم کش میر ہوئی اس لب و گفتار کے ساتھ

میر تقی میر

تو بھی ہم غافلوں نے آ کے کیا کیا کیا کچھ

اکتوبر 6, 2015میر تقی میر،اساتذہ،غزللکھا،لگا،چلا،وفا،کہا،کیا،گیا،ادا،بنا،تھا،جلا،دیا،رہا،سناadmin

دیوان اول غزل 428

ہم سے کچھ آگے زمانے میں ہوا کیا کیا کچھ

تو بھی ہم غافلوں نے آ کے کیا کیا کیا کچھ

دل جگر جان یہ بھسمنت ہوئے سینے میں

گھر کو آتش دی محبت نے جلا کیا کیا کچھ

کیا کہوں تجھ سے کہ کیا دیکھا ہے تجھ میں میں نے

عشوہ و غمزہ و انداز و ادا کیا کیا کچھ

دل گیا ہوش گیا صبر گیا جی بھی گیا

شغل میں غم کے ترے ہم سے گیا کیا کیا کچھ

آہ مت پوچھ ستمگار کہ تجھ سے تھی ہمیں

چشم لطف و کرم و مہر و وفا کیا کیا کچھ

نام ہیں خستہ و آوارہ و بدنام مرے

ایک عالم نے غرض مجھ کو کہا کیا کیا کچھ

طرفہ صحبت ہے کہ سنتا نہیں تو ایک مری

واسطے تیرے سنا میں نے سنا کیا کیا کچھ

حسرت وصل و غم ہجر و خیال رخ دوست

مر گیا میں پہ مرے جی میں رہا کیا کیا کچھ

درد دل زخم جگر کلفت غم داغ فراق

آہ عالم سے مرے ساتھ چلا کیا کیا کچھ

چشم نمناک و دل پر جگر صد پارہ

دولت عشق سے ہم پاس بھی تھا کیا کیا کچھ

تجھ کو کیا بننے بگڑنے سے زمانے کے کہ یاں

خاک کن کن کی ہوئی صرف بنا کیا کیا کچھ

قبلہ و کعبہ خداوند و ملاذ و مشفق

مضطرب ہو کے اسے میں نے لکھا کیا کیا کچھ

پر کہوں کیا رقم شوق کی اپنے تاثیر

ہر سر حرف پہ وہ کہنے لگا کیا کیا کچھ

ایک محروم چلے میر ہمیں عالم سے

ورنہ عالم کو زمانے نے دیا کیا کیا کچھ

میر تقی میر

کچھ سنی سوختگاں تم خبر پروانہ

اکتوبر 6, 2015میر تقی میر،اساتذہ،غزلاثر،جگر،خبر،سحر،سرadmin

دیوان اول غزل 427

کہتے ہیں اڑ بھی گئے جل کے پر پروانہ

کچھ سنی سوختگاں تم خبر پروانہ

سعی اتنی یہ ضروری ہے اٹھے بزم سلگ

اے جگر تفتگی بے اثر پروانہ

کس گنہ کا ہے پس از مرگ یہ عذر جاں سوز

پائوں پر شمع کے پاتے ہیں سر پروانہ

آ پڑا آگ میں اے شمع یہیں سے تو سمجھ

کس قدر داغ ہوا تھا جگر پروانہ

بزم دنیا کی تو دل سوزی سنی ہو گی میر

کس طرح شام ہوئی یاں سحر پروانہ

میر تقی میر

ناحق ہماری جان لی اچھے ہو واہ واہ

اکتوبر 6, 2015میر تقی میر،اساتذہ،غزلماہ،نگاہ،نباہ،واہ!،گاہ،پناہ،آہ،خوامخواہ،راہ،سیاہadmin

دیوان اول غزل 426

جز جرم عشق کوئی بھی ثابت کیا گناہ

ناحق ہماری جان لی اچھے ہو واہ واہ

اب کیسا چاک چاک ہو دل اس کے ہجر میں

گتھواں تو لخت دل سے نکلتی ہے میری آہ

شام شب وصال ہوئی یاں کہ اس طرف

ہونے لگا طلوع ہی خورشید رو سیاہ

گذرا میں اس سلوک سے دیکھا نہ کر مجھے

برچھی سی لاگ جا ہے جگر میں تری نگاہ

دامان و جیب چاک خرابی و خستگی

ان سے ترے فراق میں ہم نے کیا نباہ

بیتابیوں کو سونپ نہ دینا کہیں مجھے

اے صبر میں نے آن کے لی ہے تری پناہ

خوں بستہ بارے رہنے لگی اب تو یہ مژہ

آنسو کی بوند جس سے ٹپکتی تھی گاہ گاہ

گل سے شگفتہ داغ دکھاتا ہوں تیرے تیں

گر موافقت کرے ہے تنک مجھ سے سال و ماہ

گر منع مجھ کو کرتے ہیں تیری گلی سے لوگ

کیونکر نہ جائوں مجھ کو تو مرنا ہے خوامخواہ

ناحق الجھ پڑا ہے یہ مجھ سے طریق عشق

جاتا تھا میر میں تو چلا اپنی راہ راہ

میر تقی میر

زمین میکدہ یک دست ہے گی آب زدہ

اکتوبر 6, 2015میر تقی میر،اساتذہ،غزلانتخاب،آفتاب،آب،اضطراب،حجابadmin

دیوان اول غزل 425

جو ہوشیار ہو سو آج ہو شراب زدہ

زمین میکدہ یک دست ہے گی آب زدہ

بنے یہ کیونکے ملے تو ہی یا ہمیں سمجھیں

ہم اضطراب زدہ اور تو حجاب زدہ

کرے ہے جس کو ملامت جہاں وہ میں ہی ہوں

اجل رسیدہ جفا دیدہ اضطراب زدہ

جدا ہو رخ سے تری زلف میں نہ کیوں دل جائے

پناہ لیتے ہیں سائے کی آفتاب زدہ

لگا نہ ایک بھی میر اس کی بیت ابرو کو

اگرچہ شعر تھے سب میرے انتخاب زدہ

میر تقی میر

کیا پوچھتے ہو الحمدللہ

اکتوبر 6, 2015میر تقی میر،اساتذہ،غزلماہ،ناف،کوتاہ،گمراہ،افواہ،اللہ،الحمدللہ،آہ،آگاہ،بیگاہ،درگاہ،راہadmin

دیوان اول غزل 424

اب حال اپنا اس کے ہے دل خواہ

کیا پوچھتے ہو الحمدللہ

مر جائو کوئی پروا نہیں ہے

کتنا ہے مغرور اللہ اللہ

پیر مغاں سے بے اعتقادی

استغفر اللہ استغفر اللہ

کہتے ہیں اس کے تو منھ لگے گا

ہو یوں ہی یارب جوں ہے یہ افواہ

حضرت سے اس کی جانا کہاں ہے

اب مر رہے گا یاں بندہ درگاہ

سب عقل کھوئے ہے راہ محبت

ہو خضر دل میں کیسا ہی گمراہ

مجرم ہوئے ہم دل دے کے ورنہ

کس کو کسو سے ہوتی نہیں چاہ

کیا کیا نہ ریجھیں تم نے پچائیں

اچھا رجھایا اے مہرباں آہ

گذرے ہے دیکھیں کیونکر ہماری

اس بے وفا سے نے رسم نے راہ

تھی خواہش دل رکھنا حمائل

گردن میں اس کی ہر گاہ و بیگاہ

اس پر کہ تھا وہ شہ رگ سے اقرب

ہرگز نہ پہنچا یہ دست کوتاہ

ہے ماسوا کیا جو میر کہیے

آگاہ سارے اس سے ہیں آگاہ

جلوے ہیں اس کے شانیں ہیں اس کی

کیا روز کیا خور کیا رات کیا ماہ

ظاہر کہ باطن اول کہ آخر

اللہ اللہ اللہ اللہ

میر تقی میر

پر ہوسکے تو پیارے ٹک دل کا آشنا رہ

اکتوبر 6, 2015میر تقی میر،اساتذہ،غزللگا،چڑھا،ڈھپا،کھنچا،کھڑا،کھا،گیا،پا،ا،آشنا،اٹھا،بندھا،با،جاadmin

دیوان اول غزل 423

جی چاہے مل کسو سے یا سب سے تو جدا رہ

پر ہوسکے تو پیارے ٹک دل کا آشنا رہ

کل بے تکلفی میں لطف اس بدن کا دیکھا

نکلا نہ کر قبا سے اے گل بس اب ڈھپا رہ

عاشق غیور جی دے اور اس طرف نہ دیکھے

وہ آنکھ جو چھپاوے تو تو بھی ٹک کھنچا رہ

پہنچیں گے آگے دیکھیں کس درجہ کو ابھی تو

اس ماہ چاردہ کا سن دس ہے یا کہ بارہ

کھینچا کرے ہے ہر دم کیا تیغ بوالہوس پر

اس ناسزاے خوں کے اتنا نہ سر چڑھا رہ

مستظہر محبت تھا کوہکن وگرنہ

یہ بوجھ کس سے اٹھتا ایک اور ایک گیارہ

ہر مشت خاک یاں کی چاہے ہے اک تامل

بن سوچے راہ مت چل ہر گام پر کھڑا رہ

شاید کہ سربلندی ہووے نصیب تیرے

جوں گرد راہ سب کے پائوں سے تو لگا رہ

اس خط سبز نے کچھ رویت نہ رکھی تیری

کیا ایسی زندگانی جا خضر زہر کھا رہ

حد سے زیادہ واعظ یہ کودنا اچھلنا

کاہے کو جاتے ہیں ہم اے خرس اب بندھا رہ

میں تو ہیں وہم دونوں کیا ہے خیال تجھ کو

جھاڑ آستین مجھ سے ہاتھ آپ سے اٹھا رہ

جیسے خیال مفلس جاتا ہے سو جگہ تو

مجھ بے نوا کے بھی گھر ایک آدھ رات آ رہ

دوڑے بہت ولیکن مطلب کو کون پہنچا

آئندہ تو بھی ہم سا ہوکر شکستہ پا رہ

جب ہوش میں تو آیا اودھر ہی جاتے پایا

اس سے تو میر چندے اس کوچے ہی میں جا رہ

میر تقی میر

شیخ کیوں مست ہوا ہے تو کہاں ہے شیشہ

اکتوبر 6, 2015میر تقی میر،اساتذہ،غزلمغاں،نشاں،یاں،کہاں،گراں،جواں،دہاں،رواںadmin

دیوان اول غزل 422

دل پر خوں ہے یہاں تجھ کو گماں ہے شیشہ

شیخ کیوں مست ہوا ہے تو کہاں ہے شیشہ

شیشہ بازی تو تنک دیکھنے آ آنکھوں کی

ہر پلک پر مرے اشکوں سے رواں ہے شیشہ

روسفیدی ہے نقاب رخ شور مستی

ریش قاضی کے سبب پنبہ دہاں ہے شیشہ

منزل مستی کو پہنچے ہے انھیں سے عالم

نشۂ مے بلد و سنگ نشاں ہے شیشہ

درمیاں حلقۂ مستاں کے شب اس کی جا تھی

دور ساغر میں مگر پیر مغاں ہے شیشہ

جاکے پوچھا جو میں یہ کارگہ مینا میں

دل کی صورت کا بھی اے شیشہ گراں ہے شیشہ

کہنے لاگے کہ کدھر پھرتا ہے بہکا اے مست

ہر طرح کا جو تو دیکھے ہے کہ یاں ہے شیشہ

دل ہی سارے تھے پہ اک وقت میں جو کرکے گداز

شکل شیشے کی بنائے ہیں کہاں ہے شیشہ

جھک گیا دیکھ کے میں میر اسے مجلس میں

چشم بد دور طرحدار جواں ہے شیشہ

میر تقی میر

وہ نمک چھڑکے ہے مزہ ہے یہ

اکتوبر 6, 2015میر تقی میر،اساتذہ،غزلہوا،مدعا،مزہ،نما،کیا،گلہ،انتہا،آشنا،ادا،بلا،جا،رہاadmin

دیوان اول غزل 421

ہم ہیں مجروح ماجرا ہے یہ

وہ نمک چھڑکے ہے مزہ ہے یہ

آگ تھے ابتداے عشق میں ہم

اب جو ہیں خاک انتہا ہے یہ

بود آدم نمود شبنم ہے

ایک دو دم میں پھر ہوا ہے یہ

شکر اس کی جفا کا ہو نہ سکا

دل سے اپنے ہمیں گلہ ہے یہ

شور سے اپنے حشر ہے پردہ

یوں نہیں جانتا کہ کیا ہے یہ

بس ہوا ناز ہو چکا اغماض

ہر گھڑی ہم سے کیا ادا ہے یہ

نعشیں اٹھتی ہیں آج یاروں کی

آن بیٹھو تو خوش نما ہے یہ

دیکھ بے دم مجھے لگا کہنے

ہے تو مردہ سا پر بلا ہے یہ

میں تو چپ ہوں وہ ہونٹ چاٹے ہے

کیا کہوں ریجھنے کی جا ہے یہ

ہے رے بیگانگی کبھو ان نے

نہ کہا یہ کہ آشنا ہے یہ

تیغ پر ہاتھ دم بہ دم کب تک

اک لگا چک کہ مدعا ہے یہ

میر کو کیوں نہ مغتنم جانے

اگلے لوگوں میں اک رہا ہے یہ

میر تقی میر

دلیل اس کی نمایاں ہے مری آنکھیں ہیں خوں بستہ

اکتوبر 6, 2015میر تقی میر،اساتذہ،غزلوابستہ،وارستہ،گلدستہ،پستہ،آہستہ،برجستہ،بستہadmin

