زمرہ جات کے محفوظات: میر تقی میر

ہم سے کرتا ہے اب حجاب بہت

اکتوبر 7, 2015میر تقی میر،اساتذہ،غزلاحتساب،اضطراب،ثواب،حجاب،خراب،شباب،شتاب،شراب،عتابadmin

دیوان ششم غزل 1816

منھ پہ رکھتا ہے وہ نقاب بہت

ہم سے کرتا ہے اب حجاب بہت

چشمک گل کا لطف بھی نہ اٹھا

کم رہا موسم شباب بہت

دیر بھی کچھ لگی نہ مرتے ہمیں

عمر جاتی رہی شتاب بہت

ڈھونڈتے اس کو کوچے کوچے پھرے

دل نے ہم کو کیا خراب بہت

چلنا اپنا قریب ہے شاید

جاں کرے ہے اب اضطراب بہت

توبہ مے سے بہار میں نہ کروں

گو کرے شیخ احتساب بہت

اس غصیلے سے کیا کسو کی نبھے

مہربانی ہے کم عتاب بہت

کشتن مردماں اگر ہے ثواب

تو ہوا ہے اسے ثواب بہت

دیر تک کعبے میں تھے شب بے ہوش

پی گئے میر جی شراب بہت

میر تقی میر

وہ ستمگر اس ستم کش کو ستاتا ہے بہت

اکتوبر 7, 2015میر تقی میر،اساتذہ،غزلآتا،بلاتا،بناتا،بھاتا،جلاتا،جاتا،سناتا،ستاتاadmin

دیوان ششم غزل 1815

جو کوئی اس بے وفا سے دل لگاتا ہے بہت

وہ ستمگر اس ستم کش کو ستاتا ہے بہت

اس کے سونے سے بدن سے کس قدر چسپاں ہے ہائے

جامہ کبریتی کسو کا جی جلاتا ہے بہت

کیا پس از چندے مری آوارگی منظور ہے

مو پریشاں اب جو شب مجھ پاس آتا ہے بہت

چاہ میں بھی بیشتر جانے سے کم ہوتا ہے وقر

اس لیے جاتا ہوں تب جب وہ بلاتا ہے بہت

گرچہ کم جاتا ہوں پر دل پر نہیں کچھ اختیار

وہ کجی سے سیدھیاں مجھ کو سناتا ہے بہت

بھول جاوے گا سخن پردازی اس کے سامنے

شاعری سے جو کوئی باتیں بناتا ہے بہت

بامزہ معشوق کیا کم ہیں پر اس کو کیا کروں

ناز و انداز اس ہی کا جو مجھ کو بھاتا ہے بہت

وہ نہیں ہجراں میں اس بن خواب خوش آوے مجھے

اب خیال اس کی طرف ہر لحظہ جاتا ہے بہت

کیا کروں کہنے لگا ایدھر نہ آنے پائے وہ

بد کہیں ہنگامہ آرا میر آتا ہے بہت

میر تقی میر

بدزبانی بھی کی ان نے تو کہا بسیار خوب

اکتوبر 7, 2015میر تقی میر،اساتذہ،غزلہموار،مار،یار،کردار،آثار،اصرار،اظہار،بسیار،دارadmin

دیوان ششم غزل 1814

اس مغل زا سے نہ تھی ہر بات کی تکرار خوب

بدزبانی بھی کی ان نے تو کہا بسیار خوب

لگ نہیں پڑتے ہیں لے کر ہاتھ میں شمشیر تیز

بے کسوں کے قتل میں اتنا نہیں اصرار خوب

آخر ان خوباں نے عاشق جان کر مارا مجھے

چاہ کا اپنی نہ کرنا ان سے تھا اظہار خوب

آج کل سے مجھ کو بیتابی و بدحالی ہے کیا

مجھ مریض عشق کے کب سے نہ تھے آثار خوب

کیا کریمی اس کی کہیے جنت دربستہ دی

ورنہ مفلس غم زدوں کے کچھ نہ تھے کردار خوب

مخترع جور و ستم میں بھی ہوا وہ نوجواں

ظلم تب کرتا ہے جب ہو کوئی منت دار خوب

دہر میں پستی بلندی برسوں تک دیکھی ہے میں

جب لٹا پامالی سے میں تب ہوا ہموار خوب

کیا کسو سے آشنائی کی رکھے کوئی امید

کم پہنچتا ہے بہم دنیا میں یارو یار خوب

کہتے تھے افعی کے سے اے میر مت کھا پیچ و تاب

آخر اس کوچے میں جا کھائی نہ تو نے مار خوب

میر تقی میر

ساتھ میرے دل گڑا تو آچکا مرنے کا خواب

اکتوبر 7, 2015میر تقی میر،اساتذہ،غزلنقاب،انتخاب،احتساب،باریاب،حجاب،خواب،خراب،شبابadmin

دیوان ششم غزل 1813

مارے ہی ڈالے ہے جس کا زندگی میں اضطراب

ساتھ میرے دل گڑا تو آچکا مرنے کا خواب

ٹک ٹھہرتا بھی تو کہتے تھا کسو بجلی کی تاب

یا کہ نکہت گل کی تھا آیا گیا عہد شباب

کی نماز صبح کو کھوکر نماز اشراق کی

ہو گیا مجھ پر ستم اچٹا نہ ٹک مستی میں خواب

دیکھنا منھ یار کا اس وجہ سے ہوتا نہیں

یا الٰہی دے زمانے سے اٹھا رسم نقاب

ضعف ہے اس کے مرض اور اس کے غم سے الغرض

دل بدن میں آدمی کے ایک ہے خانہ خراب

یار میں ہم میں پڑا پردہ جو ہے ہستی ہے یہ

بیچ سے اٹھ جائے تو ہووے ابھی رفع حجاب

صورت دیوار سے مدت کھڑے در پر رہے

پر کبھو صحبت میں اس کی ہم ہوئے نہ باریاب

مے سے توبہ کرتے ہی معقول اگر ہم جانتے

ہم پہ شیخ شہر برسوں سے کرے ہے احتساب

جمع تھے خوباں بہت لیکن پسند اس کو کیا

کیا غلط میں نے کیا اے میر وقت انتخاب

میر تقی میر

بے مروت اس زمانے میں ہمہ حیرت ہے اب

اکتوبر 7, 2015میر تقی میر،اساتذہ،غزلکلفت،تہمت،حیرت،رخصت،طاقتadmin

دیوان ششم غزل 1812

آئینہ سا جو کوئی یاں آشنا صورت ہے اب

بے مروت اس زمانے میں ہمہ حیرت ہے اب

کیا کوئی یاری کسو سے کرکے ہووے شاد کام

دوستی ہے دشمنی الفت نہیں کلفت ہے اب

چاہتا ہے درد دل کرنا کسو سے دل دماغ

سو دماغ اپنا ضعیف اور قلب بے طاقت ہے اب

کیونکے دنیا دنیا رسوائی مری موقوف ہو

عالم عالم مجھ پہ اس کے عشق کی تہمت ہے اب

اشک نومیدا نہ پھرتے ہیں مری آنکھوں کے بیچ

میر یہ دے ہے دکھائی جان کی رخصت ہے اب

میر تقی میر

کھاوے گا آفتابہ کوئی خودسر آفتاب

اکتوبر 7, 2015میر تقی میر،اساتذہ،غزلچکر،کیدھر،کر،گھر،پر،برتر،تھرتھر،خودسر،خوشتر،سیسرadmin

دیوان ششم غزل 1811

منھ دھوتے اس کے آتا تو ہے اکثر آفتاب

کھاوے گا آفتابہ کوئی خودسر آفتاب

سر صدقے تیرے ہونے کی خاطر بہت ہے گرم

مارا کرے ہے شام و سحر چکر آفتاب

ہر خانہ کیوں نہ صبح جہاں میں ہو پر فروغ

پھرتا ہے جھانکتا اسی کو گھر گھر آفتاب

تجرید کا فراغ ہے یک دولت عظیم

بھاگے ہے اپنے سائے سے بھی خوشتر آفتاب

نازک مزاج ہے تو کہیں گھر سے مت نکل

ہوتا ہے دوپہر کے تئیں سر پر آفتاب

پیدا ہے روز مشرق نو کی نمود سی

آئے ہے کوے یار سے بچ بچ کر آفتاب

ہو پست اس کے نور کا زیر زمیں گیا

ہر چند سب ستاروں سے تھا برتر آفتاب

اس رخ کی روشنی میں نہ معلوم کچھ ہوا

مہ گم کدھر ہوا ہے گیا کیدھر آفتاب

کس زورکش کی قوس قزح ہے کمان پاک

جس کی اٹھا سکا نہ کبھو سیسر آفتاب

روشن ہے یہ کہ خوف ہے اس غصہ ور کا میر

نکلے ہے صبح کانپتا جو تھرتھر آفتاب

میر تقی میر

کرنا جو کچھ ہو تم کو سو کرلو شتاب اب

اکتوبر 7, 2015میر تقی میر،اساتذہ،غزلکباب،ثواب،جواب،حجاب،حساب،خواب،خراب،خطاب،شتاب،عذابadmin

دیوان ششم غزل 1810

آیا ہے شیب سر پہ گیا ہے شباب اب

کرنا جو کچھ ہو تم کو سو کرلو شتاب اب

بگڑا بنا ہوں عشق سے سو بار عاقبت

پایا قرار یہ کہ رہوں میں خراب اب

خوں ریزی عاشقوں کی ہے ظالم اگر ثواب

تو تو ہوا ہے تجھ کو بہت سا ثواب اب

بھڑکی دروں میں آتش سوزندہ عشق کی

دل رہ گیا ہے پہلو میں ہوکر کباب اب

ہوں اس بہشتی رو سے جدا میں جحیم میں

رہتا ہے میری خاک کو ہر دم عذاب اب

قاصد جو آیا چپ ہے نشاں خط کا کچھ نہیں

دیکھیں جو لاوے باد کوئی کیا جواب اب

کیا رنج و غم کو آگے ترے میں کروں شمار

یاں خود حسابی میری تو ہے بے حساب اب

جھپکی ہیں آنکھیں اور جھکی آتی ہیں بہت

نزدیک شاید آیا ہے ہنگام خواب اب

آرام کریے میری کہانی بھی ہوچکی

کرنے لگو گے ورنہ عتاب و خطاب اب

جانا سبھوں نے یہ کہ تو معشوق میر ہے

خلع العذار سے نہ گیا ہے حجاب اب

میر تقی میر

مر جائے کوئی خستہ جگر تو ہے کیا عجب

اکتوبر 7, 2015میر تقی میر،اساتذہ،غزلمکر،نظر،کمر،گھر،اثر،بسر،جگر،خبر،سفر،سحر،ضررadmin

دیوان ششم غزل 1809

ہے عشق میں جو حال بتر تو ہے کیا عجب

مر جائے کوئی خستہ جگر تو ہے کیا عجب

لے جا کے نامے کتنے کبوتر ہوئے ہیں ذبح

اڑتی سی ہم کو آوے خبر تو ہے کیا عجب

شبہاے تار و تیرہ زمانے میں دن ہوئیں

شب ہجر کی بھی ہووے سحر تو ہے کیا عجب

جیسے ہے رخنہ رخنہ یہ چرخ اثیر سب

اس آہ کا ہو اس میں اثر تو ہے کیا عجب

جاتی ہے چشم شوخ کسی کی ہزار جا

آوے ادھر بھی اس کی نظر تو ہے کیا عجب

لغزش ملک سے ہووے لچک اس کمر کی دیکھ

عاشق سے جو بندھے نہ کمر تو ہے کیا عجب

ترک وطن کیا ہے عزیزوں نے چاہ میں

کر جائے کوئی رفتہ سفر تو ہے کیا عجب

برسوں سے ہاتھ مارتے ہیں سر پہ اس بغیر

ہووے بھی ہم سے دست بسر تو ہے کیا عجب

معلوم سودمندی عشاق عشق میں

پہنچے ہے اس سے ہم کو ضرر تو ہے کیا عجب

گھر بار میں لٹا کے گیا گھر سے بھی نکل

اب آوے وہ کبھو مرے گھر تو ہے کیا عجب

ملتی نہیں ہے آنکھ اس آئینہ رو کی میر

وہ دل جو لے کے جاوے مکر تو ہے کیا عجب

میر تقی میر

بہت عالم کرے گا غم ہمارا

اکتوبر 7, 2015میر تقی میر،اساتذہ،غزلماتم،اودھم،برہم،خم،غمadmin

دیوان ششم غزل 1808

سخن مشتاق ہے عالم ہمارا

بہت عالم کرے گا غم ہمارا

پڑھیں گے شعر رورو لوگ بیٹھے

رہے گا دیر تک ماتم ہمارا

نہیں ہے مرجع آدم اگر خاک

کدھر جاتا ہے قد خم ہمارا

زمین و آسماں زیر و زبر ہے

نہیں کم حشر سے اودھم ہمارا

کسو کے بال درہم دیکھتے میر

ہوا ہے کام دل برہم ہمارا

میر تقی میر

حیرت سے آفتاب جہاں کا تہاں رہا

اکتوبر 7, 2015میر تقی میر،اساتذہ،غزلمہرباں،میہماں،کہاں،تہاں،جہاں،جواں،جاں،خانماں،رواںadmin

دیوان ششم غزل 1807

اب یار دوپہر کو کھڑا ٹک جو یاں رہا

حیرت سے آفتاب جہاں کا تہاں رہا

جو قافلے گئے تھے انھوں کی اٹھی بھی گرد

کیا جانیے غبار ہمارا کہاں رہا

سوکھی پڑی ہیں آنکھیں مری دیر سے جو اب

سیلاب ان ہی رخنوں سے مدت رواں رہا

اعضا گداز عشق سے ایک ایک بہ گئے

اب کیا رہا ہے مجھ میں جو میں نیم جاں رہا

منعم کا گھر تمادی ایام میں بنا

سو آپ ایک رات ہی واں میہماں رہا

اس کے فریب لطف پہ مت جا کہ ہمنشیں

وہ دیر میرے حال پہ بھی مہرباں رہا

اب در پہ اس کے گھر کے گرا ہوں وگر نہ میں

مدت خرابہ گرد ہی بے خانماں رہا

ہے جان تو جہان ہے مشہور ہے مثل

کیا ہے گئے پہ جان کے گو پھر جہاں رہا

ترک شراب خانہ ہے پیری میں ورنہ میر

ترسا بچوں ہی میں رہا جب تک جواں رہا

میر تقی میر

پیر فقیر اس بے دنداں کو ان نے دنداں مزد دیا

اکتوبر 7, 2015میر تقی میر،اساتذہ،غزللیا،پیا،جیا،دیاadmin

دیوان ششم غزل 1806

آج اس خوش پرکار جواں مطلوب حسین نے لطف کیا

پیر فقیر اس بے دنداں کو ان نے دنداں مزد دیا

آنسو کی بوند آنکھوں سے دونوں اب تو نکلتی ایک نہیں

دل کے طپیدن روز و شب نے خوب جگر کا لوہو پیا

مرتے جیسے صبر کیا تھا ویسی ہی بے صبری کی

ہائے دریغ افسوس کوئی دن اور نہ یہ بیمار جیا

ہاتھ رکھے رہتا ہوں دل پر برسوں گذرے ہجراں میں

ایک دن ان نے گلے سے مل کر ہاتھ میں میرا دل نہ لیا

میر تقی میر

اک دو دن ہی میں وہ زار و زبوں خوار ہوا

اکتوبر 7, 2015میر تقی میر،اساتذہ،غزلیار،گنہگار،گرفتار،بیمار،خوار،خبردار،خریدار،دشوار،طلبگارadmin

دیوان ششم غزل 1805

جس ستم دیدہ کو اس عشق کا آزار ہوا

اک دو دن ہی میں وہ زار و زبوں خوار ہوا

روز بازار میں عالم کے عجب شے ہے حسن

بک گیا آپ ہی جو اس کا خریدار ہوا

دھوپ میں آگے کھڑا اس کے جلا کرتا ہوں

چاہ کر اس کے تئیں میں تو گنہگار ہوا

ہوش کچھ جن کے سروں میں تھا شتابی چیتے

حیف صد حیف کہ میں دیر خبردار ہوا

ہو بخود تو کسو کو ڈھونڈ نکالے کوئی

وہی خود گم ہوا جو اس کا طلبگار ہوا

مرغ دل کی ہے رہائی سے مرا دل اب جمع

پرشکن بالوں میں وہ اس کے گرفتار ہوا

پیار کی دیکھی جو چتون کسو کی میں جانا

کہ یہ اب سادہ و پرکار مرا یار ہوا

تکیہ اس پر جو کیا تھا سو گرا بستر پر

یعنی میں شوق کے افراط سے بیمار ہوا

کیونکے سب عمر صعوبت میں کٹی تیری میر

اپنا جینا تو کوئی دن ہمیں دشوار ہوا

میر تقی میر

اس سے کیا جانوں کیا قرار ہوا

اکتوبر 7, 2015میر تقی میر،اساتذہ،غزلہار،قرار،یار،اعتبار،خار،دوار،روزگارadmin

دیوان ششم غزل 1804

دل جو ناگاہ بے قرار ہوا

اس سے کیا جانوں کیا قرار ہوا

شب کا پہنا جو دن تلک ہے مگر

ہار اس کے گلے کا ہار ہوا

گرد سر اس کے جو پھرا میں بہت

رفتہ رفتہ مجھے دوار ہوا

بستر خواب سے جو اس کے اٹھا

گل تر سوکھ سوکھ خار ہوا

مجھ سے لینے لگے ہیں عبرت لوگ

عاشقی میں یہ اعتبار ہوا

روز و شب روتے کڑھتے گذرے ہے

اب یہی اپنا روزگار ہوا

روؤں کیا اپنی سادگی کو میر

میں نے جانا کہ مجھ سے یار ہوا

میر تقی میر

رہا ویسا ہی ہنگامہ مری بھی زار نالی کا

اکتوبر 7, 2015میر تقی میر،اساتذہ،غزللالی،نالی،گالی،بھالی،حالی،خیالی،خالی،سالی،عالیadmin

