زمرہ جات کے محفوظات: منصور آفاق

فرد فرد

دسمبر 1, 2007منصور آفاق،شعراء،غزلنیکی،وردی،گوشہ،سجادہadmin

منصور آفاق ۔ غزل نمبر 647

گھر سے سفید داڑھی حاجی پہن کے نکلا

پھر سود خور کیسی نیکی پہن کے نکلا

امکان کے صحرا میں کہیں خیمہ نشیں ہیں

ہم سلسلۂ قیس کے سجادہ نشیں ہیں

خوشبو پہن کے نکلا میں دل کے موسموں میں

اور جنگ کی رُتوں میں وردی پہن کے نکلا

ہر روز ڈبو دیتے ہیں طوفان بسیرا

ہم دل کے جزیرے میں کہیں گوشہ نشیں ہیں

منصور آفاق

اور کچھ اس بے وفا کو یاد رکھنا چاہیے

دسمبر 1, 2007منصور آفاق،شعراء،غزلیاد،افتاد،آباد،آزاد،بعد،شمشادadmin

منصور آفاق ۔ غزل نمبر 646

دل کو کچھ دن اور بھی برباد رکھنا چاہیے

اور کچھ اس بے وفا کو یاد رکھنا چاہیے

کونج کی سسکاریاں سُن کر کھلا رخصت کی شام

گھر بڑی شے ہے اسے آباد رکھنا چاہیے

ریل میں جس سے ہوئی تھی یونہی دم بھر گفتگو

خوبصورت آدمی تھا، یاد رکھنا چاہیے

موسم گل ہے کہیں بھی لڑکھڑا سکتا ہے دل

ہر گھڑی اندیشۂ افتاد رکھنا چاہیے

فربہ بھیڑوں کی چراگاہوں میں خیمہ زن نہ رہ

اک سفر جاری سفر کے بعد رکھنا چاہیے

باغ چاہے کہر میں گم ہے تجھے آنکھوں کے بیچ

بس وہی خوش قامتِ شمشاد رکھنا چاہیے

مت پکڑ منصور پتوں میں یہ چھپتی تیتری

ایسی نازک چیز کو آزاد رکھنا چاہیے

منصور آفاق

پانی میں رنگ اس نے شفق کے ملا دیے

دسمبر 1, 2007منصور آفاق،شعراء،غزلہوا،ملا،نما،کہا،گنوا،بنا،حوصلہ،خدا،دعا،سجا،سراadmin

منصور آفاق ۔ غزل نمبر 645

میں نے ذرا جو دھوپ سے پردے اٹھا دیے

پانی میں رنگ اس نے شفق کے ملا دیے

پوچھی پسند یار کی میں نے فراق سے

آہستگی سے رات نے مجھ کو کہا، دیے

کہہ دو شبِ سیاہ سے لے آئے کالکیں

ہاتھوں پہ رکھ کے نکلی ہے خلقِ خدا دیے

ہر دل چراغ خانہ ہے ہر آنکھ آفتاب

کتنے بجھا سکے گی زمیں پر، ہوا، دیے

بڑھنے لگی تھی دھوپ مراسم کی آنکھ میں

دریا کے میں نے دونوں کنارے ملا دیے

بالوں میں میرے پھیر کے کچھ دیر انگلیاں

کیا نقش دل کی ریت پہ اس نے بنا دیے

بھادوں کی رات روتی ہے جب زلفِ یار میں

ہوتے ہیں میری قبر پہ نوحہ سرا دیے

کافی پڑی ہے رات ابھی انتظار کی

میرا یقین چاند، مرا حوصلہ دیے

اتنا تو سوچتے کہ دیا تک نہیں ہے پاس

مٹی میں کیسے قیمتی موتی گنوا دیے

کچھ پل ستم شعار کی گلیوں میں گھوم لے

عرصہ گزر گیا ہے کسی کو دعا دیے

میں نے بھی اپنے عشق کا اعلان کر دیا

فوٹو گراف شیلف پہ اس کے سجا دیے

منصور سو گئے ہیں اجالے بکھیر کر

گلیوں میں گھومتے ہوئے سورج نما دیے

منصور آفاق

عمر بھر ہم خوابِ شب انگیز کے پیچھے رہے

دسمبر 1, 2007منصور آفاق،شعراء،غزلمیز،کاریز،انگیز،انگریز،آویز،تیز،خیز،زرخیرadmin

منصور آفاق ۔ غزل نمبر 644

گوش بر آواز، کم آمیز کے پیچھے رہے

عمر بھر ہم خوابِ شب انگیز کے پیچھے رہے

ہاتھ چھونے کا کہاں موقع فراہم ہوسکا

اک طرف وہ اک طرف ہم میز کے پیچھے رہے

اونٹنی چلتی رہی تاروں سے رستہ پوچھ کر

رات بھر ہم صبح دل آویز کے پیچھے رہے

وہ سمندر سے لپٹ جاتی رہی ہر ایک بار

بس یونہی ہم موجِ تند و تیز کے پیچھے رہے

روح کی شب زندہ داری کی بہشتیں چھوڑ کر

جسم کی ہم وحشتِ شب خیز کے پیچھے رہے

چشمۂ دل سے نکل کر آنسوئوں کے ساتھ ہم

آنکھ کو آتی ہوئی کاریز کے پیچھے رہے

دوصدی پہلے مجھے کھینچا گیا تھا باندھ کر

پھر ہمیشہ یہ قدم انگریز کے پیچھے رہے

مسئلہ کشمیرکا منصور یہ ہے ، سب قزاق

زعفراں کی وادی ء زرخیر کے پیچھے رہے

منصور آفاق

ہم وفا کے برگزیدہ فیض کے پیچھے رہے

دسمبر 1, 2007منصور آفاق،شعراء،غزلفیض،ایض،حیض،غیظadmin

منصور آفاق ۔ غزل نمبر 643

لوگ موسیٰ جیسے دستِبیض کے پیچھے رہے

ہم وفا کے برگزیدہ فیض کے پیچھے رہے

زندگی کے اونٹ صحرائے بدن آباد میں

موت کے وحشی غضب کے غیظ کے پیچھے رہے

انگلیاں لیکن برابر ہو سکیں نہ ہاتھ کی

ہم تفاوت کی گلی میں ایض کے پیچھے رہے

جس کی آنکھیں برکتوں کی گہری نیلی جھیلیں ہیں

زندگی بھربس اُسی بے فیض کے پیچھے رہے

عمر بھر منصور دنیا دار ،کتوں کی طرح

مال کے ناپاک مردہ حیض کے پیچھے رہے

منصور آفاق

بڑے بڑے بریف کیس شانہء سروش پر پڑے رہے

دسمبر 1, 2007منصور آفاق،شعراء،غزلفروش،نوش،گوش،پوش،سروشadmin

منصور آفاق ۔ غزل نمبر 642

مراسلے دیارِ غیب کے قلی کے دوش پر پڑے رہے

بڑے بڑے بریف کیس شانہء سروش پر پڑے رہے

پیانو پہ مچلتی انگلیوں کے بولتے سروں کی یاد میں

تمام عمر سمفنی کے ہاتھ چشم و گوش پر پڑے رہے

ہزار ہا کلائیاں بہار سے بھری رہیں ہری رہیں

نصیب زرد موسموں کے دستِ گل فروش پر پڑے رہے

برہنہ رقص میں تھی موت کی کوئی گھڑی ہزار شکر ہے

کہ سات پردے میرے دیدئہ شراب نوش پر پڑے رہے

اٹھا کے لے گئی خزاں تمام رنگ صحن سے حیات کے

کسی نے جو بنائے تھے وہ پھول میز پوش پر پڑے رہے

منصور آفاق

دریا میں اک ذرا میرے چھالے پڑے رہے

دسمبر 1, 2007منصور آفاق،شعراء،غزلہالے،چھالے،والے،پالے،بالے،تالے،جالےadmin

منصور آفاق ۔ غزل نمبر 641

موجوں کو اٹھتی بھاپ کے لالے پڑے رہے

دریا میں اک ذرا میرے چھالے پڑے رہے

منہ کو کلیجہ آئے جب آئے کسی کی یاد

کیا کیا حسیں چڑیلوں سے پالے پڑے رہے

پھر چاند نے بھی چھوڑ دیا رات کادیار

جب بستروں میں دیکھنے والے پڑے رہے

چیزیں تو جھاڑتا رہا جاروب کش مگر

ذہنوں پہ عنکبوت کے جالے پڑے رہے

تاریخ جھوٹ کا ہی اثاثہ بنی رہی

تحقیق کے مکانوں پہ تالے پڑے رہے

حلقے پڑے رہے مری آنکھوں کے ارد گرد

مہتاب کے نواح میں ہالے پڑے رہے

تسخیرِاسم ذات مکمل ہوئی مگر

منصوراپنے کان میں بالے پڑے رہے

منصور آفاق

سلطان صلاح الدیں ایوبی ساتھ رہے

دسمبر 1, 2007منصور آفاق،شعراء،غزلمجذوبی،محبوبی،معتوبی،ایوبی،اسلوبی،بخوبیadmin

منصور آفاق ۔ غزل نمبر 640

اعمال میں اپنے حسن و خوبی ساتھ رہے

سلطان صلاح الدیں ایوبی ساتھ رہے

یہ پیڑ شریعت کے سایہ دار ہیں لیکن

کچھ ہوش کی وادی میں مجذوبی ساتھ رہے

دلدار کے نقشِ پاپیشانی پر چہکیں

محبوب کی گلیوں میں محبوبی ساتھ رہے

پُر وجد قوالی ہو یا عشق کی باتیں ہوں

ہر ایک عمل میں خوش اسلوبی ساتھ رہے

یہ ایک بروزِحشر گواہی کافی ہے

ظلمات کی جانب سے معتوبی ساتھ رہے

منصوراکیلا چھوڑا نہیں ہے رستے میں

اس شہرِ طلب میں درد بخوبی ساتھ رہے

منصور آفاق

اس میں تُو آباد رہے

دسمبر 1, 2007منصور آفاق،شعراء،غزلفریاد،ناشاد،یاد،ایجاد،آباد،آزاد،استاد،بنیاد،زاد،شادadmin

منصور آفاق ۔ غزل نمبر 639

خواہ یہ دل برباد رہے

اس میں تُو آباد رہے

شکر ہے دشتِ حسرت میں

پاؤں مسافت زاد رہے

برسوں غم کے مکتب میں

میر مرے استاد رہے

اک لمحے کی خواہش میں

برسوں ہم ناشاد رہے

ایک دعا دکھیارے کی

غم سے تُو آزاد رہے

اشکوں سے تعمیر ہوئی

درد مری بنیاد رہے

جیسا بھی ہوں تیرا ہوں

اتنا تجھ کو یاد رہے

تیری گلی میں سانس سدا

مائل بر فریاد رہے

زخم نہ چاٹے کوئی بھی

مر جائے یا شاد رہے

میں برمنگھم قید رہا

وہ اسلام آباد رہے

میرے نواحِ جاں منصور

کتنے ستم ایجاد رہے

منصور آفاق

یہ مدینے میں اپنی سلامی سے ہے

دسمبر 1, 2007منصور آفاق،شعراء،غزلنامی،کلامی،گرامی،حرامی،خامی،سلامی،غلامیadmin

منصور آفاق ۔ غزل نمبر 638

زندگی شہرِ دل کی خرامی سے ہے

یہ مدینے میں اپنی سلامی سے ہے

اُس سراپا عنایت پہ بھیجیں دورد

اپنی آزادی جس کی غلامی سے ہے

یہ مناظر کی میٹھی حسیں دلکشی

ایک پاکیزہ اسم گرامی سے ہے

کائناتِ شبِ تیرہ و تار میں

روشنی اُس کی قرآں کلامی سے ہے

جس کے ہونے سے ظاہر خدا ہو گیا

اپنا ہونا تواُس نامِ نامی سے ہے

جوبھی اچھاہے اس کی عطاسے لکھا

جو لکھا ہے غلط میری خامی سے ہے

ان سے منصور پہلو تہی جن کا بھی

ربط ابلیس جیسے حرامی سے ہے

منصور آفاق

یہ لگ رہا ہے مجھے ناگہاں تباہی ہے

دسمبر 1, 2007منصور آفاق،شعراء،غزلناگہاں،نشاں،وہاں،کہاں،کراں،آسماں،رواںadmin

منصور آفاق ۔ غزل نمبر 637

تباہی ہے شبِ آئندگاں تباہی ہے

یہ لگ رہا ہے مجھے ناگہاں تباہی ہے

کوئی معاشرہ ممکن نہیں بجز انصاف

جہاں جہاں پہ ستم ہے وہاں تباہی ہے

میں ٹال سکتا نہیں آیتوں کی قرآت سے

لکھی ہوئی جو سرِ آسماں تباہی ہے

گزر گیا ہے جو طوفاں گزرنے والاتھا

یہ ملبہ زندگی ہے، اب کہاں تباہی ہے

بچھے ہوئے کئی بھونچال ہیں مکانوں میں

دیارِ دل میں مسلسل رواں تباہی ہے

دعا کرو کہ قیامت میں دیکھتا ہوں قریب

مرے قریب کوئی بے کراں تباہی ہے

فراز مند ہے ابلیس کا علم منصور

گلی گلی میں عجب بے نشاں تباہی ہے

منصور آفاق

اب زندگی ہماری نہیں مسخروں کی ہے

دسمبر 1, 2007منصور آفاق،شعراء،غزلمنظروں،مسخروں،گھروں،گروں،سروںadmin

منصور آفاق ۔ غزل نمبر 636

ہر بزم قہقہوں سے بھرے تذکروں کی ہے

اب زندگی ہماری نہیں مسخروں کی ہے

جو خوش دماغ لوگ ہیں بستی پہ بوجھ ہیں

کچھ ہے توبات بس یہاں خالی سروں کی ہے

وہ باغِ شالامار خرید یں جو بس چلے

فطرت کچھ ایسی دیس کے سودا گروں کی ہے

گلیوں میں ایک سے ہیں مکانوں کے خدوخال

غلطی کہیں ہماری نہیں منظروں کی ہے

منصور حاکموں کی توجہ کہیں ہے اور

قسمت ابھی ہمارے عجائب گھروں کی ہے

منصور آفاق

مری تمثیل کرداروں سے خالی ہے

دسمبر 1, 2007منصور آفاق،شعراء،غزلکرداروں،انکاروں،دیواروں،دستاروں،سیاروں،طیاروںadmin

منصور آفاق ۔ غزل نمبر 635

سحر سورج سے، شب تاروں سے خالی ہے

مری تمثیل کرداروں سے خالی ہے

نکالیں کوئی کیا ابلاغ کی صورت

خلا مصنوعی سیاروں سے خالی ہے

چھتوں پر آب و دانہ ڈال جلدی سے

فضا بمبار طیاروں سے خالی ہے

مزاجِ حرص کو دونوں جہاں کم ہیں

سرشتِ خوف انکاروں سے خالی ہے

اس آوارہ مزاجی کے سبب شاید

فضلیت اپنی، دستاروں سے خالی ہے

کہیں گر ہی نہ جائے نیلی چھت منصور

کہ سارا شہر دیواروں سے خالی ہے

منصور آفاق

گلی گلی ہیں دھماکے، فساد جاری ہے

دسمبر 1, 2007منصور آفاق،شعراء،غزلفساد،یاد،انجماد،انعقاد،اعتقاد،عنادadmin

منصور آفاق ۔ غزل نمبر 634

ستم گرو نہ کہو یہ جہاد جاری ہے

گلی گلی ہیں دھماکے، فساد جاری ہے

مری بہشت کو دوزخ بنا رہے ہیں لوگ

بنامِ دین غضب کا عناد جاری ہے

کسی قیامتِ صغریٰ میں جی رہاہوں میں

حسیں دنوں پہ مگر اعتقاد جاری ہے

غزل کی آخری ہچکی اُدھرسنائی دے

مشاعروں کا ادھر انعقاد جاری ہے

نظر میں خواب تو برفیں جمی ہے جھیلوں میں

ہر ایک شے میں کوئی انجماد جاری ہے

وہ جس کے ہجرکی وحدت ملی مجھے منصور

اُس ایک حسنِ مکمل کی یاد جاری ہے

منصور آفاق

کسی نے جنگ مری زندگی بنا دی ہے

دسمبر 1, 2007منصور آفاق،شعراء،غزللبلبی،کشی،آہنی،روشنی،زندگیadmin

منصور آفاق ۔ غزل نمبر 633

یہ کائناتِ بدن چھاونی بنا دی ہے

کسی نے جنگ مری زندگی بنا دی ہے

دماغ اسلحہ خانہ بنا دیا ہے مرا

تمام جلد مری آہنی بنا دی ہے

یہ پانچ وقت شہادت کی بولتی انگلی

مشین گن کی سیہ لبلبی بنا دی ہے

یہ نقشِ پا نہیں بارود کی سرنگیں ہیں

بموں کی آگ مری روشنی بنا دی ہے

یہ کس نے کافری منصور کی ہے بستی میں

حلال ،ظلم بکف خود کشی بنا دی ہے

منصور آفاق

ساحلوں پر زندگی سن باتھ کرنا چاہتی ہے

دسمبر 1, 2007منصور آفاق،شعراء،غزلاوقات،اثبات،بات،باتھ،برسات،خیراتadmin

منصور آفاق ۔ غزل نمبر 632

تیرے کرنوں والے ہٹ میں رات کرنا چاہتی ہے

ساحلوں پر زندگی سن باتھ کرنا چاہتی ہے

اپنے بنگلوں کے سوئمنگ پول کی تیراک لڑکی

میرے دریا میں بسر اوقات کرنا چاہتی ہے

وقت کی رو میں فراغت کا نہیں ہے کوئی لمحہ

اور اک بڑھیا کسی سے بات کرنا چاہتی ہے

چاہتا ہوں میں بھی بوسے کچھ لبوں کی لاٹری کے

وہ بھی ملین پونڈ کی برسات کرنا چاہتی ہے

مانگتا پھرتا ہوں میں بھی آگ کا موسم کہیں سے

وہ بھی آتشدان کی خیرات کرنا چاہتی ہے

کیسے کی اس نے نفی جوبات کرنا چاہتی ہے

جو نہیں وہ ذات کیا اثبات کرنا چاہتی ہے

منصور آفاق

شاخ پر اب بھی کوئی پنکھڑی لگ سکتی ہے

دسمبر 1, 2007منصور آفاق،شعراء،غزلہتھکڑی،لڑی،گھڑی،پنکھڑی،پڑی،پھلجھڑی،بڑی،دھڑی،روکھڑیadmin