دیوان اول غزل 420

جگر لوہو کو ترسے ہے میں سچ کہتا ہوں دل خستہ

دلیل اس کی نمایاں ہے مری آنکھیں ہیں خوں بستہ

چمن میں دل خراش آواز آتی ہے چلی شاید

پس دیوار گلشن نالہ کش ہے کوئی پر بستہ

جگر سوزاں و دل بریاں برہنہ پا و سرقرباں

تجاوز کیا کروں اس سے کہ ان ہی کا ہوں وابستہ

ترے کوچے میں یکسر عاشقوں کے خارمژگاں ہیں

جو تو گھر سے کبھو نکلے تو رکھیو پائوں آہستہ

مرے آگے نہیں ہنستا تو آ اک صلح کرتا ہوں

بھلا میں روئوں دو دریا تبسم کر تو یک پستہ

تعجب ہے مجھے یہ سرو کو آزاد کہتے ہیں

سراپا دل کی صورت جس کی ہو وہ کیا ہو وارستہ

تری گل گشت کی خاطر بنا ہے باغ داغوں سے

پرطائوس سینہ ہے تمامی دست گلدستہ

بجا ہے گر فلک پر فخر سے پھینکے کلاہ اپنی

کہے جو اس زمیں میں میر یک مصراع برجستہ

میر تقی میر

ہم بے گنہ اس کے ہیں گنہگار ہمیشہ

اکتوبر 6, 2015میر تقی میر،اساتذہ،غزلیار،گنہگار،بیمار،بار،خریدار،دیدار،دشوارadmin

دیوان اول غزل 419

سو ظلم کے رہتے ہیں سزاوار ہمیشہ

ہم بے گنہ اس کے ہیں گنہگار ہمیشہ

ایک آن گذر جائے تو کہنے میں کچھ آوے

درپیش ہے یاں مردن دشوار ہمیشہ

دشمن کو نہ کیوں شرب مدام آوے میسر

رہتی ہے ادھر ہی نگہ یار ہمیشہ

یوسف سے کئی آن کے تیرے سر بازار

بک جاتے ہیں باتوں میں خریدار ہمیشہ

ہے دامن گل چین چمن جیب ہمارا

دنیا میں رہے دیدئہ خوں بار ہمیشہ

جو بن ترے دیکھے موا دوزخ میں ہے یعنی

رہتی ہے اسے حسرت دیدار ہمیشہ

جینا ہے تو بے طاقتی و بے خودی ہے میر

مردہ ہے غرض عشق کا بیمار ہمیشہ

میر تقی میر

جو نہ مانو تو انتہا لے تو

اکتوبر 6, 2015میر تقی میر،اساتذہ،غزلتوadmin

دیوان اول غزل 418

عشق میں مرگ ابتدا لے تو

جو نہ مانو تو انتہا لے تو

میر تقی میر

مجروح دل کو میرے کانٹوں میں مت گھسیٹو

اکتوبر 6, 2015میر تقی میر،اساتذہ،غزلگھسیٹوadmin

دیوان اول غزل 417

لائق نہیں تمھارے مژگان خوش نگاہاں

مجروح دل کو میرے کانٹوں میں مت گھسیٹو

میر تقی میر

خانہ بہ خانہ در بہ در شہر بہ شہر کو بہ کو

اکتوبر 6, 2015میر تقی میر،اساتذہ،غزلکوadmin

دیوان اول غزل 416

جیسے نسیم ہر سحر تیری کروں ہوں جستجو

خانہ بہ خانہ در بہ در شہر بہ شہر کو بہ کو

میر تقی میر

دل بھر رہا ہے خوب ہی روئوں گا دیکھیو

اکتوبر 6, 2015میر تقی میر،اساتذہ،غزلدیکھیوadmin

دیوان اول غزل 415

نور نظر کو کھوکے میں سوئوں گا دیکھیو

دل بھر رہا ہے خوب ہی روئوں گا دیکھیو

میر تقی میر

میر کے یار کی طرح دیکھو

اکتوبر 6, 2015میر تقی میر،اساتذہ،غزلدیکھوadmin

دیوان اول غزل 414

فاتحہ کو نہ آیا بعد از مرگ

میر کے یار کی طرح دیکھو

میر تقی میر

جو کچھ کہ تم سے ہوسکے تقصیر مت کرو

اکتوبر 6, 2015میر تقی میر،اساتذہ،غزلتقصیر،دلگیرadmin

دیوان اول غزل 413

اس بے گنہ کے قتل میں اب دیر مت کرو

جو کچھ کہ تم سے ہوسکے تقصیر مت کرو

ایفاے عہد قتل تو تم کرکے سچے ہو

اتنے بھی خلف وعدہ سے دلگیر مت کرو

میر تقی میر

ٹک اک خاطر خواب صیاد کیجو

اکتوبر 6, 2015میر تقی میر،اساتذہ،غزلفرہاد،یاد،آزاد،جلاد،شاد،صیادadmin

دیوان اول غزل 412

نہ آ دام میں مرغ فریاد کیجو

ٹک اک خاطر خواب صیاد کیجو

یہ تہمت بڑی ہے کہ مر گئی ہے شیریں

تحمل ٹک اے مرگ فرہاد کیجو

غم گل میں مرتا ہوں اے ہم صفیرو

چمن میں جو جائو مجھے یاد کیجو

رہائی مری مدعی ضعف سے ہے

تو صیاد مجھ کو نہ آزاد کیجو

مرے روبرو آئینہ لے کے ظالم

دم واپسیں میں تو تو شاد کیجو

جدا تن سے کرتے ہی پامال کرنا

یہ احساں مرے سر پہ جلاد کیجو

میر تقی میر

وہی دور ہو تو وہی پھر نہ آ تو

اکتوبر 6, 2015میر تقی میر،اساتذہ،غزلوفا،ا،خدا،رہا،صباadmin

دیوان اول غزل 411

وہی مجھ پہ غصہ وہی یاں سے جاتو

وہی دور ہو تو وہی پھر نہ آ تو

مرے اس کے وعدہ ملاقات کا ہے

کوئی روز اے عمر کیجو وفا تو

بہت پوچھیو دل کو میری طرف سے

اگر جائے اس کی گلی میں صبا تو

سفینہ مرا ورطۂ غم سے نکلے

جو ٹک ناخدائی کرے اے خدا تو

سب اسباب ہجراں میں مرنے ہی کے تھے

بھلا میر کیونکر کے جیتا رہا تو

میر تقی میر

نومیدیاں ہیں کتنی ہی مہمان آرزو

اکتوبر 6, 2015میر تقی میر،اساتذہ،غزلمہمان،ایمان،جان،دیوان،دامانadmin

دیوان اول غزل 410

آنکھوں سے دل تلک ہیں چنے خوان آرزو

نومیدیاں ہیں کتنی ہی مہمان آرزو

یک چشم اس طرف بھی تو کافر کہ تو ہی ہے

دین نگاہ حسرت و ایمان آرزو

آیا تو اور رنگ رخ یاس چل بسا

جانے لگا تو چلنے لگی جان آرزو

اس مجہلے کو سیر کروں کب تلک کہ ہے

دست ہزار حسرت و دامان آرزو

پامال یاس آہ کہاں تک رہوں گا میر

سرمشق کیوں کیا تھا میں دیوان آرزو

میر تقی میر

اب کار شوق اپنا پہنچا ہے یاں تلک تو

اکتوبر 6, 2015میر تقی میر،اساتذہ،غزلیاں،کارواں،گلستاں،آسماں،آستاں،داستاں،زباںadmin

دیوان اول غزل 409

اجرت میں نامہ کی ہم دیتے ہیں جاں تلک تو

اب کار شوق اپنا پہنچا ہے یاں تلک تو

آغشتہ میرے خوں سے اے کاش جاکے پہنچے

کوئی پر شکستہ ٹک گلستاں تلک تو

واماندگی نے مارا اثناے رہ میں ہم کو

معلوم ہے پہنچنا اب کارواں تلک تو

افسانہ غم کا لب تک آیا ہے مدتوں میں

سو جائیو نہ پیارے اس داستاں تلک تو

آوارہ خاک میری ہو کس قدر الٰہی

پہنچوں غبار ہوکر میں آسماں تلک تو

آنکھوں میں اشک حسرت اور لب پہ شیون آیا

اے حرف شوق تو بھی آیا زباں تلک تو

اے کاش خاک ہی ہم رہتے کہ میر اس میں

ہوتی ہمیں رسائی اس آستاں تلک تو

میر تقی میر

عشق کیسا جس میں اتنی روسیاہی بھی نہ ہو

اکتوبر 6, 2015میر تقی میر،اساتذہ،غزلنگاہی،کلاہی،گواہی،پناہی،خواہی،روسیاہی،سپاہیadmin

دیوان اول غزل 408

کیا ہے گر بدنامی و حالت تباہی بھی نہ ہو

عشق کیسا جس میں اتنی روسیاہی بھی نہ ہو

لطف کیا آزردہ ہوکر آپ سے ملنے کے بیچ

ٹک تری جانب سے جب تک عذر خواہی بھی نہ ہو

چاہتا ہے جی کہ ہم تو ایک جا تنہا ملیں

ناز بے جا بھی نہ ہووے کم نگاہی بھی نہ ہو

مجمع ترکاں ہے کوئی دیکھیو جاکر کہیں

جس کا میں کشتہ ہوں اس میں وہ سپاہی بھی نہ ہو

مجھ کو آوارہ جو رکھتا ہے مگر چاہے ہے چرخ

ماتم آسائش غفراں پناہی بھی نہ ہو

نازبرداری تری کرتے تھے اک امید پر

راستی ہم سے نہیں تو کج کلاہی بھی نہ ہو

یہ دعا کی تھی تجھے کن نے کہ بہر قتل میر

محضر خونیں پہ تیرے اک گواہی بھی نہ ہو

میر تقی میر

کیا آفت آگئی مرے اس دل کی تاب کو

اکتوبر 6, 2015میر تقی میر،اساتذہ،غزلآفتاب،آب،تاب،جواب،خواب،خراب،شرابadmin

دیوان اول غزل 407

فرصت نہیں تنک بھی کہیں اضطراب کو

کیا آفت آگئی مرے اس دل کی تاب کو

میری ہی چشم تر کی کرامات ہے یہ سب

پھرتا تھا ورنہ ابر تو محتاج آب کو

گذری ہے شب خیال میں خوباں کے جاگتے

آنکھیں لگا کے اس سے میں ترسوں ہوں خواب کو

خط آگیا پر اس کا تغافل نہ کم ہوا

قاصد مرا خراب پھرے ہے جواب کو

تیور میں جب سے دیکھے ہیں ساقی خمار کے

پیتا ہوں رکھ کے آنکھوں پہ جام شراب کو

اب تو نقاب منھ پہ لے ظالم کہ شب ہوئی

شرمندہ سارے دن تو کیا آفتاب کو

کہنے سے میر اور بھی ہوتا ہے مضطرب

سمجھائوں کب تک اس دل خانہ خراب کو

میر تقی میر

ایک دم چھوڑ دو یوں ہی مجھے اب مت پوچھو

اکتوبر 6, 2015میر تقی میر،اساتذہ،غزلاب،ادب،شب،عجب،غضبadmin

دیوان اول غزل 406

محرماں بے دمی کا میری سبب مت پوچھو

ایک دم چھوڑ دو یوں ہی مجھے اب مت پوچھو

گریۂ شمع کا اے ہم نفساں میں تھا حریف

گذری ہے رات کی صحبت بھی عجب مت پوچھو

سر پر شور سے میرے نہ کرو کوئی سوال

حشر تھے داخل خدام ادب مت پوچھو

لب پہ شیون مژہ پر خون و نگہ میں اک یاس

دن گیا ہجر کا جس ڈھنگ سے شب مت پوچھو

میرصاحب نئی یہ طرز ہو اس کی تو کہوں

موجب آزردگی کا وجہ غضب مت پوچھو

میر تقی میر

جی ہی جانے ہے آہ مت پوچھو

اکتوبر 6, 2015میر تقی میر،اساتذہ،غزلگناہ،آہ،خواہ،راہ،سیاہ،سپاہadmin

دیوان اول غزل 405

اس کی طرز نگاہ مت پوچھو

جی ہی جانے ہے آہ مت پوچھو

کہیں پہنچوگے بے رہی میں بھی

گمرہاں یوں یہ راہ مت پوچھو

نوگرفتار دام زلف اس کا

ہے یہی رو سیاہ مت پوچھو

ہیں گی برگشتہ وے صف مژگاں

پھر گئی ہے سپاہ مت پوچھو

تھا کرم پر اسی کے شرب مدام

میرے اعمال آہ مت پوچھو

تم بھی اے مالکان روز جزا

بخش دو اب گناہ مت پوچھو

میر عاشق کو کچھ کہے ہی بنے

خواہ وہ پوچھو خواہ مت پوچھو

میر تقی میر

ٹکڑے ٹکڑے ہوا جاتا ہے جگر مت پوچھو

اکتوبر 6, 2015میر تقی میر،اساتذہ،غزلہنر،بتر،جگر،خبر،دگر،سفر،شکرadmin

دیوان اول غزل 404

نالۂ شب نے کیا ہے جو اثر مت پوچھو

ٹکڑے ٹکڑے ہوا جاتا ہے جگر مت پوچھو

پوچھتے کیا ہو مرے دل کا تم احوال کہ ہے

جیسے بیمار اجل روز بتر مت پوچھو

مرنے میں بند زباں ہونا اشارت ہے ندیم

یعنی ہے دور کا درپیش سفر مت پوچھو

کیا پھرے وہ وطن آوارہ گیا اب سو گیا

دل گم کردہ کی کچھ خیر خبر مت پوچھو

لذت زہر غم فرقت دلداراں سے

ہووے منھ میں جنھوں کے شہد و شکر مت پوچھو

دل خراشی و جگر چاکی و سینہ کاوی

اپنے ناحق میں ہیں سب اور ہنر مت پوچھو

جوں توں کر حال دل اک بار تو میں عرض کیا

میر صاحب جی بس اب بار دگر مت پوچھو

میر تقی میر

اس ستم کشتہ پہ جو گذری جفا مت پوچھو

اکتوبر 6, 2015میر تقی میر،اساتذہ،غزلہوا،کہا،گیا،جفا،جلا،دعا،رہاadmin

دیوان اول غزل 403

حال دل میر کا اے اہل وفا مت پوچھو

اس ستم کشتہ پہ جو گذری جفا مت پوچھو

صبح سے اور بھی پاتا ہوں اسے شام کو تند

کام کرتی ہے جو کچھ میری دعا مت پوچھو

استخواں توڑے مرے اس کی گلی کے سگ نے

جس خرابی سے میں واں رات رہا مت پوچھو

ہوش و صبر و خرد و دین و حواس و دل و تاب

اس کے ایک آنے میں کیا کیا نہ گیا مت پوچھو

اشتعالک کی محبت نے کہ دربست پھنکا

شہر دل کیا کہوں کس طور جلا مت پوچھو

وقت قتل آرزوے دل جو لگے پوچھنے لوگ

میں اشارت کی ادھر ان نے کہا مت پوچھو

خواہ مارا انھیں نے میر کو خواہ آپ موا

جانے دو یارو جو ہونا تھا ہوا مت پوچھو

میر تقی میر

دیکھا کریں ہیں ساتھ ترے یار ایک دو

اکتوبر 6, 2015میر تقی میر،اساتذہ،غزلناچار،وار،یار،گرفتار،بیمار،تلوار،خوارadmin

دیوان اول غزل 402

کرتے بیاں جو ہوتے خریدار ایک دو

دیکھا کریں ہیں ساتھ ترے یار ایک دو

قید حیات قید کوئی سخت ہے کہ روز

مر رہتے ہیں گے اس کے گرفتار ایک دو

کس کس پہ اس کو ہووے نظر یاں ہر ایک شب

جی دیں ہیں اس کی چشم کے بیمار ایک دو

تو تو دوچار ہوکے گیا کب کا یاں ہنوز

گذریں ہیں اپنی جان سے ناچار ایک دو

ابروے تیغ زن کی تمھارے تو کیا چلی

کردے ہے جس کا لاگتے ہی وار ایک دو

ٹک چشم میں بھی سرمے کا دنبالہ کھینچیے

اس مست کے بھی ہاتھ میں تلوار ایک دو

کیا کیا عزیز دوست ملے میر خاک میں

کچھ اس گلی میں ہم ہی نہیں خوار ایک دو

میر تقی میر

کوئی تو چاہیے جی بھی نیاز کرنے کو

اکتوبر 6, 2015میر تقی میر،اساتذہ،غزلنماز،نیاز،ناز،گداز،امتیاز،احتراز،باز،تاز،دراز،راز،سازadmin