دیوان ششم غزل 1803

پڑا تھا شور جیسا ہر طرف اس لاابالی کا

رہا ویسا ہی ہنگامہ مری بھی زار نالی کا

رہے بدحال صوفی حال کرتے دیر مجلس میں

مغنی سے سنا مصرع جو میرے شعر حالی کا

نظر بھر دیکھتا کوئی تو تم آنکھیں چھپا لیتے

سماں اب یاد ہو گا کب تمھیں وہ خورد سالی کا

چمک یاقوت کی چلتی ہے اتنی دور کاہے کو

اچنبھا ہے نظر بازوں کو ان ہونٹوں کی لالی کا

پھرے بستی میں رویت کچھ نہیں افلاس سے اپنی

الہٰی ہووے منھ کالا شتاب اس دست خالی کا

دماغ اپنا تو اپنی فکر ہی میں ہوچکا یکسر

خیال اب کس کو ہے اے ہمنشیں نازک خیالی کا

ذلیل و خوار ہیں ہم آگے خوباں کے ہمیشہ سے

پریکھا کچھ نہیں ہے ہم کو ان کی جھڑکی گالی کا

ڈرو چونکو جو چسپاں اختلاطی تم سے ہو مجھ کو

تشتّت کیا ہے میری دور کی اس دیکھا بھالی کا

نہ پہنچی جو دعاے میر واں تک تو عجب کیا ہے

علوے مرتبہ ہے بسکہ اس درگاہ عالی کا

میر تقی میر

تلاش جوش بہار میں کی نگار گلشن میں تھا نہ اپنا

اکتوبر 7, 2015میر تقی میر،اساتذہ،غزلچلا،کہا،کیا،گیا،بنا،تھا،رہاadmin

دیوان ششم غزل 1802

گئے تھے سیر چمن کو اٹھ کر گلوں میں ٹک جی لگا نہ اپنا

تلاش جوش بہار میں کی نگار گلشن میں تھا نہ اپنا

ملا تو تھا وہ بخواہش دل مزہ بھی پاتے ملے سے لیکن

پھریں جو مستی میں اس کی آنکھیں سو ہوش ہم کو رہا نہ اپنا

جہاں کا دریاے بیکراں تو سراب پایان کار نکلا

جو لوگ تہ سے کچھ آشنا تھے انھوں نے لب تر کیا نہ اپنا

نکالی سرکش نے چال ایسی کہ دیکھ حیرت سے رہ گئے ہم

دلوں میں کیا کیا ہمارے آیا کریں سو کیا بس چلا نہ اپنا

کہے بھی کوئی تو اس سے جس میں سخن کسو کا اثر کرے کچھ

بکا کیے ہم ہمیشہ مانا کسو دن ان نے کہا نہ اپنا

نہ ہوش ہم کو نہ صبر دل کو نہ شور سر میں نہ زور پا میں

جو روویں کس کس کو روویں اب ہم وفا میں کیا کیا گیا نہ اپنا

جہاں میں رہنے کو جی بہت تھا نہ کرسکے میر کچھ توقف

بنا تھی ناپائدار اس کی اسی سے رہنا بنا نہ اپنا

میر تقی میر

آشنا رہ برسوں جو اک دم میں ہو ناآشنا

اکتوبر 7, 2015میر تقی میر،اساتذہ،غزلناآشنا،آشناadmin

دیوان ششم غزل 1801

ہو کوئی اس بے وفا دلدار سے کیا آشنا

آشنا رہ برسوں جو اک دم میں ہو ناآشنا

قدر جانو کچھ ہماری ورنہ پچھتاؤ گے تم

پھر نہیں ملنے کا تم کو کوئی ہم سا آشنا

باغ کو بے لالہ و گل دیکھ کہتے تھے طیور

جھڑ گئے پت جھڑ میں اب کے ہائے کیا کیا آشنا

اب تو تو لڑکا نہیں عشق و ہوس میں کر تمیز

آشنا سے فرق ہوتا ہے بہت تا آشنا

ملتے ملتے منھ چھپانا بھی لطیفہ ہے نیا

آشنائی یا نہ کریے ہوجیے یا آشنا

تھا جنوں کا لطف مجنوں سے سو دنیا سے گیا

مغفرت ہو اس کو وحشی ہم سے بھی تھا آشنا

اب جو ہاتھ آئے ہیں ہم مت مفت کھو دیجو ہمیں

پھر نہ ہو گا تم کو ایسا کوئی پیدا آشنا

کیسا ہی پانی ہو اس کو پیری میں جانا ہے پیر

تھا جوانی میں مگر تو میر دانا آشنا

میر تقی میر

ہزار مرتبہ منھ تک مرے جگر آیا

اکتوبر 7, 2015میر تقی میر،اساتذہ،غزلہنر،نظر،کمر،کدھر،کر،گھر،بھر،تر،جگرadmin

دیوان ششم غزل 1800

زمانہ ہجر کا آسان کیا بسر آیا

ہزار مرتبہ منھ تک مرے جگر آیا

رہیں جو منتظر آنکھیں غبار لائیں ولے

وہ انتظارکشوں کو نہ ٹک نظر آیا

ہزار طرح سے آوے گھڑی جدائی میں

ملاپ جس سے ہو ایسا نہ یک ہنر آیا

ملا جو عشق کے جنگل میں خضر میں نے کہا

کہ خوف شیر ہے مخدوم یاں کدھر آیا

یہ لہر آئی گئی روز کالے پانی تک

محیط اس مرے رونے کو دیکھ تر آیا

نثار کیا کریں ہم خانماں خراب اس پر

کہ گھر لٹا چکے جب یار اپنے گھر آیا

نہ روؤں کیونکے علی الاتصال اس بن میں

کہ جی کے رندھنے سے جوں ابر دل بھی بھر آیا

جوان مارے ہیں بے ڈھنگی ہی سے ان نے بہت

ستم کی مشق کی پر خون اسے نہ کرآیا

لچک کمر کی جو یاد آئی اس کی بہ آوے

کہ پانی میر کے اشکوں کا تا کمر آیا

میر تقی میر

دور سے دیکھتے ہی پیار آیا

اکتوبر 7, 2015میر تقی میر،اساتذہ،غزلہار،قرار،پیار،پکار،بار،شکار،غبارadmin

دیوان ششم غزل 1799

دیر بدعہد وہ جو یار آیا

دور سے دیکھتے ہی پیار آیا

بیقراری نے مار رکھا ہمیں

اب تو اس کے تئیں قرار آیا

گرد رہ اس کی اب اٹھو نہ اٹھو

میری آنکھوں ہی پر غبار آیا

اک خزاں میں نہ طیر بھی بولا

میں چمن میں بہت پکار آیا

ہار کر میں تو کاٹتا تھا گلا

وہ قماری گلے کا ہار آیا

طائر عمر کو نظر میں رکھ

غیب سے ہاتھ یہ شکار آیا

موسم آیا تو نخل دار میں میر

سر منصور ہی کا بار آیا

میر تقی میر

تو جینا ہمیں اپنا دشوار ہو گا

اکتوبر 7, 2015میر تقی میر،اساتذہ،غزلیار،کار،پیار،آزار،بیمار،خوار،دشوارadmin

دیوان ششم غزل 1798

جو تو ہی صنم ہم سے بیزار ہو گا

تو جینا ہمیں اپنا دشوار ہو گا

غم ہجر رکھے گا بیتاب دل کو

ہمیں کڑھتے کڑھتے کچھ آزار ہو گا

جو افراط الفت ہے ایسا تو عاشق

کوئی دن میں برسوں کا بیمار ہو گا

اچٹتی ملاقات کب تک رہے گی

کبھو تو تہ دل سے بھی یار ہو گا

تجھے دیکھ کر لگ گیا دل نہ جانا

کہ اس سنگدل سے ہمیں پیار ہو گا

لگا کرنے ہجران سختی سی سختی

خدا جانے کیا آخر کار ہو گا

یہی ہو گا کیا ہو گا میر ہی نہ ہوں گے

جو تو ہو گا بے یار و غم خوار ہو گا

میر تقی میر

عشق بھی اس کا ہے نام اک پیار کا

اکتوبر 6, 2015میر تقی میر،اساتذہ،غزلیار،پیار،اصرار،بیمار،بار،بازار،خونبار،دیوار،سرکارadmin

دیوان ششم غزل 1797

میں ہوں خاک افتادہ جس آزار کا

عشق بھی اس کا ہے نام اک پیار کا

بیچتا سرکیوں نہ گلیوں میں پھروں

میں ہوں خواہاں لطف تہ بازار کا

خون کرکے ٹک نہ دل ان نے لیا

کشتہ و مردہ ہوں اس اصرار کا

گھر سے وہ معمار کا جو اٹھ گیا

حال ابتر ہو گیا گھر بار کا

نقل اس کی بے وفائی کی ہے اصل

کب وفاداری ہے شیوہ یار کا

سر جو دے دے مارتے گھر میں پھرے

رنگ دیگر ہے در و دیوار کا

اک گداے در ہے سیلاب بہار

غم کشوں کے دیدۂ خونبار کا

دلبراں دل جنس ہے گنجائشی

اس میں کچھ نقصاں نہیں سرکار کا

عشق کا مارا ہے کیا پنپے گا میر

حال ہے بدحال اس بیمار کا

میر تقی میر

میں بے دماغ باغ سے اٹھ کر چلا گیا

اکتوبر 6, 2015میر تقی میر،اساتذہ،غزللکھا،لگا،لٹا،مزہ،چلا،چھپا،کیا،بجا،جداadmin

دیوان ششم غزل 1796

بلبل کا شور سن کے نہ مجھ سے رہا گیا

میں بے دماغ باغ سے اٹھ کر چلا گیا

لوگوں نے پائی راکھ کی ڈھیری مری جگہ

اک شعلہ میرے دل سے اٹھا تھا چلا گیا

چہرے پہ بال بکھرے رہے سب شب وصال

یعنی کہ بے مروتی سے منھ چھپا گیا

چلنا ہوا تو قافلۂ روزگار سے

میں جوں صدا جرس کی اکیلا جدا گیا

کیا بات رہ گئی ہے مرے اشتیاق سے

رقعے کے لکھتے لکھتے ترسل لکھا گیا

سب زخم صدر ان نے نمک بند خود کیے

صحبت جو بگڑی اپنے میں سارا مزہ گیا

سارے حواس میرے پریشاں ہیں عشق میں

اس راہ میں یہ قافلہ سارا لٹا گیا

بادل گرج گرج کے سناتا ہے یعنی یاں

نوبت سے اپنی ہر کوئی نوبت بجا گیا

وے محو ناز ہی رہے آئے نہ اس طرف

میں منتظر تو جی سے گیا ان کا کیا گیا

دل دے کے جان میر نے پایان کار دی

یہ سادہ لوح طرح نئی دل لگا گیا

میر تقی میر

کی دوستی کہ یارو اک روگ میں بساہا

اکتوبر 6, 2015میر تقی میر،اساتذہ،غزلنباہا،کراہا،پھاہا،الٰہا،بساہا،جماہا،دوراہا،راہا،سراہا،شاہاadmin

دیوان ششم غزل 1795

دشمن ہو جی کا گاہک ہوتا ہے جس کو چاہا

کی دوستی کہ یارو اک روگ میں بساہا

جی ہے جہاں قیامت درد و الم رہا واں

بیمار عاشقی میں شب صبح تک کراہا

تازہ جھمک تھی شب کو تاروں میں آسماں کے

اس آسیا کو شاید پھر کر کنھوں نے راہا

خمیازہ کش ہوں اس کی مدت سے اس ادا کا

لگ کر گلے سے میرے انگڑائی لے جماہا

جانا کہ منھ کھلا ہے آتش کدے کا شاید

سینے کے زخم سے جو سرکا ہے ٹک بھی پھاہا

آنکھیں مری لگو ہیں بے جا نہیں لگیں ہیں

دیکھا ہے جن نے اس کو اس نے مجھے سراہا

میں راہ عشق میں تو آگے ہی دو دلا تھا

پرپیچ پیش آیا ان زلفوں کا دوراہا

کرنا وفا نہیں ہے آسان عاشقی میں

پتھر کیا جگر کو تب چاہ کو نباہا

کہتے تو تھے نہ دیکھو اس سے لگے نہ جائو

سمجھے نہ دیدہ و دل اب کیا کہوں الٰہا

یا مرتضیٰ علیؓ ہے تیرا گداے در یہ

کر حال میر پر بھی ٹک التفات شاہا

میر تقی میر

دوچار دن میں برسوں کا بیمار ہو گیا

اکتوبر 6, 2015میر تقی میر،اساتذہ،غزلگنہگار،گرفتار،پیار،بیمار،بازار،تیار،خریدار،دیوار،سزاوارadmin

دیوان ششم غزل 1794

جس رفتنی کو عشق کا آزار ہو گیا

دوچار دن میں برسوں کا بیمار ہو گیا

نسبت بہت گناہوں کی میری طرف ہوئی

ناکردہ جرم میں تو گنہگار ہو گیا

حیرت زدہ میں عشق کے کاموں کا یار کے

دروازے پر کھڑے کھڑے دیوار ہو گیا

پھیلے شگاف سینے کے اطراف درد سے

کوچہ ہر ایک زخم کا بازار ہو گیا

بازار میں جہان کے ہے حسن کیا متاع

سو جی سے جس نے دیکھا خریدار ہو گیا

دل لے کے میری جان کا دشمن ہوا ندان

جس بے وفا سے اپنے تئیں پیار ہو گیا

عاشق کو اس کی تیغ سے ہے لاگ کھنچتے ہی

یہ کشتنی بھی مرنے کو تیار ہو گیا

مرتے موا رہا نہ ہوا تنگ ہی رہا

پھندے میں عشق کے جو گرفتار ہو گیا

کیا جرم تھا کسو پہ نہ معلوم کچھ ہوا

جو میر کشت و خوں کا سزاوار ہو گیا

میر تقی میر

مرنا تمام ہو نہ سکا نیم جاں ہوا

اکتوبر 6, 2015میر تقی میر،اساتذہ،غزلفغاں،لامکاں،مہرباں،مغاں،کہاں،گراں،امتحاں،آشیاں،جواں،جاں،خانماں،رواں،زیاں،سماںadmin

