زمرہ جات کے محفوظات: اساتذہ

جیسے مصاحب ابر کی ہوتی ہے کوئی بائو

اکتوبر 6, 2015میر تقی میر،اساتذہ،غزلچڑھائو،چائو،گھائو،آئو،بنائو،بڑھائو،بائو،جمائو،جائو،دکھائوadmin

دیوان سوم غزل 1236

رہتا ہے پیش دیدئہ تر آہ کا سبھائو

جیسے مصاحب ابر کی ہوتی ہے کوئی بائو

برسے گی برف عرصۂ محشر میں دشت دشت

گر میری سرد آہوں کا واں ہو گیا جمائو

حاصل کوئی امید ہوئی ہو تو میں کہوں

خوں ہی ہوا کیے ہیں مرے دل میں سارے چائو

آنکھوں کے آگے رونے سے میرے محیط ہے

ابروں سے جا کہے کوئی پانی پیو تو آئو

رہتی تھی اشک خونیں میں ڈوبی سب آستیں

اس چشم بحرخوں کے کبھو دیکھے ہیں چڑھائو

اظہار درد اگرچہ بہت بے نمک ہے پر

ٹک بیٹھو تو دکھاویں تمھیں چھاتیوں کے گھائو

آ عاشقوں کی آنکھوں میں ٹک اے بہ دل قریب

ان منظروں سے بھی ہے بہت دور تک دکھائو

صحبت جو اس سے رہتی ہے کیا نقل کریے ہائے

جب آگئے ہیں ہم تو کہا ان نے یاں سے جائو

صد چاک اپنے دل سے تو بگڑا ہی کی وہ زلف

افسوں کیا ہے شانے نے جو اس سے ہے بنائو

اس ہی زمیں میں میر غزل اور ایک کہہ

گو خوش نہ آوے سامعوں کو بات کا بڑھائو

میر تقی میر

کھلانا کھولنا مشکل بہت ہے ایسے کالوں کو

اکتوبر 6, 2015میر تقی میر،اساتذہ،غزلنہالوں،چھالوں،والوں،کالوں،جمالوں،حالوں،خوردسالوں،خیالوں،غزالوںadmin

دیوان سوم غزل 1235

رکھو مت سر چڑھائے دلبروں کے گوندھے بالوں کو

کھلانا کھولنا مشکل بہت ہے ایسے کالوں کو

اڑایا غم نے ان کے سوکھے پتوں کی روش ہم کو

الٰہی سبز رکھیو باغ خوبی کے نہالوں کو

جہاں دیکھو کہا کرتے ہیں اس کے عشق کے غم میں

نہ ہم دوچار بیٹھے دل شکستے اپنے حالوں کو

نہ چشم کم سے مجھ درویش کی آوارگی دیکھو

تبرک کرتے ہیں کانٹے مرے پائوں کے چھالوں کو

کرے ہے جس پہ بلبل غش سو یہ اس جنس کی قیمت

نہیں افسوس آنکھیں بے حقیقت پھول والوں کو

دل عاشق کو رو کیا جانوں خوباں کیوں نہیں دیتے

بہت آئینے سے تو ربط ہے صاحب جمالوں کو

یہی کچھ وہم سی ہے سہل کب آئے قیاسوں میں

تفکر اس کمر کا کھا گیا نازک خیالوں کو

نہ ایسی طرز دیدن ہے نہ ہرنوں کی یہ چتون ہے

کبھو جنگل میں لے چلیے گا ان شہری غزالوں کو

کوئی بھی اس طرح سے اپنے جی پر کھیل جاتا ہے

مگر بازیچہ سمجھے میر عشق خوردسالوں کو

میر تقی میر

ایسا تو رو کہ رونے پہ تیرے ہنسی نہ ہو

اکتوبر 6, 2015میر تقی میر،اساتذہ،غزلہو،ہوسو،لو،کھو،گومگو،تو،دو،دبو،شوadmin

دیوان سوم غزل 1234

کہتا ہے کون میر کہ بے اختیار رو

ایسا تو رو کہ رونے پہ تیرے ہنسی نہ ہو

پایا گیا وہ گوہر نایاب سہل کب

نکلا ہے اس کو ڈھونڈنے تو پہلے جان کھو

کام اس کے لب سے ہے مجھے بنت العنب سے کیا

ہے آب زندگی بھی تو لے جائے مردہ شو

سنتے نہیں کہے جو نہ کہیے تو دم رکے

کچھ پوچھیے نہ قصہ ہمارا ہے گومگو

مشعر ہے بے دماغی پہ مطلق نہ بولنا

ہم دیں تمھیں دعا ہمیں تم گالیاں تو دو

کرنا جگر ضرور ہے دل دادگاں کو بھی

وہ بولتا نہیں تو تم آپھی سے چھیڑ لو

اے غافلان دہر یہ کچھ راہ کی ہے بات

چلنے کو قافلے ہیں یہاں تم رہے ہوسو

گردش میں جو کوئی ہو رکھے اس سے کیا امید

دن رات آپھی چرخ میں ہے آسمان تو

جب دیکھتے ہیں پائوں ہی دابو ہو اس کے میر

کیوں ہوتے ہو ذلیل تم اتنا تو مت دبو

میر تقی میر

جی الجھتا ہے بہت مت بال سلجھایا کرو

اکتوبر 6, 2015میر تقی میر،اساتذہ،غزلفرمایا،آیا،بہلایا،بندھوایا،جایا،سلجھایا،سایہadmin

