قمر جلالوی ۔ غزل نمبر 101

بلا سے ہو شام کی سیآ ہی کہیں تو منزل مری ملے گی

ادھر اندھیرے میں چل پڑوں گا جدھر مجھے روشنی ملے گی

ہجومِ محشر میں کیسا ملنا نظر فریبی بڑی ملے گی

کسی سے صورت تری ملے گی کسی سے صورت مری ملے گی

تمھاری فرقت میں تنگ آ کر یہ مرنے والوں کا فیصلہ ہے

قضا سے جو ہمکنار ہو گا اسے نئی زندگی ملے گی

قفس سے جب چھٹ کے جائیں گے ہم تو سب ملین گے بجز نشیمن

چمن کا ایک ایک گل ملے گا چمن کی اک اک کلی ملے گی

تمھاری فرقت میں کیا ملے گا، تمھارے ملنے سے کیا ملے گا

قمر کے ہوں گے ہزار ہا غم رقیب کو اک خوشی ملے گی

قمر جلالوی