دیوان اول غزل 401

جو میں نہ ہوں تو کرو ترک ناز کرنے کو

کوئی تو چاہیے جی بھی نیاز کرنے کو

نہ دیکھو غنچۂ نرگس کی اور کھلتے میں

جو دیکھو اس کی مژہ نیم باز کرنے کو

نہ سوئے نیند بھر اس تنگنا میں تا نہ موئے

کہ آہ جا نہ تھی پا کے دراز کرنے کو

جو بے دماغی یہی ہے تو بن چکی اپنی

دماغ چاہیے ہر اک سے ساز کرنے کو

وہ گرم ناز ہو تو خلق پر ترحم کر

پکارے آپ اجل احتراز کرنے کو

جو آنسو آویں تو پی جا کہ تا رہے پردہ

بلا ہے چشم تر افشاے راز کرنے کو

سمند ناز سے تیرے بہت ہے عرصہ تنگ

تنک تو ترک کر اس ترک تاز کرنے کو

بسان زر ہے مرا جسم زار سارا زرد

اثر تمام ہے دل کے گداز کرنے کو

ہنوز لڑکے ہو تم قدر میری کیا جانو

شعور چاہیے ہے امتیاز کرنے کو

اگرچہ گل بھی نمود اس کے رنگ کرتا ہے

ولیک چاہیے ہے منھ بھی ناز کرنے کو

زیادہ حد سے تھی تابوت میر پر کثرت

ہوا نہ وقت مساعد نماز کرنے کو

میر تقی میر

لے گئی ہیں دور تڑپیں سایۂ دیوار کو

اکتوبر 6, 2015میر تقی میر،اساتذہ،غزلہشیار،یار،کہسار،بیمار،خار،دیوار،دیدارadmin

دیوان اول غزل 400

دیکھتا ہوں دھوپ ہی میں جلنے کے آثار کو

لے گئی ہیں دور تڑپیں سایۂ دیوار کو

باب صحت ہے وگرنہ کون کہتا ہے طبیب

جلد اٹھائو میرے دروازے سے اس بیمار کو

حشر پہ موقوف تھا سو تو نظر آیا نہ یاں

کیا بلا درپیش آئی وعدئہ دیدار کو

وے جو مست بے خودی ہیں عیش کرتے ہیں مدام

میکدے میں دہر کے مشکل ہے ٹک ہشیار کو

نقش شیریں یادگار کوہکن ہے اس میں خوب

ورنہ کیا ہے بے ستوں دیکھا ہے میں کہسار کو

کس قدر الجھیں ہیں میرے تار دامن کے کہ اب

پائوں میں گڑ کر نہیں چبھنے کی فرصت خار کو

ہے غبار میر اس کے رہگذر میں یک طرف

کیا ہوا دامن کشاں آتے بھی یاں تک یار کو

میر تقی میر

کچھ ہم نے کی ہے ایسی ہی تقصیر کیوں نہ ہو

اکتوبر 6, 2015میر تقی میر،اساتذہ،غزلمیر،گیر،تقصیر،تیر،تصویر،زنجیرadmin

دیوان اول غزل 399

ہر دم وہ شوخ دست بہ شمشیر کیوں نہ ہو

کچھ ہم نے کی ہے ایسی ہی تقصیر کیوں نہ ہو

اب تو جگر کو ہم نے بلا کا ہدف کیا

انداز اس نگاہ کا پھر تیر کیوں نہ ہو

جاتا تو ہے کہیں کو تو اے کاروان مصر

کنعاں ہی کی طرف کو یہ شب گیر کیوں نہ ہو

حیراں ہیں اس قدر کہ اگر اب کے جایئے

پھر منھ ترا نہ دیکھیے تصویر کیوں نہ ہو

تونے تو رفتہ رفتہ کیا ہم کو ننگ خلق

وحشت دلا کہاں تئیں زنجیر کیوں نہ ہو

جوں گل کسو شگفتہ طبیعت کا ہے نشاں

غنچہ بھی کوئی خاطردل گیر کیوں نہ ہو

ہووے ہزار وحشت اسے تو بھی یار ہے

اغیار تیرے ساتھ جو ہوں میر کیوں نہ ہو

میر تقی میر

ویسا ہے پھول فرض کیا حور کیوں نہ ہو

اکتوبر 6, 2015میر تقی میر،اساتذہ،غزلمذکور،مستور،مشہور،معذور،مغرور،چور،ناسور،حور،دور،زنبورadmin

دیوان اول غزل 398

ایسا ہے ماہ گو کہ وہ سب نور کیوں نہ ہو

ویسا ہے پھول فرض کیا حور کیوں نہ ہو

کھویا ہمارے ہاتھ سے آئینے نے اسے

ایسا جو پاوے آپ کو مغرور کیوں نہ ہو

حق برطرف ہے منکر دیدار یار کے

جو شخص ہووے آنکھوں سے معذور کیوں نہ ہو

گیسوے مشک بو کو اسے ضد ہے کھولنا

پھر زخم دل فگاروں کا ناسور کیوں نہ ہو

صورت تو تیری صفحۂ خاطر پہ نقش ہے

ظاہر میں اب ہزار تو مستور کیوں نہ ہو

صافی شست سے ہے غرض مشق تیر سے

سینہ کسو کا خانۂ زنبور کیوں نہ ہو

مجنوں جو دشت گرد تھا ہم شہر گرد ہیں

آوارگی ہماری بھی مذکور کیوں نہ ہو

تلوار کھینچتا ہے وہ اکثر نشے کے بیچ

زخمی جو اس کے ہاتھ کا ہو چور کیوں نہ ہو

خالی نہیں بغل کوئی دیوان سے مرے

افسانہ عشق کا ہے یہ مشہور کیوں نہ ہو

مجھ کو تو یہ قبول ہوا عشق میں کہ میر

پاس اس کے جب گیا تو کہا دور کیوں نہ ہو

میر تقی میر

ناسور چشم ہو مژہ خوں بار کیوں نہ ہو

اکتوبر 6, 2015میر تقی میر،اساتذہ،غزلآزار،بیمار،بار،خریدار،دیدار،زنار،زار،سزاوارadmin

دیوان اول غزل 397

عاشق ہوئے تو گو غم بسیار کیوں نہ ہو

ناسور چشم ہو مژہ خوں بار کیوں نہ ہو

کامل ہو اشتیاق تو اتنا نہیں ہے دور

حشر دگر پہ وعدئہ دیدار کیوں نہ ہو

گل گشت کا بھی لطف دل خوش سے ہے نسیم

پیش نظر وگرنہ چمن زار کیوں نہ ہو

مخصوص دل ہے کیا مرض عشق جاں گداز

اے کاش اس کو اور کچھ آزار کیوں نہ ہو

آوے جو کوئی آئینہ بازار دہر میں

بارے متاع دل کا خریدار کیوں نہ ہو

مقصود درد دل ہے نہ اسلام ہے نہ کفر

پھر ہر گلے میں سجہ و زنار کیوں نہ ہو

شاید کہ آوے پرسش احوال کو کبھو

عاشق بھلا سا ہووے تو بیمار کیوں نہ ہو

تلوار کے تلے بھی ہیں آنکھیں تری ادھر

تو اس ستم کا میر سزاوار کیوں نہ ہو

میر تقی میر

آئینہ ہو تو قابل دیدار کیوں نہ ہو

اکتوبر 6, 2015میر تقی میر،اساتذہ،غزلکار،گنہگار،اقرار،بیدار،بار،دیوار،دیدار،دشوار،عیارadmin

دیوان اول غزل 396

دل صاف ہو تو جلوہ گہ یار کیوں نہ ہو

آئینہ ہو تو قابل دیدار کیوں نہ ہو

عالم تمام اس کا گرفتار کیوں نہ ہو

وہ ناز پیشہ ایک ہے عیار کیوں نہ ہو

مستغنیانہ تو جو کرے پہلے ہی سلوک

عاشق کو فکر عاقبت کار کیوں نہ ہو

رحمت غضب میں نسبت برق و سحاب ہے

جس کو شعور ہو تو گنہگار کیوں نہ ہو

دشمن تو اک طرف کہ سبب رشک کا ہے یاں

در کا شگاف و رخنۂ دیوار کیوں نہ ہو

آیات حق ہیں سارے یہ ذرات کائنات

انکار تجھ کو ہووے سو اقرار کیوں نہ ہو

ہر دم کی تازہ مرگ جدائی سے تنگ ہوں

ہونا جو کچھ ہے آہ سو یک بار کیوں نہ ہو

موے سفید ہم کو کہے ہے کہ غافلاں

اب صبح ہونے آئی ہے بیدار کیوں نہ ہو

نزدیک اپنے ہم نے تو سب کر رکھا ہے سہل

پھر میر اس میں مردن دشوار کیوں نہ ہو

میر تقی میر

ہم فراموش ہوؤں کو بھی کبھو یاد کرو

اکتوبر 6, 2015میر تقی میر،اساتذہ،غزلفرہاد،فریاد،یاد،آباد،شاد،صیادadmin

ؤدیوان اول غزل 395

کون کہتا ہے نہ غیروں پہ تم امداد کرو

ہم فراموش ہوؤں کو بھی کبھو یاد کرو

ہیں کہاں مجھ سے وفا پیشہ نہ بیداد کرو

نہ کرو ایسا کہ پھر میرے تئیں یاد کرو

ایسے ہم پیشہ کہاں ہوتے ہیں اے غم زدگاں

مرگ مجنوں پہ کڑھو ماتم فرہاد کرو

اے اسیران تہ دام نہ تڑپو اتنا

تا نہ بدنام کہیں چنگل صیاد کرو

گوکہ حیرانی دیدار ہے اے آہ و سرشک

کوئی روشن کرو آنکھیں کوئی دل شاد کرو

زاہداں دیتے نشاں ان بتوں کا ڈرتا ہوں

توڑ کر کعبہ کہیں دیر نہ آباد کرو

کیا ہوا ہے ابھی تو ہستی ہی کو بھولے ہو

آخرکار محبت کو ٹک اک یاد کرو

اول عشق ہی میں میر جی تم رونے لگے

خاک ابھی منھ کو ملو نالہ و فریاد کرو

میر تقی میر

جنس تقویٰ کے تئیں صرف مئے خام کرو

اکتوبر 6, 2015میر تقی میر،اساتذہ،غزلکام،انجام،انعام،ایام،آرام،اکرام،ابرام،بدنام،خام،دشنام،شامadmin

دیوان اول غزل 394

شیخ جی آئو مصلیٰ گرو جام کرو

جنس تقویٰ کے تئیں صرف مئے خام کرو

فرش مستاں کرو سجادئہ بے تہ کے تئیں

مے کی تعظیم کرو شیشے کا اکرام کرو

دامن پاک کو آلودہ رکھو بادے سے

آپ کو مغبچوں کے قابل دشنام کرو

نیک نامی و تقاوت کو دعا جلد کہو

دین و دل پیش کش سادئہ خود کام کرو

ننگ و ناموس سے اب گذرو جوانوں کی طرح

پر فشانی کرو اور ساقی سے ابرام کرو

خوب اگر جرعۂ مے نوش نہیں کرسکتے

خاطر جمع مے آشام سے یہ کام کرو

اٹھ کھڑے ہو جو جھکے گردن میناے شراب

خدمت بادہ گساراں ہی سر انجام کرو

مطرب آکر جو کرے چنگ نوازی تو تم

پیرہن مستوں کی تقلید سے انعام کرو

خنکی اتنی بھی تو لازم نہیں اس موسم میں

پاس جوش گل و دل گرمی ایام کرو

سایۂ گل میں لب جو پہ گلابی رکھو

ہاتھ میں جام کو لو آپ کو بدنام کرو

آہ تا چند رہو خانقہ و مسجد میں

ایک تو صبح گلستان میں بھی شام کرو

رات تو ساری گئی سنتے پریشاں گوئی

میر جی کوئی گھڑی تم بھی تو آرام کرو

میر تقی میر

قد قامت یہ کچھ ہے تمھارا لیکن قہر قیامت ہو

اکتوبر 6, 2015میر تقی میر،اساتذہ،غزلقیامت،قامت،قدامت،ملامت،مت،اقامت،حجامت،سلامت،شامت،علامتadmin

دیوان اول غزل 393

مت پوچھو کچھ اپنی باتیں کہیے تو تم کو ندامت ہو

قد قامت یہ کچھ ہے تمھارا لیکن قہر قیامت ہو

ربط اخلاص اے دیدہ و دل بھی دنیا میں ایک سے ہوتا ہے

لگ پڑتے ہو جس سے تس سے تم بھی کوئی ملامت ہو

آج سحر ہوتے ہی کچھ خورشید ترے منھ آن چڑھا

روک سکے ہے کون اسے سر جس کے ایسی شامت ہو

چاہ کا دعویٰ سب کرتے ہیں مانیے کیونکر بے آثار

اشک کی سرخی زردی منھ کی عشق کی کچھ تو علامت ہو

سرو و گل اچھے ہیں دونوں رونق ہیں گلزار کی ایک

چاہیے رو اس کا سا رو ہو قامت ویسا قامت ہو

مل بیٹھے اس نائی کے سے کوئی گھڑی جو زاہد تو

جتنے بال ہیں سارے سر میں ویسی ہی اس کی حجامت ہو

ہو جو ارادہ یاں رہنے کا رہ سکیے تو رہیے آپ

ہم تو چلے جاتے ہیں ہر دم کس کو قصد اقامت ہو

کس مدت سے دوری میں تیری خاک رہ سے برابر ہوں

کریے رنجہ قدم ٹک مجھ تک جو کچھ پاس قدامت ہو

منھ پر اس کی تیغ ستم کے سیدھا جانا ٹھہرا ہے

جینا پھر کج دار و مریز اس طور میں ہو ٹک یا مت ہو

شور و شغب کو راتوں کے ہمسائے تمھارے کیا روویں

ایسے فتنے کتنے اٹھیں گے میر جی تم جو سلامت ہو

میر تقی میر

اور رسوائی کا اندیشہ جدا رکھتا ہو

اکتوبر 6, 2015میر تقی میر،اساتذہ،غزللگا،مزہ،چھپا،کہا،پا،ادا،بنا،جدا،حیا،دوا،دعاadmin