دیوان سوم غزل 1233

سر پہ عاشق کے نہ یہ روز سیہ لایا کرو

جی الجھتا ہے بہت مت بال سلجھایا کرو

تاب مہ کی تاب کب ہے نازکی سے یار کو

چاندنی میں آفتابی کا مگر سایہ کرو

گرچہ شان کفر ارفع ہے ولے اے راہباں

ایک دو ہم سوں کو بھی زنار بندھوایا کرو

شوق سے دیدار کے بھی آنکھوں میں کھنچ آیا جی

اس سمیں میں دیکھنے ہم کو بہت آیا کرو

کوہکن کی ہے قدم گاہ آخر اے اہل وفاق

طوف کرنے بے ستوں کا بھی کبھی جایا کرو

فرق یار و غیر میں بھی اے بتاں کچھ چاہیے

اتنی ہٹ دھرمی بھی کیا انصاف فرمایا کرو

کب میسر اس کے منھ کا دیکھنا آتا ہے میر

پھول گل سے اپنے دل کو تم بھی بہلایا کرو

میر تقی میر

دل کو مزے سے بھی تو تنک آشنا کرو

اکتوبر 6, 2015میر تقی میر،اساتذہ،غزلوفا،وا،پا،آشنا،جدا،دوا،دعاadmin

دیوان سوم غزل 1232

زخموں پہ اپنے لون چھڑکتے رہا کرو

دل کو مزے سے بھی تو تنک آشنا کرو

کیا آنکھ بند کرکے مراقب ہوئے ہو تم

جاتے ہیں کیسے کیسے سمیں چشم وا کرو

موقوف ہرزہ گردی نہیں کچھ قلندری

زنجیر سر اتار کے زنجیر پا کرو

ہر چند اس متاع کی اب قدر کچھ نہیں

پر جس کسو کے ساتھ رہو تم وفا کرو

تدبیر کو مزاج محبت میں دخل کیا

جانکاہ اس مرض کی نہ کوئی دوا کرو

طفلی سے تم نے لطف و غضب مختلط کیے

ٹک مہر کو جدا کرو غصہ جدا کرو

بیٹھے ہو میر ہو کے درکعبہ پر فقیر

اس روسیہ کے باب میں بھی کچھ دعا کرو

میر تقی میر

یہ بات ایسی کیا ہے جس پر الجھ پڑے ہو

اکتوبر 6, 2015میر تقی میر،اساتذہ،غزللڑے،کڑے،گڑے،پڑے،بڑےadmin

دیوان سوم غزل 1231

زلفوں کو میں چھوا سو غصے ہوئے کھڑے ہو

یہ بات ایسی کیا ہے جس پر الجھ پڑے ہو

منھ پھیر پھیر لو ہو ہر بات میں ادھر سے

یاں کس ستم زدہ سے آزردہ ہو لڑے ہو

نرمی مخالفوں سے سختی موافقوں سے

واں موم سے بنے ہو یاں لوہے سے کڑے ہو

مل جائو مغبچوں سے تو داڑھی ہو تبرک

ہر چند شیخ صاحب تم بوڑھے ہو بڑے ہو

ہوتے ہیں خاک رہ بھی لیکن نہ میر ایسے

رستے میں آدھے دھڑ تک مٹی میں تم گڑے ہو

میر تقی میر

ایسا کچھ کرکے چلو یاں کہ بہت یاد رہو

اکتوبر 6, 2015میر تقی میر،اساتذہ،غزلفرہاد،فریاد،یاد،آباد،آزادadmin

دیوان سوم غزل 1230

بارے دنیا میں رہو غم زدہ یا شاد رہو

ایسا کچھ کرکے چلو یاں کہ بہت یاد رہو

عشق پیچے کی طرح حسن گرفتاری ہے

لطف کیا سرو کی مانند گر آزاد رہو

ہم کو دیوانگی شہروں ہی میں خوش آتی ہے

دشت میں قیس رہو کوہ میں فرہاد رہو

وہ گراں خواب جو ہے ناز کا اپنے سو ہے

داد بے داد رہو شب کو کہ فریاد رہو

میر ہم مل کے بہت خوش ہوئے تم سے پیارے

اس خرابے میں مری جان تم آباد رہو

میر تقی میر

ہوا جی زلف و کاکل کے لیے جنجال مت پوچھو

اکتوبر 6, 2015میر تقی میر،اساتذہ،غزلمالامال،وصّال،بال،جنجال،دھمالadmin

دیوان سوم غزل 1229

غریب شہر خوباں ہوں مرا کچھ حال مت پوچھو

ہوا جی زلف و کاکل کے لیے جنجال مت پوچھو

دل صد پارہ کو پیوند کرتا ہوں جدائی میں

کرے ہے کہنہ نسخہ وصل جوں وصّال مت پوچھو

جگر جل کر ہوا ہے کوئلہ بیتاب تو بھی ہوں

طپش سے دل کی میرے سر پہ ہے دھمال مت پوچھو

تعجب ہے کہ دل اس گنج سرگشتہ میں رہتا ہے

خرابے جس سے یہ پاتے ہیں مالامال مت پوچھو

لگا جی اس کی زلفوں سے بہت ہم میر پچھتائے

ہوا ہے مدعی ایک ایک اپنا بال مت پوچھو

میر تقی میر

وقف اولاد ہے وہ باغ تو غم کاہے کو

اکتوبر 6, 2015میر تقی میر،اساتذہ،غزلہم،قلم،قدم،قسم،کرم،حرم،ستم،علم،غمadmin

دیوان سوم غزل 1228

بہرفردوس ہو آدم کو الم کاہے کو

وقف اولاد ہے وہ باغ تو غم کاہے کو

کہتے ہیں آوے گا ایدھر وہ قیامت رفتار

چلتے پھرتے رہیں گے تب تئیں ہم کاہے کو

یہ بھی اک ڈھب ہے نہ ایذا نہ کسو کو راحت

رحم موقوف کیا ہے تو ستم کاہے کو

نرگس ان آنکھوں کو جو لکھ گئے نابینا تھے

اپنے نزدیک ہیں وے دست قلم کاہے کو

اس کی تلوار سے گر جان کو رکھتے نہ عزیز

مرتے اس خواری سے تو صید حرم کاہے کو

چشم پوشی کا مری جان تمھیں لپکا ہے

کھاتے ہو دیدہ درائی سے قسم کاہے کو

میری آنکھوں پہ رکھو پائوں جو آئو لیکن

رکھتے ہو ایسی جگہ تم تو قدم کاہے کو

دل کو کہتے ہیں کہ اس گنج رواں کا گھر ہے

اس خرابے میں کرے ہے وہ کرم کاہے کو

شور نے نام خدا ان کے بلا سر کھینچا

میر سا ہے کوئی عالم میں علم کاہے کو

میر تقی میر

تب کسی ناآشناے مہر سے الفت کرو

اکتوبر 6, 2015میر تقی میر،اساتذہ،غزلمنت،مت،محنت،وحشت،الفت،رخصت،صورتadmin

دیوان سوم غزل 1227

کھینچنا رنج و تعب کا دوستاں عادت کرو

تب کسی ناآشناے مہر سے الفت کرو

روٹھ کر منتا نہیں وہ شوخ یوں کیوں نہ کوئی

عذر چاہو دیر تک مدت تلک منت کرو

کب تک اے صورت گراں حیراں پھروں بے روے یار

نقش اس کا کھینچ رکھنے کی کوئی صورت کرو

انس اگر ان نوخطان شہر سے منظور ہے

اپنی پرچھائیں سے بھی جوں خامہ تم وحشت کرو

کچھ نہ پوچھو صحبت دیروزہ کی کم فرصتی

جوں ہی جا بیٹھے لگا کہنے انھیں رخصت کرو

عشق میں کیا دخل ہے نازک مزاجی کے تئیں

کوہکن کے طور سے جی توڑ کر محنت کرو

پہلے دیوانے ہوئے پھر میر آخر ہو گئے

ہم نہ کہتے تھے کہ صاحب عاشقی تم مت کرو

میر تقی میر

کب ہے ویسی مواجہہ کرلو

اکتوبر 6, 2015میر تقی میر،اساتذہ،غزللو،مرلو،کرلو،بھرلوadmin

دیوان سوم غزل 1226

آرسی اس کے سامنے دھرلو

کب ہے ویسی مواجہہ کرلو

اس کی تیغ ستم بلند ہوئی

جی ہے مرنے کو تو چلو مرلو

درپئے خوں ہیں میرے خورد و کلاں

یہ وبال اپنے کوئی سر پر لو

کچھ طرح ہو کہ بے طرح ہو حال

عمر کے دن کسو طرح بھرلو

کیا بلاخیز جا ہے کوچۂ عشق

تم بھی یاں میر مول اک گھر لو

میر تقی میر

پامال ہے سب خلق جہاں ناز تو دیکھو

اکتوبر 6, 2015میر تقی میر،اساتذہ،غزلناز،پرواز،پرداز،آواز،اعزاز،باز،سازadmin

دیوان سوم غزل 1225

سر کاٹ کے ڈلوا دیے انداز تو دیکھو

پامال ہے سب خلق جہاں ناز تو دیکھو

کچھ سوجھ نہیں پڑتی تمھیں بے خبری سے

ٹک ہوش کی آنکھوں کو کرو باز تو دیکھو

اس بت سے نہیں جب تئیں صحبت تو نہیں ہے

یہ ڈول جو ہوتا ہے خدا ساز تو دیکھو

شب آنکھ مری لگنے نہیں دیتی ہے بلبل

اس مرغ کی بیتابی آواز تو دیکھو

دل ایک تڑپنے میں پرے عرش کے پایا

اس طائر بے بال کی پرواز تو دیکھو

کی زلف و خط و خال نے ایک اور قیامت

تصویر سے چہرے پہ یہ پرداز تو دیکھو

سب میر کو دیتے ہیں جگہ آنکھوں پر اپنی

اس خاک رہ عشق کا اعزاز تو دیکھو

میر تقی میر

بے وقر جانتے ہیں دل بے گداز کو

اکتوبر 6, 2015میر تقی میر،اساتذہ،غزلنماز،نواز،ناز،گداز،باز،دراز،رازadmin

دیوان سوم غزل 1224

کرنا شعار خوب ہے عجز و نیاز کو

بے وقر جانتے ہیں دل بے گداز کو

ہجراں کی سرگذشت مری گفتنی نہیں

کیا کہیے تم سے قصۂ دور و دراز کو

جوں شمع سر کٹے ہے بیاں حال کا کیے

لانا زباں پہ خوب نہیں دل کے راز کو

حیران ہو رہو گے جو ہم ہو چکے کبھی

دیکھا نہیں ہے مرتے کسو عشق باز کو

جانکاہ و دل خراش ہیں سارے ترے سلوک

دل ہم تو دیتے کاش کسو دل نواز کو

صوفی کی پارسائی کی ہے خانقہ میں دھوم

لے چلیے گا کبھو ادھر اس مست ناز کو

ہے دور ادب سے تم کھڑے میں پاکشیدہ ہوں

مت آئیو جنازے کی میرے نماز کو

میر تقی میر

ہم نے کردی ہے خبر تم کو خبردار رہو

اکتوبر 6, 2015میر تقی میر،اساتذہ،غزلمار،گرفتار،خبردار،خریدار،طلبگارadmin

دیوان سوم غزل 1223

یہ سرا سونے کی جاگہ نہیں بیدار رہو

ہم نے کردی ہے خبر تم کو خبردار رہو

آپ تو ایسے بنے اب کہ جلے جی سب کا

ہم کو کہتے ہیں کہ تم جی کے تئیں مار رہو

لاگ اگر دل کو نہیں لطف نہیں جینے کا

الجھے سلجھے کسو کاکل کے گرفتار رہو

گرچہ وہ گوہرتر ہاتھ نہیں لگتا لیک

دم میں دم جب تئیں ہے اس کے طلبگار رہو

سارے بازار جہاں کا ہے یہی مول اے میر

جان کو بیچ کے بھی دل کے خریدار رہو

میر تقی میر

یہ کیا روش ہے آئو چلے ٹک ادھر کبھو

اکتوبر 6, 2015میر تقی میر،اساتذہ،غزلمگر،مختصر،گذر،پر،ادھر،تر،خبرadmin

دیوان سوم غزل 1222

تم بن چمن کے گل نہیں چڑھتے نظر کبھو

یہ کیا روش ہے آئو چلے ٹک ادھر کبھو

دریا سی آنکھیں بہتی ہی رہتی تھیں سو کہاں

ہوتی ہے کوئی کوئی پلک اب تو تر کبھو

جی جانے ہے جو اپنے پہ ہوتی ہے مار مار

جاتے ہیں اس گلی میں کہاں ہم مگر کبھو

آنکھیں سفید ہو چلی ہیں راہ دیکھتے

یارب انھوں کا ہو گا ادھر بھی گذر کبھو

مدت ہوئی ہے نامہ کبوتر کو لے گئے

آجاتی ہے کچھ اڑتی سی ہم تک خبر کبھو

ہم جستجو میں ان کی کیے دست و پا بھی گم

افسوس ہے کہ آئے نہ وہ راہ پر کبھو

غم کو تمھارے دل کے نہایت نہیں ہے میر

اس قصے کو کروگے بھی تم مختصر کبھو

میر تقی میر

خوں کیا ہے مدتوں اس میں غم بسیار کو

اکتوبر 6, 2015میر تقی میر،اساتذہ،غزلیار،آزار،اظہار،بسیار،دیوار،دیدار،دستارadmin

دیوان سوم غزل 1221

دوست رکھتا ہوں بہت اپنے دل بیمار کو

خوں کیا ہے مدتوں اس میں غم بسیار کو

جز عزیز از جاں نہیں یوسف کو لکھتا یہ کبھو

کیا غرور میرزائی ہے ہمارے یار کو

جب کبھو ایدھر سے نکلے ہے تو اک حسرت کے ساتھ

دیکھے ہے خورشید اس کے سایۂ دیوار کو

بوجھ تو اچھا تھا پر آخر گرو رکھتے ہوئے

وجہ جام مے نہ پایا خرقہ و دستار کو

خوں چکاں شکوے ہیں دل سے تا زباں میری ولے

سی لیا ہے تو کہے میں نے لب اظہار کو

تصفیے سے دل میں میرے منھ نظر آتا ہے لیک

کیا کروں آئینہ ساں میں حسرت دیدار کو

عاشقی وہ روگ ہے جس میں کہ ہوجاتی ہے یاس

اچھے ہوتے کم سنا ہے میر اس آزار کو

میر تقی میر

دانت سنا ہے جھمکیں ہیں اس کے موتی کے سے دانے دو

اکتوبر 6, 2015میر تقی میر،اساتذہ،غزلمیخانے،مانے،نشانے،ویرانے،کھانے،پہچانے،پروانے،بہانے،دیوانے،دانےadmin

دیوان سوم غزل 1220

گردش میں وے مست آنکھیں ہیں جیسے بھرے پیمانے دو

دانت سنا ہے جھمکیں ہیں اس کے موتی کے سے دانے دو

خوب نہیں اے شمع کی غیرت ساتھ رہیں بیگانے دو

کب فرمان پہ تیرے ہوئے یہ بازو کے پروانے دو

ایسے بہانہ طلب سے ہم بھی روز گذاری کرتے ہیں

کب وعدے کی شب آئی جو ان نے کیے نہ بہانے دو

تیرستم اس دشمن جاں کا تا دو کماں پر ہو نہ کہیں

دل سے اور جگر سے اپنے ہم نے رکھیں ہیں نشانے دو

کس کو دماغ رہا ہے یاں اب ضدیں اس کی اٹھانے کا

چار پہر جب منت کریے تب وہ باتیں مانے دو

غم کھاویں یا غصہ کھاویں یوں اوقات گذرتی ہے

قسمت میں کیا خستہ دلوں کی یہ ہی لکھے تھے کھانے دو

خال سیاہ و خط سیاہ ایمان و دل کے رہزن تھے

اک مدت میں ہم نے بارے چوٹٹے یہ پہچانے دو

عشق کی صنعت مت پوچھو جوں نیچے بھوئوں کے چشم بتاں

دیکھیں جہاں محرابیں ان نے طرح کیے میخانے دو

رونے سے تو پھوٹیں آنکھیں دل کو غموں نے خراب کیا

دیکھنے قابل اس کے ہوئے ہیں اب تو یہ ویرانے دو

دشت و کوہ میں میر پھرو تم لیکن ایک ادب کے ساتھ

کوہکن و مجنوں بھی تھے اس ناحیے میں دیوانے دو

میر تقی میر

جان سے بھی ہم جاتے رہے ہیں تم بھی آئو جانے دو

اکتوبر 6, 2015میر تقی میر،اساتذہ،غزللانے،ملانے،منانے،کھانے،پانے،آنے،بکانے،جانے،سمجھانےadmin