دیوان ششم غزل 1793

میں رنج عشق کھینچے بہت ناتواں ہوا

مرنا تمام ہو نہ سکا نیم جاں ہوا

بستر سے اپنے اٹھ نہ سکا شب ہزار حیف

بیمار عشق چار ہی دن میں گراں ہوا

شاید کہ دل تڑپنے سے زخم دروں پھٹا

خونناب میری آنکھوں سے منھ پر رواں ہوا

غیر از خدا کی ذات مرے گھر میں کچھ نہیں

یعنی کہ اب مکان مرا لامکاں ہوا

مستوں میں اس کی کیسی تعین سے ہے نشست

شیشہ ہوا نہ کیف کا پیر مغاں ہوا

سائے میں تاک کے مجھے رکھا اسیر کر

صیاد کے کرم سے قفس آشیاں ہوا

ہم نے نہ دیکھا اس کو سو نقصان جاں کیا

ان نے جو اک نگاہ کی اس کا زیاں ہوا

ٹک رکھ لے ہاتھ تن میں نہیں اور جاے زخم

بس میرے دل کا یار جی اب امتحاں ہوا

وے تو کھڑے کھڑے مرے گھر آ کے پھر گئے

میں بے دیار و بیدل و بے خانماں ہوا

گردش نے آسماں کی عجائب کیا سلوک

پیر کبیر جب میں ہوا وہ جواں ہوا

مرغ چمن کی نالہ کشی کچھ خنک سی تھی

میں آگ دی چمن کو جو گرم فغاں ہوا

دو پھول لاکے پھینک دیے میری گور پر

یوں خاک میں ملا کے مجھے مہرباں ہوا

سر کھینچا دود دل نے جہاں تیرہ ہو گیا

دم بھر میں صبح زیر فلک کیا سماں ہوا

کہتے ہیں میر سے کہیں اوباش لڑ گئے

ہنگامہ ان سے ایسا الٰہی کہاں ہوا

میر تقی میر

چاہ نے بدلے رنگ کئی اب جسم سراسر زرد ہوا

اکتوبر 6, 2015میر تقی میر،اساتذہ،غزلگرد،زرد،سردadmin

دیوان ششم غزل 1792

تھا اندوہ گرہ مدت سے دل میں خوں ہو درد ہوا

چاہ نے بدلے رنگ کئی اب جسم سراسر زرد ہوا

وعدہ خلافی اس ظالم کی کھا گئی میری جان غمیں

گرمی کرے وہ مجھ سے جب تک تب تک میں ہی سرد ہوا

گرد و غبار و دشت و وادی گریے سے میرے یک سو ہیں

رونے کے آگے ان کے تو دریا بھی میر اب گرد ہوا

میر تقی میر

پڑھتے کسو کو سنیے گا تو دیر تلک سر دھنیے گا

اکتوبر 6, 2015میر تقی میر،اساتذہ،غزلچنیے،گنیے،بھنیے،دھنیےadmin

دیوان ششم غزل 1791

باتیں ہماری یاد رہیں پھر باتیں ایسی نہ سنیے گا

پڑھتے کسو کو سنیے گا تو دیر تلک سر دھنیے گا

سعی و تلاش بہت سی رہے گی اس انداز کے کہنے کی

صحبت میں علما فضلا کی جاکر پڑھیے گنیے گا

دل کی تسلی جب کہ نہ ہو گی گفت و شنود سے لوگوں کی

آگ پھنکے گی غم کی بدن میں اس میں جلیے بھنیے گا

گرم اشعار میر درونہ داغوں سے یہ بھر دیں گے

زرد رو شہر میں پھریے گا گلیوں میں نے گل چنیے گا

میر تقی میر

سو بار آنکھیں کھولیں بالیں سے سر اٹھایا

اکتوبر 6, 2015میر تقی میر،اساتذہ،غزللگایا،لایا،مچایا،چھکایا،پایا،آزمایا،اٹھایا،بنایا،سایاadmin

دیوان ششم غزل 1790

وہ دیکھنے ہمیں ٹک بیماری میں نہ آیا

سو بار آنکھیں کھولیں بالیں سے سر اٹھایا

گلشن کے طائروں نے کیا بے مروتی کی

یک برگ گل قفس میں ہم تک نہ کوئی لایا

بے ہیچ اس کا غصہ یارو بلاے جاں ہے

ہرگز منا نہ ہم سے بہتیرا ہی منایا

قد بلند اگرچہ بے لطف بھی نہیں ہے

سرو چمن میں لیکن انداز وہ نہ پایا

انگڑاتے خوبرو یاں حسرت سے پیش و پس ہیں

اینڈا پھرے ہے ہر سو جب اس پری کا سایا

نقشہ عجب ہے اس کا نقاش نے ازل کے

مطبوع ایسا چہرہ کوئی نہ پھر بنایا

شب کو نشے میں باہم تھی گفتگوے درہم

اس مست نے جھنکایا یعنی بہت چھکایا

دل بستگی میں کھلنا اس کا نہ اس سے دیکھا

بخت نگوں کو ہم نے سو بار آزمایا

عاشق جہاں ہوا ہے بے ڈھنگیاں ہی کی ہیں

اس میر بے خرد نے کب ڈھب سے دل لگایا

میر تقی میر

جب تلک ہم جائیں اودھم ہو گیا

اکتوبر 6, 2015میر تقی میر،اساتذہ،غزلموسم،نم،اودھم،برہم،خم،دم،درہم،غمadmin

دیوان ششم غزل 1789

جمع اس کے نکلے عالم ہو گیا

جب تلک ہم جائیں اودھم ہو گیا

گو پریشاں ہو گئے گیسوے یار

حال ہی اپنا تو درہم ہو گیا

کیا کہوں کیا طرح بدلی یار نے

چائو تھا دل میں سو اب غم ہو گیا

کیا لکھوں مشکل ہوئی تحریر حال

خط کا کاغذ رونے سے نم ہو گیا

دم دیے بہتیرے یاروں نے ولے

خشک نے سا شیخ بے دم ہو گیا

کیوں نہ درہم برہم اپنا ہو مزاج

بات کہتے یار برہم ہو گیا

باغ جیسے راغ وحشت گاہ ہے

یاں سے شاید گل کا موسم ہو گیا

کیا نماز اے میر اس اوقات کی

جب کہ قد محراب سا خم ہو گیا

میر تقی میر

ٹکڑا جگر کا آنکھوں سے نکلا جلا ہوا

اکتوبر 6, 2015میر تقی میر،اساتذہ،غزلمبتلا،چلا،بلا،بھلا،جلاadmin

دیوان ششم غزل 1788

سوز دروں سے مجھ پہ ستم برملا ہوا

ٹکڑا جگر کا آنکھوں سے نکلا جلا ہوا

بدحال ہوکے چاہ میں مرنے کا لطف کیا

دل لگتے جو موا کوئی عاشق بھلا ہوا

نکلا گیا نہ دام سے پرپیچ زلف کے

اے وائے یہ بلا زدہ دل مبتلا ہوا

کیا اور لکھیے کیسی خجالت مجھے ہوئی

سر کو جھکائے آیا جو قاصد چلا ہوا

رہتا نہیں تڑپنے سے ٹک ہاتھ کے تلے

کیا جانوں میر دل کو مرے کیا بلا ہوا

میر تقی میر

نہ جانا ان نے تو یوں بھی کہ کیا تھا

اکتوبر 6, 2015میر تقی میر،اساتذہ،غزلہوا،لگا،مزہ،کہا،کیا،آشنا،بجا،جلا،جدا،خفا،خودستا،خدا،دواadmin

دیوان ششم غزل 1787

موئے ہم جس کی خاطر بے وفا تھا

نہ جانا ان نے تو یوں بھی کہ کیا تھا

معالج کی نہیں تقصیر ہرگز

مرض ہی عاشقی کا لا دوا تھا

نہ خود سر کیونکے ہوں ہم یار اپنا

خودآرا خودپسند و خودستا تھا

رکھا تھا منھ کبھو اس کنج لب پر

ہمارے ذوق میں اب تک مزہ تھا

نہ ملیو چاہنے والوں سے اپنے

نہ جانا تجھ سے یہ کن نے کہا تھا

پریشاں کر گئی فریاد بلبل

کسو سے دل ہمارا پھر لگا تھا

ملے برسوں وہی بیگانگی تھی

ہمارے زعم میں وہ آشنا تھا

نہ دیوانے تھے ہم سے قیس و فرہاد

ہمارا طور عشق ان سے جدا تھا

بدن میں صبح سے تھی سنسناہٹ

انھیں سنّاہٹوں میں جی جلا تھا

صنم خانے سے اٹھ کعبے گئے ہم

کوئی آخر ہمارا بھی خدا تھا

بدن میں اس کے ہے ہرجاے دلکش

جہاں اٹکا کسو کا دل بجا تھا

کوئی عنقا سے پوچھے نام تیرا

کہاں تھا جب کہ میں رسوا ہوا تھا

چڑھی تیوری چمن میں میر آیا

کلک خسپ آج شاید کچھ خفا تھا

میر تقی میر

اندوہ و درد عشق نے بیمار کردیا

اکتوبر 6, 2015میر تقی میر،اساتذہ،غزلگنہگار،پار،پریدار،بیمار،بیزار،خونبار،خبردار،دیوار،سزاوار،طلبگارadmin

دیوان ششم غزل 1786

بے طاقتی نے دل کی گرفتار کردیا

اندوہ و درد عشق نے بیمار کردیا

دروازے پر کھڑا ہوں کئی دن سے یار کے

حیرت نے حسن کی مجھے دیوار کردیا

سائے کو اس کے دیکھ کے وحشت بلا ہوئی

دیوانہ مجھ کو جیسے پریدار کردیا

نسبت ہوئی گناہوں کی از بس مری طرف

بے جرم ان نے مجھ کو گنہگار کردیا

دن رات اس کو ڈھونڈے ہے دل شوق نے مجھے

نایاب کس گہر کا طلبگار کردیا

دور اس سے زار زار جو روتا رہا ہوں میں

لوگوں کو میری زاری نے بیزار کردیا

خوبی سے بخت بد کی اسے عشق سے مرے

یاروں نے رفتہ رفتہ خبردار کردیا

جس کے لگائی جی میں نہ اس کے ہوس رہی

یعنی کہ ایک وار ہی میں پار کردیا

پہلو میں دل نے لوٹ کے آتش سے شوق کی

پایان کار آنکھوں کو خونبار کردیا

کیا جانوں عشق جان سے کیا چاہتا ہے میر

خوں ریزی کا مجھے تو سزاوار کردیا

میر تقی میر

بے دماغی سے با خطاب رہا

اکتوبر 6, 2015میر تقی میر،اساتذہ،غزلنقاب،اجتناب،اضطراب،تاب،حجاب،خواب،خراب،خطاب،شباب،عذابadmin

دیوان ششم غزل 1785

اپنے ہوتے تو با عتاب رہا

بے دماغی سے با خطاب رہا

ہو کے بے پردہ ملتفت بھی ہوا

ناکسی سے ہمیں حجاب رہا

نہ اٹھا لطف کچھ جوانی کا

کم بہت موسم شباب رہا

کارواں ہائے صبح ہوتے گیا

میں ستم دیدہ محو خواب رہا

ہجر میں جی ڈھہا گرے ہی رہے

ضعف سے حال دل خراب رہا

گھر سے آئے گلی میں سو باری

یار بن دیر اضطراب رہا

ہم سے سلجھے نہ اس کے الجھے بال

جان کو اپنی پیچ و تاب رہا

پردے میں کام یاں ہوا آخر

واں سدا چہرے پر نقاب رہا

سوزش سینہ اپنے ساتھ گئی

خاک میں بھی ہمیں عذاب رہا

حیف ہے میر کی جناب سے میاں

ہم کو ان سمجھے اجتناب رہا

میر تقی میر

نظر میں اس کی میں تو بھی نہ آیا

اکتوبر 6, 2015میر تقی میر،اساتذہ،غزللگایا،لایا،کٹایا،پایا،آیا،اٹھایا،بنایا،بتایا،جلایا،جتایاadmin

دیوان ششم غزل 1784

فلک نے پیس کر سرمہ بنایا

نظر میں اس کی میں تو بھی نہ آیا

زمانے میں مرے شور جنوں نے

قیامت کا سا ہنگامہ اٹھایا

بلا تھی کوفت کچھ سوز جگر سے

ہمیں تو کوٹ کوٹ ان نے جلایا

تمامی عمر جس کی جستجو کی

اسے پاس اپنے اک دم بھی نہ پایا

نہ تھی بیگانگی معلوم اس کی

نہ سمجھے ہم اسی سے دل لگایا

قریب دیر خضر آیا تھا لیکن

ہمیں رستہ نہ کعبے کا بتایا

حق صحبت نہ طیروں کو رہا یاد

کوئی دو پھول اسیروں تک نہ لایا

غرور حسن اس کا دس گنا ہے

ہمارا عشق اسے کن نے جتایا

عجب نقشہ ہے نقاش ازل نے

کوئی ایسا نہ چہرہ پھر بنایا

علاقہ میر تھا خنجر سے اس کے

ندان اپنا گلا ہم نے کٹایا

میر تقی میر

کہ جاناں سے بھی جی ملا جانتا ہے

اکتوبر 6, 2015میر تقی میر،اساتذہ،غزلملا،مٹا،کہا،آشنا،بھلا،جفا،جداadmin

دیوان پنجم غزل 1783

یہی عشق ہے جی کھپا جانتا ہے

کہ جاناں سے بھی جی ملا جانتا ہے

بدی میں بھی کچھ خوبی ہووے گی تب تو

برا کرنے کو وہ بھلا جانتا ہے

مرا شعر اچھا بھی دانستہ ضد سے

کسو اور ہی کا کہا جانتا ہے

زمانے کے اکثر ستم گار دیکھے

وہی خوب طرز جفا جانتا ہے

نہیں جانتا حرف خط کیا ہیں لکھے

لکھے کو ہمارے مٹا جانتا ہے

نہ جانے جو بیگانہ تو بات پوچھے

سو مغرور کب آشنا جانتا ہے

نہیں اتحاد تن و جاں سے واقف

ہمیں یار سے جو جدا جانتا ہے

میر تقی میر

خدا جانے تو ہم کو کیا جانتا ہے

اکتوبر 6, 2015میر تقی میر،اساتذہ،غزللگا،مدعا،مزہ،نما،چھپا،وفا،کیا،پارسا،بلا،بنا،بجا،جلا،دغا،سزاadmin

دیوان پنجم غزل 1782

ترے بندے ہم ہیں خدا جانتا ہے

خدا جانے تو ہم کو کیا جانتا ہے

نہیں عشق کا درد لذت سے خالی

جسے ذوق ہے وہ مزہ جانتا ہے

ہمیشہ دل اپنا جو بے جا ہے اس بن

مرے قتل کو وہ بجا جانتا ہے

گہے زیر برقع گہے گیسوئوں میں

غرض خوب وہ منھ چھپا جانتا ہے

مجھے جانے ہے آپ سا ہی فریبی

دعا کو بھی میری دغا جانتا ہے

جفا اس پہ کرتا ہے حد سے زیادہ

جنھیں یار اہل وفا جانتا ہے

لگا لے ہے جھمکے دکھاکر اسی کو

جسے مغ بچہ پارسا جانتا ہے

اسے جب نہ تب ہم نے بگڑا ہی پایا

یہی اچھے منھ کو بنا جانتا ہے

بلا شور انگیز ہے چال اس کی

اسی طرز کو خوش نما جانتا ہے

نہ گرمی جلاتی تھی ایسی نہ سردی

مجھے یار جیسا جلا جانتا ہے

یہی ہے سزا چاہنے کی ہمارے

ہمیں کشتہ خوں کے سزا جانتا ہے

مرے دل میں رہتا ہے تو ہی تبھی تو

جو کچھ دل کا ہے مدعا جانتا ہے

پری اس کے سائے کو بھی لگ سکے نہ

وہ اس جنس کو کیا بلا جانتا ہے

جہاں میر عاشق ہوا خوار ہی تھا

یہ سودائی کب دل لگا جانتا ہے

میر تقی میر

اغلال و سلاسل ٹک اپنی بھی ہلا جاوے

اکتوبر 6, 2015میر تقی میر،اساتذہ،غزلہلا،لگا،مٹا،نہا،چلا،چھپا،چبا،کہا،گھرا،پا،اٹھا،بتا،دلا،رہا،سہاadmin

دیوان پنجم غزل 1781

یارب کوئی دیوانہ بے ڈھنگ سا آجاوے

اغلال و سلاسل ٹک اپنی بھی ہلا جاوے

خاموش رہیں کب تک زندان جہاں میں ہم

ہنگامہ قیامت کا شورش سے اٹھا جاوے

کب عشق کی وادی ہے سر کھینچنے کی جاگہ

ہو سیل بھلا سا تو منھ موڑ چلا جاوے

عاشق میں ہے اور اس میں نسبت سگ و آہو کی

جوں جوں ہو رمیدہ وہ توں توں یہ لگا جاوے

افسوس کی جاگہ ہے یاں باز پسیں دم میں

ہو روبرو آئینہ وہ منھ کو چھپا جاوے

ان نو خطوں سے میری قسمت میں تو تھی خواری

کس طرح لکھا میرا کوئی آ کے مٹا جاوے

دیکھ اس کو ٹھہر رہنا ثابت قدموں سے ہو

اس راہ سے آوے تو ہم سے نہ رہا جاوے

کہیے جہاں کرتا ہو تاثیر سخن کچھ بھی

وہ بات نہیں سنتا کیا اس سے کہا جاوے

یہ رنگ رہے دیکھیں تاچند کہ وہ گھر سے

کھاتا ہوا پان آکر باتوں کو چبا جاوے

ہم دیر کے جنگل میں بھولے پھرے ہیں کب کے

کعبے کا ہمیں رستہ خضر آ کے بتا جاوے

ہاتھوں گئی خوباں کے کچھ شے نہیں پھر ملتی

کیونکر کوئی اب ان سے دل میرا دلا جاوے

یہ ذہن و ذکا اس کا تائید ادھر کی ہے

ٹک ہونٹ ہلے تو وہ تہ بات کی پا جاوے

یوں خط کی سیاہی ہے گرد اس رخ روشن کے

ہر چار طرف گاہے جوں بدر گھرا جاوے

کیا اس کی گلی میں ہے عاشق کسو کی رویت

آلودئہ خاک آوے لوہو میں نہا جاوے

ہے حوصلہ تیرا ہی جو تنگ نہیں آتا

کس سے یہ ستم ورنہ اے میر سہا جاوے

میر تقی میر

بو کہ پھر کر بہار آئی ہے

اکتوبر 6, 2015میر تقی میر،اساتذہ،غزلمچائی،وفائی،کجائی،پائی،آئی،آزمائی،آشنائی،ادائی،بھلائی،بھائی،صفائیadmin