دیوان اول غزل 392

وہی جانے جو حیا کشتہ وفا رکھتا ہو

اور رسوائی کا اندیشہ جدا رکھتا ہو

کام لے یار سے جو جذب رسا رکھتا ہو

یا کوئی آئینہ ساں دست دعا رکھتا ہو

عشق کو نفع نہ بیتابی کرے ہے نہ شکیب

کریے تدبیر جو یہ درد دوا رکھتا ہو

میں نے آئینہ صفت در نہ کیا بند غرض

اس کو مشکل ہے جو آنکھوں میں حیا رکھتا ہو

ہائے اس زخمی شمشیر محبت کا جگر

درد کو اپنے جو ناچار چھپا رکھتا ہو

اس سے تشبیہ تو دیتے ہیں یہ ناشاعر لیک

سیب کچھ اس ذقن آگے جو مزہ رکھتا ہو

آوے ہے پہلے قدم سر ہی کا جانا درپیش

دیکھتا ہو جو رہ عشق میں پا رکھتا ہو

ایسے تو حال کے کہنے سے بھلی خاموشی

کہیے اس سے جو کوئی اپنا کہا رکھتا ہو

کیا کرے وصل سے مایوس دل آزردہ جو

زخم ہی یار کا چھاتی سے لگا رکھتا ہو

کب تلک اس کے اسیران بلا خانہ خراب

ظلم کی تازہ جو ہر روز بنا رکھتا ہو

ایک دم کھول کے زلفوں کی کمندوں کے تئیں

مدتوں تک دل عاشق کو لگا رکھتا ہو

گل ہو مہتاب ہو آئینہ ہو خورشید ہو میر

اپنا محبوب وہی ہے جو ادا رکھتا ہو

میر تقی میر

آنکھ اٹھاکر جب دیکھے ہیں اوروں میں ہنستے جاتے ہو

اکتوبر 6, 2015میر تقی میر،اساتذہ،غزللاتے،ماتے،چلاتے،آتے،اٹھاتے،بتاتے،جاتے،دکھلاتےadmin

دیوان اول غزل 391

ہم سے تو تم کو ضد سی پڑی ہے خواہ نخواہ رلاتے ہو

آنکھ اٹھاکر جب دیکھے ہیں اوروں میں ہنستے جاتے ہو

جب ملنے کا سوال کروں ہوں زلف و رخ دکھلاتے ہو

برسوں مجھ کو یوں ہی گذرے صبح و شام بتاتے ہو

بکھری رہیں ہیں منھ پر زلفیں آنکھ نہیں کھل سکتی ہے

کیونکے چھپے مے خواری شب جب ایسے رات کے ماتے ہو

سرو تہ و بالا ہوتا ہے درہم برہم شاخ گل

ناز سے قد کش ہوکے چمن میں ایک بلا تم لاتے ہو

صبح سے یاں پھر جان و دل پر روز قیامت رہتی ہے

رات کبھو آ رہتے ہو تو یہ دن ہم کو دکھلاتے ہو

جن نے تم کو نہ دیکھا ہووے اس سے آنکھیں مارو تم

ایک نگاہ مفتن کر تم سو سو فتنے اٹھاتے ہو

چشم تو ہے اک دید کی جا پر کب تکلیف کے لائق ہے

دل جو ہے دلچسپ مکاں تم اس میں کب کب آتے ہو

راحت پہنچی ٹک تم سے تو رنج اٹھایا برسوں تک

سر سہلاتے ہو جو کبھو تو بھیجا بھی کھا جاتے ہو

ہو کے گداے کوے محبت زور صدا یہ نکالی ہے

اب تو میر جی راتوں کو تم ہر در پر چلاتے ہو

میر تقی میر

پھر مر بھی جایئے تو کسو کو خبر نہ ہو

اکتوبر 6, 2015میر تقی میر،اساتذہ،غزلنظر،کمر،کدھر،پر،اگر،اثر،ادھر،تر،جگر،جدھر،خبر،رہگذر،زبر،سرadmin

دیوان اول غزل 390

نالہ مرا اگر سبب شور و شر نہ ہو

پھر مر بھی جایئے تو کسو کو خبر نہ ہو

دل پر ہوا سو آہ کے صدمے سے ہو چکا

ڈرتا ہوں یہ کہ اب کہیں ٹکڑے جگر نہ ہو

برچھی سی پار عرش کے گذری نہ عاقبت

آہ سحر میں میری کہاں تک اثر نہ ہو

سمجھا ہوں تیری آنکھ چھپانے سے خوش نگاہ

مدنظر یہ ہے کہ کسی کی نظر نہ ہو

کھینچے ہے دل کو زلف سے گاہے نگہ سے گاہ

حیراں نہ ہووے کوئی تو اس طرز پر نہ ہو

سو دل سے بھی نہ کام چلے اس کے عشق میں

اک دل رکھوں ہوں میں تو کدھر ہو کدھر نہ ہو

جس راہ ہو کے آج میں پہنچا ہوں تجھ تلک

کافر کا بھی گذار الٰہی ادھر نہ ہو

یک جا نہ دیکھی آنکھوں سے ایسی تمام راہ

جس میں بجائے نقش قدم چشم تر نہ ہو

ہر یک قدم پہ لوگ ڈرانے لگے مجھے

ہاں یاں کسو شہیدمحبت کا سر نہ ہو

چلیو سنبھل کے سب یہ شہیدان عشق ہیں

تیرا گذار تاکہ کسو نعش پر نہ ہو

دامن کشاں ہی جا کہ طپش پر طپش ہے دفن

زنہار کوئی صدمے سے زیر و زبر نہ ہو

مضطر ہو اختیار کی وہ شکل دل میں میں

اس راہ ہو کے جائوں یہ صورت جدھر نہ ہو

لیکن عبث نگاہ جہاں کریے اس طرف

امکان کیا کہ خون مرے تا کمر نہ ہو

حیراں ہوں میں کہ ایسی یہ مشہد ہے کون سی

مجھ سے خراب حال کو جس کی خبر نہ ہو

آتا ہے یہ قیاس میں اب تجھ کو دیکھ کر

ظالم جفاشعار ترا رہگذر نہ ہو

اٹھ جائے رسم نالہ و آہ و فغان سب

اس تیرہ روزگار میں تو میر اگر نہ ہو

میر تقی میر

معشوق کا ہے حسن اگر دل نواز ہو

اکتوبر 6, 2015میر تقی میر،اساتذہ،غزلنماز،نواز،نیاز،گداز،امتیاز،باز،دراز،رازadmin

دیوان اول غزل 389

خوبی یہی نہیں ہے کہ انداز و ناز ہو

معشوق کا ہے حسن اگر دل نواز ہو

سجدے کا کیا مضائقہ محراب تیغ میں

پر یہ تو ہو کہ نعش پہ میری نماز ہو

اک دم تو ہم میں تیغ کو تو بے دریغ کھینچ

تا عشق میں ہوس میں تنک امتیاز ہو

نزدیک سوز سینہ سے رکھ اپنے قلب کو

وہ دل ہی کیمیا ہے جو گرم گداز ہو

ہے فرق ہی میں خیر نہ کر آرزوے وصل

مل بیٹھیے جو اس سے تو شکوہ دراز ہو

جوں توں کے اس کی چاہ کا پردہ کیا ہے میں

اے چشم گریہ ناک نہ افشاے راز ہو

جوں چشم بسملی نہ مندی آوے گی نظر

جو آنکھ میرے خونی کے چہرے پہ باز ہو

ہم سے تو غیرعجز کبھو کچھ بنا نہ میر

خوش حال وہ فقیر کہ جو بے نیاز ہو

میر تقی میر

اوروں سے مل کے پیارے کچھ اور ہو گیا تو

اکتوبر 6, 2015میر تقی میر،اساتذہ،غزللا،ملا،مدعا،چلا،یا،گیا،گدا،آشنا،بلا،بجھا،جا،خدا،رہا،سناadmin

دیوان اول غزل 388

ویسا کہاں ہے ہم سے جیسا کہ آگے تھا تو

اوروں سے مل کے پیارے کچھ اور ہو گیا تو

چالیں تمام بے ڈھب باتیں فریب ہیں سب

حاصل کہ اے شکر لب اب وہ نہیں رہا تو

جاتے نہیں اٹھائے یہ شور ہرسحر کے

یا اب چمن میں بلبل ہم ہی رہیں گے یا تو

آ ابر ایک دو دم آپس میں رکھیں صحبت

کڑھنے کو ہوں میں آندھی رونے کو ہے بلا تو

تقریب پر بھی تو تو پہلو تہی کرے ہے

دس بار عید آئی کب کب گلے ملا تو

تیرے دہن سے اس کو نسبت ہو کچھ تو کہیے

گل گو کرے ہے دعویٰ خاطر میں کچھ نہ لا تو

دل کیونکے راست آوے دعواے آشنائی

دریاے حسن وہ مہ کشتی بہ کف گدا تو

ہر فرد یاس ابھی سے دفتر ہے تجھ گلے کا

ہے قہر جب کہ ہو گا حرفوں سے آشنا تو

عالم ہے شوق کشتہ خلقت ہے تیری رفتہ

جانوں کی آرزو تو آنکھوں کا مدعا تو

منھ کریے جس طرف کو سو ہی تری طرف ہے

پر کچھ نہیں ہے پیدا کیدھر ہے اے خدا تو

آتی بخود نہیں ہے باد بہار اب تک

دو گام تھا چمن میں ٹک ناز سے چلا تو

کم میری اور آنا کم آنکھ کا ملانا

کرنے سے یہ ادائیں ہے مدعا کہ جا تو

گفت و شنود اکثر میرے ترے رہے ہے

ظالم معاف رکھیو میرا کہا سنا تو

کہہ سانجھ کے موئے کو اے میر روئیں کب تک

جیسے چراغ مفلس اک دم میں جل بجھا تو

میر تقی میر

رات جاتی ہے اسی غم میں کہ فردا کیا ہو

اکتوبر 6, 2015میر تقی میر،اساتذہ،غزلفردا،کیا،پروا،آیا،تمنا،تماشا،جاadmin

دیوان اول غزل 387

دن گذرتا ہے مجھے فکر ہی میں تا کیا ہو

رات جاتی ہے اسی غم میں کہ فردا کیا ہو

سب ہیں دیدار کے مشتاق پر اس سے غافل

حشر برپا ہو کہ فتنہ اٹھے آیا کیا ہو

خاک حسرت زدگاں پر تو گذر بے وسواس

ان ستم کشتوں سے اب عرض تمنا کیا ہو

گر بہشت آوے تو آنکھوں میں مری پھیکی لگے

جن نے دیکھا ہو تجھے محو تماشا کیا ہو

شوق جاتا ہے ہمیں یار کے کوچے کو لیے

جاکے معلوم ہو کیا جانیے اس جا کیا ہو

ایک رونا ہی نہیں آہ و غم و نالہ و درد

ہجر میں زندگی کرنے کے تئیں کیا کیا ہو

خاک میں لوٹوں کہ لوہو میں نہائوں میں میر

یار مستغنی ہے اس کو مری پروا کیا ہو

میر تقی میر

صحبت رکھے گلوں سے اتنا دماغ کس کو

اکتوبر 6, 2015میر تقی میر،اساتذہ،غزلفراغ،چراغ،ایاغ،دماغ،داغ،سراغadmin

دیوان اول غزل 386

اچھی لگے ہے تجھ بن گل گشت باغ کس کو

صحبت رکھے گلوں سے اتنا دماغ کس کو

بے سوز داغ دل پر گر جی جلے بجا ہے

اچھا لگے ہے اپنا گھر بے چراغ کس کو

صد چشم داغ وا ہیں دل پر مرے میں وہ ہوں

دکھلا رہا ہے لالہ تو اپنا داغ کس کو

گل چین عیش ہوتے ہم بھی چمن میں جاکر

آہ و فغاں سے اپنی لیکن فراغ کس کو

کر شکر چشم پر خوں اے مست درد الفت

دیتے ہیں سرخ مے سے بھر کر ایاغ کس کو

اس کی بلا سے جو ہم اے میر گم بھی ہوویں

ہم سے غریب کا ہو فکر سراغ کس کو

میر تقی میر

رکھے خدا جہاں میں دل بے قرار کو

اکتوبر 6, 2015میر تقی میر،اساتذہ،غزلقرار،مزار،یار،ابربہار،اختیار،بار،خمار،دیار،داغدار،رہگذار،شکار،غبارadmin

دیوان اول غزل 385

آرام ہوچکا مرے جسم نزار کو

رکھے خدا جہاں میں دل بے قرار کو

پانی پہ جیسے غنچۂ لالہ پھرے بہا

دیکھا میں آنسوئوں میں دل داغدار کو

برسا تو میرے دیدئہ خوں بار کے حضور

پر اب تک انفعال ہے ابربہار کو

ہنستا ہی میں پھروں جو مرا کچھ ہو اختیار

پر کیا کروں میں دیدئہ بے اختیار کو

آیا جہاں میں دوست بھی ہوتے ہیں یک دگر

مجھ سے جو دشمنی ہی رہی میرے یار کو

سو باریوں تو غیروں سے کرتے ہو ہنس کے بات

کچھ منھ بنا رہو ہو ہماری ہی بار کو

سر گشتگی سوائے نہ دیکھا جہاں میں کچھ

اک عمر خضر سیر کیا اس دیار کو

کس کس کی خاک اب کی ملانی ہے خاک میں

جاتی ہے پھر نسیم اسی رہگذار کو

اے وہ کوئی جو آج پیے ہے شراب عیش

خاطر میں رکھیو کل کے بھی رنج و خمار کو

خوباں کا کیا جگر جو کریں مجھ کو اپنا صید

پہچانتا ہے سب کوئی تیرے شکار کو

جیتے جی فکر خوب ہے ورنہ یہ بدبلا

رکھے گا حشر تک تہ و بالا مزار کو

گر ساتھ لے گڑا تو دل مضطرب تو میر

آرام ہوچکا ترے مشت غبار کو

میر تقی میر

آرزو ہے کہ تم ادھر دیکھو

اکتوبر 6, 2015میر تقی میر،اساتذہ،غزلہنر،نظر،کر،پر،اگر،ادھر،تر،جگر،سحرadmin

دیوان اول غزل 384

گرچہ کب دیکھتے ہو پر دیکھو

آرزو ہے کہ تم ادھر دیکھو

عشق کیا کیا ہمیں دکھاتا ہے

آہ تم بھی تو اک نظر دیکھو

یوں عرق جلوہ گر ہے اس منھ پر

جس طرح اوس پھول پر دیکھو

ہر خراش جبیں جراحت ہے

ناخن شوق کا ہنر دیکھو

تھی ہمیں آرزو لب خنداں

سو عوض اس کے چشم تر دیکھو

رنگ رفتہ بھی دل کو کھینچے ہے

ایک شب اور یاں سحر دیکھو

دل ہوا ہے طرف محبت کا

خون کے قطرے کا جگر دیکھو

پہنچے ہیں ہم قریب مرنے کے

یعنی جاتے ہیں دور اگر دیکھو

لطف مجھ میں بھی ہیں ہزاروں میر

دیدنی ہوں جو سوچ کر دیکھو

میر تقی میر

کیا جانے منھ سے نکلے نالے کے کیا سماں ہو

اکتوبر 6, 2015میر تقی میر،اساتذہ،غزلفشاں،کہاں،کارواں،گماں،امتحاں،آسماں،آستاں،آشیاں،جہاں،جواں،درمیاں،رواں،سماں،سرگراںadmin