دیوان سوم غزل 1219

قتل کیے پر غصہ کیا ہے لاش مری اٹھوانے دو

جان سے بھی ہم جاتے رہے ہیں تم بھی آئو جانے دو

جان سلامت لے کر جاوے کعبہ میں تو سلام کریں

ایک جراحت ان ہاتھوں کا صید حرم کو کھانے دو

اس کی گلی کی خاک سبھوں کے دامن دل کو کھینچے ہے

ایک اگر جی لے بھی گیا تو آتے ہیں مر جانے دو

کرتے ہو تم نیچی نظریں یہ بھی کوئی مروت ہے

برسوں سے پھرتے ہیں جدا ہم آنکھ سے آنکھ ملانے دو

کیا کیا اپنے لوہو پئیں گے دم میں مریں گے دم میں جئیں گے

دل جو بغل میں رہ نہیں سکتا اس کو کسو سے بکانے دو

اب کے بہت ہے شور بہاراں ہم کو مت زنجیر کرو

دل کی ہوس ٹک ہم بھی نکالیں دھومیں ہم کو مچانے دو

عرصہ کتنا سارے جہاں کا وحشت پر جو آجاویں

پائوں تو ہم پھیلاویں گے پر فرصت ہم کو پانے دو

کیا جاتا ہے اس میں ہمارا چپکے ہم تو بیٹھے ہیں

دل جو سمجھنا تھا سو سمجھا ناصح کو سمجھانے دو

ضعف بہت ہے میر تمھیں کچھ اس کی گلی میں مت جائو

صبر کرو کچھ اور بھی صاحب طاقت جی میں آنے دو

بات بنانا مشکل سا ہے شعر سبھی یاں کہتے ہیں

فکر بلند سے یاروں کو ایک ایسی غزل کہہ لانے دو

میر تقی میر

درویش کتنے ماتم باہم کیا کریں ہیں

اکتوبر 6, 2015میر تقی میر،اساتذہ،غزلماتم،کم،باہم،دم،درہمadmin

دیوان سوم غزل 1218

تکیے میں اپنے دل کا ہم غم کیا کریں ہیں

درویش کتنے ماتم باہم کیا کریں ہیں

جب نام دل کا کوئی لے بیٹھتا ہے ناگہ

منھ دیکھ ہم دگر کا ماتم کیا کریں ہیں

مستوں کی بات کیا ہے جو کوئی اس پہ جاوے

ہم گفتگو نشے میں درہم کیا کریں ہیں

حکم فسانہ سازی پیدا کریں ہیں شب کو

افسوں ہم اس کے اوپر جو دم کیا کریں ہیں

کچھ چال میر جی کی آتی نہیں سمجھ میں

ہم بھی سلوک ان سے اب کم کیا کریں ہیں

میر تقی میر

اب جی میں ہے کہ شہر سے اس کے سفر کریں

اکتوبر 6, 2015میر تقی میر،اساتذہ،غزلہنر،نظر،بسر،تر،سفر،سحر،سرadmin

دیوان سوم غزل 1217

تاچند وہ ستم کرے ہم درگذر کریں

اب جی میں ہے کہ شہر سے اس کے سفر کریں

بے رو سے ایسی بات کے کرنے کا لطف کیا

وہ منھ کو پھیر پھیر لے ہم حرف سر کریں

کب تک ہم انتظار میں ہر لحظہ بے قرار

گھر سے نکل نکل کے گلی میں نظر کریں

فرہاد و قیس کوہکن و دشت گرد تھے

منھ نوچیں چھاتی کوٹیں یہی ہم ہنر کریں

سختی مسلم اس سے جدا رہنے میں ولے

سر سنگ سے نہ ماریں تو کیوں کر بسر کریں

وہ تو نہیں کہ دیکھیں اس آئینہ رو کو صبح

ہم کس امید پر شب غم کو سحر کریں

لاویں کہاں سے خون دل اتنا کہ میر ہم

جس وقت بات کرنے لگیں چشم تر کریں

میر تقی میر

کس خوش سلیقگی سے جگر خوں کروں ہوں میں

اکتوبر 6, 2015میر تقی میر،اساتذہ،غزلہوں،مجنوں،گردوں،افسوں،خوںadmin

دیوان سوم غزل 1216

مصرع کوئی کوئی کبھو موزوں کروں ہوں میں

کس خوش سلیقگی سے جگر خوں کروں ہوں میں

بات اپنے ڈھب کی کوئی کرے وہ تو کچھ کہوں

بیٹھا خموش سامنے ہوں ہوں کروں ہوں میں

اس بن نظر زمین سے سی دی ہے تو کہے

کاہے کو چشم جانب گردوں کروں ہوں میں

اٹھتا ہے بے دماغ ہی ہرچند رات کو

افسانہ کہتے سینکڑوں افسوں کروں ہوں میں

کب بے دماغی شہر سے دیتی ہے اٹھنے میر

یوں تو خیال وادی مجنوں کروں ہوں میں

میر تقی میر

جاتی رہے گی جان اسی رہگذر سے یاں

اکتوبر 6, 2015میر تقی میر،اساتذہ،غزلہنر،نظر،کدھر،تر،جگر،خبر،رہگذرadmin

دیوان سوم غزل 1215

مدت ہوئی کہ کوئی نہ آیا ادھر سے یاں

جاتی رہے گی جان اسی رہگذر سے یاں

وہ آپ چل کے آوے تو شاید کہ جی رہے

ہوتی نہیں تسلی دل اب خبر سے یاں

پوچھے کوئی تو سینہ خراشی دکھایئے

سو تو نہیں ہے حرف و حکایت ہنر سے یاں

آگے تو اشک پانی سے آجاتے تھے کبھو

اب آگ ہی نکلنے لگی ہے جگر سے یاں

ٹپکا کریں ہیں پلکوں سے بے فاصلہ سرشک

برسات کی ہوا ہے سدا چشم تر سے یاں

اے بت گرسنہ چشم ہیں مردم نہ ان سے مل

دیکھیں ہیں ہم نے پھوٹتے پتھر نظر سے یاں

راہ و روش کا ہووے ٹھکانہ تو کچھ کہیں

کیا جانے میر آگئے تھے کل کدھر سے یاں

میر تقی میر

لگ گیا ڈھب تو اسی شوخ سے ڈھب کرتے ہیں

اکتوبر 6, 2015میر تقی میر،اساتذہ،غزلڈھب،اب،ادب،سب،عجب،غضبadmin

دیوان سوم غزل 1214

ہجر تاچند ہم اب وصل طلب کرتے ہیں

لگ گیا ڈھب تو اسی شوخ سے ڈھب کرتے ہیں

روز اک ظلم نیا کرتے ہیں یہ دلبر اور

روز کہتے ہیں ستم ترک ہم اب کرتے ہیں

لاگ ہے جی کے تئیں اپنے اسی یار سے ایک

اور سب یاروں کا ہم لوگ تو سب کرتے ہیں

تم کبھو میر کو چاہو سو کہ چاہیں ہیں تمھیں

اور ہم لوگ تو سب ان کا ادب کرتے ہیں

ہوں جو بے حال اس اعجوبۂ عالم کے لیے

حال سن سن کے مرا لوگ عجب کرتے ہیں

میر سے بحث یہ تھی کچھ جو نہ تھے حرف شناس

اب سخن کرتے ہیں کوئی تو غضب کرتے ہیں

میر تقی میر

میں جوں نسیم باد فروش چمن نہیں

اکتوبر 6, 2015میر تقی میر،اساتذہ،غزلچلن،چمن،وطن،کفن،دہن،سخنadmin

دیوان سوم غزل 1213

مجھ کو دماغ وصف گل و یاسمن نہیں

میں جوں نسیم باد فروش چمن نہیں

کہنے لگا کہ لب سے ترے لعل خوب ہے

اس رنگ ڈھنگ سے تو ہمارا سخن نہیں

پہنچا نہ ہو گا منزل مقصود کے تئیں

خاک رہ اس کی جس کا عبیر کفن نہیں

ہم کو خرام ناز سے مت خاک میں ملا

دل سے ہے جن کو راہ یہ ان کا چلن نہیں

گل کام آوے ہے ترے منھ کے نثار کے

صحبت رکھے جو تجھ سے یہ اس کا دہن نہیں

کل جا کے ہم نے میر کے ہاں یہ سنا جواب

مدت ہوئی کہ یاں تو وہ غربت وطن نہیں

میر تقی میر

ہو تخت کچھ دماغ تو ہم پادشاہ ہیں

اکتوبر 6, 2015میر تقی میر،اساتذہ،غزلماہ،نگاہ،گناہ،پادشاہ،راہadmin

دیوان سوم غزل 1212

افیوں ہی کے تو دل شدہ ہم رو سیاہ ہیں

ہو تخت کچھ دماغ تو ہم پادشاہ ہیں

یاں جیسے شمع بزم اقامت نہ کر خیال

ہم دل کباب پردے میں سرگرم راہ ہیں

کہنا نہ کچھ کبھو کھڑے حسرت سے دیکھنا

ہم کشتنی ہیں واقعی گر بے گناہ ہیں

گہ مہرباں ہوں دور سے گہ آنکھیں پھیر لیں

معشوق آفتاب ہیں عشاق ماہ ہیں

آنکھیں ہماری پائوں تلے کیوں نہ وہ ملے

ہم بھی تو میر کشتۂ طرز نگاہ ہیں

میر تقی میر

سوراخ پڑ گئے جگر عندلیب میں

اکتوبر 6, 2015میر تقی میر،اساتذہ،غزلنصیب،طبیب،عندلیب،عجیب،غریبadmin

دیوان سوم غزل 1211

میں نالہ کش تھا صبح کو یادحبیب میں

سوراخ پڑ گئے جگر عندلیب میں

سر مارتے ہیں سنگ سے فرہاد کے سے رنگ

دیکھیں تو ہم بھی کیا ہے ہمارے نصیب میں

جانے کو سوے دوست مسافر ہوئے ہیں ہم

ڈر ہر قدم ہے عشق کی راہ غریب میں

کیا رفتگاں کے ہاتھ سے ہو کتنے ان کے پائوں

اکثر جنھوں کا ہاتھ ہے دست طبیب میں

دل خستہ چشم بستہ و رو زرد تس پہ گرد

حیرت ہے ہم کو میر کے حال عجیب میں

میر تقی میر

بارے سب روزے تو گذرے مجھے میخانے میں

اکتوبر 6, 2015میر تقی میر،اساتذہ،غزلمیخانے،گھبرانے،پھیلانے،آنے،آجانےadmin

دیوان سوم غزل 1210

اب کے ماہ رمضاں دیکھا تھا پیمانے میں

بارے سب روزے تو گذرے مجھے میخانے میں

جیسے بجلی کے چمکنے سے کسو کی سدھ جائے

بے خودی آئی اچانک ترے آجانے میں

وہ تو بالیں تئیں آیا تھا ہماری لیکن

سدھ بھی کچھ ہم کو نہ تھی جانے کے گھبرانے میں

آج سنتے ہیں کہ فردا وہ قدآرا ہو گا

دیر کچھ اتنی قیامت کے نہیں آنے میں

حق جو چاہے تو بندھی مٹھی چلا جائوں میر

مصلحت دیکھی نہ میں ہاتھ کے پھیلانے میں

میر تقی میر

خدا نُہ نہ دے ان کو جو سر کھجائیں

اکتوبر 6, 2015میر تقی میر،اساتذہ،غزللگائیں،کھجائیں،اٹھائیں،بنائیں،جائیں،دکھائیں،سائیںadmin

دیوان سوم غزل 1209

نچیں جبہے عاشق اگر دست پائیں

خدا نُہ نہ دے ان کو جو سر کھجائیں

جھمکنے لگا خوں تو جاے سرشک

ابھی دیکھیں آنکھیں ہمیں کیا دکھائیں

رہیں کس کو سانسے کہ اب ضعف سے

مرا جی ہی کرنے لگا سائیں سائیں

خدا ساز تھا آزر بت تراش

ہم اپنے تئیں آدمی تو بنائیں

چلا یار کی اور جاتا ہے جی

جو ہو اختیاری تو اودھر نہ جائیں

جگر سوز ہیں اس کے لعل خموش

طلب کریے بوسہ تو باتیں بنائیں

ہمیں بے نیازی نے بٹھلا دیا

کہاں اتنی طاقت کہ منت اٹھائیں

کہیں دیکھے وہ بید مجنوں کہ ہم

فراموش کار اپنے کو تا دکھائیں

کہیں میر عشق مجازی ہے بد

حقیقت ہو معلوم گر دل لگائیں

میر تقی میر

لگ اٹھتی آگ سب جوِّ سما میں

اکتوبر 6, 2015میر تقی میر،اساتذہ،غزلفنا،ہوا،وفا،ادا،بہا،بلا،جفا،جا،خدا،سما،صباadmin

دیوان سوم غزل 1208

اثر ہوتا ہماری گر دعا میں

لگ اٹھتی آگ سب جوِّ سما میں

نہ اٹکا ہائے ٹک یوسفؑ کا مالک

وگرنہ مصر سب ملتا بہا میں

قصور اپنے ہی طول عمر کا تھا

نہ کی تقصیر ان نے تو جفا میں

سخن مشتاق ہیں بندے کے سب لوگ

سر و دل کس کو ہے عشق خدا میں

کفن کیا عشق میں میں نے ہی پہنا

کھنچے لوہو میں بہتیروں کے جامیں

پیام اس گل کو اس کے ہاتھ دیتے

سبک پائی نہ ہوتی گر صبا میں

جیو خوش یا کوئی ناخوش ہمیں کیا

ہم اپنے محو ہیں ذوق فنا میں

ہمیں فرہاد و مجنوں جس سے چاہو

تم آکر پوچھ لو شہر وفا میں

سراپا ہی ادا و ناز ہے یار

قیامت آتی ہے اس کی ادا میں

بلا زلف سیاہ اس کی ہے پرپیچ

وطن دل نے کیا ہے کس بلا میں

ضعیف و زار تنگی سے ہیں ہرچند

ولیکن میر اڑتے ہیں ہوا میں

میر تقی میر

لگی ہے آگ اک میرے جگر میں

اکتوبر 6, 2015میر تقی میر،اساتذہ،غزلنظر،کمر،گھر،جگر،سفر،سحر،شرadmin

دیوان سوم غزل 1207

شرر سے اشک ہیں اب چشم تر میں

لگی ہے آگ اک میرے جگر میں

نگین عاشق و معشوق کے رنگ

جدا رہتے ہیں ہم وے ایک گھر میں

بلا ہنگامہ تھا کل اس کے در پر

قیامت گم ہوئی اس شور و شر میں

بگولے کی روش وحشت زدہ ہم

رہے برچیدہ دامن اس سفر میں

سماں یاں سانجھ کا سا ہو نہ جاتا

اثر ہوتا اگر آہ سحر میں

لچکنے ہی نے ہم کو مار رکھا

کٹاری تو نہ تھی اس کی کمر میں

رہا تھا دیکھ اودھر میر چلتے

عجب اک ناامیدی تھی نظر میں

میر تقی میر

ہجراں میں اس کے ہم کو بہتیرے مشغلے ہیں

اکتوبر 6, 2015میر تقی میر،اساتذہ،غزلہلے،ملے،مرحلے،مشغلے،چلے،بلے،بھلے،تلے،زلزلےadmin

دیوان سوم غزل 1206

روتے ہیں نالہ کش ہیں یا رات دن جلے ہیں

ہجراں میں اس کے ہم کو بہتیرے مشغلے ہیں

جوں دود عمر گذری سب پیچ و تاب ہی میں

اتنا ستا نہ ظالم ہم بھی جلے بلے ہیں

مرنا ہے خاک ہونا ہو خاک اڑتے پھرنا

اس راہ میں ابھی تو درپیش مرحلے ہیں

کس دن چمن میں یارب ہو گی صبا گل افشاں

کتنے شکستہ پر ہم دیوار کے تلے ہیں

جب یاد آگئے ہیں پاے حنائی اس کے

افسوس سے تب اپنے ہم ہاتھ ہی ملے ہیں

تھا جو مزاج اپنا سو تو کہاں رہا ہے

پر نسبت اگلی تو بھی ہم ان دنوں بھلے ہیں

کچھ وہ جو کھنچ رہا ہے ہم کانپتے ہیں ڈر سے

یاں جوں کمان گھر میں ہر وقت زلزلے ہیں

اک شور ہی رہا ہے دیوان پن میں اپنے

زنجیر سے ہلے ہیں گر کچھ بھی ہم ہلے ہیں

پست و بلند دیکھیں کیا میر پیش آئے

اس دشت سے ہم اب تو سیلاب سے چلے ہیں

میر تقی میر

مدت ہوئی اٹھا دیں تم نے یہ ساری رسمیں

اکتوبر 6, 2015میر تقی میر،اساتذہ،غزلمیں،رسمیںadmin

دیوان سوم غزل 1205

کیسی وفا و الفت کھاتے عبث ہو قسمیں

مدت ہوئی اٹھا دیں تم نے یہ ساری رسمیں

ساون تو اب کے ایسا برسا نہیں جو کہیے

روتا رہا ہوں میں ہی دن رات اس برس میں

گھبرا کے یوں لگے ہے سینے میں دل تڑپنے

جیسے اسیر تازہ بیتاب ہو قفس میں

جانکاہ ایسے نالے لوہے سے تو نہ ہوویں

بیتاب دل کسو کا رکھا ہے کیا جرس میں

اب لاغری سے دیں ہیں ساری رگیں دکھائی

پر عشق بھر رہا ہے ایک ایک میری نس میں

اے ابر ہم بھی برسوں روتے پھرا کیے ہیں

دریا بندھے پڑے ہیں وادی کے خار و خس میں

کیا میر بس کرے ہے اب زاری آہ شب کی

دل آگیا ہے اس کا ظالم کسو کے بس میں

میر تقی میر

دن آج کا بھی سانجھ ہوا انتظار میں

اکتوبر 6, 2015میر تقی میر،اساتذہ،غزلقرار،یار،کنار،پیار،انتظار،بہار،دیار،رہگذار،شکارadmin

دیوان سوم غزل 1204

دور اس سے جی چکے ہیں ہم اس روزگار میں

دن آج کا بھی سانجھ ہوا انتظار میں

داغوں سے بھر گیا ہے مرا سینۂ فگار

گل پھول زور زور کھلے اس بہار میں

کیا اعتبار طائر دل کی تڑپ کا اب

مذبوحی سی ہے کچھ حرکت اس شکار میں

بوسہ لبوں کا مانگتے ہی تم بگڑ گئے

بہتیری باتیں ہوتی ہیں اخلاص پیار میں

دل پھر کے ہم سے خانۂ زنجیر کے قریب

ٹک پہنچتا ہی ہے شکن زلف یار میں

اس بحرحسن پاس نہ خنجر تھا کل نہ تیغ

میں جان دی ہے حسرت بوس و کنار میں

چلتا ہے ٹک تو دیکھ کے چل پائوں ہر نفس

آنکھیں ہی بچھ گئی ہیں ترے رہگذار میں

کس کس ادا سے ریختے میں نے کہے ولے

سمجھا نہ کوئی میری زبان اس دیار میں

تڑپے ہے متصل وہ کہاں ایسے روز و شب

ہے فرق میر برق و دل بے قرار میں

میر تقی میر

دل کلیجا نکال لیتے ہیں

اکتوبر 6, 2015میر تقی میر،اساتذہ،غزلمال،نکال،ڈھال،ڈال،وبال،سنبھال،سوالadmin

دیوان سوم غزل 1203

جس کا خوباں خیال لیتے ہیں

دل کلیجا نکال لیتے ہیں

کیا نظرگاہ ہے کہ شرم سے گل

سر گریباں میں ڈال لیتے ہیں

دیکھ اسے ہو ملک سے بھی لغزش

ہم تو دل کو سنبھال لیتے ہیں

کھول کر بال سادہ رو لڑکے

خلق کا کیوں وبال لیتے ہیں

تیغ کھینچے ہیں جب یہ خوش ظاہر

ماہ و خور منھ پہ ڈھال لیتے ہیں

دلبراں نقد دل کو عاشق کے

جان کر اپنا مال لیتے ہیں

ہیں گدا میر بھی ولے دوجہاں

کرکے اک ہی سوال لیتے ہیں

میر تقی میر

ایسی جنت گئی جہنم میں

اکتوبر 6, 2015میر تقی میر،اساتذہ،غزلہم،موسم،ماتم،کم،جہنم،دم،عالمadmin

دیوان سوم غزل 1202

جائے ہے جی نجات کے غم میں

ایسی جنت گئی جہنم میں

نزع میں میرے ایک دم ٹھہرو

دم ابھی ہیں ہزار اک دم میں

نعل ہم چھاتیوں پہ جڑ کے پھرے

اپنے خوں گشتہ دل کے ماتم میں

ہے بہت جیب چاکی ہی جوں صبح

کیا کیا جائے فرصت کم میں

پرکے تھی بے کلی قفس میں بہت

دیکھیے اب کے گل کے موسم میں

آپ میں ہم نہیں تو کیا ہے عجب

دور اس سے رہا ہے کیا ہم میں

بے خودی پر نہ میر کی جائو

تم نے دیکھا ہے اور عالم میں

میر تقی میر

دیدنی ہے پہ بہت کم نظر آتا ہے میاں

اکتوبر 6, 2015میر تقی میر،اساتذہ،غزلپلاتا،پاتا،آتا،اٹھاتا،بناتا،جلاتا،جاتاadmin

دیوان سوم غزل 1201

شہروں ملکوں میں جو یہ میر کہاتا ہے میاں

دیدنی ہے پہ بہت کم نظر آتا ہے میاں

عالم آئینہ ہے جس کا وہ مصور بے مثل

ہائے کیا صورتیں پردے میں بناتا ہے میاں

قسمت اس بزم میں لائی کہ جہاں کا ساقی

دے ہے مے سب کو ہمیں زہر پلاتا ہے میاں

ہوکے عاشق ترے جان و دل و دیں کھو بیٹھے

جیسا کرتا ہے کوئی ویسا ہی پاتا ہے میاں

حسن یک چیز ہے ہم ہوویں کہ تو ہو ناصح

ایسی شے سے کوئی بھی ہاتھ اٹھاتا ہے میاں

جھکّڑ اس حادثے کا کوہ گراں سنگ کو بھی

جوں پر کاہ اڑائے لیے جاتا ہے میاں

کیا پری خواں ہے جو راتوں کو جگاوے ہے میر

شام سے دل جگر و جان جلاتا ہے میاں

میر تقی میر

جھلک سی مارتی ہے کچھ سیاہی داغ سودا میں

اکتوبر 6, 2015میر تقی میر،اساتذہ،غزلپا،تمنا،ثریا،جا،دنیا،دریا،سوداadmin

دیوان سوم غزل 1200

بہار آئی کھلے گل پھول شاید باغ و صحرا میں

جھلک سی مارتی ہے کچھ سیاہی داغ سودا میں

نفاق مردماں عاجز سے ہے زعم تکبر پر

کہوں کیا اتفاق ایسا بھی ہوجاتا ہے دنیا میں

نموداری ہماری بے کلی سے ایک چشمک ہے

ٹھہرنا برق سا اپنا ہے ہوچکنا اسی جا میں

سخن دس پانچ یاں ہیں جمع کس حسن لطافت سے

تفاوت ہے مرے مجموعہ و عقد ثریا میں

کنواں دیکھا نہ کوئی غار میں نے شوق کے مارے

بعینہ راہ اندھا سا چلا اس کی تمنا میں

بہت تھا شور وحشت سر میں میرے سوچ نے تیری

لکھی تصویر تو زنجیر پہلے کھینچ لی پا میں

جدائی کے تعب کھینچے نہیں ہیں میر راضی ہوں

جلاویں آگ میں یا مجھ کو پھینکیں قعر دریا میں

میر تقی میر

رونے سے تب تو میری کچھ آنکھیں جلتیاں ہیں

اکتوبر 6, 2015میر تقی میر،اساتذہ،غزلملتیاں،چلتیاں،نکلتیاں،جلتیاں،سنبھلتیاںadmin

دیوان سوم غزل 1199

چنگاریاں گرے ہیں جب پلکیں ہلتیاں ہیں

رونے سے تب تو میری کچھ آنکھیں جلتیاں ہیں

آنکھیں ملا کے اس سے ٹک دیکھو حال دل کا

وے انکھڑیاں جیوں کو اپنے تو ملتیاں ہیں

ہم تو بھی فصل گل میں چل ٹک تو پاس بیٹھیں

سر جوڑ جوڑ کیسی کلیاں نکلتیاں ہیں

مذکور دخت رز کا کیا شیخ رہگذر میں

اس سے ابھی ہماری باتیں ہی چلتیاں ہیں

دیکھیں تو میر کیا ہو بے طاقتی سے حالت

اب دیر دیر جانیں اپنی سنبھلتیاں ہیں

میر تقی میر

خاک سی منھ پر مرے اس وقت اڑ جاتی ہے میاں

اکتوبر 6, 2015میر تقی میر،اساتذہ،غزللاتی،چھاتی،کھاتی،گھبراتی،گاتی،باغاتی،جاتی،ذاتی،شرماتیadmin