دیوان پنجم غزل 1780

گل قفس تک نسیم لائی ہے

بو کہ پھر کر بہار آئی ہے

عشق دریا ہے ایک لنگردار

تہ کسو نے بھی اس کی پائی ہے

وہ نہ شرماوے کب تلک آخر

دوستی یاری آشنائی ہے

وے نہیں تو انھوں کا بھائی اور

عشق کرنے کی کیا منائی ہے

بے ستوں کوہکن نے کیا توڑا

عشق کی زور آزمائی ہے

بھیڑیں ٹلتی ہیں اس کے ابرو ہلے

چلی تلوار تو صفائی ہے

لڑکا عطار کا ہے کیا معجون

ہم کو ترکیب اس کی بھائی ہے

کج روی یار کی نہیں جاتی

یہی بے طور بے ادائی ہے

آنے کہتا ہے پھر نہیں آتا

یہی بدعہدی بے وفائی ہے

کر چلو نیکی اب تو جس تس سے

شاید اس ہی میں کچھ بھلائی ہے

برسوں میں میر سے ملے تو کہا

اس سے پوچھو کہ یہ کجائی ہے

میر تقی میر

عشق ہے فقر ہے جدائی ہے

اکتوبر 6, 2015میر تقی میر،اساتذہ،غزللڑائی،لگائی،لائی،کھائی،آئی،آشنائی،بنائی،جدائی،خدائی،رسائی،سرائیadmin

دیوان پنجم غزل 1779

ان بلائوں سے کب رہائی ہے

عشق ہے فقر ہے جدائی ہے

دیکھیے رفتہ رفتہ کیا ہووے

ہم بھی چلنے کو ہیں کہ آئی ہے

استخواں کانپ کانپ جلتے ہیں

عشق نے آگ یہ لگائی ہے

دل کو کھینچے ہے چشمک انجم

آنکھ ہم نے کہاں لڑائی ہے

اس صنائع کا اس بدائع کا

کچھ تعجب نہیں خدائی ہے

نہ تو جذب رسا نہ بخت رسا

کیونکے کہیے کہ واں رسائی ہے

ہے تصنع کہ اس کے لب ہیں لعل

سب نے اک بات یہ بنائی ہے

کیا کہوں خشم عشق سے جو مجھے

کبھو جھنجھلاہٹ آہ آئی ہے

ایسا چہرے پہ ہے نہوں کا خراش

جیسے تلوار منھ پہ کھائی ہے

میں نہ آتا تھا باغ میں اس بن

مجھ کو بلبل پکار لائی ہے

آئی اس جنگ جو کی گر شب وصل

شام سے صبح تک لڑائی ہے

اور کچھ مشغلہ نہیں ہے ہمیں

گاہ و بے گہ غزل سرائی ہے

توڑ کر آئینہ نہ جانا یہ

کہ ہمیں صورت آشنائی ہے

میر تقی میر

سلطان عصر تیری گلی کا فقیر ہے

اکتوبر 6, 2015میر تقی میر،اساتذہ،غزلفقیر،میر،مطیر،نظیر،گیر،پیر،تیر،حقیر،خمیر،شریر،ضمیرadmin

دیوان پنجم غزل 1778

گردن کش زمانہ تو تیرا اسیر ہے

سلطان عصر تیری گلی کا فقیر ہے

چشمک کرے ہے میری طرف کو نگاہ کر

وہ طفل شوخ چشم قیامت شریر ہے

تنکا سا ہو رہا ہے تن آگے ہی سوکھ کر

اب ننگ کیا فقیر جو سب میں حقیر ہے

جھڑ باندھ دے ہے رونے جو لگتا ہوں صبح کو

ہے چشم تر کہ غیرت ابر مطیر ہے

اک دو اجل رسیدہ جو صید آئے کب کھنچا

پرپیچ جال گیسوئوں کا جرگہ گیر ہے

جوں جوں بڑھاپا آتا ہے جاتے ہیں اینٹھتے

کس مٹی کا نہ جانیے اپنا خمیر ہے

اس خوبصورتی سے نہ صورت نظر پڑی

سورت تلک تو سیر کی وہ بے نظیر ہے

پر جوہر اس کی تیغ ہے نامہ براے قتل

پیغام مرگ عاشقوں کو اس کا تیر ہے

پوچھو اسی سے مضطرب الحال دل کی کچھ

وہ آفتاب چہرئہ روشن ضمیر ہے

جوں طفل شوخ و شنگ و جوان بلند طبع

شائستۂ فلک ہے اگر چرخ پیر ہے

فریاد شب کی سن کے کہا بے دماغ ہو

دیکھو تو اس بلا کو یہ شاید کہ میر ہے

میر تقی میر

ہر گلی کوچے میں تیرا اک دعا گو اور ہے

اکتوبر 6, 2015میر تقی میر،اساتذہ،غزلالفور،الکور،اور،جور،سرمور،طور،غورadmin

دیوان پنجم غزل 1777

اے پریشاں ربط دیکھیں کب تلک یہ دور ہے

ہر گلی کوچے میں تیرا اک دعا گو اور ہے

بال بل کھائے ہوئے پیچوں سے پگڑی کے گتھے

طرز کیں چتون کی پائی سر میں شور جور ہے

ہم سے یہ انداز اوباشانہ کرنا کیا ضرور

آنکھ ٹیڑھی خم ہے ابرو طور کچھ بے طور ہے

طبع درہم وضع برہم زخم غائر چشم تر

حال بد میں بیکسوں کے کچھ تمھیں بھی غور ہے

کیا شکایت کریے اس خورشید چہرہ یار کی

مہر وہ برسوں نہیں کرتا ستم فی الفور ہے

وصل کی دولت گئی ہوں تنگ فقر ہجر میں

یا الٰہی فضل کر یہ حور بعد الکور ہے

اس کے دیوانے کے سر پر داغ سودا ہے جو میر

وہ مخبط عاشقوں کا اس سبب سرمور ہے

میر تقی میر

جس سے پیار رکھے ہے کچھ یہ اس کے سر پر شامت ہے

اکتوبر 6, 2015میر تقی میر،اساتذہ،غزلقامت،ملامت،ندامت،کرامت،سلامت،شامتadmin

دیوان پنجم غزل 1776

عشق بلاانگیز مفتن یہ تو کوئی قیامت ہے

جس سے پیار رکھے ہے کچھ یہ اس کے سر پر شامت ہے

موسم گل میں توبہ کی تھی واعظ کے میں کہنے سے

اب جو رنگ بہار کے دیکھے شرمندہ ہیں ندامت ہے

شیخ کی ادنیٰ حرکت بھی میں خرق عادت جانوں ہوں

مسجد سے میخانے آیا یہ بھی اس کی کرامت ہے

ایک طرف میں عشق کیا تھا رسوائی یہ کہاں سے ہوئی

اب جو گھر سے نکل آتا ہوں چاروں طرف سے ملامت ہے

تو ہی کر انصاف صبا ٹک باغوں باغوں پھرے ہے تو

روے گل اس کا ساروہے سرو کا ایسا قامت ہے

صبح کو خورشید اس کے گھر پر طالع ہوکر آتا ہے

دیکھ لیا جو ان نے کبھو تو اس سادہ کی شامت ہے

چھوڑو اس اوباش کا ملنا ورنہ سر کٹوائوگے

چاہ رہو گے بہتیروں کو سر جو میر سلامت ہے

میر تقی میر

دل خرابہ جیسے دلی شہر ہے

اکتوبر 6, 2015میر تقی میر،اساتذہ،غزلقہر،لہر،دہر،زہر،شہرadmin

دیوان پنجم غزل 1775

دیدئہ گریاں ہمارا نہر ہے

دل خرابہ جیسے دلی شہر ہے

آندھی آئی ہو گیا عالم سیاہ

شور نالوں کا بلاے دہر ہے

دل جو لگتا ہے تڑپنے ہر زماں

اک قیامت ہے غضب ہے قہر ہے

بہ نہیں ہوتا ہے زخم اس کا لگا

آب تیغ یار یکسر زہر ہے

یاد زلف یار جی مارے ہے میر

سانپ کے کاٹے کی سی یہ لہر ہے

میر تقی میر

بے غم کرو خوں ریزی خوں خواہ نہیں کوئی

اکتوبر 6, 2015میر تقی میر،اساتذہ،غزلہمراہ،گاہ،اللہ،آہ،خواہadmin

دیوان پنجم غزل 1774

بے یار ہوں بیکس ہوں آگاہ نہیں کوئی

بے غم کرو خوں ریزی خوں خواہ نہیں کوئی

کیا تنگ مخوف ہے اس نیستی کا رستہ

تنہا پڑا ہے جانا ہمراہ نہیں کوئی

موہوم ہے ہستی تو کیا معتبری اس کی

ہے گاہ اگر کوئی تو گاہ نہیں کوئی

فرہاد کو مجنوں کو موت آگئی ہے آگے

کس سے کہیں درد دل اب آہ نہیں کوئی

میر اتنی سماجت جو بندوں سے تو کرتا ہے

دنیا میں مگر تیرا اللہ نہیں کوئی

میر تقی میر

بازخواہ خوں نہ تھا مارے گئے مارے گئے

اکتوبر 6, 2015میر تقی میر،اساتذہ،غزلمارے،بیچارے،بارے،دھارےadmin

دیوان پنجم غزل 1773

بے کسان عشق تھے ہم غم میں کھپ سارے گئے

بازخواہ خوں نہ تھا مارے گئے مارے گئے

بار کل تک ناتوانوں کو نہ تھا اس بزم میں

گرتے پڑتے ہم بھی عاجز آج واں بارے گئے

چھاتی میری سرد آہوں سے ہوئی تھی سب کرخت

استخواں اب اس کے اشک گرم سے دھارے گئے

بخت جاگے ہی نہ ٹک جو ہو خبر گھر میں اسے

صبح تک ہم رات دیواروں سے سر مارے گئے

میر قیس و کوہکن ناچار گذرے جان سے

دو جہاں حسرت لیے ہمراہ بیچارے گئے

میر تقی میر

میری خوں ریزی ہی کا مائل ہے

اکتوبر 6, 2015میر تقی میر،اساتذہ،غزلہائل،مائل،کامل،گھائل،اوائل،باطل،جاہل،حاصل،سائل،ساحل،شمائلadmin

دیوان پنجم غزل 1772

سخت بے رحم آہ قاتل ہے

میری خوں ریزی ہی کا مائل ہے

دور مجنوں کا ہو گیا آخر

یاں جنوں کا ابھی اوائل ہے

نکلے اس راہ کس طرح وہ ماہ

نہ تو طالع نہ جذب کامل ہے

مثل صورت ہیں جلوہ کے حیراں

ہائے کیا شکل کیا شمائل ہے

ہاتھ رکھ لیوے تو کہے کہ بس اب

کیا جیے گا بہت یہ گھائل ہے

حق میں اس بت کے بد کہیں کیونکر

وہ ہمارا خداے باطل ہے

سچ ہے راحت تو بعد مرنے کے

پر بڑا واقعہ یہ ہائل ہے

تیغ اگر درمیاں رہے تو رہے

یار میرا جوان جاہل ہے

رو نہیں چشم تر سے اب رکھیے

سیل اسی در کا کب سے سائل ہے

حال ہم ڈوبتوں کا کیا جانے

جس کو دریا پہ سیر ساحل ہے

میر کب تک بحال مرگ جئیں

کچھ بھی اس زندگی کا حاصل ہے

میر تقی میر

دل کلیجے کے پار ہوتا ہے

اکتوبر 6, 2015میر تقی میر،اساتذہ،غزلقرار،یار،کنار،پیار،پار،انتظار،اختیار،اعتبار،بار،شکارadmin

دیوان پنجم غزل 1771

نالہ جب گرم کار ہوتا ہے

دل کلیجے کے پار ہوتا ہے

مار رہتا ہے اس کو آخرکار

عشق کو جس سے پیار ہوتا ہے

سب مزے درکنار عالم کے

یار جب ہم کنار ہوتا ہے

دام گہ کا ہے اس کے عالم اور

ایک عالم شکار ہوتا ہے

بے قراری ہو کیوں نہ چاہت میں

ہم دگر کچھ قرار ہوتا ہے

جبر ہے قہر ہے قیامت ہے

دل جو بے اختیار ہوتا ہے

راہ تکتے ہی بیٹھیں ہیں آنکھیں

اس کا جب انتظار ہوتا ہے

شاخ گل لچکے ہے تو جانوں ہوں

جلوہ گر یوں ہی یار ہوتا ہے

کس کو پوچھے ہے کوئی دنیا میں

دیر یاں اعتبار ہوتا ہے

آہ کس جاے بار کھولا میر

یاں تو جینا بھی بار ہوتا ہے

میر تقی میر

چین نہیں دیتا ہے ظالم جب تک عاشق مرتا ہے

اکتوبر 6, 2015میر تقی میر،اساتذہ،غزلمرتا،نکھرتا،ڈرتا،گذرتا،اپھرتا،ابھرتا،بکھرتا،بھرتا،بسرتاadmin

دیوان پنجم غزل 1770

عشق ہمارا در پئے جاں ہے کیسی خصومت کرتا ہے

چین نہیں دیتا ہے ظالم جب تک عاشق مرتا ہے

شاید لمبے بال اس مہ کے بکھر گئے تھے بائو چلے

دل تو پریشاں تھا ہی میرا رات سے جی بھی بکھرتا ہے

صورت اس کی دیدئہ تر میں پھرتی ہے ہر روز و شب

ہے نہ اچنبھا یہ بھی کہیں پانی میں نقش ابھرتا ہے

کیا دشوار گذر ہے طریق عشق مسافر کش یارو

جی سے اپنے گذر جاتا ہے جو اس راہ گذرتا ہے

حال کسو بے تہ کا یاں مانا ہے حباب دریا سے

ٹک جو ہوا دنیا کی لگی تو یہ کم ظرف اپھرتا ہے

یاد خدا کو کرکے کہو ٹک پاس ہمارے ہوجاوے

صد سالہ غم دیکھے اس خوش چشم و رو کے بسرتا ہے

دامن دیدئہ تر کی وسعت دیکھے ہی بن آوے گی

ابر سیاہ و سفید جو ہو سو پانی ان کا بھرتا ہے

دل کی لاگ نہیں چھپتی ہے کوئی چھپاوے بہتیرا

زردی عشق سے بے الفت یہ رنگ کسو کا نکھرتا ہے

کھینچ کے تیغہ اپنا ہر دم کیا لوگوں کو ڈراتے ہو

میر جگر دار آدمی ہے وہ کب مرنے سے ڈرتا ہے

میر تقی میر

موقوف رحم پر ہیں دشوار کام سارے

اکتوبر 6, 2015میر تقی میر،اساتذہ،غزلمارے،کنارے،پکارے،بارے،سارے،ستارے،سدھارےadmin

دیوان پنجم غزل 1769

صاحب ہو تم ہمارے بندے ہیں ہم تمھارے

موقوف رحم پر ہیں دشوار کام سارے

ہو ملتفت کہ ہم بھی جیتوں میں آویں چندے

یہ عشق بے محابا تاچند جان مارے

آشوب بحر ہستی کیا جانیے ہے کب سے

موج و حباب اٹھ کر لگ جاتے ہیں کنارے

کوئی تو تھا طرف پر آواز دی نہ ہم کو

ہم بے قرار ہوکر چاروں طرف پکارے

بے طاقتی سے کیونکر سر مارتے رہیں نہ

صبر و قرار دونوں یک بارگی سدھارے

کوئی تو ماہ پارہ اس بھی رواق میں ہے

چشمک کریں ہیں ہر شب اس کی طرف ستارے

دنیا میں میر آکر کھولا ہے بار ہم نے

اس رہگذر میں دیکھیں کیا پیش آوے بارے

میر تقی میر

بیمار مرا گراں بہت ہے

اکتوبر 6, 2015میر تقی میر،اساتذہ،غزلمہرباں،مکاں،نشاں،گراں،آسماں،جاں،زماںadmin

دیوان پنجم غزل 1768

دل پہلو میں ناتواں بہت ہے

بیمار مرا گراں بہت ہے

ہر آن شکیب میں کمی ہے

بیتابی زماں زماں بہت ہے

مقصود کو دیکھیں پہنچے کب تک

گردش میں تو آسماں بہت ہے

جی کو نہیں لاگ لامکاں سے

ہم کو کوئی دل مکاں بہت ہے

گو خاک سے گور ہووے یکساں

گم گشتے کا یہ نشاں بہت ہے

جاں بخشی غیر ہی کیا کر

مجھ کو یہی نیم جاں بہت ہے

اکثر پوچھے ہے جیتے ہیں میر

اب تو کچھ مہرباں بہت ہے

میر تقی میر

اس سادہ رو کے جی میں کیا جانیے کہ کیا ہے

اکتوبر 6, 2015میر تقی میر،اساتذہ،غزلچلا،وفا،کیا،ادا،بلا،بھلا،بجا،جدا،خدا،روا،سراadmin