منصور آفاق ۔ غزل نمبر 631

آگ میں برگ وسمن کی جھڑی لگ سکتی ہے

شاخ پر اب بھی کوئی پنکھڑی لگ سکتی ہے

یہ بھی ہوسکتا ہے آنے کی خوشی میں اسکے

بام پہ قمقموں کی اک لڑی لگ سکتی ہے

اس کے وعدہ پہ مجھے پورا یقیں ہے لیکن

لوٹ آنے میں گھڑی دو گھڑی لگ سکتی ہے

رک بھی سکتی ہے یہ چلتی ہوئی اپنی گاڑی

میخ ٹائر میں کہیں بھی پڑی لگ سکتی ہے

جب کوئی ساتھ نہ دینے کا ارداہ کر لے

ایک نالی بھی ندی سے بڑی لگ سکتی ہے

دامِ ہمرنگ زمیں غیر بچھا سکتے ہیں

کوچۂ یار میں دھوکا دھڑی لگ سکتی ہے

اِس محبت کے نتائج سے ڈر آتا ہے مجھے

اِس شگوفے پہ کوئی پھلجھڑی لگ سکتی ہے

میں میانوالی سے آسکتاہوں ہر روز یہاں

خوبصورت یہ مجھے روکھڑی لگ سکتی ہے

جرم یک طرفہ محبت ہے ازل سے منصور

اِس تعلق پہ تجھے ہتھکڑی لگ سکتی ہے

منصور آفاق

تجھ کو آوارہ نظرچاند کی لگ سکتی ہے

دسمبر 1, 2007منصور آفاق،شعراء،غزلہوئی،نوکری،کی،بھی،بری،دوستی،زندگی،سیadmin

منصور آفاق ۔ غزل نمبر 630

رات کی جھیل سے علت کوئی لگ سکتی ہے

تجھ کو آوارہ نظرچاند کی لگ سکتی ہے

میں کوئی میز پہ رکھی ہوئی تصویر نہیں

دیکھئے بات مجھے بھی بری لگ سکتی ہے

ایک ہی رات پہ منسوخ نہیں ہو سکتا

یہ تعلق ہے یہاں عمر بھی لگ سکتی ہے

انگلیاں پھیر کے بالوں میں دکھائیں جس نے

اس سے لگتا ہے مری دوستی لگ سکتی ہے

آپ کی سانس میں آباد ہوں سانسیں میری

یہ دعا صرف مجھے آپ کی لگ سکتی ہے

یہ خبرمیرے مسیحا نے سنائی ہے مجھے

شہرِ جاناں میں تری نوکری لگ سکتی ہے

یہ کوئی گزری ہوئی رت کی دراڑیں سی ہیں

اس جگہ پر کوئی تصویر سی لگ سکتی ہے

پارک میں چشمِ بلاخیز بہت پھرتی ہیں

تجھ کو گولی کوئی بھٹکی ہوئی لگ سکتی ہے

ہے یہی کار محبت۔۔۔۔ سو لگا دے منصور

داؤ پہ تیری اگر زندگی لگ سکتی ہے

منصور آفاق

ٹوٹے جو شیشہ تو صورت گر جاتی ہے

دسمبر 1, 2007منصور آفاق،شعراء،غزلقیمت،چھت،تمازت،حکومت،ساعت،صورت،صحتadmin

منصور آفاق ۔ غزل نمبر 629

آنکھوں سے منصور شباہت گر جاتی ہے

ٹوٹے جو شیشہ تو صورت گر جاتی ہے

روز کسی بے انت خزاں کے زرد افق میں

ٹوٹ کے مجھ سے شاخِ تمازت گر جاتی ہے

باندھ کے رکھتا ہوں مضبوط گرہ میں لیکن

پاکستانی نوٹ کی قیمت گر جاتی ہے

اک میری خوش وقتی ہے جس کے دامن میں

صرف وہی گھڑیال سے ساعت گر جاتی ہے

لیپ کے سوتا ہوں مٹی سے نیل گگن کو

اٹھتا ہوں تو کمرے کی چھت گر جاتی ہے

ہجر کی لمبی گلیاں ہوں یا وصل کے بستر

آخر اک دن عشق میں صحت گر جاتی ہے

برسوں ظلِّ الہی تخت نشیں رہتے ہیں

خلقِ خدا کی روز حکومت گر جاتی ہے

منصور آفاق

ہر ایک چشمِ تماشا سے دشمنی ہوئی ہے

دسمبر 1, 2007منصور آفاق،شعراء،غزلچھنی،گفتنی،گھنی،ٹھنی،اوڑھنی،بنی،تنی،جامنی،دامنی،دشمنی،زنی،سنسنی،شگفتنی،غنیadmin

منصور آفاق ۔ غزل نمبر 628

یہ کیا چراغِ تمنا کی روشنی ہوئی ہے

ہر ایک چشمِ تماشا سے دشمنی ہوئی ہے

تُو چشمِ ہجر کی رنگت پہ تبصرہ مت کر

یہ انتظار کے جاڑے میں جامنی ہوئی ہے

نہ پوچھ مجھ سے طوالت اک ایک لکنت کی

یہ گفتگو کئی برسوں میں گفتنی ہوئی ہے

چمکتی ہے کبھی بجلی تو لگتا ہے شاید

یہیں کہیں کوئی تصویر سی بنی ہوئی ہے

ابھی سے کس لیے رکھتے ہو بام پر آنکھیں

ابھی تو رات کی مہتاب سے ٹھنی ہوئی ہے

ابھی نکال نہ کچھ انگلیوں کی پوروں سے

ابھی یہ تارِ رگ جاں ذرا تنی ہوئی ہے

شراب خانے سے کھلنے لگے ہیں آنکھوں میں

شعاعِ شام سیہ، ابر سے چھنی ہوئی ہے

نظر کے ساتھ سنبھلتا ہوا گرا پلو

مری نگاہ سے بے باک اوڑھنی ہوئی ہے

کچھ اور درد کے بادل اٹھے ترے در سے

کچھ اور بھادوں بھری تیرگی گھنی ہوئی ہے

کلی کلی کی پلک پر ہیں رات کے آنسو

یہ میرے باغ میں کیسی شگفتنی ہوئی ہے

اک ایک انگ میں برقِ رواں دکھائی دے

کسی کے قرب سے پیدا وہ سنسنی ہوئی ہے

جنوں نواز بہت دشتِ غم سہی لیکن

مرے علاوہ کہاں چاک دامنی ہوئی ہے

میں رنگ رنگ ہوا ہوں دیارِ خوشبو میں

لٹاتی پھرتی ہے کیا کیا، ہوا غنی ہوئی ہے

سکوتِ دل میں عجب ارتعاش ہے منصور

یہ لگ رہا ہے دوبارہ نقب زنی ہوئی ہے

منصور آفاق

اسلام ہے تو یہ ہے، کچھ دین ہے تو یہ ہے

دسمبر 1, 2007منصور آفاق،شعراء،غزلیٰسین،تکفین،تحسین،تدفین،تزئین،دینadmin

منصور آفاق ۔ غزل نمبر 627

دیکھوں میں سبز گنبد تسکین ہے تو یہ ہے

اسلام ہے تو یہ ہے، کچھ دین ہے تو یہ ہے

ان پر درود بھیجوں ان پر سلام بھیجوں

ان کی میں نعت لکھوں تحسین ہے تو یہ ہے

وقتِ قضا تب آئے جب میں مدنیہ پہنچوں

تجہیز ہے تو یہ ہے تکفین ہے تو یہ ہے

میرے نصیب میں ہوشہرِ نبیﷺ کی مٹی

تقدیر ہے تو یہ ہے تدفین ہے تو یہ ہے

چہرے پہ نور برسے،ہونٹوں سے پھول برسیں

ان کی نظر میں آؤں تزئین ہے تو یہ ہے

قرآن کہہ رہا ہے منصور ہرسخن میں

فرقان ہے تو یہ ہے یٰسین ہے تو یہ ہے

منصور آفاق

آگ میں انسانیت ہے کربلا نیزے پہ ہے

دسمبر 1, 2007منصور آفاق،شعراء،غزلقبا،کیا،کربلا،پھرسوا،ثناadmin

منصور آفاق ۔ غزل نمبر 626

ہر قدم تلوار پر ہے ، ہر نگہ نیزے پہ ہے

آگ میں انسانیت ہے کربلا نیزے پہ ہے

دوپہر ہے موت کی گرمی ہے کالی رات میں

ظلم کا مصنوعی سورج پھرسوا نیزے پہ ہے

جاہلوں کے شہر میں ہے بے دماغوں کا خرام

علم کی دستار مٹی میں ، قبا نیزے پہ ہے

میں اسی کے راستے پر چل رہا ہوں دشت میں

ہاں وہی جس شخص کی حمدو ثنا نیزے پہ ہے

ہے محمدﷺکے نواسے سی شبیہ منصور کچھ

دیکھ کچھ نزدیک جا کر، دیکھ کیا نیزے پہ ہے

منصور آفاق

اجل کو جانتا ہوں میں ، ازل سے ساتھ ساتھ ہے

دسمبر 1, 2007منصور آفاق،شعراء،غزلماحصل،محل،کل،کھل،ازل،جل،جدل،علل،عملadmin

منصور آفاق ۔ غزل نمبر 625

دماغِ کائنات کے خلل سے ساتھ ساتھ ہے

اجل کو جانتا ہوں میں ، ازل سے ساتھ ساتھ ہے

فلک ہے مجھ پہ مہرباں کہ ماں کی ہے دعا مجھے

زمیں مرے ہرے بھرے عمل سے ساتھ ساتھ ہے

یہ کس نے وقت کو اسیر کر لیا ہے خواب میں

یہ آج کس طرح گذشتہ کل سے ساتھ ساتھ ہے

قدم قدم پہ کھینچتی ہے مجھ کو رات کی طرف

یہ روشنی جو شاہ کے محل سے ساتھ ساتھ ہے

جو گا رہی ہے کافیاں لہو میں شاہ حسین کی

وہ مادھو لال آگ گنگا جل سے ساتھ ساتھ ہے

کہے، کہاں نظامِ زر تغیرات کا امیں ؟

وہ جدلیات جو جدل جدل سے ساتھ ساتھ ہے

کچھ اس کے ہونے کا سبب بھی ہونا چاہیے کہیں

وہ جو نمودِ علت و علل سے ساتھ ساتھ ہے

جہاں پہ پہلے علم تھا کہ کیا عمل کروں گا میں

یہ حال اُس مقامِ ماحصل سے ساتھ ساتھ ہے

ابھی فلک کی زد میں ہے سری نگر کا راستہ

یہ برف پوش رُت تراڑ کھل سے ساتھ ساتھ ہے

منصور آفاق

اب کسی پر کوئی اعتبار نہیں ہے

دسمبر 1, 2007منصور آفاق،شعراء،غزلقرار،مار،کنار،کوہسار،کاروبار،انتظار،آبشار،اختصار،اشکبار،اعتبار،بہار،دیار،دار،رہگزار،شمار،غمگسار،غبارadmin

منصور آفاق ۔ غزل نمبر 624

مان لیا وہ بھی میرا یار نہیں ہے

اب کسی پر کوئی اعتبار نہیں ہے

جاگ رہا ہوں میں کتنے سال ہوئے ہیں

کیسے کہوں اس کا انتظار نہیں ہے

ٹوٹ گئے ہیں دو پھر امید بھرے دل

ٹکڑے ہیں اتنے کہ کچھ شمار نہیں ہے

میرا بدن برف ہے یا تیرِ نظر میں

پہلے پہل والی اب کے مار نہیں ہے

عہدِ خزاں میں ہے میرا باغ کہ جیسے

دامنِ تقدیر میں بہار نہیں ہے

سنگ اچھالے ہیں اس نے بام سے مجھ پر

جیسے گلی اس کی رہگزار نہیں ہے

ایک دعا بس ہے میرے پاس عشاء کی

رات! مرا کوئی غمگسار نہیں ہے

صرف گھٹا ہے جو دل میں روئے برس کے

اور کوئی چشمِ اشکبار نہیں ہے

سرخ ہے بے شک نمود چہرئہ تاریخ

دامنِ تہذیب داغ دار نہیں ہے

سنگ زدہ اس کے رنگ ڈھنگ ہیں لیکن

آدمی ہے کوئی کوہسار نہیں ہے

پار کروں گا میں اپنی آگ کا دریا

دیکھ رہا ہوں یہ بے کنار نہیں ہے

وقت نہیں آج اس کے پاس ذرا بھی

اور یہاں رنگِ اختصار نہیں ہے

مست ہوائیں بھی ماہتاب بھی لیکن

رات بھری زلفِ آبشار نہیں ہے

گھوم رہا ہوں فصیلِ ذات کے باہر

کوئی بھی دروازئہ دیار نہیں ہے

ایک نہیں قحط عشق صرف یہاں پر

شہر میں کوئی بھی کاروبار نہیں ہے

پھیر ہی جا مجھ پہ اپنا دستِ کرامت

آ کہ مری جان کو قرار نہیں ہے”

درج ہے نیلی بہشتِ خواب کا منظر

آنکھ میں منصور کی غبار نہیں ہے

بنام غالب

منصور آفاق

گاڑی مسافروں کے پھر انتظار میں ہے

دسمبر 1, 2007منصور آفاق،شعراء،غزلفرار،وار،کار،پکار،انتظار،اختصار،جار،غارadmin

منصور آفاق ۔ غزل نمبر 623

لوگوں کی بے وفائی کب اختیار میں ہے

گاڑی مسافروں کے پھر انتظار میں ہے

اعلان جا کے کردومسجد کی چھت پہ چڑھ کر

میں چاہتاہوں جس کو وہ میری کار میں ہے

اک کونج رو رہی ہے سوکھی ہوئی ندی پر

سہمی ہوئی سی لرزش اس کی پکار میں ہے

میں چاہتا ہوں اس سے وعدہ نبھانا لیکن

غم سے نجات جو ہے خود سے فرار میں ہے

بے شک ہزاروں میں نے اشعار کہہ دئیے ہیں

سچ پوچھ تو ابھی تک بات اختصار میں ہے

میرے یہ لفظ بھی تو کرلاہٹیں ہیں میری

میرا وجود شامل کونجوں کی ڈار میں ہے

تقدیر کے طلسم سے سورج نکل گیا

دیکھو کئی دنوں سے راتوں کے غار میں ہے

اٹھ چل کنارِ سندھ پہ کرتے ہیں کچھ شکار

مچھلی کی بھی ضرورت منصور جار میں ہے

منصور آفاق

مگر دماغ کسی جہل کی سپاہ میں ہے

دسمبر 1, 2007منصور آفاق،شعراء،غزلنگاہ،ناف،گناہ،آہ،بارگاہ،راہ،سیاہ،سپاہadmin

منصور آفاق ۔ غزل نمبر 622

کتاب ہاتھ میں ہے اور کج، کلاہ میں ہے

مگر دماغ کسی جہل کی سپاہ میں ہے

بلند بام عمارت کی آخرش منزل

مقامِ صفر کی بے رحم بارگاہ میں ہے

پڑی ہے ایش ٹرے میں سلگتے لمس کی راکھ

ملن کی رات ابھی عرصہء گناہ میں ہے

بھٹکتا پھرتا ہوں ظلمات کے جزیرے میں

بڑا اندھیرا کسی دیدئہ سیاہ میں ہے

پسِ فراق ہے موجود وصل کا چہرہ

چراغ صبحِ ازل سے مزارِ آہ میں ہے

ترے وصال کی راتوں کی خیر ہو لیکن

وہ بات تجھ میں نہیں ہے جو تیری چاہ میں ہے

کبھی تو ہو گا تمنا کی منزلوں سے پرے

ابھی تو تیرا مسافر طلب کی راہ میں ہے

رکا نہیں ہوں کسی ڈاٹ کام پر منصور

گلوب پاؤں تلے تو خلا نگاہ میں ہے

منصور آفاق

لبلبی پرانگلیوں کا نیلا پن ہے

دسمبر 1, 2007منصور آفاق،شعراء،غزلنوکیلا،نیلا،گیلا،پیلا،پتھریلا،بھڑکیلا،زہریلا،سوتیلا،شرمیلاadmin