دیوان سوم غزل 1198

جوش غم اٹھنے سے اک آندھی چلی آتی ہے میاں

خاک سی منھ پر مرے اس وقت اڑ جاتی ہے میاں

پڑ گئے سوراخ دل کے غم میں سینے کوٹتے

سل تو پتھر کی نہیں آخر مری چھاتی ہے میاں

میں حیا والا ہوا رسواے عالم عشق میں

آنکھ میری اس سبب لوگوں سے شرماتی ہے میاں

رشک اس کے چہرئہ پرنور کا ہے جاں گداز

شمع مجلس میں کھڑی اپنے تئیں کھاتی ہے میاں

آگ غیرت سے قفس کو دوں ہوں چاروں اور سے

ایک دو گلبرگ جب بادسحر لاتی ہے میاں

ہے حزیں نالیدن اس کا نغمۂ طنبور سا

خوش نوا مرغ گلستاں رند باغاتی ہے میاں

کیا کہوں منھ تک جگر آتا ہے جب رکتا ہے دل

جان میری تن میں کیسی کیسی گھبراتی ہے میاں

اس کے ابروے کشیدہ خم ہی رہتے ہیں سدا

یہ کجی اس تیغ کی تو جوہر ذاتی ہے میاں

گات اس اوباش کی لیں کیونکے بر میں میر ہم

ایک جھرمٹ شال کا اک شال کی گاتی ہے میاں

میر تقی میر

کسو سے شہر میں کچھ اختلاط مجھ کو نہیں

اکتوبر 6, 2015میر تقی میر،اساتذہ،غزلنشاط،انبساط،احتیاط،اختلاط،صراطadmin

دیوان سوم غزل 1197

گرفتہ دل ہوں سر ارتباط مجھ کو نہیں

کسو سے شہر میں کچھ اختلاط مجھ کو نہیں

جہاں ہو تیغ بکف کوئی سادہ جا لگنا

اب اپنی جان کا کچھ احتیاط مجھ کو نہیں

کرے گا کون قیامت کو ریسماں بازی

دل و دماغ گذار صراط مجھ کو نہیں

جسے ہو مرگ سا پیش استحالہ کیوں نہ کڑھے

اس اپنے جینے سے کچھ انبساط مجھ کو نہیں

ہوا ہوں فرط اذیت سے میں تو سن اے میر

تمیز رنج و خیال نشاط مجھ کو نہیں

میر تقی میر

جس سے دل آگ و چشم آب ہے میاں

اکتوبر 6, 2015میر تقی میر،اساتذہ،غزلکتاب،انقلاب،آب،اضطراب،تاب،جواب،حجاب،حساب،خواب،شراب،عتابadmin

دیوان سوم غزل 1196

عشق وہ خانماں خراب ہے میاں

جس سے دل آگ و چشم آب ہے میاں

تن میں جب تک ہے جاں تکلف ہے

ہم میں اس میں ابھی حجاب ہے میاں

گو نہیں میں کسو شمار میں یاں

عاقبت ایک دن حساب ہے میاں

کو دماغ و جگر کہاں وہ قلب

یاں عجب ایک انقلاب ہے میاں

زلف بل کھا رہی ہے گو اس کی

دل کو اپنے تو پیچ و تاب ہے میاں

لطف و مہر و وفا وہ کیا جانے

ناز ہے خشم ہے عتاب ہے میاں

لوہو اپنا پیوں ہوں چپکا ہوں

کس کو اس بن سر شراب ہے میاں

چشم وا یاں کی چشم بسمل ہے

جاگنا یہ نہیں ہے خواب ہے میاں

منھ سے کچھ بولتا نہیں قاصد

شاید اودھر سے اب جواب ہے میاں

دل ہی اپنا نہیں فقط بے چین

جی کو بھی زور اضطراب ہے میاں

چاہیے وہ کہے سو لکھ رکھیں

ہر سخن میر کا کتاب ہے میاں

میر تقی میر

بھروسا کیا ہے میرا میں چراغ زیر داماں ہوں

اکتوبر 6, 2015میر تقی میر،اساتذہ،غزلناداں،گریاں،پریشاں،انساں،حیراں،داماں،طوفاںadmin

دیوان سوم غزل 1195

جلا از بس تمھارے طور سے اے جامہ زیباں ہوں

بھروسا کیا ہے میرا میں چراغ زیر داماں ہوں

سر حرف و سخن کس کو خیال زلف میں اس کے

تنک میں جو بکھر جاتا ہوں میں خاطر پریشاں ہوں

کہن سالی میں شاہد بازیاں کاہے کو زیبا تھیں

دیا لڑکوں کو دل میں نے قیامت میں بھی ناداں ہوں

کبھو خورشید و مہ کو دیکھ رہتا ہوں کبھو گل کو

مرے انداز سے ظاہر ہے میں اس رو کا حیراں ہوں

کسو کی یاد رو میں اشک آنکھوں سے نہیں تھمتے

برنگ ابر قبلہ آج میں شدت سے گریاں ہوں

بکا جب تک نہیں کرتا ہوں تب تک خیر ہے ورنہ

بلا ہوں فتنہ ہوں آشوب ہوں آفت ہوں طوفاں ہوں

بحال سگ پھرا کب تک کروں یوں اس کے کوچے میں

خجالت کھینچتا ہوں میر آخر میں بھی انساں ہوں

میر تقی میر

سو آئینہ سا صورت دیوار ہوا میں

اکتوبر 6, 2015میر تقی میر،اساتذہ،غزلہموار،یار،گرفتار،بیمار،بیدار،تیار،خوار،خبردار،خریدار،دیوارadmin

دیوان سوم غزل 1194

تھا شوق مجھے طالب دیدار ہوا میں

سو آئینہ سا صورت دیوار ہوا میں

جب دور گیا قافلہ تب چشم ہوئی باز

کیا پوچھتے ہو دیر خبردار ہوا میں

اب پست و بلند ایک ہے جوں نقش قدم یاں

پامال ہوا خوب تو ہموار ہوا میں

کب ناز سے شمشیر ستم ان نے نہ کھینچی

کب ذوق سے مرنے کو نہ تیار ہوا میں

بازار وفا میں سرسودا تھا سبھوں کو

پر بیچ کے جی ایک خریدار ہوا میں

ہشیار تھے سب دام میں آئے نہ ہم آواز

تھی رفتگی سی مجھ کو گرفتار ہوا میں

کیا چیتنے کا فائدہ جو شیب میں چیتا

سونے کا سماں آیا تو بیدار ہوا میں

تم اپنی کہو عشق میں کیا پوچھو ہو میری

عزت گئی رسوائی ہوئی خوار ہوا میں

اس نرگس مستانہ کو دیکھے ہوئے برسوں

افراط سے اندوہ کی بیمار ہوا میں

رہتا ہوں سدا مرنے کے نزدیک ہی اب میر

اس جان کے دشمن سے بھلا یار ہوا میں

میر تقی میر

برسنا مینھ کا داخل ہے اس بن تیر باراں میں

اکتوبر 6, 2015میر تقی میر،اساتذہ،غزلمیداں،یوسفستاں،گلستاں،پیکاں،ایماں،بیاباں،باراں،جاں،حیراں،دیواں،داماںadmin

دیوان سوم غزل 1193

چمکنا برق کا کرتا ہے کار تیغ ہجراں میں

برسنا مینھ کا داخل ہے اس بن تیر باراں میں

بھرے رہتے ہیں سارے پھول ہی جس کے گریباں میں

وہ کیا جانے کہ ٹکڑے ہیں جگر کے میرے داماں میں

کہیں شام و سحر رویا تھا مجنوں عشق لیلیٰ میں

ہنوز آشوب دونوں وقت رہتا ہے بیاباں میں

خیال یار میں آگے ہے یک مہ پارہ یاں ہر دم

اگر ہجراں میں زندانی ہوں پر ہوں یوسفستاں میں

رکھا عرصہ جنوں پر تنگ مشتاقوں کی دوری سے

کسے مارا ہے اس گھتیے نے سنمکھ ہوکے میداں میں

جہاں سے دیکھیے اک شعر شور انگیز نکلے ہے

قیامت کا سا ہنگامہ ہے ہر جا میرے دیواں میں

جو دیکھو تو نہیں یہ حال اپنا حسن سے خالی

دمک الماس کی سی ہے ہماری چشم حیراں میں

خرابی آگئی دینوں میں ملت گئی اسے دیکھے

ملے سے اس کے رخنے پڑ گئے لوگوں کے ایماں میں

نکل آتا ہے گھر سے ہر گھڑی ننگے بدن باہر

برا یہ آپڑا ہے عیب اس آسائش جاں میں

ستم کے تیر اس کے میرے سینے میں بہت ٹوٹے

کیا جاتا ہے مشکل فرق اب دل اور پیکاں میں

ہواے ابر میں کیا میر ہنستا باغ میں وہ تھا

گری پڑتی ہے بجلی آج کچھ صحن گلستاں میں

میر تقی میر

وے بہا سہل جو دیتے ہیں خریدار نہیں

اکتوبر 6, 2015میر تقی میر،اساتذہ،غزلمار،گرفتار،پیار،تکرار،خریدار،سزاوار،عارadmin

دیوان سوم غزل 1192

دل عجب جنس گراں قدر ہے بازار نہیں

وے بہا سہل جو دیتے ہیں خریدار نہیں

کچھ تمھیں ملنے سے بیزار ہو میرے ورنہ

دوستی ننگ نہیں عیب نہیں عار نہیں

ایک دو بات کبھو ہم سے کہو یا نہ کہو

قدر کیا اپنی ہمیں اس لیے تکرار نہیں

ناز و انداز و ادا عشوہ و اغماض و حیا

آب و گل میں ترے سب کچھ ہے یہی پیار نہیں

صورت آئینے میں ٹک دیکھ تو کیا صورت ہے

بدزبانی تجھے اس منھ پہ سزاوار نہیں

دل کے الجھائو کو کیا تجھ سے کہوں اے ناصح

تو کسو زلف کے پھندے میں گرفتار نہیں

اس کے کاکل کی پہیلی کہو تم بوجھے میر

کیا ہے زنجیر نہیں دام نہیں مار نہیں

میر تقی میر

ہم کنج قفس میں ہیں دل سینوں میں جلتے ہیں

اکتوبر 6, 2015میر تقی میر،اساتذہ،غزلملتے،چلتے،گلتے،پگھلتے،اگلتے،ابلتے،بہلتے،جلتے،سنبھلتےadmin

دیوان سوم غزل 1191

کہتے ہیں بہار آئی گل پھول نکلتے ہیں

ہم کنج قفس میں ہیں دل سینوں میں جلتے ہیں

اب ایک سی بیہوشی رہتی نہیں ہے ہم کو

کچھ دل بھی سنبھلتے ہیں پر دیر سنبھلتے ہیں

وہ تو نہیں اک چھینٹا رونے کا ہوا گاہے

اب دیدئہ تر اکثر دریا سے ابلتے ہیں

ان پائوں کو آنکھوں سے ہم ملتے رہے جیسا

افسوس سے ہاتھوں کو اب ویسا ہی ملتے ہیں

کیا کہیے کہ اعضا سب پانی ہوئے ہیں اپنے

ہم آتش ہجراں میں یوں ہی پڑے گلتے ہیں

کرتے ہیں صفت جب ہم لعل لب جاناں کی

تب کوئی ہمیں دیکھے کیا لعل اگلتے ہیں

گل پھول سے بھی اپنے دل تو نہیں لگتے ٹک

جی لوگوں کے بے جاناں کس طور بہلتے ہیں

ہیں نرم صنم گونہ کہنے کے تئیں ورنہ

پتھر ہیں انھوں کے دل کاہے کو پگھلتے ہیں

اے گرم سفر یاراں جو ہے سو سر رہ ہے

جو رہ سکو رہ جائو اب میر بھی چلتے ہیں

میر تقی میر

ظل ممدود چمن میں ہوں مگر زنجیر میں

اکتوبر 6, 2015میر تقی میر،اساتذہ،غزلمیر،پیر،تقریر،تقصیر،تاثیر،تصویر،زنجیرadmin

دیوان سوم غزل 1190

کیا کروں سودائی اس کی زلف کی تدبیر میں

ظل ممدود چمن میں ہوں مگر زنجیر میں

گل تو مجھ حیران کی خاطر بہت کرتا ہے لیک

وا نہیں ہوتا برنگ غنچۂ تصویر میں

روبرو اس کے گئے خاموش ہوجاتا ہوں کچھ

کس سے اپنے چپکے رہنے کی کروں تقریر میں

تن بدن میں دل کی گرمی نے لگا رکھی ہے آگ

عشق کی تو ہے جوانی ہو گیا گو پیر میں

ہو اگر خونریز کا اپنے سبب تو کچھ کہو

وہ ستمگر ہے مقرر اور بے تقصیر میں

بے دماغی شور شب سے یار کو دونی ہوئی

دیکھی بس اس بے سرایت نالے کی تاثیر میں

کچھ نہیں پوچھا ہے مجھ سے جز حدیث روے یار

ہاتھ بلبل کے لگا ہوں باغ میں جب میر میں

میر تقی میر

نہیں آتیں کیا تجھ کو آنے کی باتیں

اکتوبر 6, 2015میر تقی میر،اساتذہ،غزللگانے،کھانے،آنے،آستانے،بنانے،دوانے،دکھانے،زمانے،سیانےadmin