دیوان پنجم غزل 1767

ننوشتہ نامہ آیا یہ کچھ ہمیں لکھا ہے

اس سادہ رو کے جی میں کیا جانیے کہ کیا ہے

کافر کا بھی رویہ ہوتا نہیں ہے ایسا

ٹھوکر لگا کے چلنا کس دین میں روا ہے

دنیا میں دیر رہنا ہوتا نہیں کسو کا

یہ تو سراے فانی اک کارواں سرا ہے

بندے کا دل بجا ہے جاتا ہوں شاد ہر جا

جب سے سنا ہے میں نے کیا غم ہے جو خدا ہے

پاے ثبات کس کا ٹھہرا ہے اس کے دیکھے

ہے ناز اک قیامت انداز اک بلا ہے

ہرجا بدن میں اس کے افراط سے ہے دلکش

میں کیا دل ملک بھی اٹکے اگر بجا ہے

مرنا تو ایک دم ہے عاشق مرے ہے ہر دم

وہ جانتا ہے جس کو پاس دل وفا ہے

خط اس کو لکھ کے غم سے بے خود ہوا ہوں یعنی

قاصد کے بدلے یاں سے جی ہی مرا چلا ہے

شوخی سے اس کی درہم برہم جہاں ہے سارا

ہنگامۂ قیامت اس کی کوئی ادا ہے

عمر عزیز گذری سب سے برائی کرتے

اب کر چلو بھلا کچھ شاید یہی بھلا ہے

جو ہے سو میر اس کو میرا خدا کہے ہے

کیا خاص نسبت اس سے ہر فرد کو جدا ہے

میر تقی میر

یہ صعوبت کب تلک کوئی اٹھائے

اکتوبر 6, 2015میر تقی میر،اساتذہ،غزللائے،مٹائے،وائے،کھائے،آئے،اٹھائے،بنائے،جائے،دکھائے،رجھائےadmin

دیوان پنجم غزل 1766

درد و غم سے دل کبھو فرصت نہ پائے

یہ صعوبت کب تلک کوئی اٹھائے

طفل تہ بازار کا عاشق ہوں میں

دل فروشی کوئی مجھ سے سیکھ جائے

زار رونا چشم کا کب دیکھتے

دیکھیں ہیں لیکن خدا جو کچھ دکھائے

کب تلک چاک قفس سے جھانکیے

برگ گل یاں بھی صبا کوئی تو لائے

کب سے ہم کو ہے تلاش دست غیب

تا کمر پیچ اس کا اپنے ہاتھ آئے

اس کی اپنی بنتی ہی ہرگز نہیں

بگڑی صحبت ایسی کیا کوئی بنائے

جو لکھی قسمت میں ذلت ہو سو ہو

خط پیشانی کوئی کیونکر مٹائے

داغ ہے مرغ چمن پائیز سے

دل نہ ہو جلتا جو اس کا گل نہ کھائے

زخم سینہ میرا اس کے ہاتھ کا

ہو کوئی رجھواڑ تو اس کو رجھائے

میر اکثر عمر کے افسوس میں

زیر لب بالاے لب ہے ہائے وائے

میر تقی میر

جی چکا وہ کہ یہ بے طرح کی بیماری ہے

اکتوبر 6, 2015میر تقی میر،اساتذہ،غزلہشیاری،یاری،گنہگاری،گرفتاری،پیاری،بیماری،بیزاری،تیاری،جگرداری،خواری،ساریadmin

دیوان پنجم غزل 1765

جو کوئی خستہ جگر عشق کا آزاری ہے

جی چکا وہ کہ یہ بے طرح کی بیماری ہے

کارواں گاہ جہاں میں نہیں رہتا کوئی

جس کے ہاں دیکھتے ہیں چلنے کی تیاری ہے

چیز و ناچیز کا آگاہ کو رہتا ہے لحاظ

سارے عالم میں حقیقت تو وہی ساری ہے

آئینہ روبرو رکھنے کو بھی اب جاے نہیں

صورتوں سے اسے ہم لوگوں کی بیزاری ہے

مر گئے عشق میں نازک بدنوں کے آخر

جان کا دینا محبت کی گنہگاری ہے

پلکیں وے اس کی پھری جی میں کھبی جاتی ہیں

آنکھ وہ دیکھے کوئی شوخی میں کیا پیاری ہے

بے قراری میں نہ دلبر سے اٹھا ہرگز ہاتھ

عشق کرنے کے تئیں شرط جگرداری ہے

وائے وہ طائر بے بال ہوس ناک جسے

شوق گل گشت گلستاں میں گرفتاری ہے

جرم بے جرم کھنچی رہتی ہے جس کی شمشیر

اس ستم گار جفاجو سے ہمیں یاری ہے

آنکھ مستی میں کسو پر نہیں پڑتی اس کی

یہ بھی اس سادہ و پرکار کی ہشیاری ہے

واں سے جز ناز و تبختر نہیں کچھ یاں سے میر

عجز ہے دوستی ہے عشق ہے غم خواری ہے

میر تقی میر

ٹکڑے پہ جان دیتے تھے سارے فقیر تھے

اکتوبر 6, 2015میر تقی میر،اساتذہ،غزلفقیر،اسیر،حقیر،حصیر،شریرadmin

دیوان پنجم غزل 1764

کیا کہیے اپنے عہد میں جتنے امیر تھے

ٹکڑے پہ جان دیتے تھے سارے فقیر تھے

دل میں گرہ ہوس رہی پرواز باغ کی

موسم گلوں کا جب تئیں تھا ہم اسیر تھے

برنائی ہی میں تم سے شرارت نہیں ہوئی

لڑکے سے بھی تھے تم تو قیامت شریر تھے

آرائش بدن نہ ہوئی فقر میں بھی کم

جاگہ اتو کی جامے پہ نقش حصیر تھے

آنکھوں میں ہم کسو کی نہ آئے جہان میں

از بس کہ میر عشق سے خشک و حقیر تھے

میر تقی میر

ہجراں کا غم تھا تہ میں سختی سے جان ٹوٹی

اکتوبر 6, 2015میر تقی میر،اساتذہ،غزللوٹی،چھوٹی،ٹوٹیadmin

دیوان پنجم غزل 1763

دو چار روز آگے چھاتی گئی تھی کوٹی

ہجراں کا غم تھا تہ میں سختی سے جان ٹوٹی

کلیاں جھڑی ہیں کچی بکھرے ہیں پھول سارے

پائیز نے چمن میں کیا کیا بہار لوٹی

سیر چمن میں کچھ تو جی سے ہوس نکلتی

موسم میں گل کے بلبل افسوس ہے نہ چھوٹی

میر تقی میر

شاید اس کے بھی دل میں جا کریے

اکتوبر 6, 2015میر تقی میر،اساتذہ،غزللگا،مدعا،کہا،کیا،ادا،جلا،جا،جدا،دوا،دعا،رہاadmin

دیوان پنجم غزل 1762

داد فریاد جابجا کریے

شاید اس کے بھی دل میں جا کریے

اب سلگنے لگی ہے چھاتی بھی

یعنی مدت پڑے جلا کریے

چشم و دل جان مائل خوباں

بدی یاروں کی کیا کیا کریے

دیکھیں کب تک رہے ہے یہ صحبت

گالیاں کھائیے دعا کریے

کچھ کہیں تو کہے ہے یہ نہ کہو

کیونکر اظہار مدعا کریے

اتفاق ان کا مارے ڈالے ہے

ناز و انداز کو جدا کریے

عید ہی کاشکے رہے ہر روز

صبح اس کے گلے لگا کریے

راہ تکنے کو بھی نہایت ہے

منتظر کب تلک رہا کریے

ہستی موہوم و یک سرو گردن

سینکڑوں کیونکے حق ادا کریے

وہ نہیں سرگذشت سنتا میر

یوں کہانی سی کیا کہا کریے

مترتب ہو نفع جو کچھ بھی

دل کی بیماری کی دوا کریے

سو تو ہر روز ہے بتر احوال

متحیر ہیں آہ کیا کریے

میر تقی میر

ایسے گئے کہ ان کی پھر کچھ خبر نہ آئی

اکتوبر 6, 2015میر تقی میر،اساتذہ،غزلکمر،کر،پہر،ادھر،خبرadmin

دیوان پنجم غزل 1761

کیا کہیے ویسی صورت گاہے نظر نہ آئی

ایسے گئے کہ ان کی پھر کچھ خبر نہ آئی

روٹھے جو تھے سو ہم سے روٹھے ہوئے وداعی

کیا رویئے ہمیں تو منت بھی کر نہ آئی

طالع کا مکث دیکھو آئی صبا جو واں سے

چاروں طرف پھرا کی لیکن ادھر نہ آئی

جی میں جو کچھ کسو کے آوے سو باندھ جاوے

اپنے خیال میں تو اس کی کمر نہ آئی

کیا رات دن کٹے ہیں ہجراں کی بے خودی میں

سدھ اپنی میر اس بن دو دو پہر نہ آئی

میر تقی میر

نام خدا ہوا ہے اب وہ جوان بارے

اکتوبر 6, 2015میر تقی میر،اساتذہ،غزلہمارے،مارے،پیارے،پکارے،پسارے،اتارے،اجارے،بارے،تمھارے،سارے،ستارےadmin

دیوان پنجم غزل 1760

اٹھکھیلیوں سے چلتے طفلی میں جان مارے

نام خدا ہوا ہے اب وہ جوان بارے

اپنی نیاز تم سے اب تک بتاں وہی ہے

تم ہو خداے باطل ہم بندے ہیں تمھارے

ٹھہرے ہیں ہم تو مجرم ٹک پیار کرکے تم کو

تم سے بھی کوئی پوچھے تم کیوں ہوئے پیارے

کل میں جو سیر میں تھا کیا پھول پھول بیٹھی

بلبل لیے ہے گویا گلزار سب اجارے

کرتا ہے ابر نیساں پر در دہن صدف کا

منھ جو کوئی پسارے ایسے کنے پسارے

اے کاش غور سے وہ دیکھے کبھو ٹک آکر

سینے کے زخم اب تو غائر ہوئے ہیں سارے

چپکا چلا گیا میں آزردہ دل چمن سے

کس کو دماغ اتنا بلبل کو جو پکارے

میدان عشق میں سے چڑھ گھوڑے کون نکلا

مارے گئے سپاہی جتنے ہوئے اتارے

جو مر رہے ہیں اس پر ان کا نہیں ٹھکانا

کیا جانیے کہاں وے پھرتے ہیں مارے مارے

کیا برچھیاں چلائیں آہوں نے نیم شب کی

رخنے ہیں آسماں میں سارے نہیں ستارے

ہوتی ہے صبح جو یاں ہے شام سے بھی بدتر

کیا کہیے میر خوبی ایام کی ہمارے

میر تقی میر

دل نے پہلو تہی کیا ہم سے

اکتوبر 6, 2015میر تقی میر،اساتذہ،غزلہم،آدم،خم،درہم،عالمadmin

دیوان پنجم غزل 1759

ہجر میں خوں ہوا تھا سب غم سے

دل نے پہلو تہی کیا ہم سے

عالم حسن ہے عجب عالم

چاہیے عشق اس بھی عالم سے

طرح چھریوں کی پلکوں سے ڈالی

نکلی تلوار ابرو کے خم سے

نسبت ان بالوں کی درست ہوئی

دیر میں میرے حال درہم سے

درپئے خون میر کے نہ رہو

ہو بھی جاتا ہے جرم آدم سے

میر تقی میر

گلے سے ہمارے لگو عید ہے

اکتوبر 6, 2015میر تقی میر،اساتذہ،غزلتمہید،توحید،تائید،تجرید،عیدadmin

دیوان پنجم غزل 1758

گئے روزے اب دید وادید ہے

گلے سے ہمارے لگو عید ہے

گریزاں ہوں سائے سے خورشید ساں

جہاں جب سے ہے مجھ کو تجرید ہے

تصرف میں جب ڈال دیتے ہیں بات

خدا رس کہیں ہیں یہ توحید ہے

جو آویں بتاں جذب سے یاں تو یہ

خدا کی طرف ہی کی تائید ہے

لپیٹا ہے میں بوریاے نماز

یہی میر جانے کی تمہید ہے

میر تقی میر

اس گھر میں کوئی بھی نہ تھا شرمندہ ہوئے ہم جانے سے

اکتوبر 6, 2015میر تقی میر،اساتذہ،غزلفرمانے،فسانے،مانے،کھانے،پروانے،اڑانے،بہانے،جانے،دوانےadmin