دیوان اول غزل 383

اے چرخ مت حریف اندوہ بے کساں ہو

کیا جانے منھ سے نکلے نالے کے کیا سماں ہو

کب تک گرہ رہے گا سینے میں دل کے مانند

اے اشک شوق اک دم رخسار پر رواں ہو

ہم دور ماندگاں کی منزل رساں مگر اب

یا ہو صدا جرس کی یا گرد کارواں ہو

مسند نشین ہو گر عرصہ ہے تنگ اس پر

آسودہ وہ کسو کا جو خاک آستاں ہو

تاچند کوچہ گردی جیسے صبا زمیں پر

اے آہ صبح گاہی آشوب آسماں ہو

گر ذوق سیر ہے تو آوارہ اس چمن میں

مانند عندلیب گم کردہ آشیاں ہو

یہ جان تو کہ ہے اک آوارہ دست بردل

خاک چمن کے اوپر برگ خزاں جہاں ہو

کیا ہے حباب ساں یاں آ دیکھ اپنی آنکھوں

گر پیرہن میں میرے میرا تجھے گماں ہو

از خویش رفتہ ہر دم رہتے ہیں ہم جو اس بن

کہتے ہیں لوگ اکثر اس وقت تم کہاں ہو

پتھر سے توڑ ڈالوں آئینے کو ابھی میں

گر روے خوبصورت تیرا نہ درمیاں ہو

اس تیغ زن سے کہیو قاصد مری طرف سے

اب تک بھی نیم جاں ہوں گر قصد امتحاں ہو

کل بت کدے میں ہم نے دھولیں لگائیاں ہیں

کعبے میں آج زاہد گو ہم پہ سرگراں ہو

ہمسایہ اس چمن کے کتنے شکستہ پر ہیں

اتنے لیے کہ شاید اک بائو گل فشاں ہو

میر اس کو جان کر تو بے شبہ ملیو رہ پر

صحرا میں جو نمد مو بیٹھا کوئی جواں ہو

میر تقی میر

پھر ایک بس ہے وہی گو ادھر خدائی ہو

اکتوبر 6, 2015میر تقی میر،اساتذہ،غزللڑائی،لگائی،چلائی،نارسائی،کھائی،گدائی،پائی،پارسائی،آئی،ادائی،خدائی،رہائی،سمائیadmin

دیوان اول غزل 382

مباد کینے پہ اس بت کی طبع آئی ہو

پھر ایک بس ہے وہی گو ادھر خدائی ہو

مدد نہ اتنی بھی کی بخت ناموافق نے

کہ مدعی سے اسے ایک دن لڑائی ہو

ہنوز طفل ہے وہ ظلم پیشہ کیا جانے

لگاوے تیغ سلیقے سے جو لگائی ہو

لبوں سے تیرے تھا آگے ہی لعل سرخ و زرد

قسم ہے میں نے اگر بات بھی چلائی ہو

خدا کرے کہ نصیب اپنے ہو نہ آزادی

کدھر کے ہو جے جو بے بال و پر رہائی ہو

مزے کو عشق کی ذلت کے جانتا ہے وہی

کسو کی جن نے کبھو لات مکی کھائی ہو

اس آفتاب سے تو فیض سب کو پہنچے ہے

یقین ہے کہ کچھ اپنی ہی نارسائی ہو

کبھو ہے چھیڑ کبھو گالی ہے کبھو چشمک

بیان کریے جو ایک اس کی بے ادائی ہو

دیار حسن میں غالب کہ خستہ جانوں نے

دوا کے واسطے بھی مہر ٹک نہ پائی ہو

ہزار مرتبہ بہتر ہے بادشاہی سے

اگر نصیب ترے کوچے کی گدائی ہو

جو کوئی دم ہو تو لوہو سا پی کے رہ جائوں

غموں کی دل میں بھلا کب تلک سمائی ہو

مغاں سے راہ تو ہوجائے رفتہ رفتہ شیخ

ترا بھی قصد اگر ترک پارسائی ہو

کہیں تو ہیں کہ عبث میر نے دیا جی کو

خدا ہی جانے کہ کیا جی میں اس کے آئی ہو

میر تقی میر

ہاں کہو اعتماد ہے ہم کو

اکتوبر 6, 2015میر تقی میر،اساتذہ،غزلفساد،نہاد،یاد،اعتقاد،اعتماد،زیاد،سواد،شاد،عنادadmin

دیوان اول غزل 381

کہتے ہو اتحاد ہے ہم کو

ہاں کہو اعتماد ہے ہم کو

شوق ہی شوق ہے نہیں معلوم

اس سے کیا دل نہاد ہے ہم کو

خط سے نکلے ہے بے وفائی حسن

اس قدر تو سواد ہے ہم کو

آہ کس ڈھب سے رویئے کم کم

شوق حد سے زیاد ہے ہم کو

شیخ و پیرمغاں کی خدمت میں

دل سے اک اعتقاد ہے ہم کو

سادگی دیکھ عشق میں اس کے

خواہش جان شاد ہے ہم کو

بدگمانی ہے جس سے تس سے آہ

قصد شورو فساد ہے ہم کو

دوستی ایک سے بھی تجھ کو نہیں

اور سب سے عناد ہے ہم کو

نامرادانہ زیست کرتا تھا

میر کا طور یاد ہے ہم کو

میر تقی میر

ہم تو ہوں بدگمان جو قاصد رسول ہو

اکتوبر 6, 2015میر تقی میر،اساتذہ،غزلقبول،وصول،پھول،حصول،دھول،رسول،عجولadmin

دیوان اول غزل 380

خط لکھ کے کوئی سادہ نہ اس کو ملول ہو

ہم تو ہوں بدگمان جو قاصد رسول ہو

چاہوں تو بھرکے کولی اٹھا لوں ابھی تمھیں

کیسے ہی بھاری ہو مرے آگے تو پھول ہو

سرمہ جو نور بخشے ہے آنکھوں کو خلق کی

شاید کہ راہ یار کی ہی خاک دھول ہو

جاویں نثار ہونے کو ہم کس بساط پر

اک نیم جاں رکھیں ہیں سو وہ جب قبول ہو

ہم ان دنوں میں لگ نہیں پڑتے ہیں صبح و شام

ورنہ دعا کریں تو جو چاہیں حصول ہو

دل لے کے لونڈے دلی کے کب کا پچا گئے

اب ان سے کھائی پی ہوئی شے کیا وصول ہو

ناکام اس لیے ہو کہ چاہو ہو سب کچھ آج

تم بھی تو میر صاحب و قبلہ عجول ہو

میر تقی میر

کہتا ہے ترا سایہ پری سے کہ ہے کیا تو

اکتوبر 6, 2015میر تقی میر،اساتذہ،غزلقبا،لگا،ملا،یا،کیا،اٹھا،بھلا،جا،رہاadmin

دیوان اول غزل 379

قد کھینچے ہے جس وقت تو ہے طرفہ بلا تو

کہتا ہے ترا سایہ پری سے کہ ہے کیا تو

گر اپنی روش راہ چلا یار تو اے کبک

رہ جائے گا دیوار گلستاں سے لگا تو

بے گل نہیں بلبل تجھے بھی چین پہ دیکھیں

مر رہتے ہیں ہم ایک طرف باغ میں یا تو

خوش رو ہے بہت اے گل تر تو بھی ولیکن

انصاف ہے منھ تیرے ہی ویسا ہے بھلا تو

کیا جانیے اے گوہر مقصد تو کہاں ہے

ہم خاک میں بھی مل گئے لیکن نہ ملا تو

اس جینے سے اب دل کو اٹھا بیٹھیں گے ہم بھی

ہے تجھ کو قسم ظلم سے مت ہاتھ اٹھا تو

منظر میں بدن کے بھی یہ اک طرفہ مکاں تھا

افسوس کہ ٹک دل میں ہمارے نہ رہا تو

تھے چاک گریبان گلستاں میں گلوں کے

نکلا ہے مگر کھولے ہوئے بند قبا تو

بے ہوشی سی آتی ہے تجھے اس کی گلی میں

گر ہوسکے اے میر تو اس راہ نہ جا تو

میر تقی میر

کہ بھر جھولی نہ یاں سے لے گئی گل ہاے حرماں کو

اکتوبر 6, 2015میر تقی میر،اساتذہ،غزلفروشاں،مژگاں،نالاں،ویراں،گلستاں،پیکاں،حرماں،خوباں،داماں،غریباںadmin

دیوان اول غزل 378

نسیم مصر کب آئی سواد شہر کنعاں کو

کہ بھر جھولی نہ یاں سے لے گئی گل ہاے حرماں کو

زبان نوحہ گر ہوں میں قضا نے کیا ملایا تھا

مری طینت میں یارب سودئہ دل ہاے نالاں کو

کوئی کانٹا سررہ کا ہماری خاک پر بس ہے

گل گلزار کیا درکار ہے گور غریباں کو

یہ کیا جانوں ہوا سینے میں کیا اس دل کو اب ناصح

سحر خوں بستہ تو دیکھا تھا میں نے اپنی مژگاں کو

گل و سنبل ہیں نیرنگ قضا مت سرسری گذرے

کہ بگڑے زلف و رخ کیا کیا بناتے اس گلستاں کو

صداے آہ جیسے تیرجی کے پار ہوتی ہے

کسو بیدرد نے کھینچا کسو کے دل سے پیکاں کو

کریں بال ملک فرش رہ اس ساعت کہ محشر میں

لہو ڈوبا کفن لاویں شہید ناز خوباں کو

کیا سیر اس خرابے کا بہت اب چل کے سو رہیے

کسو دیوار کے سائے میں منھ پر لے کے داماں کو

بہاے سہل پر دیتے ہیں کس محبوب کو کف سے

قلم اس جرم پر کرنا ہے دست گل فروشاں کو

تری ہی جستجو میں گم ہوا ہے کہہ کہاں کھویا

جگر خوں گشتہ دل آزردہ میر اس خانہ ویراں کو

میر تقی میر

نکالا سر سے میرے جاے مو خار مغیلاں کو

اکتوبر 6, 2015میر تقی میر،اساتذہ،غزلہجراں،فراواں،مہماں،مغیلاں،نیستاں،نامسلماں،گریاں،پنہاں،پریشاں،انساں،آساں،بیاباں،باراں،جواناں،جاں،خنداں،دہقاں،دنداں،سازاں،سخنداں،سردرگریباں،عریاں،عزیزاں،غزالاںadmin

دیوان اول غزل 377

فلک نے گر کیا رخصت مجھے سیر بیاباں کو

نکالا سر سے میرے جاے مو خار مغیلاں کو

وہ ظالم بھی تو سمجھے کہہ رکھا ہے ہم نے یاراں کو

کہ گورستان سے گاڑیں جدا ہم اہل ہجراں کو

نہیں یہ بید مجنوں گردش گردون گرداں نے

بنایا ہے شجر کیا جانیے کس مو پریشاں کو

ہوئے تھے جیسے مرجاتے پر اب تو سخت حسرت ہے

کیا دشوار نادانی سے ہم نے کار آساں کو

کہیں نسل آدمی کی اٹھ نہ جاوے اس زمانے میں

کہ موتی آب حیواں جانتے ہیں آب انساں کو

تجھے گر چشم عبرت ہے تو آندھی اور بگولے سے

تماشا کر غبار افشانی خاک عزیزاں کو

لباس مرد میداں جوہر ذاتی کفایت ہے

نہیں پرواے پوشش معرکے میں تیغ عریاں کو

ہواے ابر میں گرمی نہیں جو تو نہ ہو ساقی

دم افسردہ کردے منجمد رشحات باراں کو

جلیں ہیں کب کی مژگاں آنسوئوں کی گرم جوشی سے

اس آب چشم کی جوشش نے آتش دی نیستاں کو

وہ کافر عشق کا ہے دل کہ میری بھی رگ جاں تک

سدا زنار ہی تسبیح ہے اس نامسلماں کو

غرور ناز سے آنکھیں نہ کھولیں اس جفا جونے

ملا پائوں تلے جب تک نہ چشم صد غزالاں کو

نہ سی چشم طمع خوان فلک پر خام دستی سے

کہ جام خون دے ہے ہر سحر یہ اپنے مہماں کو

زبس صرف جنوں میرے ہوا آہن عجب مت کر

نہ ہو گر حلقۂ در خانۂ زنجیر سازاں کو

بنے ناواقف شادی اگر ہم بزم عشرت میں

دہان زخم دل سمجھے جو دیکھا روے خنداں کو

نہیں ریگ رواں مجنوں کے دل کی بے قراری نے

کیا ہے مضطرب ہر ذرئہ گرد بیاباں کو

کسی کے واسطے رسواے عالم ہو پہ جی میں رکھ

کہ مارا جائے جو ظاہر کرے اس راز پنہاں کو

گری پڑتی ہے بجلی ہی تبھی سے خرمن گل پر

ٹک اک ہنس میرے رونے پر کہ دیکھے تیرے دنداں کو

غرور ناز قاتل کو لیے جا ہے کوئی پوچھے

چلا تو سونپ کر کس کے تئیں اس صید بے جاں کو

وہ تخم سوختہ تھے ہم کہ سرسبزی نہ کی حاصل

ملایا خاک میں دانہ نمط حسرت سے دہقاں کو

ہوا ہوں غنچۂ پژمردہ آخر فصل کا تجھ بن

نہ دے برباد حسرت کشتۂ سردرگریباں کو

غم و اندوہ و بیتابی الم بے طاقتی حرماں

کہوں اے ہم نشیں تاچند غم ہاے فراواں کو

گل وسرو وسمن گر جائیں گے مت سیرگلشن کر

ملا مت خاک میں ان باغ کے رعنا جواناں کو

بہت روئے جو ہم یہ آستیں رکھ منھ پہ اے بجلی

نہ چشم کم سے دیکھ اس یادگارچشم گریاں کو

مزاج اس وقت ہے اک مطلع تازہ پہ کچھ مائل

کہ بے فکرسخن بنتی نہیں ہرگز سخنداں کو

میر تقی میر

ہے سیر مفت میر تجھے پھر جہاں کہاں

اکتوبر 6, 2015میر تقی میر،اساتذہ،غزلکہاںadmin

دیوان اول غزل 376

کر صرف دید عمر پھرے ہے تو یاں کہاں

ہے سیر مفت میر تجھے پھر جہاں کہاں

میر تقی میر

تم سے کتنے ہماری جیب میں ہیں

اکتوبر 6, 2015میر تقی میر،اساتذہ،غزلہیںadmin

دیوان اول غزل 375

کیسہ پرزر ہو تو جفاجویاں

تم سے کتنے ہماری جیب میں ہیں

میر تقی میر

آنکھیں نیچی کر گیا گل باغ میں

اکتوبر 6, 2015میر تقی میر،اساتذہ،غزلمیںadmin

دیوان اول غزل 374

کر نظر اک دور سے مجھ داغ میں

آنکھیں نیچی کر گیا گل باغ میں

میر تقی میر

یمنی کو وے نام رکھتے ہیں

اکتوبر 6, 2015میر تقی میر،اساتذہ،غزلہیںadmin

دیوان اول غزل 373

جو ترے لب سے کام رکھتے ہیں

یمنی کو وے نام رکھتے ہیں

میر تقی میر

میں ترے کان کھول رکھتا ہوں

اکتوبر 6, 2015میر تقی میر،اساتذہ،غزلہوںadmin

دیوان اول غزل 372

نہ سنے گا فغاں مری پھر تو

میں ترے کان کھول رکھتا ہوں

میر تقی میر

پر ساکنوں میں واں کے کوئی آدمی نہیں

اکتوبر 6, 2015میر تقی میر،اساتذہ،غزلنہیںadmin

دیوان اول غزل 371

فردوس سے کچھ اس کی گلی میں کمی نہیں

پر ساکنوں میں واں کے کوئی آدمی نہیں

میر تقی میر

اندھیری رات ہے برسات ہے جگنو چمکتے ہیں

اکتوبر 6, 2015میر تقی میر،اساتذہ،غزلہیںadmin

دیوان اول غزل 370

تری زلف سیہ کی یاد میں آنسو جھمکتے ہیں

اندھیری رات ہے برسات ہے جگنو چمکتے ہیں

میر تقی میر

سب کو دعویٰ ہے ولے ایک میں یہ جان نہیں

اکتوبر 6, 2015میر تقی میر،اساتذہ،غزلمسلمان،امکان،ایمان،جان،خاطرمہمان،دربان،سامانadmin