منصور آفاق ۔ غزل نمبر 621

یخ ہوا ہے برف کا برفیلا پن ہے

لبلبی پرانگلیوں کا نیلا پن ہے

یہ بھی پیوستہ گزشتہ سے ہے موسم

برگِ گل میں زرد رُت کا پیلا پن ہے

میں مزاجاً دھیمے پن کا آدمی ہوں

تیرے کپڑوں میں بہت بھڑکیلا پن ہے

کینچلی ہے سانپ کی بھی خوبصورت

اس کے بھی اندر کہیں زہریلا پن ہے

اونٹی پر پیاس کا ہے ساتواں دن

آندھیاں ہیں دشت کا سوتیلا پن ہے

محوِ حیرت ہوں کہ اُس بازار میں بھی

کیسے باقی اب تلک شرمیلا پن ہے

راستے مدِ مقابل آکھڑے ہیں

کیسا میرے پاؤں کا پتھریلا پن ہے

تبصرہ اس کے رویے پر کروں کیا

خار کی پہچان ہی نوکیلاپن ہے

ہم نفس منصور برسوں سے ہے سورج

گیلے من میں کچھ ابھی تک گیلا پن ہے

منصور آفاق

یعنی خدا ، مقامِ نہیں پر مقیم ہے

دسمبر 1, 2007منصور آفاق،شعراء،غزلنہیں،بریں،جبیں،حسیں،زمیںadmin

منصور آفاق ۔ غزل نمبر 620

ہمسایہ ہے ہمارا ، یہیں پر مقیم ہے

یعنی خدا ، مقامِ نہیں پر مقیم ہے

ہم کیا کہ گنج بخش وہ ہجویرکا فقیر

لاہور ! تیری خاکِ بریں پر مقیم ہے

جائے نمازِ سنگ سے جس کی طلب ہمیں

وہ داغِ سجدہ اپنی جبیں پر مقیم ہے

کمپاس رکھ نہ عرشے پہ لا کر زمین کے

وہ عرشِ دل کے فرشِ حسیں پر مقیم ہے

تم آسماں نورد ہو جس کی تلاش میں

منصور مان لو وہ زمیں پر مقیم ہے

منصور آفاق

اسے کہنا بغیر اس کے مری دنیا مکمل ہے

دسمبر 1, 2007منصور آفاق،شعراء،غزلچہرہ،نقشہ،نا،کتنا،تھا،دنیا،رستہadmin

منصور آفاق ۔ غزل نمبر 619

میں خود پہلو میں ہوں اپنے بدن اپنا مکمل ہے

اسے کہنا بغیر اس کے مری دنیا مکمل ہے

گلی کی برف پر کھنچیں لکیریں بے خیالی میں

ادھورے نقش ہیں کچھ کچھ مگر چہرہ مکمل ہے

مجھے روکا ہوا ہے جسم کی دہلیز پر اس نے

ادھوری ہے وفا اپنی، تعلق نامکمل ہے

لکیر اپنے لہو کی ہے ابھی اِن دونوں ٹکڑوں میں

خزانے تک پہنچنے کا کہاں نقشہ مکمل ہے

مجھے شہر نگاراں سے نئے کچھ زخم لینے ہیں

وہ جو دل میں رفو کا کام نکلا تھا مکمل ہے

بلا کا خوبصورت ہے کوئی اُس بالکونی میں

ہے بے مفہوم سا مکھڑا مگر کتنا مکمل ہے

محبت کا سفر بھی کیا کرشمہ ساز ہے منصور

ادھر منزل نہیں آئی ادھر رستہ مکمل ہے

منصور آفاق

زندگی کا کہیں ہو گیا قتل ہے

دسمبر 1, 2007منصور آفاق،شعراء،غزلہوا،کہا،کا،گیا،انتہا،رواadmin

منصور آفاق ۔ غزل نمبر 618

اک دیے کا ہوانے کیا قتل ہے

زندگی کا کہیں ہو گیا قتل ہے

تیرے کالر پہ جو سج گیا ہے گلاب

تیلیوں کیلئے پھول کا قتل ہے

دین نے ایک انسان کے قتل کو

ساری انسانیت کا کہا قتل ہے

دل نے چاہا اسی وقت اس کاقصاص

جب کسی بے گنہ کا ہوا قتل ہے

اپنے نزدیک انسانی اعمال میں

جرم کی آخری انتہا قتل ہے

بے گناہی کا جو شخص قاتل ہوا

صرف منصور اس کا روا قتل ہے

منصور آفاق

دل مزاجاً میری جاں معشوق ہے

دسمبر 1, 2007منصور آفاق،شعراء،غزلنوجواں،نامہرباں،وہاں،کراں،آسماں،آستاں،جہاں،جاں،درمیاں،رواں،سارباںadmin

منصور آفاق ۔ غزل نمبر 617

عشق میں کوئی کہاں معشوق ہے

دل مزاجاً میری جاں معشوق ہے

جس سے گزرا ہی نہیں ہوں عمر بھر

وہ گلی وہ آستاں معشوق ہے

رفتہ رفتہ کیسی تبدیلی ہوئی

میں جہاں تھا اب وہاں معشوق ہے

ہے رقیبِ دلربا اک ایک آنکھ

کہ مرا یہ آسماں معشوق ہے

مشورہ جا کے زلیخا سے کروں

کیا کروں نامہرباں معشوق ہے

صبحِ ہجراں سے نشیبِ خاک کا

جلوۂ آب رواں معشوق ہے

ہیں مقابل ہر جگہ دو طاقتیں

اور ان کے درمیاں معشوق ہے

گھنٹیاں کہتی ہیں دشتِ یاد کی

اونٹنی کا سارباں معشوق ہے

وہ علاقہ کیا زمیں پر ہے کہیں

ان دنوں میرا جہاں معشوق ہے

میں جہاں دیدہ سمندر کی طرح

اور ندی سی نوجواں معشوق ہے

ہر طرف موجودگی منصور کی

کس قدر یہ بے کراں معشوق ہے

منصور آفاق

منحصر لوگوں کی کمک پر ہے

دسمبر 1, 2007منصور آفاق،شعراء،غزلفلک،ہمک،لپک،مہک،نمک،کمک،ٹرک،دمک،دھمک،دھنک،سڑکadmin

منصور آفاق ۔ غزل نمبر 616

شہر کی فتح بابِ شک پر ہے

منحصر لوگوں کی کمک پر ہے

کلمہ کا ورد کر رہے ہیں لوگ

آخری شو کا رش سڑک پر ہے

فیملی جا رہی ہے لے کے اسے

گھر کا سامان بھی ٹرک پر ہے

پڑھ رہا ہوں ہزار صدیوں سے

کیا کسی نے لکھا دھنک پر ہے

بھیج مت پرفیوم جانِ جاں

حق مرا جسم کی مہک پر ہے

چاند ہے محوِ خواب پہلو میں

یعنی بستر مرا فلک پر ہے

میری پلکوں کی ساری رعنائی

موتیوں کی چمک دمک پر ہے

آس کا شہر ہے سمندر میں

اور بنایا گیا نمک پر ہے

دل کی موجودگی کا افسانہ

بادلوں کی گرج چمک پر ہے

چاند کی ہاتھ تک رسائی بھی

دلِ معصوم کی ہمک پر ہے

کس نے ہونا ہے شہر کا حاکم

فیصلہ بوٹ پر دھمک پر ہے

کون قاتل ہے فیصلہ، منصور

فائروں کی فقط لپک پر ہے

منصور آفاق

تری توصیف اک احسان میری شاعری پر ہے

دسمبر 1, 2007منصور آفاق،شعراء،غزلڈری،کافری،گری،دلبری،شاعریadmin

منصور آفاق ۔ غزل نمبر 615

مجھے کیا اعتماد الفاظ کی جادوگری پر ہے

تری توصیف اک احسان میری شاعری پر ہے

ترے دربار سے کچھ مانگنا گر کفر ٹھہرا ہے

تو میں کافر ہوں مجھ کو ناز اپنی کافری پر ہے

تری رفعت تفکر کی حدودِ فہم سے بالا

ترا عرفان طنزِ مستقل دانش وری پر ہے

سراپا ناز ہو کر بھی نیازِ عشق کے سجدے

خدا کو فخر بس تیرے خلوصِ دلبری پر ہے

صلائے عام ہے وہ نبضِ ہستی تھام لے آ کر

جو کوئی معترض آقا تری چارہ گری پر ہے

مجھے تسخیرِ یزداں کا عمل معلوم ہے منصور

کرم خاکِ مدنیہ کا مری دیدہ وری پر ہے

منصور آفاق

مگر اب احتجاج جاں فصیلِ آخری پر ہے

دسمبر 1, 2007منصور آفاق،شعراء،غزلقیصری،منظری،مشتری،نوکری،پری،آخری،بوزری،بابری،جنوری،حاضری،سری،سرسری،شاعریadmin

