یہ عمل تو پارسائی میں نہیں

دسمبر 1, 2007منصور آفاق،شعراء،غزلکلائی،گدائی،پارسائی،اکائی،خدائی،رسائیadmin

منصور آفاق ۔ غزل نمبر 396

درد کیوں چہرہ نمائی میں نہیں

یہ عمل تو پارسائی میں نہیں

آسماں ہیں میرے اندر ہی کہیں

ہاں مگر میری رسائی میں نہیں

فاقہ مستی کائناتوں پر محیط

معجزہ کوئی گدائی میں نہیں

میرے بنجاروں تمہاری خیر ہو

ایک بھی چوڑی کلائی میں نہیں

وقت میری وحدتوں میں ہے مقیم

میں زمانے کی اکائی میں نہیں

صرف میں منصور اک موجود ہوں

کوئی بھی پوری خدائی میں نہیں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related