دیوان سوم غزل 1189

نہ کر شوق کشتوں سے جانے کی باتیں

نہیں آتیں کیا تجھ کو آنے کی باتیں

سماجت جو کی بوس لب پر تو بولا

نہیں خوب یہ مار کھانے کی باتیں

زبانیں بدلتے ہیں ہر آن خوباں

یہ سب کچھ ہیں بگڑے زمانے کی باتیں

نظر جب کرو زیر لب کچھ کہے ہے

کہو یار کے آستانے کی باتیں

سہی جائے گالی اگر دوستی ہو

بری بھی بھلی ہیں لگانے کی باتیں

ہمیں دیر و کعبے سے کیا گفتگو ہے

چلی جاتی ہیں یہ سیانے کی باتیں

بگڑ بھی چکے یار سے ہم تو یارو

کرو کچھ اب اس سے بنانے کی باتیں

کیا سیر کل میں نے دیوان مجنوں

خوش آئیں بہت اس دوانے کی باتیں

بہت ہرزہ گوئی کی یاں میر صاحب

کرو واں کے کچھ منھ دکھانے کی باتیں

میر تقی میر

یہ کانٹے کھٹکتے جگر میں بھی ہیں

اکتوبر 6, 2015میر تقی میر،اساتذہ،غزلنظر،کمر،گہر،گھر،جگر،سفرadmin

دیوان سوم غزل 1188

تری پلکیں چبھتی نظر میں بھی ہیں

یہ کانٹے کھٹکتے جگر میں بھی ہیں

رہے پھرتے دریا میں گرداب سے

وطن میں بھی ہیں ہم سفر میں بھی ہیں

کہاں سے کہ مجنوں بھی ہم سا ہی تھا

غلط کے شوائب نظر میں بھی ہیں

نہ بھولو نزاکت لچک ہی نہیں

چھپے خنجر اس کی کمر میں بھی ہیں

جھمک سطح رخ کی سی اس کے کہاں

صفا و ضیا تو گہر میں بھی ہیں

دل و دلی دونوں اگر ہیں خراب

پہ کچھ لطف اس اجڑے گھر میں بھی ہیں

چلو میر کے تو تجسس کے بعد

کہ وے وحشی تو اپنے گھر میں بھی ہیں

میر تقی میر

عاشق زار کو مار رکھے ہے ایک ابرو کی اشارت میں

اکتوبر 6, 2015میر تقی میر،اساتذہ،غزلاشارت،بصارت،حقارت،زیارت،سفارت،شرارت،عمارتadmin

دیوان سوم غزل 1187

تیغ کی نوبت کب پہنچے ہے اپنے جی کی غارت میں

عاشق زار کو مار رکھے ہے ایک ابرو کی اشارت میں

گذرے گر دل میں ہوکر تو ایک نگاہ ضروری ہے

کچھ کچھ تیرے غم نے لکھا ہے آکر واں کی عمارت میں

سوکھ کے میں تو عشق کے غم میں خس کی مثال حقیر ہوا

وہ تقصیر نہیں کرتا ہے اب تک میری حقارت میں

ایک بگولا ساتھ مجھے بھی تربت قیس پہ لے آیا

کتنے غزال نظر واں آئے تھے مشغول زیارت میں

دل کو آگ اک دم میں دے دی اشک ہوئے چنگاری سے

کیا ہی شریر ہے شوخی برق ملائی ان نے شرارت میں

شیخ جو تھا دیدار بتاں کا منکر ایسا تھا معذور

دل کو بصیرت تھی نہ اس کے بے نوری تھی بصارت میں

خط و کتابت ایک طرف ہے دفتر لکھ لکھ بھیجے میر

کہیے کچھ جو صریر قلم کی کوتاہی ہو سفارت میں

میر تقی میر

خلل سا ہے دماغ آسماں میں

اکتوبر 6, 2015میر تقی میر،اساتذہ،غزلفغاں،ناتواں،کارواں،آسماں،جہاں،جواں،زباںadmin

دیوان سوم غزل 1186

نئی گردش ہے اس کی ہر زماں میں

خلل سا ہے دماغ آسماں میں

ہوا تن ضعف سے ایسا کہے تو

کہ اب جی ہی نہیں اس ناتواں میں

کہا میں درد دل یا آگ اگلی

پھپھولے پڑ گئے میری زباں میں

متاع حسن یوسفؑ سی کہاں اب

تجسس کرتے ہیں ہر کارواں میں

بلاے جاں ہے وہ لڑکا پری زاد

اسی کا شور ہے پیر و جواں میں

بہت ناآشنا تھے لوگ یاں کے

چلے ہم چار دن رہ کر جہاں میں

تری شورش بھی بے کل ہے مگر میر

ملا دے پیس کر بجلی فغاں میں

میر تقی میر

ساتھ اس کارواں کے ہم بھی ہیں

اکتوبر 6, 2015میر تقی میر،اساتذہ،غزلناتواں،ڈھان،واں،کارواں،گلستاں،پاسباں،آستاں،بان،جواں،خانداں،زباںadmin

دیوان سوم غزل 1185

رفتگاں میں جہاں کے ہم بھی ہیں

ساتھ اس کارواں کے ہم بھی ہیں

شمع ہی سر نہ دے گئی برباد

کشتہ اپنی زباں کے ہم بھی ہیں

ہم کو مجنوں کو عشق میں مت بوجھ

ننگ اس خانداں کے ہم بھی ہیں

جس چمن زار کا ہے تو گل تر

بلبل اس گلستاں کے ہم بھی ہیں

نہیں مجنوں سے دل قوی لیکن

یار اس ناتواں کے ہم بھی ہیں

بوسہ مت دے کسو کے در پہ نسیم

خاک اس آستاں کے ہم بھی ہیں

گو شب اس در سے دور پہروں پھریں

پاس تو پاسباں کے ہم بھی ہیں

وجہ بیگانگی نہیں معلوم

تم جہاں کے ہو واں کے ہم بھی ہیں

مر گئے مر گئے نہیں تو نہیں

خاک سے منھ کو ڈھانکے ہم بھی ہیں

اپنا شیوہ نہیں کجی یوں تو

یار جی ٹیڑھے بانکے ہم بھی ہیں

اس سرے کی ہے پارسائی میر

معتقد اس جواں کے ہم بھی ہیں

میر تقی میر

ایدھر سے ہیں دعائیں اودھر سے گالیاں ہیں

اکتوبر 6, 2015میر تقی میر،اساتذہ،غزللیاں،لالیاں،چھپالیاں،نالیاں،نرالیاں،والیاں،کھالیاں،کالیاں،گالیاں،بالیاںadmin

دیوان سوم غزل 1184

درویشوں سے تو ان نے ضدیں نکالیاں ہیں

ایدھر سے ہیں دعائیں اودھر سے گالیاں ہیں

جبہے سے سینہ تک ہیں کیا کیا خراش ناخن

گویا کہ ہم نے منھ پر تلواریں کھالیاں ہیں

جب لگ گئے جھمکنے رخسار یار دونوں

تب مہر و مہ نے اپنی آنکھیں چھپالیاں ہیں

صبح چمن کا جلوہ ہندی بتوں میں دیکھا

صندل بھری جبیں ہیں ہونٹوں کی لالیاں ہیں

درد و الم ہی میں سب جاتے ہیں روز و شب یاں

دن اشک ریزیاں ہیں شب زار نالیاں ہیں

حیزوں نے ریختے کو ووں ریختی بنایا

جوں ان دنوں میں بالے لڑکوں کی بالیاں ہیں

اجماع بوالہوس کو رکھ رکھ لیا ہے آگے

مت جان ایسی بھیڑیں جی دینے والیاں ہیں

ان گل رخوں کی قامت لہکے ہے یوں ہوا میں

جس رنگ سے لچکتی پھولوں کی ڈالیاں ہیں

وہ دزد دل نہیں تو کیوں دیکھتے ہی مجھ کو

پلکیں جھکالیاں ہیں آنکھیں چرا لیاں ہیں

اس آفتاب بن یاں اندھیر ہورہا ہے

دن بھی سیاہ اپنے جوں راتیں کالیاں ہیں

چلتے ہیں یہ تو ٹھوکر لگتی ہے میر دل کو

چالیں ہی دلبروں کی سب سے نرالیاں ہیں

میر تقی میر

سو غزل پڑھتے پھرے ہیں لوگ فیض آباد میں

اکتوبر 6, 2015میر تقی میر،اساتذہ،غزلفرہاد،فریاد،ناشاد،ایجاد،آباد،بادadmin

دیوان سوم غزل 1183

شعر کچھ میں نے کہے بالوں کی اس کے یاد میں

سو غزل پڑھتے پھرے ہیں لوگ فیض آباد میں

سرخ آنکھیں خشم سے کیں ان نے مجھ پر صبح کو

دیکھی یہ تاثیر شب کی خوں چکاں فریاد میں

یہ تصرف عشق کا ہے سب وگرنہ ظرف کیا

ایک عالم غم سمایا خاطر ناشاد میں

عشق کی دیوانگی لائی ہمیں جنگل کی اور

ورنہ ہم پھرتے بگولے سے نہ خاک و باد میں

دیر لگتا ہے گلے تلوار پر وہ رکھ کے ہاتھ

خوبیاں بھی تو بہت ہیں اس ستم ایجاد میں

یہ بنا رہتی سی آتی ہے نظر کچھ یاں مجھے

اچھی ہے تعمیر دل کی اس خراب آباد میں

میر ہم جبہہ خراشوں سے کسو کا ذکر کیا

وے ہنر ہم میں ہیں جو تھے تیشۂ فرہاد میں

میر تقی میر

کرے ہے آپھی شکایت کہ ہم گلہ نہ کریں

اکتوبر 6, 2015میر تقی میر،اساتذہ،غزلمقابلہ،مساہلہ،معاملہ،گلہ،جلا،دلا،عاقلاadmin

دیوان سوم غزل 1182

کبھو ملے ہے سو وہ یوں کہ پھر ملا نہ کریں

کرے ہے آپھی شکایت کہ ہم گلہ نہ کریں

ہوئی یہ چاہ میں مشکل کہ جی گیا ہوتا

نہ رہتے جیتے اگر ہم مساہلہ نہ کریں

ہمارے حرف پریشاں ہی لطف رکھتے ہیں

جنوں ہے بحث جو وحشت میں عاقلانہ کریں

صفاے دل جو ہوئی ٹک تو دیکھیں ہیں کیا کیا

ہم ایسے آئینے کو اپنے کیوں جلا نہ کریں

وبال میں نہ گرفتار ہوں کہیں مہ و مہر

خدا کرے ترے رخ سے مقابلہ نہ کریں

دل اب تو ہم سے ہے بدباز اگر رہے جیتے

کسو سے ہم بھی ولے پھر معاملہ نہ کریں

سخن کے ملک کا میں مستقل امیر ہوں میر

ہزار مدعی بھی مجھ کو دہ دلا نہ کریں

میر تقی میر

خفت کھینچ کے جاتا ہوں رہتا نہیں دل پھر آتا ہوں

اکتوبر 6, 2015میر تقی میر،اساتذہ،غزللگاتا،کھاتا،گھبراتا،پچھتاتا،پاتا،آتا،بہلاتا،بناتا،جاتا،شرماتاadmin

دیوان سوم غزل 1181

ظلم و ستم کیا جور و جفا کیا جو کچھ کہیے اٹھاتا ہوں

خفت کھینچ کے جاتا ہوں رہتا نہیں دل پھر آتا ہوں

گھر سے اٹھ کر لڑکوں میں بیٹھا بیت پڑھی دو باتیں کیں

کس کس طور سے اپنے دل کو اس بن میں بہلاتا ہوں

ہائے سبک ہونا یہ میرا فرط شوق سے مجلس میں

وہ تو نہیں سنتا دل دے کر میں ہی باتیں بناتا ہوں

قتل میں میرے یہ صحبت ہے غم غصے سے محبت کے

لوہو اپنا پیتا ہوں تلواریں اس کی کھاتا ہوں

آنے کی میری فرصت کتنی دو دم دو پل ایک گھڑی

رنجش کیوں کا ہے کو خشونت غصہ کیا ہے جاتا ہوں

سرماروں ہوں ایدھر اودھر دور تلک جاتا ہوں نکل

پاس نہیں پاتا جو اس کو کیا کیا میں گھبراتا ہوں

پھاڑ کے خط کو گلے میں ڈالا شہر میں سب تشہیر کیا

سامنے ہوں قاصد کے کیونکر اس سے میں شرماتا ہوں

پہلے فریب لطف سے اس کے کچھ نہ ہوا معلوم مجھے

اب جو چاہ نے بدلیں طرحیں کڑھتا ہوں پچھتاتا ہوں

مجرم اس خاطر ہوتا ہوں میں بعضی بعضی شوخی کر

عذر گناہ میں جاکر اس کے پائوں کو ہاتھ لگاتا ہوں

دیکھے ان پلکوں کے اکثر میر ہوں بے خود تنگ آیا

آپ کو پاتا ہوں تو چھری اس وقت نہیں میں پاتا ہوں

میر تقی میر

مریں بھی ہم تو نہ دیکھیں مروت ان کو نہیں

اکتوبر 6, 2015میر تقی میر،اساتذہ،غزلفرصت،مروت،آدمیت،صحبت،غیرتadmin

دیوان سوم غزل 1180

کہاں کے لوگ ہیں خوباں محبت ان کو نہیں

مریں بھی ہم تو نہ دیکھیں مروت ان کو نہیں

خراب و خوار ہے سلطاں شکستہ حال امیر

کسو فقیر سے شاید کہ صحبت ان کو نہیں

ہمارے دیدہ و دل سے ہی ہم پہ کام ہے تنگ

کہ رونے کڑھنے سے یک لحظہ فرصت ان کو نہیں

پری و سرو کو دعویٰ ہے اس رخ و قد سے

شکایت اس سے نہیں آدمیت ان کو نہیں

چلا ہے تیغ بکف یار غیر کی جانب

ہوئے ہیں میر تماشائی غیرت ان کو نہیں

میر تقی میر

یار بن لگتا نہیں جی کاشکے ہم مر رہیں

اکتوبر 6, 2015میر تقی میر،اساتذہ،غزلمر،کر،پر،اکثر،باہر،ترadmin

دیوان سوم غزل 1179

جائیں تو جائیں کہاں جو گھر رہیں کیا گھر رہیں

یار بن لگتا نہیں جی کاشکے ہم مر رہیں

دل جو اکتاتا ہے یارب رہ نہیں سکتے کہیں

کیا کریں جاویں کہاں گھر میں رہیں باہر رہیں

وہ نہیں جو تیغ سے اس کی گلا کٹوائیے

تنگ آئے ہیں بہت اب آپھی جوہو کر رہیں

بے دماغی بے قراری بے کسی بے طاقتی

کیا جیے وہ جس کے جی کو روگ یہ اکثر رہیں

مضطرب ہو ایک دو دم تو تدارک بھی ہو کچھ

متصل تڑپے ہے کب تک ہاتھ لے دل پر رہیں

زندگی دوبھر ہوئی ہے میر آخر تاکجا

دل جگر جلتے رہیں آنکھیں ہماری تر رہیں

میر تقی میر

جائیں یاں سے جو ہم اداس کہیں

اکتوبر 6, 2015میر تقی میر،اساتذہ،غزلہراس،قیاس،لباس،نراس،پیاس،پاس،اداس،باس،شناسadmin