منصور آفاق ۔ غزل نمبر 614

تری تعمیر کی بنیاد اپنی بے گھری پر ہے

مگر اب احتجاج جاں فصیلِ آخری پر ہے

جسے حاصل کیا ہے تُو نے اپنی بیچ کر لاشیں

مرا تھو ایسی صدرِ مملکت کی نوکری پر ہے

فقط میری طرف سے ہی نہیں یہ پھولوں کا تحفہ

خدا کی لعنتِ پیہم بھی تیری قیصری پر ہے

جلوس اپنا ابھی نکلے گا کالی کالی قبروں سے

نظر اپنی بھی زر آباد کی خوش منظری پر ہے

قسم مجھ کو بدلتے موسموں کے سرخ رنگوں کی

ترا انجام اب لوگوں کی آشفتہ سری پر ہے

نظامِ زر !مجھے سونے کے برتن دے نہ تحفے میں

مرا ایمان تو خالی شکم کی بوزری پر ہے

زیادہ حیثیت رکھتی ہے پانی پت کی جنگوں سے

وہ اک تصویر بابر کی جو تزکِ بابری پر ہے

فرشتے منتظر ہیں بس سجا کر جنتیں اپنی

مرا اگلا پڑاؤ اب مریخ و مشتری پر ہے

وہ جو موج سبک سر ناچتی ہے میری سانسوں میں

سمندر کا تماشا بھی اسی بس جل پری پر ہے

اسے صرفِ نظر کرنے کی عادت ہی سہی لیکن

توقع، بزم میں اپنی مسلسل حاضری پر ہے

یقینا موڑ آئیں گے مرے کردار میں لیکن

ابھی تو دل کا افسانہ نگاہِ سرسری پر ہے

عجب تھیٹر لگا ہے عرسِ حوا پر کہ آدم کی

توجہ صرف اعضائے بدن کی شاعری پر ہے

وفا کے برف پروردہ زمانے یاد ہیں لیکن

یقیں منصور جذبوں کی دہکتی جنوری پر ہے

منصور آفاق

علم بس عشق کے سبق پر ہے

دسمبر 1, 2007منصور آفاق،شعراء،غزلقلق،ورق،حق،دق،سبق،شفق،طبقadmin

منصور آفاق ۔ غزل نمبر 613

آنکھ کے قطرۂ عرق پر ہے

علم بس عشق کے سبق پر ہے

منزلِ ہجر سے ذرا آگے

اپنا گھر چشمۂ قلق پر ہے

کوئی آیا ہے میرے آنگن میں

ابر صحرائے لق و دق پر ہے

ایک ہی نام ایک ہی تاریخ

ڈائری کے ورق ورق پر ہے

شامِ غم کے نگار خانے میں

زخم پھیلا ہوا شفق پر ہے

سن رہا ہوں کہ میرے ہونے کی

روشنی چودھویں طبق پر ہے

دیکھ کر کارِ امت شبیر

لگ رہا ہے یزید حق پر ہے

منصور آفاق

زمیں اللہ کی ہے اور سب کا حق برابر ہے

دسمبر 1, 2007منصور آفاق،شعراء،غزلکالک،ٹھنڈک،اجرک،تک،حق،شکadmin

منصور آفاق ۔ غزل نمبر 612

دریچوں پر اذانِ وقت کی دستک برابر ہے

زمیں اللہ کی ہے اور سب کا حق برابر ہے

خدا پر رزق کی تقسیم کا الزام صدیوں سے

مساواتِ محمد میں مقدر تک برابر ہے

جہاں ہم خود نہیں رہتے وہ گھر اپنا نہیں ہوتا

کرایہ خاک کا اور سود کی کالک برابر ہے

تمہیں اے صاحبانِ زر ،ہے دوزخ کی وعیدِ خاص

ڈرو۔دنیا میں بھی اس کی پکڑبے شک برابر ہے

کبھی گزرے نہ وہ تجھ پرجوگزری مجھ پہ سوگزری

قیامت ہجر کی اورموت کی ٹھنڈک برابر ہے

مجھے لگتا ہے تم سوئے نہیں ہو رات بھر منصور

تمہاری چار پائی پر پڑی اجرک برابر ہے

منصور آفاق

کوہ کی بازگشتوں میں اک راز موجود ہے

دسمبر 1, 2007منصور آفاق،شعراء،غزلپرواز،انداز،آواز،آغاز،باز،رازadmin

منصور آفاق ۔ غزل نمبر 611

چیخ کے دائرے میں تگ و تاز موجود ہے

کوہ کی بازگشتوں میں اک راز موجود ہے

ویری سوری کہ تیری سماعت کا ہے مسئلہ

میری خاموشی میں میری آواز موجود ہے

وقت کرتالب و لہجے کی صرف کاپی نہیں

اس کے چلنے میں بھی میرا انداز موجود ہے

خواہشِ زلف دستِ بریدہ سے جاتی نہیں

ٹوٹے پیروں میں بھی شوقِ پرواز موجود ہے

خاتمہ کی کہانی فسانہ ہے امکان کا

ہر نہایت پہ اک اور آغاز موجود ہے

خاکِ منصور!تجھ پہ کوئی حرف کیا آئیگا

تیرے پہلو میں یہ تیرا جاں باز موجود ہے

منصور آفاق

لوگ سب اک چوکھٹے کے عکس میں ہیں موت ہے

دسمبر 1, 2007منصور آفاق،شعراء،غزلہمرقص،نقص،برعکس،شخص،عکسadmin

منصور آفاق ۔ غزل نمبر 610

آگ کے پاگل بگولے رقص میں ہیں موت ہے

لوگ سب اک چوکھٹے کے عکس میں ہیں موت ہے

رہ رہا ہے آنکھ میں جس کی فرشتۂ اجل

سب عمل دجال کے اُس شخص میں ہیں موت ہے

ورنہ کمرے کم بہت ہی اپنی آبادی سے تھے

خوبیاں بھی کچھ مکاں کے نقص میں ہیں موت ہے

پھر بھی دل ہے کہ مسلسل مانگتا ہے اس کا قرب

کتنے خطرے صحبتِ برعکس میں ہیں موت ہے

سہل انگاری مزاجاًحضرتِمنصور میں

رقص کرتی بجلیاں ہمرقص میں ہیں موت ہے

منصور آفاق

لفظوں کا کوئی پھول تہجد کا وقت ہے

دسمبر 1, 2007منصور آفاق،شعراء،غزلقبول،ملول،پھول،اصول،رسولadmin

منصور آفاق ۔ غزل نمبر 609

مصرع! شبِ نزول تہجد کا وقت ہے

لفظوں کا کوئی پھول تہجد کا وقت ہے

کوئی دعا قبول ہو میرے ملال کی

ہر چیز ہے ملول تہجد کا وقت ہے

جی چاہتا ہے آنکھ کو مل جائے لمحہ بھر

اک ساعتِ رسول تہجد کا وقت ہے

دونوں جہاں کے واسطے مجھ کو چراغ کر

کرالتجا قبول تہجد کا وقت ہے

منصور آسمان سے اتریں مرے نصیب

اپنے بدل اصول تہجد کا وقت ہے

منصور آفاق

افلاک پہ بھی شامِ محرم ہے عجب ہے

دسمبر 1, 2007منصور آفاق،شعراء،غزلموسم،مجسم،محرم،گندم،گوتم،سنگم،شیشم،شبنمadmin

منصور آفاق ۔ غزل نمبر 608

قاتل بھی شریکِ صفِ ماتم ہے عجب ہے

افلاک پہ بھی شامِ محرم ہے عجب ہے

بہتے ہیں کئی طرح کے افسوس نظر سے

یہ آنکھ بھی دریاؤں کا سنگم ہے عجب ہے

پھولوں کے مراسم ہیں کہیں آتشیں لب سے

شعلوں کی مصاحب کہیں شبنم ہے عجب ہے

کل تک وہی شداد تھا نمرود تھا لیکن

اب وہی مسیحاوہی گوتم ہے عجب ہے

منظر ہے وہی لوگ مگر اور کوئی ہیں

دیکھو وہی دریا وہی شیشم ہے عجب ہے

وہ جس نے نکالا تھا بہشت آباد سے ہم کو

خوابوں میں وہی دانہ ء گندم ہے عجب ہے

ہم ڈھونڈتے نکلے تھے جسے عرشِ بریں پر

گلیوں میں وہی حسنِ مجسم ہے عجب ہے

منصور مجھے چھوڑا ہے اک شخص نے لیکن

ہر آنکھ میں انکار کا موسم ہے عجب ہے

منصور آفاق

تم سادہ لوح شخص ہو ، دنیا خراب ہے

دسمبر 1, 2007منصور آفاق،شعراء،غزلارادہ،حجرہ،خانہ،دنیا،دریا،رستہ،زمانہadmin

منصور آفاق ۔ غزل نمبر 607

آنکھیں نہیں شرارِ تمناخراب ہے

تم سادہ لوح شخص ہو ، دنیا خراب ہے

پانی کھڑاہے دل میں گڑھے ہیں جگہ جگہ

میں آرہاہوں ، ٹھہرو، یہ رستہ خراب ہے

مسجد کے بیچ اس کی کہانی کچھ اور ہے

حجرے کے بیچ صاحبِ حجرہ خراب ہے

سیلاب آئے گا میری چشم پُرآب میں

کتنے دنوں سے نیتِ دریا خراب ہے

بازو کو مت پکڑ ، مرے پہلو ست دوررہ

اے لمسِ یار !میرا ارادہ خراب ہے

برسوں ہوئے ہیں یاد سے باہر نہیں گیا

جاتا کہاں کہ سارا زمانہ خراب ہے

منصور کچھ بچا نہیں اب جس کے واسطے

دروازے پر کھڑا وہی خانہ خراب ہے

منصور آفاق

کیا تم نے اجالوں کا سفر بند کیا ہے

دسمبر 1, 2007منصور آفاق،شعراء،غزلگزر،اگر،در،سفر،سحر،سرadmin

منصور آفاق ۔ غزل نمبر 606

مانا مرے سورج کو نظر بند کیا ہے

کیا تم نے اجالوں کا سفر بند کیا ہے

جسموں کیلئے تم نے اٹھائی ہیں فصیلیں

بتلاؤ کہ احساس کا در بند کیا ہے

ہر روز نکلتا ہے بڑی شان سے سورج

راتوں نے کہاں بابِ سحر بند کیا ہے

کمبخت چہکتے ہوئے رازوں کی امیں تھی

اس واسطے بوتل کو بھی سر بند کیا ہے

اب لوٹ کے جاتا نہیں یادوں کی گلی میں

گم گشتہ زمانوں میں گزر بند کیا ہے

اب خواب میں بھی کوئی کسی سے نہیں ملتا

اس عہد نے جذبوں کا سفر بند کیا ہے

کچھ دن تو درِ دل بھی مقفل کرو منصور

دروازہ روابط کا اگر بند کیا ہے

منصور آفاق

چیک پہ چلتا ہوا قلم کیا ہے

دسمبر 1, 2007منصور آفاق،شعراء،غزلقلم،قدم،ورم،کم،بہم،دم،غمadmin

منصور آفاق ۔ غزل نمبر 605

لکھنے والوں میں محترم کیا ہے

چیک پہ چلتا ہوا قلم کیا ہے

ہے بلندی کا فوبیا ورنہ

یہ حریمِ حرم ورم کیا ہے

مسئلے تو ہزار ہیں لیکن

تیری موجودگی میں غم کیا ہے

روز پانی میں ڈوب جاتا ہوں

ایک دریا مجھے بہم کیا ہے

اے سٹیچو بشیر بابا کے

بول کیا ؟ دید کیا ؟ قدم کیا ہے ؟

مرہمِ لمس بے کنار سہی

صحبتِ انتظار کم کیا ہے

موت منصور پر نہیں آتی

کھینچ لے جو کوئی وہ دم کیا ہے

منصور آفاق

اس لِونگ روم کا وال پیپر اکھڑنے لگا ہے

دسمبر 1, 2007منصور آفاق،شعراء،غزلپڑنے،اکھڑنے،جھڑنے،سکڑنےadmin

منصور آفاق ۔ غزل نمبر 604

ہجر کو تاپتے تاپتے جسم سڑنے لگا ہے

اس لِونگ روم کا وال پیپر اکھڑنے لگا ہے

گھر کے باہر گلی میں بھی بکھرے ہیں پتے خزاں کے

کیسا تنہائی کے پیڑ سے درد جھڑنے لگا ہے

خواب جیسے دریچے میں آتی ہے دوشیزہ کوئی

کچھ دنوں سے مرا چاند پر ہاتھ پڑنے لگا ہے

اک تو بالشتیے ہم، پلازوں کی اونچائی میں ہیں

دوسرا شہر میں آسماں بھی سکڑنے لگا ہے

آندھیاں اور بھی تیز رفتار ہونے لگی ہیں

اب تو یہ لگ رہا ہے کہ خیمہ اکھڑنے لگا ہے

منصور آفاق

مرے آگے مرا سجدہ پڑا ہے

دسمبر 1, 2007منصور آفاق،شعراء،غزلقرضہ،لکھنا،لاوا،میرا،ننگا،والا،کہنا،پڑھنا،جھونکا،جھگڑا،دنیا،زندہ،زینہ،سا،سایہ،سجدہadmin

منصور آفاق ۔ غزل نمبر 603

رسن کا سامنے رستہ پڑا ہے

مرے آگے مرا سجدہ پڑا ہے

ازل کی جاگتی آنکھوں میں آ کر

کہاں سے نیند کا جھونکا پڑا ہے

ابھی کچھ اور جینا چاہتا ہوں

ابھی اجداد کا قرضہ پڑا ہے

یزیدوں سے میں کیسے صلح کرلوں

مرے گھر تازیہ میرا پڑا ہے

خدا سے عین ممکن ہے ملاقات

ابھی تو آخری زینہ پڑا ہے

سبھی عشاق ہیں اک روحِ کل کے

فقیروں میں کبھی جھگڑا پڑا ہے

بھلا مایوس کیوں ہوں آسماں سے

جسے مارا گیا زندہ پڑا ہے

اک ایسی مملکت میں جی رہا ہوں

جہاں آسیب کا سایہ پڑا ہے

بصد افسوس تیرانامِ نامی

مجھے دیوار پر لکھنا پڑا ہے

جہالت کے جہاں بہتے ہیں دریا

اسی اسکول میں پڑھنا پڑا ہے

یہ شامِزرد رُو کا سرخ فتنہ

ہے باقی جب تلک دنیا، پڑا ہے

اسی پل کا ہوں میں بھی ایک حصہ

جہاں خاموش دریا سا پڑا ہے

ابھی آتش فشاں کچھ اور بھی ہیں

پہاڑوں میں ابھی لاوا پڑا ہے

پڑا تہذیب کے منہ پر طمانچہ

سڑک پہ پھر کوئی ننگا پڑا ہے

زمانے سے چھپا رکھی ہیں آنکھیں

مگر وہ دیکھنے والا پڑا ہے

نہیں ہے تیری لافانی کہانی

مجھے منصور سے کہنا پڑا ہے

منصور آفاق

پہاڑوں کا بھی اب جغرافیہ تبدیل ہونا ہے

دسمبر 1, 2007منصور آفاق،شعراء،غزلقندیل،قابیل،التحصیل،تمثیل،تبدیل،تشکیلadmin

منصور آفاق ۔ غزل نمبر 602

فروغِ کُن کو صوتِ صورِ اسرافیل ہونا ہے

پہاڑوں کا بھی اب جغرافیہ تبدیل ہونا ہے

زمیں پر خیر و شر کے آخری ٹکراؤ تک مجھ کو

کبھی ہابیل ہونا ہے کبھی قابیل ہونا ہے

کہاں معلوم ہوتا ہے تماشا ہونے سے پہلے

کسے پردے میں رہنا ہے کسے تمثیل ہونا ہے

ابھی تعلیم لینی ہے محبت کی، ابھی میں نے

بدن کے مدرسے سے فارغ التحصیل ہونا ہے

دماغِ کوزہ گر میں ہیں ابھی تک خال وخد میرے

ابھی تک ایسا لگتاہے مجھے تشکیل ہونا ہے

کوئی ہے نوری سالوں کی طوالت پر کہیں منصور

مجھے رفتار سر کرتی ہوئی قندیل ہونا ہے

منصور آفاق

وہ دیکھنا ہے جسے بار بار کیسا ہے

دسمبر 1, 2007منصور آفاق،شعراء،غزلہے…خمار،نکھار،نگار،گزار،پیار،پار،انتظار،آبشار،اعتبار،بار،بخار،جوار،دیار،سنگھار،شرار،غبارadmin

منصور آفاق ۔ غزل نمبر 601

امیدِ وصل ہے جس سے وہ یار کیسا ہے

وہ دیکھنا ہے جسے بار بار کیسا ہے

اٹھانیں کیسی ہیں اسکی ، خطوط کیسے ہیں

بدن کا قریۂ نقش و نگار کیسا ہے

ادائیں کیسی ہیں کھانے کی میز پر اس کی

لباس کیسا ہے اْس کا، سنگھار کیسا ہے

وہ کیسے بال جھٹکتی ہے اپنے چہرے سے

لبوں سے پھوٹتے دن کا نکھار کیسا ہے

وہ شاخیں کیسی ہے دامن کے پھول کیسے ہیں

مقامِوصل کا قرب و جوار کیسا ہے

وہ پاؤں گھومتے کیسے ہیں اپنی گلیوں میں

طلسمِ شوق کا پھیلا دیار کیسا ہے

سیاہی گرتی ہے دنیا پہ یا سنہرا پن

وہ زلفیں کیسی ہیں وہ آبشار کیسا ہے

طواف کرتا ہے جس کا یہ کعبہِاعظم

وہ پاک باز ، تہجد گزار کیسا ہے

یہ کس خیال کی مستی ہے میری آنکھوں میں

شراب پی ہی نہیں ہے…خمار کیسا ہے

نہ کوئی نام نہ چہرہ نہ رابطہ نہ فراق

کسی کا پھر یہ مجھے انتظار کیسا ہے

یہ اجنبی سی محبت کہاں سے آئی ہے

یونہی جو روح سے نکلا ہے ، پیار کیسا ہے

بس ایک سایہ تعاقب میں دیکھتا ہوں میں

کسی کے ہونے کا یہ اعتبار کیسا ہے

وہ پھول جس کی مہک سے مہک رہا ہوں میں

کھلا ہوا کہیں ، دریا کے پار ،کیسا ہے

وہ جس کی نرم تپش سے دھک رہا ہے دل

وہ آسمان کے پیچھے شرار کیسا ہے

یہ آپ دھول اڑاتی ہے کس لئے منزل

یہ راستے پہ مسلسل غبار کیسا ہے

نواحِ جاں میں فقط چاند کی کرن منصور

بدن میں آگ ہے کیسی ، بخار کیسا ہے

منصور آفاق

بخار بستہ بدن کا مساج کیسا ہے

دسمبر 1, 2007منصور آفاق،شعراء،غزلمزاج،مساج،کاج،گیراج،امتزاج،اناج،آج،احتجاج،خراج،رواج،سماجadmin

منصور آفاق ۔ غزل نمبر 600

وہ پور پورہے کیسی، علاج کیسا ہے

بخار بستہ بدن کا مساج کیسا ہے

مثالِ دانہ ء گندم غذائیں کیسی ہیں

کسی بہشت کا تازہ اناج کیسا ہے

کیا اب بھی ذہن کشادہ ہے آنکھیں روشن ہیں

گزر ہے کیسی بتا ، کام کاج کیسا ہے

عجب جلوس نکالے ہیں دھڑکنیں مجھ میں

یہ تیز ہوتا ہوا احتجاج کیسا ہے

ہمیشگی کیلئے موت کیوں ضروری ہے

اے آسمان یہ تیرا رواج کیسا ہے

مٹھاس بھی ہے نشہ بھی ہے اس کے پہلو میں

شراب و شہد کا وہ امتزاج کیسا ہے

دھمال ڈالنی ماتم کی تال پر ہے مجھے

یہ رسم کیسی ہے غم کی ، رواج کیسا ہے

گلے میں کھوپڑیوں کی قدیم مالا سی

ہر ایک شخص ہے کاہن ، سماج کیسا ہے

نظر سنا نہیں سکتی لہو کی آوازیں

بدن سے پوچھ بدن کا مزاج کیسا ہے

یہ پوچھتی ہے مسافت بھری ہوئی گاڑی

مرے فلیٹ کا خالی گیراج کیسا ہے

گذشتہ شب کی اداسی نکال دے گھر سے

بس اتنا ذہن میں رکھ تیرا آج کیسا ہے

میں رو پڑا ہوں اسے سوچ کر کہاں منصور

یہ بزمِغیر میں غم کا خراج کیسا ہے

منصور آفاق

اک محمد خدا پہ اترا ہے

دسمبر 1, 2007منصور آفاق،شعراء،غزلہوا،کربلا،المنتہی،جگہ،خدا،دعاadmin

منصور آفاق ۔ غزل نمبر 599

آسماں کے حرا پہ اترا ہے

اک محمد خدا پہ اترا ہے

بول ! زنجیر ریل گاڑی کی

کون کیسی جگہ پہ اترا ہے

سوچتا ہوں کہ رحم کا بادل

کب کسی کربلا پہ اترا ہے

کس کے جوتے کا کھردرا تلوا

سدرئہ المنتہیٰ پہ اترا ہے

خیر کی آرزو نہ راس آئی

قہر دستِ دعا پہ اترا ہے

جھونک دے گی ہر آنکھ میں منصور

راکھ کا دکھ ہوا پہ اترا ہے

منصور آفاق

کوئی تو ہے جو ریاضت کا ثمر دیتا ہے

دسمبر 1, 2007منصور آفاق،شعراء،غزلمگر،کر،بھر،ثمر،جگر،خبر،سفرadmin

منصور آفاق ۔ غزل نمبر 598

کاسہ ء اجر کو امکان سے بھر دیتا ہے

کوئی تو ہے جو ریاضت کا ثمر دیتا ہے

خیر امکانِ تباہی سے تو انکار نہیں

عشق کی موج ہے آباد بھی کر دیتا ہے

اس سے کہنا کہ یہ دکھ قابلِ برداشت نہیں

وہ جو تکلیف میں پتھر کا جگر دیتا ہے

وہ جو کل ہاتھ پہ سر رکھ کے ادھر آیا تھا

وہ برا شخص سہی ساتھ مگر دیتا ہے

میں نے تقسیم کی منزل پہ اسے وصل کہا

ایک لمحہ جو مجھے میری خبر دیتا ہے

اس سے کہنا کہ مجھے روشنی ای میل کرے

اپنے جلووں سے جو مہتاب کو بھر دیتا ہے

عمر سوجاتی ہے ساحل کی طلب میں منصور

کیا وہ قطرے میں سمندر کا سفر دیتا ہے

منصور آفاق

چاند جب آسماں سے اٹھتا ہے

دسمبر 1, 2007منصور آفاق،شعراء،غزلمکاں،وہاں،یہاں،کہاں،آسماں،جہاں،درمیاںadmin

منصور آفاق ۔ غزل نمبر 597

کوئی دہلیزِ جاں سے اٹھتا ہے

چاند جب آسماں سے اٹھتا ہے

ہے ابھی کوئی خالی بستی میں

وہ دھواں سا مکاں سے اٹھتا ہے

چھوڑ آتا ہے نقشِ پا کا چراغ

پاؤں تیرا جہاں سے اٹھتا ہے

جس بلندی کو عرش کہتے ہیں

ذکر تیراؐ وہاں سے اٹھتا ہے

اس نے سینے پہ ہاتھ رکھ کے کہا

درد سا کچھ یہاں سے اٹھتا ہے

اک ستارہ صفت سرِ آفاق

دیکھتے ہیں کہاں سے اٹھتا ہے

ہم ہی ہوتے ہیں اس طرف منصور

پردہ جب درمیاں سے اٹھتا ہے

منصور آفاق

پھر کسی نے سونا ہے

دسمبر 1, 2007منصور آفاق،شعراء،غزلہونا،چبھونا،ڈبونا،کہونا،کونا،کھلونا،کھونا،پونا،پرونا،بونا،بھگونا،دھونا،رونا،سلونا،سمونا،سوچاadmin