دیوان اول غزل 369

عشق کرنے کو جگر چاہیے آسان نہیں

سب کو دعویٰ ہے ولے ایک میں یہ جان نہیں

غارت دیں میں نگہ خصمی ایماں میں ادا

تجھ کو کافر نہ کہے جو وہ مسلمان نہیں

سرسری ملیے بتوں سے جو نہ ہوتاب جفا

عشق کا ذائقہ کچھ داخل ایمان نہیں

ایک بے درد تجھے پاس نہیں عاشق کا

ورنہ عالم میں کسے خاطرمہمان نہیں

کیونکے غم سرزدہ ہر لحظہ نہ آوے دل میں

گھر ہے درویش کا یاں در نہیں دربان نہیں

ہم نشیں آہ نہ تکلیف شکیبائی کر

عشق میں صبر و تحمل ہو یہ امکان نہیں

کس طرح منزل مقصود پہ پہنچیں گے میر

سفر دور ہے اور ہم کنے سامان نہیں

میر تقی میر

ترے غم کو اکیلا چھوڑ کر پیارے کہاں جائوں

اکتوبر 6, 2015میر تقی میر،اساتذہ،غزلناگہاں،یاں،کہاں،جہاںadmin

دیوان اول غزل 368

ہمیشہ دل میں کہتا ہوں یہاں جائوں وہاں جائوں

ترے غم کو اکیلا چھوڑ کر پیارے کہاں جائوں

لگی آتی ہے واں تک تیرے دامن کی ہوا اڑ کے

میں یہ مشت غبار اپنا چھپانے کو جہاں جائوں

ادھر صحراے بیتابی ادھر مشہد ہے اے قاتل

جو فرماوے تو واں جائوں جو فرماوے تو یاں جائوں

اگر جیتا رہا اے زلف تو میں میر ہوں سنیو

بلاے ناگہانی کے سر اوپر ناگہاں جائوں

میر تقی میر

پر وفا کا برا کیا تونیں

اکتوبر 6, 2015میر تقی میر،اساتذہ،غزلوفا،کہا،کیا،پا،بلا،براadmin

دیوان اول غزل 367

مجھ کو مارا بھلا کیا تونیں

پر وفا کا برا کیا تونیں

حسرتیں اس کی سر پٹکتی ہیں

مرگ فرہاد کیا کیا تونیں

اس کے جور و جفا کی کیا تقصیر

جو کیا سو وفا کیا تونیں

یہ چمن ہے قفس سے پر اے ضعف

مجھ کو بے دست و پا کیا تونیں

کل ہی پڑتی نہیں ہے تجھ بن آج

میر کو کیا بلا کیا تونیں

وہ جو کہتا تھا تو ہی کریو قتل

میر کا سو کہا کیا تونیں

میر تقی میر

پر تمامی عتاب ہیں دونوں

اکتوبر 6, 2015میر تقی میر،اساتذہ،غزلکباب،آفتاب،باب،جواب،خواب،خراب،سراب،شراب،عتاب،عذابadmin

دیوان اول غزل 366

لب ترے لعل ناب ہیں دونوں

پر تمامی عتاب ہیں دونوں

رونا آنکھوں کا رویئے کب تک

پھوٹنے ہی کے باب ہیں دونوں

ہے تکلف نقاب وے رخسار

کیا چھپیں آفتاب ہیں دونوں

تن کے معمورے میں یہی دل و چشم

گھر تھے دو سو خراب ہیں دونوں

کچھ نہ پوچھو کہ آتش غم سے

جگر و دل کباب ہیں دونوں

سو جگہ اس کی آنکھیں پڑتی ہیں

جیسے مست شراب ہیں دونوں

پائوں میں وہ نشہ طلب کا نہیں

اب تو سرمست خواب ہیں دونوں

ایک سب آگ ایک سب پانی

دیدہ و دل عذاب ہیں دونوں

بحث کاہے کو لعل و مرجاں سے

اس کے لب ہی جواب ہیں دونوں

آگے دریا تھے دیدۂ تر میر

اب جو دیکھو سراب ہیں دونوں

میر تقی میر

ہوئے ہیں دل جگر بھی سامنے رستم ہیں یہ دونوں

اکتوبر 6, 2015میر تقی میر،اساتذہ،غزلمرہم،نامحرم،کم،باہم،جم،رستم،سم،شبنم،عالمadmin

دیوان اول غزل 365

تری ابرو و تیغ تیز تو ہم دم ہیں یہ دونوں

ہوئے ہیں دل جگر بھی سامنے رستم ہیں یہ دونوں

نہ کچھ کاغذ میں ہے تہ نے قلم کو درد نالوں کا

لکھوں کیا عشق کے حالات نامحرم ہیں یہ دونوں

لہو آنکھوں سے بہتے وقت رکھ لیتا ہوں ہاتھوں کو

جراحت ہیں اگر وے دونوں تو مرہم ہیں یہ دونوں

کسو چشمے پہ دریا کے دیا اوپر نظر رکھیے

ہمارے دیدئہ نم دیدہ کیا کچھ کم ہیں یہ دونوں

لب جاں بخش اس کے مار ہی رکھتے ہیں عاشق کو

اگرچہ آب حیواں ہیں ولیکن سم ہیں یہ دونوں

نہیں ابرو ہی مائل جھک رہی ہے تیغ بھی ایدھر

ہمارے کشت و خوں میں متفق باہم ہیں یہ دونوں

کھلے سینے کے داغوں پر ٹھہر رہتے ہیں کچھ آنسو

چمن میں مہر ورزی کے گل و شبنم ہیں یہ دونوں

کبھو دل رکنے لگتا ہے جگر گاہے تڑپتا ہے

غم ہجراں میں چھاتی کے ہماری جم ہیں یہ دونوں

خدا جانے کہ دنیا میں ملیں اس سے کہ عقبیٰ میں

مکاں تو میر صاحب شہرئہ عالم ہیں یہ دونوں

میر تقی میر

گوش گل سے لگتے تھے جاکے سو وہ موسم نہیں

اکتوبر 6, 2015میر تقی میر،اساتذہ،غزلہم،موسم،محرمadmin

دیوان اول غزل 364

نالۂ قید قفس سے چھوٹ اب اک دم نہیں

گوش گل سے لگتے تھے جاکے سو وہ موسم نہیں

ہم پہ کھینچی تیغ تو غیروں کو ٹک لگنے نہ دے

وے اگر ہوویں گے اس کے درمیاں تو ہم نہیں

بت برہمن کوئی نامحرم نہیں اللہ کا

ہے حرم میں شیخ لیکن میر وہ محرم نہیں

میر تقی میر

رہ عشق میں پھر خطر کچھ نہیں

اکتوبر 6, 2015میر تقی میر،اساتذہ،غزلمگر،مدنظر،گر،اثر،تر،ثمر،خبر،خطرadmin

دیوان اول غزل 363

گذر جان سے اور ڈر کچھ نہیں

رہ عشق میں پھر خطر کچھ نہیں

ہے اب کام دل جس پہ موقوف تو

وہ نالہ کہ جس میں اثر کچھ نہیں

ہوا مائل اس سرو کا دل مرا

بجز جور جس سے ثمر کچھ نہیں

نہ کر اپنے محووں کا ہرگز سراغ

گئے گذرے بس اب خبر کچھ نہیں

تری ہوچکی خشک مژگاں کی سب

لہو اب جگر میں مگر کچھ نہیں

حیا سے نہیں پشت پا پر وہ چشم

مرا حال مدنظر کچھ نہیں

کروں کیونکے انکارعشق آہ میں

یہ رونا بھلا کیا ہے گر کچھ نہیں

کمر اس کی رشک رگ جاں ہے میر

غرض اس سے باریک تر کچھ نہیں

میر تقی میر

تو بھی ہم دل کو مار رکھتے ہیں

اکتوبر 6, 2015میر تقی میر،اساتذہ،غزلہزار،قرار،مار،یار،پیار،اختیار،اعتبارadmin

دیوان اول غزل 362

آرزوئیں ہزار رکھتے ہیں

تو بھی ہم دل کو مار رکھتے ہیں

برق کم حوصلہ ہے ہم بھی تو

دلک بے قرار رکھتے ہیں

غیر ہی مورد عنایت ہے

ہم بھی تو تم سے پیار رکھتے ہیں

نہ نگہ نے پیام نے وعدہ

نام کو ہم بھی یار رکھتے ہیں

ہم سے خوش زمزمہ کہاں یوں تو

لب و لہجہ ہزار رکھتے ہیں

چوٹٹے دل کے ہیں بتاں مشہور

بس یہی اعتبار رکھتے ہیں

پھر بھی کرتے ہیں میرصاحب عشق

ہیں جواں اختیار رکھتے ہیں

میر تقی میر

اس چرخ نے کیاں ہیں ہم سے بہت ادائیں

اکتوبر 6, 2015میر تقی میر،اساتذہ،غزلہوائیں،فضائیں،وفائیں،کھائیں،ادائیں،بھائیں،دوائیں،دعائیں،صفائیںadmin

دیوان اول غزل 361

کیا ظلم کیا تعدی کیا جور کیا جفائیں

اس چرخ نے کیاں ہیں ہم سے بہت ادائیں

دیکھا کہاں وہ نسخہ اک روگ میں بساہا

جی بھر کبھو نہ پنپا بہتیری کیں دوائیں

اک رنگ گل نے رہنا یاں یوں نہیں کیا ہے

اس گلشن جہاں میں ہیں مختلف ہوائیں

ہے فرش عرش تک بھی قلب حزیں کا اپنے

اس تنگ گھر میں ہم نے دیکھی ہیں کیا فضائیں

چہرے کے زخم ناخن کے سے کہاں کہ گویا

گھر سے نکلتے ہی ہم تلواریں منھ پہ کھائیں

شب نالہ آسماں تک جی سخت کرکے پہنچا

تھیں نیم کشتۂ یاس اکثر مری دعائیں

روکش تو ہو ترا پر آئینے میں کہاں یہ

رعنائیاں ادائیں رنگینیاں صفائیں

ہے امر سہل چاہت لیکن نباہ مشکل

پتھر کرے جگر کو تب تو کرے وفائیں

ناز بتان سادہ ہے اللہ اللہ اے میر

ہم خط سے مٹ گئے پر ان کے نہیں ہے بھائیں

میر تقی میر

وقت ملنے کا مگر داخل ایام نہیں

اکتوبر 6, 2015میر تقی میر،اساتذہ،غزلنام،پیغام،ایام،آرامadmin

دیوان اول غزل 360

دن نہیں رات نہیں صبح نہیں شام نہیں

وقت ملنے کا مگر داخل ایام نہیں

مثل عنقا مجھے تم دور سے سن لو ورنہ

ننگ ہستی ہوں مری جاے بجز نام نہیں

خطر راہ وفا بلکہ بہت دور کھنچا

عمر گذری کہ بہم نامہ و پیغام نہیں

راز پوشی محبت کے تئیں چاہیے ضبط

سو تو بیتابی دل بن مجھے آرام نہیں

بے قراری جو کوئی دیکھے ہے سو کہتا ہے

کچھ تو ہے میر کہ اک دم تجھے آرام نہیں

میر تقی میر

کوئی ہم سے سیکھے وفاداریاں

اکتوبر 6, 2015میر تقی میر،اساتذہ،غزلماریاں،نازبرداریاں،وفاداریاں،یاریاں،آزاریاں،بیماریاں،خواریاں،زاریاں،صدگرفتاریاںadmin

دیوان اول غزل 359

موئے سہتے سہتے جفاکاریاں

کوئی ہم سے سیکھے وفاداریاں

ہماری تو گذری اسی طور عمر

یہی نالہ کرنا یہی زاریاں

فرشتہ جہاں کام کرتا نہ تھا

مری آہ نے برچھیاں ماریاں

گیا جان سے اک جہاں لیک شوخ

نہ تجھ سے گئیں یہ دل آزاریاں

کہاں تک یہ تکلیف مالا یطاق

ہوئیں مدتوں نازبرداریاں

خط و کاکل و زلف و انداز و ناز

ہوئیں دام رہ صدگرفتاریاں

کیا دردوغم نے مجھے ناامید

کہ مجنوں کو یہ ہی تھیں بیماریاں

تری آشنائی سے ہی حد ہوئی

بہت کی تھیں دنیا میں ہم یاریاں

نہ بھائی ہماری تو قدرت نہیں

کھنچیں میر تجھ سے ہی یہ خواریاں

میر تقی میر

دیتا ہے آگ رنگ ترا گلستاں کے تیں

اکتوبر 6, 2015میر تقی میر،اساتذہ،غزلفغاں،کہاں،کارواں،گلستاں،آشیاں،بتاں،جواں،جاں،زباںadmin