دیوان پنجم غزل 1757

کیسی سعی و کشش کوشش سے کعبے گئے بت خانے سے

اس گھر میں کوئی بھی نہ تھا شرمندہ ہوئے ہم جانے سے

دامن پر فانوس کے تھا کچھ یوں ہی نشاں خاکستر کا

شوق کی میں جو نہایت پوچھی جان جلے پروانے سے

ننگے سامنے آتے تھے تو کیا کیا زجر اٹھاتے تھے

ننگ لگا ہے لگنے انھیں اب بات ہماری مانے سے

پاس غیرت تم کو نہیں کچھ دریا پرسن غیر کو تم

گھر سے اٹھ کے چلے جاتے ہو نہانے کے بھی بہانے سے

تم نے کہا مر رہ بھی جاکر بندہ جاکر مر ہی رہا

کس دن میں نے عدول کیا ہے صاحب کے فرمانے سے

سوکھ کے ہوں لکڑی سے کیوں نہ زرد و زبوں ہم عاشق زار

کچھ نہیں رہتا انساں میں ہر لحظہ غم کے کھانے سے

جب دیکھو تب تربت عاشق جھکڑ سے ہے تزلزل میں

عشق ہے باد صرصر کو یاں ان کی خاک اڑانے سے

برسوں میں پہچان ہوئی تھی سو تم صورت بھول گئے

یہ بھی شرارت یاد رہے گی ہم کو نہ جانا جانے سے

سنی سنائی بات سے واں کی کب چیتے ہیں ہم غافل

دونوں کان بھرے ہیں اپنے بے تہ یاں کے فسانے سے

میر کی تیری کیا سلجھے گی حرف و سخن میں گنجلک ہے

کوئی بھی عاقل الجھ پڑے ہے ناصح ایسے دوانے سے

میر تقی میر

رہتے ہیں ان کے گلے لگنے کے برسوں سے گلے

اکتوبر 6, 2015میر تقی میر،اساتذہ،غزلکھلے،گلے،آبلے،حوصلے،دلےadmin

دیوان پنجم غزل 1756

عیدیں آئیں بارہا لیکن نہ وے آکر ملے

رہتے ہیں ان کے گلے لگنے کے برسوں سے گلے

اس زمانے کی تری سے لہر بہر اگلی کہاں

بے تہی کرنے لگے دریا دلوں کے حوصلے

غنچگی میں دیکھے ہیں صد رنگ جور آسماں

اب جو گل سا بکھرا ہوں دیکھوں کہ کیسا گل کھلے

سارے عالم کے حواس خمسہ میں ہے انتشار

ایک ہم تم ہی نہیں معلوم ہوتے دہ دلے

میر طے ہو گا بیابان محبت کس طرح

راہ ہے پرخار میرے پائوں میں ہیں آبلے

میر تقی میر

عاشق اس کی قامت کے بالا بالا مارے گئے

اکتوبر 6, 2015میر تقی میر،اساتذہ،غزلہارے،مارے،بیچارے،بارے،تارےadmin

دیوان پنجم غزل 1755

اس تک کوشش سے بھی نہ پہنچے جان سے آخر سارے گئے

عاشق اس کی قامت کے بالا بالا مارے گئے

اس کے روے خوے کردہ پہ نقاب لیے وہ صورت ہے

جیسے یکایک سطح ہوا پر بدلی آئی تارے گئے

ایسے قماری سے دل کو لگاکر جیتے رہنا ہو نہ سکا

رفتۂ شاہدبازی اس کے جی بھی اپنا ہارے گئے

چارہ گر اس شہر کے ہوں تو فکر کریں آبادی کا

یارب بستے تھے جو یاں وے لوگ کہاں بیچارے گئے

مشکل میر نظر آتا تھا اٹھنا بار امانت کا

آئے ہم تو سہولت سے وہ بوجھ اٹھاکر بارے گئے

میر تقی میر

وحشت پر جب آتا ہے تو جیسے بگولا جاتا ہے

اکتوبر 6, 2015میر تقی میر،اساتذہ،غزلہیولا،پھولا،بگولاadmin

دیوان پنجم غزل 1754

بات ہماری یاد رہے جی بھولا بھولا جاتا ہے

وحشت پر جب آتا ہے تو جیسے بگولا جاتا ہے

تھوڑے سے پانی میں میں نے سر کھپی کی ہے جیسے حباب

کہتے ہیں بے تہ مجھ کو کیا اپھرا پھولا جاتا ہے

گام کی صورت کیا ہے اس کی راہ چلے ہے میر اگر

دیکھنے والے کہتے ہیں یہ کوئی ہیولا جاتا ہے

میر تقی میر

بوسۂ کنج لب سے پھر بھی ذائقے اپنے بناتے تھے

اکتوبر 6, 2015میر تقی میر،اساتذہ،غزللگاتے،ماتے،بناتے،جلاتے،جگاتے،جاتے،سماتےadmin

دیوان پنجم غزل 1753

ہائے جوانی وصل میں اس کے کیا کیا لذت پاتے تھے

بوسۂ کنج لب سے پھر بھی ذائقے اپنے بناتے تھے

کیا کیا تم نے فریب کیے ہیں سادگی میں دل لینے کو

ٹیڑھی کرکے کلاہ آتے تھے مے ناخوردہ ماتے تھے

ہائے جدائی ایک ہی جاگہ مار کے ہم کو توڑ رکھا

وے دن یاد آتے ہیں اب جب ان کے آتے جاتے تھے

غیروں کی تم سنتے رہے سو غیرت سے ہم سہتے رہے

وے تو تم کو لگا جاتے تھے تم آہم کو جلاتے تھے

رنج و الم غم عشق ہی کے اعجاز سے کھنچتے تھے ورنہ

حوصلہ کتنا اپنا جس میں یہ آزار سماتے تھے

وے دن کیسے سالتے ہیں جو آکر سوتے پاتے کبھو

آنکھوں سے ہم سہلا سہلا تلوے اس کو جگاتے تھے

چاہت روگ برا ہے جی کا میر اس سے پرہیز بھلا

اگلے لوگ سنا ہے ہم نے دل نہ کسو سے لگاتے تھے

میر تقی میر

اس قافلے میں ہم بھی تھے افسوس رہ گئے

اکتوبر 6, 2015میر تقی میر،اساتذہ،غزلڈھہ،بہ،جگہ،رہ،سہadmin

دیوان پنجم غزل 1752

چلتے ہوئے تسلی کو کچھ یار کہہ گئے

اس قافلے میں ہم بھی تھے افسوس رہ گئے

کیا کیا مکان شاہ نشیں تھے وزیر کے

وہ اٹھ گیا تو یہ بھی گرے بیٹھے ڈھہ گئے

اس کج روش سے ملنا خرابات میں نہ تھا

بے طور ہم بھی جاکے ملے بے جگہ گئے

وے زورور جواں جنھیں کہیے پہاڑ تھے

جب آئی موج حادثہ تنکے سے بہ گئے

وہ یار تو نہ تھا تہ دل سے کسو کا میر

ناچار اس کے جور و ستم ہم بھی سہ گئے

میر تقی میر

وہ ہی ناز و عتاب ہے سو ہے

اکتوبر 6, 2015میر تقی میر،اساتذہ،غزلکباب،پرآب،اضطراب،باب،تاب،جناب،حجاب،حساب،خواب،خراب،عتابadmin

دیوان پنجم غزل 1751

ہم پہ خشم و خطاب ہے سو ہے

وہ ہی ناز و عتاب ہے سو ہے

گرچہ گھبرا کے لب پہ آئی ولے

جان کو اضطراب ہے سو ہے

بس گئی جاں خراب مدت کی

حال اپنا خراب ہے سو ہے

خشکی لب کی ہے تری کیسی

چشم لیکن پرآب ہے سو ہے

خاک جل کر بدن ہوا ہے سب

دل جلا سا کباب ہے سو ہے

کر گئے کاروانیاں شب گیر

وہ گراں مجھ کو خواب ہے سو ہے

یاں تو رسوا ہیں کیسا پردئہ شرم

اس کو ہم سے حجاب ہے سو ہے

دشمن جاں تو ہے دلوں میں بہم

دوستی کا حساب ہے سو ہے

زلفیں اس کی ہوا کریں برہم

ہم کو بھی پیچ و تاب ہے سو ہے

خاک میں مل کے پست ہیں ہم تو

ان کی عالی جناب ہے سو ہے

شہر میں در بدر پھرے ہے عزیز

میر ذلت کا باب ہے سو ہے

میر تقی میر

یکسر ان نامردوں کو جو ایک ہی تک تک پا میں اٹھائے

اکتوبر 6, 2015میر تقی میر،اساتذہ،غزللگائے،لائے،اٹھائے،بھائے،جائےadmin

دیوان پنجم غزل 1750

عشق اگر ہے مرد میداں مرد کوئی عرصے میں لائے

یکسر ان نامردوں کو جو ایک ہی تک تک پا میں اٹھائے

کار عدالت شہر کا ہم کو اک دن دو دن ہووے تو پھر

چاروں اور منادی کریے کوئی کسی سے دل نہ لگائے

پر کے اسیر دام ہوئے تھے نکلے ٹوٹی شکن کی راہ

اب کے دیکھیں موسم گل کا کیسے کیسے شگوفے لائے

بھوکے مرتے مرتے منھ میں تلخی صفرا پھیل گئی

بے ذوقی میں ذوق کہاں جو کھانا پینا مجھ کو بھائے

گھر سے نکل کر کھڑے کھڑے پھر جاتا ہوں میں یعنی میر

عشق و جنوں کا آوارہ حیران پریشاں کیدھر جائے

میر تقی میر

اب وہ دل میں تاب نہیں جو لب تک آہ سرد کھنچے

اکتوبر 6, 2015میر تقی میر،اساتذہ،غزلگرد،زرد،سردadmin

دیوان پنجم غزل 1749

ظلم سہے ہیں داغ ہوئے ہیں رنج اٹھے ہیں درد کھنچے

اب وہ دل میں تاب نہیں جو لب تک آہ سرد کھنچے

جیتے جی میت کے رنگوں عشق میں اس کے ہو بیٹھا

بعد مرے نقاش سے شاید صورت میری زرد کھنچے

خاک ہوئی تھی سرکشی اپنی جوں کی توں اپنی طبیعت میں

میر عجب کیا ہے اس کا تا گردوں جو یہ گرد کھنچے

میر تقی میر

کہ بیتاب دل کی بنا صبر ہے

اکتوبر 6, 2015میر تقی میر،اساتذہ،غزلقبر،گبر،ابر،ببر،صبرadmin

دیوان پنجم غزل 1748

کوئی نام اس کا نہ لو جبر ہے

کہ بیتاب دل کی بنا صبر ہے

نہ سوز جگر خاک میں بھی گڑا

موئے پر پرآتش مری قبر ہے

گلستاں کے ہیں دونوں پلے بھرے

بہار اس طرف اس طرف ابر ہے

جو درویش پہنے ہے ببری لباس

تو پھر عینہٖ شیر ہے ببر ہے

در کعبہ پر کفر بکتا ہے میر

مسلماں نہیں وہ کہن گبر ہے

میر تقی میر

آئے بیٹھے اٹھ بھی گئے بیتاب ہوئے پھر آئے بھی

اکتوبر 6, 2015میر تقی میر،اساتذہ،غزللائے،مرجھائے،مرجائے،آئے،اٹھائے،جلائے،سہلائےadmin

دیوان پنجم غزل 1747

دل کی لاگ بری ہوتی ہے رہ نہ سکے ٹک جائے بھی

آئے بیٹھے اٹھ بھی گئے بیتاب ہوئے پھر آئے بھی

آنکھ نہ ٹک میلی ہوئی اپنی مطلق دل بے جا نہ ہوا

دل کی مصیبت کیسی کیسی کیا کیا رنج اٹھائے بھی

ٹھنڈے ہوتے نہ دیکھے ہرگز ویسے ہی جلتے رہتے ہیں

تلوے حنائی اس کے ہم نے آنکھوں سے سہلائے بھی

رنگ نہیں ہے منھ پہ کسی کے باد خزاں سے گلستاں میں

برگ و بار گرے بکھرے ہیں گل غنچے مرجھائے بھی

نفع کبھو دیکھا نہیں ہم نے ایسے خرچ اٹھانے پر

دل کے گداز سے لوہو روئے داغ جگر پہ جلائے بھی

عشق میں اس کے جان مری مشتاق پھرے گی بھٹکی ہوئی

شوق اگر ہے ایسا ہی تو چین کہاں مرجائے بھی

تاجر ترک فقیر ہوئے اب شاعر عالم کامل ہیں

پیش گئی کچھ میر نہ اپنی سوانگ بہت سے لائے بھی

میر تقی میر

ابر بہاری وادی سے اٹھ کر آبادی پر آیا ہے

اکتوبر 6, 2015میر تقی میر،اساتذہ،غزلمچایا،کھایا،پایا،آیا،اٹھایا،بنایا،جلایا،ستایا،سرمایہadmin

دیوان پنجم غزل 1746

عہد جنوں ہے موسم گل کا اور شگوفہ لایا ہے

ابر بہاری وادی سے اٹھ کر آبادی پر آیا ہے

سن کر میرے شور شب کو جھنجھلا کر وہ کہنے لگا

نالے اس کے فلک تک پہنچے کن نے اس کو ستایا ہے

دکھن اتر پورب پچھم ہنگامہ ہے سب جاگہ

اودھم میرے حرف و سخن نے چاروں اور مچایا ہے

بے چشم و رو ہو بیٹھے ہو وجہ نہیں ہے ظاہر کچھ

کام کی صورت بگڑی ہماری منھ کیوں تم نے بنایا ہے

ظلم و ستم سب سہل ہیں اس کے ہم سے اٹھتے ہیں کہ نہیں

لوگ جو پرسش حال کریں ہیں جی تو انھوں نے کھایا ہے

ہو کے فقیر تو واں بیٹھے ہیں رہتے ہیں اشراف جہاں

ہم نے توکل بحت کیا ہے نام خدا سرمایہ ہے

برسوں ہم درویش رہے ہیں پردے میں دنیاداری کے

ناموس اس کی کیونکے رہے یہ پردہ جن نے اٹھایا ہے

ڈھونڈ نکالا تھا جو اسے سو آپ کو بھی ہم کھو بیٹھے

جیسا نہال لگایا ہم نے ویسا ہی پھل پایا ہے

میر غریب سے کیا ہو معارض گوشے میں اس وادی کے

ایک دیا سا بجھتا ان نے داغ جگر پہ جلایا ہے

میر تقی میر

روزے رکھے غریبوں نے تو دن بڑے ہوئے

اکتوبر 6, 2015میر تقی میر،اساتذہ،غزللڑے،کھڑے،گڑے،پڑے،اڑے،بڑے،جڑےadmin

دیوان پنجم غزل 1745

گردش دنوں کی کم نہ ہوئی کچھ کڑے ہوئے

روزے رکھے غریبوں نے تو دن بڑے ہوئے

نرمی سے کوے یار میں جاوے تو جا نسیم

ایسا نہ ہو کہ اکھڑیں کہیں دل گڑے ہوئے

آہن دلوں نے مارا ہے جی غم میں ان کے ہم

پھرتے ہیں نعل سینوں پر اپنے جڑے ہوئے

آئے ہو بعد صلح کبھو ناز سے تو یاں

منھ پھیر ادھر سے بیٹھے ہو جیسے لڑے ہوئے

بیمار امیدوار سے بستر پہ اپنے ہم

دروازے ہی کی اور تکیں ہیں پڑے ہوئے

بار اس کی بزم میں نہیں ناچار در پہ ہم

رہتے ہیں جیسے صورت دیوار اڑے ہوئے

ہم زیر تیغ بیٹھے تھے پر وقت قتل میر

وے ٹک ہمارے پاس نہ آکر کھڑے ہوئے

میر تقی میر

جس کو شبہ ہووے نہ ہرگز جی کے ہمارے جائے سے

اکتوبر 6, 2015میر تقی میر،اساتذہ،غزللگائے،کھائے،آئے،اٹھائے،بڑھائے،جائے،سائے،شرمائےadmin

دیوان پنجم غزل 1744

اس مغرور کو کیا ہوتا ہے حال شکستہ دکھائے سے

جس کو شبہ ہووے نہ ہرگز جی کے ہمارے جائے سے

کیسا کیسا ہوکے جدا پہلو سے اس بن تڑپا ہے

کیا پوچھو ہو آئی قیامت سر پر دل کے لگائے سے

یمن تجرد سے میں اپنے روز جہاں سے گذرتا ہوں

وحشت ہے خورشید نمط اپنے بھی مجھ کو سائے سے

ہر کوے و ہر برزن میں یا پہر پہر وہ جویاں تھا

یا اب ننگ اسے آتا ہے پاس ہمارے آئے سے

ایک جراحت کیا تسکیں دے موت کے بھوکے صید کے تیں

شاید دل ہو تسلی اس کا زخم دگر کے کھائے سے

رنج و عنا پر درد و بلا پر صبر کیے ہم بیٹھے ہیں

کلفت الفت جاتی رہی کیا جور و ستم کے اٹھائے سے

اول تو آتے ہی نہیں ہو اور کبھو جو آتے ہو

نیچی آنکھیں کیے پھرتے ہو مجلس میں شرمائے سے

جھگڑا ناز و نیاز کا سن کر بے مزہ ہم سے تم تو ہوئے

میر سخن کو طول نہ دو بس بات بڑھے ہے بڑھائے سے

میر تقی میر

کیا جانوں میں روئوں گا کیسا دریا چڑھتا آتا ہے

اکتوبر 6, 2015میر تقی میر،اساتذہ،غزلناتا،کھاتا،آتا،بہلاتا،شرماتاadmin

دیوان پنجم غزل 1743

دل بھی بھرا رہتا ہے میرا جی بھی رندھا کچھ جاتا ہے

کیا جانوں میں روئوں گا کیسا دریا چڑھتا آتا ہے

سچ ہے وہ جو کہا کرتا ہے کون ہے تو کیا سمجھے ہمیں

بیگانے تو ہیں ہی ہم وے ناؤں کا چاہ کا ناتا ہے

تو بلبل آزردہ نہ ہو گل پھول سے باغ بہاراں میں

رنج کش الفت ہے عاشق جی اپنا بہلاتا ہے

عشق و محبت کیا جانوں میں لیکن اتنا جانوں ہوں

اندر ہی سینے میں میرے دل کو کوئی کھاتا ہے

عاشق اپنا جان لیا ہے ان نے شاید میر ہمیں

دیکھ بھری مجلس میں اپنی ہم ہی سے شرماتا ہے

میر تقی میر

بے موقع یاں آہ و فغاں ہے بے اثری زاری میں ہے

اکتوبر 6, 2015میر تقی میر،اساتذہ،غزلکیاری،کاری،گرفتاری،زاری،طرحداریadmin

دیوان پنجم غزل 1742

یاری کرے جو چاہے کسو سے غم ہی غم یاری میں ہے

بے موقع یاں آہ و فغاں ہے بے اثری زاری میں ہے

ہاتھ لیے آئینہ تجھ کو حیرت ہے رعنائی کی

ہے بھی زمانہ ہی ایسا ہر کوئی گرفتاری میں ہے

باغ میں شب جو روتا پھرتا ہوں اس بن میں سو صبح تلک

دانۂ اشک روش شبنم کے گل پر ہر کیاری میں ہے

صورتیں بگڑیں کتنی کیوں نہ اس کو توجہ کب ہے وہ

سامنے رکھے آئینہ مصروف طرحداری میں ہے

میر کوئی اس صورت میں امید بہی کی کیا رکھے

ایک جراحت سینے کے میرے ہر زخم کاری میں ہے

میر تقی میر

کوٹے گئے ہیں سب اعضا یہ محبت تھی یا محنت تھی

اکتوبر 6, 2015میر تقی میر،اساتذہ،غزلہمت،محنت،رخصت،ساعت،طاقتadmin

دیوان پنجم غزل 1741

عشق کیا سو جان جلی ہے الفت تھی یا کلفت تھی

کوٹے گئے ہیں سب اعضا یہ محبت تھی یا محنت تھی

اب تو نڈھال پڑے رہتے ہیں ضعف ہی اکثر رہتا ہے

آئے گئے اس کے کوچے میں جب تک جی میں طاقت تھی

آب حیات وہی نہ جس پر خضر و سکندر مرتے رہے

خاک سے ہم نے بھرا وہ چشمہ یہ بھی ہماری ہمت تھی

آنسو ہوکر خون جگر کا بیتابانہ آیا تھا

شاید رات شکیبائی کی جلد بہت کچھ رخصت تھی

جب سے عشق کیا ہے میں نے سر پر میرے قیامت ہے

ساعت دل لگنے کی شاید نحس ترین ساعت تھی

میر تقی میر

دریا دریا روتا ہوں میں صحرا صحرا وحشت ہے

اکتوبر 6, 2015میر تقی میر،اساتذہ،غزلقدرت،مروت،وحشت،حیرت،حسرت،دولت،رخصت،صورت،غنیمت،غیرتadmin