منصور آفاق ۔ غزل نمبر 596

خالی پھر بچھونا ہے

پھر کسی نے سونا ہے

سربلند لوگوں کا

بادشاہ بونا ہے

پوری کیسے ہو تعبیر

خواب آدھا’ پونا‘ ہے

دوسروں کے ماتم پر

اپنا اپنا رونا ہے

اجنبی ہے دنیا سی

کون مجھ سا ہونا ہے

انتظارِ جاری نے

کیا کسی کو کھونا ہے

آنسوئوں کی بارش سے

قیقہوں کو دھونا ہے

وقت ایک بچہ سا

آدمی کھلونا ہے

زخم زخم دامن کا

چاک کیا پرونا ہے

میں ہوں اور تنہائی

گھر کا ایک کونا ہے

چائے کی پیالی میں

آسماں ڈبونا ہے

کائنات سے باہر

کیا کسی نے ہونا ہے

عرش کا گریباں بھی

آگ میں بھگونا ہے

موت کو بھی آخر کار

قبر میں سمونا ہے

آبلوں کے دریا کو

دشت بھر چبھونا ہے

تیرے دل میں میرا غم

پھر مجھے کہونا، ہے

حسن دھوپ میں منصور

سانولا سلونا ہے

منصور آفاق

یہی میری خدا شناسی ہے

دسمبر 1, 2007منصور آفاق،شعراء،غزلپیاسی،باسی،سی،شناسیadmin

منصور آفاق ۔ غزل نمبر 595

میرے دل میں بڑی اداسی ہے

یہی میری خدا شناسی ہے

جانتا ہوں میں ایک ایسا مکاں

لامکاں بھی جہاں کا باسی ہے

میں ہی اِس عہد کا تعارف ہوں

جسم شاداب ، روح پیاسی ہے

زندگی نام کی ہے اک لڑکی

واجبی سی ہے بے وفا سی ہے

جس سے دریارواں دواں منصور

مرے ساغر میں بھی ذرا سی ہے

منصور آفاق

پر طاقِ شب تنہائی میں اک شمع مسلسل جلتی ہے

دسمبر 1, 2007منصور آفاق،شعراء،غزلملتی،چلتی،پلتی،جلتی،جھلتی،غلطیadmin

منصور آفاق ۔ غزل نمبر 594

ہر شام شعاعیں بجھتی ہیں ہر صبح سیاہی ڈھلتی ہے

پر طاقِ شب تنہائی میں اک شمع مسلسل جلتی ہے

کچھ رنگ اِدھر سے آتے ہیں کچھ رنگ اُدھر سے جاتے ہیں

تاریکی دباتی ہے پاؤں جب روشنی پنکھا جھلتی ہے

تجدید محبت کی کوشش بے سود ہے مجھکو بھول بھی جا

کب راکھ سے شعلے اٹھتے ہیں کب ریت میں کشتی چلتی ہے

یہ کس نے حسیں دوشیزہ کے خوابوں کا تسلسل توڑ دیا

اب چونک کے نیند سے اٹھی ہے گھبرا کے وہ آنکھیں ملتی ہے

ہم لوگ ستم کے شہروں میں مصروف عمل ہیں زیرِ زمیں

آغوشِ شبِ نادیدہ میں تحریک سحر کی پلتی ہے

کیوں اس کا لکھا ہے نام بتا۔۔اس شہر کی سب دیواروں پر

ناراض یونہی وہ شخص نہیں منصوریہ تیری غلطی ہے

منصور آفاق

ایک بزنس جس میں بس نقصان ہے

دسمبر 1, 2007منصور آفاق،شعراء،غزلمہمان،میدان،نقصان،کادالان،پاکستان،امکان،ایمان،دانadmin

منصور آفاق ۔ غزل نمبر 593

اچھے بزنس مین کی پہچان ہے

ایک بزنس جس میں بس نقصان ہے

دوڑتی پھرتی ہوئی بچی کے پاس

دور تک اک گھاس کا میدان ہے

صبح تازہ کی اذاں کے واسطے

میرے کمرے میں بھی روشن دان ہے

پتھروں سے مل نہ پتھر کی طرح

سنگ میں بھی روح کا امکان ہے

چند ہیں ابرِ رواں کی چھتریاں

باقی خالی دھوپ کادالان ہے

اتنا ہے پاکیزگی سے رابطہ

میرے گھر کا نام پاکستان ہے

موت آفاقی حقیقت ہے مگر

زندگی پر بھی مرا ایمان ہے

جتنی ممکن ہے جگہ دامن میں دے

روشنی منصور کی مہمان ہے

منصور آفاق

جوکھل نہیں سکا دروازہ توڑنا ہے مجھے

دسمبر 1, 2007منصور آفاق،شعراء،غزلموڑنا،چھوڑنا،پھوڑنا،توڑنا،جوڑناadmin

منصور آفاق ۔ غزل نمبر 592

اجل پہننی ہے بھونچال اوڑھنا ہے مجھے

جوکھل نہیں سکا دروازہ توڑنا ہے مجھے

کسی سے میلوں پرے بیٹھ کر کسی کے ساتھ

تعلق اپنی نگاہوں کا جوڑنا ہے مجھے

نکالنا ہے غلاظت کو زخم کے منہ سے

یہ اپنے ملک کا ناسور پھوڑنا ہے مجھے

کسی کا لمس قیامت کا چارم رکھتا ہے

مگر یہ روز کا معمول توڑنا ہے مجھے

مجھے زمیں کو تحفظ فراہم کرنا ہے

رخ آسمانی بلاؤں کا موڑنا ہے مجھے

فش اینڈ چپس سے اکتا گیا ہوں اب منصور

بس ایک ذائقے کا وصل چھوڑنا ہے مجھے

منصور آفاق

گفتگو کرتی چٹانیں یاد آتی ہیں مجھے

دسمبر 1, 2007منصور آفاق،شعراء،غزلمچانیں،چٹانیں،کانیں،اڑانیں،دکانیں،داستانیں،زبانیںadmin

منصور آفاق ۔ غزل نمبر 591

گنبدوں سی کچھ اٹھانیں یاد آتی ہیں مجھے

گفتگو کرتی چٹانیں یاد آتی ہیں مجھے

میرے گھر میں تو کوئی پتیل کا برتن بھی نہیں

کس لیے سونے کی کانیں یاد آتی ہیں مجھے

ان نئی تعمیر کردہ مسجدوں کو دیکھ کر

کیوں شرابوں کی دکانیں یاد آتی ہیں مجھے

یاد آتی ہے مجھے اک شیرنی سے رسم و راہ

اور دریچوں کی مچانیں یاد آتی ہیں مجھے

جب کبھی جاؤں میانوالی تو عہدِدردکی

کچھ پرانی داستانیں یاد آتی ہیں مجھے

شام جیسے ہی اترتی ہے کنارِ آبِ سندھ

دو پرندوں کی اڑانیں یاد آتی ہیں مجھے

سیکھتی تھی کوئی اردو رات بھر منصور سے

ایک ہوتی دو زبانیں یاد آتی ہیں مجھے

منصور آفاق

جگا رہا ہے سحر کا سفید شور مجھے

دسمبر 1, 2007منصور آفاق،شعراء،غزلنکور،کور،بلور،بور،تھور،شورadmin

منصور آفاق ۔ غزل نمبر 590

دکھا رہا ہے بدن پھر نیا نکور مجھے

جگا رہا ہے سحر کا سفید شور مجھے

مقابلہ کا کہے موسموں کی وحشت سے

نکل کے دھوپ کی پیٹنگ سے تازہ تھور مجھے

میں رات رات نہاتا تھا جس کی کرنوں سے

وہ بھولتا ہی نہیں ہے سیہ بلور مجھے

مثالِ مصرعِ غالب مرے بدن پہ اتر

لبِ سروش صفت اور کر نہ بور مجھے

یا مری ذات کا کوئی وجودہے ہی نہیں

یا زندگی میں ملے لوگ چشم کور مجھے

عجب ہیں میری محبت مزاجیاں منصور

سمجھ رہا ہے کوئی چاند پھر چکور مجھے

منصور آفاق

سنگِ جہاں نزاد ہوں ، کوئی تراشتا مجھے

دسمبر 1, 2007منصور آفاق،شعراء،غزلہوا،فائدہ،لگا،ملا،منا،مرثیہ،مشورہ،چتا،وفا،کہا،گلہ،گیا،پھرا،آسرا،اٹھا،بنا،تھامنا،تبصرہ،تراشتا،حاشیہ،خدا،دیا،دکھا،ساadmin

منصور آفاق ۔ غزل نمبر 589

ہوتے مرے بھی خال و خد، آئینہ دیکھتا مجھے

سنگِ جہاں نزاد ہوں ، کوئی تراشتا مجھے

کشفِ وصال و ہجر میں کیسا شعورِ ذات ہے

عشق کہے میں کون ہوں حسن کہے وفا مجھے

اس کے خرامِ ناز پر کوئی چراغ کیا جلا

شب کے نگار خانے میں بادِ صبا لگا مجھے

لکھی غزل ہے میر نے میرے چُرا چُرا کے خواب

غالبِ خستہ حال نے بارِ دگر کہا مجھے

قریہء ماہ تاب تک چھان کے آ گیا ہوں میں

منزلِ وصل کے لیے اتنا نہ اب پھرا مجھے

اس کو حیات بخش دی، مہر منیر ہو گیا

شاخِ صلیبِ شام پر جس نے کہا خدا مجھے

جانا جہاں تھا اس طرف اپنی ازل سے پیٹھ ہے

چلنا ابد تلک پڑا یوں ہی بے فائدہ مجھے

کتنے ہزار سال سے تجھ کو منا رہا ہوں میں

میرے قریب بیٹھ کر تُو بھی کبھی منا مجھے

مجھ سے ترا فروغ کن مجھ سے ہے گردشِ فلک

میرا مقام و مرتبہ، پستی نہیں ، اٹھا مجھے

میرے علاوہ اور بھی کچھ ہے ترے خیال میں

میرے مزاج آشنا! تجھ سے یہی گلہ مجھے

ٹوٹ کے شاخِ سبز سے دشت ستم خرام میں

لکھنا ہے گرم ریت پر پھولوں کا مرثیہ مجھے

میں نے کہا کہ آنکھ میں دھند بھری ہے رنگ کی

اس کے مہیں لباس پر کرنا تھا تبصرہ مجھے

خیمۂ کائنات کی ٹوٹی ہوئی طناب کو

حرف صدائے کن بتا، کیسے ہے تھامنا مجھے

اس کی طلب کے حکم پر رہنا جہاں پڑا مجھے

لوگ برے برے لگے شہر خراب سا مجھے

میرا طلسم جسم بس میرے محاصرے میں ہے

اپنے نواحِ ذات میں کھینچ دیا گیا مجھے

ایک کرن شعور کی، ایک بہار نور کی

اپنے چراغِ طور کی بخش کوئی چتا مجھے

مجھ سے بڑا کوئی نہیں ‘ رات کے اک چراغ نے

کھنچی ہوئی لکیر میں رہ کے یہی کہا مجھے

آمدِ یار کے لیے جمع چراغِ چشم ہیں

کھینچنا ہے گلی گلی نور کا حاشیہ مجھے

پاؤں میں ہے غبارِ رہ، آنکھ میں منظرِ سیہ

دل ہے مرا طلب کدہ کوئی دیا دکھا مجھے

اس کے وجودِ سنگ میں دل ہی نہیں رکھا گیا

پھر بھی گماں یہی کہ ہے دل پہ لکھا ہوا مجھے

کوئی نہیں بتا سکا کیسے جیوں ترے بغیر

دیتا تمام شہر ہے، جینے کا مشورہ مجھے

رستہ تھا روشنی بکف، گھر تھا چمن بنا ہوا

تیرے مگر فراق کے دکھ نے جگا دیا مجھے

میرا وہاں ہے آسماں تیری جہاں ہیں پستیاں

میرے بدن پہ پاؤں رکھ، قوس قزح بنا مجھے

کہتی ہے داستانِ نور، آ کے سیہ لباس میں

مرتے ہوئے دیار کی بجھتی ہوئی چتا مجھے

سنگ صفت دیار کی شام سیہ نصیب میں

چھوٹے سے اس مکان کا کتنا ہے آسرا مجھے

مستی سے بھر، ترنگ دے، دل کو کوئی امنگ دے

اپنے بدن کا رنگ دے، خود سے ذرا ملا مجھے

منصور آفاق

جو چاہتے تو اسے جاں سے مار سکتے تھے

دسمبر 1, 2007منصور آفاق،شعراء،غزلہار،ہزار،مار،وار،وسار،اتار،سنوارadmin

منصور آفاق ۔ غزل نمبر 588

یہ عمر جیل کے اندر گزار سکتے تھے

جو چاہتے تو اسے جاں سے مار سکتے تھے

یہ اور بات کہ راتیں رہی ہیں ہم بستر

ہم اپنے ہاتھ پہ سورج اتار سکتے تھے

بہت تھے کام کسی ڈاٹ کام پر ورنہ

غزل کی زلفِ پریشاں سنوار سکتے تھے

وہ ایک کام جو ممکن تھا رہ گیا افسوس

جو ایک جاں تھی اسے تجھ پہ وار سکتے تھے

ہمیشہ ربط کے پندار کا بھرم رکھا

صباحتِ لب و رخ تو وسار سکتے تھے

یہ بار بند نہ ہوتا تو ہم شرابی لوگ

تمام رات کسینو میں ہار سکتے تھے

کسی سے کی تھی محبت کی بات کیا منصور

کہ ایک مصرعے میں جیسے ہزار سکتے تھے

منصور آفاق

شجر شاخوں کے پر کھولے ہوئے تھے

دسمبر 1, 2007منصور آفاق،شعراء،غزلقطرے،لکھے،کواڑکھڑے،کھولے،پگھلے،اٹھے،بیٹھے،بھولے،بھٹکے،تولے،جلسے،جھگڑے،سہمےadmin