دیوان اول غزل 358

تکلیف باغ کن نے کی تجھ خوش دہاں کے تیں

دیتا ہے آگ رنگ ترا گلستاں کے تیں

تنکا بھی اب رہا نہیں شرمندگی ہے جو

گر پڑ کے برق پاوے مرے آشیاں کے تیں

آئے عدم سے ہستی میں تس پر نہیں قرار

ہے ان مسافروں کا ارادہ کہاں کے تیں

سناہٹے سے باغ سے کچھ اٹھتے ہیں نسیم

مرغ چمن نے خوب متھا ہے فغاں کے تیں

بے رحم ٹک تو پائوں تو چھاتی پہ رکھے رہ

مارا بھی ہے کبھی تیں کسی خستہ جاں کے تیں

اک گردش اے فلک کہ ہو اثناے راہ سے

کنعاں کی اور راہ غلط کارواں کے تیں

تو اک زباں پہ چپکی نہیں رہتی عندلیب

رکھتا ہے منھ میں غنچۂ گل سو زباں کے تیں

دیکھے کہاں ہیں زلف تری مردمان شہر

سودا ہوا ہے کہنے لگے اس جواں کے تیں

ہم تو ہوئے تھے میر سے اس دن ہی ناامید

جس دن سنا کہ ان نے دیا دل بتاں کے تیں

میر تقی میر

نہ گلے سے میرے اترا کبھو قطرہ آب تجھ بن

اکتوبر 6, 2015میر تقی میر،اساتذہ،غزلماہتاب،کباب،آب،اضطراب،خواب،خراب،شتاب،عذابadmin

دیوان اول غزل 357

یہ غلط کہ میں پیا ہوں قدح شراب تجھ بن

نہ گلے سے میرے اترا کبھو قطرہ آب تجھ بن

یہی بستی عاشقوں کی کبھو سیر کرنے چل تو

کہ محلے کے محلے پڑے ہیں خراب تجھ بن

میں لہو پیوں ہوں غم میں عوض شراب ساقی

شب میغ ہو گئی ہے شب ماہتاب تجھ بن

گئی عمر میری ساری جیسے شمع بائو کے بیچ

یہی رونا جلنا گلنا یہی اضطراب تجھ بن

سبھی آتشیں ہیں نالے سبھی زمہریری آہیں

مری جان پر رہا ہے غرض اک عذاب تجھ بن

ترے غم کا شکر نعمت کروں کیا اے مغبچے میں

نہ ہوا کہ میں نہ کھایا جگر کباب تجھ بن

نہیں جیتے جی تو ممکن ہمیں تجھ بغیر سونا

مگر آنکہ مر کے کیجے تہ خاک خواب تجھ بن

برے حال ہوکے مرتا جو درنگ میر کرتا

یہ بھلا ہوا ستمگر کہ موا شتاب تجھ بن

میر تقی میر

زمانہ ہووے مساعد تو روزگار کریں

اکتوبر 6, 2015میر تقی میر،اساتذہ،غزلہزار،قرار،نثار،یار،پار،انتظار،بار،روزگار،شکارadmin

دیوان اول غزل 356

نہ کیونکے شیخ توکل کو اختیار کریں

زمانہ ہووے مساعد تو روزگار کریں

گیا وہ زمزمۂ صبح فصل گل بلبل

دعا نہ پہنچے چمن تک ہم اب ہزار کریں

تمام صید سر تیر جمع ہیں لیکن

نصیب اس کے کہ جس کو ترا شکار کریں

تسلی تو ہو دل بے قرار خوباں سے

یہ کاش ملنے نہ ملنے کا کچھ قرار کریں

ہمیں تو نزع میں شرمندہ آ کے ان نے کیا

رہا ہے ایک رمق جی سو کیا نثار کریں

رہی سہی بھی گئی عمر تیرے پیچھے یار

یہ کہہ کہ آہ ترا کب تک انتظار کریں

کریں ہیں حادثے ہر روز وار آخر تو

سنان آہ دل شب کے ہم بھی پار کریں

یہ قتل غیر ہے کیا کام ہم نشیناں آج

جو دشمنی نہ کرے وہ تو اس کو یار کریں

ہوا ہوں خاک رہ اس واسطے کہ خوباں میر

گذار گور پہ میری بھی ایک بار کریں

میر تقی میر

یوں نہ کرنا تھا پائمال ہمیں

اکتوبر 6, 2015میر تقی میر،اساتذہ،غزلہلال،ملال،مال،نہال،نکال،کلال،پائمال،انتقال،بال،بحال،خیالadmin

دیوان اول غزل 355

خوش نہ آئی تمھاری چال ہمیں

یوں نہ کرنا تھا پائمال ہمیں

حال کیا پوچھ پوچھ جاتے ہو

کبھو پاتے بھی ہو بحال ہمیں

وہ دہاں وہ کمر ہی ہے مقصود

اور کچھ اب نہیں خیال ہمیں

اس مہ چاردہ کی دوری نے

دس ہی دن میں کیا ہلال ہمیں

نظر آتے ہیں ہوتے جی کے وبال

حلقہ حلقہ تمھارے بال ہمیں

تنگی اس جا کی نقل کیا کریے

یاں سے واجب ہے انتقال ہمیں

صرف للہ خم کے خم کرتے

نہ کیا چرخ نے کلال ہمیں

مغ بچے مال مست ہم درویش

کون کرتا ہے مشت مال ہمیں

کب تک اس تنگنا میں کھینچئے رنج

یاں سے یارب تو ہی نکال ہمیں

ترک سبزان شہر کریے اب

بس بہت کر چکے نہال ہمیں

وجہ کیا ہے کہ میر منھ پہ ترے

نظر آتا ہے کچھ ملال ہمیں

میر تقی میر

یہیں آگے بہاریں ہو گئی ہیں

اکتوبر 6, 2015میر تقی میر،اساتذہ،غزلمزاریں،کناریں،بہاریں،تاریں،دھاریںadmin

دیوان اول غزل 354

جہاں اب خارزاریں ہو گئی ہیں

یہیں آگے بہاریں ہو گئی ہیں

جنوں میں خشک ہو رگ ہاے گردن

گریباں کی سی تاریں ہو گئی ہیں

سنا جاتا ہے شہر عشق کے گرد

مزاریں ہی مزاریں ہو گئی ہیں

اسی دریاے خوبی کا ہے یہ شوق

کہ موجیں سب کناریں ہو گئی ہیں

انھیں گلیوں میں جب روتے تھے ہم میر

کئی دریا کی دھاریں ہو گئی ہیں

میر تقی میر

روز برسات کی ہوا ہے یاں

اکتوبر 6, 2015میر تقی میر،اساتذہ،غزلہوا،ہورہا،ماجرا،کیا،کربلا،گیا،گڑا،آنکلا،تعزیہ،جا،رہا،صفاadmin

دیوان اول غزل 353

آہ اور اشک ہی سدا ہے یاں

روز برسات کی ہوا ہے یاں

جس جگہ ہو زمین تفتہ سمجھ

کہ کوئی دل جلا گڑا ہے یاں

گو کدورت سے وہ نہ دیوے رو

آرسی کی طرح صفا ہے یاں

ہر گھڑی دیکھتے جو ہو ایدھر

ایسا کہ تم نے آنکلا ہے یاں

رند مفلس جگر میں آہ نہیں

جان محزوں ہے اور کیا ہے یاں

کیسے کیسے مکان ہیں ستھرے

اک ازاں جملہ کربلا ہے یاں

اک سسکتا ہے ایک مرتا ہے

ہر طرف ظلم ہورہا ہے یاں

صد تمنا شہید ہیں یک جا

سینہ کوبی ہے تعزیہ ہے یاں

دیدنی ہے غرض یہ صحبت شوخ

روز و شب طرفہ ماجرا ہے یاں

خانۂ عاشقاں ہے جاے خوب

جاے رونے کی جا بہ جا ہے یاں

کوہ و صحرا بھی کر نہ جاے باش

آج تک کوئی بھی رہا ہے یاں

ہے خبر شرط میر سنتا ہے

تجھ سے آگے یہ کچھ ہوا ہے یاں

موت مجنوں کو بھی یہیں آئی

کوہکن کل ہی مر گیا ہے یاں

میر تقی میر

الٰہی شکر کرتا ہوں تری درگاہ عالی میں

اکتوبر 6, 2015میر تقی میر،اساتذہ،غزللالی،والی،گالی،پائمالی،پرتگالی،خیالی،خالی،سالی،عالیadmin

دیوان اول غزل 352

کہے ہے کوہکن کر فکر میری خستہ حالی میں

الٰہی شکر کرتا ہوں تری درگاہ عالی میں

میں وہ پژمردہ سبزہ ہوں کہ ہوکر خاک سے سرزد

یکایک آگیا اس آسماں کی پائمالی میں

تو سچ کہہ رنگ پاں ہے یہ کہ خون عشق بازاں ہے

سخن رکھتے ہیں کتنے شخص تیرے لب کی لالی میں

برا کہنا بھی میرا خوش نہ آیا اس کو تو ورنہ

تسلی یہ دل ناشاد ہوتا ایک گالی میں

مرے استاد کو فردوس اعلیٰ میں ملے جاگہ

پڑھایا کچھ نہ غیر از عشق مجھ کو خورد سالی میں

خرابی عشق سے رہتی ہے دل پر اور نہیں رہتا

نہایت عیب ہے یہ اس دیار غم کے والی میں

نگاہ چشم پر خشم بتاں پر مت نظر رکھنا

ملا ہے زہر اے دل اس شراب پرتگالی میں

شراب خون بن تڑپوں سے دل لبریز رہتا ہے

بھرے ہیں سنگ ریزے میں نے اس میناے خالی میں

خلاف ان اور خوباں کے سدا یہ جی میں رہتا ہے

یہی تو میر اک خوبی ہے معشوق خیالی میں

میر تقی میر

عمر گذری پر نہ جانا میں کہ کیوں دل گیر ہوں

اکتوبر 6, 2015میر تقی میر،اساتذہ،غزلمیر،گیر،پیر،التعزیر،تقصیر،تیر،تاثیر،زنجیر،شمشیرadmin

دیوان اول غزل 351

یوں ہی حیران و خفا جوں غنچۂ تصویر ہوں

عمر گذری پر نہ جانا میں کہ کیوں دل گیر ہوں

اتنی باتیں مت بنا مجھ شیفتے سے ناصحا

پند کے لائق نہیں میں قابل زنجیر ہوں

سرخ رہتی ہیں مری آنکھیں لہو رونے سے شیخ

مے اگر ثابت ہو مجھ پر واجب التعزیر ہوں

نے فلک پر راہ مجھ کو نے زمیں پر رو مجھے

ایسے کس محروم کا میں شور بے تاثیر ہوں

جوں کماں گرچہ خمیدہ ہوں پہ چھوٹا اور وہیں

اس کے کوچے کی طرف چلنے کو یارو تیر ہوں

جو مرے حصے میں آوے تیغ جمدھر سیل و کارد

یہ فضولی ہے کہ میں ہی کشتۂ شمشیر ہوں

کھول کر دیوان میرا دیکھ قدرت مدعی

گرچہ ہوں میں نوجواں پر شاعروں کا پیر ہوں

یوں سعادت ایک جمدھر مجھ کو بھی گذرانیے

منصفی کیجے تو میں تو محض بے تقصیر ہوں

اس قدر بے ننگ خبطوں کو نصیحت شیخ جی

باز آئو ورنہ اپنے نام کو میں میر ہوں

میر تقی میر

فریاد کریں کس سے کہاں جاکے پکاریں

اکتوبر 6, 2015میر تقی میر،اساتذہ،غزلماریں،مزاریں،واریں،پکاریں،پساریں،اتاریں،ازاریں،بہاریں،دھاریں،سنواریں،سدھاریںadmin

دیوان اول غزل 350

کر نالہ کشی کب تئیں اوقات گذاریں

فریاد کریں کس سے کہاں جاکے پکاریں

ہر دم کا بگڑنا تو کچھ اب چھوٹا ہے ان سے

شاید کسی ناکام کا بھی کام سنواریں

دل میں جو کبھو جوش غم اٹھتا ہے تو تا دیر

آنکھوں سے چلی جاتی ہیں دریا کی سی دھاریں

کیا ظلم ہے اس خونی عالم کی گلی میں

جب ہم گئے دوچار نئی دیکھیں مزاریں

جس جا کہ خس و خار کے اب ڈھیر لگے ہیں

یاں ہم نے انھیں آنکھوں سے دیکھیں ہیں بہاریں

کیونکر کے رہے شرم مری شہر میں جب آہ

ناموس کہاں اتریں جو دریا پہ ازاریں

وے ہونٹ کہ ہے شور مسیحائی کا جن کی

دم لیویں نہ دوچار کو تا جی سے نہ ماریں

منظور ہے کب سے سرشوریدہ کا دینا

چڑھ جائے نظر کوئی تو یہ بوجھ اتاریں

بالیں پہ سر اک عمر سے ہے دست طلب کا

جو ہے سو گدا کس کنے جا ہاتھ پساریں

ان لوگوں کے تو گرد نہ پھر سب ہیں لباسی

سوگز بھی جو یہ پھاڑیں تو اک گز بھی نہ واریں

ناچار ہو رخصت جو منگا بھیجی تو بولا

میں کیا کروں جو میر جی جاتے ہیں سدھاریں

میر تقی میر

مانا کیا خدا کی طرح ان بتاں کو میں

اکتوبر 6, 2015میر تقی میر،اساتذہ،غزلمہرباں،میہماں،آسماں،بتاں،جواںadmin

دیوان اول غزل 349

سمجھا تنک نہ اپنے تو سود و زیاں کو میں

مانا کیا خدا کی طرح ان بتاں کو میں

لاویں اسے بھی بعد مرے میری لاش پر

یہ کہہ رکھا ہے اپنے ہر اک مہرباں کو میں

گردش فلک کی کیا ہے جو دور قدح میں ہے

دیتا رہوں گا چرخ مدام آسماں کو میں

جی جاوے تو قبول ترا غم نہ جائیو

رکھتا نپٹ عزیز ہوں اس میہماں کو میں

عاشق ہے یا مریض ہے پوچھو تو میر سے

پاتا ہوں زرد روز بروز اس جواں کو میں

میر تقی میر

اب دل گرفتگی سے آزار کھینچتے ہیں

اکتوبر 6, 2015میر تقی میر،اساتذہ،غزلناچار،یار،آزار،تلوار،دیوار،دار،دشوارadmin

دیوان اول غزل 348

لیتے ہیں سانس یوں ہم جوں تار کھینچتے ہیں

اب دل گرفتگی سے آزار کھینچتے ہیں

سینہ سپر کیا تھا جن کے لیے بلا کا

وے بات بات میں اب تلوار کھینچتے ہیں

مجلس میں تیری ہم کو کب غیر خوش لگے ہے

ہم بیچ اپنے اس کے دیوار کھینچتے ہیں

بے طاقتی نے ہم کو چاروں طرف سے کھویا

تصدیع گھر میں بیٹھے ناچار کھینچتے ہیں

منصور کی حقیقت تم نے سنی ہی ہو گی

حق جو کہے ہے اس کو یاں دار کھینچتے ہیں

شکوہ کروں تو کس سے کیا شیخ کیا برہمن

ناز اس بلاے جاں کے سب یار کھینچتے ہیں

ناوک سے میر اس کے دل بستگی تھی مجھ کو

پیکاں جگر سے میرے دشوار کھینچتے ہیں

میر تقی میر

اور مطلق اب دماغ اپنا وفا کرتا نہیں

اکتوبر 6, 2015میر تقی میر،اساتذہ،غزلچلا،وفا،وا،کہا،آشنا،بھلا،بددعا،جدا،دوا،رہاadmin