دیوان پنجم غزل 1740

عالم عالم عشق و جنوں ہے دنیا دنیا تہمت ہے

دریا دریا روتا ہوں میں صحرا صحرا وحشت ہے

ہم تو عشق میں ناکس ٹھہرے کوئی نہ ایدھر دیکھے گا

آنکھ اٹھاکر وہ دیکھے تو یہ بھی اس کی مروت ہے

ہائے غیوری جس کے دیکھے جی ہی نکلتا ہے اپنا

دیکھیے اس کی اور نہیں پھر عشق کی یہ بھی غیرت ہے

کوئی دم رونق مجلس کی اور بھی ہے اس دم کے ساتھ

یعنی چراغ صبح سے ہیں ہم دم اپنا بھی غنیمت ہے

خط آئے ظاہر ہے ہم پر بگڑی بھی اچھی صورت تھی

بارے کہو ناکام ہی ہو یا کام کی بھی کچھ صورت ہے

ایک ورق پر تصویریں میں دیکھی ہیں لیلی و مجنوں کی

ایسی صورت حال کی اپنی ان دونوں کو حیرت ہے

خاک سے آدم کرکے اٹھایا جس کو دست قدرت نے

قدر نہیں کچھ اس بندے کی یہ بھی خدا کی قدرت ہے

صبح سے آنسو نومیدانہ جیسے وداعی آتا تھا

آج کسو خواہش کی شاید دل سے ہمارے رخصت ہے

کیا دلکش ہے بزم جہاں کی جاتے یاں سے جسے دیکھو

وہ غم دیدہ رنج کشیدہ آہ سراپا حسرت ہے

جب کچھ اپنے کنے رکھتے تھے تب بھی صرف تھا لڑکوں کا

اب جو فقیر ہوئے پھرتے ہیں میر انھیں کی دولت ہے

میر تقی میر

عاشق کہیں شتاب تو ہووے خدا کرے

اکتوبر 6, 2015میر تقی میر،اساتذہ،غزلوفا،ادا،بلا،بھرا،خداadmin

دیوان پنجم غزل 1739

بے اس کے تیرے حق میں کوئی کیا دعا کرے

عاشق کہیں شتاب تو ہووے خدا کرے

اے سردمہر کوئی مرے رہ تو گرم ناز

پرسش کسو کے حال کی تیری بلا کرے

دامن بہت وسیع ہے آنکھوں کا اے سحاب

لازم ہے تجھ کو ان ہی کا پانی بھرا کرے

آکر بکھیرے پھول مری مشت خاک پر

مرغ چمن اگر حق صحبت ادا کرے

پتھر کی چھاتی چاہیے ہے میر عشق میں

جی جانتا ہے اس کا جو کوئی وفا کرے

میر تقی میر

کہاں ہم کہاں تم کہاں پھر جوانی

اکتوبر 6, 2015میر تقی میر،اساتذہ،غزلمانی،کہانی،تانی،جوانی،زعفرانیadmin

دیوان پنجم غزل 1738

ملو ان دنوں ہم سے اک رات جانی

کہاں ہم کہاں تم کہاں پھر جوانی

شکایت کروں ہوں تو سونے لگے ہے

مری سرگذشت اب ہوئی ہے کہانی

ادا کھینچ سکتا ہے بہزاد اس کی

کھنچے صورت ایسی تو یہ ہم نے مانی

ملاقات ہوتی ہے تو کشمکش سے

یہی ہم سے ہے جب نہ تب اینچا تانی

بسنتی قبا پر تری مر گیا ہے

کفن میر کو دیجیو زعفرانی

میر تقی میر

چال ایسی چلا جس پر تلوار چلا کی ہے

اکتوبر 6, 2015میر تقی میر،اساتذہ،غزلہوا،لگا،چلا،وفا،بہا،خدا،دوا،دعا،رہاadmin

دیوان پنجم غزل 1737

جب جل گئے تب ان نے کینے کی ادا کی ہے

چال ایسی چلا جس پر تلوار چلا کی ہے

خلقت مگر الفت سے ہے شورش سینہ کی

چسپاں مری چھاتی سے دن رات رہا کی ہے

ہم لوگوں کے لوہو میں ڈوبی ہی رہی اکثر

اس تیغ کی جدول بھی کیا تیز بہا کی ہے

عشاق موئے پر بھی ہجراں میں معذب ہیں

مدفن میں مرے ہر دم اک آگ لگا کی ہے

صد رنگ بہاراں میں اب کے جو کھلے ہیں گل

یہ لطف نہ ہو ایسی رنگینی ہوا کی ہے

مرنے کو رہے حاضر سو مارے گئے آخر

گو ان نے جفا کی ہے ہم نے تو وفا کی ہے

مایوس ہی رہتے ہیں بیمار محبت کے

اس درد کی مدت تک ہم نے بھی دوا کی ہے

آنا ادھر اس بت کا کیا میری کشش سے ہے

ہو موم جو پتھر تو تائید خدا کی ہے

دامان دراز اس کا جو صبح نہیں کھینچا

اے میر یہ کوتاہی شب دست دعا کی ہے

میر تقی میر

جانے نہ جانے گل ہی نہ جانے باغ تو سارا جانے ہے

اکتوبر 6, 2015میر تقی میر،اساتذہ،غزلمارا،چارہ،نظارہ،وارا،گوارا،آرا،اساری،اشارہ،تارا،دوبارہ،ساراadmin

دیوان پنجم غزل 1736

پتا پتا بوٹا بوٹا حال ہمارا جانے ہے

جانے نہ جانے گل ہی نہ جانے باغ تو سارا جانے ہے

لگنے نہ دے بس ہو تو اس کے گوہر گوش کو بالے تک

اس کو فلک چشم مہ و خور کی پتلی کا تارا جانے ہے

آگے اس متکبر کے ہم خدا خدا کیا کرتے ہیں

کب موجود خدا کو وہ مغرور خود آرا جانے ہے

عاشق سا تو سادہ کوئی اور نہ ہو گا دنیا میں

جی کے زیاں کو عشق میں اس کے اپنا وارا جانے ہے

چارہ گری بیماری دل کی رسم شہر حسن نہیں

ورنہ دلبر ناداں بھی اس درد کا چارہ جانے ہے

کیا ہی شکار فریبی پر مغرور ہے وہ صیاد بچہ

طائر اڑتے ہوا میں سارے اپنے اساریٰ جانے ہے

مہر و وفا و لطف و عنایت ایک سے واقف ان میں نہیں

اور تو سب کچھ طنز و کنایہ رمز و اشارہ جانے ہے

عاشق تو مردہ ہے ہمیشہ جی اٹھتا ہے دیکھے اسے

یار کے آجانے کو یکایک عمر دوبارہ جانے ہے

کیا کیا فتنے سر پر اس کے لاتا ہے معشوق اپنا

جس بے دل بے تاب و تواں کو عشق کا مارا جانے ہے

رخنوں سے دیوار چمن کے منھ کو لے ہے چھپا یعنی

ان سوراخوں کے ٹک رہنے کو سو کا نظارہ جانے ہے

تشنۂ خوں ہے اپنا کتنا میر بھی ناداں تلخی کش

دمدار آب تیغ کو اس کے آب گوارا جانے ہے

میر تقی میر

شور طیور اٹھتا ہے ایسا جیسے اٹھے ہے بول کوئی

اکتوبر 6, 2015میر تقی میر،اساتذہ،غزلقبول،مامول،معقول،معمول،بول،بھول،طولadmin

دیوان پنجم غزل 1735

اس کے رنگ چمن میں شاید اور کھلا ہے پھول کوئی

شور طیور اٹھتا ہے ایسا جیسے اٹھے ہے بول کوئی

یوں پھرتا ہوں دشت و در میں دور اس سے میں سرگشتہ

غم کا مارا آوارہ جوں راہ گیا ہو بھول کوئی

ایک کہیں سر کھینچے ہے ایسا جس کی کریں سب پابوسی

ہو ہر اک کو قبول دلہا یہ نہ کرے گا قبول کوئی

کس امید کا تجھ کو اے دل چاہ میں اس کی حصول ہوا

شوخ و شلائیں خوشرویاں سے رہتا ہے مامول کوئی

لمبے اس کے بالوں کا میں وصف لکھا ہے دور تلک

حرف مار تو طولانی تھا پھر بھی وے ہے طول کوئی

مستی حسن پرستی رندی یہی عمل ہے مدت سے

پیر کبیر ہوئے تو کیا ہے چھوٹے ہے معمول کوئی

حرف و حکایت شکر و شکایت تھی اک وضع و وتیرہ پر

میر کو جاکر دیکھا ہم نے ہے مرد معقول کوئی

میر تقی میر

عجب ہیں لوگ جو کہتے ہیں وہ ناساز آتا ہے

اکتوبر 6, 2015میر تقی میر،اساتذہ،غزلناز،ناساز،پرواز،پرداز،آواز،بازadmin

دیوان پنجم غزل 1734

ادھر مطرب کا عودی رنگ کب طناز آتا ہے

عجب ہیں لوگ جو کہتے ہیں وہ ناساز آتا ہے

خبر ہے شرط اتنا مت برس اے ابر بارندہ

ہمیں بھی آج رونا درد دل پرداز آتا ہے

اٹھے ہے گرد معشوقانہ اس تربت سے عاشق کی

کبھو ٹک جس کے اوپر وہ سراپا ناز آتا ہے

عجب رنگ حنا طائر ہے دست آموز خوباں کا

اڑے ہے تو بھی ہاتھوں ہی میں کر پرواز آتا ہے

وہی نازاں خراماں کبک سا آیا مری جانب

کوئی مغرور وہ شوخی سے اپنی باز آتا ہے

رہائی اپنی ہے دشوار کب صیاد چھوڑے ہے

اسیر دام ہو طائر جو خوش آواز آتا ہے

اگر مسجد سے آئوں میر تو بھی لوگ کہتے ہیں

کہ میخانے سے پھر دیکھو وہ شاہد باز آتا ہے

میر تقی میر

کہاں رحمت حق کہاں بے گناہی

اکتوبر 6, 2015میر تقی میر،اساتذہ،غزلنباہی،کاہی،گناہیadmin

دیوان پنجم غزل 1733

نہ بک شیخ اتنا بھی واہی تباہی

کہاں رحمت حق کہاں بے گناہی

ملوں کیونکے ہم رنگ ہو تجھ سے اے گل

ترا رنگ شعلہ مرا رنگ کاہی

مجھے میر تا گور کاندھا دیا تھا

تمناے دل نے تو یاں تک نباہی

میر تقی میر

لکھتا ہوں تو پھرے ہے کتابت بہی بہی

اکتوبر 6, 2015میر تقی میر،اساتذہ،غزلوہی،یہی،کہی،بہی،سہیadmin

دیوان پنجم غزل 1732

کیا خط لکھوں میں رونے سے فرصت نہیں رہی

لکھتا ہوں تو پھرے ہے کتابت بہی بہی

میدان غم میں قتل ہوئی آرزوے وصل

تھی اپنے خاندان تمنا میں اک یہی

اپنا لکھا ہے یاد مجھے میری بات بھول

قاصد نے جا کے یار سے کچھ اور ہی کہی

شب شور کرنے میں جو سماجت کی تنگ ہو

کہنے لگا کہ مارو اسے یہ تو ہے وہی

مت بہ نمک حرام تو داغوں سے ساز کر

اے زخم کہنہ میر کی خاطر ہی یوں سہی

میر تقی میر

ولے دل شرط ہے جو تاب لاوے

اکتوبر 6, 2015میر تقی میر،اساتذہ،غزللاوے،نہاوے،چڑھاوے،پاوے،بلاوے،بچھاوے،بناوے،جلاوے،جاوےadmin

دیوان پنجم غزل 1731

بسان برق وہ جھمکے دکھاوے

ولے دل شرط ہے جو تاب لاوے

اڑاتا گڈی وہ باہر نہ آوے

مبادا مجھ کو بھی گڈا بناوے

صبا سے میں جو لگ چل کر گیا واں

ہوا کھاوے کہا آنے نہ پاوے

نزاکت سے بہت ہے کم دماغی

رکھے پگڑی پہ گل تیوری چڑھاوے

بزن گاہ اس کشندے کی گلی ہے

وہی جاوے جو لوہو میں نہاوے

نہ پوچھو فرش رہ کیا ہووے اس کا

جو اہل دل ہو تو آنکھیں بچھاوے

بلا مغرور ہے وہ آتشیں خو

بہت منت کرو تو جی جلاوے

پڑا تڑپا کیا میں دور پہروں

عجب کیا ہے جو پاس اپنے بلاوے

بتان دیر سے ایسی نہیں لاگ

خدا ہی ہو تو کعبے میر جاوے

میر تقی میر

ہووے پیوند زمیں یہ رفتنی

اکتوبر 6, 2015میر تقی میر،اساتذہ،غزلمردنی،کنی،دشمنی،رفتنی،غنیؔadmin

دیوان پنجم غزل 1730

بسکہ ہے گردون دوں پرور دنی

ہووے پیوند زمیں یہ رفتنی

بزم میں سے اب تو چل اے رشک صبح

شمع کے منھ پر پھری ہے مردنی

میں چراغ صبح گاہی ہوں نسیم

مجھ سے اک دم کے لیے کیا دشمنی

مجھ سا محنت کش محبت میں نہیں

ہر زماں کرتا رہا ہوں جاں کنی

کچھ گدا شاعر نہیں ہوں میر میں

تھا مرا سرمشق دیوان غنیؔ

میر تقی میر

برسے ہے عشق اپنے دیوار اور در سے

اکتوبر 6, 2015میر تقی میر،اساتذہ،غزلہنر،نظر،نظرگذر،ور،کمر،کدھر،پر،اثر،تر،خبر،درadmin

دیوان پنجم غزل 1729

جوں ابر بے کسانہ روتے اٹھے ہیں گھر سے

برسے ہے عشق اپنے دیوار اور در سے

جمہور راہ اس کی دیکھا کرے ہے اکثر

محفوظ رکھ الٰہی اس کو نظرگذر سے

وحش اور طیر آنکھیں ہر سو لگا رہے ہیں

گرد رہ اس کی دیکھیں اٹھ چلتی ہے کدھر سے

شاید کہ وصل اس کا ہووے تو جی بھی ٹھہرے

ہوتی نہیں ہے اب تو تسکین دل خبر سے

مدت سے چشم بستہ بیٹھا رہا ہوں لیکن

وہ روے خوب ہرگز جاتا نہیں نظر سے

گو ہاتھ وہ نہ آوے دل غم سے خون کرنا

ہے لاگ میرے جی کو اس شوخ کی کمر سے

یہ گل نیا کھلا ہے لے بال تو قفس میں

کوئی کلی نہ نکلے مرغ چمن کے پر سے

دیکھو نہ چشم کم سے یہ آنکھ ڈبڈبائی

سیراب ابر ہوتے دیکھے ہیں چشم تر سے

گلشن سے لے قفس تک آواز ایک سی ہے

کیا طائر گلستاں ہیں نالہ کش اثر سے

ہر اک خراش ناخن جبہے سے صدر تک ہے

رجھواڑ ہو تو پوچھے کوئی ہمیں ہنر سے

یہ عاشقی ہے کیسی ایسے جیوگے کب تک

ترک وفا کرو ہو مرنے کے میر ڈر سے

میر تقی میر

چھانہہ میں جاکے ببولوں کی ہم عشق و جنوں کو رو آئے

اکتوبر 6, 2015میر تقی میر،اساتذہ،غزلکھو،گو،تو،جو،دو،رو،سوadmin

دیوان پنجم غزل 1728

کیا کہیے کچھ بن نہیں آتی جنگل جنگل ہو آئے

چھانہہ میں جاکے ببولوں کی ہم عشق و جنوں کو رو آئے

دل کی تلاش میں اٹھ کے گئے تھے شاید یاں پیدا ہو سو

جان کا اپنی گرامی گوہر اس کی گلی میں کھو آئے

آہوے عرفاں صید انھوں کا گر نہ ہوا نقصان کیا

اس عالم سے اس عالم میں کسب کمال کو جو آئے

کچھ کہنے کا مقام نہ تھا وہ وا ہوتا تو کہتے کچھ

آنا نہ آنا یکساں تھا واں ہوتے ادھر ہم گو آئے

سب کہتے تھے چین کرے گا کچھ بھی نہ دیکھا جز سختی

پتھر رکھ کے سرہانے ہم ٹک اس کی گلی میں سو آئے

کیا ہی دامن گیر تھی یارب خاک بسمل گاہ وفا

اس ظالم کی تیغ تلے سے ایک گیا تو دو آئے

سر دینا ٹھہرا کر ہم نے پائوں کو باہر رکھا تھا

ہر سو ہو دشوار ہے پھرنا میر ادھر اب تو آئے

میر تقی میر

گھر ہے کسو گوشے میں تو مکڑی کا سا گھر ہے

اکتوبر 6, 2015میر تقی میر،اساتذہ،غزلہنر،نظر،کدھر،گھر،بتر،بسر،خبر،در،سفر،شررadmin

دیوان پنجم غزل 1727

کیا خانہ خرابی کا ہمیں خوف و خطر ہے

گھر ہے کسو گوشے میں تو مکڑی کا سا گھر ہے

میلان نہ آئینے کا اس کو ہے نہ گل کا

کیا جانیے اب روے دل یار کدھر ہے

اے شمع اقامت کدہ اس بزم کو مت جان

روشن ہے ترے چہرے سے تو گرم سفر ہے

اس عاشق دیوانہ کی مت پوچھ معیشت

دنداں بجگر دست بدل داغ بسر ہے

کیا آگ کی چنگاریاں سینے میں بھری ہیں

جو آنسو مری آنکھ سے گرتا ہے شرر ہے

ڈر جان کا جس جا ہے وہیں گھر بھی ہے اپنا

ہم خانہ خرابوں کو تو یاں گھر ہے نہ در ہے

کیا پرسش احوال کیا کرتے ہو اکثر

ظاہر ہے کہ بیمار اجل روز بتر ہے

رہتی ہیں الم ناک ہی وے آنکھیں جو اچھی

بدچشم کسو شخص کی شاید کہ نظر ہے

دیدار کے مشتاق ہیں سب جس کے اب اس کی

کچھ شورش ہنگامۂ محشر میں خبر ہے

سب چاہتے ہیں رشد مرا یوں تو پر اے میر

شاید یہی اک عیب ہے مانع کہ ہنر ہے

میر تقی میر

کچھ یار کے آنے کی مگر گرم خبر ہے

اکتوبر 6, 2015میر تقی میر،اساتذہ،غزلنفر،ور،کمر،گہر،پہر،اگر،اثر،جگر،خبر،دگر،سپر،سحر،ضررadmin