دیوان سوم غزل 1178

جمع ہوتے نہیں حواس کہیں

جائیں یاں سے جو ہم اداس کہیں

دل کی دو اشک سے نہ نکلی بھڑاس

اوسوں بجھتی نہیں ہے پیاس کہیں

بائو خوشبو ہے آئی ہے واں سے

کوئی چھپتی ہے گل کی باس کہیں

اس جنوں میں کہیں ہے سر پر خاک

ٹکڑے ہو کر گرا لباس کہیں

گرد سر یار کے پھریں پہروں

ہم جو ہوں اس کے آس پاس کہیں

سب جگہ لوگ حق و ناحق پر

نہ ملا حیف حق شناس کہیں

ہر طرف ہیں امیدوار یار

اس سے کوئی نہیں نراس کہیں

عشق کا محو دشت شیریں ہوں

جان کا بھی نہیں ہراس کہیں

عرش تک تو خیال پہنچے میر

وہم پھر ہے کہیں قیاس کہیں

میر تقی میر

سوز و درد و داغ و الم سب جی کو گھیرے پھرتے ہیں

اکتوبر 6, 2015میر تقی میر،اساتذہ،غزلمیرے،چتیرے،ڈیرے،گھیرے،پھیرے،تیرے،سویرےadmin

دیوان سوم غزل 1177

عشق نے خوار و ذلیل کیا ہم سر کو بکھیرے پھرتے ہیں

سوز و درد و داغ و الم سب جی کو گھیرے پھرتے ہیں

ہر شب ہوں سرگشتہ و نالاں اس بن کوچہ و برزن میں

یاس نہیں ہے اب بھی دیکھوں کب دن میرے پھرتے ہیں

دل لشکر میں ایک سپاہی زادے نے ہم سے چھین لیا

ہم درویش طلب میں اس کی ڈیرے ڈیرے پھرتے ہیں

بے خود اس کی زلف و رخ کے کاہے کو آپ میں پھر آئے

ہم کہتے ہیں تسلی دل کو سانجھ سویرے پھرتے ہیں

نقش کسو کا درون سینہ گرم طلب ہیں ویسے رنگ

جیسی خیالی پاس لیے تصویر چتیرے پھرتے ہیں

برسے اگر شمشیر سروں پر منھ موڑیں زنہار نہیں

سیدھے جانے والے ادھر کے کس کے پھیرے پھرتے ہیں

پاے نگار آلودہ کہیں سانجھ کو میر نے دیکھے تھے

صبح تک اب بھی آنکھوں میں اس کی پائوں تیرے پھرتے ہیں

میر تقی میر

غم سے پانی ہوکے کب کا بہ گیا میں ہوں کہاں

اکتوبر 6, 2015میر تقی میر،اساتذہ،غزلہوں،ہاموں،لوں،مفتوں،موزوں،مجنوں،محزوں،گلگوں،پائوں،افسوں،دوںadmin

دیوان سوم غزل 1176

رو چکا خون جگر سب اب جگر میں خوں کہاں

غم سے پانی ہوکے کب کا بہ گیا میں ہوں کہاں

دست و دامن جیب و آغوش اپنے اس لائق نہ تھے

پھول میں اس باغ خوبی سے جو لوں تو لوں کہاں

عاشق و معشوق یاں آخر فسانے ہو گئے

جاے گریہ ہے جہاں لیلیٰ کہاں مجنوں کہاں

آگ برسی تیرہ عالم ہو گیا جادو سے پر

اس کی چشم پرفسوں کے سامنے افسوں کہاں

سیر کی رنگیں بیاض باغ کی ہم نے بہت

سرو کا مصرع کہاں وہ قامت موزوں کہاں

کوچہ ہر یک جاے دلکش عالم خاکی میں ہے

پر کہیں لگتا نہیں جی ہائے میں دل دوں کہاں

ایک دم سے قیس کے جنگل بھرا رہتا تھا کیا

اب گئے پر اس کے ویسی رونق ہاموں کہاں

ناصح مشفق تو کہتا تھا کہ اس سے مت ملے

پر سمجھتا ہے ہمارا یہ دل محزوں کہاں

بائو کے گھوڑے پہ تھے اس باغ کے ساکن سوار

اب کہاں فرہاد و شیریں خسرو گلگوں کہاں

کھا گیا اندوہ مجھ کو دوستان رفتہ کا

ڈھونڈتا ہے جی بہت پر اب انھیں پائوں کہاں

تھا وہ فتنہ ملنے کی گوں کب کسی درویش کے

کیا کہیں ہم میر صاحب سے ہوئے مفتوں کہاں

میر تقی میر

الگ بیٹھا حنا بندوں کو آنکھوں میں رچائوں میں

اکتوبر 6, 2015میر تقی میر،اساتذہ،غزللائوں،ملائوں،منائوں،کھائوں،آئوں،اٹھائوں،بنائوں،بندھائوں،بکائوں،جمائوں،جائوں،رچائوںadmin

دیوان سوم غزل 1175

کہے تو ہم نشیں رنگ تصرف کچھ دکھائوں میں

الگ بیٹھا حنا بندوں کو آنکھوں میں رچائوں میں

نہیں ہوں بے ادب اتنا کہ گل سے منھ لگائوں میں

جگر ہو ٹکڑے ٹکڑے گر چمن کی اور جائوں میں

کیا ہے اضطراب دل نے کیا مجھ کو سبک آخر

کہاں تک یار کے کوچے سے جا جاکر پھر آئوں میں

وفا صد کارواں رکھتا ہوں لیکن شہر خوبی میں

خریداری نہیں مطلق کہاں جاکر بکائوں میں

مجھے سر در گریباں رہنے دو میں بے توقع ہوں

کسو پتھر سے پٹکوں ہوں ابھی سر جو اٹھائوں میں

بلا حسرت ہے یارب کام دل کیونکر کروں حاصل

مگر لب ہاے شیریں پر کسو کے زہر کھائوں میں

نہ روئوں حال پر کیونکر بلا ناآشنا ہے وہ

کہیں آنکھ اس کی ملتی ہے جو آنکھیں ٹک ملائوں میں

نہ اے رشک بہار آنکھیں اٹھاوے پشت پا سے تو

ہتھیلی پر اگر سرسوں ترے آگے جمائوں میں

کہوں کیا صحبت اس سے ہر گھڑی بگڑی ہی جاتی ہے

جو ٹک راہ سخن نکلے تو سو باتیں بنائوں میں

نگاہ حسرت بت دیر سے جانے کی مانع ہے

مزاج اپنا بہت چاہا کہ سوے کعبہ لائوں میں

اسیر زلف کو اس بت کے کیا قیدمسلمانی

تمنا ہے گلا زنار سے اپنا بندھائوں میں

کہوں ہوں میر سے دل دے کہیں تا جی لگے تیرا

جو ہو نقصان جاں اس کا تو کیونکر پھر منائوں میں

میر تقی میر

دل کے پہلو سے ہم آتش میں ہیں اور آب میں ہیں

اکتوبر 6, 2015میر تقی میر،اساتذہ،غزلمہتاب،گرداب،آب،آداب،اسباب،خواب،سیلابadmin

دیوان سوم غزل 1174

ٹھنڈی سانسیں بھریں ہیں جلتے ہیں کیا تاب میں ہیں

دل کے پہلو سے ہم آتش میں ہیں اور آب میں ہیں

ساتھ اپنے نہیں اسباب مساعد مطلق

ہم بھی کہنے کے تئیں عالم اسباب میں ہیں

غفلت دل سے ستم گذریں ہیں سو مت پوچھو

قافلے چلنے کو تیار ہیں ہم خواب میں ہیں

عشق کے ہیں گے جو سرگشتہ پڑے ہیں ڈوبے

کشتیاں نکلیں سو کیا آن کے گرداب میں ہیں

دور کیا اس سے جو بیٹھے ہے غبار اپنا دور

پاس اس طور کے بھی عشق کے آداب میں ہیں

ہے فروغ مہ تاباں سے فراغ کلی

دل جلے پرتو رخ سے ترے مہتاب میں ہیں

ہم بھی اس شہر میں ان لوگوں سے ہیں خانہ خراب

میر گھر بار جنھوں کے رہ سیلاب میں ہیں

میر تقی میر

ان بدمزاجیوں کو چھوڑوگے بھی کبھو تم

اکتوبر 6, 2015میر تقی میر،اساتذہ،غزللہو،کبھو،آرزو،بو،جستجو،خو،روبروadmin

دیوان سوم غزل 1173

ہر ہر سخن پہ اب تو کرتے ہو گفتگو تم

ان بدمزاجیوں کو چھوڑوگے بھی کبھو تم

یاں آپھی آپ آکر گم آپ میں ہوئے ہو

پیدا نہیں کہ کس کی کرتے ہو جستجو تم

چاہیں تو تم کو چاہیں دیکھیں تو تم کو دیکھیں

خواہش دلوں کی تم ہو آنکھوں کی آرزو تم

حیرت زدہ کسو کی یہ آنکھ سی لگے ہے

مت بیٹھو آرسی کے ہر لحظہ روبرو تم

تھے تم بھبھوکے سے تو پر اب جلا ہی دوہو

سوزندہ آگ کی کیا سیکھے ہو ساری خو تم

نسبت تو ہم دگر ہے گو دور کی ہو نسبت

ہم ہیں نواے بلبل ہو گل کے رنگ و بو تم

دیکھ اشک سرخ بولا یہ رنگ اور لائے

ہیں میر منھ پہ آنسو یا روتے ہو لہو تم

میر تقی میر

اک مشت استخواں ہیں پر اپنے بار ہیں ہم

اکتوبر 6, 2015میر تقی میر،اساتذہ،غزلیار،کار،اختیار،اعتبار،بار،بخار،دیار،دار،شکارadmin

دیوان سوم غزل 1172

بیماری دلی سے زار و نزار ہیں ہم

اک مشت استخواں ہیں پر اپنے بار ہیں ہم

مارا تڑپتے چھوڑا فتراک سے نہ باندھا

بے چشم و رو کسو کے شاید شکار ہیں ہم

ہر دم جبیں خراشی ہر آن سینہ کاوی

حیران عشق تو ہیں پر گرم کار ہیں ہم

حور و قصور و غلماں نہر و نعیم وجنت

یہ کلہم جہنم مشتاق یار ہیں ہم

بے حد و حصر گردش اپنی ہے عاشقی میں

رسواے شہر و دیہ، و دشت و دیار ہیں ہم

اب سیل سیل آنسو آتے ہیں چشم تر سے

دیوار و در سے کہہ دو بے اختیار ہیں ہم

روتے ہیں یوں کہ جیسے شدت سے ابر برسے

کیا جانیے کہ کیسے دل کے بخار ہیں ہم

اب تو گلے بندھا ہے زنجیر و طوق ہونا

عشق و جنوں کے اپنے ناموس دار ہیں ہم

لیتا ہے میر عبرت جو کوئی دیکھتا ہے

کیا یار کی گلی میں بے اعتبار ہیں ہم

میر تقی میر

کچھ ہورہے ہیں غم میں ترے نیم جاں سے ہم

اکتوبر 6, 2015میر تقی میر،اساتذہ،غزلمہرباں،کہاں،آسماں،آستاں،جواں،جاں،زباںadmin

دیوان سوم غزل 1171

آ ٹک شتاب جاتے ہیں ورنہ جہاں سے ہم

کچھ ہورہے ہیں غم میں ترے نیم جاں سے ہم

ہر بات کے جواب میں گالی کہاں تلک

اب جاں بہ لب ہوئے ہیں تمھاری زباں سے ہم

وعدہ کرو تو سوچ لو مدت کو دل میں بھی

یہ حال ہے تو دیر رہیں گے کہاں سے ہم

الجھائو دل کا جس سے ہے جھنجھلاکے اس بغیر

جھگڑا کیا کریں ہیں زمین آسماں سے ہم

لاویں ہماری خاک پر اس کینہ ور کو بھی

یہ کہہ مریں گے اپنے ہر اک مہرباں سے ہم

دربان سنگدل نے خبر واں تلک نہ کی

سر مار مار صبح کی اس آستاں سے ہم

جب اس کی تیغ رکھنے لگا اپنے پاس میر

امید قطع کی تھی تبھی اس جواں سے ہم

میر تقی میر

ہے بے خبری اس کو خبردار رہو تم

اکتوبر 6, 2015میر تقی میر،اساتذہ،غزلمار،گار،آزار،بار،خبردار،دیوار،زنارadmin

دیوان سوم غزل 1170

میر آج وہ بدمست ہے ہشیار رہو تم

ہے بے خبری اس کو خبردار رہو تم

جی جائے کسی کا کہ رہے تم کو قسم ہے

مقدور تلک درپئے آزار رہو تم

وہ محو جمال اپنی ہی پروا نہیں اس کو

خواہاں رہو تم اب کہ طلب گار رہو تم

اس معنی کے ادراک سے حیرت ہی ہے حاصل

آئینہ نمط صورت دیوار رہو تم

یک بار ہوا دل کی تسلی کا وہ باعث

یہ کیا کہ اسی طور پہ ہر بار رہو تم

ہو لطف اسی کا تو کوئی کام کو پہنچے

تسبیح گلے ڈال کے زنار رہو تم

کیا میر بری چال سے جینے کی چلے ہے

بہتر ہے کہ اپنے تئیں اب مار رہو تم

میر تقی میر

بلا پر چلے آئے ہر ہر قدم

اکتوبر 6, 2015میر تقی میر،اساتذہ،غزلہر،مر،کیدھر،بھر،باہر،بر،تر،دھر،درadmin

دیوان سوم غزل 1169

گئے عشق کی راہ سر کر قدم

بلا پر چلے آئے ہر ہر قدم

عجب راہ پرخوف و مشکل گذر

اٹھایا گیا ہم سے مر مر قدم

بہت مستی عشق پالغز تھی

خدا جانے پڑتا تھا کیدھر قدم

ہوا ہو گا خالی بدن جاں سے جب

چلے ہوں گے یہ راہ جو بھر قدم

وہ عیار یوں چشم تر سے گیا

کہ ہرگز نہ اس کا ہوا تر قدم

جگر کو ہے ان سر سے گذروں کے عشق

گئے جو ہمارے قدم بر قدم

جو کچھ آوے سالک کے آگے ہے خیر

رکھا ہم نے اب گھر سے باہر قدم

ہمیں سرکشی سربلندی سے کیا

رہے ضعف میں ہم تو سر در قدم

کہیں کیا کف پا میں میر آبلے

چلیں ہم سروں پر مگر دھر قدم

میر تقی میر

تو یہی آج کل سدھارے ہم

اکتوبر 6, 2015میر تقی میر،اساتذہ،غزلہارے،کنارے،پیارے،بارے،تمھارے،تارے،سدھارےadmin

