پھر کہیں اور مر رہا ہوں میں

دسمبر 1, 2007منصور آفاق،شعراء،غزلمر،معتبر،ور،کر،پر،ابھر،اتر،اثر،بھر،سفرadmin

منصور آفاق ۔ غزل نمبر 336

پھر وہی بھول کر رہا ہوں میں

پھر کہیں اور مر رہا ہوں میں

جانتا ہوں منافقت کے گُر

شہر میں معتبر رہا ہوں میں

رابطے سانپ بنتے جاتے تھے

رخنے مٹی سے بھر رہا ہوں میں

رات کچھ اور انتظار مرا

آسماں پر ابھر رہا ہوں میں

ایک اندھا کنواں ہے چاروں اور

زینہ زینہ اتر رہا ہوں میں

آخری بس بھی جانے والی ہے

اور تاخیر کر رہا ہوں میں

ساتھ چھوڑا تھا جس جگہ تُو نے

بس اسی موڑ پر رہا ہوں میں

جانتا ہے تُو میری وحشت بھی

تیرے زیرِ اثر رہا ہوں میں

تتلیاں ہیں مرے تعاقب میں

کیسا گرمِ سفر رہا ہوں میں

کچھ بدلنے کو ہے کہیں مجھ میں

خود سے منصور ڈر رہا ہوں میں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related