دیوان پنجم غزل 1726

آنکھوں کی طرف گوش کی در پردہ نظر ہے

کچھ یار کے آنے کی مگر گرم خبر ہے

یہ راہ و روش سرو گلستاں میں نہ ہو گی

اس قامت دلچسپ کا انداز دگر ہے

یہ بادیۂ عشق ہے البتہ ادھر سے

بچ کر نکل اے سیل کہ یاں شیر کا ڈر ہے

وہ ناوک دلدوز ہے لاگو مرے جی کا

تو سامنے ہو ہمدم اگر تجھ کو جگر ہے

کیا پھیل پڑی مدت ہجراں کو نہ پوچھو

مہ سال ہوا ہم کو گھڑی ایک پہر ہے

کیا جان کہ جس کے لیے منھ موڑیے تم سے

تم آؤ چلے داعیہ کچھ تم کو اگر ہے

تجھ سا تو سوار ایک بھی محبوب نہ نکلا

جس دلبر خودکام کو دیکھا سو نفر ہے

شب شور و فغاں کرتے گئی مجھ کو تو اب تو

دم کش ہو ٹک اے مرغ چمن وقت سحر ہے

سوچے تھے کہ سوداے محبت میں ہے کچھ سود

اب دیکھتے ہیں اس میں تو جی ہی کا ضرر ہے

شانے پہ رکھا ہار جو پھولوں کا تو لچکی

کیا ساتھ نزاکت کے رگ گل سی کمر ہے

کر کام کسو دل میں گئی عرش پہ تو کیا

اے آہ سحرگاہ اگر تجھ میں اثر ہے

پیغام بھی کیا کریے کہ اوباش ہے ظالم

ہر حرف میاں دار پہ شمشیر و سپر ہے

ہر بیت میں کیا میر تری باتیں گتھی ہیں

کچھ اور سخن کر کہ غزل سلک گہر ہے

میر تقی میر

سخت کدورت بیچ میں آئی صبح تلک نہ صفائی ہوئی

اکتوبر 6, 2015میر تقی میر،اساتذہ،غزللگائی،مرجھائی،آئی،بنائی،تنہائی،جدائی،خدائی،رہائی،رچائی،رسوائی،رسائی،سمائی،شرمائی،صفائیadmin

دیوان پنجم غزل 1725

رات کو تھا کعبے میں میں بھی شیخ حرم سے لڑائی ہوئی

سخت کدورت بیچ میں آئی صبح تلک نہ صفائی ہوئی

تہمت رکھ مستی کی مجھ پر شیخ شہر کنے لایا

وہ بھی بگڑا حد سے زیادہ سن کر بات بنائی ہوئی

شیشہ ان نے گلے میں ڈلوا شہر میں سب تشہیر کیا

ہائے سیہ رو عاشق کی عالم میں کیا رسوائی ہوئی

کیسی ہی شکلیں سامنے آویں مژگاں وا اودھر نہ کروں

حور و پری پر آنکھ نہیں پڑتی ہے کسو سے لگائی ہوئی

حوصلہ داری کیا ہے اتنی قدرت کچھ ہے خدا ہی کی

عالم عالم جہاں جہاں جو غم کی ہم میں سمائی ہوئی

دیکھ کے دست و پاے نگاریں چپکے سے رہ جاویں نہ کیوں

منھ بولے ہے یارو گویا مہندی اس کی رچائی ہوئی

دل میں درد جگر میں طپیدن سر میں شور آشفتہ دماغ

کیا کیا رنج اٹھائے گئے ہیں جب سے ان سے جدائی ہوئی

ہفتم چرخ سے اودھر ہوکر عرش کو پہنچی میری دعا

اور رسائی کیا ہوتی ہے گوکہ کہیں نہ رسائی ہوئی

دود دل سوزان محبت محو جو ہو تو عرش پہ ہو

دور بجھے گی یعنی جاکر عشق کی آگ لگائی ہوئی

یہ یہ بلائیں سر پر ہیں تو آج موئے کل دوسرا دن

یاری ہوئی بیماری ہوئی درویشی ہوئی تنہائی ہوئی

اتنی لگوہیں چشم کسو کی قہر قیامت آفت ہے

تم نے دیکھی نہیں ہے صاحب آنکھ کوئی شرمائی ہوئی

جب موسم تھا وا ہونے کا تب تو شگفتہ ٹک نہ ہوا

اب جو بہت افسردہ ہوا ہے دل ہے کلی مرجھائی ہوئی

اس کی طرف جو لی ہم نے ہے اپنی طرف سے پھرا عالم

یعنی دوستی سے اس بت کی دشمن ساری خدائی ہوئی

ہم قیدی بھی موسم گل کے کب سے توقع رکھتے تھے

دیر بہار آئی اب کے پر اسیروں کی نہ رہائی ہوئی

کہنا جو کچھ جس سے ہو گا سامنے میر کہا ہو گا

بات نہ دل میں پھر گئی ہو گی منھ پہ میرے آئی ہوئی

میر تقی میر

ہے آبرو فقیر کی شاہ ولا کے ہاتھ

اکتوبر 6, 2015میر تقی میر،اساتذہ،غزلولا،کشا،گدا،خدا،صباadmin

دیوان پنجم غزل 1724

عز و وقار کیا ہے کسو خود نما کے ہاتھ

ہے آبرو فقیر کی شاہ ولا کے ہاتھ

بٹھلا دیا فلک نے ہمیں نقش پا کے رنگ

اٹھنا ہمارا خاک سے ہے اب خدا کے ہاتھ

آنکھوں میں آشنا تھا مگر دیکھا تھا کہیں

نوگل کل ایک دیکھا ہے میں نے صبا کے ہاتھ

دیکھ اس کو مجھ کو یاروں نے حیران ہو کہا

کس ڈھب سے لگ گیا ہے یہ گوہر گدا کے ہاتھ

دل کی گرہ نہ ناخن تدبیر سے کھلی

عقدہ کھلے گا میر یہ مشکل کشا کے ہاتھ

میر تقی میر

دیر و حرم میں ہو کہیں ہوہے خدا کے ساتھ

اکتوبر 6, 2015میر تقی میر،اساتذہ،غزلمیرزا،بلا،حیا،خدا،دوا،دعا،صباadmin

دیوان پنجم غزل 1723

بندہ ہے یا خدا نہیں اس دلربا کے ساتھ

دیر و حرم میں ہو کہیں ہوہے خدا کے ساتھ

ملتا رہا کشادہ جبیں خوب و زشت سے

کیا آئینہ کرے ہے بسر یاں حیا کے ساتھ

گو دست لطف سر سے اٹھا لے کوئی شفیق

دل کا لگائو اپنا ہے دست دعا کے ساتھ

تدبیر دوستاں سے ہے بالعکس فائدہ

ہے درد عاشقی کو خصومت دوا کے ساتھ

کی کشتی اس کی پاک زبردست عشق نے

جن نے ملائے ہاتھ ٹک ایک اس بلا کے ساتھ

اوباش لڑکوں سے تو بہت کرچکے معاش

اب عمر کاٹیے گا کسو میرزا کے ساتھ

کیا جانوں میں چمن کو ولیکن قفس پہ میر

آتا ہے برگ گل کبھو کوئی صبا کے ساتھ

میر تقی میر

یک جرعہ ہمدم اور پلا پھر بہار دیکھ

اکتوبر 6, 2015میر تقی میر،اساتذہ،غزلمار،یار،کنار،پکار،پسار،بہار،بارadmin

دیوان پنجم غزل 1722

گل گل شگفتہ مے سے ہوا ہے نگار دیکھ

یک جرعہ ہمدم اور پلا پھر بہار دیکھ

اب وہ نہیں کرم کہ بھرن پڑنے لگ گئی

جوں ابر آگے لوگوں کے دامن پسار دیکھ

آنکھوں کو تیری عین کیا سب نے دیدنی

تو سب سے ٹک تو پھیر لے آنکھوں کو یار دیکھ

محتاج گل نہیں ہے گریبان غم کشاں

گلزار اشک خونیں سے جیب و کنار دیکھ

آنکھیں ادھر سے موند لیں ہیں اب تو شرط ہے

پھر دیکھیو نہ میری طرف ایک بار دیکھ

خالی پڑا ہے خانۂ دولت وزیر کا

باور نہیں تو آصف آصف پکار دیکھ

خواہش نہ ہووے دل کی جو حاصل تو موت ہے

احوال میر دیکھ نہیں جی تو مار دیکھ

میر تقی میر

یعنی چشم شوق لگی رہتی ہے شگاف در کے ساتھ

اکتوبر 6, 2015میر تقی میر،اساتذہ،غزلقمر،تر،جگر،خبر،درadmin

دیوان پنجم غزل 1721

جان چلی جاتی ہے ہماری اس کی اور نظر کے ساتھ

یعنی چشم شوق لگی رہتی ہے شگاف در کے ساتھ

شاہد عادل عشق کے دونوں پاس ہی حاضر ہیں یعنی

پہروں پہروں خشک لبی رہتی ہے چشم تر کے ساتھ

آنا اس کا ظاہر ہے پر مژدہ لایا یاں نہ کرو

جی ہی نکل جاوے گا اپنا یوں ہی ذوق خبر کے ساتھ

کیا رو ماہ و خور کو لیکن جھمکا اس کا دکھا دوں ہوں

روز و شب کچھ ضد سی ہوئی ہے مجھ کو شمس و قمر کے ساتھ

سینہ خالی آج پڑا ہے میر طرف سے پہلو کے

دل بھی شاید نکل گیا ہے روتے خون جگر کے ساتھ

میر تقی میر

لے جاتے دل کو خاک میں اس آرزو کے ساتھ

اکتوبر 6, 2015میر تقی میر،اساتذہ،غزلنمو،نکو،گلو،آرزو،جو،رفو،سبو،غلوadmin

دیوان پنجم غزل 1720

ہم جانتے تو عشق نہ کرتے کسو کے ساتھ

لے جاتے دل کو خاک میں اس آرزو کے ساتھ

مستی میں شیخ شہر سے صحبت عجب رہی

سر پھوڑتے رہا کیے اکثر سبو کے ساتھ

تھا عکس اس کی قامت دلکش کا باغ میں

آنکھیں چلی گئیں ہیں لگی آب جو کے ساتھ

نازاں ہو اس کے سامنے کیا گل کھلا ہوا

رکھتا ہے لطف ناز بھی روے نکو کے ساتھ

ہم زرد کاہ خشک سے نکلے ہیں خاک سے

بالیدگی نہ خلق ہوئی اس نمو کے ساتھ

گردن بلند کرتے ہی ضربت اٹھا گئے

خنجر رکھے ہے اس کا علاقہ گلو کے ساتھ

ہنگامے جیسے رہتے ہیں اس کوچے میں سدا

ظاہر ہے حشر ہو گی نہ ایسے غلو کے ساتھ

مجروح اپنی چھاتی کو بخیہ کیا بہت

سینہ گتھا ہے میر ہمارا رفو کے ساتھ

میر تقی میر

آب اس کے پوست میں ہے جوں میوئہ رسیدہ

اکتوبر 6, 2015میر تقی میر،اساتذہ،غزلچیدہ،نامکیدہ،کبیدہ،کشیدہ،بریدہ،خمیدہ،دمیدہ،دیدہ،دریدہ،رمیدہ،رسیدہadmin

دیوان پنجم غزل 1719

اب کچھ مزے پر آیا شاید وہ شوخ دیدہ

آب اس کے پوست میں ہے جوں میوئہ رسیدہ

آنکھیں ملا کبھو تو کب تک کیا کروں میں

دنبالہ گردی تیری اے آہوے رمیدہ

پانی بھر آیا منھ میں دیکھے جنھوں کے یارب

وے کس مزے کے ہوں گے لب ہاے نامکیدہ

سائے کو اس پری کے لگتا نہ تھا چمن میں

مغرور کاہے پر ہے شمشاد قد کشیدہ

آنکھیں ہی بچھ رہی ہیں اہل نظر کی یکسر

چلتے ہوئے زمیں پر رکھ پائوں دیدہ دیدہ

چل سیر کرنے تو بھی تا صبح آنکھیں کھولیں

منھ پر ترے چمن میں گل ہاے نو دمیدہ

محراب میں رہو نہ سجدہ کیا کرو نہ

بے وقت کیا ہے طاعت قد اب ہوا خمیدہ

پروانہ گرد پھر کر جل بھی بجھا ولیکن

خاموش رات کو تھی شمع زباں بریدہ

دیکھا مجھے شب گل بلبل نے جو چمن میں

بولا کی میرے منھ پر کیا کیا دہن دریدہ

قلب و کبد تو دونوں تیروں سے چھن رہے ہیں

وہ اس ستم کشی پر ہم سے رہے کبیدہ

اشعار میر سب نے چن چن کے لکھ لیے ہیں

رکھیں گے یاد ہم بھی کچھ بیتیں چیدہ چیدہ

میر تقی میر

جان عزیز گئی ہوتی کاش اب کے سال بہار کے ساتھ

اکتوبر 6, 2015میر تقی میر،اساتذہ،غزلہار،یار،کنار،پیار،آزار،بہار،بیمار،دیوار،غبارadmin

دیوان پنجم غزل 1718

ہائے ستم ناچار معیشت کرنی پڑی ہر خار کے ساتھ

جان عزیز گئی ہوتی کاش اب کے سال بہار کے ساتھ

کس آوارئہ عشق و جنوں کی اک مٹھی اب خاک اڑی

اڑتی پھرے ہے پس محمل جو راہ کے گرد و غبار کے ساتھ

وہ لحظہ نہیں جاتا جی سے آنکھ لڑی تھی جب اس سے

چاہ نکلتی تھی باتوں سے چتون بھی تھی پیار کے ساتھ

جی مارے شب مہ میں ہمارے قہر کیا مشاطہ نے

بل کھائے بالوں کو دیے بل اس کے گلے کے ہار کے ساتھ

کیا دن تھے جو ہم کو تنہا کہیں کہیں مل جاتا تھا

اب تو لگے ہی رہتے ہیں اغیار ہمارے یار کے ساتھ

ہم ہیں مریض عشق و جنوں سختی سے دل کو مت توڑو

نرم کرے ہیں حرف و حکایت اہل خرد بیمار کے ساتھ

دیدئہ تر سے چشمۂ جوشاں ہیں جو قریب اپنے واقع

تو ہی رود چلے جاتے ہیں لگ کر جیب و کنار کے ساتھ

دیر سے ہیں بیمار محبت ہم سے قطع امید کرو

جانیں ہی جاتی دیکھی ہیں ہم نے آخر اس آزار کے ساتھ

رونے سے سب سر بر آئے خاک ہمارے سر پر میر

مدت میں ہم ٹک لگ بیٹھے تھے اس کی دیوار کے ساتھ

میر تقی میر

یہی حال ہمیشہ رہا کیا تو مآل پر بھی نظر کرو

اکتوبر 6, 2015میر تقی میر،اساتذہ،غزلمآل،جمال،خالadmin

دیوان پنجم غزل 1717

مژہ وا کرو تمھیں غش ہے کیا کبھو حال پر بھی نظر کرو

یہی حال ہمیشہ رہا کیا تو مآل پر بھی نظر کرو

کہیں دل بھی ان کے اٹکتے ہیں جنھیں شوق میں ہے کمال کچھ

ہوئے ہو جو رفتہ خرام کے تو جمال پر بھی نظر کرو

نہ بنے جو دلبر سادہ تو نہ بھلا لگے مری آنکھوں میر

نہیں سادگی ہی میں لطف کچھ خط و خال پر بھی نظر کرو

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: