کنکر سا کوئی کھٹک رہا ہے

اکتوبر 25, 2015پروین شاکر،شعراء،غزللٹک،کھٹک،پٹک،اٹک،بھٹک،جھٹکadmin

پروین شاکر ۔ غزل نمبر 117

اشک آنکھ میں پھر اٹک رہا ہے

کنکر سا کوئی کھٹک رہا ہے

میں اُس کے خیال سے گُریزاں

وہ میری صدا جھٹک رہا ہے

تحریر اُسی کی ہے ، مگر دل

خط پڑھتے ہُوئے اٹک رہا ہے

ہیں فون پہ کس کے ساتھ باتیں

اور ذہن کہاں بھٹک رہا ہے

صدیوں سے سفر میں ہے سمندر

ساحِل پہ تھکن پٹک رہا ہے

اک چاند صلیبِ شاخِ گُل پر

بالی کی طرح لٹک رہا ہے

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related