منصور آفاق ۔ غزل نمبر 587

وہ صحرا میں سفر روکے ہوئے تھے

شجر شاخوں کے پر کھولے ہوئے تھے

ہم ایسے تھے سمندر میں بھی موتی

گراں قیمت ہمی قطرے ہوئے تھے

بڑی تقریر کی تھی زندگی نے

خلافِ مرگ کچھ جلسے ہوئے تھے

مجھے کیوں دیکھتے تھے بے رخی سے

گلی میں لوگ جو بیٹھے ہوئے تھے

ہمیں تحریر تھے موجوں کے اوپر

چٹانوں پر ہمی لکھے ہوئے تھے

اُدھر عزت کسی کی لٹ رہی تھی

اِدھر دستِ دعا اٹھے ہوئے تھے

کہاں آنکھیں اکیلی رو رہی تھیں

وہاں پتھر کئی پگھلے ہوئے تھے

شہیدوں کی قطاریں لگ گئی تھیں

خدا کے نام پر جھگڑے ہوئے تھے

لگا تھا ایک دروازے پہ تالا

مگر اس کے کواڑکھڑے ہوئے تھے

نہ تھا پروازِ جاں کا اذن لیکن

پرندے اپنے پر تولے ہوئے تھے

کوئی پرہول منظر تاک میں تھا

کبوتر کس لئے سہمے ہوئے تھے

اٹھائے پھرتے تھے ہم ساتھ منزل

ازل کی شام کے بھٹکے ہوئے تھے

ہوا کے اونٹ پر منصورمیں تھا

تھلوں کے راستے بھولے ہوئے تھے

منصور آفاق

پلٹ کے ہم جو گئے توگلیوں میں چاند تارے پڑے ہوئے تھے

دسمبر 1, 2007منصور آفاق،شعراء،غزللڑے،چڑھے،گھڑے،پڑے،بڑے،جھڑےadmin

منصور آفاق ۔ غزل نمبر 586

گئی رتوں کے جو ہمسفر تھے چراغ لے کر کھڑے ہوئے تھے

پلٹ کے ہم جو گئے توگلیوں میں چاند تارے پڑے ہوئے تھے

اداس کتنا وہی مکاں تھاخود آپ گزروں کی داستاں تھا

بڑے بڑوں کی کہانیاں ہم جہاں پہ سن کر بڑے ہوئے تھے

جہاں جہاں سے گزر رہا تھا خزاں کی باچھیں کھلی ہوئی تھی

مرے نظر کے شجر برہنہ تھے مردہ پتے جھڑے ہوئے تھے

یہ کیسے ممکن تھا ساتھ چلتے ،یہ کیسے ممکن رات ڈھلتی

انہیں چراغوں سے بیر ساتھامجھے اندھیرے لڑے ہوئے تھے

جو عمر میں نے بسر نہیں کی، سنائی دیتی تھی ہر گلی سے

کئی فسانے بنے ہوئے تھے ہزار قصے گھڑے ہوئے تھے

وہیں پہ راتوں پچھلے پہروں خدا سے ہوتی تھی گفتگو بھی

وہ ایک کمرہ کہ جس کی چھت پرتنے شجر کے چڑھے ہوئے تھے

منصور آفاق

آئینہ خانے میں سوبر تو کئی تھے

دسمبر 1, 2007منصور آفاق،شعراء،غزلمنبر،نمبر،چیمبر،پیمبر،امبر،بھر،بر،دسمبر،سوبرadmin

منصور آفاق ۔ غزل نمبر 585

بزمِ مے نوشاں کے ممبر تو کئی تھے

آئینہ خانے میں سوبر تو کئی تھے

دل ہی کچھ کرنے پہ آمادہ نہیں تھا

ڈائری میں فون نمبر تو کئی تھے

میں نے بچپن میں کوئی وعدہ کیا تھا

ورنہ گاؤں میں حسیں بر تو کئی تھے

صبح تنہائی تھی اور خالی گلاس

ہم زباں ہم رقص شب بھر تو کئی تھے

تیرے آتش دان کی رُت ہی نہیں تھی

لمس کے دھکے دسمبر تو کئی تھے

ایک اک کمرے میں بستر موت کا تھا

آس کی بلڈنگ میں چیمبر تو کئی تھے

گیسوئوں کے آبشار آنکھوں کی جھیلیں

ہم پکھی واسوں کے امبر تو کئی تھے

خاک کا الہام تنہا ایک تُو تھا

آسمانوں کے پیمبر تو کئی تھے

شہر میں منصور بس کوئی نہیں تھا

رونقِ محراب و منبر تو کئی تھے

منصور آفاق

لیکن نہ میرے ہاتھ کوئی پنکھڑی لگے

دسمبر 1, 2007منصور آفاق،شعراء،غزلہتھکڑی،لومڑی،لڑی،کھوپڑی،پنکھڑی،جھوپڑیadmin

منصور آفاق ۔ غزل نمبر 584

باغِ جہاں میں لالہ و گل کی جھڑی لگے

لیکن نہ میرے ہاتھ کوئی پنکھڑی لگے

ہوتی مکین سے ہے مکانوں کی اہمیت

اُس کا نیا محل بھی مجھے جھوپڑی لگے

جو خواب میں دکھائی دے پچھلے سمے مجھے

اس کے بریدہ دھڑ پہ کوئی کھوپڑی لگے

عیار ہی نہیں ہے وہ دلدار نازنیں

کچھ شکل سے بھی رنگ بھری لومڑی لگے

میری گلی میں ہوکوئی تازہ کہکشاں

دوچار قمقموں کی اِ دھر بھی لڑی لگے

ہوتے ہیں بس غریب گرفتار آئے دن

منصور اہلِ زر کو کبھی ہتھکڑی لگے

منصور آفاق

جیسے موٹر وے کی سروس پر کچھ دیر رکے

دسمبر 1, 2007منصور آفاق،شعراء،غزلمنظر،نظر،گزر،پر،باہر،صرصرadmin

منصور آفاق ۔ غزل نمبر 583

گھونٹ بھرا چائے کا تیرے گھر کچھ دیر رکے

جیسے موٹر وے کی سروس پر کچھ دیر رکے

حیرانی سے لوگ بھی دیکھیں میری آنکھ کے ساتھ

کیمرہ لے کے آتا ہوں … منظر کچھ دیر رکے

اتنی رات گئے تک کس ماں کے پہلو میں تھا

کتے کا بچہ اور اب باہر کچھ دیر رکے

کیسی کیسی منزل ہجرت کرتی آتی ہے

دیس سے آنے والی راہ گزر کچھ دیر رکے

چاروں طرف بس خاموشی کی چاپ سنائی دے

یہ لاکھوں سال پرانی صرصر کچھ دیر رکے

وہ منصور کبھی تو اتنی دیر میسر ہو

اس کی جانب اٹھے اور نظر کچھ دیر رکے

منصور آفاق

بدل رہے تھے تسلسل سے رنگ رنگوں کے

دسمبر 1, 2007منصور آفاق،شعراء،غزلملنگ،ڈھنگ،پلنگ،ترنگ،رنگ،شنگadmin

منصور آفاق ۔ غزل نمبر 582

ٹہل رہا تھا کوئی سنگ سنگ رنگوں کے

بدل رہے تھے تسلسل سے رنگ رنگوں کے

وہ آسمان پہ شامِ وصال پھرتی ہے

بچھے ہیں قوسِ قزح پہ پلنگ رنگوں کے

اتر نہ جائے درختوں سے گل رتوں کی شال

پہن لے کپڑے ذرا شوخ و شنگ رنگوں کے

تری گلی سے نکلتے نہیں ہیں جانِ بہار

فقیر عارضِ گل کے ملنگ رنگوں کے

مٹا رہی ہے پہاڑوں سے خامشی کے داغ

بجا رہی ہے ندی جل ترنگ رنگوں کے

تری مہک سے بڑھاتے ہیں اپنی توقیریں

میں جانتا ہوں سبھی رنگ ڈھنگ رنگوں کے

منصور آفاق

دھار گرتی تھی تو رہ جاتی تھی قلفی بن کے

دسمبر 1, 2007منصور آفاق،شعراء،غزلفوجی،قلفی،ماضی،آندھی،بلندی،بستی،تتلی،تسلی،خرابی،خشکی،سختی،طبریadmin

منصور آفاق ۔ غزل نمبر 581

اون بھیڑوں کی فقط ساتھ تھی گرمی بن کے

دھار گرتی تھی تو رہ جاتی تھی قلفی بن کے

شب زدوں کیلئے کرنوں بھری نظمیں لکھوں

ظالموں سے میں لڑوں دیس کا فوجی بن کے

کرچیاں شہر میں اڑتی ہوئی دیکھوں اس کی

جو مجھے دیکھتا پھرتا تھا بلندی بن کے

گفتگو اس کی ترو تازہ مجھے رکھتی ہے

ملنے آتی ہے ہمیشہ وہ تسلی بن کے

شہر میں پھرتا ہے دھیما سا وہی گرد و غبار

جو گزر آیا ہے صحراؤں سے آندھی بن کے

کوئی سمجھائے اسے چھوڑ دے پیچھا میرا

روز آجاتی ہے قسمت کی جو سختی بن کے

ڈوبتے جاتے ہیں پانی کے تلاطم مجھ میں

پھیلتا جاتا ہوں دریاؤں میں خشکی بن کے

طے شدہ وقت پہ ہر روز جگا دیتا ہے

مجھ میں موجود ہے گھڑیال خرابی بن کے

ڈھونڈے ماخد ہیں کئی قبروں کے کتبے پڑھ کر

یعنی تاریخ لکھی عہد کی طبری بن کے

میری بربادی کی سامان کئے جاتے ہیں

دیکھتا رہتا ہوں لوگوں کو میں بستی بن کے

ان میں کتنے ہیں جو آئندہ بھی ہونگے موجود

دفن مٹی میں ہوئے لوگ جو ماضی بن کے

جس کے رنگوں سے جلے قوسِ قزح بھی منصور

کرتی ہے میرا تعاقب وہی تتلی بن کے

منصور آفاق

پھر اس کے بعد زمانوں کو روند چل چل کے

دسمبر 1, 2007منصور آفاق،شعراء،غزلہل،مل،مچل،ماحصل،محل،چل،ڈھل،کنول،پگھل،ابل،ازل،بل،جل،خلل،سنبھل،عمل،غزلadmin

منصور آفاق ۔ غزل نمبر 580

تُو پہلے لوح پہ لکھا ہوا بدل چل کے

پھر اس کے بعد زمانوں کو روند چل چل کے

اکیلا دیکھ کے تالاب کے کنارے پر

تسلی دینے مجھے آ گیا کنول چل کے

مجھے دکھا نہ دہکتے ہوئے پہر کا جلال

جا اپنی شام کی عبرت سرا میں ڈھل چل کے

صداؤں سے وہ سفینہ پلٹ نہیں سکتا

اِسی جزیرہ وحشت میں ہاتھ مل چل کے

نکال دشتِ تعلق سے اپنی تنہائی

کسی حبیب کے گھر جا، ذرا سنبھل چل کے

وہ سنگ زاد پگھلتا نہیں مگر پھر بھی

اسے سنا کوئی جلتی ہوئی غزل چل کے

طلوعِ حسن کی ساعت پہ تبصرہ کیا ہو

نکل رہا ہے کوئی آسماں کے بل چل کے

مزاجِ خانہء درویش کو خراب نہ کر

چراغ! اپنے حریمِ حرم میں جل چل کے

فسادِ خلقِ خدا پہ امید صبحوں کی

بغاوتوں کی کرن ہیں تماشے ہلچل کے

رکی ہے چرخ کی چرخی کسی خرابی سے

نکال وقت کے پہیے سے اب خلل چل کے

مثالِ تیر لپکتے ہوئے تعاقب میں

ابد میں ہو گیا پیوست خود ازل چل کے

اب اس کے بعد کہانی ترے کرم کی ہے

خود آ گیا ہے یہاں تک تو بے عمل چل کے

ندی کی پیاس بجھا ریت کے سمندر سے

کسی پہاڑ کی چوٹی سے پھر ابل چل کے

سنا ہے کھڑکیاں کھلتی ہیں چاند راتوں میں

کسی کو دیکھ مرے دل، کہیں مچل چل کے

مجھے بھی آتے دنوں کا شعور حاصل ہو

پڑھوں کہیں پہ گذشتہ کا ماحصل چل کے

بس ایک فون کی گھنٹی، بس ایک ڈور کی بیل

کسی کی آگ میں پتھر بدن !پگھل چل کے

عجب ہے حسنِ تناسب کی داستاں منصور

بنا ہے ‘ تاج محل‘ موت کا محل چل کے

منصور آفاق

میں جا رہا ہوں گلی سے معانقہ کر کے

دسمبر 1, 2007منصور آفاق،شعراء،غزلفاصلہ،معانقہ،گلہ،باولا،حوصلہadmin

منصور آفاق ۔ غزل نمبر 579

یہ مارکر سے لکھا گیٹ پر بڑا کر کے

میں جا رہا ہوں گلی سے معانقہ کر کے

تُو زود رنج ہے لیکن برا نہیں دل کا

فریب دیتا ہوں خود کو ترا گلہ کر کے

میں کیا بتاؤں شبِ التفات کا قصہ

گلی میں چھوڑ دیا اس نے باولا کر کے

میں فلم کا کوئی ہیرو نہیں مگر اس کو

بھلا دیا ہے قیامت کا حوصلہ کر کے

سپیڈ میں نے بڑھا دی ہے کار کی منصور

قریب ہونے لگی تھی وہ فاصلہ کر کے

منصور آفاق

اس نے بچھا دی ریت پہ اجرک اتار کے

دسمبر 1, 2007منصور آفاق،شعراء،غزلمبارک،ڈھولک،کالک،گاہک،ٹھنڈک،پھاٹک،اجرک،دستک،شک،عینکadmin

منصور آفاق ۔ غزل نمبر 578

پھر شام دشت روح و بدن تک اتار کے

اس نے بچھا دی ریت پہ اجرک اتار کے

کس نے نمازیوں کو بلانے سے پیش تر

رکھا زمیں پہ عرش کا پھاٹک اتار کے

پھرتی ہے رات ایک دیے کی تلاش میں

باہر نہ جانا چہرے سے کالک اتار کے

کرتی ہیں مجھ سے اگلے جہاں کا مکالمہ

آنکھیں میرے دماغ میں اک شک اتار کے

صدیوں سے دیکھ دیکھ کے شامِ زوال کو

رکھ دی ہے میں نے میز پہ عینک اتار کے

بے رحم انتظار نے آنکھوں میں ڈال دی

دروازے پر جمی ہوئی دستک اتار کے

دیوار پہ لگی ہوئی تصویر یار کی

اک لے گیا دوکان سے گاہک اتار کے

گلیوں میں سرد رات اکیلی تو ہونی تھی

میری اداس روح میں ٹھنڈک اتار کے

بستی میں آ گئے ہیں آخر جنابِ قیس

صحرا میں اپنے نقشِ مبارک اتار کے

منصور کیا ہوا ہے تعلق کے شہر کی

دل نے پہن لی خامشی ڈھولک اتار کے

منصور آفاق

زندگی ساتھ چل محبت کے

دسمبر 1, 2007منصور آفاق،شعراء،غزلمحل،چل،نکل،کنول،بدل،عمل،غزلadmin

منصور آفاق ۔ غزل نمبر 577

پاس ہیں چار پل محبت کے

زندگی ساتھ چل محبت کے

نت نئے دائرے بناتے ہیں

پانیوں میں کنول محبت کے

کیسے کیسے گلاب کھلتے ہیں

کیا ہیں سندر عمل محبت کے

شاہزادی نکلنے والی ہے

سج چکے ہیں محل محبت کے

جب بھی نروان کے سفر پہ نکل

داغ لے کے نکل محبت کے

یہی خونِ جگرکا حاصل ہے

ہے لبوں پر غزل محبت کے

اب کہانی کو موڑ دے منصور

زاویے کچھ بدل محبت کے

منصور آفاق

دکھائی دے رہے ہیں پھر نئے منظر محبت کے

دسمبر 1, 2007منصور آفاق،شعراء،غزلمنظر،چکر،ور،پتھر،اندرadmin

منصور آفاق ۔ غزل نمبر 576

کسی گل پوش بنگلے میں کھلے ہیں در محبت کے

دکھائی دے رہے ہیں پھر نئے منظر محبت کے

انگیٹھی پر سجا رکھا ہے جن کو اُس گلی کے ہیں

کئے ہیں جمع برسوں میں یہی پتھر محبت کے

سدا رختِ سفر کی ہے گراں باری پہاڑوں پر

گلے میں طوق غم کے پاؤں میں چکر محبت کے

ابھی کچھ دیر دیکھوں گا ابھی کچھ دیر سوچوں گا

مسائل ہیں کئی مجھ کو ، کئی ہیں ڈر محبت کے

مجھے منصور پہلا تجربہ ہے تبصرہ کیا ہو

کئی حیرت بھرے موسم ملے اندر محبت کے

منصور آفاق

رکھ دیں ترے فراق نے آنکھیں اجاڑ کے

دسمبر 1, 2007منصور آفاق،شعراء،غزلکباڑ،پہاڑ،پھاڑ،اجاڑ،بگاڑ،باڑ،دراڑadmin

منصور آفاق ۔ غزل نمبر 575

پتھر کے رتجگے میری پلکوں میں گاڑ کے

رکھ دیں ترے فراق نے آنکھیں اجاڑ کے

اتنی کوئی زیادہ مسافت نہیں مگر

مشکل مزاج ہوتے ہیں رستے پہاڑ کے

آنکھوں سے خدو خال نکالے نہ جا سکے

ہر چند پھینک دی تری تصویر پھاڑ کے

یہ بھولپن نہیں ہے کہ سورج کے آس پاس

رکھے گئے ہیں دائرے کانٹوں کی باڑ کے

مٹی میں مل گئی ہے تمنا ملاپ کی

کچھ اور گر پڑے ہیں کنارے دراڑ کے

بے مہر موسموں کو نہیں جانتا ابھی

خوش ہے جو سائباں سے تعلق بگاڑ کے

دو چار دن لکھی تھی جدائی کی سرگزشت

منصور ڈھیر لگ گئے گھر میں کباڑ کے

منصور آفاق

میرا کمرہ کرے سخن کس کے

دسمبر 1, 2007منصور آفاق،شعراء،غزلمفلس،ملوث،مجلس،نرگس،کس،پیرس،پارس،جس،حوادثadmin

منصور آفاق ۔ غزل نمبر 574

کون درزوں سے آئے رس رس کے

میرا کمرہ کرے سخن کس کے

میں گلی میں سلگتا پھرتا ہوں

جل رہے ہیں چراغ مجلس کے

بازوئوں پر طلوع ہوتے ہی

کٹ گئے دونوں ہاتھ مفلس کے

کیا ہے میک اپ زدہ طوائف میں

جز ترے کیا ہیں رنگ پیرس کے

میں بھی شاید مُہِنجو داڑو ہوں

اب بھی سر بند راز ہیں جس کے

متحرک ہیں غم کی تصویریں

چل رہے ہیں بدن حوادث کے

دیکھ چھو لے مجھے ذرا اے دوست

دیکھنا پھر کرشمے پارس کے

وقت کے ساتھ میرے سینے پر

بڑھتے جاتے ہیں داغ نرگس کے

تم سمجھ ہی کہاں سکے منصور

مسئلے عشق میں ملوث کے

بنامِ میر

منصور آفاق

سلسلے عرش تلک حسنِ پذیرائی کے

دسمبر 1, 2007منصور آفاق،شعراء،غزلمسیحائی،پذیرائی،آرائی،بینائی،تنہائی،شناسائی،شکیبائیadmin

منصور آفاق ۔ غزل نمبر 573

وہ تعلق ہیں زمیں زاد سے دانائی کے

سلسلے عرش تلک حسنِ پذیرائی کے

میرے سینے سے بھی دھڑکن کی صدا اٹھی تھی

اس کی آنکھوں میں بھی تھے عکس شناسائی کے

حرف نے باندھ رکھا ہے کوئی پاؤں سے سروش

مجھ پہ ہیں کشفِ مسلسل سخن آرائی کے

بادلوں سے بھی ٹپکتی ہیں لہو کی بوندیں

دیکھ لو چارہ گرو زخم مسیحائی کے

سیٹیاں بجتی ہیں بس کان میں سناٹوں کی

رابطے مجھ سے زیادہ نہیں تنہائی کے

روشنی اتنی چراغِ لب و رخ سے نکلی

ختم یک لخت ہوئے سلسلے بینائی کے

آخرش میں نے بھی تلوار اٹھا لی منصور

حوصلہ ختم ہوئے میری شکیبائی کے

منصور آفاق

پلکیں سفید کر گئے دو پل ملال کے

دسمبر 1, 2007منصور آفاق،شعراء،غزلملال،نکال،وصال،کمال،کھال،اچھال،اجال،بھال،تھال،سنبھال،سال،شالadmin

منصور آفاق ۔ غزل نمبر 572

ہجراں کے بے کنار جہنم میں ڈال کے

پلکیں سفید کر گئے دو پل ملال کے

میں آنکھ کی دراز میں کرتا ہوں کچھ تلاش

گہرے سیاہ بلب سے منظر اجال کے

دفنا نہیں سکا میں ابھی تک زمین میں

کچھ روڈ پر مرے ہوئے دن پچھلے سال کے

بستر پہ کروٹوں بھری شکنوں کے درمیاں

موتی گرے پڑے ہیں تری سرخ شال کے

تصویر میں نے اپنی سجا دی ہے میز پر

باہر فریم سے ترا فوٹو نکال کے

پازیب کے خرام کی قوسیں تھیں پاؤں میں

کتھک کیا تھا اس نے کناروں پہ تھال کے

اڑنے دے ریت چشمِ تمنا میں دشت کی

رکھا ہوا ہے دل میں سمندر سنبھال کے

سر پہ سجا لیے ہیں پرندوں کے بال و پر

جوتے پہن لیے ہیں درندوں کی کھال کے

آنکھوں تلک پہنچ گئی، دلدل تو کیا کروں

رکھا تھا پاؤں میں نے بہت دیکھ بھال کے

حیرت فزا سکوت ہے دریائے ذات پر

آبِ رواں پہ اترے پرندے کمال کے

میں سن رہا ہوں زرد اداسی کی تیز چاپ

جھڑنے لگے ہیں پیڑ سے پتے وصال کے

منصور راکھ ہونے سے پہلے فراق میں

سورج بجھانے والا ہوں پانی اچھال کے

منصور آفاق

کچھ گھوم پھر رہے ہیں سٹیچو لباس کے

دسمبر 1, 2007منصور آفاق،شعراء،غزلقیاس،لباس،کراس،گلاس،گھاس،پیاس،پاسadmin

منصور آفاق ۔ غزل نمبر 571

کچھ ہڈیاں پڑی ہوئی، کچھ ڈھیر ماس کے

کچھ گھوم پھر رہے ہیں سٹیچو لباس کے

فٹ پاتھ بھی درست نہیں مال روڈ کا

ٹوٹے ہوئے ہیں بلب بھی چیرنگ کراس کے

پھر ہینگ اوور ایک تجھے رات سے ملا

پھر پاؤں میں سفر وہی صحرا کی پیاس کے

ہنگامہء شراب کی صبحِ خراب سے

اچھے تعلقات ہیں ٹوٹے گلاس کے

کیوں شور ہو رہا ہے مرے گرد و پیش میں

کیا لوگ کہہ رہے ہیں مرے آس پاس کے

صحراکا حسن لے گئے مجنون کے نقشِ پا

پیوند لگ چکے ہیں وہاں سبز گھاس کے

منصوربس یقین کی گلیاں ہیں اور میں

دروازے بند ہوچلے وہم و قیاس کے

منصور آفاق

شاعرو! اونچے گھروں میں رتجگے کس کام کے

دسمبر 1, 2007منصور آفاق،شعراء،غزلنام،کام،آم،بادام،خوشگام،شامadmin

منصور آفاق ۔ غزل نمبر 570

رات بھر نازل ہوں فٹ پاتھوں پہ چاند الہام کے

شاعرو! اونچے گھروں میں رتجگے کس کام کے

خواب گہ میں ایک آتش دان روشن تھا مگر

سرد لمحے کانپتے تھے جنوری کی شام کے

بانس کے کمرے میں دھڑکن بج رہی تھی گیت کی

لان میں چپ برف اوڑھے پیڑ تھے بادام کے

قید ہیں کتنے برس سے جانتا کوئی نہیں

دکھ کی غاروں میں مسافر منزلِ خوشگام کے

بن گئے اپنی محبت کی وہ شریں یادگار

جو نواحِ کوچہ ء گل میں شجر تھے آم کے

اپنا کیا تھا کس لئے ہوتے خدا کے ہم نفس

اپنے تو منصور سے بھی رابطے تھے نام کے

منصور آفاق

پتھرا گئے ہیں فلم میں منظر پڑے پڑے

دسمبر 1, 2007منصور آفاق،شعراء،غزلمنظر،پتھر،پر،اندر،بھر،بستر،سمندرadmin

منصور آفاق ۔ غزل نمبر 569

اک سین دیکھتے ہیں زمیں پر پڑے پڑے

پتھرا گئے ہیں فلم میں منظر پڑے پڑے

کیسا ہے کائنات کی تہذیبِ کُن کا آرٹ

شکلیں بدلتے رہتے ہیں پتھر پڑے پڑے

اے زلفِ سایہ دار تری دوپہر کی خیر

جلتا رہا ہوں چھاؤں میں دن بھر پڑے پڑے

ویراں کدے میں جھانکتے کیا ہو نگاہ کے

صحرا سا ہو گیا ہے سمندر پڑے پڑے

سوچا تھا منتظر ہے مرا کون شہر میں

دیکھا تو شام ہو گئی گھر پر، پڑے پڑے

شکنوں کے انتظار میں اے کھڑکیوں کی یار

بوسیدہ ہو گیا مرا بستر پڑے پڑے

منصور کوئی ذات کا تابوت کھول دے

میں مر رہا ہوں اپنے ہی اندر پڑے پڑے

منصور آفاق

یہ کہاں تک آ گئے ہیں ساتھ چل کے آئینے

دسمبر 1, 2007منصور آفاق،شعراء،غزلہل،چل،نکل،چھل،ڈھل،پگھل،بدل،سنبھلadmin

منصور آفاق ۔ غزل نمبر 568

دیکھتا ہوں خواب میں تیرے محل کے آئینے

یہ کہاں تک آ گئے ہیں ساتھ چل کے آئینے

میں نے دیواروں پہ تیری شکل کیا تصویر کی

آ گئے کمرے میں آنکھوں سے نکل کے آئینے

آدمی نے اپنی صورت پر تراشے دیوتا

آپ اپنی ہی عبادت کی، بدل کے آئینے

ساڑھی کے شیشوں میں میرا لمسِ تازہ دیکھ کر

تیرے شانوں سے نظر کے ساتھ ڈھلکے آئینے

آخری نقطے تلک دیکھا تھا اپنی آنکھ میں

اور پھر دھندلا گئے تھے ہلکے ہلکے آئینے

ایک سورج ہے ترے مد مقابل آج رات

دیکھ اس کو دیکھ لیکن کچھ سنبھل کے آئینے

سینہء شب میں حرارت تھی کچھ اتنی چاند کی

پارہ پارہ ہو گئے ہیں دو پگھل کے آئینے

پھر برہنہ شخصیت ہونے لگی دونوں طرف

جب شرابوں سے بھرے کچھ دیر چھلکے آئینے

منصور آفاق

فلک پہ تارے زمیں پہ درخت کون گنے

دسمبر 1, 2007منصور آفاق،شعراء،غزلوتحت،وخت،خت،درخت،رخت،سختadmin

منصور آفاق ۔ غزل نمبر 567

ملالِ عمر! ترا لخت لخت کون گنے

فلک پہ تارے زمیں پہ درخت کون گنے

شمار ہوتا اگرسلطنت کہیں ہوتی

میوزیم میں پڑے تاج وتحت کون گنے

انہیں کتابوں میں رکھو عدالتوں کیلئے

یہ بے نفاذ قوانینِ سخت کون گنے

مجھے تو عارض و لب کا حساب رکھناتھا

یہ خوبروں کے لہجے کر خت کون گنے

جو پاس ہے وہی رستے کا بس اثاثہ ہے

جو کھو گیا ہے اسے سازو رخت کون گنے

طلوع ہوتے نصیبوں کا دور ہے منصور

غروب ہوتے ہوئے بخت وخت کون گنے

منصور آفاق

بوند بوند بکھرے تھے جسم پر خیال اپنے

دسمبر 1, 2007منصور آفاق،شعراء،غزللال،ملال،جمال،خیال،سالadmin

منصور آفاق ۔ غزل نمبر 566

وہ لپیٹ کر نکلی تولیے میں بال اپنے

بوند بوند بکھرے تھے جسم پر خیال اپنے

درد کے پرندوں کو آنکھ سے رہائی دی

آخرش وہ دن آیا رو پڑے ملال اپنے

یہ صدا سنائی دے کوئلے کی کانوں سے

زندگی کے چولھے میں جل رہے ہیں سال اپنے

دیکھ دستِ جانانہ ! کھلنے کی تمنا میں

جینز کے اٹیچی میں بند ہیں جمال اپنے

قتل تو ڈرامے کا ایکٹ تھا کوئی منصور

کس لیے لہو سے ہیں دونوں ہاتھ لال اپنے

منصور آفاق

چلے فلم کوئی وصال کی دلِ ہجر مند کے سامنے

دسمبر 1, 2007منصور آفاق،شعراء،غزلمند،وند،کمند،پسند،بلندadmin

منصور آفاق ۔ غزل نمبر 565

کوئی نرم نرم سی آگ رکھ مرے بند بند کے سامنے

چلے فلم کوئی وصال کی دلِ ہجر مند کے سامنے

یہ عمل ومل کے کمال چپ، یہ ہنروری کے جمال چپ

یہ ہزار گن سے بھرے ہیں کیا، ترے بھاگ وند کے سامنے

کھلی کھڑکیوں کے فلیٹ سے ذرا جھانک شام کو روڈ پر

ترے انتظار کی منزلیں ہیں مری کمند کے سامنے

کئی ڈاٹ کام نصیب تھے جسے زینہ زنیہ معاش کے

وہ منارہ ریت کا دیوتا تھا اجل پسند کے سامنے

ابھی اور پھینک ہزار بم، مرے زخم زخم پہاڑ پر

کوئی حیثیت نہیں موت کی، کسی سر بلند کے سامنے

منصور آفاق

یہ اسرارِ نیاز و ناز تم جانو یا وہ جانے

دسمبر 1, 2007منصور آفاق،شعراء،غزلناز،پرواز،انداز،آواز،اعجاز،سازadmin

منصور آفاق ۔ غزل نمبر 564

زمیں و آسماں کے راز تم جانو یا وہ جانے

یہ اسرارِ نیاز و ناز تم جانو یا وہ جانے

ہمارا کام ہے آقا فقط جلوئوں میں کھو جانا

چھیڑا کیوں زندگی کا ساز تم جانو یا وہ جانے

تکلم اب خموشی کا گریباں گیر کب ہو گا

جہاں ہے گوش بر آواز تم جانو یا وہ جانے

بدن کو بعد لیکن ہر نفس معراج کا حامل

فراق و وصل کے انداز تم جانو یا وہ جانے

ضمیرِکن فکاں سے ایسے عقدے حل نہیں ہوتے

خود اپنی قوتِ پرواز تم جانو یا وہ جانے

وصالِ نور کاقصہ ہم اہل طور کیا جانیں

حدِ قوسین کا اعجاز تم جانو یا وہ جانے

منصور آفاق

اسے بھی چھوڑ دیا شہر کی طرح میں نے

دسمبر 1, 2007منصور آفاق،شعراء،غزلقہر،لہر،نفر،دوپہر،زہر،شہرadmin

منصور آفاق ۔ غزل نمبر 563

سلوک خود سے کیا دھر کی طرح میں نے

اسے بھی چھوڑ دیا شہر کی طرح میں نے

گزار دی ہے طلب کی سلگتی گلیوں میں

تمام زندگی دوپہر کی طرح میں نے

اُس ایک لفظ سے نیلاہٹیں ابھرآئی

اتار دل میں لیا زہر کی طرح میں نے

بسر کیا ہے جدائی کی تلخ راتوں میں

اسے بھی مرگ نما قہر کی طرح میں نے

وہ بند توڑنے والا تھا ، چشمۂ احساس

بہا دیا ہے کسی نہر کی طرح میں نے

وہ چل رہی تھی سمندرکی ریت پر منصور

جسے سمیٹ لیا لہر کی طرح میں نے

منصور آفاق

بنایا خاص کسی عام کو ترے غم نے

دسمبر 1, 2007منصور آفاق،شعراء،غزلنام،کام،الزام،بام،شام،عامadmin

منصور آفاق ۔ غزل نمبر 562

خراب و خستہ و ناکام کو ترے غم نے

بنایا خاص کسی عام کو ترے غم نے

یہ جانتا ہی نہیں ہے فراق کے آداب

لگا دی آگ درو بام کو ترے غم نے

کھلے ہوئے ہیں درختوں کے بال وحشت سے

رلا دیا ہے عجب شام کو ترے غم نے

میں آنسوئوں کے گہر ڈھونڈتا تھا پہلے بھی

بڑھایا اور مرے کام کو ترے غم نے

بنا دیا ہے جہاں بھر میں معتبر کیا کیا

مجھ ایسے شاعرِ بے نام کو ترے غم نے

بدل دیا ہے یقیں کے گمان میں منصور

فروغِ ہجر کے الزام کو ترے غم نے

منصور آفاق

فکر و نظر تک چھین لئے ہیں رحمتِکل کے قہرو غضب نے

دسمبر 1, 2007منصور آفاق،شعراء،غزلسب،شب،طرب،عرب،غضبadmin

منصور آفاق ۔ غزل نمبر 561

جانے کیسے جرم کئے ہیں اِس امتِ تجدید طلب نے

فکر و نظر تک چھین لئے ہیں رحمتِکل کے قہرو غضب نے

اپنے غم کے ساتھ جہاں کے دکھ بھی پیش کئے ہیں میں نے

بے شک دل تحریر کئے ہیں اپنی اپنی نعت میں سب نے

پاس پڑا ہے ایٹم بم اور خوفزدہ ہیں ہم دشمن سے

چھوڑا نہیں افسوس کہیں کا مال و زر نے عیش و طرب نے

شوقِ شہادت رکھنے والے تیرے مجاہد قاتل ٹھہرے

صبح کے سچے متوالوں کو دہشت گرد کہا ہے شب نے

ویراں موٹر وے یورپ کے ، بس اسٹاپ بھی خالی خالی

تہذبیوں کی جنگ ہے جاری ، بند کیا ہے تیل عرب نے

منصور آفاق

دھند تھی دنیا شعورِ ذات سے پہلے

دسمبر 1, 2007منصور آفاق،شعراء،غزلمات،نعت،بات،تعلقات،ذات،راتadmin

منصور آفاق ۔ غزل نمبر 560

ساتھ نہ تھا کوئی اپنے ساتھ سے پہلے

دھند تھی دنیا شعورِ ذات سے پہلے

بزمِ سخن یعنی چہرہ بول پڑا تھا

غم کی تلاوت تھی، حمد و نعت سے پہلے

نیند بھری رات ! انتظار کسی کا

ہوتا تھا ترکِ تعلقات سے پہلے

کہتے ہیں خالی نگر میں رہتی ہیں روحیں

لوٹ چلیں گھر کو آؤ رات سے پہلے

کیسا تھا سناٹا تیرے عہدِ عدم میں

کیسی خموشی تھی پہلی بات سے پہلے

خواب تھے پنہاں شکستِ زعم میں شاید

فتح کی باتیں کہاں تھیں مات سے پہلے

منصور آفاق

ہم عجب پھول ترے صحنِ چمن سے نکلے

دسمبر 1, 2007منصور آفاق،شعراء،غزلفگن،چمن،وطن،کفن،گھٹن،پھن،بدن،سخن،عدنadmin

منصور آفاق ۔ غزل نمبر 559

اوس سے اخذ ہوئے، پہلی کرن سے نکلے

ہم عجب پھول ترے صحنِ چمن سے نکلے

ہم نے اس کے گل و گلزار سے کیا لینا ہے

اپنے اجداد تھے جس باغِ عدن سے نکلے

رات بھر قوسِ قزح پھیلی رہی کمرے میں

رنگ کیا کیا تری خوشبوئے بدن سے نکلے

دیکھ اے دیدئہ عبرت مرے چہرے کی طرف

ایسے وہ ہوتا ہے جو اپنے وطن سے نکلے

سائباں دھوپ کے ہی صرف نہیں وحشت میں

درد کے پیڑ بھی کچھ سایہ فگن سے نکلے

بستیاں ہیں مری، ماضی کے کھنڈر پر آباد

ذہن کیسے بھلا آسیبِ کہن سے نکلے

فوج اب ختم کرے اپنا سیاسی کردار

یہ مرا ملک خداداد گھٹن سے نکلے

یوں جہنم کو بیاں کرتے ہیں کرنے والے

جیسے پھنکار لپکتے ہوئے پھن سے نکلے

تیرے اشعار تغزل سے ہیں خالی منصور

ہم سخن فہم تری بزم سخن سے نکلے

منصور آفاق

اور پاؤں کئی چوکور چلے

دسمبر 1, 2007منصور آفاق،شعراء،غزللاہور،مور،چوکور،چور،گھنگھور،بلور،بور،زور،شورadmin

منصور آفاق ۔ غزل نمبر 558

بستی سے تری ،کمزور چلے

اور پاؤں کئی چوکور چلے

صحرا میں کہیں بھی ابر نہیں

دریا پہ گھٹا گھنگھور چلے

پھر میرے میانوالی نے کہا

تم لوگ کہاں لاہور چلے

یادوں میں مثالِ قوسِ قزح

رنگوں سے بھرا بلور چلے

گلیوں میں کہیں بندوق چلی

حکام مرے پُر شور چلے

دوچار پرندے ساتھ گریں

جس وقت یہ بارہ بور چلے

اب رنگ بدل کر پھول کھلیں

اب چال بدل کر مور چلے

میں اور جہاں خاموش رہا

سامان اٹھا کر چور چلے

منصور کہانی روندی گئی

کردار بڑے منہ زور چلے

منصور آفاق

گزرتے ہی نہیں جاں سے محرم مانگنے والے

دسمبر 1, 2007منصور آفاق،شعراء،غزلموسم،محرم،کسٹم،درہم،ریشمadmin

منصور آفاق ۔ غزل نمبر 557

ذرا سا زخم آئے تو یہ مرہم مانگنے والے

گزرتے ہی نہیں جاں سے محرم مانگنے والے

بناتے پھرتے ہیں کیسے تعلق قیس سے اپنا

بدن کے واسطے کمخواب و ریشم مانگنے والے

سب اُس بازار کے دلال ہیں رشتوں زمینوں تک

یہ استعمال کی چیزوں پہ کسٹم مانگنے والے

بھلا کیسے یہ ہوسکتے ہیں خادم کعبہ اللہ کے

یہ حج کو بیچنے والے یہ درہم مانگنے والے

کبھی منصور جا کر پوچھتے احوال کانٹوں کا

گلستان کیلئے پھولوں کا موسم مانگنے والے

منصور آفاق

آنشیبوں میں اتر آ اے فرازوں والے

دسمبر 1, 2007منصور آفاق،شعراء،غزلفرازوں،منصورمجازوں،محاذوں،گدازوں،جوازوں،رازوںadmin

منصور آفاق ۔ غزل نمبر 556

تیرہ غاروں میں کھڑی ہوتی نمازوں والے

آنشیبوں میں اتر آ اے فرازوں والے

میں تجھے اپنے رگ و پے سے نکل کر دیکھوں

تُو کہا ں ہے ، اے سلگتے ہوئے رازوں والے

کس لئے رکھا ہے مٹی میں تجسس کافسوں

میں تجھے ڈھونڈوں کہاں ،لاکھ جوازوں والے

اے مسافر یہ نگر سنگ نژادوں کا ہے

دل نہیں ہوتے یہاں سوزوں گدازوں والے

ایک آواز بغاوت کی سنائی تو دے

زندہ ہوجائیں گے سب مردہ محاذوں والےٍ

ایسے ممکن کہاں اُس اصل حقیقت سے وصال

سلسلے چھوڑ دے منصورمجازوں والے

منصور آفاق

تو ورد کرنے لگے لہو میں نزول زندہ کتاب والے

دسمبر 1, 2007منصور آفاق،شعراء،غزلکتاب،گلاب،باب،ثواب،شراب،صوابadmin

منصور آفاق ۔ غزل نمبر 555

نماز لمحوں میں آئے مجھ کو خیال عالی جناب والے

تو ورد کرنے لگے لہو میں نزول زندہ کتاب والے

خدا بھی محشر میں منتظر ہے اسی کی پلکوں کی جنبشوں کا

وہ جس کی رحمت کو دیکھتے ہیں تمام عیب و صواب والے

لبوں پہ مہکیں دلوں میں چہکیں جو قرآئتوں کی ہرے پرندے

دھنک دھنک رنگ سرسرائیں نظرنظر میں گلاب والے

جنابِ غالب یہ کہہ گئے ہیں بہت مسائل سہی جہاں کے

بہت ہیں کوثر کی نہر والے بہت ہیں حوضِ شراب والے

مرے مکاں میں کھلے ہوئے ہیں مری دعامیں ملے ہوئے ہیں

وہ نیکیوں والے سبز پتے وہ پھول باغِ ثواب والے

مری نظر کو سویردے بس حسیں تبسم بکھیرے دے بس

نئے زمانوں کے خواب والے نئی بہاروں کے باب والے

منصور آفاق

کس لیے روٹھ گئے ہم سے زمانے والے

دسمبر 1, 2007منصور آفاق،شعراء،غزلملانے،منانے،آنے،جانے،زمانے،سنانےadmin

منصور آفاق ۔ غزل نمبر 554

کچھ خبر بھی ہے تجھے آنکھ چرانے والے

کس لیے روٹھ گئے ہم سے زمانے والے

ہم نے خوابوں کے دریچوں سے یونہی جھانکا تھا

تم تھے فنکار فقط گیت سنانے والے

روٹھنے والے ہمیں اب تو اجازت دے دے

اور مل جائیں گے تجھ کو تو منانے والے

بجھ گئے درد کی پلکوں پہ سسکتے دیپک

ہو گئی دیر بہت دیر سے آنے والے

ہم تو ہاتھوں کی لکیروں کو بھی پڑھ لیتے ہیں

یہ تجھے علم نہ تھا ہاتھ ملانے والے

راس آئے نہیں منصور کو پھر دار و رسن

تم جو زندہ تھے ہمیں چھوڑ کے جانے والے

منصور آفاق

جانے کس شہر گئے شہر بسانے والے

دسمبر 1, 2007منصور آفاق،شعراء،غزلمنانے،اڑانے،آنے،بنانے،بجھانے،بسانے،تھانے،جلانے،جگانے،خانےadmin

منصور آفاق ۔ غزل نمبر 553

ناچنے والے وہ درویش وہ گانے والے

جانے کس شہر گئے شہر بسانے والے

بامِ تالاب پہ آباد کتابیں اور ہم

کیا ہوئے شمس وہ تبریز سے آنے والے

اب کہاں غالب و اقبال، کہاں فیض و فراز

رہ گئے ہم ہی فقط راکھ اڑانے والے

لفظ زندہ رہے شہ نامہء فردوسی کے

طاقِ نسیاں ہوئے ایران بنانے والے

کیا ہوئے درد کسی یاد کے مہکے مہکے

رات کے پچھلے پہر آ کے جگانے والے

اپنی صورت ہی نظر آنی تھی چاروں جانب

دیکھتے کیسے ہمیں آئنہ خانے والے

غزوئہ آتشِ نمرود ہو یا آتشِ دل

ہم ہمیشہ رہے بس آگ بجھانے والے

یہ شکاری نہیں حاسد ہیں ، ہماری زد میں

دیکھ کر حسنِ چمن شور مچانے والے

عشق کیا تجھ سے کیا جرم کیا ہے ہم نے

اب تو دہلیز تلک آگئے تھانے والے

اب کہاں شہرِ خموشاں میں ہم ایسے منصور

مردہ قبروں پہ چراغوں کو جلانے والے

منصور آفاق

تیرے ہوتے ہوئے ہو جاتے کسی کے کیسے

دسمبر 1, 2007منصور آفاق،شعراء،غزللبی،نفی،نمی،ڈری،کنی،کجی،کسی،گری،اسی،بھری،بری،خوشی،دری،روی،سری،شبیadmin

منصور آفاق ۔ غزل نمبر 552

جام کے بادہ کے خوشبو کے کلی کے کیسے

تیرے ہوتے ہوئے ہو جاتے کسی کے کیسے

زخم مرہم کی تمنا ہی نہیں کر سکتا

ہیں یہ احسان تری چارہ گری کے کیسے

نقشِ پا تیرے نہ ہوتے تو سرِ دشتِ وفا

جاگتے بخت یہ آشفتہ سری کے کیسے

اپنے کمرے میں ہمیں قید کیا ہے تُو نے

سلسلے تیرے ہیں آزاد روی کے کیسے

اتنے ناکردہ گناہوں کی سزا باقی تھی

ہائے در کھلتے بھلا بخت وری کے کیسے

صفر میں صفر ملاتے تھے تو کچھ بنتا تھا

جمع کر لیتے تھے اعداد نفی کے کیسے

جیپ آتی تھی تو سب گاؤں نکل آتا تھا

کیا کہوں بھاگ تھے اس بھاگ بھری کے کیسے

ہجر کی رات ہمیں دیکھ رہی تھی دنیا

بند ہو جاتے درے بارہ دری کے کیسے

ڈاک کے کام میں تو کوئی رکاوٹ ہی نہیں

سلسلے ختم ہوئے نامہ بری کے کیسے

موت کی اکڑی ہوئی سرد رتوں میں جی کر

یہ کھنچے ہونٹ کھلیں ساتھ خوشی کے کیسے

کون روتا ہے شبِ ہجر کی تنہائی میں

پتے پتے پہ ہیں یہ قطرے نمی کے کیسے

موج اٹھتی ہی نہیں کوئی سرِ چشمِ وفا

یہ سمندر ہیں تری تشنہ لبی کے کیسے

موت کی شکل بنائی ہی نہیں تھی اس نے

نقش تجسیم ہوئے جان کنی کے کیسے

آ ہمیں دیکھ کہ ہم تیرے ستم پروردہ

کاٹ آئے ہیں سفر تیرہ شبی کے کیسے

بس یہی بات سمجھ میں نہیں آتی اپنی

جو کسی کا بھی نہیں ہم ہیں اسی کے کیسے

آنکھ کہ چیرتی جاتی تھی ستاروں کے جگر

موسم آئے ہوئے ہیں دیدہ وری کے کیسے

کجکلاہوں سے لڑائی ہے ازل سے اپنی

دوست ہو سکتے ہیں ہم لوگ کجی کے کیسے

ہم چٹانوں کے جگر کاٹنے والے منصور

سیکھ بیٹھے ہیں ہنر شیشہ گری کے کیسے

منصور آفاق

بعد از خدا تُو وہ کہ اکیلا کہیں جسے

دسمبر 1, 2007منصور آفاق،شعراء،غزلاکیلا،تمنا،دریا،سراپا،عقبیadmin

منصور آفاق ۔ غزل نمبر 551

کوئی کہیں نہیں ترے جیسا کہیں جسے

بعد از خدا تُو وہ کہ اکیلا کہیں جسے

یہ دل ہے انتظار کا جلتا ہوا ا دیا

یہ چشم وہ مزارِ تمنا کہیں جسے

ہے مظہرِ جمال خدا پرتوِ صفات

وہ آئینہ کہ تیرا سراپا کہیں جسے

شیخِ حرم کو آج تک آیا نہیں خیال

طیبہ کی اک گلی ہے وہ عقبیٰ کہیں جسے

عرقاب روح و جسم اُس اسمِ خرام میں

منصورصبحِ عرش کا دریا کہیں جسے

منصور آفاق

صبحوں کی کالی کملی کا جلوہ کہیں جسے

دسمبر 1, 2007منصور آفاق،شعراء،غزلچہرہ،نغمہ،کعبہ،جلوہ،دریچہadmin

منصور آفاق ۔ غزل نمبر 550

وہ تیری چشمِ ناز ہے قبلہ کہیں جسے

صبحوں کی کالی کملی کا جلوہ کہیں جسے

تیری عظیم ذات سے منسوب اگر نہ ہو

پتھر کا اک مکان ہے کعبہ کہیں جسے

اک تیرا نام ہے کہ مدینہ صبا کا ہے

شہرِ بہارِ دل کا دریچہ کہیں جسے

گونجے نمازِ عصر کی آسودہ دھوپ میں

قوسِ قزح کے رنگوں کا نغمہ کہیں جسے

منصور دیکھتا ہوں میں تیرے جمال میں

صبحِ ازل نژاد کا چہرہ کہیں جسے

منصور آفاق

تُو ہے سمندروں کا کنارہ کہیں جسے

دسمبر 1, 2007منصور آفاق،شعراء،غزلہمارا،کنارہ،دوبارہ،سہارا،ستارہadmin

منصور آفاق ۔ غزل نمبر 549

مشکل کشا کہیں جسے، چارہ کہیں جسے

تُو ہے سمندروں کا کنارہ کہیں جسے

تُو صرف ایک آخری امید کی کرن

ہر گمشدہ سحر کا ستارہ کہیں جسے

حاصل ہے تیرا نام ہی حرف و کلام کا

مِل مِل کے اپنے ہونٹ دوبارہ کہیں جسے

ہم سے زیادہ اورمکرم کوئی نہیں

ہے دو جہاں کا والی ،ہمارا کہیں جسے

ایسا تو اور کوئی نہیں کائنات میں

منصور بے کسوں کا سہاراکہیں جسے

منصور آفاق

سوچتا ہوں کیا کروں کیسے کہوں سوری اسے

دسمبر 1, 2007منصور آفاق،شعراء،غزلگرمی،ایزی،تلخی،جلدی،سوریadmin

منصور آفاق ۔ غزل نمبر 548

لے گئی ہے دور اتنا، ایک ہی غلطی اسے

سوچتا ہوں کیا کروں کیسے کہوں سوری اسے

رفتہ رفتہ نیم عریاں ہو گئی کمرے میں رات

لگ رہی تھی آگ کی تصویر سے گرمی اسے

ایک بستر میں اکیلی کروٹیں اچھی نہیں

بھول جانی چاہیے اب شام کی تلخی اسے

لوگ کتنے جگمگاتے پھر رہے ہیں آس پاس

ہے یہی بہتر بھلا دو تم ذرا جلدی اسے

اُتنا ہی مشکل ہے یہ کارِ محبت جانِ من

تم سمجھتے پھر رہے ہو جس قدر ایزی اسے

منصور آفاق

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں: