اے چاند، دکھائی دے تو جانوں

جنوری 6, 2012عرفان صدیقی،غزلکمائی،دہائی،دکھائی،سمائی،سنائیadmin

عرفان صدیقی ۔ غزل نمبر 136

جلنے سے رہائی دے تو جانوں

اے چاند، دکھائی دے تو جانوں

تنہا نہیں نواحِ شب میں

آہٹ ہی سنائی دے تو جانوں

کیا زندہ ہے زخم کھانے والا

اک بار دہائی دے تو جانوں

دکھ دل سے بڑا نہیں ہے‘ معبود

تو دل کو سمائی دے تو جانوں

اوروں کا لہو لٹانے والے

کچھ اپنی کمائی دے تو جانوں

اے ذہن میں بسنے والی دُنیا

آنکھوں کو دکھائی دے تو جانوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related