دیوان سوم غزل 1168

جو رہے یوں ہی غم کے مارے ہم

تو یہی آج کل سدھارے ہم

مرتے رہتے تھے اس پہ یوں پر اب

جا لگے گور کے کنارے ہم

دن گذرتا ہے دم شماری میں

شب کو رہتے ہیں گنتے تارے ہم

ہے مروت سے اپنی وحشت دور

انس رکھتے ہیں تم سے پیارے ہم

زندگی بار دوش آج ہے یاں

دیکھیں گے کل جو ہوں گے بارے ہم

جا چکی بازی یعنی مرتے ہیں

جیتے تم یہ قمار ہارے ہم

میر آئوگے آپ میں بھی کبھو

سخت مشتاق ہیں تمھارے ہم

میر تقی میر

واقف نہیں ہواے چمن سے اسیر ہم

اکتوبر 6, 2015میر تقی میر،اساتذہ،غزلفقیر،میر،اسیرadmin

دیوان سوم غزل 1167

سرزیر پر ہیں دیر سے اے ہم صفیر ہم

واقف نہیں ہواے چمن سے اسیر ہم

کیا ظلم تھے لباس میں اس تنگ پوش کے

دل تنگی سے نکل گئے ہو کر فقیر ہم

دیکھ اس کو راہ جاتے تو بے حال ہو گئے

اب دیکھیے بحال کب آتے ہیں میر ہم

میر تقی میر

پر تنگ آگئے ہیں تمھارے ستم سے ہم

اکتوبر 6, 2015میر تقی میر،اساتذہ،غزلہم،قلم،قدم،قسم،نم،حرم،دم،ستم،صنمadmin

دیوان سوم غزل 1166

جی کے تئیں چھپاتے نہیں یوں تو غم سے ہم

پر تنگ آگئے ہیں تمھارے ستم سے ہم

اپنے خیال ہی میں گذرتی ہے اپنی عمر

پر کچھ نہ پوچھو سمجھے نہیں جاتے ہم سے ہم

زانو پہ سر ہے قامت خم گشتہ کے سبب

پیری میں اپنی آن لگے ہیں قدم سے ہم

جوں چکمہ میرحاج کا ہے خوار جانماز

بت خانے میں جو آئے ہیں چل کر حرم سے ہم

روتے بھی ان نے دیکھ کے ہم کو کیا نہ رحم

اک چشم داشت رکھتے تھے مژگان نم سے ہم

بدعہدیاں ہی کرتے گئے اس کو سال و ماہ

اب کب تسلی ہوتے ہیں قول و قسم سے ہم

زنار سا بندھا ہے گلے اپنے اب تو کفر

بدنام ہیں جہان میں عشق صنم سے ہم

لوگوں کے وصف کرنے سے بالیدگی ہوئی

جوں شیشہ پھیل پھوٹ پڑے ان کے دم سے ہم

طرفیں رکھے ہے ایک سخن چار چار میر

کیا کیا کہا کریں ہیں زبان قلم سے ہم

میر تقی میر

ترا اے برق خاطف اس طرف گرنا ہے لاحاصل

اکتوبر 6, 2015میر تقی میر،اساتذہ،غزللاحاصل،حاصلadmin

دیوان سوم غزل 1165

نہ خوشہ یاں نہ دانہ یاں جلانا گھاس کیا حاصل

ترا اے برق خاطف اس طرف گرنا ہے لاحاصل

سکندر ہو کے مالک سات اقلیموں کا آخر کو

گیا دست تہی لے یاں سے یہ کچھ کر گیا حاصل

بلا قحط مروت ہے کہ ہے محصول غلے پر

کہیں سے چار دانے لائو لیویں جابجا حاصل

نہ کھینچیں کیونکے نقصاں ہم تو قیدی ہیں تعین کے

خودی سے کوئی نکلے تو اسے ہووے خدا حاصل

عبارت خوب لکھی شاعری انشاطرازی کی

ولے مطلب ہے گم دیکھیں تو کب ہو مدعا حاصل

بہت مصروف کشت و کار تھے مزرع میں دنیا کے

اٹھا حسرت سے ہاتھ آخر ہمیں یہ کچھ ہوا حاصل

پھرا مت میر سر اپنا گراں گوشوں کی مجلس میں

سنے کوئی تو کچھ کہیے بھی اس کہنے کا کیا حاصل

میر تقی میر

الٰہی غنچہ ہے پژمردہ یا دل

اکتوبر 6, 2015میر تقی میر،اساتذہ،غزلیا،گیا،آشنا،اٹھا،بڑا،خدا،رہاadmin

دیوان سوم غزل 1164

نہ ٹک واشد ہوئی جب سے لگا دل

الٰہی غنچہ ہے پژمردہ یا دل

نہ اس سے یاں تئیں آیا گیا حیف

رہے ہم جب تلک اس میں رہا دل

اٹھایا داغ لالہ نے چمن سے

کروں کیا دیکھتے ہی جل گیا دل

نہیں کم رایت اقبال شہ سے

علم اپنا یہ دنیا سے اٹھا دل

ہمارا خاص مشرب عشق اس میں

پیمبر دل ہے قبلہ دل خدا دل

ہمارے منھ پہ طفل اشک دوڑا

کیا ہے اس بھی لڑکے نے بڑا دل

سبھوں سے میر بیگانے سے رہتے

جو ہوتا اس سے کچھ بھی آشنا دل

میر تقی میر

پر اس بغیر اپنے تو جی کو نہ بھائے گل

اکتوبر 6, 2015میر تقی میر،اساتذہ،غزلہواے،ہاے،ہائے،فداے،قباے،وفاے،کھائے،پاے،بچھائے،بھائے،بجاے،براے،سواےadmin

دیوان سوم غزل 1163

اب کے ہزار رنگ گلستاں میں آئے گل

پر اس بغیر اپنے تو جی کو نہ بھائے گل

بلبل کو ناز کیوں نہ خیابان گل پہ ہو

کیا جانے جن نے چھاتی پہ بھر کر نہ کھائے گل

کب تک حنائی پائوں بن اس کے یہ بے کلی

لگ جائے ٹک چمن میں کہیں آنکھ پاے گل

ناچار ہو چمن میں نہ رہیے کہوں ہوں جب

بلبل کہے ہے اور کوئی دن براے گل

چلیے بغل میں لے کے گلابی کسو طرف

دامان دل کو کھینچے ہے ساقی ہواے گل

پگڑی میں پھول رکھتے ہیں رعنا جوان شہر

داغ جنوں ہی سر پہ رہا یاں بجاے گل

بلبل کو کیا سنے کوئی اڑ جاتے ہیں حواس

جب دردمند کہتی ہے دم بھر کے ہائے گل

سویا نہ وہ بدن کی نزاکت سے ساری رات

بستر پہ اس کے خواب کے کن نے بچھائے گل

مصروف یار چاہیے مرغ چمن سا ہو

دل نذر و دیدہ پیش کش و جاں فداے گل

ہم طرح آشیاں کی نہ گلشن میں ڈالتے

معلوم ہوتی آگے جو ہم کو وفاے گل

چسپاں لباس ہوتے ہیں لیکن نہ اس قدر

ہے چاک رشک جامہ سے اس کے قباے گل

کیا سمجھے لطف چہروں کے رنگ و بہار کا

بلبل نے اور کچھ نہیں دیکھا سواے گل

تھا وصف ان لبوں کا زبان قلم پہ میر

یا منھ میں عندلیب کے تھے برگ ہاے گل

میر تقی میر

چشم پرخوں فگار کے سے رنگ

اکتوبر 6, 2015میر تقی میر،اساتذہ،غزلفگار،قرار،نگار،یار،بہار،دار،روزگار،شکار،غبارadmin

دیوان سوم غزل 1162

چاک دل ہے انار کے سے رنگ

چشم پرخوں فگار کے سے رنگ

کام میں ہے ہواے گل کی موج

تیغ خوں ریز یار کے سے رنگ

تاب ہی میں رہے ہے اس کی زلف

افعی پیچ دار کے سے رنگ

کیا جو افسردگی کے ساتھ کھلا

دل گل بے بہار کے سے رنگ

برق ابر بہار نے بھی لیے

اب دل بے قرار کے سے رنگ

کنج نخچیرگہ میں ہیں مامون

ہم بھی لاغر شکار کے سے رنگ

عمر کا بھی سرنگ جاتا ہے

ابلق روزگار کے سے رنگ

برگ گل میں نہ دل کشی ہو گی

کف پاے نگار کے سے رنگ

اس بیاباں میں میر محو ہوئے

ناتواں اک غبار کے سے رنگ

میر تقی میر

ہم کھڑے تلواریں کھاویں نقش ماریں اور لوگ

اکتوبر 6, 2015میر تقی میر،اساتذہ،غزلاور،جور،دور،طور،غورadmin

دیوان سوم غزل 1161

قتل گہ میں دست بوس اس کا کریں فی الفور لوگ

ہم کھڑے تلواریں کھاویں نقش ماریں اور لوگ

کج روی ہم عاشقوں سے اس کی بس اب جا چکی

ایک تو ناساز پھر اس سے ملے بے طور لوگ

زخم تیغ یار غائر ہو کے پہنچا دل تلک

حیف میرے حال پر کرتے نہیں ٹک غور لوگ

جاکے دنیا سے تجھے یاد آئوں گا میں بھی بہت

بعد میرے کب اٹھاویں گے ترے یہ جور لوگ

رسم و عادت ہے کہ ہر یک وقت کا ہوتا ہے ذکر

میر بارے یاد کر روویں گے کیا یہ دور لوگ

میر تقی میر

لیکن کبھو شکایت آئی نہیں زباں تک

اکتوبر 6, 2015میر تقی میر،اساتذہ،غزلکہاں،آسماں،استخواں،جہاں،زباںadmin

دیوان سوم غزل 1160

ہر چند صرف غم ہیں لے دل جگر سے جاں تک

لیکن کبھو شکایت آئی نہیں زباں تک

کیا کوئی اس کے رنگوں گل باغ میں کھلا ہے

شور آج بلبلوں کا جاتا ہے آسماں تک

دو چار دن جو ہوں تو رک رک کے کوئی کاٹے

ناچار صبر کرنا عاشق سے ہو کہاں تک

ان جلتی ہڈیوں کو شاید ہما نہ کھاوے

تب عشق کی ہمارے پہنچی ہے استخواں تک

روئے جہاں جہاں ہم جوں ابر میر اس بن

اب آب ہے سراسر جاوے نظر جہاں تک

میر تقی میر

مجنوں کو میری اور سے کہیو دعاے شوق

اکتوبر 6, 2015میر تقی میر،اساتذہ،غزلہواے،ہائے،نواے،انتہاے،اداے،دعاے،سواےadmin

دیوان سوم غزل 1159

گر بادیے میں تجھ کو صبا لے کے جائے شوق

مجنوں کو میری اور سے کہیو دعاے شوق

وصل و جدائی سے ہے مبرا وہ کام جاں

معلوم کچھ ہوا نہ ہمیں یاں سواے شوق

ہر چار اور اڑتی پھرے ہے ہماری خاک

سر سے گئی نہ جی بھی گئے پر ہواے شوق

دیر و حرم میں ہم کو پھراتا ہے دیر تک

پھر بھی ہمارے ساتھ وہی ہے اداے شوق

افسوس ایسے کوچے سے تم آشنا نہیں

کیا دردناک نے بھی کوئی ہے نواے شوق

درد اور آہ و نالہ کرے ہے دم سحر

یک مشت پر ہے مرغ گلستاں پہ ہائے شوق

کیا پوچھتے ہو شوق کہاں تک ہے ہم کو میر

مرنا ہی اہل درد کا ہے انتہاے شوق

میر تقی میر

حق شناسوں کے ہاں خدا ہے عشق

اکتوبر 6, 2015میر تقی میر،اساتذہ،غزلمدعا،کیا،کا،آزما،آشنا،بھرا،بدبلا،خدا،دواadmin

دیوان سوم غزل 1158

کیا حقیقت کہوں کہ کیا ہے عشق

حق شناسوں کے ہاں خدا ہے عشق

دل لگا ہو تو جی جہاں سے اٹھا

موت کا نام پیار کا ہے عشق

اور تدبیر کو نہیں کچھ دخل

عشق کے درد کی دوا ہے عشق

کیا ڈبایا محیط میں غم کے

ہم نے جانا تھا آشنا ہے عشق

عشق سے جا نہیں کوئی خالی

دل سے لے عرش تک بھرا ہے عشق

کوہکن کیا پہاڑ کاٹے گا

پردے میں زور آزما ہے عشق

عشق ہے عشق کرنے والوں کو

کیسا کیسا بہم کیا ہے عشق

کون مقصد کو عشق بن پہنچا

آرزو عشق مدعا ہے عشق

میر مرنا پڑے ہے خوباں پر

عشق مت کر کہ بدبلا ہے عشق

میر تقی میر

رسم ظاہر تمام ہے موقوف

اکتوبر 6, 2015میر تقی میر،اساتذہ،غزلکلام،کام،امام،تمام،دام،شام،غلامadmin

دیوان سوم غزل 1157

کیا پیام و سلام ہے موقوف

رسم ظاہر تمام ہے موقوف

حیرت حسن یار سے چپ ہیں

سب سے حرف و کلام ہے موقوف

روز وعدہ ہے ملنے کا لیکن

صبح موقوف شام ہے موقوف

وہ نہیں ہے کہ داد لے چھوڑیں

اب ترحم پہ کام ہے موقوف

پیش مژگاں دھرے رہے خنجر

آگے زلفوں کے دام ہے موقوف

کہہ کے صاحب کبھو بلاتے تھے

سو وقار غلام ہے موقوف

اقتدا میر ہم سے کس کی ہوئی

اپنے ہاں اب امام ہے موقوف

میر تقی میر

تھا میر بے دماغ کو بھی کیا بلا دماغ

اکتوبر 6, 2015میر تقی میر،اساتذہ،غزللگا،وفا،گیا،بلا،رہاadmin

دیوان سوم غزل 1156

صحبت کسو سے رکھنے کا اس کو نہ تھا دماغ

تھا میر بے دماغ کو بھی کیا بلا دماغ

باتیں کرے برشتگی دل کی پر کہاں

کرتا ہے اس دماغ جلے کا وفا دماغ

دو حرف زیرلب کہے پھر ہو گیا خموش

یعنی کہ بات کرنے کا کس کو رہا دماغ

کر فکر اپنی طاقت فکری جو ہو ضعیف

اب شعر و شاعری کی طرف کب لگا دماغ

آتش زبانی شمع نمط میر کی بہت

اب چاہیے معاف رکھیں جل گیا دماغ

میر تقی میر

سوز دل سے داغ ہے بالاے داغ

اکتوبر 6, 2015میر تقی میر،اساتذہ،غزلہائے،کھائے،پاے،بالاے،دکھلائےadmin

دیوان سوم غزل 1155

اب نہیں سینے میں میرے جاے داغ

سوز دل سے داغ ہے بالاے داغ

دل جلا آنکھیں جلیں جی جل گیا

عشق نے کیا کیا ہمیں دکھلائے داغ

دل جگر جل کر ہوئے ہیں دونوں ایک

درمیان آیا ہے جب سے پاے داغ

منفعل ہیں لالہ و شمع و چراغ

ہم نے بھی کیا عاشقی میں کھائے داغ

وہ نہیں اب میر جو چھاتی جلے

کھا گیا سارے جگر کو ہائے داغ

میر تقی میر

خانقہ میں کرتے ہیں صوفی سماع

اکتوبر 6, 2015میر تقی میر،اساتذہ،غزلمتاع،وداع،انتفاع،اختراع،استماع،سماع،صداعadmin