دیوان اول غزل 347

آہ وہ عاشق ستم ترک جفا کرتا نہیں

اور مطلق اب دماغ اپنا وفا کرتا نہیں

بات میں غیروں کو چپ کردوں ولیکن کیا کروں

وہ سخن نشنو تنک میرا کہا کرتا نہیں

روز بدتر جیسے بیمار اجل ہے دل کا حال

یہ سمجھ کر ہم نشیں اب میں دوا کرتا نہیں

گوئیا باب اجابت ہجر میں تیغا ہوا

ورنہ کس شب آپ کو میں بددعا کرتا نہیں

بیکسان عشق اس کے آہ کس کے پاس جائیں

گور بن کوئی صلا میں لب کو وا کرتا نہیں

چھوٹنا ممکن نہیں اپنا قفس کی قید سے

مرغ سیر آہنگ کو کوئی رہا کرتا نہیں

چرخ کی بھی کج ادائی ہم ہی پر جاتی ہے پیش

ناز کو اس سے تو اک دم بھی جدا کرتا نہیں

دیکھ اسے بے دید ہو آنکھوں نے کیا دیکھا بھلا

دل بھی بد کرتا ہے مجھ سے تو بھلا کرتا نہیں

کیونکے دیکھی جائے یہ بیگانہ وضعی مجھ سے شوخ

تو تو ایدھر یک نگاہ آشنا کرتا نہیں

کیا کہوں پہنچا کہاں تک میر اپنا کارشوق

یاں سے کس دن اک نیا قاصد چلا کرتا نہیں

میر تقی میر

مہلت ہمیں بسان شرر کم بہت ہے یاں

اکتوبر 6, 2015میر تقی میر،اساتذہ،غزلماتم،مجسم،نم،کم،آدم،دم،درہم،شبنم،عالم،غمadmin

دیوان اول غزل 346

آجائیں ہم نظر جو کوئی دم بہت ہے یاں

مہلت ہمیں بسان شرر کم بہت ہے یاں

یک لحظہ سینہ کوبی سے فرصت ہمیں نہیں

یعنی کہ دل کے جانے کا ماتم بہت ہے یاں

حاصل ہے کیا سواے ترائی کے دہر میں

اٹھ آسماں تلے سے کہ شبنم بہت ہے یاں

مائل بہ غیر ہونا تجھ ابرو کا عیب ہے

تھی زور یہ کماں ولے خم چم بہت ہے یاں

ہم رہروان راہ فنا دیر رہ چکے

وقفہ بسان صبح کوئی دم بہت ہے یاں

اس بت کدے میں معنی کا کس سے کریں سوال

آدم نہیں ہے صورت آدم بہت ہے یاں

عالم میں لوگ ملنے کی گوں اب نہیں رہے

ہر چند ایسا ویسا تو عالم بہت ہے یاں

ویسا چمن سے سادہ نکلتا نہیں کوئی

رنگینی ایک اور خم و چم بہت ہے یاں

اعجاز عیسوی سے نہیں بحث عشق میں

تیری ہی بات جان مجسم بہت ہے یاں

میرے ہلاک کرنے کا غم ہے عبث تمھیں

تم شاد زندگانی کرو غم بہت ہے یاں

دل مت لگا رخ عرق آلود یار سے

آئینے کو اٹھا کہ زمیں نم بہت ہے یاں

شاید کہ کام صبح تک اپنا کھنچے نہ میر

احوال آج شام سے درہم بہت ہے یاں

میر تقی میر

ورنہ یہ کنج قفس بیضۂ فولاد نہیں

اکتوبر 6, 2015میر تقی میر،اساتذہ،غزلفولاد،فرہاد،فریاد،یاد،ایجاد،ارشادadmin

دیوان اول غزل 345

ایک پرواز کو بھی رخصت صیاد نہیں

ورنہ یہ کنج قفس بیضۂ فولاد نہیں

شیخ عزلت تو تہ خاک بھی پہنچے گی بہم

مفت ہے سیر کہ یہ عالم ایجاد نہیں

داد لے چھوڑوں میں صیاد سے اپنی لیکن

ضعف سے میرے تئیں طاقت فریاد نہیں

کیوں ہی معذور بھی رکھ یوں تو سمجھ دل میں شیخ

یہ قدح خوار مرے قابل ارشاد نہیں

بے ستوں بھی ہے وہی اور وہی جوے شیر

تھا نمک شہرت شیریں کا سو فرہاد نہیں

کیا کہوں میر فراموش کیا ان نے تجھے

میں تو تقریب بھی کی پر تو اسے یاد نہیں

میر تقی میر

ولے کم ہیں بہت وے لوگ جن کو یار کہتے ہیں

اکتوبر 6, 2015میر تقی میر،اساتذہ،غزلہشیار،یار،کرار،اسرار،بیمار،بیزار،رفتار،زنار،عیارadmin

دیوان اول غزل 344

تجھے بھی یار اپنا یوں تو ہم ہر بار کہتے ہیں

ولے کم ہیں بہت وے لوگ جن کو یار کہتے ہیں

جہاں کے مصطبے میں مست طافح ہی نظر آئے

نہ تھا اس دور میں آیا جسے ہشیار کہتے ہیں

سمجھ کر ذکر کر آسودگی کا مجھ سے اے ناصح

وہ میں ہی ہوں کہ جس کو عافیت بیزار کہتے ہیں

مسافر ہووے جی اس کا خراماں دیکھ کر تجھ کو

جسے میرے وطن میں کبک خوش رفتار کہتے ہیں

معاذ اللہ دخل کفر ہو اسلام میں کیوں ہی

غلط اور پوچ نامعقول بعضے یار کہتے ہیں

علم کو کب ہے وجہ تسمیہ لازم سمجھ دیکھو

سلیمانی میں کیا زنار ہے زنار کہتے ہیں

تری آنکھوں کو آئوں دیکھنے میں تو عجب مت کر

کہ بہتر ہے عیادت اور انھیں بیمار کہتے ہیں

عجب ہوتے ہیں شاعر بھی میں اس فرقے کا عاشق ہوں

کہ بے دھڑکے بھری مجلس میں یہ اسرار کہتے ہیں

مزے ان کے اڑا لیکن نہ یہ سمجھیں تو بہتر ہے

کہ خوباں بھی بہت اپنے تئیں عیار کہتے ہیں

سگ کو میر میں اس شیر حق کا ہوں کہ جس کو سب

نبیؐ کا خویش و بھائی حیدر کرار کہتے ہیں

میر تقی میر

مانند جام خالی گل سب جماہیاں ہیں

اکتوبر 6, 2015میر تقی میر،اساتذہ،غزلماہیاں،کلاہیاں،گناہیاں،گواہیاں،جماہیاں،روسیاہیاں،سراہیاںadmin

دیوان اول غزل 343

ساقی کی باغ پر جو کچھ کم نگاہیاں ہیں

مانند جام خالی گل سب جماہیاں ہیں

تیغ جفاے خوباں بے آب تھی کہ ہمدم

زخم بدن ہمارے تفسیدہ ماہیاں ہیں

مسجد سے میکدے پر کاش ابر روز برسے

واں رو سفیدیاں ہیں یاں روسیاہیاں ہیں

جس کی نظر پڑی ہیں ان نے مجھے بھی دیکھا

جب سے وہ شوخ آنکھیں میں نے سراہیاں ہیں

غالب تو یہ ہے زاہد رحمت سے دور ہووے

درکار واں گنہ ہیں یاں بے گناہیاں ہیں

یہ ناز و سرگرانی اللہ رے کہ ہر دم

نازک مزاجیاں ہیں یا کج کلاہیاں ہیں

شاہد لوں میر کس کو اہل محلہ سے میں

محضر پہ خوں کے میرے سب کی گواہیاں ہیں

میر تقی میر

ہم دل جلوں کی خاک جہاں میں کدھر نہیں

اکتوبر 6, 2015میر تقی میر،اساتذہ،غزلمگر،کدھر،گھر،اگر،تر،خبر،رہگذرadmin

دیوان اول غزل 342

دامن پہ تیرے گرد کا کیونکر اثر نہیں

ہم دل جلوں کی خاک جہاں میں کدھر نہیں

اتنا رقیب خانہ برانداز سے سلوک

جب آنکلتے ہیں تو سنے ہیں کہ گھر نہیں

خون جگر تو کچھ نہ رہا تو ہی سب ہوا

بس اے سرشک آنکھیں تری کیا مگر نہیں

دامان و جیب و دیدہ و مژگان و آستیں

اب کون سا رہا ہے کہ ان میں سے تر نہیں

ہر نقش پا ہے شوخ ترا رشک یاسمن

کم گوشۂ چمن سے ترا رہگذر نہیں

کیوں الاماں کرے ہے دل شب گھڑی گھڑی

برچھی لگاتی آہ ہماری اگر نہیں

آتا ہی تیرے کوچے میں ہوتا جو میر یاں

کیا جانیے کدھر کو گیا کچھ خبر نہیں

میر تقی میر

شمع روشن کے منھ پہ نور نہیں

اکتوبر 6, 2015میر تقی میر،اساتذہ،غزلمرور،چور،حضور،دور،شعور،ضرور،طورadmin

دیوان اول غزل 341

بزم میں جو ترا ظہور نہیں

شمع روشن کے منھ پہ نور نہیں

کتنی باتیں بنا کے لائوں ایک

یاد رہتی ترے حضور نہیں

خوب پہچانتا ہوں تیرے تئیں

اتنا بھی تو میں بے شعور نہیں

قتل ہی کر کہ اس میں راحت ہے

لازم اس کام میں مرور نہیں

فکر مت کر ہمارے جینے کا

تیرے نزدیک کچھ یہ دور نہیں

پھر جئیں گے جو تجھ سا ہے جاں بخش

ایسا جینا ہمیں ضرور نہیں

عام ہے یار کی تجلی میر

خاص موسیٰ و کوہ طور نہیں

میر تقی میر

کہ موئے قید میں دیوار بہ دیوار چمن

اکتوبر 6, 2015میر تقی میر،اساتذہ،غزلگرفتار،بازار،خار،خریدار،دیوار،دار،درکار،سزاوار،طلبگارadmin

دیوان اول غزل 340

ایسے محروم گئے ہم تو گرفتار چمن

کہ موئے قید میں دیوار بہ دیوار چمن

سینے پر داغ کا احوال میں پوچھوں ہوں نسیم

یہ بھی تختہ کبھو ہووے گا سزاوار چمن

باغباں باغ اجارے ہی اگر دینا تھا

تھے زر داغ سے ہم بھی تو خریدار چمن

وے گنہگار ہمیں ہیں کہ جنھیں کہتے ہیں

عاشق زار چمن مرغ گرفتار چمن

خون ٹپکے ہے پڑا نوک سے ہر یک کی ہنوز

کس ستم دیدہ کی مژگاں ہیں تہ خار چمن

باغباں ہم سے خشونت سے نہ پیش آیا کر

عاقبت نالہ کشاں بھی تو ہیں درکار چمن

کم نہیں ہے دل پر داغ بھی اے مرغ اسیر

گل میں کیا ہے جو ہوا ہے تو طلبگار چمن

گل پر ایسی تو پڑی اوس خزاں میں کہ نسیم

سرد ہی ہو گئی واں گرمی بازار چمن

کیا جزا ٹھہرتی ہے دیکھیے کل حشر کو میر

داغ ہر ایک مرے دل پہ ہے خوں دار چمن

میر تقی میر

نہ چوب گل نے دم مارا نہ چھڑیاں بید کی ہلیاں

اکتوبر 6, 2015میر تقی میر،اساتذہ،غزلہلیاں،ملیاں،ڈلیاں،کلیاں،گلیاں،اچپلیاں،بلیاں،بھلیاںadmin

دیوان اول غزل 339

جنوں میرے کی باتیں دشت اور گلشن میں جب چلیاں

نہ چوب گل نے دم مارا نہ چھڑیاں بید کی ہلیاں

گریباں شور محشر کا اڑایا دھجیاں کرکر

فغاں پر ناز کرتا ہوں کہ بل بے تیری ہتھ بلیاں

تفاوت کچھ نہیں شیرین و شکر اور یوسف میں

سبھی معشوق اگر پوچھے کوئی مصری کی ہیں ڈلیاں

ترے غمزے نے جو رو ظلم سے آنکھیں غزالوں کی

بیاباں میں دکھا مجنوں کو پائوں کے تلے ملیاں

چمن کو آج مارا ہے یہاں تک رشک گل رو نے

کہ بلبل سر پٹکتی ہے نہیں منھ کھولتیں کلیاں

مری آہ سحر کی برچھیاں سختی کی تڑپوں پر

نگاہیں کرکے گر پڑتی ہیں بجلی کی بھی اچپلیاں

صنم کی زلف میں کوچہ ہے سربستہ ہر اک مو پر

نہ دیکھی ہوں گی تونے خضر یہ ظلمات میں گلیاں

دوانہ ہو گیا تو میر آخر ریختے کہہ کہہ

نہ کہتا تھا میں اے ظالم کہ یہ باتیں نہیں بھلیاں

میر تقی میر

دل زینہار دیکھ خبردار بہت ہیں

اکتوبر 6, 2015میر تقی میر،اساتذہ،غزلیار،گرفتار،خبردارadmin

دیوان اول غزل 338

کچھ انکھڑیاں ہی اس کی نہیں اک بلا کہ بس

دل زینہار دیکھ خبردار بہت ہیں

بیگانہ خو رقیب سے وسواس کچھ نہ کر

فرماوے ٹک زباں سے تو پھر یار بہت ہیں

کوئی تو زمزمہ کرے میرا سا دل خراش

یوں تو قفس میں اور گرفتار بہت ہیں

میر تقی میر

یہ جرم ہے تو ایسے گنہگار بہت ہیں

اکتوبر 6, 2015میر تقی میر،اساتذہ،غزلنوکار،گنہگارadmin

دیوان اول غزل 337

تجھ عشق میں تو مرنے کو تیار بہت ہیں

یہ جرم ہے تو ایسے گنہگار بہت ہیں

اک زخم کو میں ریزئہ الماس سے چیرا

دل پر ابھی جراحت نوکار بہت ہیں

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: