عرفان صدیقی ۔ غزل نمبر 246

اب ضیابار وہ مہتاب ادھر بھی ہو جائے

ورنہ ممکن ہے مری رات بسر بھی ہو جائے

کسی وحشت نے بنایا ہے ہمیں خانہ بدوش

ہم جو صحرا ہی میں رہ جائیں تو گھر بھی ہو جائے

ریت میں پھول کھلیں، سنگ سے چشمہ پھوٹے

زندگی اس کا اشارہ ہے جدھر بھی ہو جائے

یہ کرشمہ کبھی ہوتے نہیں دیکھا ہم نے

سر بھی شانوں پہ رہے معرکہ سر بھی ہو جائے

MERGED پاؤں پتھر ہوں تو کیا وحشت سرکا حاصل

فرض کر لیجیے دیوار میں در بھی ہو جائے

عرفان صدیقی