دیوان سوم غزل 1154

ہے مری ہر اک غزل پر اجتماع

خانقہ میں کرتے ہیں صوفی سماع

وجد میں رکھتا ہے اہل فہم کو

میرے شعر و شاعری کا استماع

نیم بسمل چھوڑ دینا رحم کر

اس شکار افگن کا ہے گا اختراع

کچھ ضرر عائد ہوا میری ہی اور

ورنہ اس سے سب کو پہنچا انتفاع

یار دشمن ہو گیا اس کے سبب

ہے متاع دوستی بھی کیا متاع

دل جگر خوں ہو کے رخصت ہو گئے

حسرت آلودہ ہے کیا اشک وداع

میر درد دل نہ کہہ ظالم بس اب

ہو گیا ہے سامعوں کو تو صداع

میر تقی میر

پانی پانی شرم مفرط سے ہوئی جاتی ہے شمع

اکتوبر 6, 2015میر تقی میر،اساتذہ،غزلشمعadmin

دیوان سوم غزل 1153

آگے جب اس آتشیں رخسار کے آتی ہے شمع

پانی پانی شرم مفرط سے ہوئی جاتی ہے شمع

میر تقی میر

مزہ عمر کا ہے جوانی سے حظ

اکتوبر 6, 2015میر تقی میر،اساتذہ،غزلکہانی،پانی،جوانیadmin

دیوان سوم غزل 1152

جو وہ ہے تو ہے زندگانی سے حظ

مزہ عمر کا ہے جوانی سے حظ

نہیں وہ تو سب کچھ یہ بے لطف ہے

نہ کھانے میں لذت نہ پانی سے حظ

کہا درد دل رات کیا میر نے

اٹھایا بہت اس کہانی سے حظ

میر تقی میر

ہوتے ہیں برخودغلط یہ ہو گیا یہ کیا غلط

اکتوبر 6, 2015میر تقی میر،اساتذہ،غزلکیا،جاadmin

دیوان سوم غزل 1151

ہم نہ سمجھے رابطہ ان نوخطوں سے تھا غلط

ہوتے ہیں برخودغلط یہ ہو گیا یہ کیا غلط

کہتے ہو کیا کیا لکھا ہے خط میں مجھ کو میر نے

کب کہا کن نے یہ سب جھوٹ افترا بے جا غلط

میر تقی میر

کہ ہمیں متصل لکھا ہے خط

اکتوبر 6, 2015میر تقی میر،اساتذہ،غزللکھا،چلا،کیا،گیا،آشناadmin

دیوان سوم غزل 1150

شاید اس سادہ نے رکھا ہے خط

کہ ہمیں متصل لکھا ہے خط

شوق سے بات بڑھ گئی تھی بہت

دفتر اس کو لکھیں ہیں کیا ہے خط

نامہ کب یار نے پڑھا سارا

نہ کہا یہ بھی آشنا ہے خط

ساتھ ہم بھی گئے ہیں دور تلک

جب ادھر کے تئیں چلا ہے خط

کچھ خلل راہ میں ہوا اے میر

نامہ بر کب سے لے گیا ہے خط

میر تقی میر

سو ہی کھینچی مجھ پہ گھر میں پیش قبض

اکتوبر 6, 2015میر تقی میر،اساتذہ،غزلقبضadmin

دیوان سوم غزل 1149

آج رکھ آیا کمر میں پیش قبض

سو ہی کھینچی مجھ پہ گھر میں پیش قبض

میر تقی میر

رقص بسمل تم سنو ہو جیسا رقص

اکتوبر 6, 2015میر تقی میر،اساتذہ،غزلرقصadmin

دیوان سوم غزل 1148

ہے دل بے تاب کا بھی ویسا رقص

رقص بسمل تم سنو ہو جیسا رقص

میر تقی میر

دل کے دل ہی میں کھپائے اپنے جوش

اکتوبر 6, 2015میر تقی میر،اساتذہ،غزلفروش،گوش،پوش،جوشadmin

دیوان سوم غزل 1147

ہوں تو دریا پر کیا ترک خروش

دل کے دل ہی میں کھپائے اپنے جوش

مست رہتے ہیں ہم اپنے حال میں

عرض کریے حال پر یہ کس کے گوش

عاقبت تجھ کو لباس راہ راہ

لے گیا ہے راہ سے اے تنگ پوش

ہو نہ آگے میرے جوں سوسن زباں

ہوسکے تو گل کے رنگوں رہیے گوش

میر کو طفلان تہ بازار میں

دیکھو شاید ہو وہیں وہ دل فروش

میر تقی میر

ہے عجب طور کا سفر درپیش

اکتوبر 6, 2015میر تقی میر،اساتذہ،غزلقدر،نظر،دگر،سفر،سحرadmin

دیوان سوم غزل 1146

فکر میں مرگ کے ہوں سر درپیش

ہے عجب طور کا سفر درپیش

کس کی آنکھیں پھرے ہیں آنکھوں میں

دم بہ دم ہے مری نظر درپیش

مستی بھی اہل ہوش کی ہے جنھیں

آوے ہے عالم دگر درپیش

کیا کروں نقل راہ ہستی میں

مرحلے آئے کس قدر درپیش

کیا پتنگے کو شمع روئے میر

اس کی شب کو بھی ہے سحر درپیش

میر تقی میر

خوشا ہم جو نہ رکھے ہم کو ناخوش

اکتوبر 6, 2015میر تقی میر،اساتذہ،غزلناخوش،خوشadmin

دیوان سوم غزل 1145

طرح خوش ناز خوش اس کی ادا خوش

خوشا ہم جو نہ رکھے ہم کو ناخوش

نہیں ناساز فقر اپنا کسو کا

خرابے کی ہمارے ہے ہوا خوش

بتوں کے غم میں نالاں جب نہ تب ہوں

نہ راضی خلق مجھ سے نے خدا خوش

کلی رکتی ہے گل ہے دل پریشاں

کسو کی اس چمن میں گذرے کیا خوش

جہان تنگ کڑھنے ہی کی جا تھی

کوئی دن میں تکلف سے رہا خوش

رہا پھولوں میں کرتا زمزمہ میں

مری اس باغ میں گذری سدا خوش

گیا اس شہر ہی سے میر آخر

تمھاری طرز بد سے کچھ نہ تھا خوش

میر تقی میر

کہتے ہیں دیوار بھی رکھے ہے گوش

اکتوبر 6, 2015میر تقی میر،اساتذہ،غزلہوش،قبرپوش،گوش،خموش!،دردنوش،دردگوش،سرفروشadmin

دیوان سوم غزل 1144

اس کے در پر شب نہ کر اے دل خروش

کہتے ہیں دیوار بھی رکھے ہے گوش

پائوں پڑتا ہے کہیں آنکھیں کہیں

اس کی مستی دیکھ کر جاتا ہے ہوش

کتنے یہ فتنے ہیں موجب شور کے

قد و خد و گیسو و لعل خموش

مر گیا اس ماہ بن میں کیا عجب

چاندنی سے ہو جو میرا قبرپوش

صافی مے چادر اپنی میں نے کی

اور کیا کرتے ہیں مفلس دردنوش

دوستوں کا درد دل ٹک گوش کر

گر نصیب دشمناں ہے دردگوش

جب نہ تب ملتا ہے بازاروں میں میر

ایک لوطی ہے وہ ظالم سرفروش

میر تقی میر

مری بخت آزمائی ہوچکی بس

اکتوبر 6, 2015میر تقی میر،اساتذہ،غزللڑائی،میرزائی،نمائی،آئی،آزمائی،آشنائی،ادائی،دکھائی،رہائی،سمائیadmin

دیوان سوم غزل 1143

امیروں تک رسائی ہوچکی بس

مری بخت آزمائی ہوچکی بس

بہار اب کے بھی جو گذری قفس میں

تو پھر اپنی رہائی ہوچکی بس

کہاں تک اس سے قصہ قضیہ ہر شب

بہت باہم لڑائی ہوچکی بس

نہ آیا وہ مرے جاتے جہاں سے

یہیں تک آشنائی ہوچکی بس

لگا ہے حوصلہ بھی کرنے تنگی

غموں کی اب سمائی ہوچکی بس

برابر خاک کے تو کر دکھایا

فلک بس بے ادائی ہوچکی بس

دنی کے پاس کچھ رہتی ہے دولت

ہمارے ہاتھ آئی ہوچکی بس

دکھا اس بت کو پھر بھی یا خدایا

تری قدرت نمائی ہوچکی بس

شرر کی سی ہے چشمک فرصت عمر

جہاں دی ٹک دکھائی ہوچکی بس

گلے میں گیروی کفنی ہے اب میر

تمھاری میرزائی ہوچکی بس

میر تقی میر

نہ یہی خوں دل و جگر ہے بس

اکتوبر 6, 2015میر تقی میر،اساتذہ،غزلقدر،نظر،جگر،خبر،سفرadmin

دیوان سوم غزل 1142

عشق میں غم نہ چشم تر ہے بس

نہ یہی خوں دل و جگر ہے بس

رہ گئے منھ نہوں سے نوچ کے ہم

گر ہوس ہے اسی قدر ہے بس

آپ سے جا کے پھر نہ آئے ہم

بس ہمیں تو یہی سفر ہے بس

چاہ میں ہم نہیں زیادہ طلب

کبھو پوچھو جو تم خبر ہے بس

چشم پوشی نہ کر فقیر ہے میر

مہر کی اس کو اک نظر ہے بس

میر تقی میر

نہیں اس راہ میں فریادرس بس

اکتوبر 6, 2015میر تقی میر،اساتذہ،غزلہوس،فریادرس،قفس،برس،بس،ترس،خسadmin

دیوان سوم غزل 1141

گلا مت توڑ اپنا اے جرس بس

نہیں اس راہ میں فریادرس بس

کبھو دل کی نہ کہنے پائے اس سے

جہاں بولے لگا کہنے کہ بس بس

گل و گلزار سے کیا قیدیوں کو

ہمیں داغ دل و کنج قفس بس

نہ ترسائو یکایک مار ڈالو

کروگے کب تلک ہم پر ترس بس

بہت کم دیتے تھے بادل دکھائی

رہے ہم ہی تو روتے اس برس بس

کسو محبوب کی ہو گور پرگل

ہماری خاک کو ہے خار و خس بس

چمن کے غم میں سینہ داغ ہے میر

بہت نکلی ہماری بھی ہوس بس

میر تقی میر

مارا ہے بے گناہ و گناہ اس طرف ہنوز

اکتوبر 6, 2015میر تقی میر،اساتذہ،غزلماہ،واہ!،کلاہ،گناہ،آہ،راہ،سیاہadmin

دیوان سوم غزل 1140

ہے تند و تیز اس کی نگاہ اس طرف ہنوز

مارا ہے بے گناہ و گناہ اس طرف ہنوز

سر کاٹ کر ہم اس کے قدم کے تلے رکھا

ٹیڑھی ہے اس کی طرف کلاہ اس طرف ہنوز

مدت سے مثل شب ہے مرا تیرہ روزگار

آتا نہیں وہ غیرت ماہ اس طرف ہنوز

پتھرا گئیں ہیں آنکھیں مری نقش پا کے طور

پڑتی نہیں ہے یار کی راہ اس طرف ہنوز

جس کی جہت سے مرنے کے نزدیک پہنچے ہم

پھرتا نہیں وہ آن کے واہ اس طرف ہنوز

آنکھیں ہماری مند چلیں ہیں جس بغیر یاں

وہ دیکھتا بھی ٹک نہیں آہ اس طرف ہنوز

برسوں سے میر ماتم مجنوں ہے دشت میں

روتا ہے آ کے ابر سیاہ اس طرف ہنوز

میر تقی میر

غصے سے تیغ اکثر اپنے رہی گلو پر

اکتوبر 6, 2015میر تقی میر،اساتذہ،غزلمو،کو،کبھو،گفتگو،گلو،بو،روadmin

دیوان سوم غزل 1139

کیا جانیں گے کہ ہم بھی عاشق ہوئے کسو پر

غصے سے تیغ اکثر اپنے رہی گلو پر

ہر کوئی چاہتا ہے سرمہ کرے نظر کا

ہونے لگے ہیں اب تو خون اس کی خاک کو پر

کر باغباں حیا ٹک گل کو نہ ہاتھ میں مل

دیتی ہے جان بلبل پھولوں کے رنگ و بو پر

حسرت سے دیکھتے ہیں پرواز ہم صفیراں

شائستہ بھی ہمارے ایسے ہی تھے کبھو پر

حرف و سخن کرے ہے کس لطف سے برابر

سلک گہر بھی صدقے کی اس کی گفتگو پر

گو شوق سے ہو دل خوں مجھ کو ادب وہی ہے

میں رو کبھو نہ رکھا گستاخ اس کے رو پر

تن راکھ سے ملا سب آنکھیں دیے سی جلتی

ٹھہری نظر نہ جوگی میر اس فتیلہ مو پر

میر تقی میر

یاں کون تھوکے ہے صدف ہرزہ کوش پر

اکتوبر 6, 2015میر تقی میر،اساتذہ،غزلہوش،قبرپوش،کوش،جوش،خموش!،خروش،دوش،دردنوشadmin

دیوان سوم غزل 1138

دعویٰ ہے یوں ہی اس کا ترے حسن گوش پر

یاں کون تھوکے ہے صدف ہرزہ کوش پر

شاید کسو میں اس میں بہت ہو گیا ہے بعد

تم بھی تو گوش رکھو جرس کے خروش پر

جیب و کنار سے تو بڑھا پانی دیکھیے

چشمہ ہماری چشم کا رہتا ہے جوش پر

اک شور ہے جو عالم کون و فساد میں

ہنگامہ ہے اسی کے یہ لعل خموش پر

ہے بار دوش جس کے لیے زندگی سو وہ

رکھ ہاتھ راہ ٹک نہ چلا میرے دوش پر

جو ہے سو مست بادئہ وہم و خیال ہے

کس کو ہے یاں نگاہ کسو دردنوش پر

مرغ چمن نے کیا حق صحبت ادا کیا

لالا کے گل بکھیرے مرے قبرپوش پر

جب تک بہار رہتی ہے رہتا ہے مست تو

عاشق ہیں میر ہم تو تری عقل و ہوش پر

میر تقی میر

میں اور یار اور مرا کاروبار اور

اکتوبر 6, 2015میر تقی میر،اساتذہ،غزلقرار،مزار،کاروبار،انکسار،انتظار،اعتبار،خمار،شکار،غبارadmin

دیوان سوم غزل 1137

مذہب سے میرے کیا تجھے میرا دیار اور

میں اور یار اور مرا کاروبار اور

چلتا ہے کام مرگ کا خوب اس کے دور میں

ہوتی ہے گرد شہر کے روز اک مزار اور

بندے کو ان فقیروں میں گنیے نہ شہر کے

صاحب نے میرے مجھ کو دیا اعتبار اور

دل کو تو لاگ ہی ہے تکوں راہ کب تلک

اس پر ہے یک عذاب شدید انتظار اور

بسمل پسند کر کے تڑپنا نہ دیکھنا

ہے میرے صیدپیشہ کا طور شکار اور

میں اس کی گرد رہ کا رہا منتظر بہت

سو آنکھیں دونوں لائیں مری اک غبار اور

درد سر اب جو عشق کا ہے گور تک ہے ساتھ

کچھ یہ نشہ ہی اور ہے اس کا خمار اور

کاہے کو اس قرار سے تھا اضطراب قلب

ہوتا ہے ہاتھ رکھنے سے دل بے قرار اور

کس کو فقیری میں سر و دل حرف کا ہے میر

کرتے ہیں اس دماغ پہ ہم انکسار اور

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: