منصور آفاق ۔ غزل نمبر 283

دل نہیں مانتا میں پھرتجھے چھوڑ آیا ہوں

یہ الگ بات بظاہر تجھے چھوڑ آیا ہوں

پاؤں پتھر تھے پہاڑوں کی طرح لگتے ہیں

سچ یہی ہے تری خاطر تجھے چھوڑ آیا ہوں

تُو جہاں بھول گیا تھا مجھے رکھ کر جاناں

میں اسی جگہ پہ آخر تجھے چھوڑ آیا ہوں

تُو جہنم کی گلی میں مجھے چھوڑآیا تھا

میں تو جنت میں مسافر تجھے چھوڑ آیا ہوں

جتنا ممکن تھا ترا ساتھ دیا ہے لیکن

آخرش میں بھی اے کافر تجھے چھوڑ آیا ہوں

منصور آفاق